ଭୁବନେଶ୍ୱର: ଭାଙ୍ଗିଲା କିଶୋର ଭାଇନା ମଟନ ହୋଟେଲ୍ । ତାଗିଦ ପରେ ବନ୍ଦ ନ କରିବାରୁ କିଶୋର ଭାଇନାଙ୍କ ମଟନ ଦୋକାନ ଉପରେ ବୁଲଡୋଜର ଚଲାଇଲା ବିଏମସି । ଅପମିଶ୍ରିିତ ଖାଦ୍ୟ ପ୍ରସ୍ତୁତି ନେଇ ବିଏମସି ଏଭଳି କାର୍ଯ୍ୟାନୁଷ୍ଠାନ ନେଇଛି । ଦୁଇ ଦିନ ପୂର୍ବେ କିଶୋରଙ୍କ ମଟନ ଦୋକାନ ଉପରେ ଚଢାଉ କରିଥିଲା ବିଏମସି । ବୁଧବାର ଚଢ଼ାଉ କରି ହୋଟେଲକୁ ସିଲ୍ କରିଥିଲା BMC । ସିଲ୍ ସତ୍ତ୍ୱେ କାଲି ହୋଟେଲ ଖୋଲି ବେପାର କରିବାରୁ ଭାଙ୍ଗିଦେଲା ।

ସୂଚନାଯୋଗ୍ୟ, ଅସ୍ୱାସ୍ଥ୍ୟକର ପରିବେଶରେ ରୋଷେଇ ହେଉଥିବା ଦର୍ଶାଇ ବିଏମସିର ଫୁଡ ସେଫଟି ଟିମ ହୋଟେଲ ମାଲିକ କିଶୋରଙ୍କୁ ଗତ ବୁଧବାର ଦିନ ତାଗିଦ କରିଥିଲା । କେବଳ ଏତିକି ନୁହଁ ଗୁପଚୁପ ଓ ଦହିବରା ବିକ୍ରିର ରେଜିଷ୍ଟସନରେ ବର୍ଷ ବର୍ଷ ଧରି ହୋଟେଲ ଚାଲୁଥିବାରୁ ଏହାକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲା ବିଏମସିର ଫୁଡ ସେଫଟି ଟିମ୍ । ତରକାରୀରେ ନକଲି ରଙ୍ଗ ଓ ଏକ୍ସପାୟରୀ ସସ୍ ପକାଇବା ସହ ପରିଷ୍କାର ଓ ପରିଚ୍ଛନ୍ନ ଉପରେ ଦୃଷ୍ଟି ଦେଉନଥିଲେ କିଶୋର ଭାଇନା । ତେବେ ବିଏମସିର ଚଢାଉ ଓ ତାଗିଦ ପରେ ମଧ୍ୟ ଗତକାଲି ପୁଣିଥରେ ଦୋକାନ ଖୋଲିଥିଲେ କିଶୋର ଭାଇନା । ପୁଣିଥରେ ମଟନ ଦୋକାନ ଖୋଲି ବେପାର ଆରମ୍ଭ କରିଥିଲେ କିଶୋର । ତେଣୁ ଆଜି ସକାଳୁ ସକାଳୁ କିଶୋର ଭାଇନାଙ୍କ ଦୋକାନ ଉପରେ ବୁଲଡୋଜର ଚଢାଇଥିଲା ବିଏମସି ।

ଭୁବନେଶ୍ବର: ଦୂରଦର୍ଶନ ପାଖ କିଶୋର ଭାଇନା ମଟନ ହୋଟେଲର ଫୁଡ଼ ରେଜିଷ୍ଟ୍ରେସନକୁ ବାତିଲ କଲା ବିଏମସି। ବିଏମସିର ଖାଦ୍ୟ ସୁରକ୍ଷା ଦଳ ଆଜି ଦୂରଦର୍ଶନ ନିକଟରେ ଥିବା ଦୋକାନଗୁଡ଼ିକୁ ଯାଞ୍ଚ କରିଥିଲେ। କିଶୋର ଭାଇନାଙ୍କ ହୋଟେଲରେ ବ୍ଯବହୃତ ଖାଦ୍ୟର ରଙ୍ଗ ଓ ନଷ୍ଟ ହୋଇଯାଇଥିବା ସସଙ୍କୁ ବିଏମସିର ଖାଦ୍ୟ ସୁରକ୍ଷା ଦଳ ନଷ୍ଟ କରିଛନ୍ତି। ଏହି ଯାଞ୍ଚ ବେଳେ ହୋଟେଲର ପିରମଳ ବ୍ଯବସ୍ଥା ପୂରା ବିପର୍ଯ୍ଯସ୍ତ ଅବସ୍ଥାରେ ରହିଥିବା ନଜରକୁ ଆସିଛି। ସ୍ବଛତାକୁ ମଧ୍ୟ ଅବଲମ୍ବନ କରାଯାଉ ନ ଥିଲା । ଏକ ଅସ୍ବାସ୍ଥ୍ୟକର ପରିବେଶ ମଧ୍ୟରେ ଖାଦ୍ୟ ପ୍ରସ୍ତୁତି ହେଉଥିବା ସାମ୍ନାକୁ ଅସିଛି। ଏହାପରେ ଏହି  ହୋଟେଲ ରରେଜିଷ୍ଟ୍ରେସନକୁ ବାତିଲ କରାଯିବ ସହ ଫାଇନ ମଧ୍ଯ ଆଦାୟ କରିଛି ବିଏମସି। ଏ ନେଇ ବିଏମସି ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି।

The food safety team of BMC today inspected shops near Doordarshan.
Food colours, expired sauces & also stale crabs at restaurant were destroyed.
Food registration cancelled & penalty also imposed for poor sanitation.#FoodSafetybyBMC pic.twitter.com/GF6MWvWeOq

— BMC (@bmcbbsr) September 14, 2022