ନୂଆଦିଲ୍ଲୀ: ମଙ୍ଗଳବାର ଲୋକସଭାରେ ବଜେଟ ଅଧିବେଶନ ଚାଲିଥିବା ବେଳେ ଗୃହର କାର୍ଯ୍ୟଧାରାରେ ବାଧା ସୃଷ୍ଟି କରିବା ଏବଂ ନିୟମ ଉଲ୍ଲଂଘନ ଅଭିଯୋଗରେ ୮ ଜଣ ବିରୋଧୀ ସାଂସଦଙ୍କୁ ଅଧିବେଶନର ବାକି ସମୟ ପାଇଁ ନିଲମ୍ବିତ କରାଯାଇଛି। କଂଗ୍ରେସ ନେତା ରାହୁଲ ଗାନ୍ଧୀ ପୂର୍ବ ଲଦାଖରେ ୨୦୨୦ ଚୀନ୍ ବିବାଦ ପ୍ରସଙ୍ଗ ଉଠାଇବାକୁ ଜିଦ୍ ଧରିବା ପରେ ଗୃହରେ ଅଶାନ୍ତି ଦେଖାଦେଇଥିଲା, ଯାହା ପରେ ଏହି ନିଷ୍ପତ୍ତି ନିଆଯାଇଛି।

ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନା ବେଳେ ବିରୋଧୀ ଦଳର ନେତା ରାହୁଲ ଗାନ୍ଧୀ କୈଳାଶ ରେଞ୍ଜ ବିବାଦ ଏବଂ ଚୀନ୍ ସେନାର କାର୍ଯ୍ୟକଳାପ ବିଷୟରେ କହିବାକୁ ଚାହିଁଥିଲେ। ତେବେ ସରକାରୀ ପକ୍ଷ ଏହାକୁ ବିରୋଧ କରି କହିଥିଲେ ଯେ କୌଣସି ଅପ୍ରକାଶିତ ରିପୋର୍ଟ କିମ୍ବା ପୁସ୍ତକ ଉପରେ ଆଧାରିତ ତଥ୍ୟ ଗୃହରେ ରଖାଯାଇପାରିବ ନାହିଁ। ବାଚସ୍ପତିଙ୍କ ବାରମ୍ବାର ଅନୁରୋଧ ସତ୍ତ୍ୱେ ହଟ୍ଟଗୋଳ ଜାରି ରହିଥିଲା। ସ୍ଥିତି ଏତେ ଜଟିଳ ହୋଇଯାଇଥିଲା ଯେ କିଛି ସାଂସଦ ବାଚସ୍ପତିଙ୍କ ଆସନ ଆଡକୁ କାଗଜପତ୍ର ଫିଙ୍ଗିଥିଲେ, ଫଳରେ ଗୃହକୁ ମୁଲତବୀ ରଖିବାକୁ ପଡିଥିଲା।

ଗୃହ ପୁନର୍ବାର ଆରମ୍ଭ ହେବା ପରେ ଅଧ୍ୟକ୍ଷତା କରୁଥିବା ବିଜେପି ସାଂସଦ ଦିଲୀପ ସାଇକିଆ ବିଶୃଙ୍ଖଳିତ ଆଚରଣ ପାଇଁ ୮ ଜଣ ସାଂସଦଙ୍କ ନାମ ଘୋଷଣା କରିଥିଲେ। ସଂସଦୀୟ ବ୍ୟାପାର ମନ୍ତ୍ରୀ କିରେନ୍ ରିଜିଜୁ ସେମାନଙ୍କ ନିଲମ୍ବନ ପାଇଁ ପ୍ରସ୍ତାବ ଆଗତ କରିଥିଲେ, ଯାହା ଗୃହୀତ ହୋଇଥିଲା। ନିଲମ୍ବିତ ସାଂସଦମାନଙ୍କ ମଧ୍ୟରେ କଂଗ୍ରେସର ହିବି ଇଡେନ୍, ଅମରିନ୍ଦର ସିଂ ରାଜା ୱାରିଂ, ମାଣିକମ୍ ଟାଗୋର, ଗୁରଜିତ୍ ସିଂ ଔଜଲା, ପ୍ରଶାନ୍ତ ଯାଦବରାଓ ପଡୋଲେ, ଚାମଲା କିରଣ କୁମାର ରେଡ୍ଡୀ, ଡିନ୍ କୁରିଆକୋସ୍ ଏବଂ ସିପିଆଇ(ଏମ୍) ସାଂସଦ ଏସ୍. ଭେଙ୍କଟେଶନ୍ ସାମିଲ ଅଛନ୍ତି।

ନୂଆଦିଲ୍ଲୀ: ଡିସେମ୍ବର ୧ରୁ ସଂସଦର ଶୀତ ଅଧିବେଶନ । ୧ରୁ ୧୯ ତାରିଖ ଯାଏ ଚାଲିବ ଶୀତ ଅଧିବେଶନ। ଏ ନେଇ ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ସୂଚନା ଦେଇଛନ୍ତି। 

https://twitter.com/KirenRijiju/status/1987055977326072126

କିରଣ ରିଜିଜୁ ଟ୍ୱିଟ୍ କରି ଲେଖିଛନ୍ତି ଯେ, ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜୀ ଡିସେମ୍ବର ୧, ୨୦୨୫ରୁ ଡିସେମ୍ବର ୧୯, ୨୦୨୫ ପର୍ଯ୍ୟନ୍ତ ସଂସଦର ଶୀତକାଳୀନ ଅଧିବେଶନ ପାଇଁ ସରକାରଙ୍କ ପ୍ରସ୍ତାବକୁ ଅନୁମୋଦନ କରିଛନ୍ତି। ଏକ ସକାରାତ୍ମକ  ଅଧିବେଶନ ପାଇଁ ଆଶା କରାଯାଉଛି। ଯାହା ଆମ ଗଣତନ୍ତ୍ରକୁ ସୁଦୃଢ଼ କରିବ ଏବଂ ଲୋକଙ୍କ ଆକାଂକ୍ଷା ପୂରଣ କରିବ।

ନୂଆଦିଲ୍ଲୀ: ସୁପ୍ରିମକୋର୍ଟ ଏବଂ ହାଇକୋର୍ଟରେ ବିଚାରପତି ନିଯୁକ୍ତି ପାଇଁ ଥିବା କଲେଜିୟମ ବ୍ୟବସ୍ଥା ଉପରେ ପୁଣିଥରେ ପ୍ରଶ୍ନ ଉଠାଇଛନ୍ତି କେନ୍ଦ୍ର ଆଇନମନ୍ତ୍ରୀ କିରନ ରିଜିଜୁ। ସେ ଶୁକ୍ରବାର କଲେଜିୟମ ବ୍ୟବସ୍ଥାକୁ ସମ୍ବିଧାନର ବିରୋଧୀ ବୋଲି କହିଛନ୍ତି। ସୁପ୍ରିମକୋର୍ଟ ନିଜେ କଲେଜିୟମ ବ୍ୟବସ୍ଥା ବନାଇ ଥିଲେ। ୧୯୯୧ ପୂର୍ବରୁ ଏପରି କୌଣସି ବ୍ୟବସ୍ଥା ନ ଥିଲା। ସମସ୍ତ ବିଚାରପତି ସରକାରଙ୍କ ଦ୍ବାରା ନିଯୁକ୍ତ ହେଉଥିଲେ। ସମସ୍ତଙ୍କ ପାଇଁ, ବିଶେଷ କରି ସରକାରଙ୍କ ଲାଗି ସମ୍ବିଧାନ ହେଉଛି ଏକ ‘ପବିତ୍ର ଗ୍ରନ୍ଥ’। କୋର୍ଟ କିମ୍ବା କିଛି ବିଚାରପତିଙ୍କ ନିଷ୍ପତ୍ତି ଲାଗି ସମ୍ବିଧାନ ବିରୋଧୀ ବ୍ୟବସ୍ଥାକୁ କିପରି ଗ୍ରହଣ କରାଯିବ। ଏହି ନିଷ୍ପତ୍ତିକୁ ଦେଶ କେମିତି ସ୍ବୀକାର କରିବ। ଏହି ବ୍ୟବସ୍ଥା ସମ୍ବିଧାନର ବିରୋଧୀ। ପ୍ରତ୍ୟେକ ବିଚାରପତି ଠିକ୍‌ ବୋଲି ଭାବିବା ଭୁଲ୍‌। କିନ୍ତୁ ନ୍ୟାୟପାଳିକା ବ୍ୟବସ୍ଥାରେ ପ୍ରତ୍ୟେକ ରାୟ ଠିକ୍‌ ବୋଲି ଭାବିବାକୁ ପଡେ। ଗଣତାନ୍ତ୍ରିକ ବ୍ୟବସ୍ଥାରେ ଅଦାଲତଙ୍କ ନିର୍ଦ୍ଦେଶ କିମ୍ବା ନ୍ୟାୟପାଳିକା ନିଷ୍ପତ୍ତିକୁ କେହି ବି ଅସମ୍ମାନ କରିବାର ପ୍ରଶ୍ନ ଉଠୁନାହିଁ।

ଦେଶରେ ମାମଲା ବଢୁଥିବାବେଳେ ସରକାର କଲେଜିୟମ କରିଥିବା ସୁପାରିସକୁ ପକେଇ ରଖୁଥିବା ନେଇ ତାଙ୍କୁ ପ୍ରଶ୍ନ କରାଯାଇଥିଲା। ଏହା ଉପରେ ସେ କହିଛନ୍ତି ଯେ ସୁପ୍ରିମକୋର୍ଟ କିମ୍ବା ହାଇକୋର୍ଟ କଲେଜିୟମ ପ୍ରସ୍ତାବ ସୁପାରିସ କରିବା ପରେ ସରକାରଙ୍କ କାମ ଆରମ୍ଭ ହୋଇଥାଏ। ୧୯୯୧ରୁ ଏ ପର୍ଯ୍ୟନ୍ତ ସରକାର ଏହି ବ୍ୟବସ୍ଥାକୁ ସମ୍ମାନ ଦେଇ ଆସୁଛନ୍ତି। ନଚେତ୍‌ ଏହା ପରିବର୍ତ୍ତେ ଭଲ ବ୍ୟବସ୍ଥା ଆସିପାରିଥାନ୍ତା। ସର୍ବସମ୍ମତି କ୍ରମେ ସଂସଦ କଲେଜିୟମ ବ୍ୟବସ୍ଥା ପରିବର୍ତ୍ତେ ନ୍ୟାସନାଲ ଜୁଡିସିଆଲ ଆପଏଣ୍ଟମେଣ୍ଟ କମିଶନ (ଏନଜେଏସି) ଆଇନକୁ ମଞ୍ଜୁରି ଦେଇଥିଲା। କିନ୍ତୁ ସୁପ୍ରିମକୋର୍ଟ ଏହାକୁ ଖାରଜ କରିଦେଇଥିଲେ। କେବଳ କଲେଜିୟମ ସୁପାରିସରେ ବିଚାରପତି ନିଯୁକ୍ତି କଲେ ସରକାରଙ୍କ ଭୂମିକା କ’ଣ ରହିବ। ଭାରତ ସରକାରଙ୍କ କର୍ତ୍ତୁତ୍ବ କ’ଣ ରହିବ। କଲେଜିୟମ ବ୍ୟବସ୍ଥାରେ ଅନେକ ଦୁର୍ବଳତା ରହିଛି। ଏହା ବିରୋଧରେ ଲୋକେ ପ୍ରଶ୍ନ ଉଠାଉଛନ୍ତି। ଏହି ବ୍ୟବସ୍ଥାରେ ସ୍ବଚ୍ଛତା ନାହିଁ। ଏଥିନେଇ ଉତ୍ତରଦାୟୀ ମଧ୍ୟ ଧାର୍ଯ୍ୟ କରାଯାଇନାହିଁ। ସରକାର ଫାଇଲ୍ ଧରି ବସି ଯାଇଛନ୍ତି ବୋଲି ଯେମିତି କେହି କହିପାରିବେ ନାହିଁ। ତେବେ ସରକାରଙ୍କ ପାଖକୁ ଫାଇଲ୍‌ ପଠାନ୍ତୁନି। ନିଜେ ନିଯୁକ୍ତି କରୁଛନ୍ତି ଏବଂ ନିଜେ ଚଳାଉଛନ୍ତି, ବ୍ୟବସ୍ଥା କାର୍ଯ୍ୟ କରୁନାହିଁ। କାର୍ଯ୍ୟପାଳିକା ଏବଂ ନ୍ୟାୟପାଳିକା ଏକାଠି କାମ କରିବା ଜରୁରୀ।