ନୂଆଦିଲ୍ଲୀ: ଶୁକ୍ରବାର ରାତିରେ ଫେସବୁକ୍ ମେସେଞ୍ଜର, ଇନଷ୍ଟାଗ୍ରାମ ଏବଂ ହ୍ବାଟସଆପ କିଛି ସମୟ ପାଇଁ ଠପ ହୋଇଯାଇଥିଲା। ଲୋକମାନେ ମେସେଜ ପଠାଇବାକୁ ସକ୍ଷମ ହୋଇ ନ ଥିଲେ କିମ୍ବା କାହାର ମେସେଜ ଗ୍ରହଣ କରିପାରୁ ନ ଥିଲେ। କେବଳ ଭାରତ ନୁହେଁ, ବିଶ୍ବର ଅନେକ ଦେଶର ଉପଭୋକ୍ତାଙ୍କୁ ଏହି ସମସ୍ୟାର ସାମ୍ନା କରିବାକୁ ପଡିଥିଲା। ହ୍ବାଟସଆପ୍ର ନୂତନ ଗୋପନୀୟତା ନୀତିର ଆଗମନ ପରେ ଲୋକମାନେ ସିଗନାଲ୍ ଆପକୁ ବହୁତ ଡାଉନଲୋଡ୍ କରିଛନ୍ତି । ବର୍ତ୍ତମାନ ଯେତେବେଳେ ହ୍ବାଟସଆପ୍ ଠପ ହୋଇଯାଇଥିଲା, ସିଙ୍ଗନାଲ ମେସଜ ଆପ ଉପଭୋକ୍ତାମାନଙ୍କୁ ସ୍ୱାଗତ କରିଥିଲା। ସିଗନାଲ୍ ଟ୍ୱିଟ୍ କରି ଲୋଖିଥିଲା ଯେ, ୱେଲକମ ଏଭ୍ରିୱାନ।

ହ୍ବାଟସଆପ୍, ଫେସବୁକ୍ ଏବଂ ଇନଷ୍ଟାଗ୍ରାମ ସ୍ଥିର ହେବା ପରେ ସିଗନାଲ୍ ଟ୍ୱିଟ୍ କରି କହିଛି ଯେ, ସିଗନାଲ ଏକ ସୁରକ୍ଷିତ ସର୍ଭର।

Signal registrations are through the roof; welcome everyone! Solidarity to the folks working on the WhatsApp outage. People outside of the tech industry will never understand how weird it sounds when someone says that they are “looking forward to some weekend downtime.

— Signal (@signalapp) March 19, 2021

ଟ୍ୱିଟରରେ ଫେସବୁକ୍, ଇନଷ୍ଟାଗ୍ରାମ ଏବଂ ହ୍ବାଟସଆପ୍ର ଟ୍ରେଣ୍ଡ ଅନୁସରଣ କରି ଫେସବୁକର ଗେମିଂ ଟିମ୍ କହିଛି ଯେ, ଏହି ଅଘଟଣରେ ଅନେକ ଦଳ ଏକାଠି କାମ କରୁଛନ୍ତି। ଆମେ ଶୀଘ୍ର ଆପଣଙ୍କୁ ଅପଡେଟ୍ କରିବୁ। ବୈଷୟିକ ସମସ୍ୟା ହେତୁ ଫେସବୁକର ସେବା ବ୍ୟାହତ ହୋଇଥିଲା।

ଶୁକ୍ରବାର ରାତି ପ୍ରାୟ ୧୧ ଟା ସମୟରେ ହ୍ବାଟସଆପ୍ ଡାଉନ ହେବାର ସମସ୍ୟା ସାମ୍ନାକୁ ଆସିଥିଲା। ଭାରତ ସମେତ ବିଶ୍ବର ଅନ୍ୟ ଦେଶରେ ସର୍ଭରଡାଉନ୍ ହେତୁ ଉପଭୋକ୍ତାମାନେ ମଧ୍ୟ ସମାନ ସମସ୍ୟାର ସମ୍ମୁଖୀନ ହୋଇଥିଲେ। ଯଦିଓ ଫେସବୁକ୍ କିଛିକିଛି ସ୍ଥାନରେ ଚାଲୁଥିଲା, କିଛି ସ୍ଥାନରେ ମଧ୍ୟ ଉପଭୋକ୍ତାମାନେ ସମସ୍ୟାରେ ପଡ଼ିଥିଲେ। ହ୍ବାଟସଆପ୍ ଅସୁବିଧାରେ ପଡ଼ିବା ପରେ ଟ୍ୱିଟରରେ ମେମସ୍ ଛାଇ ଯାଇଥିଲା। ଟ୍ବିଟରରେ କିଛି ସମୟ ପାଇଁ #WhatsAppDown ଏବଂ #serverdown ଟ୍ରେଡିଂ କରିଥିଲା।

Thanks for your patience, that was a long 45 minutes but we are back! #WhatsAppDown

— WhatsApp (@WhatsApp) March 19, 2021

ତେବେ ଏ ବାବଦରେ କମ୍ପାନୀ ପକ୍ଷରୁ କୌଣସି ସରକାରୀ ସୂଚନା ପ୍ରଦାନ କରାଯାଇ ନାହିଁ। ହ୍ବାଟସଆପ୍ ଡାଉନ୍ ଥିବାବେଳେ ସୋସିଆଲ୍ ମିଡିଆ କମ୍ପାନୀ ତରଫରୁ ଏହି ବିବୃତ୍ତି ଜାରି କରି କହିଛି ଯେ, ଉପଭୋକ୍ତାମାନେ ଧର୍ଯ୍ଯ ରଖିଥିବରୁ ଲୋକଙ୍କୁ ଧନ୍ୟବାଦ ଜଣାଇଛି। କମ୍ପାନୀ କହିଛି ଯେ, ହ୍ବାଟସଆପ୍ କହିଛି ଯେ ୪୫ ମିନିଟ୍ ପାଇଁ ଏହି ସେବା ବାଧାପ୍ରାପ୍ତ ହୋଇଥିଲା। କିନ୍ତୁ ଏବେ କୌଣସି ସମସ୍ୟା ନାହିଁ।