ପୁରୀ : ଓଡ଼ିଶାର ଜନସାଧାରଣଙ୍କ ସେବାରେ ସମର୍ପିତ ହୁଅ । ମା’ମାନଙ୍କ ପାଇଁ ଭଲ କାମ କର । ଓଡ଼ିଶାର ଚାଷୀ ଓ ଆଦିବାସୀ ଭାଇଭଉଣୀଙ୍କ ପାଇଁ ଭଲ କାମ କରିବାକୁ ପ୍ରତିଷ୍ଠା ଦିବସରେ କର୍ମୀ ଓ କର୍ମକର୍ତ୍ତାଙ୍କୁ ଗୁରୁମନ୍ତ୍ର ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜେଡିର ୨୫ ବର୍ଷ ପୂର୍ତ୍ତି ଅବସରରେ ସୋମବାର ଦଳ ରୌପ୍ୟ ଜୟନ୍ତୀ ପାଳନ କରିଛି । ଏଥିପାଇଁ ତାଳବଣିଆ ପଡିଆରେ ଆୟୋଜିତ ହୋଇଥିଲା ରାଜ୍ୟସ୍ତରୀୟ ସମାବେଶ । ଏଥିରେ ରାଜ୍ୟର ବିଭିନ୍ନ ପ୍ରାନ୍ତରୁ ପ୍ରାୟ ୫୦ ହଜାରରୁ ଅଧିକ ଦଳୀୟ ନେତା, କର୍ମୀ ଓ କର୍ମକର୍ତ୍ତା ଯୋଗଦେଇଥିଲେ । ନୂଆବର୍ଷରୁ ନୂଆ ରଣନୀତି ନେଇ କାମ କରିବା ପାଇଁ ଗୁରୁମନ୍ତ୍ର ଦେଇଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ ।

ପ୍ରତିଷ୍ଠା ଦିବସ ସମାରୋହରେ ମୁଖ୍ୟମନ୍ତ୍ରୀ ଜୟ ଜଗନ୍ନାଥରୁ ଆରମ୍ଭ କରିଥିଲେ ଅଭିଭାଷଣ । ସମସ୍ତଙ୍କୁ ନୂଆବର୍ଷର ଆଗୁଆ ଶୁଭେଚ୍ଛା ଜଣାଇଥିବା ସହ ପ୍ରଭୁ ଶ୍ରୀଜଗନ୍ନାଥଙ୍କ ଧାମ ଶ୍ରୀକ୍ଷେତ୍ରକୁ ସ୍ୱାଗତ କରିଥିଲେ । ଚାଷୀ, ମା’ ଓ ଆଦିବାସୀ ଭାଇଭଉଣୀଙ୍କ ପାଇଁ ଭଲ କାମ କରିବାକୁ ପରାମର୍ଶ ଦେଇଥିଲେ । ଓଡ଼ିଶାର ସାଢେ ୪ କୋଟି ଲୋକ ୨୫ ବର୍ଷ ଧରି ସେବା କରିବାର ସୁଯୋଗ ଦେଇଥିବାରୁ ସେମାନଙ୍କ ନିକଟରେ ଋଣି ବୋଲି କହିଥିଲେ ମୁଖ୍ୟମନ୍ତ୍ରୀ । ବିଜେଡି ଏକ ସଫଳ ଆଞ୍ଚଳିକ ଦଳ । ବର୍ଷ ବର୍ଷ ଧରି ଜନସାଧାରଣଙ୍କ ଆଶୀର୍ବାଦ ପାଇଆସୁଛି ।

ତାଙ୍କୁ ସଦାବେଳେ ଅନ୍ୟ ପାର୍ଟିର ନେତାମାନେ କୁହନ୍ତି ଯେ, ବିଜେଡି ହେଉଛି ସବୁଠାରୁ ସଫଳ ଆଞ୍ଚଳିକ ଦଳ । ବିଜେଡି ଲୋକଙ୍କ ବିଶ୍ବାସକୁ ଭିତ୍ତି କରି ଲୋକଙ୍କ ସେବାରେ ବହୁତ ବର୍ଷ ହେଲା କାମ କରିଚାଲିଛି।ଯଦି ଆମେ ବିଚାର କରିବା କି କେଉଁ କାରଣ ପାଇଁ ବିଜେଡି ଲୋକଙ୍କ ଆଶୀର୍ବାଦ ବର୍ଷ ବର୍ଷ ଧରିକି ପାଇପାରିଛି, ତାହା ହେଲେ କିଛି ନିର୍ଦ୍ଦିଷ୍ଟ ଦିଗ ବା କାରଣ ବାହାରିବ।

ପ୍ରଥମ କାରଣ ସଂପର୍କରେ ବିଜେଡି ସୁପ୍ରିମୋ କହିଛନ୍ତି ଗୋଟିଏ ଆଞ୍ଚଳିକ ଦଳର ମୁଖ୍ୟ କର୍ତ୍ତବ୍ୟ ହେଉଛି  ରାଜ୍ୟବାସୀଙ୍କୁ ଆଖିରେ ରଖି ତାଙ୍କ ସେବାକୁ ଏକମାତ୍ର ଏଜେଣ୍ଡା ରଖିକି କାମ କରିବା। ବିଜେଡି କେବେ ବି ଏହି ଏଜେଣ୍ଡାରୁ ହଟି ନାହିଁ ବୋଲି ସେ ଜାଣନ୍ତି । ଓଡିଶାର ସ୍ବାର୍ଥ, ଓଡ଼ିଶାର ଉନ୍ନତି ଓଡଶାର ଗୌରବ, ଓଡଶାର ଭାଷା, ଓଡଶାର ସଂସ୍କୃତି ଓ ଓଡିଆର ସ୍ବାଭିମାନ ପାଇଁ ବିଜେଡି କାମ କରି ଆସୁଛି।

ଦ୍ବିତୀୟଟି ହେଲା ବିଜୁ ବାବୁଙ୍କ ଆଦର୍ଶ । ବିଜୁ ବାବୁ କେବଳ ଜଣେ ରାଜନେତା ନଥିଲେ, ସେ ଥିଲେ ଜଣେ ଦୂରଦୃଷ୍ଟି ସଂପନ୍ନ ବ୍ୟକ୍ତିତ୍ୱ । ଏହା ସେ ସବୁବେଳେ କହିଆସୁଛନ୍ତି ବୋଲି ନବୀନ କହିଥିଲେ । ତାଙ୍କର ପ୍ରତ୍ୟେକ ରକ୍ତବିନ୍ଦୁରେ ଓଡିଶାର ଉନ୍ନତି ଓ ଓଡିଶାର ସ୍ବାଭିମାନ ଭର୍ତ୍ତି ହୋଇ ରହିଥିଲା ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେ ମହାନ ଜନନାୟକ ଯେଉଁ ରାସ୍ତା ଦେଖାଇଛନ୍ତି, ସେହି ରାସ୍ତାରେ ତାଙ୍କ ନାମରେ ଗଠିତ ଦଳ କାମ କରୁଛି ଓ ଆଗକୁ ମଧ୍ୟ କରିବ ।

ତୃତୀୟଟି ହେଲା ସ୍ବଚ୍ଛ ଓ ନିର୍ମଳ ଶାସନ । ବିଜେଡିର ନିହିତ ସ୍ୱାର୍ଥ ହେଉଛି ଓଡିଶାର ଉନ୍ନତି । ଓଡିଶାବାସୀଙ୍କ ଉନ୍ନତି । ଏହାଛଡା ବିଜେଡିର ଦ୍ବିତୀୟ ନିହିତ ସ୍ୱାର୍ଥ ନାହିଁ ବୋଲି ନବୀନ ନିଜ ସମ୍ବୋଧନରେ ଉଲ୍ଲେଖ କରିଥିଲେ।

ବିଜେଡି ଲୋକଙ୍କ ଆଶୀର୍ବାଦ ପାଇବା ପଛରେ ଚତୁର୍ଥ କାରଣ ମହିଳା ସଶକ୍ତିକରଣ ବୋଲି ନବୀନ କହିଛନ୍ତି। ୨୦୦୦ ମସିହାରୁ ଯେତେବେଳେ ଓଡିଶାବାସୀ ବିଜେଡିକୁ ଆଶୀର୍ବାଦ କରିଆସିଛନ୍ତି, ସେତେବେଳେଠାରୁ ମା’ ମାନଙ୍କ ସଶକ୍ତିକରଣକୁ ଦଳ ଗୁରୁତ୍ବ ଦେଇ ଆସିଛି । ଆମର ଦୃଢ ବିଶ୍ବାସ, ମା ମାନଙ୍କ ଉନ୍ନତି ହିଁ ଓଡିଶାକୁ ଆଗକୁ ନେଇଯିବ। ସେଥିପାଇଁ ମିଶନ ଶକ୍ତି ଆଜି ମହିଳା ସଶକ୍ତିକରଣ ଦିଗରେ ଗୋଟିଏ ଗଣ ଆନ୍ଦୋଳନରେ ପରିଣତ ହୋଇଛି। ମା’ ମାନେ ସଶକ୍ତ ହେଲେ, ପରିବାର ସଶକ୍ତ ହେବ। ମା ମାନେ ସଶକ୍ତ ହେଲେ, ରାଜ୍ୟ ସଶକ୍ତ ହେବ। ମା ମାନେ ସଶକ୍ତ ହେଲେ, ସେ ଦେଶ ସଶକ୍ତ ହେବ।

ଗୋଟେ ନ ହେଲେ , ଅନ୍ୟ ଟି ହେବ ନାହିଁ ବୋଲି କହିଛନ୍ତି ବିଜେଡି ସୁପ୍ରିମୋ। ବିଜେଡି ପାଇଁ ସବୁ ବର୍ଗର ଉନ୍ନତି ଗୁରୁତ୍ବପୂର୍ଣ୍ଣ । ଆଦିବାସୀ ଭାଇଭଉଣୀ ହୁଅନ୍ତୁ ବା ଦଳିତ ଭାଇଭଉଣୀ ହୁଅନ୍ତୁ ବା ବା ଖ୍ରୀଷ୍ଟିଆନ ମୁସଲିମ ଭାଇଭଉଣୀ ହୁଅନ୍ତୁ । ସମସ୍ତଙ୍କ ଉନ୍ନତି ହେଲେ ଓଡିଶାର ଉନ୍ନତି ହେବ ଏବଂ ବିଜେଡି ସବୁବେଳେ ମାଲକାନଗିରିରୁ ମୟୁରଭଂଜ ପର୍ୟ୍ୟନ୍ତ,ବରଗଡରୁ ପୁରୀ ପର୍ୟ୍ୟନ୍ତ, ସବୁ ଗାଁ, ସବୁ ସହର ଓ ସବୁ ଅଞ୍ଚଳର ଉନ୍ନତି ପାଇଁ କାମ କରିଆସିଛି। ସାମଗ୍ରିକ ଅଭିବୃଦ୍ଧି ଓ ଆଞ୍ଚଳିକ ଅସନ୍ତୁଳନ ଦୂର କରିବା ଆମର କର୍ତ୍ତବ୍ୟ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ପୁରୀ : ବିଜୁ ଜନତା ଦଳର ୨୬ ତମ ପ୍ରତିଷ୍ଠା ଦିବସ ଉପଲକ୍ଷେ ଆଜି ପୁରୀ ତାଳବଣିଆରେ ରାଜ୍ୟସ୍ତରୀୟ ସମାବେଶ ଆୟୋଜିତ ହୋଇଛି । ଦଳ ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମାବେଶରେ ଯୋଗ ଦେଇଥିବା ଦଳୀୟ ନେତା ଓ କର୍ମୀଙ୍କୁ ସମ୍ବୋଧନ କରିଛନ୍ତି।ନୂଆବର୍ଷର ଆଗୁଆ ଶୁଭେଚ୍ଛା ସହ ଲୋକଙ୍କ ପାଇଁ ନିସ୍ୱାର୍ଥପର କାର୍ଯ୍ୟ ଜାରି ରଖିବାକୁ ଦଳର ନେତା ଓ କର୍ମୀଙ୍କୁ ଆହ୍ୱାନ ଦେଇଛନ୍ତି ନବୀନ।

ନବୀନ କହିଛନ୍ତି ଯେ ବିଜେଡି ସବୁବେଳେ ସବୁ ଗାଁ, ସହର ଓ ଅଞ୍ଚଳର ଉନ୍ନତି ପାଇଁ କାମ କରିଆସିଛି। ଓଡ଼ିଶାର ସର୍ବାଙ୍ଗୀନ ବିକାଶ ଆମର ମୂଳ ଲକ୍ଷ୍ୟ। କୌଣସି ଗୋଟିଏ ଗୋଷ୍ଠୀ, ଅଞ୍ଚଳ କିମ୍ବା ବର୍ଗ ପାଇଁ ନୁହେଁ ବରଂ ସମଗ୍ର ଓଡ଼ିଶା ପାଇଁ ବିଜେଡି ଛିଡ଼ା ହୋଇଛି। ଓଡ଼ିଶାର ଯାହା ସମସ୍ୟା ରହିଛି ତାକୁ ଦୂରଦୃଷ୍ଟିରେ ରଖି ନୈତିକତାର ସହ ଆମ ଦଳ କାମ କରୁଛି। ଆଞ୍ଚଳିକ ଦଳ ଭାବେ ବିଜେଡି ଜିଣିଛି ଓଡ଼ିଶାବାସୀଙ୍କ ଆଶା, ବିଶ୍ୱାସ ଓ ଭରସା। ଜାତୀୟ ଦଳ ନିଜର ଏଜେଣ୍ଡା ଧରି ଦିଲ୍ଲୀରୁ ଆସେ, ଆଉ ବିଜେଡି ପ୍ରତିଟି ଓଡ଼ିଆଙ୍କ ମତ ଆଧାରରେ ତିଆରି କରେ ଏଜେଣ୍ଡା, ଆଉ ଏହାକୁ ପୂରଣ ମଧ୍ୟ କରେ। ଲକ୍ଷ୍ୟପଥରୁ ବିଜେଡି କେବେ ହଟିନି। କର୍ତ୍ତବ୍ୟର ପଥରୁ ହୁଡ଼ିନୁ। ଜନସେବାକୁ ବ୍ରତ କରି ଆଗକୁ ବଢିଛୁ । ଓଡ଼ିଶାର ସ୍ବାର୍ଥ, ଗୌରବ, ଭାଷା, ସସ୍କୃତି, ଓ ସ୍ବାଭିମାନ ପାଇଁ କାମ କରୁଛୁ। ରାଜ୍ୟବାସୀଙ୍କୁ ଆଖିରେ ରଖି ନୂଆ ଓଡ଼ିଶା ଗଢୁଛୁ।

ବିଜେଡି ଓଡ଼ିଶାରେ ଆଉ ଏକ ଦଳ ହୋଇନାହିଁ। ବିଜେଡି ହେଉଛି ଏକ ସାମାଜିକ ଆନ୍ଦୋଳନ। ଏକ ନୁହେଁ, ସାମୂହିକତାରେ ବିଶ୍ବାସ କରେ ବିଜେଡି। ଲୋକଙ୍କ ହୃଦୟକୁ ଛୁଇଁବାର ଦାୟିତ୍ବ ନେଇଛନ୍ତି ବିଜେଡି କର୍ମୀ। କର୍ମୀଙ୍କ ପରିଶ୍ରମ, ଦଳକୁ ବିଶ୍ବାସଭାଜନ କରିଛି।ଏକ ରୂପାନ୍ତରିତ ରାଜ୍ୟ, ପରିବର୍ତ୍ତିତ ପ୍ରଦେଶ ଗଠନ କରିବାର ଝୁଙ୍କରେ ଆଗକୁ ବଢୁଛି ବିଜେଡି। ଆଉ ୧୨ ବର୍ଷରେ, ଆମେ ଓଡିଶା ଗଠନର ୧୦୦ ବର୍ଷ ପାଳନ କରିବୁ । ମୁଁ କହିବି ନାହିଁ ଯେ ଗତ କୋଡିଏ ବର୍ଷ ମଧ୍ୟରେ ଆମେ କେଉଁଠାରେ ପହଞ୍ଚିଛୁ । ଆପଣ ସମସ୍ତେ ଏବଂ ବିଶ୍ବ ଦେଖୁଛନ୍ତି ଏବଂଜାଣନ୍ତି।

ନବୀନ ଆହୁରି ମଧ୍ୟ କହିଛନ୍ତି, ଆମ ସ୍ବପ୍ନର ଓଡ଼ିଶା ଗଠନରେ ସମସ୍ତେ ସହଯୋଗ କରନ୍ତୁ। ଓଡ଼ିଶା ଅତୀତରେ କେଉଁଠି ଥିଲା ଏବେ ରାଜ୍ୟ ବିକାଶରେ କେଉଁଠି ପହଞ୍ଚିଛି, ତାହା ସାରା ବିଶ୍ବ ଜାଣିଛି। ବିଜେଡି ଏବେ ଆଉ ଦଳ ନୁହଁ ଏକ ସାମାଜିକ ଆନ୍ଦୋଳନ। ଓଡ଼ିଶାର ଉନ୍ନତି ସହ ସ୍ବଚ୍ଛ ଓ ନିର୍ମଳ ଶାସନ ବିଜେଡିର ଏକମାତ୍ର ଏଜେଣ୍ଡା । ମୁଁ ସମସ୍ତଙ୍କୁ ଆହ୍ବାନ କରୁଛି ଏବଂ ଅନୁରୋଧ କରୁଛି ଯେଉଁମାନେ ଓଡିଶାର ବିକାଶରେ ବିଶ୍ବାସ କରୁଛନ୍ତି ଏବଂ ଓଡ଼ିଶା ମାଟିର ସେବା କରିବାକୁ ଚାହୁଁଛନ୍ତି, ସେମାନେ ବହୁ ସଂଖ୍ୟାରେ ଆସି ବିଜୁ ଜନତା ଦଳରେ ଯୋଗଦେବେ। ବୃତ୍ତିଗତ ହୁଅନ୍ତୁ, ସାମାଜିକ କର୍ମୀ, କଳାକାର, କ୍ରୀଡ଼ା ବ୍ୟକ୍ତି କିମ୍ବା କୃଷକ ହୁଅନ୍ତୁ କିମ୍ବା କୌଣସି କ୍ଷେତ୍ରର କାମ କରୁଥାନ୍ତୁ,ବିଶେଷକରି ନୂତନ ଓଡ଼ିଶାର ସ୍ୱପ୍ନ ଦେଖୁଥିବା ଯୁବକମାନେ ବିଜୁ ଜନତା ଦଳରେ ଯୋଗଦିଅନ୍ତୁ।ବିଜୁ ଜନତା ଦଳ ହେଉଛି ଓଡିଶାର ଶକ୍ତି। ଆପଣ ମାନେ ଆମ ଶହ ସାମିଲ ହୋଇ ସ୍ୱପ୍ନର ଓଡ଼ିଶା ନିର୍ମାଣରେ ଆମକୁ ସମହଯୋଗ କରନ୍ତୁ ବୋଲି ନୀବନ କହିଛନ୍ତି।

ପୁରୀ :  ଓଡ଼ିଶାବାସୀଙ୍କ ଆଶା, ଆକାଂକ୍ଷା ପୂରଣ ସହ ରାଜ୍ୟକୁ ବିକାଶ ପଥରେ ନେବା ଲକ୍ଷ୍ୟ ନେଇ ବିଜୁ ଜନତା ଦଳ ପ୍ରତିଷ୍ଠା ହୋଇଥିଲା। ପ୍ରବାଦ ପୁରୁଷ ସ୍ବର୍ଗତ ବିଜୁ ବାବୁଙ୍କ ଆଦର୍ଶକୁ ପାଥେୟ କରି ବିଜେଡି ଇତି ମଧ୍ୟରେ ୨୫ ବର୍ଷ ଧରି ଉତ୍ସର୍ଗୀକୃତ ମନୋଭାବ ନେଇ କାମ କରି ଆସୁଛି। କୌଣସି ରାଜନୈତିକ ଦଳ ପାଇଁ ଏହା ବହୁତ ବଡ଼ ଉପଲବ୍ଧି । ଏହି କ୍ରମରେ ଆଜି ବିଜୁ ଜନତା ଦଳ ପୁରୀରେ ୨୬ ତମ ପ୍ରତିଷ୍ଠା ଦିବସ ପାଳନ କରୁଛି। ଏହି ଅବସରରେ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟ ଏବଂ ରାଜ୍ୟବାସୀଙ୍କ କଲ୍ୟାଣ ପାଇଁ ପୂର୍ଣ୍ଣ ପ୍ରାଣରେ ସମର୍ପିତ ସେବା କାର୍ଯ୍ୟ ଜାରି ରଖିବା ପାଇଁ ଦଳୀୟକର୍ମୀ ଓ ନେତାଙ୍କୁ ଆହ୍ବାନ ଜଣାଇଛନ୍ତି।

ପୁରୀଠାରେ ଆୟୋଜିତ ଉତ୍ସବରେ ନୂଆବର୍ଷର ଶୁଭକାମନା ଜଣାଇବା ସହିତ ଉଦବୋଧନ ଦେଇ ବିଜେଡି ସୁପ୍ରିମୋ କହିଛନ୍ତି, ଆପଣମାନେ ଆଦିବାସୀ, ଦଳିତ, ଚାଷୀ ଓ ମହିଳାମାନଙ୍କ ପାଇଁ ଭଲ କାମ କରନ୍ତୁ। ଓଡ଼ିଶାରେ ମାଆମାନଙ୍କୁ ମିଶନଶକ୍ତି ସ୍ବତନ୍ତ୍ର ପରିଚୟ ଦେଇଛି। ମୁଁ ସବୁବେଳେ କହି ଆସିଛି ଯେ, ଯଦି ମାଆମାନେ ଶକ୍ତିଶାଳୀ ହୁଅନ୍ତି, ପରିବାରଗୁଡ଼ିକ ଶକ୍ତିଶାଳୀ ହେବେ, ଯଦି ମାଆମାନେ ଶକ୍ତିଶାଳୀ, ରାଜ୍ୟ ଶକ୍ତିଶାଳୀ ହେବ, ଯଦି ମାଆମାନେ ଶକ୍ତିଶାଳୀ, ଦେଶ ଶକ୍ତିଶାଳୀ ହେବ। ମା ମାନେ ଆଗକୁ ଆସି ବିଭିନ୍ନ ଦାୟିତ୍ବ ନିଅନ୍ତୁ।

୨୦୦୦ ମସିହାରେ ଓଡିଶାର ଲୋକମାନେ ଆମକୁ ଆଶୀର୍ବାଦ ଦେଇ ସରକାର ଗଠନ କରିବା ପାଇଁ ଦାୟିତ୍ବ ଦେଇଥିଲେ। ଆମେ ମଧ୍ୟ ଲୋକମାନଙ୍କ ଆଶୀର୍ବାଦ ପାଇବା ପରେ ସେମାନଙ୍କ ପାଇଁ କାମ କରିଚାଲିଛୁ। ଆମର ପ୍ରାଥମିକତା ହେଉଛି ଆମର ମାତାମାନଙ୍କ ସଶକ୍ତିକରଣ । ଆମେ  ଦୃଢ ଭାବରେ ବିଶ୍ବାସ କରୁ ଯେ ଆମର ମାତାମାନଙ୍କର ବିକାଶ ଓଡିଶାକୁ ଆହୁରି ଆଗକୁ ନେଇଯିବ। ସେଥିପାଇଁ ମିଶନ ଶକ୍ତି ମହିଳା ସଶକ୍ତିକରଣରେ ଏକ ଜନ ଆନ୍ଦୋଳନରେ ପରିଣତ ହୋଇଛି। ଆମେ ସବୁବେଳେ ମା ମାନଙ୍କ ଉନ୍ନତିକୁ ଅଗ୍ରାଧିକାର ଦେଇ ବିଭିନ୍ନ ପଦକ୍ଷେପ ନେଉଛୁ। ଆଗକୁ ମଧ୍ୟ ନେବୁ। ଏବେ ଆମେ ୨୫ ବର୍ଷ ପୂରଣ କରିଛୁ, ଯଦି ମା ମାନଙ୍କ ଆଶୀର୍ବାଦ ଆମ ଉପରେ ଏପରି ରହିବ ତେବେ ବିଜେଡି ୨୫ କି ୫୦ ନୁହେଁ ,ଆଗାମୀ ୧୦୦ ବର୍ଷ ପର୍ଯ୍ୟନ୍ତ ଓଡ଼ିଶାବାସୀଙ୍କ ସେବା କରିବ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହୁରି ମଧ୍ୟ କହିଛନ୍ତି ଯେ  ଓଡ଼ିଶାବାସୀ ଦୀର୍ଘ ବର୍ଷ ସେବା କରିବାକୁ ବିଜେଡିକୁ ସୁଯାେଗ ଦେଇଛନ୍ତି । ଏ ସୁଯାେଗ ଦେଇଥିବାରୁ ଦଳ ରାଜ୍ୟବାସୀଙ୍କ ନିକଟରେ ଋଣୀ । ରାଜ୍ୟବାସୀଙ୍କ ଆସ୍ଥା ଓ ଭରସା ବିଜେଡି ପାଇଁ ବଡ଼ ପୁଞ୍ଜି । ଆମ ସ୍ବପ୍ନର ଓଡ଼ିଶା ଗଠନରେ ସମସ୍ତେ ସହଯାେଗ କରନ୍ତୁ। ଓଡ଼ିଶା ଅତୀତରେ କେଉଁଠି ଥିଲା, ଏବେ ରାଜ୍ୟ ବିକାଶରେ କେଉଁଠି ପହଞ୍ଚିଛି ତାହା ସାରା ବିଶ୍ବ ଜାଣିଛି । ବିଜେଡି ଏବେ ଆଉ ଦଳ ନୁହଁ ଏକ ସାମାଜିକ ଆନ୍ଦାେଳନରେ ପରିଣତ ହୋଇଛି ବୋଲି ନବୀନ କହିଛନ୍ତି । ଓଡ଼ିଶାର ଉନ୍ନତି ସହ ସ୍ବଚ୍ଛ ଓ ନିର୍ମଳ ଶାସନ ବିଜେଡିର ଏକମାତ୍ର ଏଜେଣ୍ଡା ବୋଲି ନବୀନ ପଟ୍ଟନାୟକ କହିଛନ୍ତି।