ଭୁବନେଶ୍ୱର: ଆଜି ସଂଗଠିତ ହେବ ବର୍ଷର ପ୍ରଥମ ବଳୟ ସୂର୍ଯ୍ୟ ପରାଗ। ଆଜି ଏହା ଆଫ୍ରିକା ଓ ଦକ୍ଷିଣ ଆମେରିକାର ଦକ୍ଷିଣଭାଗ, ପ୍ରଶାନ୍ତ ମହାସାଗର, ଆଟଲାଣ୍ଟିକ, ଭାରତ ମହାସାଗରର କିଛି ଅଞ୍ଚଳରେ ଦୃଶ୍ୟମାନ ହେବ। ସେହିପରି ଆଣ୍ଟାର୍କଟିକାର କିଛି ଅଞ୍ଚଳରେ ଏହା ଦେଖାଦେବ। ଭାରତୀୟ ସମୟ ଦିନ ୩ଟା ୨୬ ମିନିଟ୍‌ରୁ ପରାଗ ଆରମ୍ଭ ହୋଇ ସନ୍ଧ୍ୟା ୭ଟା ୫୭ ମିନିଟ୍‌ରେ ଶେଷ ହେବ। ତେବେ ଭାରତ ବା ଓଡ଼ିଶାରେ ଏହା ଦୃଶ୍ୟମାନ ହେବ ନାହିଁ।  ଅନ୍ୟପକ୍ଷରେ ଆସନ୍ତା ୨ ତାରିଖରେ ଦୋଳ ପୂର୍ଣ୍ଣମୀରେ ଚନ୍ଦ୍ରଗ୍ରହଣ ଅନୁଷ୍ଠିତ ହେବ ଏବଂ ଏହା ଭାରତରେ ଆଂଶିକ ଭାବରେ ଦୃଶ୍ୟମାନ ହେବ। 

ଜ୍ୟୋତିଷ ଶାସ୍ତ୍ର ଅନୁସାରେ ଗୋଟିଏ ମାସରେ ସୂର୍ଯ୍ୟୋପରାଗ ଓ ଚନ୍ଦ୍ରଗ୍ରହଣକୁ ଏକ ବିରଳ ଘଟଣା ଭାବରେ ଗଣାଯାଏ । ସେହିପରି ୧୭ ତାରିଖରେ କୁମ୍ଭ ରାଶିରେ ଏକ ବିରଳ ଓ ପାଞ୍ଚ ଶକ୍ତିଶାଳୀ ଗ୍ରହଙ୍କ ଯୋଗ (ପଞ୍ଚଗ୍ରହୀ ରାଜଯୋଗ) ଘଟିବାକୁ ଯାଉଛି । ଯାହାକୁ ବୈଦିକ ଜ୍ୟୋତିଷରେ କୁମ୍ଭ ଷ୍ଟେଲିଅମ ଭାବରେ ବର୍ଣ୍ଣନା କରାଯାଇଛି। 

ପରିବର୍ତ୍ତନଶୀଳ ଗ୍ରହ ସ୍ଥିତି ଯୋଗୁଁ ଫେବୃଆରୀ ମାସକୁ ଜ୍ୟୋତିଷ ଦୃଷ୍ଟିକୋଣରୁ ବିଶେଷ ଭାବରେ ବିବେଚନା କରାଯାଉଛି।  ବୈଦିକ ପଞ୍ଜିକାନୁସାରେ ବୁଧ, ଶୁକ୍ର ଏବଂ ରାହୁ ବର୍ତ୍ତମାନ ଶନି ସହିତ କୁମ୍ଭ ରାଶିରେ ଅଛନ୍ତି। ଫେବୃଆରୀ ୧୩ ତାରିଖରେ ସୂର୍ଯ୍ୟ ମଧ୍ୟ କୁମ୍ଭ ରାଶିରେ ପ୍ରବେଶ କରିଛନ୍ତି।  ଫେବୃଆରୀ ୧୭ ତାରିଖରେ ଚନ୍ଦ୍ରଙ୍କ ଆଗମନ ପରେ ପଞ୍ଚଗ୍ରହୀ ଯୋଗ ସୃଷ୍ଟି କରିବ। ଚନ୍ଦ୍ର ଫେବୃଆରୀ ୧୯ ତାରିଖ ସକାଳ ପର୍ଯ୍ୟନ୍ତ କୁମ୍ଭ ରାଶିରେ ରହିବେ, ତେଣୁ ଏହି ଦୁଇଟି ଦିନ ଏକ ବିଶେଷ ପ୍ରଭାବ ପକାଇବ। ବୁଧାଦିତ୍ୟ ଏବଂ ଶଶା ଯୋଗ ପରି ପାଞ୍ଚ ରାଜଯୋଗର ପ୍ରାୟ ୩୦୦ ବର୍ଷରେ ଥରେ ଘଟିଥାଏ ବୋଲି ଜ୍ୟୋତିଷାଚାର୍ଯ୍ୟମାନେ ମତ ଦେଇଥାଆନ୍ତି। ଏପରି ଗ୍ରହର ଏକତ୍ରୀକରଣ ଦ୍ୱାରା ପ୍ରଯୁକ୍ତିବିଦ୍ୟା, ରାଜନୀତିରେ ପ୍ରମୁଖ ପରିବର୍ତ୍ତନ ଆଣିପାରେ ବୋଲି କିଛି ଜ୍ୟୋତିଷ ଶାସ୍ତ୍ରବିତ୍‌ ପୂର୍ବାନୁମାନ କରିଛନ୍ତି। 

ତେବେ ଏହା କିଛି ରାଶି ପାଇଁ ବେଶ୍‌ ଭଲ ଫଳ ଦେଇପାରେ ବୋଲି ଜ୍ୟୋତିଷ ଶାସ୍ତ୍ରୀମାନେ ମତ ଦେଇଛନ୍ତି। ମେଷ ରାଶିର ବ୍ୟକ୍ତିବିଶେଷଙ୍କ ପାଇଁ ନୂତନ କର୍ମନିଯୁକ୍ତି ସୃଷ୍ଟି ହୋଇପାରେ, ମିଥୁନ ରାଶି ବ୍ୟକ୍ତିଙ୍କ ପାଇଁ ଏହା ଆର୍ଥିକ ଆଶ୍ୱସ୍ତି ଆଣିବ, ସିଂହ ରାଶିର ବ୍ୟକ୍ତିଙ୍କ ପାଇଁ କାର୍ଯ୍ୟକ୍ଷେତ୍ରରେ ସମର୍ଥନ ମିଳିବ ଓ ଆୟର ନୂତନ ପନ୍ଥା ବାହାରିବ, ସେହିପରି କନ୍ୟାରାଶି ଜାତ ବ୍ୟକ୍ତିଙ୍କ ଆର୍ଥିକ ପରିସ୍ଥିତି ଅପେକ୍ଷାକୃତ ଉନ୍ନତ କରିବ ଓ ଜୀବନରେ ସ୍ଥିରତା, ସନ୍ତୁଳନ ଆଣିବ ବୋଲି କୁହାଯାଉଛି ।

ନୂଆଦିଲ୍ଲୀ: ସୋସିଆଲ୍ ମିଡିଆରେ ପ୍ରସାରିତ ଭାଇରାଲ୍ ପୋଷ୍ଟ୍ ଅନୁଯାୟୀ, ୨୦୨୫ ଅଗଷ୍ଟ ୨ ତାରିଖରେ ସମ୍ପୂର୍ଣ୍ଣ ସୂର୍ଯୋପରାଗ ଯୋଗୁଁ ସାରା ଦୁନିଆ କିଛି ସମୟ ପାଇଁ ଅନ୍ଧାର ହୋଇଯିବ ବାସ୍ତବରେ ଏହା ଏକ ଗୁଜବ ଚଳିତ ବର୍ଷ ଅଗଷ୍ଟ ୨ ତାରିଖରେ କୌଣସି ସୂର୍ଯ୍ୟୋପରାଗ ହେବ ନାହିଁ ବୋଲି ଜ୍ୟୋତିର୍ବିଜ୍ଞାନୀମାନେ ନିଶ୍ଚିତ କରିଛନ୍ତି। ଏପରି ଘଟଣା ଅଗଷ୍ଟ ୨, ୨୦୨୭ପୂର୍ବରୁ ଘଟିବ ନାହିଁ। ଅନ୍‌ଲାଇନ୍‌ରେ ପ୍ରସାରିତ ଗୁଜବରେ ‘ପୃଥିବୀ ୬ ମିନିଟ୍ ଅନ୍ଧାରରେ ବୁଡ଼ିଯିବ’ ଭଳି ଶବ୍ଦ ଭୁଲ୍ ତାରିଖ ସହ ଯୋଡ଼ି ହୋଇଛି। ବାସ୍ତବରେ ଚନ୍ଦ୍ରଗ୍ରହଣ ସବୁବେଳେ ପୂର୍ଣ୍ଣିମାରେ ଓ ସୂର୍ଯ୍ୟୋପରାଗ ଅମାବାସ୍ୟାରେ ହୋଇଥାଏ। କିନ୍ତୁ ୨୦୨୫ ଅଗଷ୍ଟ ୨ ତାରିଖରେ ସକାଳକୁ ଅଷ୍ଟମୀ ଓ ପରେ ନବମୀ ଅଛି।

ନାସା ଓ ପ୍ରତିଷ୍ଠିତ ପର୍ଯ୍ୟବେକ୍ଷଣାଗାରର ଜ୍ୟୋତିବୈଜ୍ଞାନିକ ରେକର୍ଡ ଅନୁଯାୟୀ ୨୦୨୫ ଅଗଷ୍ଟ ୨ ତାରିଖରେ କୌଣସି ସୂର୍ଯ୍ୟୋପରାଗ ସମ୍ପୂର୍ଣ୍ଣ କିମ୍ବା ଆଂଶିକ ହେବ ନାହିଁ। ବରଂ ବହୁ ପ୍ରତୀକ୍ଷିତ ସଂପୂର୍ଣ୍ଣ ସୂର୍ଯୋପରାଗ ଅଗଷ୍ଟ ୨, ୨୦୨୭ରେ ହେବାକୁ ଥିବା ବେଳେ ୟୁରୋପ, ଉତ୍ତର ଆଫ୍ରିକା ଓ ମଧ୍ୟପ୍ରାଚ୍ୟର କିଛି ଅଂଶରେ ଏହା ଦୃଶ୍ୟମାନ ହେବା।

ଅଗଷ୍ଟ ୨, ୨୦୨୭ରେ ଚନ୍ଦ୍ର ପୃଥି ଓ ସୂର୍ଯ୍ୟଙ୍କ ମଝିରେ ଗତି କରିବ ଏବଂ ଦକ୍ଷିଣ ସ୍ପେନ୍‌ରୁ ଉତ୍ତର ଆଫ୍ରିକା ଓ ମଧ୍ୟପ୍ରାଚ୍ୟ ପର୍ଯ୍ୟନ୍ତ ଦିନକୁ କିଛି ସମ ପାଇଁ ରାତିରେ ପରିଣତ କରିବ। କେତେକ ଅଞ୍ଚଳରେ ଏହି ସୂର୍ଯ୍ୟୋପରାଗ ୬ ମିନିଟ୍‌ରୁ ଅଧିକ ସମୟ ଧରି ଚାଲିବ, ଯାହା ଏକବିଂଶ ଶତାବ୍ଦୀର ସବୁଠାରୁ ଲମ୍ବା ସୂର୍ଯୋପରାଗ ମଧ୍ୟରୁ ଅନ୍ୟତମ, ଯାହାକୁ ବୈଜ୍ଞାନିକ ଓ ଗ୍ରହଣ ଅନୁସନ୍ଧାନକାରୀମାନେ ଉତ୍ସୁକତାର ସହ ଅପେକ୍ଷା କରିଛନ୍ତି। ୟୁରୋପ, ଆଫ୍ରିକା ଓ ପଶ୍ଚିମ ଏସିଆର ଅଧିକାଂଶ ଅଞ୍ଚଳ ଛଡ଼ା ଅନ୍ୟ ଅଞ୍ଚଳର ଲୋକମାନେ ଆଂଶିକ ସୂର୍ଯ୍ୟୋପରାଗ ଦେଖି ପାରିବେ।

ନୂଆଦିଲ୍ଲୀ: ଆସନ୍ତାକାଲି ଅର୍ଥାତ ଏପ୍ରିଲ ୮ ତାରିଖରେ ସଙ୍ଗଠିତ ହେବ ଏକ ବିରଳ ମହାଜାଗତିକ ଦୃଶ୍ୟ ତଥା ପୂର୍ଣ୍ଣ ସୂର୍ଯ୍ୟୋପରାଗ । ଏହି ମହାଜାଗତିକ ଘଟଣାଟି ଯୁକ୍ତରାଷ୍ଟ୍ର ଆମେରିକା, କାନାଡା ଓ ମେକ୍ସିକୋର କେତେକ ଅଞ୍ଚଳରେ ପୂର୍ଣ୍ଣ ଭାବରେ ଦେଖାଯିବ ଓ ଏହାର ପାଖ ଅଞ୍ଚଳରେ ଆଂଶିକ ସୂର୍ଯ୍ୟୋପରାଗ ଦେଖାଯିବ । ଏହା ଭାରତୀୟ ସମୟ ରାତି ୯ଟା ୧୨ ମିନିଟରେ ଆରମ୍ଭ ହୋଇ ପର ଦିନ ଭୋର ୨ ଟା ୨୨ ମିନିଟ ସମୟରେ ଶେଷ ହେବ । ସର୍ବାଧିକ ପରାଗ ରାତି ୧୧ ଟା ୪୭ ମିନିଟ ସମୟରେ ଦେଖାଯିବ । ସେପଟେ ସୂର୍ଯ୍ୟୋପରାଗ ଦେଖିବାକୁ ଆମେରିକାରେ ବିଶେଷ ପ୍ରସ୍ତୁତି କରାଯାଇଛି । ମହାଜାଗତିକ ଦୃଶ୍ୟ ଦେଖିବାକୁ ଲକ୍ଷାଧିକ ଲୋକଙ୍କର ସମାଗମ ହେବା ନେଇ ଜଣାପଡିଛି ।

ଅନେକ ବର୍ଷ ପରେ ଏପ୍ରିଲ୍ ୮ ତାରିଖରେ  ସୂର୍ଯ୍ୟପରାଗ ଯୁକ୍ତରାଷ୍ଟ୍ର ଆମେରିକା, କାନାଡା ଓ ମେକ୍ସିକୋର ଅତ୍ୟନ୍ତ ଜନବହୁଳ ଅଞ୍ଚଳରେ ପୂର୍ଣ୍ଣପରାଗ ଦେଖାଯିବ । ଏକ ଅନୁମାନ ଅନୁସାରେ ଏଥର ପୂର୍ଣ୍ଣପରାଗକୁ ଦେଖିବା ପାଇଁ ଏହି ଅଞ୍ଚଳରେ ୪ କୋଟିରୁ ଅଧିକ ଲୋକ ପୂର୍ଣ୍ଣ ସୂର୍ଯ୍ୟପରାଗ ଦେଖିବାକୁ ଚାହିଁ ବସିଛନ୍ତି । ଆଂଶିକ ପରାଗ ଦେଖାଯିବା ଅଞ୍ଚଳରେ ୪୫ କୋଟି ରୁ ଅଧିକ ଲୋକ ବସବାସ କରୁଛନ୍ତି । ପୂର୍ଣ୍ଣ ସୂର୍ଯ୍ୟୋପରାଗ ହେଉଥିବା ଯୋଗୁଁ ଆସନ୍ତାକାଲି ଆମେରିକାର କିଛି ଅଂଶ ଦିନ ସମୟରେ ଅନ୍ଧାର ହେବ। ତେବେ ସୂର୍ଯ୍ୟ ଅସ୍ତ ହେବେ ନାହିଁ ବରଂ ସୂର୍ଯ୍ୟ ଓ ପୃଥିବୀ ମଧ୍ୟରେ ଚନ୍ଦ୍ର ଆସିବେ। ସୂର୍ଯ୍ୟଙ୍କ ଆଲୋକକୁ ଏହା ଘୋଡ଼ାଇ ଦେବ। ଏପ୍ରିଲ ୮ରେ ୪ ମିନିଟ ୨୮ ସେକେଣ୍ଡ ପାଇଁ ଉତ୍ତର ଆମେରିକାର କିଛି ସ୍ଥାନରେ ଦିନ ସମୟରେ ଏକ ବିରଳ ରାତି ଅନୁଭବ ହେବ।

ଆମ ସମାଜରେ ଆବାହମାନ କାଳରୁ ଗ୍ରହଣ ଓ ପରାଗକୁ ନେଇ ଅନେକ ବିଶ୍ୱାସ ଓ ଅନ୍ଧ ବିଶ୍ୱାସ ରହିଛି । ମଣିଷ ଚନ୍ଦ୍ରରେ ପାଦ ଥାପିଲାଣି ଓ ବିଜ୍ଞାନର ଅଗ୍ରଗତି ଫଳରେ ଆମେ ଗ୍ରହଣ ଓ ପରାଗ କାହିଁକି ଓ କିପରି ଘଟେ ତାହା ସଠିକ ଭାବରେ ଜାଣିସାରିଲେଣି । ଗ୍ରହଣ ଓ ପରାଗ ଏକ ଛାଇ ଆଲୁଅର ଖେଳ ଯାହା ସୂର୍ଯ୍ୟ, ଚନ୍ଦ୍ର ଓ ପୃଥିବୀର ଏକ ବିଶେଷ ଅବସ୍ଥିତିରେ ଘଟିଥାଏ । ସୂର୍ଯ୍ୟୋପରାଗ ସମୟରେ ‘ପୃଥିବୀ ଓ ସୂର୍ଯ୍ୟ’ ମଝିରେ ଚନ୍ଦ୍ର ଏକ ସରଳରେଖାରେ ରହିଥାଏ ଓ ଚନ୍ଦ୍ରର ଛାଇ ପୃଥିବୀ ଉପରେ ପଡିଥାଏ ଓ ସେହି ଅଞ୍ଚଳର ଲୋକମାନେ କିଛି ସମୟ ପାଇଁ ଦିନବେଳେ ସୂର୍ଯ୍ୟକୁ ଦେଖିପାରନ୍ତି ନାହିଁ । ଏହା ରାତିର ଭ୍ରମ ସୃଷ୍ଟି କରିଥାଏ। ସୂର୍ଯ୍ୟୋପରାଗ ତିନି ପ୍ରକାରର : ଆଂଶିକ, ସଂପୂର୍ଣ୍ଣ ଓ ବଳୟ ।

ଭୁବନେଶ୍ୱର: ଆଜି ବିରଳ କେତୁଗ୍ରସ୍ତ ଖଣ୍ଡଗ୍ରାସ ସୂର୍ଯ୍ୟୋପରାଗ। ଆକାଶରେ ଦେଖାଯିବ ମହାଜାଗତିକ ଦୃଶ୍ୟ । ଏହି ଆଂଶିକ ସୂର୍ଯ୍ୟପରାଗ ଆଜି ଅପରାହ୍ଣ ୨ଟା ୨୮ରେ ଆରମ୍ଭ ହୋଇ ୫ଟା ୩୨ରେ ଶେଷ ହେଉଥିବା ବେଳେ ଏସିଆ ଓ ୟୁରୋପ ମହାଦେଶରେ ଦୃଶ୍ୟମାନ ହେବ। ତେବେ ଭୁବନେଶ୍ୱରରେ ଅପରାହ୍ଣ ୪ଟା ୫୬ ମିନିଟରୁ ୫ଟା ୧୬ ଯାଏ ପ୍ରାୟ ୨୦ ମିନିଟ୍ ପାଇଁ ଦେଖାଯିବ ଏହି ମହାଜାଗତିକ ଦୃଶ୍ୟ। ସଂଧ୍ୟା ୬ ଟା ୨୬ ମିନିଟ ୫୨ ସେକେଣ୍ଡରେ ସର୍ବମୋକ୍ଷ ହେବ।

ଏହି ସୂର୍ଯ୍ୟପରାଗ ପାଇଁ ଭୋର୍‌ ୪ଟା ୫୭ରୁ ପାକ ତ୍ୟାଗ ଓ ଦେବ ନୀତି ନିଷେଧ ରହିଛି । ହିନ୍ଦୁ ରୀତିନୀତି ଅନୁସାରେ ପରାଗ ଲାଗିବାର ୧୨ ଘଣ୍ଟା ପୂର୍ବରୁ ପାକ ତ୍ୟାଗ ଓ ଦେବନୀତି ନିଷେଧ। ଅନ୍ନ ଭୋଜନ, ଦେବନୀତି ବାରଣ କରାଯାଇଛି । ବୁଧବାର ପ୍ରାତଃ ସ୍ନାନାଦି କର୍ମ କରିବା ପରେ ଦେବନୀତି ଓ ଭୋଜନାଦି କରିବାକୁ ପରାମର୍ଶ ଦିଆଯାଇଛି । ତେବେ ବୃଦ୍ଧ, ରୋଗୀ, ବାଳକଙ୍କ ପକ୍ଷେ ନିୟମ ଉଲ୍ଲଂଘନ କରାଯାଇପାରେ ।

ଗର୍ଭବତୀ ମହିଳା ମାନଙ୍କ ପାଇଁ ଏହି ସମୟ ଅଶୁଭ ହୋଇ ଥିବାରୁ ସେମାନଙ୍କୁ ଏହି ସମୟରେ ବିଶେଷ ସାବଧାନ ରହିବା ସହିତ ପରାଗ ଦେଖିବା ପାଇଁ ବାରଣ ବି କରାଯାଇଛି। ପରାଗ ଲାଗିବା ସମୟରେ ଗର୍ଭବତୀ ମହିଳା ମାନେ କୌଣସି ଜିନିଷକୁ କଟାକଟି କରନ୍ତୁ ନାହିଁ ବା କପଡା ଆଦି ସିଲେଇ କରନ୍ତୁ ନାହିଁ।ଚାକୁ, ଛୁରୀ ଇତ୍ୟାଦି ଧାରୁଆ ଜିନିଷ ଠାରୁ ଦୂରେଇ ରୁହନ୍ତୁ। ପରାଗ ଲାଗୁଥିବା ସମୟରେ କଳା ରଙ୍ଗର ବସ୍ତ୍ର ପରିଧାନ କରନ୍ତୁ ନାହିଁ ଏବଂ ବାହାରକୁ ବି ବାହରନ୍ତୁ ନାହିଁ। ଏହି ସମୟରେ କେବଳ ଶୁଖିଲା ଖାଦ୍ୟ ବା ଫଳ ମୂଳ ଖାଇବା ଉଚିତ।

ଏହି ସମୟରେ କୌଣସି ଶୁଭ କାମ କରନ୍ତୁ ନାହିଁ କି ଆଲୋଚନା ବି କରନ୍ତୁ ନାହିଁ। ଏହି ସମୟରେ ଠାକୁରଙ୍କ ପୂଜା କରନ୍ତୁ ନାହିଁ।ତେବେ ଏହି ଗ୍ରହଣ ସମୟରେ କିଛି ରାଶିରେ ଖରାପ ପ୍ରଭାଵ ପଡ଼ୁଥିବା ସମୟରେ କିଛି ରାଶିରେ ଭଲ ପ୍ରଭାବ ପଡ଼ିବା ପାଇଁ ଯାଉଛି। ଏହି ୪ ରାଶି ଉପରେ ଶୁଭ ପ୍ରଭାବ ପଡ଼ିବ।ସେହି ରାଶି ମାନେ ହେଉଛନ୍ତି। ବୃଷ ରାଶି,ସିଂହ ରାଶି,ଧନୁ ରାଶି, ମକର ରାଶି। ଏହି ୪ ରାଶି ଯଥା ମେଷ,ମିଥୁନ,କନ୍ୟା,କୁମ୍ଭ ରାଶି ମାନଙ୍କ ପାଇଁ ସାମାନ୍ୟ ରହିବ।କର୍କଟ ରାଶି,ତୁଳା ରାଶି ବିଛା ରାଶି ଓ ମୀନ ରାଶି ପାଇଁ ଏହା ବହୁତ ଅଶୁଭ ରହିବ। ତେବେ ଆପଣ ସତର୍କ ରୁହନ୍ତୁ।

ପୁରୀ: ଆସନ୍ତା ୨୫ ତାରିଖରେ କେତୁ ଗ୍ରସ୍ଥ ଖଣ୍ଡ ଗ୍ରାସ ସୂର୍ଯ୍ୟ ପରାଗ | ଭୋର ୪:୫୭ ମିନିଟଠାରୁ ପାକ ତ୍ୟାଗ ଓ ଦେବ ନିତୀ ନିଷେଧ | ସନ୍ଧ୍ୟା ୬:୨୬ ମିନିଟ ୫୨ ସେକେଣ୍ଡରେ ଗ୍ରହଣ ସର୍ବ ମୋକ୍ଷ ହେବ | ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନିତୀକାନ୍ତି ପ୍ରସ୍ତୁତ କରାଯାଇଥିବା ବେଳେ ୨୪ ତାରିଖ ମଧ୍ୟ ରାତ୍ରି ୧୨ଟା ୧୦ ମିନିଟରୁ ଶ୍ରୀମନ୍ଦିର ଦ୍ୱାର ଫିଟା ନିତୀ କରାଯାଇ ମଙ୍ଗଳଆଳତୀ, ମଇଲମ, ଅବକାଶ, ସୂର୍ଯ୍ୟପୂଜା, ଦ୍ୱାରପାଳ ପୂଜା ଅନୁଷ୍ଠିତ ହେବା ସହ ରାଧା ଦାମୋଦର ବେଶ, ଗୋପାଳ ବଲ୍ଳଭ, ସକାଳ ଧୂପ ତଥା ବାଳଧୁପ ନିତୀ କରାଯିବ | ତତ୍ପରେ ଅମାବାସ୍ୟା ଶ୍ରୀ ନାରାୟଣ ସାଗର ବିଜେ ନିତୀ କରିବା ସହ ଭୋର ୪:୫୫ ମିନିଟ ସୁଦ୍ଧା ଭୋଗ ମଣ୍ଡପ ନିତୀ ଶେଷ କରିବାକୁ ଆଜି ଏକ ସ୍ୱତନ୍ତ୍ର ବୈଠକରେ ନିଷ୍ପତି ନିଆଯାଇଛି | ଜିଲ୍ଲାପାଳଙ୍କ ଅଧକ୍ଷତାରେ ଆଜି ଏନେଇ ଏକ ସ୍ୱତନ୍ତ୍ର ବୈଠକ ବସିଥିବା ବେଳେ ୨୫ ତାରିଖ ଦିନ ସୂର୍ଯ୍ୟପରାଗ ନିତୀ କିଭଳି ଶୃଙ୍ଖଳିତ ଭାବେ ସମାପନ ହେବ ସେନେଇ ଆଲୋଚନା କରାଯାଇଛି |