ଗଜପତି: ଗଜପତି ଜିଲ୍ଲା ମୋହନା ପୋଲିସ କାମଳପୁର ନାକା ପଏଣ୍ଟ ରେ ଚେକିଙ୍ଗ ବେଳେ ସ୍କୋର୍ପିଓ ସହ ୧୮୨ ଗ୍ରାମ ସୁନା ଏବଂ ୩ କେଜି ରୁପା ଜବତ କରିଛି । GST ଫାଙ୍କିବା ଅଭିଯୋଗରେ ୨ ଜଣଙ୍କୁ ଅଟକ ରଖି ତଦନ୍ତ ଚଳାଇଛି ପୋଲିସ । ଅଟକ ଯୁବକ ମାନେ ହେଲେ ଗଞ୍ଜାମ ଜ଼ିଲ୍ଲା ପିତଳ ଅଂଚଳର କୃଷ୍ଣ ଚନ୍ଦ୍ର ସେନାପତି ଓ ଶତ୍ରୁଘନ ନାୟକ ।

ପୋଲିସର ସୂଚନା ଅନୁସାରେ ସକାଳ ପ୍ରାୟ ୭ଟା ସମୟରେ ମୋହନା ପୋଲିସ କାମଳପୁର ନାକା ପଏଣ୍ଟ ରେ ଚେକିଙ୍ଗ ଚଳାଇଥିଲା । ସେହି ସମୟରେ ବ୍ରହ୍ମପୁର ପଟରୁ ଆସୁଥିବା ସ୍କର୍ପିଓ ଗାଡିକୁ ଅଟକାଇ ଯାଞ୍ଚ ବେଳେ ସେଥିରୁ ୧୮୨ ଗ୍ରାମ ସୁନାର ଅଳଙ୍କାର ଓ ୩ କିଲୋ ରୁପାର ଅଳଙ୍କାର ଜବତ ହୋଇଥିଲା । ସେମାନଙ୍କ ପାଖରେ ଉପଯୁକ୍ତ କାଗଜ ପତ୍ର ନଥିବା ଯୋଗୁ ପୋଲିସ ସ୍କୋର୍ପିଓ ସହ ସୁନା ଏବଂ ରୁପା ସାମଗ୍ରୀ ଗୁଡିକୁ ଜବତ କରିଛି । ଉକ୍ତ ଅଳଙ୍କାର ଗୁଡିକ ଗଞ୍ଜାମ ଜ଼ିଲ୍ଲା ପିତଳ ଅଂଚଳରୁ ମୁନିଗୁଡା ଅଂଚଳକୁ ନେଉଥିବା ଜଣାପଡିଛି । ୨ ଜଣଙ୍କୁ ଅଟକ ରଖି ଅଧିକ ତଦନ୍ତ ଚଳାଇଥିବା ଥାନା ଅଧିକାରୀ ପ୍ରଶାନ୍ତ କୁମାର ନିଶିକା ସୂଚନା ଦେଇଛନ୍ତି ।