ଲାହୋର : ଦକ୍ଷିଣ ଆଫ୍ରିକା ଓ ନ୍ୟୁଜିଲାଣ୍ଡ ମଧ୍ୟରେ ଚାମ୍ପିଅନ୍ସ ଟ୍ରଫିର ଦ୍ୱିତୀୟ ସେମିଫାଇନାଲ ମୁକାବିଲା ଆଜି ଗଦ୍ଦାଫି ଷ୍ଟାଡିୟମ୍‌ରେ ଖେଳାଯିବ। ଅନ୍ତର୍ଜାତୀୟ କ୍ରିକେଟରେ ଉଭୟ ଦଳ ପରସ୍ପର ସହ ଖୁବ୍‌ ମ୍ୟାଚ୍‌ ଖେଳିଛନ୍ତି। ଏହା ଫଳରେ ଉଭୟ ଦେଶ ମଧ୍ୟରେ ପ୍ରତିଦ୍ୱନ୍ଦ୍ୱିତା କମ୍‌ ଦେଖିବାକୁ ମିଳିଛି। ଏହି ପ୍ରତିଯୋଗିତାରେ ଉଭୟ ଦଳ ଦମ୍‌ଦାର ଖେଳ ପ୍ରଦର୍ଶନ କରିଛନ୍ତି। ଦକ୍ଷିଣ ଆଫ୍ରିକା ଉଭୟ ଇଂଲଣ୍ଡ ଓ ଆଫଗାନିସ୍ତାନକୁ ପରାସ୍ତ କରିଥିଲାବେଳେ ଅଷ୍ଟ୍ରେଲିଆ ସହ ମ୍ୟାଚ୍‌ ବର୍ଷା ଯୋଗୁଁ ବାତିଲ ହୋଇଥିଲା।

ତେମ୍ବା ବଭୂମାଙ୍କ ନେତୃତ୍ୱରେ ଗଠିତ ଦକ୍ଷିଣ ଆଫ୍ରିକା ଦଳ ନିକଟ ଅତୀତରେ ଏକ ଶକ୍ତିଶାଳୀ ଦଳ ଭାବେ ଉଭା ହୋଇଛି। ବ୍ୟାଟିଂ ହେଉ ବା ବୋଲିଂ ଉଭୟ ବିଭାଗରେ ଦକ୍ଷିଣ ଆଫ୍ରିକାର ଯେପରି ଦକ୍ଷତା ରହିଛି, ତାହାର ପ୍ରତିଦ୍ୱନ୍ଦ୍ୱୀ ନ୍ୟୁଜିଲାଣ୍ଡ ନିକଟରେ ମଧ୍ୟ ସମାନ ଦକ୍ଷତା ରହିଛି। ଏଣୁ ଏହି ମ୍ୟାଚ୍‌ର ଫଳାଫଳ ଯାହା ହେଉନା କାହିଁକି ଉଚ୍ଚକୋଟୀର ଖେଳ ଦେଖିବାକୁ ମିଳିବ। ଗଦ୍ଦାଫି ଷ୍ଟାଡିୟମ୍‌ରେ ଖେଳାଯାଇଥିବା ଗ୍ରୁପ୍‌ ମ୍ୟାଚ୍‌ରେ ପ୍ରଥମ ଇନିଂସରେ ହାରହାରି ସ୍କୋର ହେଉଛି ୩୧୬। ଏଠାରେ ଯେଉଁ ୪ଟି ଇନିଂସ ଖେଳାଯାଇଛି, ସେଥିରେ ପ୍ରତ୍ୟେକ ଇନିଂସରେ ୩୦୦ କିମ୍ବା ତା’ଠାରୁ ଅଧିକ ରନ୍‌ ସ୍କୋର ହୋଇଛି। ଏଠାରେ ଇଂଲଣ୍ଡ ପ୍ରଦତ୍ତ ୩୫୦ ରନ୍‌ର ଟାର୍ଗେଟକୁ ଅଷ୍ଟ୍ରେଲିଆ ୫ ୱିକେଟରେ ଜିତିଥିଲା। ଏଣୁ ଏଠାରେ ଖେଳାଯିବାକୁ ଥିବା ଆଜିର ମୁକାବିଲା ନିଶ୍ଚିତଭାବେ ହାଇସ୍କୋରିଂ ହେବ।

କୋଲକାତା: କୋଲକାତାର ଇଡେନ ଗାର୍ଡେନରେ ବିଶ୍ୱକପ୍‌ର ଦ୍ୱିତୀୟ ସେମି ଫାଇନାଲ ମ୍ୟାଚ ଖେଳାଯାଇଥିଲା । ତେବେ ସେମିଫାଇନାଲ୍‌ ମୁକାବିଲାରେ ଟସ୍‌ ଜିତି ପ୍ରଥମ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଦକ୍ଷିଣ ଆଫ୍ରିକା । କ୍ଷିଣ ଆଫ୍ରିକା ପ୍ରଥମେ ବ୍ୟଟିଂ କରି  ୪୯.୩  ଓଭରରେ ସମସ୍ତ ୱିକେଟ ହରାଇ ୨୧୨ ରନ କରିଥିଲା। ଏହି ମ୍ୟାଚ ଜିତିବାକୁ ହେଲେ ଅଷ୍ଟ୍ରେଲିଆ ୨୧୩ ରନର ଆବଶ୍ୟକତା ରହିଥିଲା। ଅଷ୍ଟ୍ରେଲିଆ ୪୭.୩ ଓଭରରେ ୭ ୱିକେଟ ହରାଇ ୨୧୫ରନ କରି ଆଜିର ମୁକାବାଲି ଜିତିବା ସହ ଫାଇନଲରେ ୨ୟ ଟିମ ଭାବେ ପ୍ରବେଶ କରିଛି।

ଅଷ୍ଟ୍ରେଲିଆ ପକ୍ଷରୁ ଟ୍ରେଭିସ୍‌ ହେଡ୍‌ ୪୮ ବଲରେ ୬୨ ରନ କରି ଆଉଟ ହୋଇଥିଲେ। ଡେଭିଡ୍‌ ୱାର୍ଣ୍ଣର୍‌ ୧୮ ବଲରେ ୨୯ ରନ କରି ଆଉଟ ହୋଇଥିଲେ। ମିସେଲ୍‌ ମାର୍ସ କୌଣସି ରନ ନ କରି ଆଉଟ ହୋଇଥିଲେ। ମାର୍ଣ୍ଣସ୍‌ ଲାଗୁସେନି ୩୧ ବଲରେ ୧୮ ରନ କରି ଆଉଟ ହୋଇଥିଲେ। ଗ୍ଲେନ୍‌ ମ୍ୟାକ୍ସ‌ୱେଲ୍‌ ୫ ବଲରେ ୧ ରନ କରି ଆଉଟ ହୋଇଥିଲେ। ପାରିକୁ ଷ୍ଟିଭେନ୍‌ ସ୍ମିଥ୍ ସମ୍ଭାଳି ରଖିଥିଲେ। ତାଙ୍କ ସାଥ ଦେଇଥିଲେ ଜସ୍‌ ଇଙ୍ଗ୍‌ଲିସ୍‌ । ଷ୍ଟିଭେନ୍‌ ସ୍ମିଥ୍ ୬୨ ବଲରେ ୩୦ ରନ କରି ଆଉଟ ହୋଇଥିଲେ । ପରେ ମିସେଲ୍‌ ଷ୍ଟାର୍କ ଆସିଥିଲେ। ଜସ୍‌ ଇଙ୍ଗ୍‌ଲିସ୍‌ ୪୯ ବଲରେ ୨୮ରନ କରି ଆଉଟ ହୋଇଥିଲେ। ମିସେଲ୍‌ ଷ୍ଟାର୍କ ୩୮ ବଲରେ ୧୬ ରନ କରି ଅପରାଜିତ ରହିଥିବା ବେଳେ ପ୍ୟାଟ୍‌ କ୍ୟୁମିନ୍‌ସ୍‌ ୨୯ବଲରେ ୧୪ରନ କରି ଅପରାଜିତ ରହିଥିଲେ।

ଦକ୍ଷିଣ ଆଫ୍ରିକା ପକ୍ଷରୁ ତାବ୍ରେଜ୍‌ ଶାମ୍‌ସି ଓ ଜେରାଲ୍ଡ୍‌ କୋଟିଜି ୨ଟି ଲେଖାଏଁ ୱିକେଟ ନେଇଥିଲେ । ସେହିପରି ଏଡେନ୍‌ ମାର୍କରମ୍‌, କାଗିସୋ ରାବାଦା ଓ କେଶବ ମହାରାଜ ଗୋଟିଏ ଲେଖାଏଁ ୱିକେଟ ନେଇଥିଲେ।

ଗତକଲା ନ୍ୟୁଜିଲାଣ୍ଡକୁ ହରାଇ ଭାରତ ଫାଇନାଲରେ ପ୍ରବେଶ କରିଥିଲା। ଆଜି ୨ୟ ସେମିଫଇନା ମୁକାବିଲାରେ ଦକ୍ଷିଣ ଆଫ୍ରିକାକୁ ହରାଇ ଅଷ୍ଟ୍ରେଲିଆ ଫାଇନାଲରେ ପ୍ରବେଶ କରିଛି। ଫାଇନାଲ ମ୍ୟାଚ ୧୯ ତାରିଖ ଅର୍ଥାତ ରବିବାର ଦିନ ଅହମ୍ମଦାବାଦ ସ୍ଥିତ ନରେନ୍ଦ୍ର ମୋଦୀ ଷ୍ଟାଡିୟମରେ ଅଷ୍ଟ୍ରେଲିଆ ଓ ଭାରତ ମଧ୍ୟରେ ଖେଳାଯିବ।

କୋଲକାତା: କୋଲକାତାର ଇଡେନ ଗାର୍ଡେନରେ ବିଶ୍ୱକପ୍‌ର ଦ୍ୱିତୀୟ ସେମି ଫାଇନାଲ ମ୍ୟାଚ ଖେଳାଯାଛି । ତେବେ ସେମିଫାଇନାଲ୍‌ ମୁକାବିଲାରେ ଟସ୍‌ ଜିତି ପ୍ରଥମ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି ଦକ୍ଷିଣ ଆଫ୍ରିକା । କ୍ଷିଣ ଆଫ୍ରିକା ପ୍ରଥମେ ବ୍ୟଟିଂ କରି  ୪୯.୩  ଓଭରରେ ସମସ୍ତ ୱିକେଟ ହରାଇ ୨୧୨ ରନ କରିଛି। ଏହି ମ୍ୟାଚ ଜିତିବାକୁ ହେଲେ ଅଷ୍ଟ୍ରେଲିଆ ୨୧୩ ରନର ଆବଶ୍ୟକତା ରହିଛି।

ଦକ୍ଷିଣ ଆଫ୍ରିକାର ପ୍ରଥମରୁ ବ୍ୟାଟିଂ ବିପର୍ଯ୍ୟୟ ଘଟିଥିଲା । ୧୪ ବଲରେ ୩ରନ କରି କ୍ବିଣ୍ଟନ୍‌ ଡି କକ୍‌ ଆଉଟ ହୋଇଥିବା ବେଳେ ତେମ୍ବା ବାବୁମା ୪ ବଲର ଖେଳି କୌଣସି ରନ ନ କରି ଆଉଟ ହୋଇଥିଲେ। ରେସି ଭାନ୍‌ ଡର୍‌ ଦୁସେନ୍‌ ୩୧ ବଲରେ ୬ ରନ କରି ଆଉଟ ହୋଇଥିଲେ । ଏଡେନ୍‌ ମାର୍କରମ୍‌ ୨୦ ବଲରେ ୧୯ରନ କରି ଆଉଟ ହୋଇଥିଲେ। ପରେ ପାରିକୁ ହିନ୍‌ରିଚ୍ କ୍ଲାସେନ୍‌ ଓ ଡେଭିଡ୍‌ ମିଲର୍‌ ସମ୍ଭାଳିଥିଲେ। ହିନ୍‌ରିଚ୍ କ୍ଲାସେନ୍‌  ୪୮ ବଲରେ ୪୭ ରନ କରି ଆଉଟ ହୋଇଥିଲେ। ର୍କୋ ଜାନ୍‌ସେନ୍‌ ୧ ବଲରେ କୌଣିସି ରନ ନ କରି ଆଉଟ ହୋଇଥିଲେ। ଜେରାଲ୍ଡ୍‌ କୋଟିଜି ୩୯ ବଲରୋ ୧୯ରନ କରି ଆଉଟ ହୋଇଥିଲେ। କେଶବ ମହାରାଜ ୮ବଲରେ ୪ରନ କରି ଆଉଟ ହୋଇଥିଲେ। ପରେ ପାରିକୁ ସମ୍ଭାଳି ରଖିଥିବା ଡେଭିଡ୍‌ ମିଲର୍‌ ଏକ ଶତକୀୟ ପାରି ଖେଳି ଆଉଟ ହୋଇଥିଲେ। ଡେଭିଡ୍‌ ମିଲର୍‌ ୧୧୬ ବଲରେ ୧୦୧ ରନ କରି ଆଉଟ ହୋଇଥିଲେ। କାଗିସୋ ରାବାଦା ୧୨ ବଲରେ ୧୦ ରନ କରି ଆଉଟ ହୋଇଥିଲେ।

ଅଷ୍ଟ୍ରେଲିଆ ପକ୍ଷରୁ ମିସେଲ୍‌ ଷ୍ଟାର୍କ ଓ ପ୍ୟାଟ୍‌ କ୍ୟୁମିନ୍‌ ୩ଟି ଲେଖାଏଁ  ୱିକେଟ ନେଇଥିବା ବେଳେ ଜସ୍‌ ହେଜେଲ୍‌ଉଡ୍‌ ଓ ଟ୍ରେଭିସ୍‌ ହେଡ୍‌ ୨ଟି ଲେଖାଏଁ ୱିକେଟ ନେଇଥିଲେ।

ଆଡିଲେଡ୍‌: ଅଷ୍ଟ୍ରେଲିଆର ଆଡିଲେଡ୍‌ ଗ୍ରାଉଣ୍ଡରେ ଆଜି ୨ୟ ସେମିଫାଇନାଲ ମ୍ୟଚ ଖେଳାଯାଉଛି । ଏହି ମ୍ୟାଚରେ ଭାରତ-ଇଂଲଣ୍ଡ ମୁହାଁମୁହିଁ ହୋଇଛନ୍ତି। ୨ୟ ସେମିଫାଇନାଲରେ ଟସ୍‌ ଜିତି ଇଂଲଣ୍ଡ ପ୍ରଥମେ ବୋଲିଂ ନଷ୍ପତ୍ତି ନେଇଛି। ଫଳରେ ଭାରତ ପ୍ରଥମେ ବ୍ୟାଟିଂ କରି ୬ ୱିକେଟ ହରାଇ ୧୬୮ ରନ କରିଛି।  ଏହି ମ୍ୟଚକୁ ଇଂଲଣ୍ଡ ଜିତିବାକୁ ହେଲେ ୧୬୯ ରନର ଆବଶ୍ୟକତା ରହିଛି।

ଭାରତ ପକ୍ଷରୁ ଲୋକେଶ ରାହୁଲ ୫ ବଲରେ ୫ ରନ କରି ଆଉଟ ହୋଇଥିଲେ। ପରେ ପାରିକୁ ବିରାଟ କୋହଲି ଓ ରୋହିତ ଶର୍ମା ସମ୍ଭାଳିଥିଲେ। ରୋହିତ ଶର୍ମା ୨୮ ବଲରେ ୨୭ ରନ କରି ଆଉଟ ହୋଇଥିଲେ। ପରେ ସୂର୍ଯ୍ୟକୁମାର ଯାଦବ ୧୦ ବଲରେ ୧୪ ରନ କରି ଆଉଟ ହେଇଥିଲେ। ବିରାଟ କୋହଲିଙ୍କ ସହ ହାର୍ଦ୍ଦିକ ପାଣ୍ଡ୍ୟା ଯୋଗ ଦେଇ ଇଂନିସକୁ ଆଗକୁ ବଢାଇଥିଲେ। ପରେ ବିରାଟ କୋହଲି ଏକ ଅର୍ଦ୍ଧଶତକୀୟ ଇଂନିସ ଖେଳି ଆଉଟ ହୋଇଥିଲେ। ବିରାଟ କୋହଲି ୪୦ ବଲରେ ୫୦ ରନ କରି ଆଉଟ ହୋଇଥିଲେ। ପରେ ଋଷଭ ପନ୍ତ ଆସି ପାରିକୁ ସମ୍ଭାଳିଥିଲେ। ହାର୍ଦ୍ଦିକ ପାଣ୍ଡ୍ୟା ମଧ୍ୟ ଏକ ଅର୍ଦ୍ଧ ଶତକୀୟ ଇଂନିସ ଖେଲିଥିଲେ। ହାର୍ଦ୍ଦିକ ପାଣ୍ଡ୍ୟା  ୩୩ ବଲରେ ୬୩ ରନ କରି ୨୦ ଓଭରର ଶେଷ ବଲରେ ଆଉଟ ହୋଇଥିଲେ। ଋଷଭ ପନ୍ତ ୪ ବଲରେ ୬ ରନ କରି ରନ ଆଉଟ ହୋଇଥିଲେ।

ଇଂଲଣ୍ଡ ପକ୍ଷରୁ କ୍ରିସ ଜୋର୍ଡନ ୩ ଟି ୱିକେଟ ନେଇଥିବା ବେଳ ଆଡିଲ ରସିଦ ଓ କ୍ରିସ ୱକ୍ସ ଗୋଟିଏ ଲେଖାଏଁ ୱିକେଟ ନେଇଥିଲେ।

ଆଡିଲେଡ୍‌: ‘ଇଂଲଣ୍ଡକୁ ଆମେ ଇଂଲଣ୍ଡ ମାଟିରେ ପରାସ୍ତ କରିଛୁ। ଏହି ଦଳର ଖେଳ ସମ୍ପର୍କରେ ଆମେ ଭଲ ଭାବେ ଅବଗତ ଅଛୁ। ଚଳିତ ବିଶ୍ୱକପ୍‌ରେ ଆମ ଖେଳାଳିମାନେ ଭଲ ପ୍ରଦର୍ଶନ କରୁଛନ୍ତି। ଏଣୁ ଆମେ ଗୁରୁବାର ଖେଳାଯିବାକୁ ଥିବା ଇଂଲଣ୍ଡ ବିପକ୍ଷ ଦ୍ୱିତୀୟ ସେମିଫାଇନାଲରେ ଭଲ ପ୍ରଦର୍ଶନ କରିବୁ’ ବୋଲି କହିଛନ୍ତି ଭାରତୀୟ ଦଳର ଅଧିନାୟକ ରୋହିତ ଶର୍ମା। ଫର୍ମରେ ନଥିବା (୫ମ୍ୟାଚ୍‌ରେ ୮୯ରନ୍‌) ଓ ମଙ୍ଗଳବାର ଅଭ୍ୟାସ ବେଳେ ଆହତ ହୋଇଥିବା ଅଧିନାୟକ ରୋହିତ ଇଂଲଣ୍ଡ ବିପକ୍ଷରେ ମ୍ୟାଚ୍‌ ଜିତିବେ ବୋଲି କହିବାକୁ କୁଣ୍ଠା ପ୍ରକାଶ କରିଛନ୍ତି। ଗତ ଜୁଲାଇ ମାସରେ ଇଂଲଣ୍ଡ ଗସ୍ତରେ ଯାଇଥିବା ଭାରତ ୨-୧ରେ ଟି-୨୦ ସିରିଜ୍‌ ଜିତିଥିଲା। ଏହି ସିରିଜ୍‌ରେ ଭାରତର ବର୍ତ୍ତମାନ ମୁଖ୍ୟ ବ୍ୟାଟର ସୂର୍ଯ୍ୟକୁମାର ଯାଦବ ୧୭୧ ରନ୍‌ କରିଥିଲେ। ଶେଷ ମ୍ୟାଚ୍‌ରେ ସେ ଏକାକୀ ୫୫ ବଲ୍‌ରେ ୧୧୭ ରନ୍‌ କରି ଭାରତକୁ ବିଜୟର ନିକଟକୁ ନେଇଥିଲେ ମଧ୍ୟ ଜିତାଇ ପାରି ନଥିଲେ। ଏବେ ସେହି ସୂର୍ଯ୍ୟକୁମାର ଚଳିତ ବିଶ୍ୱକପ୍‌ରେ ଜବରଦସ୍ତ ଫର୍ମରେ ଅଛନ୍ତି। ୩୬୦ ଡିଗ୍ରିରେ ବ୍ୟାଟିଂ କରୁଛନ୍ତି। ଫର୍ମକୁ ଫେରିଥିବା ବିରାଟ କୋହଲି ଯଦି ତାଙ୍କୁ ସାଥ୍‌ ଦିଅନ୍ତି କିମ୍ବା ଉଭୟ ଖେଳାଳି ଏହି ମ୍ୟାଚ୍‌ରେ କ୍ଲିକ୍‌ କରନ୍ତି, ତେବେ ଇଂଲଣ୍ଡ ନିକଟରେ ଯେତେ ଟାଣୁଆ କିମ୍ବା କୁଶଳୀ ବୋଲର ଥିଲେ ମଧ୍ୟ ଏମାନଙ୍କୁ ଅଟକାଇବା କଷ୍ଟକର। ଆଡିଲେଡ୍‌ ପିଚ୍‌ ଟିକେ ଭାରତୀୟଙ୍କ ଲାଗି ଅଡୁଆ ସୃଷ୍ଟି କରିପାରେ। ଚଳିତ ଟୁର୍ଣ୍ଣାମେଣ୍ଟରେ ଦ୍ରୁତତମ ବୋଲର ଭାବେ ବିବେଚିତ ମାର୍କ ଉଡ୍‌ ଆହତ ହେବାରୁ ଏହି ମ୍ୟାଚ୍‌ ଖେଳୁ ନାହାନ୍ତି। ଫଳରେ ଭାରତୀୟ ବ୍ୟାଟର କିଛି ପରିମାଣରେ ଆଶ୍ୱସ୍ତ। ସାମ କୁରାନଙ୍କ କଟର, ଡେଭିଡ୍‌ ୱିଲି କିମ୍ବା କ୍ରିସ୍‌ ଓକ୍ସ କିମ୍ବା କ୍ରିସ୍‌ ଜୋର୍ଡାନ ଭାରତୀୟ ବ୍ୟାଟରଙ୍କୁ ଅଡୁଆରେ ପକାଇବା ସମ୍ଭାବନା କମ୍‌। ଦଳରେ ଥିବା ଦୁଇ ସ୍ପିନର ଆଦିଲ ରଶିଦ୍‌ ଓ ମୋଇନ୍‌ ଅଲ୍ଲୀଙ୍କ ବିପକ୍ଷରେ ଭାରତର ପ୍ରଦର୍ଶନ ଭଲ ନାହିଁ। ସେହିପରି ଭାବେ ଜୋଶ୍‌ ବଟ୍ଟଲର, ଆଲେକ୍ସ ହେଲ୍ସ, ଲିଆମ ଲିଭିଙ୍ଗଷ୍ଟୋନ୍‌, ନୂଆ ତାରକା ହ୍ୟାରୀ ବ୍ରୁକ୍ସ, ଫିଲିପ୍‌ ସଲ୍ଟ ଓ ଅଲରାଉଣ୍ଡର ବେନ୍‌ ଷ୍ଟୋକ୍ସଙ୍କୁ ଭାରତୀୟ ଅଲରାଉଣ୍ଡର ଅଣଦେଖା କରିପାରିବେ ନାହିଁ। ଭାରତୀୟ ବୋଲରଙ୍କ ନିକଟରେ ଏତେ ଅଭିଜ୍ଞତା ନାହିଁ, ତଥାପି ବ୍ୟାଟରଙ୍କଠାରୁ ଭଲ ପ୍ରଦର୍ଶନ ମିଳିଲେ ଏମାନେ ପ୍ରଭାବୀ ପ୍ରଦର୍ଶନ କରିବାରେ ପଛଘୁଞ୍ଚା ଦେବେ ନାହିଁ।

ଭାରତ ମଧ୍ୟ ଚୂଡାନ୍ତ ଏକାଦଶ ଚୟନ କରିପାରି ନାହିଁ। ରୋହିତ ଶର୍ମାଙ୍କ ଅନୁଯାୟୀ ଆମେ ମ୍ୟାଚ୍‌ ପୂର୍ବରୁ ଚୂଡାନ୍ତ ଖେଳାଳି ଚୟନ କରୁନାହୁଁ। ବହୁ ପୂର୍ବରୁ କିଏ କେଉଁ ମ୍ୟାଚ୍‌ ଖେଳିବେ ସେ ସମ୍ପର୍କରେ ନିଷ୍ପତ୍ତି ନେଇଥାଉ। କିନ୍ତୁ ଏହି ନକ୍‌ଆଉଟ ମ୍ୟାଚ୍‌ ପୂର୍ବରୁ ଚୂଡାନ୍ତ ଖେଳାଳି ଚୟନ କରାଯିବ। ଅକ୍ଷର ପଟେଲ କିମ୍ବା ଯୁଜବେନ୍ଦ୍ର ଚହଲଙ୍କ ମଧ୍ୟରୁ କାହାକୁ ଖେଳାଯିବ ତାହା ମଧ୍ୟ ସ୍ଥିର ହୋଇନାହିଁ। ଆଡିଲେଡ୍‌ରେ ଏହି ମୁକାବିଲା ଯେଉଁଠାରେ ଖେଳାଯିବ, ସେଠାରେ ପୂର୍ବରୁ ମ୍ୟାଚ୍‌ ଅନୁଷ୍ଠିତ ହୋଇଯାଇଥିବାରୁ ଚହଲଙ୍କୁ ସୁଯୋଗ ମିଳିବା ସମ୍ଭାବନା ରହିଛି। ସେହିପରି ଭାରତୀୟ ଟପ୍‌ ଅର୍ଡରରେ ଜଣେ ବାମହାତୀ ବ୍ୟାଟରଙ୍କୁ ଖେଳାଇବା ନିଷ୍ପତ୍ତି ହେଲେ ପନ୍ତ୍‌ଙ୍କ ପଲା ଭାରି ରହିପାରେ। ଯିଏ ଏହି ମ୍ୟାଚ୍‌ ଖେଳନ୍ତୁ କାହିଁକି ଚାପକୁ ସମ୍ଭାଳିପାରିଲେ ସଫଳ ହେବେ।

ନକ୍‌ଆଉଟରେ ଭାରତର ପ୍ରଦର୍ଶନ ଭଲ ନୁହେଁ ଦୀର୍ଘ ୩୫ ବର୍ଷ ପରେ ଭାରତ ଓ ଇଂଲଣ୍ଡ ମଧ୍ୟରେ ଆଇସିସି ନକ୍‌ଆଉଟ ସେମିଫାଇନାଲ ଖେଳାଯିବ। ୧୯୮୭ ଦିନିକିଆ ବିଶ୍ୱକପ୍‌ ସେମିଫାଇନାଲରେ ଇଂଲଣ୍ଡ ବିଜୟୀ ହୋଇଥିଲା। ନିକଟରେ ଭାରତ ଖେଳିଥିବା ୨୦୧୪ ଟି-୨୦ ବିଶ୍ୱକପ୍‌ ଫାଇନାଲ, ୨୦୧୬ ଟି-୨୦ ବିଶ୍ୱକପ୍‌ ସେମିଫାଇନାଲ, ୨୦୧୭ ଚାମ୍ପିଅନ୍ସ ଟ୍ରଫି ଫାଇନାଲ ଓ ୨୦୧୯ ଦିନିକିଆ ବିଶ୍ୱକପ୍‌ ସେମିଫାଇନାଲରେ ପରାଜିତ ହୋଇଥିଲା। ୨୦୧୩ରେ ଭାରତ ଶେଷଥର ଆଇସିସି ଟ୍ରଫି ଭାବେ ଚାମ୍ପିଅନ୍ସ ଟ୍ରଫି ଜିତିଥିଲା।