ଭୁବନେଶ୍ବର: ଖୁବ ଶୀଘ୍ର ପୂରଣ ହେବ ୨୨ ହଜାର ୮୯୬ ପଦବୀ । ୧୦ବିଭାଗର ‘ଗ୍ରୁପ-ସି’ ର ୨୨ ହଜାର ୮୯୬ ପଦବୀ ପୂରଣ ପାଇଁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି। ଅଗଷ୍ଟ ୩୧ ସୁଦ୍ଧା ନିଯୁକ୍ତି ପକ୍ରିୟା ସାରିବାକୁ ନିର୍ଦ୍ଦେଶ ଜାରି କରଯାଇଛି। ସର୍ବାଧିକ ବିଦ୍ୟାଳୟ ଓ ଗଣଶିକ୍ଷ ବିଭାଗର ୮ ହଜାର ୩୫୮, ପଞ୍ଚାୟତିରଜା ବିଭାଗର ୪ ହଜାର ୪୨, ସ୍ୱାସ୍ଥ୍ୟ ବିଭାଗର ୩ ହଜାର ୬୭୭ ସହ ୧୦ ବିଭାଗରେ ନିଯୁକ୍ତି ସାରିବାକୁ ନିର୍ଦ୍ଦେଶ ଦିଆଯାଇଛି। ୧୦ ବିଭାଗରେ ୪୪ ହଜାର୯୦୯ ପଦବୀ ଖାଲି ପଡ଼ିଥିବା ବେଳେ ତୁରନ୍ତ ୨୨ ହଜାର ୮୯୬ ପଦବୀ ପୂରଣ ପାଇଁ ବିଭାଗ ଗୁଡିକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟ ଶାସନ ସଚିବ।

ନୂଆଦିଲ୍ଲୀ: ଆପଣ ଯୁକ୍ତ ଦୁଇ ପାସ୍‌ କରିଛନ୍ତି ଆଉ ଓଡ଼ିଶାରେ ରହି ଚାକିରି କରିବାକୁ ଚାହୁଁଛନ୍ତି ତେବେ ଆଶାୟୀଙ୍କ ପାଇଁ ଖୁସି ଖବର। ଓଡ଼ିଶାରେ ରହି ସରକାରୀ ଚାକିରି କରିବାକୁ ଇଚ୍ଛା ପ୍ରକାଶ କରୁଥିବା ଆଶାୟୀଙ୍କ ପାଇଁ ସୁବର୍ଣ୍ଣ ସୁଯୋଗ। ଓଡ଼ିଶା କର୍ମଚାରୀ ଚୟନ ଆୟୋଗ ବା ଓଏସଏସସି ଆଶାୟୀଙ୍କ ପାଇଁ ଏହି ସୁଯୋଗ ନେଇ ଆସିଛି। ଓଏସଏସସି ପକ୍ଷରୁ ଏନେଇ ଏକ ବିଜ୍ଞପ୍ତି ପ୍ରକାଶ ପାଇଛି। ଆପଣ ଯଦି ଆବେଦନ ପାଇଁ ଆଗ୍ରହୀ ତେବେ ଭିଡିଓଟିକୁ ଶେଷ ପର୍ଯ୍ୟନ୍ତ ଦେଖନ୍ତୁ-

ଓଏସଏସସି ପକ୍ଷରୁ ପ୍ରକାଶ ପାଇଥିବା ବିଜ୍ଞପ୍ତି ଅନୁଯାୟୀ, ଓଏସଏସସିରେ ଗ୍ରୁପ- ସି, ମୃତ୍ତିକା ସଂରକ୍ଷଣ ସମ୍ପ୍ରସାରଣ କର୍ମଚାରୀ ଦବି ପୂରଣ ହେବ। ଏନେଇ ଆଶାୟୀ ଅନଲାଇନ ମାଧ୍ୟମରେ ଆବେଦନ କରିପାରିବେ। ଗ୍ରୁପ- ସି,ର ଏହି ପୋଷ୍ଟ ପାଇଁ ଉଭୟ ପୁରୁଷ ଓ ମହିଳା ଆବେଦନ କରିପାରିବେ। ଯୁକ୍ତ ଦୁଇ ପାସ୍‌ କରିଥିବା ପରୀକ୍ଷାର୍ଥୀ ଏହି ପଦବୀ ପାଇଁ ଯୋଗ୍ୟ ବିବେଚିତ ହେବେ । ମୋଟ ୩୨୪ଟି ପଦବୀ ପାଇଁ ହେବ ପରୀକ୍ଷା।

ଯୋଗ୍ୟ ଓ ଆଗ୍ରହୀ ପ୍ରାର୍ଥୀମାନେ ଓଏସଏସସିର ଅଫିସିଆଲ୍‌ ୱେବ୍‌ସାଇଟ୍‌ ossc.gov.in କୁ ଯାଇ ଆବେଦନ କରିପାରିବେ। ଆଜିଠୁ ଫର୍ମଫିଲ ଆରମ୍ଭ ହୋଇଥିବାବେଳେ ଆସନ୍ତା ଡିସେମ୍ବର ୨୬ ପର୍ଯ୍ୟନ୍ତ ଚାଲିବ ଆବେଦନ ପ୍ରକ୍ରିୟା। ମୋଟ ୩୨୪ଟି ପଦବୀରୁ ସାଧାରଣ ପ୍ରାର୍ଥୀଙ୍କ ପାଇଁ ୧୮୮ଟି ପୋଷ୍ଟ, ଏସଇବିସିଙ୍କ ପାଇଁ ୨ଟି, ଏସସିଙ୍କ ପାଇଁ ୬୦ ଓ ଏସଟିଙ୍କ ପାଇଁ ମୋଟ୭୪ଟି ପୋଷ୍ଟ ଖାଲି ରହିଛି।

ତେବେ ଯେଉଁ ପ୍ରାର୍ଥମାନେ ଏକ କୃଷି ସମ୍ବନ୍ଧୀୟ ବିଷୟ , ଉଦ୍ୟାନ କୃଷି, ମରାମତି ଏବଂ ରକ୍ଷଣାବେକ୍ଷଣରେ ଶକ୍ତି ଚାଳିତ ଫାର୍ମ ମେସିନାରୀରେ ବିଜ୍ଞାନ କିମ୍ବା ଭୋକେସନାଲ୍‌ ପାଠ୍ୟକ୍ରମରେ ଦ୍ୱାଦଶ ସ୍ତରୀୟ ଶିକ୍ଷା ସମାପ୍ତ କରିଥିବେ ସେମାନେ ଏହି ପଦବୀ ପାଇଁ ଆବେଦନ କରିପାରିବେ।

ସବୁଠୁ ବଡ଼ କଥା ହେଉଛି ଉକ୍ତ ପଦବୀ ପାଇଁ ବୟସ ସୀମା ୨୧ବର୍ଷରୁ ୩୮ବର୍ଷ ପାଇଁ ରଖାଯାଇଛି। ପ୍ରଥମେ ପ୍ରାଥମିକ ଲିଖିତ ପରୀକ୍ଷା ପରେ ମୁଖ୍ୟ ଲିଖିତ ପରୀକ୍ଷା ଓ ଡକ୍ୟୁମେଣ୍ଟ ଯାଞ୍ଚ ଅନୁଯାୟୀ ଆପଣ ଏହି ପଦବୀ ପାଇଁ ଯୋଗ୍ୟ ବିବେଚିତ ହେବେ। ତେବେ ଆଉ ବିଳମ୍ବ ନକରି ଓଏସଏସିର ଅଫିସିଆଲ ୱେବସାଇଟ ଓଏସଏସି ଡଟ୍‌ ଜିଓଭି ଡଟ୍‌ ଇନ୍‌ କୁ ଯାଆନ୍ତୁ। ଏହାପରେ ଷ୍ଟେପ ଅନୁଯାୟୀ ଫଟୋ ଓ ଡକ୍ୟୁମେଣ୍ଟ ଅପଲୋଡ କରି ଫର୍ମ ପୂରଣ କରି ସବମିଟ୍‌ କରିଦିଅନ୍ତୁ। ଭବିଷ୍ୟତ ପ୍ରମାଣ ପାଇଁ ଦାଖଲ ହୋଇଥିବା ଆବେଦନର ଏକ କପି ପ୍ରିଣ୍ଟ କରି ରଖନ୍ତୁ।

ଭୁବନେଶ୍ୱର : ଗୋଟିଏ ପଟେ କୃଷି ଓ ଶିଳ୍ପକୁ ଗୁରୁତ୍ୱ ଦିଆଯାଉଛି। ଅନ୍ୟପଟେ ସରକାରୀ ନିଯୁକ୍ତିକୁ ମଧ୍ୟ ପ୍ରାଧାନ୍ୟ ଦିଆଯାଇଛି। ମାତ୍ର ବର୍ଷକ ମଧ୍ୟରେ ଖାଲିଥିବା ପ୍ରାୟ ୨୦ ହଜାର ବିଭିନ୍ନ ପଦବୀ ପୂରଣ କରାଯାଇଛି। ଆସନ୍ତା ୧୪ ତାରିଖରେ ସମବାୟ ବିଭାଗରେ ୪୫୦ ଜଣ ବ୍ୟାଙ୍କିଙ୍ଗ୍‌‌ ଆସିଷ୍ଟାଣ୍ଟଙ୍କୁ ନିଯୁକ୍ତି ଦିଆଯିବ। ଲୋକସେବା ଭବନର ସମ୍ମିଳନୀ କକ୍ଷରେ ଆୟୋଜିତ ସମାରୋହରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେମାନଙ୍କୁ ନିଯୁକ୍ତିପତ୍ର ପ୍ରଦାନ କରିବେ। ସେମାନଙ୍କୁ ସେଣ୍ଟ୍ରାଲ କୋଅପରେଟିଭ୍‌‌ ବ୍ୟାଙ୍କରେ ନିୟୋଜିତ କରାଯିବ। କୌଣସି ପ୍ରତିକୂଳ ପରିସ୍ଥିତି ବେକାରୀ ସମସ୍ୟା ଦୂର କରିବାର ପ୍ରତିବଦ୍ଧତାକୁ ପ୍ରଭାବିତ କରିପାରିନାହିଁ; ବରଂ ସରକାରୀ ନିଯୁକ୍ତି ଗାଡ଼ି ଦ୍ରୁତ ଗତିରେ ଚାଲିଛି।

ଗତ କାଲି ସ୍ୱାସ୍ଥ୍ୟ ବିଭାଗରେ ୧୪୩ ଜଣ ଆୟୁର୍ବେଦିକ ମେଡିକାଲ ଅଫିସରଙ୍କୁ ନିଯୁକ୍ତି ଦିଆଯାଇଥିଲା। ଅଗଷ୍ଟ ୧୯ ତାରିଖ ଦିନ ରାଜ୍ୟ ସରକାର ୫୫୦ ଜଣ ଲ୍ୟାବ୍‌‌ ଟେକ୍ନିସିଆନ୍‌‌ଙ୍କୁ ସ୍ୱାସ୍ଥ୍ୟ ବିଭାଗରେ ନିଯୁକ୍ତି ପ୍ରଦାନ କରିଥିଲେ। ଅଗଷ୍ଟ ୩୦ ତାରିଖରେ ୨୭୪ ଜଣ ଅଧ୍ୟାପକ ଅନୁଦାନପ୍ରାପ୍ତ ମହାବିଦ୍ୟାଳୟରେ ନିଯୁକ୍ତି ପାଇଥିଲେ। ଉକ୍ତ ଦିନ ୩୫ ଜଣ ସହକାରୀ ପରିବେଶ ଯନ୍ତ୍ରୀଙ୍କୁ ମୁଖ୍ୟମନ୍ତ୍ରୀ ନିଯୁକ୍ତି ପତ୍ର ପ୍ରଦାନ କରିଥିଲେ। ସେହିପରି ସେପ୍ଟେମ୍ବର ୮ ତାରିଖରେ ୧୪୭ ଜଣ କମନ୍‌‌ କ୍ୟାଡର୍‌‌ ଅଡିଟର୍‌‌ ଅର୍ଥ ବିଭାଗରେ ନିଯୁକ୍ତି ପାଇଥିବା ବେଳେ ୯ ତାରିଖରେ ୧୮୪ ଜଣ ମୃତ୍ତିକା ସଂରକ୍ଷଣ କର୍ମଚାରୀଙ୍କୁ କୃଷି ବିଭାଗରେ ନିଯୁକ୍ତି ଦିଆଯାଇ ଥିଲା। ଅଗଷ୍ଟ ୨୫ ତାରିଖ ଦିନ ୩୩୪ ଲାବୋରେଟୋରୀ ଆସିଷ୍ଟାଣ୍ଟ, ଜୁନିଅର ଲାଇବ୍ରେରିଆନ୍‌‌ ଏବଂ କ୍ରୀଡ଼ା ଶିକ୍ଷକଙ୍କୁ ଉଚ୍ଚ ଶିକ୍ଷା ବିଭାଗରେ ନିଯୁକ୍ତି ପ୍ରଦାନ କରାଯାଇଥିଲା। ଏହା ପୂର୍ବରୁ ଗତବର୍ଷ ଡିସେମ୍ବର ୧୭ ତାରିଖ ଦିନ ୩୦ ଜଣ ଇଲେକ୍ଟ୍ରିକାଲ ଆସିଷ୍ଟାଣ୍ଟ ଏଗଜିକ୍ୟୁଟିଭ୍‌‌ ଇଞ୍ଜିନିୟର ଶକ୍ତି ବିଭାଗରେ କର୍ମନିଯୁକ୍ତି ପାଇଥିଲେ। ୨୦୨୧ ଜୁଲାଇ ୧ ତାରିଖ ଦିନ ୫୬ ଜଣ ଇକୋନୋମିକ୍‌‌ ଇନଭେଷ୍ଟିଗେଟର ଯୋଜନା ଓ ସଂଯୋଜନ ବିଭାଗରେ ନିଯୁକ୍ତି ପାଇଥିଲେ। ଜୁନ୍‌‌ ୨୬ ତାରିଖ ଦିନ ୩୯ ଜଣ କ୍ରୀଡ଼ାବିତ୍‌‌ଙ୍କୁ ରାଜ୍ୟ ସରକାର ପୁଲିସ ବିଭାଗରେ ଚାକିରି ପାଇଥିଲେ। ଗତବର୍ଷ ଡିେସେମ୍ବର ମାସରେ ୬ହଜାର ୩୧ ଏବଂ ଚଳିତ ବର୍ଷ ଅଗଷ୍ଟ ମାସରେ ୬ହଜାର ୯ଶହ ଶିକ୍ଷକ ନିଯୁକ୍ତି ପାଇଥିଲେ। ଆଦର୍ଶ ବିଦ୍ୟାଳୟରେ ୧୭୪୯ ଶିକ୍ଷକ ନିଯୁକ୍ତି ପାଇଥିଲେ। ଏଥି ସହ ଦୁଇଟି ପର୍ଯ୍ୟାୟରେ ୧୨୭୨ ଅଧ୍ୟାପକଙ୍କୁ ମଧ୍ୟ ନିଯୁକ୍ତି ଦିଆଯାଇଛି।

ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ପଦଭାର ଗ୍ରହଣ କରିବା ପରଠାରୁ ରାଜ୍ୟର ଆର୍ଥିକ ବ୍ୟବସ୍ଥାରେ ସୁଧାର ଆଣିବା ସହିତ ସରକାରୀ ସେବାକୁ ଅଧିକ ଲୋକାଭିମୁଖୀ କରିବା ଉପରେ ଗୁରୁତ୍ୱ ପ୍ରଦାନ କରୁଛନ୍ତି। ତେବେ ଏଥିରେ ସମସ୍ୟା ରହିଥିଲା ମାନବସମ୍ବଳର ଅଭାବ। ତେଣୁ ରାଜ୍ୟବାସୀଙ୍କ ନିକଟରେ ସରକାରୀ ସେବା ଓ ଯୋଜନାର ସୁଫଳ ପହଞ୍ଚାଇବା ଲକ୍ଷ୍ୟରେ ଖାଲି ପଦବୀ ପୂରଣ ପାଇଁ ପଦକ୍ଷେପ ନିଆଯାଉଛି। ଓଡ଼ିଶା ଲୋକସେବା ଆୟୋଗ, ଓଡ଼ିଶା କର୍ମଚାରୀ ଚୟନ ଆୟୋଗ, ଓଡ଼ିଶା ଅଧସ୍ତନ ଚୟନ ଆୟୋଗ, ଓଡ଼ିଶା ସେବା ଚୟନ ବୋର୍ଡର ଦାୟିତ୍ୱ ମଧ୍ୟ ବହୁତ ବଢ଼଼ି ଯାଇଛି। ଗୁରୁତ୍ୱପୂର୍ଣ୍ଣ କଥା ହେଉଛି କେବଳ ପଦବୀ ପୂରଣ ନୁହେଁ, ପୂରା ପ୍ରକ୍ରିୟା ଯେପରି ସ୍ୱଚ୍ଛ ଓ ପାରଦର୍ଶୀ ହେବ ତାହା ଉପରେ ସ୍ୱତନ୍ତ୍ର ଦୃଷ୍ଟି ଦିଆଯାଉଛି।

ନିଯୁକ୍ତି ପାଉଥିବା ପ୍ରାର୍ଥୀମାନେ ନିଯୁକ୍ତି ସମାରୋହରେ ଏହାକୁ ସ୍ୱିକାର କରିବା ସହିତ ‘୫-ଟି’ ଉପକ୍ରମର ଭୂୟସୀ ପ୍ରଶଂସା କରିଛନ୍ତି। ଏହା ଦ୍ୱାରା ସରକାରୀ ବିଭାଗରେ ଦକ୍ଷତା ବଳରେ ଉପଯୁକ୍ତ ପ୍ରାର୍ଥୀଙ୍କୁ ନିଯୁକ୍ତି ଦିଆଯାଇ ପାରୁଛି। ‘୫-ଟି’ ଉପକ୍ରମର ଅନୁପାଳନ ସ୍ୱରୂପ ନିଷ୍ଠାପର ଭାବେ ଲୋକଙ୍କ ସେବା କରିବା ପାଇଁ ମୁଖ୍ୟମନ୍ତ୍ରୀ ସେମାନଙ୍କୁ ସର୍ବଦା ପରାମର୍ଶ ଦେଇ ଆସୁଛନ୍ତି। ସରକାରୀ ବିଭାଗରେ ଖାଲି ପଦବୀ ପୂରଣ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ଫଳରେ ସବୁ ବିଭାଗ ନିୟମିତ ଭାବେ ନିଜର ଖ।।ଲି ପଦବୀ ସମ୍ପର୍କରେ ସରକାରଙ୍କୁ ଅବଗତ କରୁଛନ୍ତି ଏବଂ ସମୀକ୍ଷା ପରେ ପଦବୀ ପୂରଣ ପାଇଁ ପଦକ୍ଷେପ ନିଆଯାଉଛି। ଗତ ଦୁଇ ଦଶନ୍ଧି ମଧ୍ୟରେ ରାଜ୍ୟ ସରକାର ବହୁ ସଂଖ୍ୟକ ଜନହିତକାରୀ ଯୋଜନା ଓ କାର୍ଯ୍ୟକ୍ରମ ହାତକୁ ନେଇଛନ୍ତି। ଫଳରେ ସରକାରୀ ବିଭାଗ ଉପରେ ଦାୟିତ୍ୱ ବହୁ ଗୁଣରେ ବଢ଼଼ିଛି। ଏସବୁ ଯୋଜନା ଓ କାର୍ଯ୍ୟକ୍ରମର ସୁଫଳ ଲୋକଙ୍କ ପାଖରେ ପହଞ୍ଚାଇବା ଦାୟିତ୍ୱ ହେଉଛି କର୍ମଚାରୀଙ୍କର। ଦକ୍ଷ ମାନବସମ୍ବଳର ଅଭାବ ବହୁ ଗୁଣରେ ଦୂର ହୋଇଥିବାରୁ ସରକାରୀ କାର୍ଯ୍ୟକ୍ରମର ସୁଫଳ ପହଞ୍ଚିବା ତ୍ୱରାନ୍ୱିତ ହୋଇପାରିଛି।