ନୂଆଦିଲ୍ଲୀ : ଗ୍ରାହକଙ୍କୁ ମିଳିଛି ବଡ ଆଶ୍ୱସ୍ତି। କମିଲା ଏଲ୍‌ପିଜି ସିଲିଣ୍ଡର ଦର। ଶସ୍ତା ହୋଇଛି କମର୍ସିଆଲ୍‌ ସିଲିଣ୍ଡରର ଦାମ୍‌। ଇଣ୍ଡିଆନ୍‌ ଅଏଲ୍‌ କର୍ପୋରେସନ୍‌ ଅନୁଯାୟୀ ଆଜିଠାରୁ ଦେଶବ୍ୟାପୀ ୧୯ କେଜି କମର୍ସିଆଲ ସିିଲିଣ୍ଡରର ଦର ଏକାବେଳକେ ୧୧୫ ଟଙ୍କା ୫୦ ପଇସା ହ୍ରାସ ପାଇଛି ।ତେବେ ୧୪ କିଲୋଗ୍ରାମ ଘରୋଇ ସିଲିଣ୍ଡର ଦାମ୍‌ରେ କୌଣସି ପରିବର୍ତ୍ତନ ହୋଇନାହିଁ।

ରିପୋର୍ଟ ଅନୁଯାୟୀ, ନଭେମ୍ବର ୧ରୁ ଦିଲ୍ଲୀରେ ୧୯ କିଲୋଗ୍ରାମ ସିଲିଣ୍ଡରର ଦାମ ୧୧୫.୫ ଟଙ୍କା, କୋଲକାତାରେ ୧୧୩ ଟଙ୍କା, ମୁମ୍ବାଇରେ ୧୧୫.୫ ଟଙ୍କା, ଚେନ୍ନାଇରେ ୧୧୬.୫ ଟଙ୍କା ଶସ୍ତା ହୋଇଛି। ଏହା ପୂର୍ବରୁ ଅକ୍ଟୋବର ୧ରେ ସିଲିଣ୍ଡରର ଦାମ ୨୫ ଟଙ୍କା ଶସ୍ତା ହୋଇଥିଲା। ନୂଆ ଦର ଲାଗୁ ହେବା ପରେ ରାଜଧାନୀ ଦିଲ୍ଲୀରେ ବ୍ୟବସାୟିକ ସିଲିଣ୍ଡରର ଦାମ୍ ୧୮୫୯.୫୦ ଟଙ୍କା ଥିବା ବେଳେ କୋଲକାତାରେ ଏହା ଏବେ ୧୮୪୬ ଟଙ୍କାରେ ମିଳିବ। ମୁମ୍ବାଇରେ ବ୍ୟବସାୟିକ ସିଲିଣ୍ଡର ୧୮୪୪ ଟଙ୍କା ବଦଳରେ ୧୬୯୬ ଟଙ୍କାରେ ଏବଂ ଚେନ୍ନାଇରେ ୨୦୦୯.୫୦ ଟଙ୍କା ସ୍ଥାନରେ ୧୮୯୩ରେ ମିଳିବ।

ଦୀପାବଳି ପରେ ମୁଦ୍ରାସ୍ଫୀତିରୁ ମୁକ୍ତି ଖବର ସାମ୍ନାକୁ ଆସିଛି । ବାସ୍ତବରେ, ଏଲପିଜି ସିଲିଣ୍ଡରର ମୂଲ୍ୟ ହ୍ରାସ କରାଯାଇଛି । ଏଲପିଜି ଗ୍ୟାସ ସିଲିଣ୍ଡର ଆଜିଠାରୁ ୧୧୫ ଟଙ୍କା ଶସ୍ତା ହୋଇଛି ଅର୍ଥାତ୍ ନଭେମ୍ବର ୧ । ତେବେ ସାରା ଦେଶରେ ଏଲପିଜିର ବାଣିଜ୍ୟିକ ସିଲିଣ୍ଡର ମୂଲ୍ୟରେ ଏହି ହ୍ରାସ କରାଯାଇଛି । ବର୍ତ୍ତମାନ ଘରୋଇ ସିଲିଣ୍ଡର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ । ଏହି ସିଲିଣ୍ଡର ମୂଲ୍ୟରେ ଶେଷ ପରିବର୍ତ୍ତନ ଜୁଲାଇ ୬ ରେ ହୋଇଥିଲା ।ଏହା ପୂର୍ବରୁ ଅକ୍ଟୋବର ୧ ରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ୨୫ ଟଙ୍କା ହ୍ରାସ କରାଯାଇଥିଲା । ତେବେ ପୁରୁଣା ମୂଲ୍ୟରେ ୧୪.୨ କିଲୋଗ୍ରାମ ଘରୋଇ ଏଲପିଜି ସିଲିଣ୍ଡର ଉପଲବ୍ଧ ହେବ।

ନୂଆଦିଲ୍ଲୀ: ମଙ୍ଗଳବାର ସକାଳୁ ସାଧାରଣ ଲୋକଙ୍କ ଉପରେ ବୋଝ ବଢିଯାଇଛି। ସରକାରଙ୍କ ଦ୍ୱାରା ପେଟ୍ରୋଲ ଏବଂ ଡିଜେଲର ମୂଲ୍ୟ ୮୦ ପଇସା ବୃଦ୍ଧି ପାଇବା ପରେ ଏଲପିଜି ବା ରନ୍ଧନ ଗ୍ଯାସର ମୂଲ୍ୟ ମଧ୍ୟ ୫୦ ଟଙ୍କା ବୃଦ୍ଧି କରାଯାଇଛି। ଅର୍ଥାତ୍ ୧୪.୨ କିଲୋଗ୍ରାମ ସିଲିଣ୍ଡର ପାଇଁ ଏଣିକି ୯୪୯.୫୦ ଟଙ୍କା ଦିଲ୍ଲୀରେ ଦେବାକୁ ପଡିବ। ଏ ନେଇ ଏକ ନ୍ୟୁଜ୍ ଏଜେନ୍ସି  ପକ୍ଷରୁ ଏହି ସୂଚନା ଦିଆଯାଇଛି।

ସୂଚନା ଅନୁଯାୟୀ, ଶେଷ ଥର ପାଇଁ ୬  ଅକ୍ଟୋବରରେଏଲପିଜି ସିଲିଣ୍ଡରର ମୂଲ୍ୟ ବୃଦ୍ଧି କରାଯାଇଥିଲା।  ଆସନ୍ତୁ ଜାଣିବା ବର୍ତ୍ତମାନ ଅନ୍ୟ ସହରରେ ଏକ ସିଲିଣ୍ଡର ପାଇଁ କେତେ ଦେବାକୁ ପଡିବ …

ସହର        ପୂର୍ବରୁ           ବର୍ତ୍ତମାନ

୧- ଦିଲ୍ଲୀ         ୮୯୯.୫୦       ୯୪୯.୫୦

୨- ମୁମ୍ବଇ       ୮୯୯.୫୦        ୯୪୯.୫୦

୩-ଲକ୍ଷ୍ନୌ       ୯୩୭.୫୦      ୯୮୭.୫୦

୪-କୋଲକାତା  ୯୨୬.୦୦      ୯୭୬.୦୦

୫-ଚଣ୍ଡିଗଡ଼      ୯୦୯.୦୦      ୯୫୯.୦୦

୬- ପାଟନା      ୯୮୯.୫୦      ୧୦୩୯.୫୦

୬- ଶିମଲା       ୯୪୫.୦୦     ୯୯୫.୦୦

୭- ଡେରାଡୁନ    ୯୧୮.୦୦    ୯୬୮.୦୦

ନୂଆଦିଲ୍ଲୀ: ପେଟ୍ରୋଲ ଏବଂ ଡିଜେଲ ପରେ ରନ୍ଧନ ଗ୍ୟାସ୍ ଦରକୁ ନେଇ ଏବେ ଖାଉଟି ବେଶ ଚିନ୍ତିତ । ବଢ଼ିଲାଣି ହାଣ୍ଡିଶାଳ ବଜେଟ୍। ଏହାକୁ ନେଇ ଏବେ ଚାରିଆଡୁ କେନ୍ଦ୍ର ସରକାର ସଂଡ଼ଧୁଆସି ଆକ୍ରମଣର ଶିକାର ହେଉଛନ୍ତି । ଅପରପକ୍ଷେ ଉଚ୍ଚ ରନ୍ଧନ ଗ୍ୟାସ ଦରକୁ ନେଇ ଖାଉଟିଙ୍କ ଅସନ୍ତୋଷ ଚରମସୀମାରେ ପହଞ୍ଚିଛି । ଖାଉଟିଙ୍କୁ ଆଉ ପୂର୍ବଭଳି ଏଲ୍‌ପିଜି ସବ୍‌ସିଡି ବା ରିଆତି ଅର୍ଥ ମିଳୁନାହିଁ । ତେଣୁ ଗ୍ୟାସ୍ ତାତିରେ କେନ୍ଦ୍ର ସରକାର ହଡ଼ବଡ଼ । ଏହାକୁ ନଜରରେ ରଖି କେନ୍ଦ୍ର ସରକାର ଏବେ ନୂଆ ଏଲ୍‌ପିଜି ସବ୍‌ସିଡି ନୀତି ଆଣିବାକୁ ଯୋଜନା କରୁଥିବା ଜଣାଯାଇଛି। ଏ ନେଇ ଏବେ ବିଚାରବିମର୍ଶ ଜୋରସୋର ଚାଲିଛି। ରିପୋର୍ଟ ଅନୁଯାୟୀ ନୂଆ ଏଲ୍‌ପିଜି ନୀତିରେ ସିଲିଣ୍ଡର ରିହାତି ପାଇବାକୁ ହେଲେ ହିତାଧିକାରୀଙ୍କ ବାର୍ଷିକ ଆୟ ୧୦ ଲକ୍ଷରୁ କମ୍ ହୋଇଥିବା ଆବଶ୍ୟକ।

ବର୍ତ୍ତମାନ ମହଙ୍ଗା ମାଡ଼ରେ ସାଧାରଣ ଲୋକ ଆଶା କରୁଛନ୍ତ ଯେ ଏଲ୍‌ପିଜି ସିଲିଣ୍ଡର କ୍ରୟ ଉପରେ କେନ୍ଦ୍ର ସରକାର ରିହାତି ପ୍ରଦାନ ଆରମ୍ଭ କରିବେ । ନିକଟରେ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ଉପରେ ଉତ୍ପାଦ ଶୁଳ୍କ ଯଥାକ୍ରମେ ୫ ଏବଂ ୧୦ ଟଙ୍କା ହ୍ରାସ କରିଛନ୍ତି। ଏଥିରେ ଅନେକ ଏବେ ଆଶା କରୁଛନ୍ତି ଯେ ସରକାର ଏଲ୍‌ପିଜି ସିଲିଣ୍ଡର ଉପରେ ରିହାତି ପ୍ରଦାନ ଆରମ୍ଭ କରିପାରିବେ । ଏବେ ଘରୋଇ ବଜାରରେ ଏଲ୍‌ପିଜି ସିଲିଣ୍ଡରର ମୂଲ୍ୟ ୧୦୦୦ ଟଙ୍କା ଛୁଇଁବାକୁ ଯାଉଛି ।

ସରକାରଙ୍କ ଆଭ୍ୟନ୍ତରୀଣ ଆକଳନ ଅନୁଯାୟୀ ଗ୍ରାହକମାନେ ସିଲିଣ୍ଡର ପାଇଁ ୧୦୦୦ ଟଙ୍କା ଦେବାକୁ ପ୍ରସ୍ତୁତ ଅଛନ୍ତି । ତେବେ ଏକ ରିପୋର୍ଟ ଅନୁଯାୟୀ, କେନ୍ଦ୍ର ସରକାର ଦୁଇଟି ଉପାୟରେ ସିଲିଣ୍ଡର ବିକ୍ରି କରିବାକୁ ଯୋଜନା କରୁଛନ୍ତି । ଗୋଟିଏ ଉପାୟ ହେଉଛି ସରକାର ବିନା ରିହାତିରେ ଏଲପିଜି ସିଲିଣ୍ଡର ବିକ୍ରି ଜାରି ରଖିପାରିବେ। ଦ୍ଵିତୀୟତଃ ଗ୍ରାହକ ଚୟନ କରିବା ପାଇଁ ସରକାର ରନ୍ଧନ ଗ୍ୟାସ ସିଲିଣ୍ଡର କ୍ରୟ ଉପରେ ରିଆତି ପ୍ରଦାନ କରି ପାରନ୍ତି । ବର୍ତ୍ତମାନ ସୁଦ୍ଧା ସରକାର ଏଲପିଜି ସବସିଡି ସହ ଜଡିତ କୌଣସି ନିଷ୍ପତ୍ତି ନେଇନାହାଁନ୍ତି । ତେବେ ବାର୍ଷିକ ୧୦ ଲକ୍ଷ ଟଙ୍କାରୁ କମ୍ ଆୟ କରୁଥିବା ଗ୍ରାହକଙ୍କୁ ସରକାର ସବସିଡି ପ୍ରଦାନ କରିପାରନ୍ତି ବୋଲି ରିପୋର୍ଟରେ ଦର୍ଶାଯାଇଛି । ଆହୁରି ମଧ୍ୟ, ଉଜ୍ଜ୍ଵଳା ଯୋଜନାର ହିତାଧିକାରୀମାନେ ଏଲ୍‌ପିଜି କ୍ରୟ ଉପରେ ସବସିଡି ପାଇପାରିବେ ।

ମେ ୨୦୨୦ରୁ ଏଲପିଜି ଗ୍ୟାସ ସିଲିଣ୍ଡର ଉପରେ ଗ୍ରାହକଙ୍କୁ ସିଧାସଳଖ ସବସିଡି ପ୍ରଦାନ ବନ୍ଦ ହୋଇଥିଲା ଯେଉଁ ସମୟରେ କୋଭିଡ୍ ମହାମାରୀ କାରଣରୁ ରନ୍ଧନ ମୂଲ୍ୟ ଢେର ହ୍ରାସ ପାଇଥିଲା। ସେତେବେଳେ ତୈକ ଓ ଗ୍ୟାସର ଆନ୍ତର୍ଜାତୀୟ ମୂଲ୍ୟ ଗୁରୁତର ଭାବେ ହ୍ରାସ ପାଇଥିଲା । ତେବେ ସରକାର ପରୋକ୍ଷରେ ସବସିଡି ପ୍ରଦାନ ଜାରି ରଖିଛନ୍ତି । ଉଦାହରଣ ସ୍ଵରୂପ, ୨୦୨୧ ଆର୍ଥିକବର୍ଷରେ ରନ୍ଧନ ଗ୍ୟାସ ସବସିଡି ବାବଦ କେନ୍ଦ୍ର ସରକାର ୩୫୫୯ କୋଟି ଟଙ୍କା ବ୍ୟୟ କରିଛନ୍ତି। ୨୦୨୦ ଆର୍ଥିକବର୍ଷରେ ଏହି ଖର୍ଚ୍ଚ ୨୪, ୪୬୮ କୋଟି ଟଙ୍କା ରହିଥିଲା ।

ଭୁବନେଶ୍ୱର: ମହଙ୍ଗା ମାଡ଼ରେ ସବୁ ଗଣିତ ଓଲଟପାଲଟ। ରୋଷେଇ ଘର ବଜେଟ ବିଗିଡ଼ିବା ପରେ ସାଧାରଣ ଖାଉଟିଙ୍କଠାରୁ ମଧ୍ୟବିତ୍ତଙ୍କ ପର୍ଯ୍ୟନ୍ତ ସବୁଠି ବଢ଼଼ିଛି ଅସନ୍ତୋଷ। ପ୍ରଭାବିତ ହୋଇଛି ବେପାରବଣିଜ। ନିକଟରେ ଟିକସ ହ୍ରାସ ପରେ ଗ୍ରାହକଙ୍କୁ ପେଟ୍ରୋଲ ଓ ଡିଜେଲ ଦରରୁ କିଛିଟା ଆଶ୍ୱସ୍ତି ମିଳିଛି, ତେବେ ରନ୍ଧନ ଗ୍ୟାସ୍‍ ଦର ବୃଦ୍ଧିରେ ଖାଉଟି ଅଣନିଶ୍ୱାସୀ। ଏଲ୍‍ପିଜି ମହଙ୍ଗା ହେବା ପରେ ପରିବାରର ଆର୍ଥିକ ଗଣିତ ବିଗିଡ଼ି ଯାଇଛି। ମହଙ୍ଗା ଏଲ୍‍ପିଜି ସବୁ ବର୍ଗକୁ ପ୍ରଭାବିତ କରିଛି। ଏପରିକି ଯେଉଁ ‘ଉଜ୍ଜ୍ୱଳା’କୁ ନେଇ କେନ୍ଦ୍ରରେ କ୍ଷମତାସୀନ ଏନ୍‌ଡିଏ ସରକାର ବାହାବାହା ନେଉଛନ୍ତି ସେହି ଉଜ୍ଜ୍ୱଳା ହିତାଧିକାରୀ ବର୍ଦ୍ଧିତ ଦର ଯୋଗୁଁ ସିଲିଣ୍ଡରକୁ ବାନ୍ଧିବୁନ୍ଧି ଖଟତଳେ ଗଡ଼଼ାଇ ଦେଲେଣି। ପୁଣି ଚୂଲି, କାଠ, ଘସି, ନଡ଼ାକୁ ମୁହାଁଇଛନ୍ତି ଗ୍ରାମର ଗରିବ ମହିଳା। ଗ୍ୟାସ୍‍ ସିଲିଣ୍ଡରର ଉଚ୍ଚ ଦର ଗରିବ ଓ ମଧ୍ୟବିତ୍ତ ପରିବାରର ପକେଟ୍‍କୁ ସୁହାଉନାହିଁ। ଯାହାର ଜ୍ୱଳନ୍ତ ଉଦାହରଣ ହେଉଛି ଉଜ୍ଜ୍ୱଳା ହିତାଧିକାରୀ ସିଲିଣ୍ଡର ନ ଭରିବା। ୭୦ ପ୍ରତିଶତ ଉଜ୍ଜ୍ୱଳା ହିତାଧିକାରୀ ଗ୍ୟାସ୍‍ ଭରୁନାହାଁନ୍ତି। ଏମିତିକି ଏଲ୍‍ପିଜି ସିଲିଣ୍ଡରର ଉଚ୍ଚ ଦର ଯୋଗୁଁ ଖାଉଟି ଆଉ ସିଲିଣ୍ଡର ଭରିବାରେ ଆର୍ଥିକ ଦୃଷ୍ଟିରୁ ସମର୍ଥ ହେଉନାହାନ୍ତି। ଏହାର ସିଧାସଳଖ ପ୍ରଭାବ ଗ୍ୟାସ୍‍ ବିତରକଙ୍କ ବ୍ୟବସାୟ ଉପରେ ପଡ଼ିଛି। ଫଳତଃ ଦର ବୃଦ୍ଧି ଚାପରେ ଗ୍ୟାସ୍‍ ବ୍ୟବସାୟ ୫୦ ପ୍ରତିଶତ ପ୍ରଭାବିତ ହୋଇଛି। ଯାହାକୁ ନେଇ ଏବେ ଖାଉଟିଙ୍କ ପରେ ଏଲ୍‍ପିଜି ଡିଷ୍ଟ୍ରିବ୍ୟୁଟରମାନେ ଚିନ୍ତାରେ ପଡ଼ିଛନ୍ତି।

ବର୍ତ୍ତମାନ ବଜାରରେ ଏକ ଏଲ୍‍ପିଜି ସିଲିଣ୍ଡର ପିଛା ଦର ୯୨୬ ଟଙ୍କା ରହିଥିବାବେଳେ ବାଣିଜ୍ୟିକ ସିଲିଣ୍ଡର ଦର ୨୧୦୦ ଟଙ୍କାରେ ପହଞ୍ଚିଛି। ଚଳିତବର୍ଷ ଏପ୍ରିଲରେ ଘରୋଇ ଏଲ୍‍ପିଜି ଅଣ-ରିଆତି ଗ୍ୟାସ୍‍ ସିଲିଣ୍ଡର (୧୪.୨ କେଜି) ଦର ୮୩୫ ଟଙ୍କା ୫୦ ପଇସା ରହିଥିଲା। ଅକ୍ଟୋବରରେ ଏହି ଦର ସିଲିଣ୍ଡର ପିଛା ୯୨୬ ଟଙ୍କାରେ ପହଞ୍ଚିଛି। ସେହିଭଳି ବାଣିଜ୍ୟିକ ଏଲ୍‍ପିଜି ସିଲିଣ୍ଡର(୧୯ କେଜି)ର ଦର ଏପ୍ରିଲ ମାସରେ ୧୭୩୫ ଟଙ୍କା ୫୦ ପଇସା ରହିଥିଲା। ଏବେ ଏହା ୨୧୦୦ ଟଙ୍କାରେ ପହଞ୍ଚିଲାଣି। ତେଲ ତାତିରେ ଏବେ ବଜାରରେ ପେଟ୍ରୋଲ ଓ ଡିଜେଲଠାରୁ ତେଜରାତି, ପନିପରିବା ଏବଂ ଔଷଧ ସାମଗ୍ରୀ ମୂଲ୍ୟ ବହୁଗୁଣ ବଢ଼଼ିଯାଇଛି। ଏଭଳି ମହଙ୍ଗା ମାଡ଼ ସମୟରେ ଏଲ୍‍ପିଜି ଗ୍ରାହକ ଗ୍ୟାସ୍‍ ଭର୍ତ୍ତି ସିଲିଣ୍ଡର କିଣିବାକୁ ସକ୍ଷମ ହେଉନାହିଁ। ଘର ଦୁଆରମୁହଁରେ ସିଲିଣ୍ଡର ଧରି ଆସିଥିବା ଡେଲିଭରୀ ବଏକୁ ପେମେଣ୍ଟ ଦେବାକୁ ଗ୍ରାହକଙ୍କ ପକେଟ୍‍ରେ ପଇସା ନାହିଁ। ଏଥିଯୋଗୁ ଗ୍ୟାସ୍‍ ବ୍ୟବସାୟ ୫୦ ପ୍ରତିଶତ ପ୍ରଭାବିତ ହୋଇଛି। ଏହାଛଡା ଗରିବ ଲୋକଙ୍କୁ ଯୋଗାଇ ଦିଆଯାଇଥିବା ଉଜ୍ୱଳା ଗ୍ୟାସ୍‍ର ସିଲିଣ୍ଡର ଏବେ ଫାଙ୍କା। ଏହାର ମୁଖ୍ୟ କାରଣ ହେଉଛି ଏହି ସିଲିଣ୍ଡରରେ ଗ୍ୟାସ୍‍ ଭରିବାକୁ ସେହି ହିତାଧିକାରୀଙ୍କ ପାଖରେ ପାଇସା ନାହିଁ। ଯାହାର ଫଳସ୍ୱ୍ୱରୂପ ବର୍ତ୍ତମାନ ଉଜ୍ଜ୍ୱଳା ଯୋଜନାରେ ବ୍ୟବସାୟ ୩୦ ପ୍ରତିଶତ କମିଯାଇଛି। ଅପରପକ୍ଷେ ବ୍ୟବସାୟ କାରବାର ଭଲ ରହୁ ନ ଥିବାଯୋଗୁ ବାଣିଜ୍ୟିକ ସିଲିଣ୍ଡର ବିକ୍ରି ମଧ୍ୟ ୫୦ ଭାଗ କମିଯାଇଛି। ସିଲିଣ୍ଡର ବିକ୍ରି କମିବାର ପ୍ରଭାବ ଏବେ ଏଲ୍‍ପିଜି ଡିଷ୍ଟ୍ରିବ୍ୟୁଟରଙ୍କ ଉପରେ ପଡ଼ିଛି। ଏଥିଯୋଗୁ ପ୍ରତି ସିଲିଣ୍ଡର ପିଛା ଡିଷ୍ଟ୍ରିବ୍ୟୁଟର ପାଉଥିବା କମିସନ କମୁଛି।

ଏ ସମ୍ପର୍କରେ ଓଡ଼ିଶା ଏଲ୍‍ପିଜି ଡିଷ୍ଟ୍ରିବ୍ୟୁଟର ସଂଘର ସଭାପତି ବିଶ୍ୱନାଥ ମୁଖାର୍ଜୀ କହିଛନ୍ତି ଯେ, ସିଲିଣ୍ଡର ବିକ୍ରି କମିବା ଯୋଗୁ ଆମ ଭଳି ଡିଷ୍ଟ୍ରିବ୍ୟୁଟର ବେଶୀ ପ୍ରଭାବିତ। ଆମକୁ ପ୍ରତି ସିଲିଣ୍ଡର ପିଛା ଡେଲିଭରୀ ବାବଦ ଖର୍ଚ୍ଚ ୬୪ ଟଙ୍କା ମିଳିଥାଏ। ଏହାବାଦ୍‍ ଗ୍ରାହକଙ୍କ ଦ୍ୱାରଦେଶରେ ଡେଲିଭରି ପାଇଁ ଖର୍ଚ୍ଚ ତେଲ ଦର ବଢ଼଼ିବା ପରେ ସିଲିଣ୍ଡର ପିଛା ପ୍ରାୟ ୩୫ ଟଙ୍କା ପଡ଼ିଯାଉଛି। ଡେଲିଭରୀ ବୟ ଚାର୍ଜ ୩୦ ଟଙ୍କା ଖର୍ଚ୍ଚ ହେଉଛି। ଏଲ୍‍ପିଜି ଦର ବଢ଼଼ିବା ଯୋଗୁ ଲୋକେ ଖୁବ୍‍ କମ୍‍ ସିଲିଣ୍ଡର ଭରୁଛନ୍ତି। ଯେଉଁଠି ଆମେ ମାସକୁ ୧୨,୦୦୦ ଏଲ୍‍ପିଜି ସିଲିଣ୍ଡର ଯୋଗାଣ କରୁଥିଲୁ ଏବେ ତାହା ୯୦୦୦କୁ ଖସିଆସିଛି। ଦରବୃଦ୍ଧି ଯୋଗୁ ସହରାଞ୍ଚଳରେ ଏଲ୍‍ପିଜି ବ୍ୟବସାୟ ୩୦ ପ୍ରତିଶତ ଏବଂ ଗ୍ରାମାଞ୍ଚଳରେ ୫୦ ପ୍ରତିଶତ ହ୍ରାସ ଘଟିଛି। ଅପରପକ୍ଷେ ଆମର କ୍ଷତି ବଢ଼଼ିବାରେ ଲାଗିଛି। ସହରାଞ୍ଚଳର ଯେଉଁ ମଧ୍ୟବିତ୍ତ ପରିବାରଟିଏ ବର୍ଷକୁ ୧୨ଟା ସିଲିଣ୍ଡର ନେଉଥିଲା, ଏବେ ସେହିପରି ବର୍ଷକୁ ୬ରୁ ୮ ସିଲିଣ୍ଡର ନେଉଛି। ଗ୍ରାମାଞ୍ଚଳ କଥା ନ କହିବା ଭଲ। ରାଜ୍ୟରେ ମୋଟ ୯୭୬ ଏଲ୍‍ପିଜି ଡିଷ୍ଟ୍ରିବ୍ୟୁଟର ରହିଛନ୍ତି। ଅନେକ ଗ୍ରାମାଞ୍ଚଳର ଡିଷ୍ଟ୍ରିବ୍ୟୁଟର ବ୍ୟବସାୟ ବନ୍ଦ କରିବାକୁ ଚିନ୍ତା କଲେଣି। ପ୍ରସଙ୍ଗ ଉପରେ ଏଲ୍‍ପିଜି ବିତରକ ସଂଘର ସଦସ୍ୟ ପବିତ୍ର ମୋହନ ସାହୁ କହିଛନ୍ତି ଯେ, ଏଲ୍‍ଜିପି ଦର ବୃଦ୍ଧି ପ୍ରଭାବରେ ଉଜ୍ୱଳା ଯୋଜନାରେ ବ୍ୟବସାୟ ୭୦ ପ୍ରତିଶତ କମିଯାଇଛି। ବାଣିଜ୍ୟିକ ସିଲିଣ୍ଡର କାରବାର ମଧ୍ୟ ୫୦ ଭାଗ କମିଛି। ବର୍ତ୍ତମାନ ପରିସ୍ଥିତିରେ ଜଣେ ଉଜ୍ଜ୍ୱଳା ଗ୍ରାହକ ବର୍ଷକୁ ମାତ୍ର ୪ଟି ସିଲିଣ୍ଡର ଭରୁଥିବା ସେ କହିଛନ୍ତି।

ନୂଆଦିଲ୍ଲୀ: ନୂତନ ଏଲ୍‌ପିଜି ଗ୍ୟାସ୍ ସଂଯୋଗ ନେବାକୁ ଚାହୁଁଥିବା ଲୋକଙ୍କ ପାଇଁ ଭଲ ଖବର । କାରଣ ଭାରତୀୟ ତୈଳ ନିଗମ ଲିମିଟେଡ୍‌(ଆଇଓସିଏଲ୍)ର ଗ୍ୟାସ୍ କମ୍ପାନୀ ଇଣ୍ଡେନ୍‌ ଗ୍ରାହକଙ୍କ ପାଇଁ ଏକ ବଡ଼ ସୁବିଧା ଆଣିଛି । ଏହି ଅନୁଯାୟୀ, ଯେଉଁ ଗ୍ରାହକ ଆଧାର କାର୍ଡ ଦେଖାଇବେ ସେମାନଙ୍କୁ ତୁରନ୍ତ ଏଲପିଜି ଗ୍ୟାସ ସଂଯୋଗ ମିଳିବ। ବିଶେଷ କଥା ହେଉଛି ଗ୍ୟାସ ସଂଯୋଗ ପାଇବା ପାଇଁ ଆପଣଙ୍କୁ କେବଳ ଆଧାର କାର୍ଡ ଦରକାର। ଏହା ବ୍ୟତୀତ ଅନ୍ୟ କୌଣସି ବିସ୍ତୃତ ବିବରଣୀ କିମ୍ବା ପୃଥକ୍ କାଗଜପତ୍ର ଦେଖାଇବା ଆବଶ୍ୟକତା ନାହିଁ ।

ବାସ୍ତବରେ, ନୂତନ ସହରରେ ଏଲ୍‌ପିଜି ସଂଯୋଗ ନେଉଥିବା ଅନେକ ଗ୍ରାହକ ରହିଛନ୍ତି, ଯେଉଁମାନଙ୍କ ପାଇଁ ଏହି ସୁବିଧା ବହୁତ ଉପଯୋଗୀ ହେବ। ଏହାର କାରଣ ହେଉଛି ଅନେକ ଗ୍ୟାସ ନୂଆ ଏଲ୍‌ପିଜି ସଂଯୋଗ ଦେବା ପାଇଁ କମ୍ପାନୀ ବିଗିନ୍ନ ପ୍ରକାରର କାଗଜପତ୍ର ମାଗିଥାନ୍ତି। ଏଥିରେ ଠିକଣା ପ୍ରମାଣ ପ୍ରଦାନ କରିବା ଅତ୍ୟନ୍ତ ଗୁରୁତ୍ବପୂର୍ଣ୍ଣ। ତଥାପି ଅନେକ ସହରରେ କାର୍ଯ୍ୟ କରୁଥିବା ପ୍ରବାସୀ ଶ୍ରମିକମାନଙ୍କର ଠିକଣା ପ୍ରମାଣ ନାହିଁ। ଏଭଳି ପରିସ୍ଥିତିରେ ସେମାନଙ୍କୁ ଏଲପିଜି ସଂଯୋଗ ପାଇବାରେ ଅନେକ ସମସ୍ୟାର ସମ୍ମୁଖୀନ ହେବାକୁ ପଡିଥାଏ। ଏହି ନୂତନ ବ୍ୟବସ୍ଥାରେ କୌଣସି ବ୍ୟକ୍ତି ଆଧାର କାର୍ଡ ଦେଖାଇ ଏକ ନୂତନ ଏଲପିଜି ସଂଯୋଗ ନେବା ପରେ ତାଙ୍କୁ ପ୍ରଥମେ ସବସିଡି ଯୁକ୍ତ ସଂଯୋଗ ଦିଆଯିବ। ଗ୍ରାହକ ପରେ ଠିକଣା ପ୍ରମାଣ ଦାଖଲ କରିପାରିବେ । ଏହି ପ୍ରମାଣ ଦାଖଲ ହେବା ମାତ୍ରେ ସିଲିଣ୍ଡର ଉପରେ ସବସିଡିର ଲାଭ ମଧ୍ୟ ଦିଆଯିବ। ଯଦି କୌଣସି ଗ୍ରାହକ ଶୀଘ୍ର ଏଲ୍‌ପିଜି ଗ୍ୟାସ୍ ସଂଯୋଗ ପାଇବାକୁ ଚାହାଁନ୍ତି ଏବଂ ତାଙ୍କର ଠିକଣା ପ୍ରମାଣ ନାହିଁ, ତେବେ ସେ ତୁରନ୍ତ ଆଧାର ନମ୍ବର ମାଧ୍ୟମରେ ଏହି ସୁବିଧା ପାଇବାକୁ ହକଦାର ହେବେ ।

ନୂଆଦିଲ୍ଲୀ: ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ଖାଉଟିଙ୍କୁ ବାଧୁଥିବା ବେଳେ ଏବେ ପୁଣି ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୨୫ ଟଙ୍କା ବୃଦ୍ଧି ପାଇଛି। ଏହାଫଳରେ ଲୋକଙ୍କ ସମସ୍ୟା ଆହୁରି ବଢିଯାଇଛି। ପେଟ୍ରୋଲିୟମ କମ୍ପାନୀଗୁଡିକ ସୋମବାର ମଧ୍ୟରାତ୍ରିରୁ ୧୪.୨ କିଲୋଗ୍ରାମ ଓଜନ ବିଶିଷ୍ଟ ଗ୍ୟାସ ସିଲିଣ୍ଡରର ମୂଲ୍ୟ ୨୫ ଟଙ୍କା ଏବଂ ୫ କିଲୋଗ୍ରାମ ଓଜନ ବିଶିଷ୍ଟ ସିଲିଣ୍ଡରର ମୂଲ୍ୟ ୯ ଟଙ୍କାକୁ ବୃଦ୍ଧି କରିଛନ୍ତି।

ସିଲିଣ୍ଡର ମୂଲ୍ୟ ବୃଦ୍ଧି ସାଧାରଣ ଲୋକଙ୍କ ଉପରେ ବେଶ୍‌ ପ୍ରଭାବ ପକାଇବ। ସୋମବାର ପର୍ଯ୍ଯନ୍ତ ଘରୋଇ ଗ୍ୟାସର ମୂଲ୍ୟ ୧୪.୨ କିଲୋଗ୍ରାମକୁ ଥିଲା ୮୮୭.୫୦ ଟଙ୍କା, ମଙ୍ଗଳବାର ଠାରୁ ଏହା ମୂଲ୍ୟ ବୃଦ୍ଧି ହୋଇ ୯୧୨.୫୦ ଟଙ୍କା ହୋଇଛି। ସେହିପରି ୫ କିଲୋଗ୍ରାମ ଏଲପିଜି ସିଲିଣ୍ଡରର ମୂଲ୍ୟ ମଧ୍ୟ ୩୨୬.୫୦ ଟଙ୍କାରୁ ବୃଦ୍ଧି ହୋଇ ୩୩୫.୫୦ ଟଙ୍କା ହୋଇଛି।

ନୂଆଦିଲ୍ଲୀ : ଗୋଟେ ପଟେ କୋରୋନାରେ ଲୋକେ ଜୀବନ ଜିବିକା ସଜାଡି ପାରିନଥିବାବେଳେ ଅନ୍ୟପଟେ ଦର ବୃଦ୍ଧି ଖାଉଟିଙ୍କ ଉପରେ ବୋଝ ଉପରେ ନଳିତା ବିଡା ସଦୃଶ ହୋଇଛି । ଗୋଟେପଟେ ତେଲ ଦର ଅଥୟ କରିଥିବାବେଳେ ଏପଟେ ବୃଦ୍ଧି ପାଇଲା ଏଲପିଜି ଗ୍ୟାସ ସିଲିଣ୍ଡର ଦର । ଚଳିତ ମାସରେ ତୃତୀୟ ଥର ପାଇଁ ଗ୍ୟାସ ସିଲିଣ୍ଡରର ମୂଲ୍ୟ ବୃଦ୍ଧି ପାଇଛି । ଆଜିଠୁ ୧୪.୨ କେଜି ଏଲପିଜି ସିଲିଣ୍ଡର ପିଛା ୨୫ ଟଙ୍କା ବୃଦ୍ଧି ପାଇଛି ।

ପୂର୍ବରୁ ଚଳିତ ମାସ ୪ ଓ ୧୪ ତାରିଖରେ ଏଲପିଜି ଦର ବୃଦ୍ଧି ପାଇଥିଲା । ତେଲ ଦର ହୁ ହୁ ବଢୁଥିବା ବେଳେ ଗ୍ୟାସ ଦର ବୃଦ୍ଧି କାଉଟିଙ୍କୁ ଚିନ୍ତାରେ ପକାଇଛି । ଏଠାରେ କହି ରଖୁଛୁ ଯେ ଡିସେମ୍ବର ମାସରେ ଦୁଇ ଦୁଇ ଥର ଦର ବୃଦ୍ଧି ପାଇଥିଲା । ଡିସେମ୍ବର ୧ ରେ ଗ୍ୟାସ ଦର ୫୯୪ ରୁ ୬୪୪ ଟଙ୍କା ବଢିଥିଲା । ୧ ଜାନୁଆରୀରେ ୬୪୪ ରୁ ୬୯୪ ହୋଇଥିଲା। ଜାନୁଆରୀ ୧ରେ ଜାରି ହୋଇଥିବା ନୂଆ ଦର ସେହି ମାସରେ ଅପରିବର୍ତ୍ତିତ ରହିଥିଲା । ହେଲେ ଫେବୃଆରୀ ମାସରେ ତିନି ତିନି ଥର ଦର ବୃଦ୍ଧି ହୋଇ ଏବେ ୭୯୪ ଟଙ୍କାରେ ପହଞ୍ଚିଛି। କେଳବ ଫେବୃଆରୀ  ମାସରେ ଗ୍ୟାସ ଦର ୧୦୦ ଟଙ୍କା ବୃଦ୍ଧି ପାଇସାରିଲାଣି।

୪ ଫେବୃଆରୀରେ ଏଲପିଜି ସିଲିଣ୍ଡର ପିଛା ୨୫ ଟଙ୍କା ବୃଦ୍ଧି  ୬୯୪ ରୁ ୭୧୯ ଟଙ୍କା ହୋଇଥିଲା। ଏହାର କିଛି ଦିନ ପରେ ୧୫ ଫେବୃଆରୀରେ ଦର ପୁଣି ୫୦ ଟଙ୍କା ବୃଦ୍ଧି ପାଇ ୭୧୯ ରୁ ୭୬୯ ରେ ପହଞ୍ଚିଥିଲା। ପୁଣି ଆଜି ଅର୍ଥାତ ୨୫ ଫେବୃଆରୀରେ  ୨୫ ଟଙ୍କା ବୃଦ୍ଧି ପାଇ ୭୬୯ରୁ ୭୯୪ରେ ପହଞ୍ଚିଛି।

ନୂଆଦିଲ୍ଲୀ : ଦେଶରେ ଜାରି ରହିଛି ମହଙ୍ଗା ମାଡ଼ । ଗୋଟିଏ ପଟେ ଲଗାତାର ତୈଳଦର ବୃଦ୍ଧି ଖାଉଟିଙ୍କ ଅସ୍ତବ୍ୟସ୍ତ କରି ଦେଉଥିବା ବେଳେ ପୁଣି ଗ୍ୟାସ୍ ଦର ବଢ଼ିଛି । ଗତ ପେବୃଆରୀ ୧୫ ତାରିଖରୁ ୧୪.୨ କେଜିର ଘରୋଇ ଗ୍ୟାସ୍ ସିଲିଣ୍ଡର ଦାମ୍ ୫୦ ଟଙ୍କା ବଢ଼ିଛି । ଯାହା ଫଳରେ ୪.୨ କେଜିର ଘରୋଇ ଗ୍ୟାସ୍ ସିଲିଣ୍ଡର ଦାମ୍‌ ୭୬୯ ଟଙ୍କାରେ ପହଞ୍ଚିଛି।  କିନ୍ତୁ  ଆମେ ଆଜି ଆପଣଙ୍କୁ ଜଣାଇବୁ କିପରି ଆପଣ ଏହି ଦାମୀ ୭୬୯ ଟଙ୍କାରେ ଗ୍ୟାସ୍‌ ସିଲିଣ୍ଡରକୁ କିପରି ମାତ୍ର ୬୯ ଟଙ୍କାରେ କିଣିପାରିବେ ।

ଆପଣ ପେଟିଏମ୍ରୁ ନିଜର ଏଲ୍‌ପିଜି ସିଲିଣ୍ଡର ବୁକ୍ କରି ଆପଣ ୭୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ପାଇପାରିବେ। ଦେଶର ଅଧିକାଂଶ ଭାଗରେ ଯେଉଁଠାରେ ସବସିଡି ପରେ ଏଲ୍‌ପିଜି ସିଲିଣ୍ଡର ୭୦୦ ରୁ ୭୬୯ ଟଙ୍କା ମଧ୍ୟରେ ଅଛି, ଆପଣ ପେଟିଏମର ସ୍ୱତନ୍ତ୍ର କ୍ୟାସବ୍ୟାକର ଲାଭ ଉଠାଇ ୧୪.୨ କେଜିର ଘରୋଇ ଗ୍ୟାସ୍ ସିଲିଣ୍ଡର  ମାତ୍ର ୬୯ ଟଙ୍କାରେ କିଣି ପାରିବେ । ଜାଣନ୍ତୁ କିପରି ଏହି ଅଫରର ଲାଭ ଉଠାଇବେ …

1.  ଯଦି ଆପଣଙ୍କର ଫୋନରେ ପେଟିଏମ୍ ଆପ୍ ନାହିଁ ତେବେ ପ୍ରଥମେ ଡାଉନଲୋଡ୍ କରନ୍ତୁ
2.  ଏହା ପରେ ଆପଣଙ୍କ ଫୋନରେ ପେଟିଏମ୍ ଆପ୍ ଖୋଲନ୍ତୁ
3.  ଏହା ପରେ ‘ରିଚାର୍ଜ ଏବଂ ବିଲ୍ ପେ’ ଆପ୍ସନକୁ ଯାଆନ୍ତୁ
4.  ଏହା ପରେ ‘ବୁକ୍ ସିଲିଣ୍ଡର’ ଅପ୍ସନ୍ ଖୋଲନ୍ତୁ
5.  ଏହା ପରେ ଭାରତ ଗ୍ୟାସ୍, ଏଚପି ଗ୍ୟାସ୍ କିମ୍ବା ଇଣ୍ଡିଆନ୍‌, ଯେଉଁ ଗ୍ୟାସ୍‌ କମ୍ପାନୀର ଆପଣବ୍ୟବହାର କରନ୍ତି ତାହା ଚୟନ କରନ୍ତୁ ।
6.  ଏହା ପରେ ପଞ୍ଜୀକୃତ ମୋବାଇଲ୍ ନମ୍ବର କିମ୍ବା ଆପଣଙ୍କର ଏଲ୍‌ପିଜି ଆଇଡି ଏଣ୍ଟ୍ରି କରନ୍ତୁ
7.  ଏହା ପରେ ଆପଣ ପେମେଣ୍ଟ ବିକଳ୍ପ ଦେଖିବେ
8. : ବର୍ତ୍ତମାନ ପେମେଣ୍ଟରେ ଏଣ୍ଟ୍ରି କରିବା ପୂର୍ବରୁ, ଅଫରରେ ”FIRSTLPG’ ପ୍ରୋମୋ କୋଡ୍ ଲେଖନ୍ତୁ

୨୮ ଫେବୃଆରୀ ୨୦୨୧ ପର୍ଯ୍ୟନ୍ତ ଏହି ଅଫର୍ ବୈଧ ରହିବ । ଯେଉଁ ଗ୍ରାହକମାନେ ପେଟିଏମ୍ ଆପ୍ ମାଧ୍ୟମରେ ପ୍ରଥମ ଥର ପାଇଁ ଏଲ୍‌ପିଜି ଗ୍ୟାସ୍ ସିଲିଣ୍ଡର ବୁକ୍ କରନ୍ତି, ସେମାନେ ପେଟିଏମ୍ ଆପରୁ କ୍ୟାସବ୍ୟାକ୍ ୭୦୦ ଟଙ୍କା ପର୍ଯ୍ୟନ୍ତ ପାଇପାରିବେ । ଗ୍ରାହକମାନେ କେବଳ ୨୮ ଫେବୃଆରୀ ୨୦୨୧ ପର୍ଯ୍ୟନ୍ତ ପେଟିଏମ୍ ଆପ୍‌ରେ  ଏଲପିଜି ସିଲିଣ୍ଡର ବୁକିଂ କରି ଏହି କ୍ୟାସବ୍ୟାକ୍ ଅଫରର ଲାଭ ଉଠାଇ ପାରିବେ । ଏହି ଅଫର ପାଇଁ ପେଟିଏମ୍ ପକ୍ଷରୁ ଅନେକ ଗ୍ୟାସ୍ ବିତରକ କମ୍ପାନୀ ସହିତ ସଂଯୋଗ ହୋଇଛି ।