ବର୍ତ୍ତମାନର ବିଶ୍ୱସ୍ତରୀୟ ପରିସ୍ଥିତି ଏବଂ ଯୁଦ୍ଧର ସିଧାସଳଖ ପ୍ରଭାବ ବଲିଉଡ୍ ବକ୍ସ ଅଫିସ୍ ଉପରେ ପଡ଼ିଥିବା ନେଇ ବଲିଉଡ୍ ସୁପରଷ୍ଟାର୍ ଅକ୍ଷୟ କୁମାର ଖୋଲାଖୋଲି ଭାବେ ମତ ରଖିଛନ୍ତି। ବର୍ତ୍ତମାନ ସିନେମା ଜଗତର ଅବସ୍ଥାକୁ ନେଇ ସେ କହିଛନ୍ତି ଯେ "ସବକା ଧନ୍ଦା ଚୌପଟ୍" ଅର୍ଥାତ୍ ସମସ୍ତଙ୍କ ବ୍ୟବସାୟ ନଷ୍ଟ ହୋଇଯାଇଛି। ଏଭଳି କଠିନ ପରିସ୍ଥିତିରେ ମଧ୍ୟ ସେ ତାଙ୍କର ଆଗାମୀ ଫିଲ୍ମ 'ଭୂତ ବଙ୍ଗଳା'କୁ ନେଇ ବେଶ୍ ଆଶାବାଦୀ ଅଛନ୍ତି ଏବଂ ଏହା ଦର୍ଶକଙ୍କୁ ପୁଣିଥରେ ସିନେମାଘରକୁ ଟାଣି ଆଣିବାରେ ସଫଳ ହେବ ବୋଲି ବିଶ୍ୱାସ ବ୍ୟକ୍ତ କରିଛନ୍ତି।

ବଲିଉଡ୍ ଉପରେ ଯୁଦ୍ଧର ପ୍ରଭାବ

ବର୍ତ୍ତମାନ ଚାଲିଥିବା ଯୁଦ୍ଧ ପରିସ୍ଥିତି କାରଣରୁ ମନୋରଞ୍ଜନ ଶିଳ୍ପ ବହୁ ମାତ୍ରାରେ ପ୍ରଭାବିତ ହୋଇଛି। ଅକ୍ଷୟ କୁମାର ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ, ବିଶ୍ୱବ୍ୟାପୀ ଅସ୍ଥିରତା କାରଣରୁ ଦର୍ଶକଙ୍କ ମନୋବଳ ଉପରେ ପ୍ରଭାବ ପଡ଼ିଛି ଏବଂ ଏହାର ସିଧାସଳଖ ଅସର ଫିଲ୍ମ ବ୍ୟବସାୟ ଉପରେ ଦେଖିବାକୁ ମିଳୁଛି। ତାଙ୍କ ମତରେ ବର୍ତ୍ତମାନ ବଲିଉଡର ଅଧିକାଂଶ ଫିଲ୍ମ ବ୍ୟବସାୟ କରିବାରେ ସଂଘର୍ଷ କରୁଛନ୍ତି, ଯାହା ଫଳରେ ସମସ୍ତଙ୍କ ବ୍ୟବସାୟ ମାନ୍ଦା ପଡ଼ିଯାଇଛି। ତଥାପି ଏହି ଚାପଗ୍ରସ୍ତ ପରିବେଶରେ ଦର୍ଶକଙ୍କୁ କିଛି ମାତ୍ରାରେ ମନୋରଞ୍ଜନ ଯୋଗାଇଦେବା ଜରୁରୀ ବୋଲି ସେ ମତ ରଖିଛନ୍ତି।

'ଭୂତ ବଙ୍ଗଳା' ଏକ ଅସଲି ହରର୍ କମେଡି

ନିଜର ଆଗାମୀ ଫିଲ୍ମ 'ଭୂତ ବଙ୍ଗଳା' ବିଷୟରେ ଆଲୋଚନା କରି ଅକ୍ଷୟ କହିଛନ୍ତି ଯେ ଏହା ତାଙ୍କର ପୂର୍ବ ହିଟ୍ ଫିଲ୍ମ 'ଭୁଲ୍ ଭୁଲୈୟା' ଠାରୁ ସମ୍ପୂର୍ଣ୍ଣ ଭିନ୍ନ। ଅକ୍ଷୟ ସ୍ପଷ୍ଟ କରିଛନ୍ତି ଯେ, "ଭୁଲ୍ ଭୁଲୈୟା ଏକ ସାଇକୋଲୋଜିକାଲ୍ କମେଡି ଥିଲା, କିନ୍ତୁ 'ଭୂତ ବଙ୍ଗଳା' ଏକ ଫାଣ୍ଟାସୀ ଏବଂ ଏହା ହେଉଛି ଅସଲି ହରର୍ କମେଡି"। ଦୀର୍ଘ ୧୪ ବର୍ଷ ପରେ ସେ ଲୋକପ୍ରିୟ ନିର୍ଦ୍ଦେଶକ ପ୍ରିୟଦର୍ଶନଙ୍କ ସହ ଏହି ଫିଲ୍ମ ମାଧ୍ୟମରେ ପୁଣି ଏକାଠି କାମ କରୁଛନ୍ତି, ଯାହାକୁ ନେଇ ପ୍ରଶଂସକଙ୍କ ମଧ୍ୟରେ ଉତ୍ସାହ ବଢ଼ିବାରେ ଲାଗିଛି।

ପରିବାର ଏବଂ ପିଲାଙ୍କ ପାଇଁ ଶ୍ରେଷ୍ଠ ମନୋରଞ୍ଜନ

ଆଗାମୀ ୧୦ ଏପ୍ରିଲ ୨୦୨୬ରେ ପରଦାକୁ ଆସିବାକୁ ଥିବା ଏହି ଫିଲ୍ମରେ ଅକ୍ଷୟଙ୍କ ସହ ୱାମିକା ଗବ୍ବି, ପରେଶ ରାୱଲ ଏବଂ ରାଜପାଲ ଯାଦବଙ୍କ ଭଳି ତାରକା ନଜର ଆସିବେ। ଏକ ଚାପଗ୍ରସ୍ତ ସମୟରେ, ପିଲାମାନେ ଏବଂ ପରିବାରର ସମସ୍ତ ସଦସ୍ୟ ଏକାଠି ବସି ହସିବା ପାଇଁ ଏହି ଫିଲ୍ମଟି ଏକ ବଢ଼ିଆ ବିକଳ୍ପ ହେବ ବୋଲି ନିର୍ମାତା ଏବଂ ଅଭିନେତା ଆଶା ରଖିଛନ୍ତି। ବର୍ତ୍ତମାନର ଟ୍ରେଣ୍ଡକୁ ନ ଦେଖି କେବଳ ଏକ ଭଲ କାହାଣୀ ଆଧାରରେ ଏହି ଫିଲ୍ମଟି ନିର୍ମାଣ କରାଯାଇଥିବା ଅକ୍ଷୟ ପ୍ରକାଶ କରିଛନ୍ତି।

ବଲିଉଡର ଲୋକପ୍ରିୟ ନିର୍ଦ୍ଦେଶକ ରୋହିତ ଶେଟ୍ଟୀ ନିଜର ଆଗାମୀ କମେଡି ଫିଲ୍ମ ‘ଗୋଲମାଲ୍‌ ୫’ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି। ଏଥର ଦର୍ଶକଙ୍କ ପାଇଁ ଏକ ବଡ଼ ସରପ୍ରାଇଜ୍ ରହିଛି। ରିପୋର୍ଟ ଅନୁଯାୟୀ, ଏହି ଫିଲ୍ମରେ ଅଜୟ ଦେବଗନ ଏବଂ ଅକ୍ଷୟ କୁମାରଙ୍କୁ ଏକାଠି ଦେଖିବାକୁ ମିଳିବ। ତେବେ ସବୁଠାରୁ ମଜାଦାର କଥା ହେଲା, ଦୁହେଁ ପରସ୍ପର ସହ ‘ଟମ୍ ଆଣ୍ଡ ଜେରି’ ଶୈଳୀରେ ଲଢ଼େଇ କରୁଥିବାର ନଜର ଆସିବେ।

‘ଦୋ ଔର୍ ଦୋ ପାଞ୍ଚ’ରୁ ମିଳିଛି ପ୍ରେରଣା

ଖବର ଅନୁଯାୟୀ, ରୋହିତ ଶେଟ୍ଟୀ ଏହି ଫିଲ୍ମର କାହାଣୀ ପାଇଁ ୧୯୮୦ ମସିହାର କ୍ଲାସିକ୍ ଫିଲ୍ମ ‘ଦୋ ଔର୍ ଦୋ ପାଞ୍ଚ’ (Do Aur Do Paanch) ରୁ ପ୍ରେରଣା ନେଇଛନ୍ତି। ଅମିତାଭ ବଚ୍ଚନ ଏବଂ ଶଶି କପୁରଙ୍କ ଅଭିନୀତ ସେହି ଫିଲ୍ମର କନ୍‌ସେପ୍ଟକୁ ନୂଆ ଢଙ୍ଗରେ ‘ଗୋଲମାଲ୍‌’ ଷ୍ଟାଇଲରେ ପରିବେଷଣ କରାଯିବ। ଏଥିରେ ଅଜୟ ଏବଂ ଅକ୍ଷୟଙ୍କ ମଧ୍ୟରେ ଥିବା ପ୍ରତିଦ୍ୱନ୍ଦ୍ୱିତା ଦର୍ଶକଙ୍କୁ ଭରପୂର ମନୋରଞ୍ଜନ ଯୋଗାଇବ।

୨୦୨୬ ମାର୍ଚ୍ଚରୁ ସୁଟିଂ ଆରମ୍ଭ

‘ଗୋଲମାଲ୍‌ ୫’ର ସୁଟିଂ ୨୦୨୬ ମସିହା ମାର୍ଚ୍ଚ ମାସରୁ ଆରମ୍ଭ ହେବାର ଯୋଜନା ରହିଛି। ଜୁନ୍ ମାସ ସୁଦ୍ଧା ଫିଲ୍ମର ଅଧିକାଂଶ ଭାଗ ସୁଟିଂ ଶେଷ କରିବାକୁ ଲକ୍ଷ୍ୟ ରଖାଯାଇଛି। ଏହି ଫିଲ୍ମରେ ପୁରୁଣା ‘ଗୋଲମାଲ୍’ ଟିମ୍ ଅର୍ଥାତ୍ ଅର୍ଶଦ ୱାର୍ସି, କୁନାଲ ଖେମୁ, ତୁଷାର କପୁର ଏବଂ ଶ୍ରେୟସ ତଲପଡେ ମଧ୍ୟ ନଜର ଆସିବେ।

ବଡ଼ ପରଦାରେ ମହାମୁକାବିଲା

ଅଜୟ ଦେବଗନ ଏବଂ ଅକ୍ଷୟ କୁମାର ପୂର୍ବରୁ ରୋହିତ ଶେଟ୍ଟୀଙ୍କ ‘କପ୍ ୟୁନିଭର୍ସ’ (Cop Universe) ରେ ଏକାଠି କାମ କରିଛନ୍ତି, କିନ୍ତୁ ଏକ ପୂର୍ଣ୍ଣାଙ୍ଗ କମେଡି ଫିଲ୍ମରେ ଦୁହିଁଙ୍କର ଏହି ମୁକାବିଲା ପ୍ରଥମ ଥର ପାଇଁ ଦେଖିବାକୁ ମିଳିବ। ୨୦୨୭ ମସିହାରେ ଫିଲ୍ମଟି ପ୍ରେକ୍ଷାଳୟକୁ ଆସିବ ବୋଲି ଆଶା କରାଯାଉଛି।

ମୁମ୍ବଇ: ୨୦୦୬ ମସିହାରେ ମୁକ୍ତିଲାଭ କରିଥିଲା ସୁପରହିଟ୍ କମେଡି ଫିଲ୍ମ ‘ଭାଗମ୍ ଭାଗ୍’। ପ୍ରିୟଦର୍ଶନ ଏହାର ନିର୍ଦ୍ଦେଶନା ଦେଇଥିଲେ। ଏହା ଦର୍ଶକଙ୍କୁ ଭରପୂର ମନୋରଞ୍ଜନ ଦେବା ସହ ବକ୍ସ ଅଫିସ୍‌ରେ ବି ଭଲ ଆୟ କରିଥିଲା। ସିନେମାର ମୁଖ୍ୟ ଚରିତ୍ରରେ ନଜର ଆସିଥିଲେ ଅକ୍ଷୟ କୁମାର, ପରେଶ ରାୱଲ ଓ ଗୋବିନ୍ଦା। ଦୀର୍ଘ ୧୮ ବର୍ଷ ପରେ ଏବେ ଏହାର ସିକ୍ବେଲ ଆସିବାକୁ ଯାଉଛି। ଏନେଇ ବିଧିବଦ୍ଧ ଭାବେ ଘୋଷଣା କରାଯାଇଛି। ଏହା ସହ ଏହି ଫିଲ୍ମ ମାଧ୍ୟମରେ ପୁଣି ଥରେ ଅକ୍ଷୟ କୁମାର, ଗୋବିନ୍ଦା ଏବଂ ପରେଶ ରାୱଲଙ୍କୁ ଏକାଠି ଦେଖିବାକୁ ମିଳିବ। ସରିତା ଅଶ୍ବିନ ବର୍ଦେ, ଶେମାରୁ ଏଣ୍ଟରଟେନମେଣ୍ଟ ସହ ମିଶି ଏହି ଫିଲ୍ମର ନିର୍ମାଣ କରିବେ। କେବଳ ସେତିକି ନୁହେଁ, ସରିତା ଏହାର କାହାଣୀ ମଧ୍ୟ ଲେଖୁଛନ୍ତି। ୨୦୨୫ ମଧ୍ୟଭାଗରେ ଏହି ଚଳଚ୍ଚିତ୍ରର ସୁଟିଂ ଆରମ୍ଭ ହୋଇପାରେ ବୋଲି କୁହାଯାଉଛି। ଫିଲ୍ମଟି ଯେଭଳି ଅଧିକ ମଜାଦାର ହେବ ସେଥିପ୍ରତି ନିର୍ମାତା ଗୁରୁତ୍ବ ଦେଉଛନ୍ତି। ବହୁତ ଜଲ୍‌ଦି ଫିଲ୍ମ ନିର୍ମାତା ଏହାର ଟାଇଟଲ୍‌ ଓ ଷ୍ଟାରକାଷ୍ଟ ଘୋଷଣା କରିପାରନ୍ତି ବୋଲି ଚର୍ଚ୍ଚା ହେଉଛି।

ବଲିଉଡ୍‌ ଅଭିନେତା ଅକ୍ଷୟ କୁମାର ତାଙ୍କ ଆଗାମୀ ଚଳଚ୍ଚିତ୍ର ‘ରାମସେତୁ’ ପାଇଁ ବେଶ୍‌ ଚର୍ଚ୍ଚାରେ ଅଛନ୍ତି। ଫିଲ୍ମଟି ସେତେବେଳେ ଚର୍ଚ୍ଚାକୁ ଆସିଥିଲା, ଯେତେବେଳେ ଅକ୍ଷୟ ଫିଲ୍ମର ପୋଷ୍ଟର୍‌ ସେୟାର୍ କରିଥିଲେ। ଏହାବାଦ୍‌ ଫିଲ୍ମର ନାମକୁ ନେଇ ମଧ୍ୟ ବିବାଦ ଦେଖାଦେଇଥିଲା। ନବରାତ୍ରୀ ଉପଲକ୍ଷେ ଏହାର ଟିଜର୍‌କୁ ରିଲିଜ୍‌ କରାଯାଇଛି। ଟିଜର୍‌ରୁ କାହାଣୀ ବିଷୟରେ ବେଶ୍‌ କିଛି ଆଭାସ ମିଳିଛି। ଫିଲ୍ମର ପୋଷ୍ଟର୍‌ ଦେଖି ଦର୍ଶକେ ଏହା ଏକ ପୌରାଣିକ ଫିଲ୍ମ ହେବ ବୋଲି ଭାବୁଥିଲେ। ଫିଲ୍ମର ନିର୍ମାତା ମଧ୍ୟ କାହାଣୀକୁ ଗୁପ୍ତ ରଖିବାକୁ ଚେଷ୍ଟା କରିଥିଲେ। ଅକ୍ଷୟ ରାମସେତୁକୁ ରକ୍ଷା କରିବା ମିଶନ୍‌ରେ ଅଛନ୍ତି ଓ ତାଙ୍କ ହାତରେ ତିନି ଦିନ ସମୟ ଅଛି ବୋଲି ଟିଜର୍‌ରେ ଦେଖାଯାଇଛି। ରାମସେତୁକୁ କିଭଳି ରକ୍ଷା କରାଯିବ ଓ କାହାଠାରୁ ରକ୍ଷା କରାଯିବ ତାହାକୁ ଗୁପ୍ତ ରଖାଯାଇଛି। ଅକ୍ଷୟ ଏହାର ଟିଜର୍‌କୁ ସେୟାର୍‌ କରି ଲେଖିଛନ୍ତି- ‘ରାମସେତୁର ପ୍ରଥମ ଝଲକ। ଆଶା କରୁଛୁ, ଆପଣମାନଙ୍କୁ ପସନ୍ଦ ଆସିବ। ’‘ରାମସେତୁ’ରେ ଅକ୍ଷୟ ଜଣେ ପ୍ରତ୍ନତତ୍ତ୍ବବିତ୍‌ ଭୂମିକାରେ ଅଭିନୟ କରିଛନ୍ତି। ଏଥିରେ ତାଙ୍କ ସହିତ ଜ୍ୟାକଲିନ୍‌ ଫର୍ଣ୍ଣାଣ୍ଡିଜ୍‌, ନୁସରତ୍‌ ବରୁଚା ମଧ୍ୟ ନଜର ଆସିବେ। ଅଭିଷେକ ଶର୍ମା ଏହାର ନିର୍ଦ୍ଦେଶନା ଦାୟିତ୍ବରେ ଅଛନ୍ତି। ଚଳିତବର୍ଷ ଅକ୍ଷୟ କୁମାରଙ୍କ ତିନୋଟି ଫିଲ୍ମ ରିଲିଜ୍‌ ହୋଇଛି। ଏଥିରେ ‘ବଚ୍ଚନ ପାଣ୍ଡେ’, ‘ପୃଥ୍ବୀରାଜ୍’ ଏବଂ ‘ରକ୍ଷାବନ୍ଧନ’ ଆଦି ରହିଛି। ଏହି ତିନୋଟି ଫିଲ୍ମ ବକ୍ସ ଅଫିସ୍‌ରେ ଭଲ ବ୍ୟବସାୟ କରିନାହିଁ। ଏବେ ଅକ୍ଷୟଙ୍କୁ ‘ରାମସେତୁ’ରୁ ବହୁତ କିଛି ଆଶା ରହିଛି। ‘ରାମସେତୁ’ ୨୫ ଅକ୍ଟୋବର ଦୀପାବଳି ଅବସରରେ ରିଲିଜ୍‌ ହେବ। ‘ରାମସେତୁ’ ବ୍ୟତୀତ ଅକ୍ଷୟ ‘ ବଡେ ମିଆଁ ଛୋଟେ ମିଆଁ’, ‘ଓଃ ମାଇଁ ଗଡ୍‌’, ‘ଗୋର୍‌ଖା’, ‘ସେଲ୍‌ଫି’ ଏବଂ ‘କ୍ୟାପସୁଲ୍‌ ଗିଲ୍‌’ ଭଳି ଫିଲ୍ମରେ ଅଭିନୟ କରୁଛନ୍ତି।

ବଲିଉଡ୍‌ ଅଭିନେତା କାର୍ତ୍ତିକ ଆର୍ୟନ୍‌, କିଆରା ଆଡଭାନି ଓ ତବୁଙ୍କ ଅଭିନୀତ ‘ଭୁଲଭୁଲୈୟା-୨’ର ଟ୍ରେଲର୍‌ ନିକଟରେ ଲଞ୍ଚ କରାଯାଇଛି। ଏହା ଦର୍ଶକଙ୍କୁ ପସନ୍ଦ ଆସିଛି। ଟ୍ରେଲର୍ ଜାରି ହେବା ପରେ ଦର୍ଶକେ ଫିଲ୍ମର ମୂଳ ଅଭିନେତା ଅକ୍ଷୟ କୁମାରଙ୍କୁ ମନେ ପକାଇଛନ୍ତି। ଏପରିକି ଟ୍ରୋଲର୍ସ କାର୍ତ୍ତିକଙ୍କୁ ମୂଳ ଫିଲ୍ମ ଅଭିନେତା ଅକ୍ଷୟ କୁମାରଙ୍କ ସହ ତୁଳନା କରିବା ଆରମ୍ଭ କରି ଦେଇଛନ୍ତି। କିଛି ଟ୍ରୋଲର୍ସ ଅକ୍ଷୟ କୁମାର ହିଁ ଭଲ ଅଭିନୟ କରିଥିବା କଥା କହିଛନ୍ତି। ଏକ ସାମ୍ବାଦିକ ସମ୍ମିଳନୀରେ ମଧ୍ୟ କାର୍ତ୍ତିକଙ୍କୁ ଏସମ୍ପର୍କରେ ପଚାରାଯିବାରୁ ସେ କହିଥିଲେ, ‘ଅକ୍ଷୟଙ୍କ ଭୂମିକା ସହ ମୁଁ ମୋର ଭୂମିକାକୁ ତୁଳନା କରିପାରିବି ନାହିଁ।

ଅକ୍ଷୟ ଜଣେ ବଡ଼ ଅଭିନେତା, ଏପରି କରିବା ଉଚିତ୍‌ ନୁହେଁ। ‘ଭୁଲ୍‌ ଭୁଲୈୟା’ରେ ତାଙ୍କ ଅଭିନୟ ମୋତେ ଭଲ ଲାଗିଥିଲା। ତାଙ୍କୁ ଦେଖିକି ମୁଁ ବଡ଼ ହୋଇଛି। ତେଣୁ ଭଲ ହେବ, ତାଙ୍କ ସହ ମୋର ତୁଳନା କରା ନ ଯାଉ। ଏଥିରେ ଆମେ ନୂଆ କିଛି କରିବା ପାଇଁ ଯୋଜନା କରିଛୁ। ଦର୍ଶକଙ୍କୁ ଏହି ଫିଲ୍ମ ପସନ୍ଦ ଆସିବ ବୋଲି ଆଶା ରଖିଛୁ। ତୁଳନା ହେବା ସ୍ବାଭାବିକ, କିନ୍ତୁ ଫିଲ୍ମ ରିଲିଜ୍‌ ପରେ ଦର୍ଶକେ ଏକ ଅଲଗା ଫିଲ୍ମ ଭଳି ଏହାକୁ ମନେ ରଖିବେ। ଏଠାରେ ପ୍ରକାଶ ଥାଉ କି, ‘ଭୁଲ୍‌ ଭୁଲୈୟା-୨’ ୨୦ମେ’ ୨୦୨୨ରେ ରିଲିଜ୍‌ ହେବ।

ମୁମ୍ବାଇ: ଗୁଟଖା କମ୍ପାନୀର ବ୍ରାଣ୍ଡ ଆମ୍ବାସଡର ପଦବୀରୁ ଓହରିଲେ ବଲିଉଡ୍‌ ଅଭିନେତା ଅକ୍ଷୟ କୁମାର। ପାନ୍‌ ମସାଲା ବ୍ରାଣ୍ଡରେ ଅକ୍ଷୟ କୁମାର ଯୋଡ଼ି ହୋଇଥିବାରୁ ଭୀଷଣ ଟ୍ରୋଲ ହୋଇଥିଲେ ଅକ୍ଷୟ କୁମାର। ସୋଶିଆଲ ମିଡିଆରେ ଅକ୍ଷୟ କୁମାରଙ୍କ ପ୍ରତି ଆକ୍ଷେପ ବଢ଼ିବା ପରେ ସେ ଏହି ନିଷ୍ପତ୍ତି ନେଇଛନ୍ତି। ଏବେ ସେ ଆଉ ଟବାକୋ ବ୍ରାଣ୍ଡର ଆଉ ଆମ୍ବାସଡର ରହିବେ ନାହିଁ ବୋଲି ଘୋଷଣା କରିଛନ୍ତି। ଗୁରୁବାର ରାତିରେ ତାଙ୍କ ଶୋସିଆଲ ମିଡିଆରେ ଘୋଷାଣା କରି ଗୁଟ୍‌ଖା ବ୍ରାଣ୍ଡକୁ ନାଁ କହିଛନ୍ତି। ଏମିତି କି ସେ ନିଜ ପ୍ରଶଂସକଙ୍କୁ କ୍ଷମା ମଧ୍ୟ ମାଗିଛନ୍ତି।

🙏🏻 pic.twitter.com/rBMZqGDdUI

— Akshay Kumar (@akshaykumar) April 20, 2022

ସୂଚାନା ଅନୁଯାୟୀ, ବଲିଉଡ୍‌ର ଶହାରୁଖ୍‌ ଖାନ୍‌ ଓ ଅଜୟ ଦେବଗନଙ୍କ ପରେ ପାନମସାଲା ବ୍ରାଣ୍ଡର ପ୍ରମୋସନ ପାଇଁ ଅକ୍ଷୟ କୁମାର ଯୋଗ ଦେଇଥିଲେ। ହେଲେ ଅକ୍ଷୟ କୁମାରଙ୍କ ଏହି ନିଷ୍ପତ୍ତିକୁ ତାଙ୍କ ଫ୍ୟାନ୍‌ମାନେ ନାପସନ୍ଦ କରିଥିଲେ। ଏନେଇ ସୋଶିଆଲ ମିଡିଆରେ ଅକ୍ଷୟ କୁମାରଙ୍କୁ ମହଙ୍ଗା ପଡ଼ିଥିଲା। ତାଙ୍କ ବିରୋଧରେ ବିଭିନ୍ନ ପ୍ରତିକ୍ରିୟାମାନ ଆସିଥିଲା।

ଅକ୍ଷୟ କୁମାର କହିଛନ୍ତି ଯେ, ବିଜ୍ଞାପନ ଓ ପ୍ରଚାରର ପ୍ରସାର ବାବଦକୁ ଯାହା ଟଙ୍କା କମାଇଛନ୍ତି ତାହା ଜନମଙ୍ଗଳକାରୀ ଉଦ୍ଦେଶ୍ୟରେ ବିନିଯୋଗ କରିବେ।

ନୂଆଦିଲ୍ଲୀ: ଖିଲାଡି ଷ୍ଟାର ଅକ୍ଷୟ କୁମାର ତାଙ୍କ ଆଗାମୀ ଚଳଚ୍ଚିତ୍ର ବଚ୍ଚନ ପାଣ୍ଡେଙ୍କ ନୂଆ ପୋଷ୍ଟର ସେୟାର କରିଛନ୍ତି। ଏହି ଫିଲ୍ମ ମାର୍ଚ୍ଚରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଅକ୍ଷୟ ଏହା ମଧ୍ୟ ପ୍ରକାଶ କରିଛନ୍ତି ଯେ ଫିଲ୍ମର ଟ୍ରେଲର ଫେବୃଆରୀ ୧୮ ଅର୍ଥାତ୍ ଶୁକ୍ରବାର ଦିନ ମୁକ୍ତିଲାଭ କରିବ।

ନୂଆ ପୋଷ୍ଟରରେ ଅକ୍ଷୟଙ୍କୁ ଏକ ଭୟାନକ ଗ୍ୟାଙ୍ଗଷ୍ଟର ରୂପେ ଦେଖାଯାଉଛନ୍ତି। ଚିତ୍ରରେ ଥିବା ଟ୍ୟାଗ ଲାଇନରେ ଲେଖା ଅଛି ଯେ, ‘ତୁମେ ମୋତେ ଗୁଣ୍ଡା ବୋଲି କହିପାରିବ ନାହିଁ, ମୁଁ ଗଡଫାଦର। ବଚ୍ଚନ ପାଣ୍ଡେ ଆପଣଙ୍କୁ ଡରାଇବା, ହସେଇବା ଓ କନ୍ଦେଇବାକୁ ପ୍ରସ୍ତୁତ। ଦର୍ଶକ ‘ବଚ୍ଚନ ପାଣ୍ଡେ’କୁ  ସମସ୍ତ ଭଲପାଇବା ଦିଅନ୍ତୁ ବୋଲି ଅକ୍ଷୟ କୁମାର କହିଛନ୍ତି ।

This is one character that has more shades than a paint shop! #BachchhanPaandey aapko daraane, hasaane, rulaane sab ke liye ready hai. Please give him all your love 🙏🏻
Trailer Out on 18th Feb, 2022. pic.twitter.com/zsEhEnwPeZ

— Akshay Kumar (@akshaykumar) February 15, 2022

ଚଳଚ୍ଚିତ୍ର ‘ବଚ୍ଚନ ପାଣ୍ଡେ’ ଏକ ଗ୍ୟାଙ୍ଗଷ୍ଟର ବଚ୍ଚନ ପାଣ୍ଡେଙ୍କ କାହାଣୀ। ଏହି ଚଳଚ୍ଚିତ୍ରରେ ଅକ୍ଷୟ କୁମାର ଜଣେ ଗ୍ୟାଙ୍ଗଷ୍ଟର ଭୂମିକାରେ ଅଭିନୟ କରନ୍ତି, ଯିଏ ଅଭିନେତା ହେବାକୁ ଇଚ୍ଛା କରନ୍ତି। ଏକ ଚଳଚ୍ଚିତ୍ରର ନିର୍ଦ୍ଦେଶନା ଦେବାକୁ ଚାହୁଁଥିବା ଜଣେ ସାମ୍ବାଦିକ ଭୂମିକାରେ ଅଭିନୟ କରୁଛନ୍ତି କ୍ରିତି ସାନନ୍। ଏହି ଚଳଚ୍ଚିତ୍ରରେ ଅର୍ଶଦ ୱାର୍ସି, ପଙ୍କଜ ତ୍ରିପାଠୀ ଏବଂ ପ୍ରତୀକ ବାବର ପ୍ରମୁଖ ଭୂମିକାରେ ଅଭିନୟ କରିଛନ୍ତି। ଏହି ଚଳଚ୍ଚିତ୍ରଟିକୁ ନିଶ୍ଚୟ କୁଟଣ୍ଡା ଲେଖିଥିବା ବେଳେ ନିର୍ଦ୍ଦେଶନା ଦେଇଛନ୍ତି ଫରହାଦ୍ ସମଜୀ। ଏହାପୂର୍ବରୁ ଏହା ଖ୍ରୀଷ୍ଟମାସ ୨୦୨୦ରେ ରିଲିଜ୍ ହେବାର ଥିଲା ।  କିନ୍ତୁ କରୋନା ମହାମାରୀ ହେତୁ ଏହାକୁ ସ୍ଥଗିତ ରଖାଯାଇଥିଲା।

ମୁମ୍ବାଇ: ଓଃ ମାଇ ଗଡ- ୨ ଫିଲ୍ମର ଆଜି ଫାର୍ଷ୍ଟ ଲୁକ୍ ଜାରି ହୋଇଛି । ଫିଲ୍ମର ହିରୋ ଅକ୍ଷୟ କୁମାର ଏ ସମ୍ପର୍କରେ ଆଜି ଟ୍ବିଟ କରି ସୂଚନା ଦେଇଛନ୍ତି । ଏଥିରେ ଅକ୍ଷୟଙ୍କୁ ଭଗବାନ ଶିବଙ୍କ ରୂପରେ ଦେଖିବାକୁ ମିଳିଛି । ପୋଷ୍ଟର ଶେୟାର କରିବା ସହ କ୍ୟାପ୍ସନ ଲେଖିଥିଲେ ଯେ, କର୍ତା କରେ ନ କର ସକେ ଶିବ କରେ ସୋ ହାୟ । ପୂର୍ବଥର ପରିି ଏଥର ମଧ୍ୟ ଆମେ ଏକ ମହତ୍ୱପୂର୍ଣ୍ଣ ସାମାଜିକ ବିଷୟ ନେଇ ଆସିଛୁ । ଆଶା କରୁଛୁ ଏହା ଆପଣଙ୍କୁ ନିଶ୍ଚିତ ଭାବେ ପସନ୍ଦ ଆସିବ ବୋଲି ଅକ୍ଷୟ କୁମାର କହିଛନ୍ତି ।

‘कर्ता करे न कर सके शिव करे सो होय ..’ 🙏🏻
Need your blessings and wishes for #OMG2, our honest and humble attempt to reflect on an important social issue. May the eternal energy of Adiyogi bless us through this journey. हर हर महादेव@TripathiiPankaj @yamigautam @AmitBrai pic.twitter.com/VgRZMVzoDy

— Akshay Kumar (@akshaykumar) October 23, 2021

ସେହିପରି ଏକ ୪୨ ସେକେଣ୍ଡର ଭିଡିଓ ଟ୍ବିଟରରେ ସେୟାର କରିଛନ୍ତି। ଯେଉଁଥିରେ ବଲିଉଡ ଅଭିନେତା ପଙ୍କଜ ତ୍ରିପାଠୀ ନଜର ଆସିଛନ୍ତି।

ब्रह्मांड का प्रारम्भ जहां
ब्रह्मांड का प्रस्थान जहां
आदि और अनंत काल के स्वामी , भगवान महाकाल के आशीर्वाद लेने तपस्वियों की नगरी उज्जैन पहुंचे मैं और मेरे मित्र @TripathiiPankaj #OMG2 pic.twitter.com/fkb1JXXs95

— Akshay Kumar (@akshaykumar) October 23, 2021

ସୂଚନାଯୋଗ୍ୟ, ୨୦୧୨ରେ ରିଲିଜ ହୋଇଥିବା ଓଃ ମାଇ ଗଡ ଫିଲ୍ମରେ ଅକ୍ଷୟ ଭଗବାନ ଶ୍ରୀକୃଷ୍ଣଙ୍କ ଭୂମିକା କରିଥିଲେ । ସେ ସମୟରେ ଏହି ଫିଲ୍ମର ବିଷୟବସ୍ତୁ ବେଶ ଚର୍ଚ୍ଚାର କାରଣ ସାଜିଥିଲା ଏବଂ ଭଲ ବ୍ୟବସାୟ ମଧ୍ୟ କରିଥିଲା ।

ନୂଆଦିଲ୍ଲୀ: ଗତ କିଛି ଦିନ ହେବ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଉଥିବା ଅକ୍ଷୟ କୁମାରଙ୍କ ମା’ଙ୍କ ବୁଧବାର ଦେହାନ୍ତ ହୋଇଛି। ତାଙ୍କୁ ଆଇସିୟୁରେ ଥିବା ମୁମ୍ବାଇର ହିରାନନ୍ଦାନୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ବୁଧବାର ସକାଳେ ଏକ ଟୁଇଟ୍‌ରେ ଅଭିନେତା ତାଙ୍କ ମା’ଙ୍କୁ ଶୋକ କରିଥିଲେ ଯେଉଁଥିରେ ଲେଖାଥିଲା: “ସେ ମୋର ମୂଳ ଥିଲେ। ଏବଂ ଆଜି ମୋର ଅସ୍ତିତ୍ୱର ମୂଳ ଅଂଶରେ ମୁଁ ଅସହ୍ୟ ଯନ୍ତ୍ରଣା ଅନୁଭବ କରୁଛି। ମୋର ମା ଏସ୍ ଅରୁଣା ଭାଟିଆ ଆଜି ସକାଳେ ଶାନ୍ତିପୂର୍ଣ୍ଣ ଭାବରେ ଏହି ଦୁନିଆ ଛାଡି ପୁନର୍ବାର ମିଳିତ ହୋଇଥିଲେ। ଅନ୍ୟ ଦୁନିଆରେ ମୋର ବାପା। ମୁଁ ଏବଂ ମୋର ପରିବାର ଏହି ସମୟ ଦେଇ ଗତି କରୁଥିବାରୁ ମୁଁ ତୁମର ପ୍ରାର୍ଥନାକୁ ସମ୍ମାନ କରେ। ଓମ୍ ଶାନ୍ତି। “

ବଲିଉଡ୍‌ର ଖିଲାଡି ଷ୍ଟାର୍‌ ଅକ୍ଷୟ କୁମାର ‘ବେଲ୍‌ ବଟମ୍’ ଆଜି ସିନେମା ହଲ୍‌ଗୁଡ଼ିକରେ ରିଲିଜ୍‌ ହୋଇଛି। ପୂରା ବଲିଉଡ୍‌ ଫିଲ୍ମ ଇଣ୍ଡଷ୍ଟ୍ରୀ ପାଇଁ ଏହା ଏକ ବଡ଼ ଦିନ। କରୋନା ଯୋଗୁଁ ବହୁ ଦିନ ପରେ ସିନେମା ହଲ୍‌ଗୁଡ଼ିକ ଖୋଲିଛି। ‘ବେଲ୍ ବଟମ୍’ ମାଧ୍ୟମରେ ସିନେମା ହଲ୍‌ରେ ଫିଲ୍ମ ରିଲିଜ୍‌ ପ୍ରକ୍ରିୟା ଆରମ୍ଭ ହୋଇଛି। ଏଥିପାଇଁ ଅକ୍ଷୟ ଓ ଫିଲ୍ମର ନିର୍ମାତାଙ୍କୁ ସବୁବର୍ଗର ଲୋକେ ପ୍ରଶଂସା କରିଛନ୍ତି। ଅକ୍ଷୟଙ୍କ ଏହି କାମ ପାଇଁ ବଲିଉଡ୍‌ ଅଭିନେତା ଅଜୟ ଦେବଗନ ତାଙ୍କର ପ୍ରଶଂସା କରିଛନ୍ତି। ଏସମ୍ପର୍କରେ ଅଜୟ ଟ୍ବିଟ୍ କରି ଲେଖିଥିଲେ ଯେ, ଅକ୍କି ‘ବେଲ୍‌ବଟମ୍‌’ ଫିଲ୍ମଟି ଭଲ ହୋଇଛି ବୋଲି ମୁଁ ଶୁଣୁଛି। ଏହାକୁ ସିନେମା ହଲ୍‌ରେ ରିଲିଜ୍‌ ପାଇଁ ତମେ ଯେଉଁ ସାହସ ଦେଖାଇଛ ସତରେ ତାହା ପ୍ରଶଂସାଯୋଗ୍ୟ।

Dear Akki, I’ve been hearing good reviews of Bell Bottom. Congratulations 🎉 Also, your leap of faith in making it a theatrical release is praiseworthy. With you in this👍🏼@akshaykumar#BellBottom

— Ajay Devgn (@ajaydevgn) August 19, 2021

ଏହାର ଜବାବରେ ଅକ୍ଷୟ ଲେଖିଛନ୍ତି ଯେ- ବହୁତ ବହୁତ ଧନ୍ୟବାଦ ଭାଈ। ଆଶାକରୁଛି ଜଲ୍‌ଦି ମହାରାଷ୍ଟ୍ରରେ ସିନେମା ହଲ୍‌ଗୁଡ଼ିକ ଖୋଲିଯାଉ, ଆଉ ଆପଣ ସିନେମାଟିକୁ ହଲ୍‌ରେ ଦେଖନ୍ତୁ। ଫିଲ୍ମ ବିଷୟରେ ତୁମର ରାୟ ଶୁଣିବାକୁ ଚାହୁଁଛି। ବଲିଉଡ୍ ଅଭିନେତ୍ରୀ କଙ୍ଗନା ରାନାୱତ୍‌ ମଧ୍ୟ ଏଥିପାଇଁ ଅକ୍ଷୟଙ୍କୁ ପ୍ରଶଂସା କରିଛନ୍ତି। ଏହାସହ ପୂରାଟିମ୍‌କୁ କଙ୍ଗନା ପ୍ରଶଂସା କରିଛନ୍ତି।

ଭୁବନେଶ୍ୱର: ଓଡ଼ିଶା ମୋ ପରିବାର ସଂଯୋଜକ ସୁବାସ ମହାରଣାଙ୍କୁ ଧନ୍ୟବାଦ ଜଣାଇଛନ୍ତି ବଲିଉଡ୍ ଅଭିନେତା ଖିଲାଡ଼ି ବୟ ଅକ୍ଷୟ କୁମାର । ସୁବାସଙ୍କ ସହାୟତା ପାଇଁ ଅକ୍ଷୟ ଏହି କୃତଜ୍ଞତା ପତ୍ର ପଠାଇଛନ୍ତି । ଅକ୍ଷୟଙ୍କ ବ୍ୟକ୍ତିଗତ କର୍ମଚାରୀ ଟୁଟୁ ଭୂୟାଁଙ୍କୁ ସାହାଯ୍ୟ କରଥିଲେ ସୁବାସ । ଟୁଟୁ ଭୂୟାଁଙ୍କ ପତ୍ନୀ ବ୍ରହ୍ମପୁର ମେଡିକାଲରେ ଭର୍ତ୍ତି ହୋଇଥିଲେ ।

ବ୍ରହ୍ଣପୁର ମେଡିକାଲରେ ଭର୍ତ୍ତି ପରେ ଓଡ଼ିଶା ମୋ ପରିବାରର ସଂଯୋଜକ ସୁବାସଙ୍କ ସମସ୍ତ ସହାୟତା ଏବଂ ସାହାଯ୍ୟ ଜାରି ରହିଥିଲା । ଫଳରେ ଭୂୟାଁଙ୍କ ଚିକିତ୍ସା ପାଇଁ ସବୁ ପ୍ରକାର ବ୍ୟବସ୍ଥା କରିଥିଲେ ସୁବାସ । ମେଡିକାଲରେ ତାଙ୍କର ସଫଳ ଅସ୍ତ୍ରୋପଚାର ହୋଇପାରିଥିଲା । ଏଥିପାଇଁ ଅଭିନେତା ତଥା ବଲିଉଡ ସୁପରଷ୍ଟାର କୃତଜ୍ଞତା ପତ୍ର ।

ମୁମ୍ବାଇ: ଦେଶରେ ଦୃତ ଗତିରେ ବୃଦ୍ଧି ପାଉଛି କରୋନା । ଜଣଙ୍କ ପରେ ଜଣେ ସେଲିବ୍ରିଟି କରୋନା ସଂକ୍ରମିତ ହେଉଛନ୍ତି । ଆଜି ବଲିଉଡ ଷ୍ଟାର ଅକ୍ଷୟ କୁମାର କରୋନା ସଂକ୍ରମିତ ହୋଇଛନ୍ତି । ଏ ନେଇ ସେ ନିଜେ ଟ୍ୱିଟ କରି ସୂଚନା ଦେଇଛନ୍ତି।

🙏🏻 pic.twitter.com/w9Q7m54BUN

— Akshay Kumar (@akshaykumar) April 4, 2021

ସେ ଟ୍ବିଟରେ ଲେଖିଛନ୍ତି ଯେ, ଆଜି ସକାଳୁ ତାଙ୍କର ରିପୋର୍ଟ ପଜିଟିଭ୍ ବାହାରିଛି। ଏହାପରେ ସେ ହୋମ୍ କ୍ୱାରେଣ୍ଟାଇନରେ ଥିବା କହିଛନ୍ତି ।  ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ କୋଭିଡ୍ ଟେଷ୍ଟ କରାଇବା ପାଇଁ ଅକ୍ଷୟ କୁମାର କହିଛନ୍ତି। ଏହାସହ ଅକ୍ଷୟ କୁମାର ଲେଖିଛନ୍ତି, ‘ବ୍ଯାକ ଟୁ ଭେରି ସୁନ୍’।