ଭୁବନେଶ୍ୱର: ପୁଣି ଅଚଳ ହୋଇପଡ଼ିଛି ଧଉଳି ‘ଲାଇଟ୍‌‌ ଆଣ୍ଡ୍‌‌ ସାଉଣ୍ଡ ସୋ’। ଶୁଣିବାକୁ ମିଳୁନି କଳିଙ୍ଗ ଯୁଦ୍ଧର ରକ୍ତରଞ୍ଜିତ କଥାବସ୍ତୁ, କି ଦେଖିବାକୁ ମିଳୁନି ମୌର୍ଯ୍ୟ ସମ୍ରାଜ୍ୟର ବିଦ୍ରୋହ ଗାଥା। ସମ୍ରାଟ ଅଶୋକଙ୍କ ବୀରତ୍ୱର ଗାଥା ଶୁଣିବାରୁ ବଞ୍ଚିତ ହେଉଛନ୍ତି ପର୍ଯ୍ୟଟକ। ଓଡ଼ିଶା ପର୍ଯ୍ୟଟନର ସ୍ୱର୍ଣ୍ଣ ତ୍ରିଭୁଜରୁ ଏହି କୋଣ ପର୍ଯ୍ୟଟକଙ୍କୁ ବେଶ୍‌‌ ଆକୃଷ୍ଟ କରୁଥିଲେ ବି ଏହି ସୋ’ ଅଚଳାବସ୍ଥାରେ ଥିବାରୁ ନିରାଶ ହେଉଛନ୍ତି ପର୍ଯ୍ୟଟକ।

ସୂଚନା ଅନୁସାରେ, ରାଜ୍ୟ ଓ କେନ୍ଦ୍ର ସରକାରଙ୍କ ମିଳିତ ଉଦ୍ୟମରେ ୬ଲକ୍ଷ ୬କୋଟି ଟଙ୍କା ବ୍ୟୟରେ ୨୦୧୫ ଅଗଷ୍ଟ ମାସରେ ଓଡ଼ିଶାର ପ୍ରଥମ ଲାଇଟ୍‌‌ ଆଣ୍ଡ୍‌‌ ସାଉଣ୍ଡ ସୋ’ ଆରମ୍ଭ ହୋଇଥିବା ଏହି ପ୍ରକଳ୍ପରେ ଅତ୍ୟାଧୁନିକ ଥ୍ରୀ-ଡି ପ୍ରୋଜେକସନ୍‌‌ ମ୍ୟାପିଂ ଟେକ୍‌‌ନୋଲୋଜି ସହ ଅନ୍ତର୍ଜାତୀୟ ବିଶେଷଜ୍ଞମାନେ ଏହାର ଡିଜାଇନ୍‌‌ ପ୍ରସ୍ତୁତ କରିଥିଲେ। ଅଶୋକଙ୍କ କଳିଙ୍ଗ ଯୁଦ୍ଧ କଥା ଓ କଳିଙ୍ଗ ସମ୍ପର୍କିତ ଗାଥାକୁ ଓଡ଼ିଆ, ଇଂରାଜୀ ଏବଂ ହିନ୍ଦୀ ଭାଷାରେ ଅଭିନେତା କବିର ବେଦୀ, ଓମ୍‌‌ ପୁରୀ ଓ ବିଜୟ ମହାନ୍ତିଙ୍କ କଣ୍ଠସ୍ୱରରେ ଶୁଣିବାକୁ ମିଳୁଥିଲା। ସୋମବାର ବ୍ୟତୀତ ଅନ୍ୟ ସବୁ ଦିନ ସନ୍ଧ୍ୟା ୬ଟା ଓ ୬.୪୫ରେ ଏହି ସୋ ୩୫ ମିନିଟ୍‌‌ ଲେଖାଏ ପ୍ରଦର୍ଶିତ ହେଉଥିଲା। ଯାହା ଧଉଳିର ଗାରିମା ବଢ଼଼ାଉଥିଲା। ସନ୍ଧ୍ୟା ହେଲେ ୨୫ଟଙ୍କା ଲେଖାଏଁ ଟିକଟ୍‌‌ କାଟି ସୋ’ ଦେଖିବାକୁ ପର୍ଯ୍ୟଟକଙ୍କ ଲାଇନ୍‌‌ ଲାଗୁଥିଲା।

ତେବେ ସାମୁଦ୍ରିକ ଝଡ଼ ଫାନିରେ କ୍ଷତିଗ୍ରସ୍ତ ହୋଇଥିବାରୁ ଅନେକ ଦିନ ଧରି ଧଉଳି ‘ଲାଇଟ୍‌‌ ଆଣ୍ଡ୍‌‌ ସାଉଣ୍ଡ ସୋ’ ବନ୍ଦ ରହିଥିଲା। ଗଣମାଧ୍ୟମରେ ବାରମ୍ବାର ଖବର ପ୍ରକାଶ ପରେ ତାହାର ମରାମତି କାର୍ଯ୍ୟ ପାଇଁ ପଦକ୍ଷେପ ନିଆଯାଇଥିଲା। କିଛିଦିନ ଚାଲିବା ପରେ ଗତ ୨୦୨୦ଫେ଼ବୃଆରୀ ମାସରୁ ପୁଣି ଥରେ ବନ୍ଦ ହୋଇଥିଲା। ତେବେ ଗତବର୍ଷ ଅକ୍ଟୋବର ୨୮ ତାରିଖରେ ପାଳନ ହୋଇଥିଲା ଧଉଳି ଶାନ୍ତସ୍ତୂପର ୫୦ତମ ପୂର୍ତ୍ତି। ଶାନ୍ତିସ୍ତୂପର ସୁବର୍ଣ୍ଣ ଜୟନ୍ତୀ ଅବସରରେ ଜାପାନ, ଆମେରିକା, କାଜାକ୍‌‌ସ୍ତାନ, ଶ୍ରୀଲଙ୍କା, ଚୀନ୍‌‌, ୟୁକ୍ରେନ୍‌‌ ଆଦି ଦେଶର ବହୁ ସଂଖ୍ୟାରେ ବୌଦ୍ଧ ସନ୍ନ୍ୟାସୀ ଓ ବୌଦ୍ଧ ଭିକ୍ଷୁକ ଯୋଗଦେଇଥିଲେ। ବୌଦ୍ଧ ଧର୍ମର ଲୋଟସ୍‌‌ ଧ୍ୱନୀରେ ପ୍ରକମ୍ପିତ ହୋଇଥିଲା ଶାନ୍ତିସସ୍ତୂପ। ତେବେ ଫନୀ ପରଠାରୁ ଅଚଳାବସ୍ଥାରେ ପଡ଼ି ରହିଥିବା ଲାଇଟ୍‌‌ ଆଣ୍ଡ୍‌‌ ସାଉଣ୍ଡ୍‌‌ ସୋ ଧଉଳିର ୫୦ତମ ପୂର୍ତ୍ତି ଦିବସରେ କାର୍ଯ୍ୟକାରୀ କରାଯାଇଥିଲା। ପୂର୍ବଭଳି ସନ୍ଧ୍ୟାରେ ପର୍ଯ୍ୟଟକମାନେ ଏହାକୁ ଉପଭୋଗ କରିବାର ସୁଯୋଗ ପାଉଥିଲେ। କିନ୍ତୁ ବର୍ତ୍ତମାନ ପରିସ୍ଥିତି ଯଥା ପୂର୍ବ ତଥା ପରଂ। ପୁଣି ଥରେ ପୂର୍ବଭଳି ଅଚଳ ହୋଇ ପଡ଼ିରହିଛି ଏହି ଲାଇଟ୍‌‌ ଆଣ୍ଡ୍‌‌ ସାଉଣ୍ଡ୍‌‌ ବ୍ୟବସ୍ଥା।

ତେବେ ଆଗକୁ ପର୍ଯ୍ୟଟନ ଋତୁ ଆସୁଥିବା ବେଳେ ଏଠାରେ ଶହଶହ ସଂଖ୍ୟାରେ ପର୍ଯ୍ୟଟକ ଭିଡ଼ ଜମିଥାଏ। ହେଲେ ‘ଲାଇଟ୍‌‌ ଆଣ୍ଡ୍‌‌ ସାଉଣ୍ଡ୍‌‌ ସୋ’ ଅଚଳ ହୋଇଥିବାରୁ ଅସନ୍ତୋଷ ପ୍ରକାଶ କରିଛନ୍ତି ପର୍ଯ୍ୟଟକ। ଏ ନେଇ ପର୍ଯ୍ୟଟନ ଅଧିକାରୀ ଅଞ୍ଜନ ବାରିକ୍‌‌ କହିଛନ୍ତି ଯେ, ଏହି ପ୍ରୋଜେକସନ୍‌‌ ମ୍ୟାପିଂ ଟେକ୍ନୋଲୋଜି ଖରାପ ହୋଇଥିବାରୁ ତାହାକୁ ମରାମତି କରାଯାଇଥିଲା। ତେବେ ୨୦ଦିନ ହେବ ପୁଣି ଖରାପ ହୋଇଥିବାରୁ ଏହାକୁ ମରାମତି ନକରି ନୂଆ ପ୍ରୋଜେକସନ୍‌‌ ମ୍ୟାପିଂ ଟେକ୍‌‌ନୋଲୋଜି ଲଗାଯିବାକୁ ଯୋଜନା ରହିଛି। ଏଥିପାଇଁ ଖୁବ୍‌‌ଶୀଘ୍ର ଟେଣ୍ଡର ପ୍ରୋସେସ୍‌‌ ଆରମ୍ଭ ହୋଇ ପୂର୍ବଭଳି ଲାଇଟ୍‌‌ ଆଣ୍ଡ୍‌‌ ସାଉଣ୍ଡ ସୋ’ କାର୍ଯ୍ୟକାରୀ କରାଯିବ।

ଭୁବନେଶ୍ବର: ଧୁମ୍‌ଧାମ୍‌ରେ ପାଳିତ ହେବ ଧଉଳି ଶାନ୍ତିସ୍ତୂପର ସୁବର୍ଣ୍ଣ ଜୟନ୍ତୀ ଉତ୍ସବ। ଏଥିପାଇଁ ପ୍ରସ୍ତୁତି ଜୋରଦାର ଚାଲିଛି। ଦେଶ ବିଦେଶରୁ ଆସିଛନ୍ତି ଶତାଧିକ ବୌଦ୍ଧ ସନ୍ୟାସୀ ଓ ଭିକ୍ଷୁ। ଆଜି ରାଜଧାନୀରେ ଶାନ୍ତି ଶୋଭାଯାତ୍ରା କରିଛନ୍ତି ବୌଦ୍ଧ ସାଧୁ ସନ୍ଥ। ରାଜଭବନ ନିକଟ ସ୍ୱତନ୍ତ୍ର ସର୍କିଟ ହାଉସରୁ ବାହାରି ଏକ ଶାନ୍ତି ଶୋଭାଯାତ୍ରା ଧଉଳି ପର୍ଯ୍ଯନ୍ତ ଯାଇଥିଲା। ଯେଉଁଥିରେ ଦେଶର ବିଭିନ୍ନ ପ୍ରାନ୍ତରୁ ଆସିଥିବା ବୌଦ୍ଧ ଧର୍ମଗୁରୁ ଓ ପ୍ରଚାରକମାନେ ଯୋଗ ଦେଇ ଶାନ୍ତିର ବାର୍ତ୍ତା ବାଣ୍ଟିଥିଲେ। ପରେ ଧଉଳି ଶାନ୍ତିସ୍ତୁପ ନିକଟରେ ପହଞ୍ଚିବା ପରେ ଶାନ୍ତି ପ୍ରାର୍ଥନା କରିଥିଲେ। ସୁବର୍ଣ୍ଣ ଜୟନ୍ତୀ ଅବସରରେ ଆଜି ଏବଂ ଆସନ୍ତାକାଲି ଦୁଇ ଦିନ ଧରି ପୂଜାପାଠ, ମନ୍ତ୍ର ଉଚ୍ଚାରଣ ଓ ଶାନ୍ତି ପ୍ରାର୍ଥନାରେ ପ୍ରକମ୍ପିତ ହେବ ଶାନ୍ତିସ୍ତୁପ ଧଉଳି।

ଆସନ୍ତାକାଲି (ଶୁକ୍ରବାର) ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ସୁବର୍ଣ୍ଣ ଜୟନ୍ତୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ଯକ୍ରମ ରହିଛି। ସେପଟେ ନୂତନ ରୂପରେ ସଜେଇ ହୋଇଛି ଧଉଳି।

ଭୁବନେଶ୍ବର: ଆସନ୍ତା ୨୮ ରେ ଧଉଳିସ୍ତୁପକୁ ପୁରୁଛି ୫୦ ବର୍ଷା । ଏହି ଅବସରରେ ସ୍ତୁପ ପରିସରରେ ପାଳିତ ହେବାକୁ ଯାଉଚି ଗୋଲ୍ଡେନ ଜୁବୁଲି ସମାରୋହ। ଏଥି ପାଇଁ ରାଜ୍ୟ ସରକାରଙ୍କ ତରଫରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି । ଏହା ପୂର୍ବରୁ ଆଜି ମୁଖ୍ୟ ଶାସନ ସଚିବ ଧଉଳିସ୍ତୁପ ପରିଭ୍ରମଣ କରି ସ୍ଥିତି ସମୀକ୍ଷା କରିଛନ୍ତି । ସୁବର୍ଣ୍ଣ ଜୟନ୍ତୀ ଅବସରରେ ଲାଇଟ୍ ଆଣ୍ଡ ସାଉଣ୍ଡ କାର୍ଯ୍ଯକ୍ରମକୁ ପ୍ରାଧାନ୍ୟ ଦେଇଛନ୍ତି । ସମସ୍ତ କାର୍ଯ୍ଯକ୍ରମ ନିର୍ଦ୍ଧାରିତ ସମୟ ପୂର୍ବରୁ କିଭଲି ସରିବ ସେନେଇ ପ୍ରଧାନ୍ୟ ଦେଇଥିବା ବେଳେ ବିଶିଷ୍ଟ ବ୍ୟକ୍ତିଙ୍କ ଅଭୂର୍ଥନାକୁ ଗୁରୁତ୍ଵ ଦିଆଯାଇଛି । ସେପଟେ ଭିନ୍ନକ୍ଷମ ଓ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ପ୍ରସ୍ତୁତି ବୁଲି ସମୀକ୍ଷା କରିଛନ୍ତି । ବିଧାୟକ ପାଣ୍ଠିରୁ ୫୦ ଲକ୍ଷ ଟଙ୍କା ଓ ମୁଖ୍ୟମନ୍ତ୍ରୀଙ୍କ ପାଣ୍ଠିରୁ ୧ କୋଟି ଟଙ୍କା ଖର୍ଚ୍ଚ ହେଉଥିବା ସୂଚନା ଦେଇଛନ୍ତି । ସୁବର୍ଣ୍ଣ ଜୟନ୍ତୀ ଅବସରରେ ପୃଥିବୀର ବିଭିନ୍ନ ଦେଶରୁ ପ୍ରାୟ ୧୫୦ ବୌଦ୍ଧ ସନ୍ୟାସୀ ଯୋଗ ଦେବାର ସମ୍ଭାବନା ରହିଛି । ମୁଖ୍ୟ ଉତ୍ସବ ଦିନ ଭୁବନେଶ୍ୱରରୁ ଧଉଳି ପର୍ଯ୍ଯନ୍ତ ଏକ ଶାନ୍ତି ଶୋଭାଯାତ୍ରା ଆୟୋଜିତ ହେବ । ତେବେ ଧଉଲିର ସର୍ବାଗିନ ଉନ୍ନତିମୂଳକ କାର୍ଯ୍ଯକୁ ଦେଖି ମୁଖ୍ୟମନ୍ତ୍ରୀଙ୍କୁ ପ୍ରଶସା କରିଛନ୍ତି ବୌଦ୍ଧ ସନ୍ୟାସୀ ।