ବଲିଉଡ୍ ଫିଲ୍ମ ନିର୍ମାତା ମଧୁ ମଣ୍ଟେନାଙ୍କ ବହୁପ୍ରତୀକ୍ଷିତ ଫିଲ୍ମ ‘ରାମାୟଣ’ କୁ ନେଇ ଏବେ ଚର୍ଚ୍ଚା ଜୋର୍ ଧରିଛି । ମଧୁଙ୍କର ଏହି ବହୁ ପ୍ରତିକ୍ଷୀତ ଫିଲ୍ମ ବଲିଉଡ୍‌ର ଏକ ମେଗା ପ୍ରୋଜେକ୍ଟ ଫିଲ୍ମ ହେବ । ଏଥ୍‌ରେ ସାଉଥ ସୁପରଷ୍ଟାର ମହେଶ ବାବୁ ଏବଂ ବଲିଉଡ୍ ଅଭିନେତା ପ୍ରିତିକ୍ ରୋଶନ ଲିଡ୍ ରୋଲ୍‌ରେ ନଜର ଆସିବେ। ‘ରାମାୟଣ’ରେ ମହେଶ ବାବୁ ରାମ ଓ ଡ୍ରିତିକ୍ ରାବଣ ଭୂମିକାରେ ନଜର ଆସିବେ । ଆଉ ସୀତା ଭୂମିକା ଲାଗି ଦୀପିକା ପାହ୍ୟୁକୋନ୍‌ଙ୍କ ନାଁ ପ୍ରଥମେ ଚର୍ଚ୍ଚା ହେଉଥିଲା ।

କିନ୍ତୁ ଶେଷ ମୁହୂର୍ତ୍ତରେ ଦୀପିକାଙ୍କୁ ବାଦ୍ ଦିଆଯାଇ କରିନା କପୁର ଖାନ୍‌ଙ୍କୁ ସୀତା ଭୂମିକା ପାଇଁ ଚୟନ କରାଯାଇଛି। ଫିଲ୍ମ ଲାଗି କରିନାଙ୍କୁ ୧୨କୋଟି ଟଙ୍କାର ଅଗ୍ରିମ ଚେକ୍ ମଧ୍ୟ ଦିଆଯାଇଛି ବୋଲି ଜଣାପଡିଛି। ଏଥିରେ ଡ୍ରିତିକ୍ ରାବଣ ଭୂମିକାରେ ଅଭିନୟ କରୁଥିବାରୁ ତାଙ୍କୁ ସଜ୍ଜାଇବା ନିମନ୍ତେ ହଲିଉଡ୍ ଫିଲ୍ମ ‘ଅବତାର’ର କଷ୍ଟ୍ୟମ୍ ଡିଜାଇନର୍‌ଙ୍କୁ ନିୟୋଜିତ କରାଯିବ । କରିନା ଏସ୍ ଏସ୍ ରାଜମୌଲୀଙ୍କ ପିତା ବିଜେନ୍ଦ୍ର ପ୍ରସାଦଙ୍କ ଫିଲ୍ମ ‘ସୀତା-ଦି ଇନକାଗନେଶନ’ରେ ସୀତା ଭୂମିକାରେ ଅଭିନୟ କରୁଛନ୍ତି ବୋଲି ଅନେକ ଦିନରୁ ସୋସିଆଲ ମିଡିଆରେ ଚର୍ଚ୍ଚା ହେଉଥିଲା । ଦୁଇଟି ଫିଲ୍ମ ମଧ୍ୟରୁ କେଉଁଥିରେ ବେଳେ ସୀତା ହେବାକୁ ପସନ୍ଦ କରୁଛନ୍ତି ତାହା ଅଗାମୀ ଦିନରେ ଜଣାପଡ଼ିବ ।

ମୁମ୍ବାଇ: ଅଭିନେତ୍ରୀ କରୀନା କପୁର ଓ ଅଭିନେତା ସୈଫ ଅଲ୍ଲୀ ଖାନଙ୍କ ଘରକୁ ପୁଣି ଜଣେ ନୂଆ ଅତିଥୀ ଆସିଛନ୍ତି ।  ଆଜି ସକାଳୁ ମୁମ୍ବାଇ ସ୍ଥିତ ବ୍ରିଜ କ୍ୟାଣ୍ଡି ହସ୍ପିଟାଲରେ କରୀନା ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ।

ଏହି ଖୁସି ଖବର ପରେ ଉଭୟ ପରିବାରରେ ଆନନ୍ଦର ଲହରୀ ଖେଳିଯାଇଥିବା ବେଳେ ପ୍ରଶଂସକମାନେ ଖୁସି ହେବା ସହ ଅଭିନନ୍ଦନ ମଧ୍ୟ ଜଣାଇଛନ୍ତି । ପ୍ରଶଂସକମାନେ ଉଭୟଙ୍କୁ ସୋସିଆଲ ମିଡିଆରେ ଅଭିନନ୍ଦନ ଜଣାଇଛନ୍ତି । ବଲିଉଡ୍ ଜଗତର ଅନେକ ସେଲିବ୍ରିଟି ମଧ୍ୟ କରିନା ଓ ସୈଫଙ୍କୁ ଶୁଭେଚ୍ଛା ଜଣାଇଛନ୍ତି ।

Kareena and Saif reportedly welcomed a baby boy last night! Congratulations to the proud parents and elder brother! pic.twitter.com/zwxISVK1kR

— Kareena Kapoor Khan (@KareenaK_FC) February 21, 2021

ଉଭୟ ଗତ ବର୍ଷ ଅଗଷ୍ଟରେ ଦ୍ୱିତୀୟ ସନ୍ତାନ ନେଇ ଘୋଷଣା କରିଥିଲେ । ସୋସିଆଲ ମିଡିଆରେ ପୋଷ୍ଟ କରି ଦ୍ୱିତୀୟ ସନ୍ତାନ ପାଇଁ ଆଉ ଅପେକ୍ଷା କରିହେଉ ନାହିଁ ବୋଲି କରିନା କହିଥିଲେ । ଏବେ କରୀନା ପୁଣି ଥରେ ମାତୃତ୍ୱ ଲାଭ କରିଛନ୍ତି । ଏହାସହ ତାଙ୍କର ବଡ ପୁତ୍ର ତୈପୁରଙ୍କୁ ଏକ ଭାଇ ମିଳି ଯାଇଛି ।