ନୂଆଦିଲ୍ଲୀ: ଶାହରୁଖ ଖାନଙ୍କ ଅଭିନିତ ଫିଲ୍ମ ‘ପଠାନ’ ବକ୍ସ ଅଫିସରେ ରେକର୍ଡ ସୃଷ୍ଟି କରିଛି। ପ୍ରାୟ ଚାରି ବର୍ଷ ପରେ ରୂପେଲି ପରଦାକୁ ଫେରିଥିବା ଶାହାରୁଖଙ୍କ ଫିଲ୍ମ ସାରା ବିଶ୍ୱରେ ୧୦୦ କୋଟିରୁ ଅଧିକ ରୋଜଗାର କରିଛି ଏବଂ ଏହା କରିବାରେ ‘ପଠାନ’ ପ୍ରଥମ ବଲିଉଡ ଚଳଚ୍ଚିତ୍ର ହୋଇଛି। ଏହି ଚଳଚ୍ଚିତ୍ରରେ ଶାହରୁଖଙ୍କ ବ୍ୟତୀତ ଦୀପିକା ପାଦୁକୋନ ଏବଂ ଜନ୍ ଅବ୍ରହାମ ମଧ୍ୟ ଅଭିନୟ କରିଛନ୍ତି। ସଲମାନ ଖାନଙ୍କର ମଧ୍ୟ ଏକ ଗେଷ୍ଟ ଆପିଆରନ୍ସ ରହିଛି। ଏଥିସହ ଏହି ସିନେମାରେ ଆମିର ଖାନଙ୍କ ଭଉଣୀ ନିଖତ ଖାନ ମଧ୍ୟ ଅଭିନୟ କରିଛନ୍ତି। ଯିଏ ପରଦାରେ ଶାହାରୁଖଙ୍କ କଥାକଥିତ ମାଆ ଭୂମିକାରେ ଅଭିନୟ କରିଛନ୍ତି। ଯଦି ଆପଣ ପଠାନ ଚଳଚ୍ଚିତ୍ରକୁ ଦେଖିଛନ୍ତି ଏବଂ ଆପଣ ଅମିରଙ୍କ ଭଉଣୀଙ୍କୁ ଚିହ୍ନିପାରି ନାହନ୍ତି ତେବେ ସେ କେଉଁ ଦୃଶ୍ୟରେ ଅଛନ୍ତି ଜାଣନ୍ତୁ।

ଅମିର ଖାନଙ୍କ ଭଉଣୀ ନୀଖତ ଖାନ ହେଗଡେ ‘ପଠାନ’ରେ ଶାହାରୁଖ ଖାନଙ୍କ ମାଆ ହୋଇଛନ୍ତି। ସେ ଜଣେ ଆଫଗାନିସ୍ତାନ ମହିଳାଙ୍କ ଚରିତ୍ରରେ ଅଛନ୍ତି । ଯିଏ ଶାହାରୁଖଙ୍କୁ ‘ପଠାନ’ ନାମ ଦେଇଥିଲେ। ବାସ୍ତବରେ ଏହି ଚଳଚ୍ଚିତ୍ରରେ ଶାହରୁଖଙ୍କ ଚରିତ୍ର ଜଣେ ଅନାଥ। ତାଙ୍କର ଲାଳନ ପାଳନ କରିଥିଲେ ନିଖତ ଖାନ। ଏକ ଦୃଶ୍ଯରେ- ନିଖତ କେବଳ ଶାହାରୁଖଙ୍କୁ ତାଙ୍କ ପୁଅ ବୋଲି ଡାକୁ ନାହନ୍ତୁ ବରଂ ସେହି ଦୃଶ୍ୟରେ ଏକ ତାବିଜ ମଧ୍ଯ ସେ ଶାହରୁଖଙ୍କ ହାତେର ବାନ୍ଧୁଛନ୍ତି। ଏହି ଦୃଶ୍ୟରେ ଉଭୟ ଅତ୍ୟନ୍ତ ଭାବପ୍ରବଣ ହେଉଥିବାର ଦେଖିବାକୁ ମିଳିଛି।

ସୋସିଆଲ ମିଡିଆରେ ନିଖତ ପ୍ରଶଂସକଙ୍କ ପାଇଁ  ‘ପଠାନ’ର କିଛି କ୍ଲିପ୍ ସେୟାର କରିଛନ୍ତି । ଯେଉଁଥିରେ ଶାହାରୁଖ ଏବଂ ନିଖତ ଏକାଠି ନଜର ଆସିଛନ୍ତି । ପ୍ରଶଂସକ ମଧ୍ଯ ଏହି ପୋଷ୍ଟକୁ ବେଶ ପସନ୍ଦ କରିଛନ୍ତି।

ନିଖତ ଅନେକ ଫିଲ୍ମ ପ୍ରଜୋଯନା କରିଛନ୍ତି। ଯେଉଁଥିରେ ରହିଛି- ତୁମ ମେରେ ହିରୋ, ଲଗନ, ମଦହୋସ ଭଳି ଅନେକ ଚଳଚ୍ଚିତ୍ରରେ ପ୍ରଜୋଯନା କରିଛନ୍ତି। ଏଥିସହ ମିଶନ ମଙ୍ଗଲ, ଶାଣ୍ଢ କି ଆଁଖ, ଉନସୁଙ୍ଗ ୱାରିଅର ଫିଲ୍ମରେ ମଧ୍ଯ ଅଭିନୟ କରିଛନ୍ତି।

ହିନ୍ଦୀ ବ୍ୟତୀତ ପଠାନ ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ରେକର୍ଡ ସୃଷ୍ଟି କରିଛି। ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ପ୍ରଥମ ଦିନରେ  ସାରା ବିଶ୍ୱରେ ୧୦୦.୯୬ କୋଟି ରୋଜଗାର କରିଛି। ଏହା ହେଉଛି ବଲିଉଡର ପ୍ରଥମ ଚଳଚ୍ଚିତ୍ର। ଶାହାରୁଖଙ୍କ ବ୍ୟତୀତ ଦୀପିକା ପାଦୁକୋନ ଏବଂ ଜନ୍ ଅବ୍ରହାମ ମଧ୍ୟ ଏଥିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।

ମୁମ୍ବାଇ: ରିଲିଜ୍‌ ହେବା ପୂର୍ବରୁ ବିବାଦ ଘେରରେ ଛନ୍ଦି ହୋଇଛି ଶାହାରୁଖ ଖାନଙ୍କ ଆଗାମୀ ଫିଲ୍ମ ‘ପଠାନ୍‌’ । ଫିଲ୍ମକୁ ବହିଷ୍କାର କରିବାକୁ ଅପିଲ କରିଛନ୍ତି ଅଯୋଧ୍ୟାର ମହନ୍ତ ରାଜୁ ଦାସ । ଏହାସହ ଦର୍ଶକଙ୍କୁ ଅପିଲ କରିଛନ୍ତି ଯେଉଁ ଥିଏଟରରେ ପଠାନ ଫିଲ୍ମ ସୋ ପଡୁଛି ସେହି ହଲକୁ ଜାଳି ଦିଆଯାଉ । ଫିଲ୍ମର ଏକ ଗୀତ ସହ ଜଡ଼ିତ ଦୃଶ୍ୟ ଏବଂ ପୋଷାକକୁ ନେଇ ବିବାଦ ଉଠିଛି । ଏପରିକି ‘ପଠାନ’ କୁ ବ୍ୟାନ୍ କରିବା ପାଇଁ ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ଚେତାବନୀ ଦେଇଛନ୍ତି ।‌

ସୁପର୍‌ଷ୍ଟାର୍‌ ଶାହାରୁଖ୍‌ ଖାନ୍‌ ଓ ଅଭିନେତ୍ରୀ ଦୀପିକା ପାଦୁକୋନଙ୍କ ଅଭିନୀତ ଏହି ଚଳଚ୍ଚିତ୍ରର ‘ବେସରମ୍‌ ରଂଗ’ ଗୀତ ଏବେ ରିଲିଜ୍‌ ହୋଇ ସାରିଛି। ତେବେ ଏହି ଗୀତ ରିଲିଜ ହେବା ପରେ ସେଥିରେ ଦୀପିକା ପିନ୍ଧିଥିବା ପୋଷାକଙ୍କୁ ନେଇ ବିଭିନ୍ନ ମହଲରେ ବିରୋଧ ପ୍ରଦର୍ଶନ କରାଯାଇଛି। ମଧ୍ୟପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ରା ଦୀପିକାଙ୍କ ଏହି ବେଶଭୂଷାକୁ ନେଇ ସମାଲୋଚନା କରିବା ପରେ କିଛି ଆନ୍ଦୋଳନକାରୀ ଏବେ ଆନ୍ଦୋଳନ କରିବାକୁ ରାସ୍ତାକୁ ଓହ୍ଲାଇଛନ୍ତି। ସେମାନେ ଶାହାରୁଖ୍‌ ଓ ଦୀପିକାଙ୍କ କୁଶପୁତ୍ତଳିକା ଦାହ କରି ‘ପଠାନ୍‌’କୁ ବିରୋଧ କରିଛନ୍ତି।

ବେଶରମ ରଙ୍ଗ ଗୀତରେ ଆପତ୍ତିଜନକ ଦୃଶ୍ୟ ସହ ଗେରୁଆ ରଙ୍ଗର ପୋଷାକ ପିନ୍ଧି ଫିଲ୍ମର ହିରୋଇନ ଦୀପିକା ପାଦୁକୋନ ହିରୋ ଶାହରୁଖଙ୍କ ସହ ରୋମାନ୍ସ କରୁଛନ୍ତି। ଏହାକୁ ବୟକଟ ପାର୍ଟି ଜୋରଦାର ବିରୋଧ କରିଛନ୍ତି।