ମହାରାଷ୍ଟ୍ର ରାଜନୀତିରେ ପୁଣି ଏକ ବଡ଼ ଧରଣର ଅଦଳବଦଳ ଦେଖିବାକୁ ମିଳିଛି। ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେଙ୍କୁ ଆଉ ଏକ ଶକ୍ତ ଝଟକା ଲାଗିଛି। ଆଦିତ୍ୟ ଠାକରେଙ୍କ ଅତ୍ୟନ୍ତ ଘନିଷ୍ଠ ତଥା ବିଶ୍ୱସ୍ତ ନେତା ଭାବେ ପରିଚିତ ଥିବା ସଚିନ ଅହିର ଦଳ ଛାଡ଼ି ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଗୋଷ୍ଠୀରେ ସାମିଲ ହୋଇଛନ୍ତି। କେବଳ ସେତିକି ନୁହେଁ, ଶିନ୍ଦେ ଶିବିରରେ ଯୋଗଦେବାର ଗୋଟିଏ ଦିନ ପରେ ବୁଧବାର ତାଙ୍କୁ ମହାରାଷ୍ଟ୍ର ବିଧାନ ପରିଷଦର ଉପସଭାପତି ଭାବେ ମଧ୍ୟ ନିର୍ବାଚିତ କରାଯାଇଛି।

ବିନା ପ୍ରତିଦ୍ୱନ୍ଦ୍ୱିତାରେ ଉପସଭାପତି ନିର୍ବାଚିତ

ସୂଚନା ଅନୁଯାୟୀ, ମଙ୍ଗଳବାର ଦିନ ସଚିନ ଅହିର ମହାଯୁତି ମେଣ୍ଟର ପ୍ରାର୍ଥୀ ଭାବେ ଉପସଭାପତି ପଦ ପାଇଁ ନିଜର ନାମାଙ୍କନ ଦାଖଲ କରିଥିଲେ। ଅନ୍ୟପକ୍ଷରେ ମହାବିକାଶ ଅଘାଡ଼ି (MVA) ପକ୍ଷରୁ ଶିବସେନା (ୟୁବିଟି) ନେତା ଜେ.ଏମ୍ ଅଭ୍ୟଙ୍କର ପ୍ରାର୍ଥୀ ହୋଇଥିଲେ। ତେବେ ଶେଷ ମୁହୂର୍ତ୍ତରେ ଉଦ୍ଧବ ଗୋଷ୍ଠୀ ନିଜ ପ୍ରାର୍ଥୀଙ୍କୁ ପ୍ରତ୍ୟାହାର କରିନେବାରୁ ସଚିନ ଅହିର ବିନା ପ୍ରତିଦ୍ୱନ୍ଦ୍ୱିତାରେ ଏହି ଗୁରୁତ୍ୱପୂର୍ଣ୍ଣ ସାମ୍ବିଧାନିକ ପଦବୀ ପାଇଁ ନିର୍ବାଚିତ ହୋଇଛନ୍ତି। ଏହି ନାମାଙ୍କନ ଦାଖଲ ସମୟରେ ରାଜ୍ୟର ବରିଷ୍ଠ ନେତୃବୃନ୍ଦ ଉପସ୍ଥିତ ଥିଲେ ଏବଂ ଏହି ସମ୍ପୂର୍ଣ୍ଣ ପ୍ରକ୍ରିୟାକୁ ଏକନାଥ ଶିନ୍ଦେ ଅତ୍ୟନ୍ତ ଗୋପନୀୟ ରଖିଥିଲେ।

ଉଦ୍ଧବ ସେନା ପାଇଁ ଲଗାତାର ବିପର୍ଯ୍ୟୟ

ମହାରାଷ୍ଟ୍ରରେ ଶିବସେନା ବିଭାଜନ ପରେ ଉଦ୍ଧବ ଠାକରେଙ୍କ ଦଳ ପାଇଁ ଏହା ଅନ୍ୟତମ ବଡ଼ କ୍ଷତି। କିଛି ଦିନ ପୂର୍ବରୁ ଉଦ୍ଧବ ଗୋଷ୍ଠୀର ୬ ଜଣ ଲୋକସଭା ସାଂସଦ ମଧ୍ୟ ଦଳ ଛାଡ଼ି ଶିନ୍ଦେ ଶିବିରରେ ଯୋଗ ଦେଇଥିଲେ। ଏହାକୁ ଶିନ୍ଦେ ଗୋଷ୍ଠୀ ପକ୍ଷରୁ 'ଅପରେସନ୍ ଟାଇଗର-୩' ବୋଲି କୁହାଯାଉଛି। ଏବେ ଆଦିତ୍ୟ ଠାକରେଙ୍କ 'ଡାହାଣ ହାତ' କୁହାଯାଉଥିବା ସଚିନ ଅହିରଙ୍କ ପରି ଜଣେ ପ୍ରଭାବଶାଳୀ ତଥା ଅଭିଜ୍ଞ ବିଧାନ ପରିଷଦ ସଦସ୍ୟ (MLC) ଙ୍କ ଦଳତ୍ୟାଗ ୟୁବିଟି (UBT) କ୍ୟାମ୍ପର ମନୋବଳକୁ ବହୁ ମାତ୍ରାରେ ଦୁର୍ବଳ କରିଦେଇଛି।

ଦଳବଦଳ ଆଇନରୁ ବର୍ତ୍ତିବେ ସଚିନ!

ରାଜନୈତିକ ବିଶେଷଜ୍ଞଙ୍କ ମତରେ ଏକନାଥ ଶିନ୍ଦେଙ୍କ ଏହା ଏକ 'ମାଷ୍ଟରଷ୍ଟ୍ରୋକ୍' ଅଟେ। ଶିନ୍ଦେ ଗୋଷ୍ଠୀରେ ଯୋଗଦେବା ମାତ୍ରେ ସଚିନଙ୍କୁ ଉପସଭାପତି ପରି ସାମ୍ବିଧାନିକ ପଦବୀ ଦିଆଯାଇଛି, ଯାହାଫଳରେ ତାଙ୍କ ଉପରେ ଦଳବଦଳ ନିରୋଧୀ ଆଇନ କିମ୍ବା ଅଯୋଗ୍ୟ ଘୋଷଣା କାର୍ଯ୍ୟାନୁଷ୍ଠାନ ଲାଗୁ ହେବାର ସମ୍ଭାବନା ହ୍ରାସ ପାଇଛି। ପଦବୀ ଗ୍ରହଣ କରିବା ପରେ ସଚିନ ଅହିର କହିଛନ୍ତି ଯେ, ଏକନାଥ ଶିନ୍ଦେ ତାଙ୍କ ଉପରେ ଯେଉଁ ଭରସା ପ୍ରକଟ କରିଛନ୍ତି, ସେ ତାହାକୁ ନିଷ୍ଠାର ସହ ପାଳନ କରିବେ ଏବଂ ସମାଜର ସବୁ ବର୍ଗର ଲୋକଙ୍କୁ ନ୍ୟାୟ ପ୍ରଦାନ କରିବାକୁ ପ୍ରୟାସ କରିବେ।

ମୁମ୍ବାଇ : ଶିବସେନା ନେତା ତଥା ମହାରାଷ୍ଟ୍ରର ପରିବେଶ ମନ୍ତ୍ରୀ ଆଦିତ୍ୟ ଠାକରେ କରୋନା ସଂକ୍ରମିତ ହୋଇଛନ୍ତି । ଏନେଇ ସେ ନିଜେ ଟ୍ବିଟ୍ କରି ସୂଚନା ଦେଇଛନ୍ତି । ପରୀକ୍ଷା ରପୋର୍ଟରେ ସେ କରୋନା ସଂକ୍ରମିତ ଥିବା ସୂଚନା ଦେଇଛନ୍ତି।

On having mild symptoms of COVID, I had myself tested and I am COVID positive. I request everyone who came in contact with me to get themselves tested.

I urge everyone to realise that it is extremely important to not let your guard down. Please follow COVID protocols & stay safe

— Aaditya Thackeray (@AUThackeray) March 20, 2021

ସେହିପରି ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ କୋଭିଡ ପରୀକ୍ଷା କରାଇ ନେବାକୁ ପରାମର୍ଶ ଦେଇଛନ୍ତି । ଏଥିସହ ସରକାରଙ୍କ କରୋନା ଗାଇଡଲାଇନକୁ ମାନିବା ସହ ସୁସ୍ଥ ଓ ସୁରକ୍ଷିତ ରହିବାକୁ ପରାମର୍ଶ ଦେଇଛନ୍ତି ।