ବଲିଉଡରେ ଏବେ ଆକ୍ସନ୍ ଫିଲ୍ମର ଋତୁ ଚାଲିଛି। ୨୦୨୬ ମସିହାରେ ଅନେକ ବଡ଼ ଫିଲ୍ମ ମୁକ୍ତିଲାଭ କରିବାକୁ ଯାଉଥିବାବେଳେ ଜନ୍ ଆବ୍ରାହମଙ୍କ ଲୋକପ୍ରିୟ ଫ୍ରାଞ୍ଚାଇଜ୍ ‘ଫୋର୍ସ’ର ତୃତୀୟ ଭାଗକୁ ନେଇ ଏକ ବଡ଼ ଅପଡେଟ୍ ସାମ୍ନାକୁ ଆସିଛି। ଫିଲ୍ମର ସୁଟିଂ ଆରମ୍ଭ ହେବା ପୂର୍ବରୁ ଏହାର ଷ୍ଟାର୍ କାଷ୍ଟରେ ପରିବର୍ତ୍ତନ କରାଯାଇଛି। ଖବର ଅନୁଯାୟୀ, ଜନ୍ ଆବ୍ରାହମଙ୍କ ବିପକ୍ଷରେ ନାୟିକା ସାଜିବାକୁ ଥିବା ଅଭିନେତ୍ରୀ ମିନାକ୍ଷୀ ଚୌଧରୀ ଏହି ପ୍ରୋଜେକ୍ଟରୁ ବାଦ୍ ପଡିଛନ୍ତି।

ତାନିଆ ମାଣିକତଲାଙ୍କ ଏଣ୍ଟ୍ରି

ରିପୋର୍ଟ ଅନୁଯାୟୀ, ‘ଫୋର୍ସ ୩’ରେ ମିନାକ୍ଷୀଙ୍କ ସ୍ଥାନରେ ବଲିଉଡର ଉଦୀୟମାନ ଅଭିନେତ୍ରୀ ତାନିଆ ମାଣିକତଲାଙ୍କୁ ସାଇନ୍ କରାଯାଇଛି। ତାନିଆ ନିକଟରେ ମୁକ୍ତିଲାଭ କରିଥିବା ଫିଲ୍ମ ‘କିଲ୍’ (Kill) ରେ ନିଜର ଅଭିନୟ ପାଇଁ ଦର୍ଶକଙ୍କ ନଜରକୁ ଆସିଥିଲେ। ଏହାବ୍ୟତୀତ ସେ ୱେବ୍ ସିରିଜ୍ ‘ଏ ସୁଟେବଲ୍ ବୟ’ରେ ମଧ୍ୟ ପ୍ରଶଂସନୀୟ ଅଭିନୟ କରିଥିଲେ। ପ୍ରଥମ ଥର ପାଇଁ ପରଦାରେ ଜନ୍ ଆବ୍ରାହମ ଏବଂ ତାନିଆଙ୍କ ଏକ ଫ୍ରେସ୍ ଯୋଡ଼ି ଦେଖିବାକୁ ମିଳିବ।

କେବଳ ମୁଖ୍ୟ ଅଭିନେତ୍ରୀ ନୁହନ୍ତି, ଏହି ଫିଲ୍ମରେ ଅଭିନେତା ହର୍ଷବର୍ଦ୍ଧନ ରାଣେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏନେଇ ହର୍ଷବର୍ଦ୍ଧନ ନିଜେ ସୋସିଆଲ ମିଡିଆରେ ସୂଚନା ଦେଇଛନ୍ତି। ଚର୍ଚ୍ଚା ହେଉଛି ଯେ, ଏହି ଫିଲ୍ମ ପାଇଁ ସେ ପ୍ରାୟ ୪ କୋଟି ଟଙ୍କା ପାରିଶ୍ରମିକ ନେଉଛନ୍ତି। ଜନ୍ ଆବ୍ରାହମଙ୍କ ସୁପାରିଶ କ୍ରମେ ତାଙ୍କୁ ଏହି ବଡ଼ ସୁଯୋଗ ମିଳିଥିବା କୁହାଯାଉଛି।

‘ଫୋର୍ସ ୩’ରେ ଜନ୍ ଆବ୍ରାହମ ପୁଣିଥରେ ନିଜର ପୁରୁଣା ଅନ୍ଦାଜ ଅର୍ଥାତ୍ ଏସିପି ଯଶବର୍ଦ୍ଧନ (ACP Yashvardhan) ଭୂମିକାରେ ଦେଖାଦେବେ। ୨୦୧୧ ଏବଂ ୨୦୧୬ରେ ଏହି ସିରିଜର ପୂର୍ବ ଦୁଇଟି ଫିଲ୍ମ ବକ୍ସ ଅଫିସରେ ଭଲ ବ୍ୟବସାୟ କରିଥିଲା। ଏହି ତୃତୀୟ ଭାଗର ନିର୍ଦ୍ଦେଶନା ଭବ ଧୁଲିଆ ଦେବେ ଏବଂ ଆସନ୍ତା ମାର୍ଚ୍ଚ ମାସରୁ ଫିଲ୍ମର ସୁଟିଂ ଆରମ୍ଭ ହେବାର ସମ୍ଭାବନା ରହିଛି।

ବଲିଉଡ୍ ସୁପରଷ୍ଟାର୍ ସଲମାନ୍‌ ଖାନ୍‌ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଅନ୍ତିମ’କୁ ନେଇ ଏବେ ଚର୍ଚ୍ଚା। ଏଥିରେ ସଲମାନଙ୍କ ସହିତ ତାଙ୍କ ଭିଣୋଇ ଆୟୁଷ ଶର୍ମା ନଜର ଆସିବେ। ଇତିମଧ୍ୟରେ ସଲମାନ୍ ‘ଅନ୍ତିମ’ର ରିଲିଜ୍ ଡେଟ୍ ଘୋଷଣା କରିଛନ୍ତି। ନଭେମ୍ବର ୨୬ ତାରିଖରେ ଏହି ଫିଲ୍ମ ପରଦା ଉପରକୁ ଆସିବ। ଫିଲ୍ମର ସୁଟିଂ ସରିଯାଇଛି। ପୋଷ୍ଟ ପ୍ରଡକ୍ସନ୍ କାମ ଚାଲିଛି। ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି, ନଭେମ୍ବର ୨୬ରେ ବଲିଉଡ୍ ଅଭିନେତା ଜନ୍‌ ଆବ୍ରାହମ୍‌ଙ୍କ ଆକ୍ସନ ଡ୍ରାମା ଫିଲ୍ମ ‘ସତ୍ୟମେବ ଜୟତେ-୨’ ମଧ୍ୟ ରିଲିଜ୍ ହେବ । ଏଥିରୁ ସ୍ପଷ୍ଟ ହେଉଛି ନଭେମ୍ବର ୨୬ରେ ସଲମାନ୍ ଓ ଜନ୍‌ ପରସ୍ପରକୁ କଡ଼ା ଟକ୍କର ଦେବେ ।

ଏହି ସିରିଜ୍‌ର ପ୍ରଥମ ଫିଲ୍ମ ହିଟ୍ ସାବ୍ୟସ୍ତ ହୋଇଥିଲା। ତେଣୁ ଜନ୍‌ଙ୍କ ଏହି ଫିଲ୍ମକୁ ନେଇ ଲୋକଙ୍କ ଭିତରେ ବେଶ୍ କ୍ରେଜ ରହିଛି। ସଲମାନ୍ ନିଜେ ଫିଲ୍ମ ରିଲିଜ୍ କଥା ଏକ ପୋଷ୍ଟର ସାହାଯ୍ୟରେ ସୂଚନା ଦେଇଛନ୍ତି। ଫିଲ୍ମର ଏକ ମୋସନ ପୋଷ୍ଟରକୁ ସେୟାର କରି ସଲମାନ୍ ଜୀ ଗ୍ରୁପକୁ ଧନ୍ୟବାଦ ଜଣାଇଛନ୍ତି। ସେ ଏଥିରେ ଲେଖିଛନ୍ତି ‘ ଅନ୍ତିମ ନଭେମ୍ବର ୨୬ ତାରିଖରେ ରିଲିଜ ହେବ। ଜୀ ଓ ପୁନୀତ ଗୋଏଙ୍କା ସହିତ ମୋର ଭଲ ସମ୍ପର୍କ ରହିଛି । ଆମେ ଏକାଠି ‘ରେସ୍-୩’, ‘ରାଧେ’, ‘ଭାରତ’ରେ କାମ କରିଛୁ।” ‘ଅନ୍ତିମ’କୁ ଦର୍ଶକେ ବେଶ୍ ଉତ୍କଣ୍ଠାର ସହ ଅପେକ୍ଷା କରିଛନ୍ତି। ତେବେ ଯାହାହେଉ ଅନ୍ତିମ’ ଓ ‘ସତ୍ୟମେବ ଜୟତେ-୨’ ମଧ୍ୟରେ କଡ଼ା ଟକ୍କର ହେବ ‘ଅନ୍ତିମ’ରେ ସଲମାନଙ୍କ ସହ ଆୟୁଷ ଶର୍ମା ଓ ଦକ୍ଷିଣ ଅଭିନେତ୍ରୀ ପ୍ରଜ୍ଞା ଜୈସୱାଲ୍ କାମ କରୁଛନ୍ତି। ଏଥିରେ ସଲମାନ୍ ଜଣେ ଶିଖ୍ ପୋଲିସ୍‌ ଭାବେ ଦେଖା ଯିବେ ।

ମୁମ୍ବାଇ: ଇଦ୍‌ ଅବସରରେ ବକ୍ସ ଅଫିସ୍‌ରେ ଧମାଲ କରିବାକୁ ଯାଉଛି ଜନ୍‌ ଆବ୍ରାହମ୍‌ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ସତ୍ୟମେବ ଜୟତେ -୨’। ପୂର୍ବରୁ ଏହି ଦିନ ବଲିଉଡ୍‌ର ଦବଙ୍ଗ ଖାନ୍ ସଲମାନ୍‌ଙ୍କ ଫିଲ୍ମ ‘ରାଧେ, ଇଓର ମୋଷ୍ଟ ୱାଣ୍ଟେଡ୍‌ ଭାଇ’’ ମୁକ୍ତିଲାଭ କରିବ ବୋଲି ଘୋଷଣା କରାଯାଇଛି। ଇତିମଧ୍ୟରେ ଜନ୍‌ ଫିଲ୍ମର ଏକ ପୋଷ୍ଟର ରିଲିଜ୍‌ କରିଛନ୍ତି। ପୋଷ୍ଟର୍‌ରୁ ଜନ୍‌ ଏହି ଫିଲ୍ମରେ ଡବଲ୍ ରୋଲ୍‌ରେ ଦେଖାଯିବେ ବୋଲି ଜଣାପଡୁଛି। ମିଲାପ ଜାଭେରି ଏହାର ନିର୍ଦ୍ଦେଶନା ଦାୟିତ୍ବରେ ରହିଛନ୍ତି। ‘ସତ୍ୟମେବ ଜୟତେ’ରେ ମଧ୍ୟ ମିଲାପ ନିର୍ଦ୍ଦେଶନା ଦାୟିତ୍ବରେ ଥିଲେ। ‘ସତ୍ୟମେବ ଜୟତେ’ର ସଫଳତାକୁ ଆଖି ଆଗରେ ରଖି ମିଲାପ ଏହାର ସ୍ବିକେଲ୍ କଥା ଭାବିଥିଲେ। ଏହି ଫିଲ୍ମରେ ମୂଳ ଫିଲ୍ମ ପରି ଜନ୍‌ଙ୍କ ବିପକ୍ଷରେ ଦିବ୍ୟା ଖୋସ୍‌ଲା କୁମାର ନଜର ଆସିବେ। ଚଳିତ ଇଦ୍‌ରେ ଆକ୍ସନର ଡବଲ ଡୋଜ୍‌ ପାଇବେ ଦର୍ଶକ। କାରଣ ‘ସତ୍ୟମେବ ଜୟତେ-୨’ ଓ ‘ରାଧେ, ୟୋର୍ ମୋଷ୍ଟ ୱାଣ୍ଟେଡ୍‌ ଭାଇ’ ଉଭୟ ଆକ୍ସନ ଭିତ୍ତିକ ଫିଲ୍ମ ହେବ। ତେବେ ଏହି ଫିଲ୍ମ ମଧ୍ୟରୁ ବକ୍ସ ଅଫିସ୍‌ରେ କିଏ ଧମାଲ୍ କରିବ ତାହା ଦେଖିବାକୁ ବାକି ରହିଲା।