ଭାରତୀୟ ସଂଗୀତ ଜଗତରେ ଏକ ଶୂନ୍ୟସ୍ଥାନ ସୃଷ୍ଟି କରି ଆଉ ନାହାନ୍ତି ପ୍ରସିଦ୍ଧ କିମ୍ବଦନ୍ତୀ ଗାୟିକା ଆଶା ଭୋଁସଲେ। ୯୨ ବର୍ଷ ବୟସରେ ବଲିଉଡର ଏହି ସୁର ସାମ୍ରାଜ୍ଞୀଙ୍କର ପରଲୋକ ହୋଇଯାଇଛି। ତାଙ୍କ ଦେହାନ୍ତରେ କେବଳ ବଲିଉଡ ନୁହେଁ, ସମଗ୍ର ଦେଶ ଓ ବିଶ୍ୱରେ ଥିବା ତାଙ୍କର କୋଟି କୋଟି ପ୍ରଶଂସକ ଶୋକରେ ବୁଡ଼ି ଯାଇଛନ୍ତି।

ସ୍ୱାସ୍ଥ୍ୟାବସ୍ଥା ଓ ଦେହାନ୍ତ

ଗତ କିଛି ଦିନ ହେବ ଶ୍ୱାସକ୍ରିୟାଜନିତ ସମସ୍ୟା ଏବଂ ହୃଦଘାତ କାରଣରୁ ତାଙ୍କୁ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା। ସାରା ବିଶ୍ୱରେ ପ୍ରଶଂସକମାନେ ତାଙ୍କର ଆଶୁ ଆରୋଗ୍ୟ କାମନା କରି ପ୍ରାର୍ଥନା କରୁଥିବା ବେଳେ ରବିବାର ଦିନ ତାଙ୍କର ଦେହାନ୍ତ ହୋଇଛି। ଡାକ୍ତରୀ ରିପୋର୍ଟ ଅନୁଯାୟୀ, ମଲ୍ଟି ଅର୍ଗାନ୍ ଫେଲ୍‌ୱର ଯୋଗୁଁ ତାଙ୍କର ମୃତ୍ୟୁ ଘଟିଛି। ବିଜେପି ନେତା ଆଶିଷ ଶେଲାର ଏହି ଦୁଃଖଦ ଖବରକୁ ସ୍ପଷ୍ଟ କରିଛନ୍ତି। ନିକଟରେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ତାଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ଗଭୀର ଉଦ୍‌ବେଗ ପ୍ରକାଶ କରିଥିଲେ।

ସଂଗୀତ ଜଗତରେ ଏକ ଯୁଗର ଅନ୍ତ

ଆଶା ଭୋଁସଲେଙ୍କର ଦେହାନ୍ତ ସହିତ ଭାରତୀୟ ସଂଗୀତ ଜଗତରେ ଏକ ସ୍ୱର୍ଣ୍ଣିମ ଯୁଗର ଅନ୍ତ ଘଟିଛି। ହିନ୍ଦୀ ସିନେମାରେ ପ୍ରାୟ ୮ ଦଶନ୍ଧିରୁ ଅଧିକ ସମୟ ଧରି ନିଜର ଯାଦୁକରୀ କଣ୍ଠରେ ସେ ଶ୍ରୋତାଙ୍କୁ ମନ୍ତ୍ରମୁଗ୍ଧ କରିଥିଲେ। ସେ ନିଜର ଦୀର୍ଘ କ୍ୟାରିଅରରେ ୨୦ରୁ ଅଧିକ ଭାଷାରେ ହଜାର ହଜାର ଗୀତ ଗାଇଛନ୍ତି। ଭାରତୀୟ କଳା ଓ ସଂସ୍କୃତି ପ୍ରତି ତାଙ୍କର ଅତୁଳନୀୟ ଅବଦାନ ପାଇଁ ତାଙ୍କୁ ୨୦୦୦ ମସିହାରେ ଦାଦାସାହେବ ଫାଲକେ ପୁରସ୍କାର ଏବଂ ୨୦୦୮ ମସିହାରେ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ଗତ ୨୦୨୫ ମସିହାରେ ବଲିଉଡ ଅନେକ କଳାକାରଙ୍କୁ ହରାଇଥିବା ବେଳେ ଏବେ ୨୦୨୬ ମସିହାରେ ଏହା ଭାରତୀୟ କଳା ଜଗତ ପାଇଁ ଆଉ ଏକ ଅପୂରଣୀୟ କ୍ଷତି।

ସୋମବାର ହେବ ଶେଷକୃତ୍ୟ

ପ୍ରାପ୍ତ ସୂଚନା ଅନୁସାରେ, ଏହି କିମ୍ବଦନ୍ତୀ ଗାୟିକାଙ୍କର ଶେଷକୃତ୍ୟ ସୋମବାର ଅପରାହ୍ନ ୪ଟାରେ ମୁମ୍ବାଇ ସ୍ଥିତ ଦାଦର ଶିବାଜୀ ପାର୍କ ଶ୍ମଶାନରେ ସମ୍ପନ୍ନ କରାଯିବ। ତାଙ୍କର ଅନ୍ତିମ ଦର୍ଶନ ପାଇଁ ବଲିଉଡର ବହୁ ନାମୀଦାମୀ ବ୍ୟକ୍ତିବିଶେଷ ଓ ରାଜନେତାମାନେ ଏକାଠି ହେବାର ଆଶା କରାଯାଉଛି।

ନୂଆଦିଲ୍ଲୀ: ସମ୍ମାନଜନକ ଦାଦା ସାହେବ ଫାଲ୍‌କେ ପୁରସ୍କାର ଘୋଷଣା ହୋଇଛି । ବର୍ଷିୟାନ ଅଭିନେତ୍ରୀ ୱାହିଦା ରେହମାନ ପାଇବେ ଏହି ସମ୍ମାନଜନକ ଦାଦା ସାହେବ ଫାଲ୍‌କେ ପୁରସ୍କାର। ଏନେଇ ସୂଚନା ଓ ପ୍ରସାରଣ ମନ୍ତ୍ରାଳୟ ପକ୍ଷରୁ ଘୋଷଣା କରାଯାଇଛି ।  ଇନଫର୍ମେସନ ଓ ବ୍ରଡକାଷ୍ଟିଂ ମନ୍ତ୍ରୀ ଅନୁରାଗ ଠାକୁର ଆଓ୍ବାର୍ଡ ଘୋଷଣା କରିଛନ୍ତି ।

ୱାହିଦା ରେହମାନ ୩ ଫେବୃଆରୀ ୧୯୩୮ ମସିହାରେ ଭାରତର ତାମିଲନାଡୁରେ ଜନ୍ମଗ୍ରହଣ କରିଥିଲେ। ସେ ୧୯୭୨ରେ ପଦ୍ମଶ୍ରୀ ଓ ୨୦୧୧ ମସିହାରେ ପଦ୍ମ ଭୂଷଣରେ ସମ୍ମାନିତ ହୋଇଛନ୍ତି। ଅଭିନେତ୍ରୀ ସହ ନୃତ୍ୟଶିଳ୍ପୀ ଭାବେ ମଧ୍ୟ ୱାହିଦା ରେହମାନ ପରିଚିତ। ସେ ୯୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିବା ବେଳେ ସିନେ ଜଗତରେ ପାଞ୍ଚ ଦଶନ୍ଧି ଧରି କାର୍ଯ୍ୟକରିଛନ୍ତି। ଗୋଟିଏ ଜାତୀୟ ଚଳଚ୍ଚିତ୍ର ପୁରସ୍କାର ସହ ୩ଟି ଚଳଚ୍ଚିତ୍ର ପୁରସ୍କାର ପାଇଛନ୍ତି।

ରେହମାନ ୱାହିଦା ୧୯୫୫ରେ ତେଲୁଗୁ ଚଳଚ୍ଚିତ୍ର ରୋଜୁଲୁ ମାରାୟିରୁ କ୍ୟାରିଅରେ ଆରମ୍ଭ କରିଥିଲେ। ଏହାପରେ ସେ ଆଉ ପଛକୁ ଫରେ ନ ଥିଲେ। ପରେ  ପାୟାସା, କାଗାଜ କେ ଫୁଲ, ଚୌଧଭିନ କା ଚାନ୍ଦ, ସାହିବ ବିବି ଅର ଗୁଲାମ, ନୀଲ କମଲ, ରାମ ଅର ଶ୍ୟାମ, ଖାମୋସି ଆଦିରେ ଅଭିନୟ କରି ନିଜର ସ୍ବତନ୍ତ୍ର ଛାପ ଛାଡିଛନ୍ତି।

ମୁମ୍ବାଇ: ଚଳିତ ବର୍ଷର ଦାଦା ସାହେବ ଫାଲକେ ପୁରସ୍କାର ଘୋଷଣା ହୋଇଛି। ବହୁ ଚର୍ଚ୍ଚିତ ଫିଲ୍ମ ‘ ଦ କାଶ୍ମୀର ଫାଇଲ୍ସ’କୁ ମିଳିଛି ଦାଦାସାହେବ ଫାଲକେ ସମ୍ମାନ । ପୁରସ୍କାରକୁ ଫିଲ୍ମ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ କାଶ୍ମୀରୀ ହିନ୍ଦୁଙ୍କୁ ଉତ୍ସର୍ଗ କରିଥିବା ବେଳେ ସବୁ ଭାରତୀୟଙ୍କ ଭଲପାଇବା ପାଇଁ ପୁରସ୍କାର ମିଳିଛି ବୋଲି କହିଛନ୍ତି। ସେହିପରି ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ପୁରସ୍କାର ୨୦୨୩ରେ ଏସଏସ ରାଜାମୌଲିଙ୍କ ‘ଆରଆରଆର’କୁ ମିଳିଛି ଫିଲ୍ମ ଅଫ୍ ଦି ଇୟର ପୁରସ୍କାର । ଫେବ୍ରୁଆରି ୨୦ ତାରିଖ ସୋମବାର ଏହି ପୁରସ୍କାର ପ୍ରଦାନ ଉତ୍ସବ ଅନୁଷ୍ଠିତ ହୋଇଯାଇଛି ।

ଆଲିଆ ଭଟ୍ଟଙ୍କୁ ମିଳିଛି ଶ୍ରେଷ୍ଠ ଅଭିନେତ୍ରୀର ପୁରସ୍କାର । ଫିଲ୍ମ ‘ଗଙ୍ଗୁବାଇ’ ପାଇଁ ଆଲିଆ ଭଟ୍ଟ ଏହି ପୁରସ୍କାର ପାଇଛନ୍ତି । ସେହିପରି ଶ୍ରେଷ୍ଠ ଅଭିନେତା ଭାବେ ସମ୍ନାନିତ ହୋଇଛନ୍ତି ରଣବୀର କପୁର । ଫିଲ୍ମ ‘ବ୍ରହ୍ମାସ୍ତ୍ର’ ପାଇଁ ରଣବୀରଙ୍କୁ ଏହି ସମ୍ମାନ ମିଳିଛି। କାର୍ଯ୍ୟକ୍ରମରେ ଅନୁପମ ଖେର, ରଣବୀର କପୁର, ରେଖା, ବରୁଣ ଧୱନ, ଋଷବ ସେଟ୍ଟୀଙ୍କୁ ମଧ୍ୟ ପୁରସ୍କୃତ କରାଯାଇଛି ।

ନୂଆଦିଲ୍ଲୀ: ଭାରତୀୟ ଚଳଚ୍ଚିତ୍ରକୁ ଜୀବନବ୍ୟାପୀ ଅବଦାନ ପାଇଁ, ଚଳିତ ବର୍ଷର ସମ୍ମାନଜନକ ‘ଦାଦା ସାହେବ ଫାଲକେ ପୁରସ୍କାର’ ପ୍ରସିଦ୍ଧ ଅଭିନେତ୍ରୀ ଆଶା ପାରେଖଙ୍କୁ ପ୍ରଦାନ କରାଯିବି। ରଷ୍ଟ୍ରୀୟ ଫିଲ୍ମ ପୁରସ୍କାର ସମାରୋହରେ ଏହି ସମ୍ମାମରେ ସେ  ସମ୍ମାନୀତ ହେବେ।  ଏ ନେଇ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ସୂଚନା ଦେଇଛନ୍ତି।

୭୯ ବର୍ଷୀୟା ଲୋକପ୍ରିୟ ପୁରୁଖା ବଲିଉଡ୍ ଅଭିନେତ୍ରୀ ଆଶା ପାରେଖ  ୬୦ ଦଶକର ଦର୍ଶକଙ୍କ ମଧ୍ୟରେ  ରାଜ୍  କରୁଥିଲେ। କଟ୍ଟି ପତଙ୍ଗ, ତିସରି ମଞ୍ଜିଲ୍, ଆନ ମିଲୋ ସଜନା, ଲଭ୍ ଇନ୍ ଟୋକିଓ, ମେରା ଗାଓଢ ମେରା ଦେଶ ଭଳି ଅନେକ ଚଳଚିତ୍ର ଅଭିନୟ କରିଥିଲେ ଆଶା । ଏସବୁ ଫିଲ୍ମ ଥିଲା ହିଟ୍ । ତାଙ୍କର ଏହି ଅଭିନୟ ପାଇଁ ତାଙ୍କୁ ଚଳଚ୍ଚିତ୍ର ସମ୍ମାନରେ ସମ୍ମାନୀତ କରାଯାଇଛି । ୧୯୯୨ରେ ପଦ୍ମଶ୍ରୀ, ୨୦୦୨ ଲାଇଫ୍ ଟାଇମ ଆଚିଭମେଣ୍ଟ, ୨୦୦୬ରେ IIFA ଆଓ୍ୱାର୍ଡ ଭଳି ଅନେକ ସମ୍ମାନରେ ସମ୍ମାନୀତ ହୋଇଛନ୍ତି ଆଶା  ପାରେଖ।