ଭୁବନେଶ୍ବର : ରାଜ୍ୟସଭା ପିଟିସନ୍ କମିଟି ଅଧ୍ୟକ୍ଷ ଭାବେ ନିଯୁକ୍ତ ହେଲେ ବିଜେଡି ରାଜ୍ୟସଭା ସାଂସଦ ସୁଜିତ୍ କୁମାର । ଆଜି ଏନେଇ ରାଜ୍ୟସଭା ସଚିବାଳୟ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ବିଜେଡି ସାଂସଦ ପ୍ରସନ୍ନ ଆଚାର୍ଯ୍ୟଙ୍କ କାର୍ଯ୍ୟକାଳ ଶେଷ ହେବା ପରେ ଏହି ପଦବୀ ଖାଲି ପଡ଼ିଥିଲା ଓ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସୁପାରିଶ ଆଧାରରେ ସୁଜିତ୍ କୁମାରଙ୍କୁ ଏହି ଗୁରୁତ୍ୱପୂର୍ଣ୍ଣ କମିଟିର ଅଧ୍ୟକ୍ଷ ପଦବୀରେ ନିଯୁକ୍ତି ମିଳିଛି।

Deeply honoured & humbled to be appointed as the Chairman of the Committee on Petitions of the Rajya Sabha.
Profusely grateful to our Chairman @jdhankhar1 ji & forever indebted to my leader Shri @Naveen_Odisha for giving me this opportunity to serve my state and nation. pic.twitter.com/33gm1mC4QB

— Sujeet Kumar 🇮🇳 (@SujeetKOfficial) November 7, 2022

ରାଜ୍ୟସଭା ସଚିବାଳୟର ବିଜ୍ଞପ୍ତି ଅନୁସାରେ, ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦୀପ ଧନକର ଚଳିତମାସ ୨ତାରିଖରେ ରାଜ୍ୟସଭା ପିଟିସନ କମିଟିର ପୁର୍ନଗଠନ କରିଛନ୍ତି। କମିଟିର ଅଧ୍ୟକ୍ଷ ଭାବେ ବିଜେଡି ସାଂସଦ ଶ୍ରୀ କୁମାରଙ୍କୁ ମନୋନୀତ କରାଯାଇଥିବାବେଳେ ସାଂସଦ ଅରୁଣ ସିଂ, ତିରୁଚି ଶିବା, ସଞ୍ଜୟ ସିଂ, କାର୍ତ୍ତିକେୟ ଶର୍ମା, ନବମ ରାବେୟା, ଡି.ଭି. ହେଗେଡ଼, ଏଲ ହନୁମନ୍ଥେୟା, ରାଜେନ୍ଦ୍ର ଗେହଲଟ୍ ଓ ସୁମିତ୍ରା ବାଲ୍ମିକୀ ଏହି କମିଟିର ସଦସ୍ୟ ଭାବେ ନିଯୁକ୍ତି ପାଇଛନ୍ତି।

ଆଜି ଏନେଇ ରାଜ୍ୟସଭା ସଚିବାଳୟ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇବା ପରେ ରାଜ୍ୟସଭା ସାଂସଦ ସୁଜିତ୍ କୁମାର ଟ୍ବିଟ କରି ଖୁସି ବ୍ୟକ୍ତ କରିବା ସହ ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ ଓ ମୁଖମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି।