ନୂଆଦିଲ୍ଲୀ: ମୋବାଇଲ ନମ୍ବର ପୋର୍ଟ ପାଇଁ ଭାରତୀୟ ଟେଲିକମ ନିୟାମକ ପ୍ରାଧିକରଣ (ଟ୍ରାଏ) ଦ୍ବାରା ପୂର୍ବ ପ୍ରକାଶ ସୂଚନା ଅନୁସାରେ ଜୁଲାଇ ପହିଲାରୁ ଏକ ନୂତନ ନିୟମ କାର୍ଯ୍ୟକାରୀ ହେବ। ଗତ ମାର୍ଚ୍ଚ ୧୪ ରେ ଏ ସମ୍ପର୍କରେ ପ୍ରକାଶିତ ବିଜ୍ଞପ୍ତି ଅନୁସାରେ ଏହି ନୂଆ ନିୟମ ସାରା ଦେଶରେ ଲାଗୁ ହେବ। ମୋବାଇଲ୍ ନମ୍ବର ପୋର୍ଟ ପାଇଁ ରହିଥିବା ନିୟମରେ ନବମ ଥର ପାଇଁ ସଂଶୋଧନ କରାଯାଇଥିଲା ବେଳେ ଏହି ନୂଆ ନିୟମ ଅନୁଯାୟୀ ବର୍ତ୍ତମାନ ଉପଭୋକ୍ତାମାନଙ୍କୁ ମୋବାଇଲ୍ ନମ୍ବର ପୋର୍ଟ ପାଇଁ ୭ ଦିନ ଅପେକ୍ଷା କରିବାକୁ ପଡିବ।

ମୋବାଇଲ୍ ଫୋନ୍ ନମ୍ବର ବ୍ୟବହାର କରି ବିଭିନ୍ନ ସ୍ତରରେ ଯେଭଳି ଠକେଇ କରାଯାଉଛି ତାହାକୁ ରୋକିବା ପାଇଁ ଟ୍ରାଏ ଏହି ନିୟମ ଆଣିଛି। ସିମ୍ କାର୍ଡ ଅଦଳବଦଳ ଘଟଣାକୁ ଦୃଷ୍ଟିରେ ରଖି ଟ୍ରାଏ ଦ୍ୱାରା ଏହି ନୂତନ ନିୟମ ଲାଗୁ କରାଯାଇଛି। ଟ୍ରାଏ ୭ ଦିନ ମଧ୍ୟରେ ମୋବାଇଲ୍ ନମ୍ବର ପୋର୍ଟ ପାଇଁ ଅନୁରୋଧକୁ ପ୍ରତ୍ୟାଖ୍ୟାନ କରିବାର ବିକଳ୍ପ ଦେଇଛି। ଏହି କାରଣରୁ ୟୁନିକ୍ ପୋର୍ଟିଂ କୋଡ୍ ଯଥା ୟୁପିସି ପ୍ରଦାନ କରିବାରେ ବିଳମ୍ବ ହେଉଛି।

ନୂତନ ନିୟମ ଅନୁଯାୟୀ, ୟୁପିସି କୋଡ୍ ସିମ୍ କାର୍ଡ ଅଦଳବଦଳ ଏବଂ ସିମ୍ ରିପ୍ଲେସମେଣ୍ଟର ୭ ଦିନର ବ୍ୟବଧାନ ରହୁଥିବାରୁ ବର୍ତ୍ତମାନ କୌଣସି ଗ୍ରାହକଙ୍କ ସିମ୍ କାର୍ଡକୁ ତୁରନ୍ତ ଜାରି କରି କେହି ଅପବ୍ୟବହାର କରିପାରିବେ ନାହିଁ ।

ଉଲ୍ଲେଖଯୋଗ୍ୟ ଯେ, ଟେଲିକମ୍‌ କମ୍ପାନୀଙ୍କ ଦ୍ବାରା ଯୋଗାଇ ଦିଆଯାଉଥିବା ମୋବାଇଲ୍ ନମ୍ବର ପୋର୍ଟେବିଲିଟି(ଏମଏନପି) ସେବା ଉପଭୋକ୍ତାମାନଙ୍କୁ ଅନ୍ୟ ଟେଲିକମ୍ ସେବା ସହ ଯୋଡି ହେବାକୁ ଅନୁମତି ଦେଇଥାଏ।

ନୂଆଦିଲ୍ଲୀ: ୨୦୨୨ ଶେଷ ହେବାକୁ ଆଉ ଅଳ୍ପ କିଛି ଦିନ ବାକି ରହିଛି। ୨୦୨୩ଠାରୁ ମଧ୍ୟ କେତେକ ଗୁରୁତ୍ୱପୂର୍ଣ୍ଣ ନିୟମ ବଦଳିବାକୁ ଯାଉଛି। ଏଥିରେ କ୍ରେଡିଟ୍ କାର୍ଡ, ବ୍ୟାଙ୍କ ଲକର, ଜିଏସ୍‌ଟି ଇ-ଇନ୍‌ଭଏସ୍, ପେଟ୍ରୋଲ-ଡିଜେଲ ଏବଂ ଏଲପିଜି ମୂଲ୍ୟ କ୍ଷେତ୍ରରେ କିଛି ପରିବର୍ତ୍ତନ ଅନ୍ତର୍ଭୁକ୍ତ।

ଲକରରେ ଥିବା ସାମଗ୍ରୀର କ୍ଷତି ପାଇଁ ବ୍ୟାଙ୍କ ଦାୟୀ

ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ବ୍ୟାଙ୍କ ଲକର ସହ ଜଡିତ ନୂତନ ନିର୍ଦ୍ଦେଶନାମା ଜାରି କରିଛି। ଏହି ନିୟମଗୁଡିକ ଆସନ୍ତା ଜାନୁୟାରୀ ପହିଲାଠାରୁ କାର୍ଯ୍ୟକାରୀ ହେବ। ଏହି ନିୟମ ଲାଗୁ ହେବା ପରେ ବ୍ୟାଙ୍କଗୁଡ଼ିକ ଲକର ପ୍ରସଙ୍ଗରେ ଗ୍ରାହକଙ୍କ ସହିତ ଆଉ ଇଚ୍ଛାଧୀନ କାର୍ଯ୍ୟ କରିବାକୁ ସମର୍ଥ ହେବେ ନାହିଁ। ଏହି ନିୟମାବଳୀ କାର୍ଯ୍ୟକାରୀ ହେବା ପରେ, ଯଦି ବ୍ୟାଙ୍କ ଲକରରେ ରଖାଯାଇଥିବା ସାମଗ୍ରୀର କୌଣସି କ୍ଷତି ହୁଏ, ତେବେ ଏଥିପାଇଁ ବ୍ୟାଙ୍କ ଦାୟୀ। ବ୍ୟାଙ୍କ ଏବଂ ଗ୍ରାହକଙ୍କ ମଧ୍ୟରେ ଏ ନେଇ ଏକ ଚୁକ୍ତିନାମା ସ୍ୱାକ୍ଷରିତ ହେବ। ଏହା ୩୧ ଡିସେମ୍ବର ପର୍ଯ୍ୟନ୍ତ ବୈଧ୍ୟ ରହିବ। ଏହାଫଳରେ ବ୍ୟାଙ୍କଗୁଡ଼ିକୁ ଏମ୍‌ଏମ୍‌ଏସ୍‌ ଏବଂ ଅନ୍ୟାନ୍ୟ ଉପାୟ ମାଧ୍ୟମରେ ଗ୍ରାହକଙ୍କୁ ଲକର ସମ୍ବନ୍ଧୀୟ ନିୟମର ପରିବର୍ତ୍ତନ ବିଷୟରେ ସମସ୍ତ ସୂଚନା ଦେବାକୁ ପଡିବ।

ପେଟ୍ରୋଲ-ଡିଜେଲ ଏବଂ ଏଲପିଜିର ନୂଆ ଦର

ପ୍ରତ୍ୟେକ ମାସର ଆରମ୍ଭ ସହିତ ପେଟ୍ରୋଲିୟମ କମ୍ପାନୀଗୁଡ଼ିକ ପେଟ୍ରୋଲ ଏବଂ ଡିଜେଲର ନୂଆ ଦର ସ୍ଥିର କରିଥାନ୍ତି। ପେଟ୍ରୋଲ ଏବଂ ଡିଜେଲ ଦେଶରେ ଦୀର୍ଘ ମାସ ହେବ ସ୍ଥିର ରହିଛି। ଏଭଳି ପରିସ୍ଥିତିରେ ବର୍ଷର ଶେଷ ଦିନରେ ତୈଳ କମ୍ପାନୀଗୁଡ଼ିକ ପେଟ୍ରୋଲ ଏବଂ ଡିଜେଲର ନୂଆ ମୂଲ୍ୟ ସ୍ଥିର କରିବେ। ଏହି ନୂଆ ଦର ଜାନୁଆରୀ ପହିଲା ସକାଳୁ ସ୍ପଷ୍ଟ ହୋଇଯିବ। ପେଟ୍ରୋଲ ଏବଂ ଡିଜେଲ ସହିତ ଘରୋଇ ଏବଂ ବାଣିଜ୍ୟିକ ଏଲପିଜି ସିଲିଣ୍ଡର ମୂଲ୍ୟରେ ପରିବର୍ତ୍ତନ ମଧ୍ୟ ଘୋଷଣା କରାଯାଇପାରେ। ପେଟ୍ରୋଲ ଏବଂ ଡିଜେଲ ସହିତ ଗାଡିରେ ବ୍ୟବହୃତ ସିଏନ୍‌ଜି ଏବଂ ଘରୋଇ ରୋଷେଇ ଘରେ ବ୍ୟବହୃତ ପିଏନ୍‌ଜି ଗ୍ୟାସର ମୂଲ୍ୟରେ ମଧ୍ୟ ପରିବର୍ତ୍ତନ ହୋଇପାରେ।

କ୍ରେଡିଟ୍ କାର୍ଡ ପୁରସ୍କାର ପଏଣ୍ଟ ସହିତ ଜଡିତ ନିୟମ ପରିବର୍ତ୍ତନ ହେବ

ନୂଆବର୍ଷରୁ କ୍ରେଡିଟ୍ କାର୍ଡ ବ୍ୟବହାର ସମ୍ପର୍କିତ ନିୟମ ପରିବର୍ତ୍ତନ ହେବ। ଏହି ପରିବର୍ତ୍ତନ କ୍ରେଡିଟ୍ କାର୍ଡ ମାଧ୍ୟମରେ ଦେୟ ଉପରେ ଅର୍ଜନ ହୋଇଥିବା ପୁରସ୍କାର ପଏଣ୍ଟ ସହିତ ଜଡିତ। ନୂତନ ବର୍ଷ ଆରମ୍ଭରୁ ଏଚ୍‌ଡିଏଫ୍‌ସି ବ୍ୟାଙ୍କ ଏହାର କ୍ରେଡିଟ୍ କାର୍ଡ ଦେୟ ଉପରେ ପ୍ରାପ୍ତ ପୁରସ୍କାର ପଏଣ୍ଟରେ କିଛି ପରିବର୍ତ୍ତନ କରିବାକୁ ଯାଉଛି। ଏଭଳି ପରିସ୍ଥିତିରେ ଗ୍ରାହକମାନଙ୍କୁ ୩୧ ଡିସେମ୍ବର ପୂର୍ବରୁ ସେମାନଙ୍କର କ୍ରେଡିଟ କାର୍ଡରେ ଅବଶିଷ୍ଟ ସମସ୍ତ ପୁରସ୍କାର ପଏଣ୍ଟ ଦେବାକୁ ପରାମର୍ଶ ଦିଆଯାଇଛି।

ଜିଏସ୍‌ଟି ଇ-ଇନଭଏସ୍ ସହିତ ଜଡିତ ନିୟମ ବଦଳିପାରେ

ନୂତନ ବର୍ଷରେ ଜିଏସ୍‌ଟି ଇ-ଇନଭଏସ୍ ଏବଂ ଇଲେକ୍ଟ୍ରୋନିକ୍ ବିଲ୍ ସହିତ ଜଡିତ ନିୟମରେ ମଧ୍ୟ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ହେବ। ଜିଏସ୍‌ଟି ଇ-ଇନଭଏସ୍ ପାଇଁ କାରବାର ସୀମା ୨୦ କୋଟିରୁ ୫ କୋଟି ଟଙ୍କାକୁ ହ୍ରାସ କରାଯାଇଛି। ଜିଏସ୍‌ଟି ନିୟମରେଏହି ପରିବର୍ତ୍ତନଗୁଡିକ ଜାନୁଆରୀ ୨୦୨୩ ଜାନୁଆରୀ ପହିଲାଠାରୁ ଲାଗୁ ହେବ। ଏପରି ପରିସ୍ଥିତିରେ ଯେଉଁ ବ୍ୟବସାୟୀମାନଙ୍କର କାରବାର ୫ କୋଟି ଟଙ୍କା କିମ୍ବା ତା’ଠାରୁ ଅଧିକ ଇଲେକ୍ଟ୍ରୋନିକ୍ ବିଲ୍ ସୃଷ୍ଟି କରିବା ଆବଶ୍ୟକ ହେବ।

ଗାଡ଼ି କିଣିବା ମହଙ୍ଗା ହେବ

ନୂଆବର୍ଷଠାରୁ ନୂତନ ଗାଡ଼ି କିଣିବା ମହଙ୍ଗା ହୋଇପାରେ। ଏମ୍‌ଜି ମୋଟର, ମାରୁତି ସୁଜୁକି, ହ୍ୟୁଣ୍ଡାଇ ମୋଟର୍ସ, ହୋଣ୍ଡା, ଟାଟା ମୋଟର୍ସ, ରେନୋ, ଅଡି ଏବଂ ମର୍ସିଡିଜ୍-ବେଞ୍ଜ୍ ସହିତ ପ୍ରମୁଖ ଅଟୋମୋବାଇଲ୍ କମ୍ପାନୀଗୁଡିକ ୨୦୨୩ରୁ ସେମାନଙ୍କ ଗାଡିର ମୂଲ୍ୟ ବୃଦ୍ଧି କରିବାକୁ ଘୋଷଣା କରିଛନ୍ତି। ଟାଟା ମୋଟର୍ସ କହିଛି ଯେ ଏହା ଜାନୁୟାରୀ ୨ରୁ ଏହାର ବାଣିଜ୍ୟିକ ଯାନ ମୂଲ୍ୟ ବୃଦ୍ଧି କରିବ। ହୋଣ୍ଡା ମଧ୍ୟ ଏହାର କାର ମୂଲ୍ୟ ୩୦,୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିବ ବୋଲି କହିଛି। ଏଭଳି ପରିସ୍ଥିତିରେ, ଯଦି ଆପଣ ନୂଆବର୍ଷରେ ଏକ ନୂଆ ଗାଡି କିଣିବାକୁ ଯୋଜନା କରୁଛନ୍ତି, ତେବେ ଏହା ବର୍ତ୍ତମାନର ଗାଡି ମୂଲ୍ୟ ଅପେକ୍ଷା ଆପଣଙ୍କ ପାଇଁ ମହଙ୍ଗା ହୋଇପାରେ।