ନୂଆଦିଲ୍ଲୀ : ଏବେ ଲୋକଙ୍କୁ କାର୍ଟୁନ ନିଶା ଘାରିଛି। ନିଜର ତଥା ସାଙ୍ଗସାଥି ଓ ସମ୍ପର୍କୀୟଙ୍କ କାର୍ଟୁନ ଫଟୋ ବନାଇ ସୋସିଆଲ ମିଡିଆରେ ଛାଡୁଛନ୍ତି। ଏହା ଏକ ଟ୍ରେଣ୍ଡ (ଧାରା)ରେ ପରିଣତ ହୋଇଯାଇଛି। ରାଜନେତାଙ୍କଠାରୁ ଆରମ୍ଭ କରି ରାଜମିସ୍ତ୍ରୀ ପର୍ଯ୍ୟନ୍ତ ସମସ୍ତେ ଘିବଲି ମୋହର ପଡିଛନ୍ତି। ସମସ୍ତେ ଏହାକୁ ସର୍ଚ୍ଚ କରିବାରୁ ଘିବଲି ପ୍ରସ୍ତୁତ କରୁଥିବା ଏଆଇ ଚାଟ ଜିପିଟି ଉପରେ ଚାପ ବଢ଼ିବାରେ ଲାଗିଛି। କମ୍ପାନୀର ଅଧିକାରୀ ଲୋକଙ୍କୁ ଏଥିରୁ କ୍ଷାନ୍ତ ରହିବାକୁ ଅନୁରୋଧ କରିଥିଲେ ମଧ୍ୟ କେହି ଶୁଣୁନାହାନ୍ତି।

ଏପରିସ୍ଥଳେ ଜିବିଲି ସର୍ଚ୍ଚକୁ ନେଇ ଗୁଗୁଲ ଟ୍ରେଣ୍ଡ ସ୍କେଲ ରିପୋର୍ଟ ସାମନାକୁ ଆସିଛି। ଏହି ଜିବିଲି ଟ୍ରେଣ୍ଡରେ ଓଡ଼ିଶା ଦେଶରେ ଦ୍ବିତୀୟ ସ୍ଥାନରେ ରହିଛି। ରାଜ୍ୟର ଏହାର ଲୋକପ୍ରିୟତା ୫୯ ପ୍ରତିଶତ ରହିଛି। ସେହିପରି ଲୋକପ୍ରିୟତାରେ ଗୁଜରାଟ ଶୀର୍ଷ (ଶତ ପ୍ରତିଶତ)ରେ ରହିଛି। ଓଡ଼ିଶା ପଛକୁ ମହାରାଷ୍ଟ୍ର (୫୬), ଉତ୍ତରାଖଣ୍ଡ (୫୩), ରାଜସ୍ଥାନରେ ଲୋକପ୍ରିୟତା ୪୮ ପ୍ରତିଶତ ରହିଛି। ଅନ୍ୟପକ୍ଷରେ ଜିବିଲି ଲାଗି ଲୋକଙ୍କ ଗୋପନୀୟତା ପ୍ରତି ବିପଦ ସୃଷ୍ଟି ହୋଇପାରେ ବୋଲି ବିଶେଷଜ୍ଞ ଚେତାଇ ଦେଇଛନ୍ତି।

କ’ଣ ଏହି ‘ଘିବଲି’ ଆର୍ଟ

ଘିବଲି ଏବେ ଲୋକଙ୍କ ପାଇଁ ନୂଆ ହେଲେ ବି ଏହାର ପ୍ରାରମ୍ଭ ୧୯୮୫ ମସିହାରେ ହୋଇଥିଲା। ଘିବଲିର ସମ୍ବନ୍ଧ ଜାପାନ ସହିତ ଅଛି। ଏହାର ଶ୍ରେୟ ହାୟାଓ ମିୟାଜାକି ଏବଂ ତାଙ୍କ ଷ୍ଟୁଡିଓ ଘିବଲିକୁ ଯାଏ। ମିୟାଜାକି ହେଲେ ଘିବଲି ଷ୍ଟୁଡିଓର ପ୍ରତିଷ୍ଠାତା। ତେବେ ତାଙ୍କୁ ଜାପାନୀ ଆନିମେସନ ଦୁନିଆର ବାଦଶାହ ବୋଲି କୁହାଯାଏ। ସେ ୨୫ରୁ ଅଧିକ ଆନିମେଟେଡ୍‌ ଫିଲ୍ମ ଏବଂ ଟିଭି ସିରିଜ୍ ପ୍ରସ୍ତୁତ କରିଛନ୍ତି। ତେବେ ତାଙ୍କର ସବୁଠୁ ଅଧିକ ଅର୍ଥ ଉପାର୍ଜନ କରିଥିବା ଫିଲ୍ମ ହେଉଛି ‘ସ୍ପିରିଟେଡ୍‌ ଆୱେ।’ ଏହା ୨୩ କୋଟି ଟଙ୍କା ଆୟ କରିଥିଲା।

ଷ୍ଟୁଡିଓ ଘିବଲି ସୁନ୍ଦର ଆନିମେସନ ଫିଲ୍ମ ଦ୍ବାରା ବହୁ ଅର୍ଥ କମାଇଛି। ଏହି କାରଣ ଯୋଗୁଁ ଏହା ହେଉଛି ବିଶ୍ବର ସବୁଠୁ ବଡ଼ ଆନିମେଶନ ଷ୍ଟୁଡିଓ। ତେବେ ଷ୍ଟୁଡିଓ ଘିବଲି କେବଳ ଆନିମେସନ ଦ୍ବାରା ନୁହେଁ, ବରଂ ସେ ତା’ର ଉତ୍ପାଦ (ଖେଳଣା, କପଡ଼ା), ଡିଭିଡିର ବିକ୍ରି ଏବଂ ଅନ୍‌ଲାଇନ୍‌ ଷ୍ଟ୍ରିମିଂ ରାଇଟ୍‌ ଦ୍ବାରା ମଧ୍ୟ ଖୁବ୍ ଆୟ କରେ। ସେହିପରି ମିୟାଜାକିଙ୍କ ମୋଟ ସମ୍ପତ୍ତି ସଠିକ୍‌ ଅନୁମାନ କରାଯିବା ସମ୍ଭବ ନୁହେଁ। କୁହାଯାଏ, ତାଙ୍କର ସମୁଦାୟ ସମ୍ପତ୍ତି ୪୨୮ କୋଟି ଟଙ୍କା।

ତେବେ ଏବେ ଚାଟ୍‌ଜିପିଟି ପ୍ଲାଟ୍‌ଫର୍ମ ବ୍ୟବହାରକାରୀଙ୍କ ପାଇଁ ଘିବଲି ଆନିମେସନ ତିଆରି କରୁଛି। ସାମାଜିକ ଗଣମାଧ୍ୟମରେ ଏଭଳି ଫଟୋ ଓ ଭିଡିଓ ଖୁବ୍ ଭାଇରାଲ ହେଉଛି। ଏହା ମାଧ୍ୟମରେ ଲୋକେ ନିଜ ସ୍ମୃତିକୁ ଘିବଲି ଷ୍ଟାଇଲରେ ଦେଖୁଛନ୍ତି। ଆଗାମୀ ଦିନରେ ଏଆଇର ଅନ୍ୟ ଟୁଲ୍ ମଧ୍ୟ ଏ ପ୍ରକାର ଇମେଜ୍‌ ଓ ଭିଡିଓ ତିଆରି କରିବେ। ତେଣୁ କୁହାଯାଉଛି, ଏହା ଦ୍ବାରା ମିୟାଜାକି ଏବଂ ଘିବଲି ଷ୍ଟୁଡିଓ ଉପରେ ପ୍ରଭାବ ପଡ଼ିପାରେ। ଏଆଇ ପ୍ଲାଟଫର୍ମ ଦ୍ବାରା ତିଆରି ଘିବ୍‌ଲି ଷ୍ଟାଇଲକୁ ଲୋକେ ଖୁବ୍ ପସନ୍ଦ କରୁଛନ୍ତି। ହେଲେ ଏହାକୁ ନେଇ ମିୟାଜାକି ଆଦୌ ଖୁସି ନାହାନ୍ତି। ମିୟାଜାକି ଏହାକୁ ଜୀବନ ପ୍ରତି ଅପମାନ ବୋଲି କହିଛନ୍ତି। ତାଙ୍କ କହିବା କଥା, ଏଆଇ ମଣିଷର ଭାବନାକୁ ବୁଝିପାରି ନ ଥାଏ। ଏଥିରେ ମଣିଷଙ୍କ ଭଳି ସୃଜନଶୀଳତାର ଅଭାବ ଦେଖିବାକୁ ମିଳେ।

ନୂଆଦିଲ୍ଲୀ : ଯଦି ଆପଣ ସିନେମା ଦେଖିବାକୁ ଭଲ ପାଆନ୍ତି ତେବେ ଆପଣଙ୍କ ପାଇଁ ଖୁସି ଖବର। କାରଣ ସେପ୍ଟେମ୍ବର ୧୬ରେ ଭାରତର ସମସ୍ତ ସିନେମା ହଲରେ ଆପଣ ମାତ୍ର ୭୫ ଟଙ୍କାରେ ଟିକେଟ ପାଇ ପାରିବେ। ଯେଉଁଠି ମଲ୍ଟିପ୍ଲେକ୍ସ ଥିଏଟରକୁ ଫିଲ୍ମ ଦେଖିବାକୁ ଯିବାକୁ ହେଲେ ଆପଣଙ୍କୁ ୩୦୦ ଶହ ରୁ ୫୦୦ ଟଙ୍କାର ଟିକେଟ କରିବାକୁ ପଡୁଥିଲା ତାହା ସେପ୍ଟେମ୍ବର ୧୬ରେ ମାତ୍ର ୭୫ ଟଙ୍କାରେ ମିଳିବ।

ମିଳିଥିବା ସୂଚନା ଅନୁସାରେ ସେପ୍ଟେମ୍ବର ୧୬ରେ ଜାତୀୟ ସିନେମା ଦିବସ ଅବସରରେ ପ୍ରତ୍ୟେକ ଫିଲ୍ମର ଟିକେଟ ମାତ୍ର ୭୫ ଟଙ୍କାରେ ମିଳିବ। ମଲ୍ଟିପ୍ଲେକ୍ସ ଆସୋସିଏସନ୍ ଅଫ୍ ଇଣ୍ଡିଆ (MAI) ସାରା ଦେଶରେ ସିନେମା ସେପ୍ଟେମ୍ବର ୧୬ରେ ଭାରତରେ ଜାତୀୟ ସିନେମା ଦିବସ ପାଳନ କରିବାକୁ ଓ ୭୫ ଟଙ୍କା ଟିକେଟ ମିଳିବାର ନିଷ୍ପତ୍ତି ନେଇଛି। ଯେକୌଣସି ଫିଲ୍ମ ଅର୍ଥାତ୍ ବଲିଉଡ, ହଲିଉଡ, ଭୋଜପୁରୀ, ମରାଠୀ, କନ୍ନଡ, ମାଲାୟାଲମ ଓ ଓଡିଆ ଫିଲ୍ମକୁ ମାତ୍ର ୭୫ ଟଙ୍କାରେ ଦେଖିବେ ଦର୍ଶକ।

ଏନେଇ ମଲ୍ଟିପ୍ଲେକ୍ସ ଆସୋସିଏସନ୍ ଅଫ୍ ଇଣ୍ଡିଆ (MAI) ଏକ ବିବୃତ୍ତି ଜାରି କରି କହିଛି ଯେ ‘ରାଷ୍ଟ୍ରିୟ ସିନେମା ଦିବସରେ ସମସ୍ତ ବୟସର ଦର୍ଶକଙ୍କୁ ଚଳଚ୍ଚିତ୍ର ମାଧ୍ୟମରେ ଏକାଠି କରିବ। ଜାତୀୟ ସିନେମା ଦିବସ ପୂର୍ବରୁ ପାଳନ କରାଯାଇନଥିଲା। ଏହି ବର୍ଷ ଏହି ଧାରା ଆରମ୍ଭ ହୋଇଛି। କୋଭିଡ କାରଣରୁ ଦୁଇ ବର୍ଷର ଥିଏଟର ବନ୍ଦ ପରେ ପୁନଃ ଆରମ୍ଭ ହେବାର ଆନନ୍ଦରେ ଏହି ଦିନ ପାଳନ କରାଯାଉଛି। ପ୍ରେକ୍ଷାଳୟ ଦ୍ୱାରା କରାଯାଇଥିବା ଏହି ଘୋଷଣା ମଧ୍ୟ ସେହି ଦର୍ଶକଙ୍କୁ ଫେରାଇ ଆଣିବା ପାଇଁ ଏକ ବଡ଼ ପଦକ୍ଷେପ, ଯେଉଁମାନେ ଲକଡାଉନ୍ ପରଠାରୁ ପ୍ରେକ୍ଷାଳୟକୁ ଯାଇ ନାହାଁନ୍ତି।

ଦେଶର ୪୦୦୦ ପ୍ରେକ୍ଷାଳୟରେ ୭୫ ଟଙ୍କାରେ ଫିଲ୍ମ ଦେଖି ପାରିବେ ଦର୍ଶକ

ରିପୋର୍ଟ ଅନୁଯାୟୀ PVR, INOX, ସିନେପୋଲିସ୍, କାର୍ନିଭାଲ୍, ମିରାଜ୍ ଓ ସିଟିପ୍ରିଡ୍, ଏସୀୟ, ମୁକ୍ତା ଏ-୨, ମୁଭିଟାଇମ୍, ୱେବ୍, M2K ସମେତ ଦେଶର ପ୍ରାୟ ୪୦୦୦ ସିନେମାହଲରେ ୭୫ ଟଙ୍କାରେ ଟିକେଟ୍ କିଣି ଦର୍ଶକ ସମସ୍ତ ଫିଲ୍ମ ଦେଖିପାରିବେ।