ଆଜିକାଲି ମହଙ୍ଗା ଯୁଗରେ ବଡ଼ ସହରରେ ଜୀବନଯାପନ କରିବା ଏକ ବଡ଼ ଆହ୍ୱାନ। ଏହାରି ମଧ୍ୟରେ ଉତ୍ତରପ୍ରଦେଶର ନୋଏଡାରେ ରହୁଥିବା ଏବଂ ମାଇକ୍ରୋସଫ୍ଟ (Microsoft) ରେ ସଫ୍ଟୱେୟାର ଇଞ୍ଜିନିୟର ଭାବରେ କାର୍ଯ୍ୟରତ ଥିବା ଏକ ଟେକ୍ ଦମ୍ପତି ନିଜର ମାସିକ ଖର୍ଚ୍ଚ ଏବଂ ଜୀବନଶୈଳୀ ସମ୍ପର୍କରେ ଖୁଲାସା କରିଛନ୍ତି। ସେମାନଙ୍କର ମାସିକ ଖର୍ଚ୍ଚ ପ୍ରାୟ ୧.୬ ଲକ୍ଷ ଟଙ୍କା ହେଉଥିବା ବେଳେ ବଢ଼ୁଥିବା ଖର୍ଚ୍ଚ ସତ୍ତ୍ୱେ ନୋଏଡା ସେମାନଙ୍କ ପାଇଁ ଏକ ସନ୍ତୁଳିତ ସହର ବୋଲି ସେମାନେ ପ୍ରକାଶ କରିଛନ୍ତି।

ମାସିକ ଖର୍ଚ୍ଚର ହିସାବ

ଏହି ଦମ୍ପତି ହେଉଛନ୍ତି ଛବି ମାହେଶ୍ୱରୀ ଏବଂ ତାଙ୍କ ସ୍ୱାମୀ ରିପେଶ ଯାଦବ। ଉଭୟ ଏକ ଗଣମାଧ୍ୟମ ସହିତ କଥାବାର୍ତ୍ତା ବେଳେ ଜଣାଇଛନ୍ତି ଯେ ସେମାନଙ୍କର ମାସିକ ଖର୍ଚ୍ଚ ୧.୬ ଲକ୍ଷ ଟଙ୍କା। ଏହି ଖର୍ଚ୍ଚ ମଧ୍ୟରେ ସେମାନଙ୍କର ଘର ଭଡ଼ା, ବିଦ୍ୟୁତ୍ ବିଲ୍, ରାସନ, ଏବଂ ଜୀବନଶୈଳୀ ସହିତ ଜଡ଼ିତ ଅନ୍ୟାନ୍ୟ ଖର୍ଚ୍ଚ ସାମିଲ ରହିଛି।

କ୍ୟାରିୟର ଏବଂ ନୋଏଡା ପ୍ରୀତି

ଛବିଙ୍କ ଘର ଉତ୍ତରପ୍ରଦେଶର ମୁଜାଫରନଗର ଅନ୍ତର୍ଗତ ପୁରକାଜୀରେ ହୋଇଥିବା ବେଳେ ରିପେଶ ଉତ୍ତରାଖଣ୍ଡର କାଶୀପୁରର ବାସିନ୍ଦା। ଉଭୟ ୨୦୧୪ ରୁ ୨୦୧୮ ମଧ୍ୟରେ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଉତ୍ତରାଖଣ୍ଡରୁ କମ୍ପ୍ୟୁଟର ସାଇନ୍ସରେ ବି.ଟେକ୍ ଶେଷ କରିଥିଲେ। ସେମାନେ ନିଜର କ୍ୟାରିୟର ୨୦୧୮ ମସିହାରେ ସାମସଙ୍ଗ (Samsung) ରୁ ଆରମ୍ଭ କରିଥିଲେ। ପରେ ୨୦୨୦ ରେ ଗୋଲ୍ଡମ୍ୟାନ୍ ସାକ୍ସ (Goldman Sachs) ଏବଂ ଶେଷରେ ୨୦୨୨ ରେ ମାଇକ୍ରୋସଫ୍ଟ (Microsoft) ରେ ଯୋଗ ଦେଇଥିଲେ।

ଦମ୍ପତିଙ୍କ ଅନୁଯାୟୀ, ନୋଏଡାରେ ରହିବାର ମୁଖ୍ୟ କାରଣ ହେଉଛି ଏଠାରେ ବୃତ୍ତିଗତ ସୁଯୋଗ, ପାରିବାରିକ ଆରାମ ଏବଂ ସହରୀ ସୁବିଧାଗୁଡ଼ିକର ଏକ ସଠିକ୍ ମିଶ୍ରଣ ଦେଖିବାକୁ ମିଳେ। ମହଙ୍ଗା ସତ୍ତ୍ୱେ ଏହି ସହର ସେମାନଙ୍କୁ ଏକ ସନ୍ତୁଳିତ ଏବଂ ଉନ୍ନତ ଜୀବନଶୈଳୀ ପ୍ରଦାନ କରୁଛି।

ବେଙ୍ଗାଲୁରୁ: ରକ୍ତର ସମ୍ପର୍କରେ ଲାଗିଲା ରକ୍ତର ଛିଟା। ଯେଉଁ ବାପା ମା’ ପିଲାଟି ଦିନରୁ କଷ୍ଟ କରି ପାଠ ପଢ଼ାଇ ମଣିଷ କଲେ, ଶେଷରେ ସେହି ପୁଅ ହାତରେ ସେମାନଙ୍କ ଜୀବନ ଯାଇଛି। ବେଙ୍ଗାଲୁରୁରେ ଏକ ଅତ୍ୟନ୍ତ ଦୁଃଖଦ ତଥା ଲୋମହର୍ଷଣକାରୀ ଘଟଣା ସାମ୍ନାକୁ ଆସିଛି, ଯେଉଁଠାରେ ଜଣେ ୩୩ ବର୍ଷୀୟ ସଫ୍ଟୱେୟାର ଇଞ୍ଜିନିୟର ପୁଅ ନିଜର ବାପା ଏବଂ ମା’ଙ୍କୁ ନିର୍ମମ ଭାବେ ହତ୍ୟା କରିଛି। ମୃତକମାନେ ହେଲେ ଅବସରପ୍ରାପ୍ତ ନୌସେନା ଅଧିକାରୀ ନବୀନ ଚନ୍ଦ୍ର ଭଟ୍ଟ (୬୦) ଏବଂ ତାଙ୍କ ପତ୍ନୀ ଦାନ୍ତ ଡାକ୍ତର ଶ୍ୟାମଳା ଭଟ୍ଟ (୫୫)।

ପାରିବାରିକ କଳହର କରୁଣ ପରିଣତି

ପୁଲିସ ସୂଚନା ଅନୁଯାୟୀ, ହାଲ୍‌ ପୁଲିସ୍‌ ଷ୍ଟେସନ ଅଧୀନରେ ଥିବା ବିଜ୍ଞାନ ନଗର ସ୍ଥିତ ଏକ ଆପାର୍ଟମେଣ୍ଟରେ ବୁଧବାର ସକାଳେ ଏହି ଘଟଣା ଘଟିଛି। ଅଭିଯୁକ୍ତ ପୁଅ ରୋହନ ଚନ୍ଦ୍ର ଭଟ୍ଟ (୩୩) ପାରିବାରିକ ବିବାଦକୁ କେନ୍ଦ୍ର କରି ଉତକ୍ଷିପ୍ତ ହୋଇ ଘର ଭିତରେ ବାପା-ମା’ଙ୍କୁ ଛୁରୀରେ ଆକ୍ରମଣ କରିଥିଲା। ପୁଅର ଛୁରାମାଡ଼ରେ ଉଭୟ ଗୁରୁତର ଆହତ ହୋଇପଡିଥିଲେ। ପଡ଼ୋଶୀଙ୍କ ସହାୟତାରେ ସେମାନଙ୍କୁ ତୁରନ୍ତ ମଣିପାଲ ହସ୍ପିଟାଲ ନିଆଯାଇଥିଲା, କିନ୍ତୁ ସକାଳ ୮.୧୫ରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।

ଅଭିଯୁକ୍ତ ଗିରଫ, ତଦନ୍ତ ଜାରି

ସେହି ଆପାର୍ଟମେଣ୍ଟରେ ରହୁଥିବା ଡାକ୍ତର ମାଧବୀ ନାଏରଙ୍କ ଅଭିଯୋଗ ଆଧାରରେ ପୁଲିସ ହତ୍ୟା ମାମଲା ରୁଜୁ କରିବା ସହ ଅଭିଯୁକ୍ତ ରୋହନକୁ ଗିରଫ କରିଛି। ହତ୍ୟାକାଣ୍ଡର ପ୍ରକୃତ କାରଣ ସମ୍ପର୍କରେ ପୁଲିସ ତଦନ୍ତ ଚଳାଇଥିବା ବେଳେ ପ୍ରାରମ୍ଭିକ ତଦନ୍ତରୁ ଏହା ପାରିବାରିକ କଳହର ପରିଣାମ ବୋଲି ଅନୁମାନ କରାଯାଉଛି।

ଆମେରିକାରୁ ଝିଅ ଆସିବା ପରେ ହେବ ଶବ ବ୍ୟବଚ୍ଛେଦ

ମୃତ ଦମ୍ପତିଙ୍କ ଝିଅ ଆମେରିକାରେ ବସବାସ କରନ୍ତି। ବର୍ତ୍ତମାନ ପୁଲିସ ମୃତଦେହ ଦୁଇଟିକୁ ଜବତ କରି ବୋୱରିଙ୍ଗ ହସ୍ପିଟାଲର ଶବାଗାରରେ ରଖିଛି। ଝିଅ ବେଙ୍ଗାଲୁରୁରେ ପହଞ୍ଚିବା ପରେ ଏବଂ ତାଙ୍କ ଅନୁମତି ମିଳିବା ପରେ ମୃତଦେହର ବ୍ୟବଚ୍ଛେଦ କରାଯାଇ ପରିବାରକୁ ହସ୍ତାନ୍ତର କରାଯିବ ବୋଲି ପୁଲିସ ସୂଚନା ଦେଇଛି।

ଭୁବନେଶ୍ବର : ସପ୍ଟୱେୟାର ଇଂଜିନିୟର ଶ୍ଵେତା ଉତ୍କଳ କୁମାରୀ ମୃତୁ ମାମଲା, ପୁରୁଷ ବନ୍ଧୁ ସୌମ୍ୟଜିତ ମହାପାତ୍ର ଗିରଫ। ସମ୍ବଲପୁର ଘରୁ ଗିରଫ କଲା ଚନ୍ଦ୍ରଶେଖରପୁର ଥାନା ପୋଲିସ। ସୌମ୍ୟଜିତଙ୍କୁ ସମ୍ବଲପୁରର ଗିରଫ କରି ଭୁବନେଶ୍ୱର ଆଣୁଚି ପୋଲିସ । ଦୀର୍ଘ 6ମାସ ପରେ ସୌମ୍ୟଜିତଙ୍କୁ ଗିରଫ କଲା ପୋଲିସ । ଶୈଳଶ୍ରୀ ବିହାର ଘରୁ ଅଗଷ୍ଟ 2022ରେ ଶ୍ଵେତା ଉତ୍କଳ କୁମାରୀଙ୍କ ଝୁଲନ୍ତା ମୃତ ଦେହ ଉଦ୍ଧାର କରିଥିଲା ପୋଲିସ । ଶ୍ଵେତାଙ୍କ ବାପା, ମା, ଭାଇ ଆଣିଥିଲେ ହତ୍ୟା ଅଭିଯୋଗ । ପରେ ପୋଲିସ ଏ ମାମଲାର ତଦନ୍ତ କରିଥିଲା ।

ଭୁବନେଶ୍ୱର : ଶ୍ୱେତା ଆତ୍ମହତ୍ୟା ମାମଲାରେ ଦିନକୁ ଦିନ ନୂଆ କଥା ସାମ୍ନାକୁ ଆସୁଛି। ଶ୍ୱେତାଙ୍କର ଗୋଟିଏ ପରେ ଗୋଟିଏ ହ୍ୱାଟ୍ସଆପ୍‍ ଚାଟ ଭାଇରାଲ ହେବା ପରେ ସୌମ୍ୟଜିତଙ୍କ ଚରିତ୍ରକୁ ନେଇ ବିଭିନ୍ନ ଚର୍ଚ୍ଚା ହେଉଛି। ଜଣେ ଯୁବତୀଙ୍କ ସହ ଶ୍ୱେତାଙ୍କର ହ୍ୱାଟ୍‍ସଆପ୍‍ ବାର୍ତ୍ତାଳାପ ଭାଇରାଲ ହେବା ପରେ ସୌମ୍ୟଜିତ୍‍ ଯେ ଟଙ୍କା ପାଇଁ ଏକାଧିକ ଯୁବତୀଙ୍କୁ ଫସାଉଥିଲେ ତାହା ଚର୍ଚ୍ଚା ହେଉଛି। ଅବଶ୍ୟ ଏହି ହ୍ୱାଟ୍‍ସଆପ୍‍ର ସତ୍ୟତା ନେଇ କେହି ସ୍ପଷ୍ଟ କରିନାହାନ୍ତି।

ଭାଇରାଲ୍‍ ହୋଇଥିବା ହ୍ୱାଟ୍‍ସଆପ ଚାଟ୍‍ ଅନୁସାରେ ଶ୍ୱେତା ଜଣେ ଯୁବତୀଙ୍କୁ ସୌମ୍ୟଜିତ୍‍ଙ୍କ ସମ୍ପର୍କରେ ସଚେତନ କରାଉଛନ୍ତି। ସେ ଏଥିରେ ଲେଖିଛନ୍ତି ଯେ ସୌମ୍ୟଜିତ୍‍ଙ୍କ ଫାସରେ ଫସିଯାଅନି। ପ୍ରଥମେ ସୌମ୍ୟଜିତ୍‍ ମିଠା କଥା କହି ଜାଲରେ ଫସେଇବ, ତୁମ ଗୁଣକୁ ନେଇ ପ୍ରଶଂସା କରିବ। ତା’ ପରେ ସମ୍ପର୍କ ନିବିଡ଼ କରିବାକୁ ଜାଲ ବୁଣିବ। ଏହା ପରେ ତୁମଠାରୁ ପଇସା ନେଇ ତୁମକୁ ଅଦରକାରୀ ଜିନିଷ ଭାବେ ଛାଡ଼ିଦେବ ବୋଲି ସମ୍ପୃକ୍ତ ଯୁବତୀଙ୍କୁ ହ୍ୱାଟ୍‍ସ ଆପ୍‍ ମେସେଜରେ ଚେତାଇଛନ୍ତି।

ଶ୍ୱେତାଙ୍କୁ ସୌମ୍ୟଜିତ୍‍ ନିର୍ଯାତନା ଦେଉଥିବା ପୁଲିସ ତଦନ୍ତରୁ ଜାଣିବାକୁ ପାଇଛି। ଶ୍ୱେତାଙ୍କୁ ସେ ଜବରଦସ୍ତି ଟଙ୍କା ମାଗୁଥିଲେ। ଟଙ୍କା ନ ଦେଲେ ବିଭିନ୍ନ ପ୍ରକାର ନିର୍ଯାତନା ଦେଉଥିବା ଜଣାପଡ଼ିଛି। ଚାକିରି ଛାଡ଼ିବା ପରେ ସୌମ୍ୟଜିତ୍‍ ଶ୍ୱେତାଙ୍କ ସହ ରହୁଥିଲେ। ଏହି ସମୟରେ ସେ ନିର୍ଯାତନା ଦେବା ସହ ଟଙ୍କା ଲୁଟି ନେଉଥିଲେ। ଏତିକିରେ ତାଙ୍କ ମନ ଭରିନଥିଲା। ଶ୍ୱେତା ଟଙ୍କା ଦେବା ବନ୍ଦ କରି ଦେବା ପରେ ଅନ୍ୟ ଯୁବତୀଙ୍କୁ ଫସାଇଥିଲେ। ଜଣେ ନୁହେଁ ଏକାଧିକ ଯୁବତୀଙ୍କ ସହ ସୌମ୍ୟ ସମ୍ପର୍କ ରଖିଥିବା ଶ୍ୱେତାଙ୍କ ପରିବାର ଲୋକ ଅଭିଯୋଗ ଆଣିଛନ୍ତି। ଭଲ ପାଇବା ବାହାନାରେ ପ୍ରେମରେ ଫସାଇ ଟଙ୍କା ଲୁଟିବା ଥିଲା ସୌମ୍ୟଜିତ୍‍ଙ୍କ କାମ। ତେଣୁ ସୌମ୍ୟଜିତ୍‍ ଫସାଇଥିବା ଏକାଧିକ ଯୁବତୀଙ୍କୁ ସଚେତନ କରୁଥିଲେ ଶ୍ୱେତା।

ସୌମ୍ୟଜିତ୍‍ଙ୍କ ବିରୋଧରେ ଥାନାରେ ଅଭିଯୋଗ କରିବାକୁ ମଧ୍ୟ ସାହାସ ଜୁଟାଇଥିଲେ ଶ୍ୱେତା। କିନ୍ତୁ ଥାନାକୁ ଗଲେ ସୌମ୍ୟଜିତ୍‍ଙ୍କ ନିକଟରେ ଥିବା ଅଶ୍ଲୀଳ ଭିଡ଼ିଓ ଏବଂ ଫଟୋକୁ ଭାଇରାଲ କରି ଦେବାକୁ ଧମକ ଦେଇଥିଲେ। ଯେଉଁଥି ପାଇଁ ଶ୍ୱେତା ଲୋକ ଲଜ୍ଜ୍ୟା ଭୟରେ ଥାନାକୁ ଯିବା ପାଇଁ ଡରିଥିଲେ। ଏକାଧିକ ଥର ସୌମ୍ୟଙ୍କୁ ଫୋନ୍‍ କରି ଶ୍ୱେତା ଭୁଲ୍‍ ମାଗି ତାଙ୍କ ସହ ରହିବାକୁ ଚେଷ୍ଟା କରୁଥିଲେ। କିନ୍ତୁ ସୌମ୍ୟଜିତ୍‍ ତାଙ୍କ ଫୋନ୍‍ ଉଠାଉନଥିଲେ। ଯଦି ଉଠାଉଥିଲେ ଅଶ୍ଲୀଳ ଭାଷାରେ ଗାଳିଗୁଲଜ କରିବା ସହ ବିଭିନ୍ନ ଧମକ ଚମକ ଦେଉଥିଲେ। ସୌମ୍ୟଜିତ୍‍ଙ୍କ ବିରୋଧରେ ପୁଲିସ ଏକାଧିକ ପ୍ରମାଣ ପାଇବା ପରେ ତାଙ୍କୁ ଗିରଫ କରିବା ପାଇଁ ୨ଟି ଟିମ୍‍ ଭୁବନେଶ୍ୱର ବାହାରକୁ ଯାଇଥିବା ଜଣାପଡ଼ିଛି। ସୌମ୍ୟଜିତ୍‍ ଗିରଫ ହେବା ପରେ ପୂରା ଘଟଣା ପଦାକୁ ଆସିବ ବୋଲି ପୁଲିସ କହିଛି।

ସଫ୍ଟୱେର ଇଞ୍ଜିନିୟର ଶ୍ୱେତା ଉତ୍କଳ କୁମାରୀ ଆତ୍ମହତ୍ୟା ଘଟଣାର ଆସିଲା ଶବ ବ୍ୟବଚ୍ଛେଦ ରିପୋର୍ଟ । ଶ୍ଵାସରୁଦ୍ଧ ହୋଇ ଘଟିଛି ମୃତ୍ୟୁ ବେକ ବ୍ୟତୀତ ଶରୀର ର ଅନ୍ୟ କୌଣସି ସ୍ଥାନରେ କ୍ଷତ ଚିହ୍ନ ନାହିଁ ଆଉ କିଛି ସମୟ ପରେ ଚନ୍ଦ୍ରଶେଖରପୁର ଥାନାରେ ପହଁଚିବ ଶବ ବ୍ୟବଚ୍ଛେଦ ରିପୋର୍ଟ । ରିପୋର୍ଟ ଆଧାରରେ ଆଗେଇବ ତଦନ୍ତ ପ୍ରକ୍ରିୟା ସେପଟେ ଏଯାଏଁ ଥାନାରେ ହାଜର ହୋଇନାହାନ୍ତି ସୌମ୍ୟ ଓକିଲଙ୍କ ଜରିଆରେ ଆଉ କିଛି ସମୟ ମାଗିଥିବା ସୂଚନା । ଫର୍ମାଟି ହୋଇଥିବା ଶ୍ଵେତାଙ୍କ ଫୋନ ରିଟ୍ରାଇଭ ହୋଇଛି କଲରେକର୍ଡ଼, ଭିଡିଓ, ଫଟୋ ପୋଲିସ ହାତରେ ଲାଗିଛି । ହସ୍ତଗତ ତଥ୍ୟ ସମ୍ପର୍କରେ ସୌମ୍ୟଙ୍କୁ ପଚରାଉଚରା କରାଯିବ କମିଶନରେଟ ପୋଲିସ ସୂତ୍ରରୁ ସୂଚନା ।