ଚେନ୍ନଇ: ଆଜି ଭାରତ-ଜିମ୍ବାୱେ ମହାଲଢ଼େଇ । ଚଳିତ ଆଇସିସି ଟି-୨୦ ବିଶ୍ୱକପ୍‌ର ସୁପର-୮ ପର୍ଯ୍ୟାୟରେ ଏକ ଗୁରୁତ୍ୱପୂର୍ଣ୍ଣ ମ୍ୟାଚରେ ଆଜି ଜିମ୍ବାୱେକୁ ଭେଟିବ ଆୟୋଜକ ଭାରତ। ସ୍ଥାନୀୟ ଏମ୍‌ ଚିଦାମ୍ବରମ ଷ୍ଟାଡିୟମରେ ରାତି ୭ଟାରେ ଗ୍ରୁପ୍‌-୧’ର ଏହି ଗୁରୁତ୍ୱପୂର୍ଣ୍ଣ ମୁକାବିଲା ଅନୁଷ୍ଠିତ ହେବ। ଭାରତ ଜିତିଲେ ସେମିଫାଇନାଲ ଆଶା ନ ହେଲେ ବିଦା । ଉଭୟ ଭାରତ ଓ ଜିମ୍ବାୱେ ସୁପର୍‌-୮ ପର୍ଯ୍ୟାୟରେ ନିଜ ନିଜର ପ୍ରଥମ ମ୍ୟାଚରେ ପରାଜୟବରଣ କରିଛନ୍ତି। ଭାରତ ୭୬ ରନର ବଡ଼ ବ୍ୟବଧାନରେ ଦକ୍ଷିଣ ଆଫ୍ରିକା ନିକଟରୁ ହାରିଥିଲା। ସେହିଭଳି ଜିମ୍ବାୱେ ମଧ୍ୟ ୧୦୭ ରନରେ ୱେଷ୍ଟଇଣ୍ଡିଜ ନିକଟରୁ ଶୋଚନୀୟ ପରାଜୟବରଣ କରିଥିଲା। ତେଣୁ ସେମିଫାଇନାଲ ଦୌଡ଼ରେ ତିଷ୍ଠି ରହିବାକୁ ହେଲେ ଉଭୟ ଦଳକୁ ଏହି ମ୍ୟାଚରେ ଜିତିବା ନିହାତି ଜରୁରୀ ହୋଇପଡ଼ିଛି।

ଟାଇଟଲ୍‌ ବଜାୟ ରଖିବାକୁ ହେଲେ ସୂର୍ଯ୍ୟକୁମାର ଯାଦବଙ୍କ ନେତୃତ୍ୱାଧୀନ ଡିଫେଣ୍ଡିଂ ଚାମ୍ପିଅନ ଭାରତକୁ ଏହି ମ୍ୟାଚରେ ବଡ଼ ବ୍ୟବଧାନରେ ବିଜୟ ଆବଶ୍ୟକ ହେଉଛି। ଗ୍ରୁପ ପର୍ଯ୍ୟାୟରେ ଭାରତ ଯେଉଁଭଳି ଦମ୍‌ଦାର ପ୍ରଦର୍ଶନ କରିଥିଲା ସୁପର-୮’ରେ କିନ୍ତୁ ସମ୍ପୂର୍ଣ୍ଣ ନିରାଶ କରିଥିଲା। ବିଶେଷ କରି ଭାରତୀୟ ବ୍ୟାଟରମାନେ ଗତ ମ୍ୟାଚରେ ଦକ୍ଷିଣ ଆଫ୍ରିକା ବୋଲିଂ ବାହିନୀ ଆଗରେ ଆତ୍ମସମର୍ପଣ କରିଥିଲେ। ଇନଫର୍ମ ଇଶାନ କିଶାନଙ୍କଠାରୁ ଆରମ୍ଭ କରି ଅଭିଷେକ ଶର୍ମା, ତିଲକ ବର୍ମା, ଅଧିନାୟକ ସୂର୍ଯ୍ୟକୁମାର, ହାର୍ଦ୍ଦିକ ପାଣ୍ଡ୍ୟା, ୱାଶିଂଟନ ସୁନ୍ଦର କେହି ମଧ୍ୟ ବଡ଼ ସ୍କୋର କରିପାରି ନ ଥିଲେ। କ୍ରମାଗତ ଭାବେ ନୈରାଶ୍ୟଜନକ ପ୍ରଦର୍ଶନ କରି ଆସୁଥିବା ଅଭିଷେକଙ୍କୁ ଜିମ୍ବାୱେ ବିପକ୍ଷ ମ୍ୟାଚରେ ବେଞ୍ଚରେ ବସିବାକୁ ପଡ଼ିପାରେ ବୋଲି ରିପୋର୍ଟ ପ୍ରକାଶ ପାଇଛି। ତାଙ୍କ ସ୍ଥାନରେ ଇଶାନ କିଶାନଙ୍କ ସହ ଅଭିଜ୍ଞ ୱିକେଟ୍‌କିପର ବ୍ୟାଟର୍‌ ସଞ୍ଜୁ ସାମସନ ଇନିଂସ ଓପନ୍‌ କରିବାର ସମ୍ଭାବନା ରହିଛି। ସେହିଭଳି କ୍ରମାଗତ ୨ଟି ମ୍ୟାଚରେ ବାହାରେ ବସିଥିବା ଉପ-ଅଧିନାୟକ ଅକ୍ଷର ପଟେଲଙ୍କୁ ମଧ୍ୟ ଏହି ମ୍ୟାଚରେ ସୁଯୋଗ ମିଳିପାରେ। ଅକ୍ଷରଙ୍କୁ ସୁଯୋଗ ନ ଦେବାକୁ ନେଇ ଟିମ୍‌ ମ୍ୟାନେଜମେଣ୍ଟର ନିଷ୍ପତ୍ତିକୁ ଅନେକ ପୂର୍ବତନ କ୍ରିକେଟର କଡ଼ା ନିନ୍ଦା କରିଥିଲେ। ତେଣୁ ଅକ୍ଷର ଚୂଡ଼ାନ୍ତ ଏକାଦଶରେ ସାମିଲ ହେବାର ଯଥେଷ୍ଟ ସମ୍ଭାବନା ରହିଛି। ଭାରତ ନେଟ୍‌ ରନରେଟ୍‌ରେ ବିଯୁକ୍ତ (-୩.୮୦୦) ପଏଣ୍ଟରେ ଥିବାରୁ ଜିମ୍ବାୱେ ବିପକ୍ଷରେ ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରି ଏଥିରେ ଉନ୍ନତି ଆଣିବାକୁ ଲକ୍ଷ୍ୟ ରଖିଛି।
  
ଅପରପକ୍ଷରେ ଗ୍ରୁପ୍‌ ପର୍ଯ୍ୟାୟରେ ଦୁଇ ପୂର୍ବ ବିଜେତା ଅଷ୍ଟ୍ରେଲିଆ ଓ ଶ୍ରୀଲଙ୍କାକୁ ହରାଇ ବିପର୍ଯ୍ୟୟ ଘଟାଇଥିବା ଜିମ୍ବାୱେ ସୁପର୍‌-୮ରେ ମଧ୍ୟ ଏହି ଧାରାକୁ ଫେରିବା ଲକ୍ଷ୍ୟରେ ରହିଛି। ସିକନ୍ଦର ରାଜା, ବ୍ଲେସିଂ ମୁଜରବାନି, ବ୍ରାଏନ ବେନେଟ୍ଟ, ବ୍ରାଡ୍‌ ଇଭାନ୍ସଙ୍କ ପରି ଦକ୍ଷ ଖେଳାଳିଙ୍କୁ ନେଇ ଗଠିତ ଜିମ୍ବାୱେ ପୁଣି ଏକ ବଡ଼ ବିପର୍ଯ୍ୟୟ ଘଟାଇବା ଲକ୍ଷ୍ୟରେ ପଡ଼ିଆକୁ ଓହ୍ଲାଇବ।

ନୂଆଦିଲ୍ଲୀ: ଟି-୨୦ ବିଶ୍ୱକପ ୨୦୨୬ରେ ଏକ ବଡ଼ ଧରଣର ବିପର୍ଯ୍ୟୟ ଦେଖିବାକୁ ମିଳିଛି। ବିଶ୍ୱ କ୍ରିକେଟ ପାଇଁ ଏକ ଐତିହାସିକ ଘଟଣାକ୍ରମରେ ଜିମ୍ବାୱେ ସୁପର-୮ ପର୍ଯ୍ୟାୟରେ ନିଜର ସ୍ଥାନ ପକ୍କା କରିଛି। ଅନ୍ୟପକ୍ଷରେ, ୨୦୨୧ର ଚାମ୍ପିଅନ୍ ଅଷ୍ଟ୍ରେଲିଆ ଗ୍ରୁପ୍ ପର୍ଯ୍ୟାୟରୁ ହିଁ ଟୁର୍ଣ୍ଣାମେଣ୍ଟରୁ ବାଦ ପଡିଛି। ପାଲେକେଲରେ ଜିମ୍ବାୱେ ଏବଂ ଆୟର୍ଲ୍ୟାଣ୍ଡ ମଧ୍ୟରେ ହେବାକୁ ଥିବା ମ୍ୟାଚ୍ ବର୍ଷା ଯୋଗୁଁ ବାତିଲ ହେବା ପରେ ଅଷ୍ଟ୍ରେଲିଆର ସୁପର-୮ ଆଶା ଧୂଳିସାତ ହୋଇଯାଇଛି।

ପାଲେକେଲରେ ପାଣିପାଗ ପୂର୍ବାନୁମାନ ଅନୁଯାୟୀ ପ୍ରବଳ ବର୍ଷା ହୋଇଥିଲା। ଲଗାତାର ବର୍ଷା କାରଣରୁ ଟସ୍ ମଧ୍ୟ ପଡ଼ିପାରି ନଥିଲା। ସ୍ଥାନୀୟ ସମୟ ସନ୍ଧ୍ୟା ୫:୩୦ରେ ଅମ୍ପାୟାର ଏବଂ ଗ୍ରାଉଣ୍ଡ କର୍ମଚାରୀଙ୍କ ମଧ୍ୟରେ ଆଲୋଚନା ପରେ ମ୍ୟାଚକୁ ରଦ୍ଦ ଘୋଷଣା କରାଯାଇଥିଲା। ଫଳରେ ଉଭୟ ଜିମ୍ବାୱେ ଏବଂ ଆୟର୍ଲ୍ୟାଣ୍ଡକୁ ଗୋଟିଏ ଲେଖାଏଁ ପଏଣ୍ଟ ମିଳିଥିଲା। ଏହି ଗୋଟିଏ ପଏଣ୍ଟ ସହ ଜିମ୍ବାୱେ ସୁପର-୮ ପାଇଁ ଯୋଗ୍ୟତା ଅର୍ଜନ କରିଥିବା ସପ୍ତମ ଦଳ ପାଲଟିଛି।

ଜିମ୍ବାୱେର ଯୋଗ୍ୟତା ଅର୍ଜନ ସହ ସୁପର-୮ର ଗ୍ରୁପ୍-୧ ଚୂଡାନ୍ତ ହୋଇଛି। ଏହି ଗ୍ରୁପରେ ଭାରତ, ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ ଏବଂ ଜିମ୍ବାୱେ ସାମିଲ ଅଛନ୍ତି। ଏହି ଗ୍ରୁପର ସମସ୍ତ ମ୍ୟାଚ୍ ଭାରତର ବିଭିନ୍ନ ଷ୍ଟାଡିୟମରେ ଖେଳାଯିବ। ଅନ୍ୟପକ୍ଷରେ ଗ୍ରୁପ୍-୨ରେ ଶ୍ରୀଲଙ୍କା, ଇଂଲଣ୍ଡ, ନ୍ୟୁଜିଲ୍ୟାଣ୍ଡ ଏବଂ ପାକିସ୍ତାନ କିମ୍ବା ଆମେରିକା ମଧ୍ୟରୁ ଗୋଟିଏ ଦଳ ରହିବେ।

ମେଲବର୍ଣ୍ଣ: ଆଜି ଟି-ଟ୍ୱେଣ୍ଟି ବିଶ୍ୱକପ୍‌ରେ ଶେଷ ଲିଗ୍‌ ମ୍ୟାଚ୍‌ ଭାରତ ଓ ଜିମ୍ବାୱେ ମଧ୍ୟରେ ମେଲବର୍ଣ୍ଣ ଖେଳାଯାଇଥିଲା। ଆଜିର ମ୍ୟାଚରେ ସହଜରେ ଜିମ୍ବାୱେକୁ ପରାସ୍ତ କରିଛି ଭାରତ। ମ୍ୟାଚ୍‌ରେ ଟସ୍‌ ଜିତି ଭାରତ ବ୍ୟାଟିଂ ନିଷ୍ପତ୍ତି ନେଇଥିଲା। ଭାରତୀୟ ଦଳ ୫ ଓ୍ଵିକେଟ୍ ହରାଇ ୧୮୬ ରନ କରିଥିଲା । ଏହି ମ୍ୟାଚକୁ ଜିମ୍ବାୱେକୁ ଜିତିବାକୁ ହେଲେ ୧୮୭ ରନର ଆବଶ୍ୟକତା ଥିଲା। ହେଲେ ଜିମ୍ବାୱେ ୧୭.୨ ଓଭରରେ ସମସ୍ତ ୱିକେଟ ହରାଇ ୧୧୫ ରନ କରିଥିଲା । ଫଳରେ ଭାରତ ୭୧ ରନରେ ମ୍ୟାଚକୁ ସହଜରେ ଜିତି ନେଇଛି।

ଜିମ୍ବାୱେ ଦଳ ପକ୍ଷରୁ ୱେସଲି ମାଧଭେରେ ଖାତା ଖୋଲି ପାରି ନ ଥିଲେ। ଆଧିନାୟକ କ୍ରେଗ ଏରିଭିନ୍‌ ୧୫ ବଲରେ ୧୩ ରନ କରି ଆଉଟ ହୋଇଥିଲେ। ରେଗିସ ଚକଭା ମଧ୍ୟ କୌଣସି ରନ ନ କରି ଆଉଟ ହୋଇଥିଲେ। ସିନ ୱିଲିୟମ୍ସ, ୧୮ ବଲରେ ୧୧ ରନ କରି ଆଉଟ ହୋଇଥିଲେ। ଟନୀ ମୁନ୍ୟୋଙ୍ଗା ୪ ବଲରେ ୫ ରନ କରି ଆଉଟ ହୋଇଥିଲେ। ରିୟାନ ବୁର୍ଲା  ୨୨ ବଲରେ ୩୫ ରନ କରି ଆଉଟ ହୋଇଥିଲେ। ୱେଲିଂଟନ ମାସାକାଜା ୭ ବଲରେ ୧ ରନ କରି ଆଉଟ ହୋଇଥିଲେ। ରିଚାର୍ଡ ଏନ୍‌ଗାରାଭା ୨ ବଲରେ ୧ ରନ କରି ଆଉଟ ହୋଇଥିଲେ। ସିକନ୍ଦର ରାଜା ୨୩ ବଲରେ ୩୪ ରନ କରି ଆଉଟ ହୋଇଥିଲେ । ଟେଣ୍ଡାଇ ଚଟାରା ୪ ବଲରେ ୪ରନ କରି ଆଉଟ ହୋଇଥିଲେ।

ଭାରତୀୟ ଦଳ ପକ୍ଷରୁ ରବିଚନ୍ଦ୍ରନ ଅଶ୍ୱିନ ସର୍ବାଧିକ ୩ ୱିକେଟ ନେଇଥିବା ବେଳେ ମହମ୍ମଦ ସାମି  ଓ ହାର୍ଦ୍ଦିକ ପାଣ୍ଡ୍ୟା  ୨ଟି ୱିକେଟ ନେଇଥିଲେ । ସେହିପରି ଅର୍ଶଦୀପ ସିଂ, ଅକ୍ଷର ପଟେଲ ଓ ଭୁବନେଶ୍ବର କୁମାର ଗୋଟାଏ ଲେଖାଏଁ ୱିକେଟ ନେଇଥିଲେ।