ମୋର୍ବି: ଗୁଜରାଟର ମୋର୍ବି ଜିଲାରେ ଝୁଲାପୋଲ ଭୁଶୁଡ଼ିବା ଘଟଣା। ମୋର୍ବିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପହଞ୍ଚିଛନ୍ତି। ଆକାଶମାର୍ଗରୁ ଘଟଣାସ୍ଥଳ ଅନୁଧ୍ୟାନ କରିଛନ୍ତି। ଏହାପରେ ଦୁର୍ଘଟଣା ସ୍ଥଳରୁ ସିଧାସଳଖ ହସ୍‌ପିଟାଲ ଯାଇଥିଲେ ପ୍ରଧାନମନ୍ତ୍ରୀ। ଦୁର୍ଘଟଣାରେ ଆହତ ହୋଇ ଚିକିତ୍ସାଧିନ ଥିବା ଲୋକଙ୍କୁ ଭେଟିଥିଲେ। ମୋର୍ବି ଜିଲାରେ ପ୍ରଶାସନ ପକ୍ଷରୁ କ’ଣ ପଦକ୍ଷେପ ନିଆଯାଇଛି ଏବଂ ଦୁର୍ଘଟଣା ପରବର୍ତ୍ତି ସମୟରେ ଉଦ୍ଧାର କାର୍ଯ୍ଯ, ରିଲିଫ, ଚିକିତ୍ସା ଦେବା ଆଦି ସମ୍ପର୍କରେ ପ୍ରଧାନମନ୍ତ୍ରୀ ଆଲୋଚନା କରିଥିଲେ।

ଗୁଜରାଟ ମୋର୍ବି ସହରର ଝୁଲା ପୋଲ ଦୁର୍ଘଟଣାଜନିତ ମୃତ୍ୟୁସଂଖ୍ୟା ୧୪୦ ଛୁଇଁଛି। ରାଜ୍ୟ ସରକାରଙ୍କ ପକ୍ଷରୁ ୪ ଲକ୍ଷ ଟଙ୍କା ଏବଂ କେନ୍ଦ୍ର ସରକାରଙ୍କ ପକ୍ଷରୁ ୨ ଲକ୍ଷ ଟଙ୍କା ଅନୁକମ୍ପାମୂଳକ ରାଶି ପ୍ରଦାନ ପାଇଁ ଘୋଷଣା କରାଯାଇଛି। ଯେଉଁମାନେ ଏହି ଘଟଣାରେ ଆହତ ହୋଇଛନ୍ତି ସେମାନଙ୍କୁ ମାଗଣା ଚିକିତ୍ସା ସହ ୫୦ହଜାର ଟଙ୍କା ଆର୍ଥିକ ସହାୟତା ରାଶି ପ୍ରଦାନ କରାଯିବା ନେଇ ସରକାର ଘୋଷଣା କରିଛନ୍ତି।

ଏଭଳି ଏକ ଭୟାନକ ଏବଂ ମର୍ମନ୍ତୁଦ ଘଟଣାର କାରଣକୁ ନେଇ ତର୍ଜମା ଚାଲିଥିଲା ବେଳେ ପୋଲ ତଦାରଖ ଏବଂ ପରିଚାଳନା ସଂସ୍ଥା ସମେତ ସ୍ଥାନୀୟ ପ୍ରଶାସନର ବେପରୁଆ ମନୋଭାବ ମୁଖ୍ୟ କାରଣ ବୋଲି ଏକ ପ୍ରକାର ସ୍ପଷ୍ଟ ହୋଇଛି। ଦୁର୍ଘଟଣାର ଯାଞ୍ଚ ପାଇଁ ରାଜ୍ୟ ସରକାରଙ୍କ ପକ୍ଷରୁ ସ୍ବତନ୍ତ୍ର ଯାଞ୍ଚ ଟିମ୍‌(ଏସଆଇଟି) ଗଠନ କରାଯାଇଥିଲେ ହେଁ ପ୍ରାଥମିକ ଅନୁସନ୍ଧାନ କରାଯାଇ ସୋମବାର ୯ ଜଣଙ୍କୁ ଗିରଫ କରାଯାଇଛି। ଏମାନଙ୍କ ମଧ୍ୟରେ ପୋଲ ତଦାରଖ ଏବଂ ପରିଚାଳନା ପାଇଁ ନିଯୁକ୍ତ ହୋଇଥିବା ଓରେଭା କମ୍ପାନୀର ୪ ଜଣ ମ୍ୟାନେଜର ରହିଛନ୍ତି। ସେହିପରି ଝୁଲାପୋଲ ପାଇଁ ଟିକଟ କାଟିବା ଲାଗି ନିଯୁକ୍ତ ରହିଥିବା ଦୁଇ ଜଣ କର୍ମଚାରୀ ମଧ୍ୟ ଏମାନଙ୍କ ମଧ୍ୟରେ ସାମିଲ ରହିଛନ୍ତି। ଗୋଟିଏ ପକ୍ଷରେ ଏହି ପୋଲରେ ଏକ ସମୟରେ ଯେତିକି ଲୋକଙ୍କୁ ଯିବା ଲାଗି ଅନୁମତି ଦିଆଯାଇଥାଏ, ତା’ ଠାରୁ ଅଧୁକ ଲୋକଙ୍କୁ ଟିକଟ ଦିଆଯାଇ ଯିବାକୁ ଅନୁମତି ଦିଆଯାଇଥିଲା ବୋଲି ଜଣାପଡ଼ିଛି।

ମିଳିଥିବା ସୂଚନା ଅନୁସାରେ , ଏକ ସମୟରେ ଏହି ଝୁଲା ପୋଲର ବହନ କ୍ଷମତା ୧୫୦ ରହିଛି। କିନ୍ତୁ ଅର୍ଥ ଲୋଭରେ ପରିଚାଳନାକାରୀ ସଂସ୍ଥା ପକ୍ଷରୁ ୬୫୦ ଲୋକଙ୍କୁ ଟିକଟ ଦିଆଯାଇଥିଲା। ସେମାନେ ଏକ ସମୟରେ ପୋଲ ଉପରେ ଚଢ଼ି ଥିବାରୁ ଭାରସାମ୍ୟ ହରାଇ ପୋଲ ଛିଣ୍ଡିପଡ଼ିିଥିବା କୁହାଯାଉଛି। ଅନ୍ୟପକ୍ଷରେ ଏହି ପୋଲର ମରାମତି ଏବଂ ତଦାରଖ କାର୍ଯ୍ୟରେ ନିଯୁକ୍ତ ରହିଥିବା ଓରେଭା କମ୍ପାନୀର ସ୍ବଚ୍ଛତାକୁ ନେଇ ମଧ୍ୟ ପ୍ରଶ୍ନ ଉଠିଛି।  ଏହି କମ୍ପାନୀ ଅଜନ୍ତା ଘଣ୍ଟା ଏବଂ ଏଲଇଡି ବଲ୍‌ବ ତିଆରି କରୁଥିବା ବେଳେ ୧୫୦ ବର୍ଷ ତଳର ଝୁଲା ପୋଲର ମରାମତି ଏବଂ ତଦାରଖ କାର୍ଯ୍ୟ କିଭଳି ଦିଆଯାଇଥିଲା ତାହା ଏବେ ସବୁଠୁ ବଡ଼ ପ୍ରଶ୍ନ ହୋଇଛି। ଏହି କମ୍ପାନୀକୁ ପୋଲ ମରାମତି କାର୍ଯ୍ୟ ଦିଆଯାଇଥିଲା ଏବଂ ମାତ୍ର ୫ ଦିନ ତଳେ ଏହାକୁ ପୁନଃ କାର୍ଯ୍ୟକ୍ଷମ କରାଯାଇଥିଲା। ତେବେ କାର୍ଯ୍ୟକ୍ଷମ ହେବା ପୂର୍ବରୁ କମ୍ପାନୀ ପକ୍ଷରୁ ଫିଟନେସ ସାର୍ଟିଫିକେଟ୍‌ କାହିଁକି ସ୍ଥାନୀୟ ପ୍ରଶାସନକୁ ଦିଆଯାଇ ନଥିଲା ତାହା ମଧ୍ୟ ସନ୍ଦେହ ଘେରକୁ ଆସିଛି।

ଏଭଳି ସ୍ଥିତିରେ ଏକ ଗଭୀର ନଦୀ ଉପରେ ଝୁଲାପୋଲ ଉପରେ ଶହ ଶହ ଲୋକଙ୍କୁ ଏକ ସମୟରେ ଭ୍ରମଣ ପାଇଁ ଅନୁମତି ଦିଆଟିବା ନିଶ୍ଚିତ ଭାବେ ବେପରୁଆ ମନୋଭାବର ପରିଚାୟକ। ସ୍ଥାନୀୟ ପ୍ରଶାସନ ହେଉ କି ପୋଲ ତଦାରଖ ଦାୟିତ୍ବରେ ରହିଥିବା କମ୍ପାନୀ , ଏହି କାରଣ ହିଁ ଏଭଳି ଏକ ମର୍ମନ୍ତୁଦ ଦୁର୍ଘଟଣା ପାଇଁ ମୁଖ୍ୟ କାରଣ ବୋଲି ବୁଦ୍ଧିଜୀବୀ ମହଲରେ ଆଲୋଚିତ ହେଉଛି।  ବର୍ତ୍ତମାନ ସୁଦ୍ଧା ୧୪୦ ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ ହୋଇଥିଲା ବେଳେ ୧୭୭ ଜଣଙ୍କୁ ଉଦ୍ଧାର କରାଯାଇଛି। ତେବେ ଏବେ ସୁଦ୍ଧା ଆଉ ଦୁଇ ଜଣ ନିଖୋଜ ରହିଥିବା ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି। ଜଳ, ସ୍ଥଳ ଏବଂ ବାୟୁ ସେନାର ୩୦୦ ଯବାନଙ୍କ ସମେତ ଏନଡିଆରଏଫ ଟିମ୍‌ ଏବଂ ଅଗ୍ନିଶମ ବିଭାଗର ମିଳିତ ଉଦ୍ୟମରେ ଏବେ ମଧ୍ୟ ଉଦ୍ଧାର କାର୍ଯ୍ୟ ଜାରି ରହିଛି। ଘଟଣାସ୍ଥଳକୁ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଦୁଇ ଦୁଇଥର ଗସ୍ତ କରି ସ୍ଥିତି ତଦାରଖ କରିଛନ୍ତି। ରାଜ୍ୟର ଅନ୍ୟ କିଛି ବରିଷ୍ଠ ମନ୍ତ୍ରମାନେ ମଧ୍ୟ ଘଟଣାସ୍ଥଳରେ ରହି ଉଦ୍ଧାର କାର୍ଯ୍ୟ ତଦାରଖ କରୁଛନ୍ତି।

ଅହମ୍ମଦାବାଦ : ଗୁଜରାଟର ମୋରବିରେ ଝୁଲାପୋଲ ଭାଙ୍ଗିବା ଘଟଣାରେ ବର୍ତ୍ତମାନ ସୁଦ୍ଧା ମୃତକଙ୍କ ସଂଖ୍ୟା ୧୪୧ରେ ପହଞ୍ଚିଛି। ଏବେ ବି ଅନେକ ଗୁରୁତର ଆହତ ହସ୍ପିଟାଲରେ ଜୀବନ ମରଣ ସହ ଲଢେଇ କରୁଥିବା ବେଳେ କିଛି ନିଖୋଜ ମଧ୍ୟ ରହିଛନ୍ତି। ଆଜିବି ସେନା ଏବଂ ଏନଡିଆରଏଫ୍‌ ଟିମ୍‌ ସର୍ଚ୍ଚ ଅପରେସନ୍‌ କରୁଛନ୍ତି। ତେବେ ଏହାରି ମଧ୍ୟ ପ୍ରଧାନମନ୍ତ୍ରୀଙ୍କ ଗୁଜରାଟ ମଡେଲକୁ ନେଇ ବିରୋଧୀ ପ୍ରଶ୍ନ ଉଠାଇଛନ୍ତି। ପ୍ରଥମେ ଝୁଲାପୋଲ ଦୁର୍ଘଟଣା ପାଇଁ ପ୍ରଶାସନକୁ ସମ୍ପୁର୍ଣ୍ଣ ଦାୟୀ କରୁଥିବା ବିରୋଧୀ ଆଜି ଦୁର୍ଘଟଣାରେ ଆହତଙ୍କୁ ପ୍ରଧାନମନ୍ତ୍ରୀ ମୋଦୀ ଭେଟିବାକୁ ଯିବା ପୂର୍ବରୁ ଗତକାଲି ରାତିରୁ ମୋରବି ହସ୍ପିଟାଲ ପରିସରରେ ରଙ୍ଗବୋଳା ସହ ଅନ୍ୟାନ କାମକୁ ନେଇ ମଧ୍ୟ ପ୍ରଶ୍ନ ଉଠାଯାଇଛି।

त्रासदी का इवेंट

कल PM मोदी मोरबी के सिविल अस्पताल जाएंगे। उससे पहले वहां रंगाई-पुताई का काम चल रहा है। चमचमाती टाइल्स लगाई जा रही हैं।

PM मोदी की तस्वीर में कोई कमी न रहे, इसका सारा प्रबंध हो रहा है।

इन्हें शर्म नहीं आती! इतने लोग मर गए और ये इवेंटबाजी में लगे हैं। pic.twitter.com/MHYAUsfaoC

— Congress (@INCIndia) October 31, 2022

ଗୁଜରାଟ ମୋରବି ବ୍ରିଜ୍ ଦୁର୍ଘଟଣା ପରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିବେ। ଏଥିସହ ହସ୍ପିଟାଲ ଯାଇ ଆହତଙ୍କ ଭେଟିବେ। ତେବେ ମୋଦୀଙ୍କ ହସ୍ପିଟାଲ ଗସ୍ତ ପୂର୍ବରୁ ମୋର୍ବି ସିଭିଲ୍ ହସ୍ପିଟାଲର ରାତାରାତି ବଦଳି ଯାଇଛି ରୂପ। ଆକ୍ଟିଭ ମୁଡରେ ଆସିଯାଇଛନ୍ତି ପ୍ରଶାସନ। ହସ୍ପିଟାଲକୁ ଚିକ୍କଣ କରିବା ପାଇଁ ରାତିସାରା ଚାଲିଛି ରଙ୍ଗବୋଳା କାମ। ଯାହାର କିଛି ଫଟୋ ଏବେ ସାମ୍ନାକୁ ଆସିଛି। ଏହି ହସ୍ପିଟାଲ ମରାମତି କରାଯାଉଥିବା ଫଟୋ ସାମ୍ନାକୁ ଆସିବା ପରେ ବିରୋଧୀ କଂଗ୍ରସେ ଓ ଆମ୍ ଆଦମୀ ପାର୍ଟି ସରକାରଙ୍କ ଉପରେ ଜୋରଦାର ବର୍ଷିଛନ୍ତି।

मोरबी का सिविल अस्पताल 'शहंशाह' के स्वागत को तैयार है।

ये है गुजरात का मॉडल।

एक तरफ मौत का हाहाकार है, दूसरी तरफ 'राजा जी' का इवेंट रचा जा रहा है।

संवेदनाएं मर चुकी हैं। pic.twitter.com/V4wAShMXwj

— Congress (@INCIndia) November 1, 2022

କଂଗ୍ରେସ ଏବଂ ଆପ୍  ହସ୍ପିଟାଲର ଫଟୋ ଶେଆର କରି କହିଛନ୍ତି, ପ୍ରଧାନମନ୍ତ୍ରୀଙ୍କ ଫଟୋ ସୁଟ୍ ପାଇଁ ଏମିତି ପ୍ରସ୍ତୁତି ଚାଲିଛି। କଂଗ୍ରେସ ହସ୍ପିଟାଲର ମରାମତି କାମକୁ ଘୋର ନିନ୍ଦା କରିଛି। ଦଳ କହିଛି, ଏହା ଟ୍ରାଜେଡିର ଇଭେଣ୍ଟ। ମଙ୍ଗଳବାର ପ୍ରଧାନମନ୍ତ୍ରୀ ମୋଦୀ ମୋର୍ବିର ସିଭିଲ ହସ୍ପିଟାଲ୍ ଗସ୍ତ କରିବେ। ଏହା ପୂର୍ବରୁ ସେଠାରେ ରଙ୍ଗବୋଳା କାମ ଚାଲିଛି। ରଙ୍ଗ ବେରଙ୍ଗର ଟାଇଲ୍ସ ଲଗାଯାଉଛି। ପ୍ରଧାନମନ୍ତ୍ରୀଙ୍କ ଫଟୋ ସୁଟ୍‌ରେ ଯେମିତି କୌଣସି ତ୍ରୁଟି ନରହୁ ଏହାର ସମସ୍ତ ବନ୍ଦୋବସ୍ତ କରାଯାଉଛି। ଏମାନଙ୍କୁ ଲଜ୍ଜା ଆସିବା ଦରକାର। ଏତେ ଲୋକ ମରିଗଲେ ଆଉ ଏମାନଙ୍କର ଇଭେଣ୍ଟ କାମ ଚାଲିଛି। ଏଥି ସହିତ ପ୍ରଧାନମନ୍ତ୍ରୀ ଦେଶକୁ ଯେଉଁ ଗୁଜରାଟ ମଡେଲ ଦେଖାଇ ପିଏମ୍‌ ହୋଇଥିଲେ, ସେ ମଡେଲ ଲୋକଲୋଚନକୁ ଆସୁଛି ବୋଲି କଂଗ୍ରେସ କହିଛି।

Morbi Civil Hospital में रातों रात रंग-पुताई की जा रही है ताकि कल PM Modi के Photoshoot में घटिया बिल्डिंग की पोल ना खुल जाए

141 लोग मर चुके हैं, सैकड़ों लोग लापता हैं, असली दोषियों पर कोई कार्रवाई नहीं हुई लेकिन भाजपाइयों को फोटोशूट करके लीपापोती की पड़ी है..#BJPCheatsGujarat pic.twitter.com/KVDLdblD6C

— AAP (@AamAadmiParty) October 31, 2022

ସେହିପରି ଆମ୍ ଆଦମୀ ପାର୍ଟି ମଧ୍ୟ ଟ୍ବିଟ୍‌ରେ ଏକ ଭିଡିଓ ପୋଷ୍ଟ୍‌ କରିଛି। ଭିଡିଓରେ ମୋରବି ସିଭିଲ୍‌ ହସ୍ପିଟାଲ୍‌ର ଘର ରଂଗ କାମ ହେଉଥିବା ଦେଖିବାକୁ ମିଳିିଛି। ଭଡିଓଟିକୁ ପୋଷ୍ଟ୍‌ କରାଯିବା ସହ ସେଥିରେ କ୍ୟାପ୍‌ସନ୍‌ ଦିଆଯାଇଛି, ‘ରାତାରାତି ମୋରବି ସିଭିଲ୍‌ ହସ୍ପିଟାଲ୍‌ର ରଂଗ କାମ କରାଯାଉଛି, ଯେପରି ପ୍ରଧାନମନ୍ତ୍ରୀଙ୍କ ଫଟୋସୁଟ୍‌ରେ ଏହି ପୁରୁଣା କାନ୍ଥର ଗୁମର ଫିଟିନଯିବ। ୧୪୧ ଜଣଙ୍କ ମୃତ୍ୟୁ ହୋଇ ସାରିଲାଣି। ସହ ସହ ଲୋକ ଏବେ ବି ନିଖୋଜ ଅଛନ୍ତି। ଅସଲ ଦୋଷୀ ବିରୋଧରେ କୌଣସି କାର୍ଯ୍ୟାନୁ ଷ୍ଠାନ ହୋଇନି। ହେଲେ ଭାଜପାର ଆଗ ଫଟୋସୁଟ୍‌ ଚିନ୍ତା।’

ସେପଟେ ଗୁଜରାଟର ମୋରବିରେ ଝୁଲାପୋଲ ଭାଙ୍ଗିବା ଘଟଣା ଏବେ ସୁପ୍ରିମକୋର୍ଟରେ ପହଞ୍ଚିଛି। ଏହି ଦୁଃଖଦାୟକ ଘଟଣାକୁ ନେଇ ସର୍ବୋଚ୍ଚ ନ୍ୟାୟାଳୟରେ ଜନସ୍ଵାର୍ଥ ମାମଲା ରୁଜୁ କରାଯାଇଛି। ମାମଲାର ଶୁଣାଣି ଆସନ୍ତା ନଭେମ୍ବର ୧୪ ରେ କରାଯିବ ବୋଲି ତାରିଖ ଧାର୍ଯ୍ୟ କରାଯାଇଛି।ପୋଲ ଭୁଶୁଡ଼ିବା ଯୋଗୁ ୧୩୪ ଜଣଙ୍କ ସଲୀଳ ସମାଧୀ ପଛରେ ଠିକା ସଂସ୍ଥାର ଅବହେଳା ରହିଥିବା ମାମଲାରେ ଦର୍ଶାଯାଇଛି।  ବିନା ଟେଣ୍ଡରରେ ଏଲଇଡି ବଲକ ନିର୍ମାଣକାରୀ କମ୍ପାନୀ ଅଜନ୍ତା ଓରବେକୁ ଦିଆଯାଇଥିଲା ମରାମତି ଦାୟିତ୍ବ । ଶତାୟୁ ପୋଲର ରକ୍ଷଣାବେକ୍ଷଣ, ମରାମତି ପାଇଁ ଓରେଭା କମ୍ପାନୀ ସହ ଚୁକ୍ତି କରିଥିଲା ମୋରବି ନଗର ନିଗମ । ୨୦୩୭ ପର୍ଯ୍ୟନ୍ତ ପୋଲର ରକ୍ଷଣାବେକ୍ଷଣ ଦାୟିତ୍ବ ନେଇଥିଲା ଓରେଭା । ୭ମାସ ଧରି ବ୍ରିଜ ମରାମତି କାମ ଚାଲିଥିବାରୁ ଏହାକୁ ବନ୍ଦ ରଖାଯାଇଥିଲା । ହେଲେ ମରାମତି କାମ କରୁଥିବା କମ୍ପାନୀ ପୋଲର ପୁରୁଣା ତାର ମଧ୍ୟ ବଦଳାଇ ନଥିଲା ।କିନ୍ତୁ ପୋଲର ଆୟୂଷ ଆହୁରି ୮ବର୍ଷ ବଢ଼ିଯାଇଛି ବୋଲି କମ୍ପାନୀ କହିଥିଲା । ମାତ୍ର ୫ ଦିନ ତଳେ ପୋଲ ସର୍ବସାଧାରଣଙ୍କ ପାଇଁ ଖୋଲା ଯାଇଥିବା ବେଳେ କମ୍ପାନୀକୁ ଫିଟନେସ ସାର୍ଟିଫିକେଟ ପ୍ରଦାନ କରାଯାଇ ନଥିବା ଜଣାପଡ଼ିଛିି।

ସୂଚନାଯୋଗ୍ୟ ଯେ, ରବିବାର ଗୁଜରାଟର ମୋରବିରେ ଝୁଲନ୍ତାପୋଲ ଭୁଶୁଡିବା ଘଟଣାରେ ଏ ପର୍ଯ୍ୟନ୍ତ ୧୪୧ଜଣଙ୍କ ପ୍ରାଣହାନୀ ଘଟି ସାରିଛି। ସାତ ମାସର ମରାମତି ପରେ ବିନା ଫିଟନେସ୍ ପ୍ରମାଣ ପତ୍ରରେ କିପରି ପୋଲ ଖୋଲିବାକୁ ଅନୁମତି ଦିଆଗଲା ସେ ନେଇ ପ୍ରଶ୍ନ ଉଠିଛି। ଘଟଣାରେ ଏ ପର୍ଯ୍ୟନ୍ତ ନଅ ଜଣଙ୍କୁ ଗିରଫ କରାଯାଇଛି। ଗିରଫକାରୀଙ୍କ ମଧ୍ୟରେ ଓରେଭା କମ୍ପାନିର ୨ ମ୍ୟାନେଜର, ୨ ଟିକେଟ୍ କ୍ଲର୍କ, ୩ ସିକ୍ୟୁରିଟି ଗାର୍ଡ ଏବଂ ୨ ମରାମତି କଣ୍ଟ୍ରାକ୍ଟର ସାମିଲ୍। ଆହୁରି ଲୋକ ଗିରଫ ହେବାର ସମ୍ଭାବନା ରହିଛି। ଅନ୍ୟପକ୍ଷେ ଏସଆଇଟି ନିଜର ତଦନ୍ତ ଚଳାଇଛି।