କେନ୍ଦ୍ରାପଡ଼ା: ହିମାଳୟରେ ତପସ୍ୟା କରୁଛନ୍ତି ଆତ୍ମଘୋଷିତ 'ସାରଥି ବାବା' ଓରଫ ସନ୍ତୋଷ ରାଉଳ । ସୋସିଆଲ ମିଡିଆରେ ଭାଇରାଲ୍ ହେଉଛି ସାରଥି ବାବା ତପସ୍ୟା କରୁଥିବାର ଫଟୋ । ସାମାଜିକ ଗଣମାଧ୍ୟମରେ ପୋଷ୍ଟ ହୋଇଥିବା ଫଟୋରେ ସାରଥି ବାବା ହିମାଳୟ ପର୍ବତମାଳାରେ ଧ୍ୟାନ ମୁଦ୍ରାରେ ଓ ଅନ୍ୟ ଭଂଗୀରେ ଥିବା ଫଟୋ ଦେଖିବାକୁ ମିଳିଛି । ଯାହାକୁ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଏହି ଫଟୋ ପ୍ରଘଟ ହେବା ପରେ ସ୍ଥାନୀୟ ବାସିନ୍ଦା ଅସନ୍ତୋଷ ବ୍ୟକ୍ତ କରିଛନ୍ତି । ସାରଥିଙ୍କୁ ସର୍ତ୍ତମୂଳକ ଜାମିନ ମିଳିବା ପରଠାରୁ ସେ ସର୍ବସାଧାରଣ ସ୍ଥାନରେ ନଜର ଆସୁନଥିଲେ । ଜେଲ୍‌ରୁ ଫେରିବା ପରେ ପ୍ରଥମ ଥର ପାଇଁ ସେ ସାମ୍ନାକୁ ଆସିଛନ୍ତି ।

ବଲିଉଡର ଚର୍ଚ୍ଚିତ ଅଭିନେତ୍ରୀ ମଲାଇକା ଅରୋରା ପୁଣି ଥରେ ନିଜର ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି। ଅର୍ଜୁନ କପୁରଙ୍କ ସହ ବ୍ରେକଅପ୍ ପରେ ଏବେ ମଲାଇକାଙ୍କ ନାମ ଜଣେ ହୀରା ବ୍ୟବସାୟୀଙ୍କ ସହ ଯୋଡା ଯାଉଛି। ବର୍ତ୍ତମାନ ସୋସିଆଲ ମିଡିଆରେ ଏକ ଫଟୋ ଖୁବ୍ ଭାଇରାଲ ହେଉଛି, ଯେଉଁଥିରେ ମଲାଇକା ଇଟାଲୀର ରୋମରେ ଛୁଟି କାଟୁଥିବା ଦେଖିବାକୁ ମିଳିଛି।

ଭାଇରାଲ ହେଲା ରୋମାଣ୍ଟିକ ଫଟୋ

ରିପୋର୍ଟ ଅନୁଯାୟୀ, ମଲାଇକା ଅରୋରା ବର୍ତ୍ତମାନ ରୋମରେ ତାଙ୍କର ଗୁଜବ ପ୍ରେମିକ ହର୍ଷ ମେହେଟ୍ଟା (Harsh Mehta) ଙ୍କ ସହ ସମୟ ବିତାଉଛନ୍ତି। ଭାଇରାଲ ହୋଇଥିବା ଫଟୋରେ ଉଭୟଙ୍କୁ ରୋମର ପ୍ରସିଦ୍ଧ 'ଟ୍ରେଭି ଫାଉଣ୍ଟେନ୍' ନିକଟରେ ଏକ ସେଲଫି ନେଉଥିବା ଦେଖାଯାଇଛି। ଏହି ଫଟୋରେ ମଲାଇକା ଏକ କଳା ରଙ୍ଗର ଓଭରସାଇଜ୍ ଟ୍ରେଞ୍ଚ କୋଟ୍ ପିନ୍ଧିଥିବାବେଳେ ହର୍ଷ ଏକ ଗ୍ରେ ଜ୍ୟାକେଟରେ ନଜର ଆସିଛନ୍ତି। ଉଭୟଙ୍କ କେମିଷ୍ଟ୍ରିକୁ ଦେଖି ଫ୍ୟାନ୍ସମାନେ ସେମାନଙ୍କ ସମ୍ପର୍କକୁ ନେଇ ନାନା କଳ୍ପନାଜଳ୍ପନା ଆରମ୍ଭ କରିଦେଇଛନ୍ତି।

କିଏ ଏହି ହର୍ଷ ମେହେଟ୍ଟା?

ସୂଚନା ଅନୁଯାୟୀ, ହର୍ଷ ମେହେଟ୍ଟା ଜଣେ ହୀରା ବ୍ୟବସାୟୀ ଏବଂ ତାଙ୍କ ବୟସ ୩୩ ବର୍ଷ ବୋଲି କୁହାଯାଉଛି। ମଲାଇକା ଏବଂ ହର୍ଷଙ୍କ ମଧ୍ୟରେ ବୟସର ବ୍ୟବଧାନକୁ ନେଇ ମଧ୍ୟ ସୋସିଆଲ ମିଡିଆରେ ଆଲୋଚନା ହେଉଛି। ଗତ ବର୍ଷ ମୁମ୍ବାଇରେ ଆୟୋଜିତ ଏନରିକ ଇଗ୍ଲେସିଆସ୍ (Enrique Iglesias) ଙ୍କ କନ୍ସର୍ଟରେ ଉଭୟଙ୍କୁ ପ୍ରଥମ ଥର ପାଇଁ ଏକାଠି ଦେଖିବାକୁ ମିଳିଥିଲା। ଏହା ପରେ ବିମାନବନ୍ଦରରେ ମଧ୍ୟ ଉଭୟ ଏକାଠି ନଜର ଆସିଥିଲେ, ଯାହା ସେମାନଙ୍କ ଡେଟିଂ ଗୁଜବକୁ ଆହୁରି ଦୃଢୀଭୂତ କରିଥିଲା।

ଅର୍ଜୁନଙ୍କ ସହ ବ୍ରେକଅପ୍ ପରେ ନୂଆ ଆରମ୍ଭ?

ଉଲ୍ଲେଖଯୋଗ୍ୟ ଯେ, ମଲାଇକା ଅରୋରା ଦୀର୍ଘ ଦିନ ଧରି ଅଭିନେତା ଅର୍ଜୁନ କପୁରଙ୍କ ସହ ସମ୍ପର୍କରେ ଥିଲେ। କିନ୍ତୁ ୨୦୨୪ରେ ଉଭୟଙ୍କର ବ୍ରେକଅପ୍ ହୋଇଥିଲା। ଏବେ ହର୍ଷଙ୍କ ସହ ମଲାଇକାଙ୍କ ଏହି ରୋମାଣ୍ଟିକ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସମାନେ ଅନୁମାନ କରୁଛନ୍ତି ଯେ ଅଭିନେତ୍ରୀ ନିଜ ଜୀବନରେ ଆଗକୁ ବଢି ସାରିଛନ୍ତି। ତେବେ ଏନେଇ ମଲାଇକା କିମ୍ବା ହର୍ଷଙ୍କ ପକ୍ଷରୁ ବର୍ତ୍ତମାନ ସୁଦ୍ଧା କୌଣସି ଅଧିକାରିକ ସୂଚନା ଦିଆଯାଇ ନାହିଁ।

ପୁରୀ: ପୁଣି ଶ୍ରୀମନ୍ଦିର ସୁରକ୍ଷା ଉପରେ ବଡ଼ ପ୍ରଶ୍ନବାଚୀ । ଭାଇରାଲ୍‌ ହେଲା ଶ୍ରୀମନ୍ଦିର ଭିତର ଫଟୋ । ସୋସିଆଲ ମିଡିଆରେ ଆଶୀର୍ବାଦ945 ଆଇଡିରୁ ଫଟୋ ହୋଇଛି ଭାଇରାଲ୍‌ । ରତ୍ନସିଂହାସନରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଫଟୋ ହୋଇଛି ଭାଇରାଲ୍‌ । ଅତି ନିକଟରୁ ଫଟୋ ନିଆଯାଇଥିବା ଦେଖିବାକୁ ମିଳିଛି। କଡା ସୁରକ୍ଷା ସତ୍ତ୍ବେ ବ୍ୟକ୍ତି ଜଣକ କିଭଳି ଶ୍ରୀମନ୍ଦିର ଭିତରେ ଫଟୋ ଉଠାଇଲେ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି।

ଭୁବନେଶ୍ବର: ପୁଣି ଭାଇରାଲ ହେଲା ଲିଙ୍ଗରାଜ ମନ୍ଦିର ବେଢା । କଡା ସୁରକ୍ଷା ସତ୍ତ୍ୱେ ମନ୍ଦିର ବେଢାର ଫଟୋ ଭାଇରାଲ ହୋଇଛି । ବଲିଉଡ ଅଭିନେତ୍ରୀ ସୁସ୍ମିତା ସେନ ଭୁବନେଶ୍ୱରରେ ଏକ କାର୍ଯ୍ୟକ୍ରମରେ ଯୋଗଦେବାକୁ ଆସିଥିଲେ । ଏହି ସମୟରେ ପ୍ରଭୁ ଲିଙ୍ଗରାଜଙ୍କ ଦର୍ଶନ କରିଥିଲେ । ମହାପ୍ରଭୁଙ୍କ ଦର୍ଶନ କରିବା ସହ ମନ୍ଦିର ବେଢା ଭିତରେ ଫଟୋ ଉଠାଇଥିଲେ । ସୁସ୍ମିତାଙ୍କ ଫଟୋ ଉଠାଇଥିବା ସେବାୟତ ସୋସିଆଲ ମିଡିଆରେ ଏହି ଫଟୋ ସେୟାର କରିଛନ୍ତି । ତାଙ୍କର ଏହି ଫଟୋ ଏବେ ଭାଇରାଲ ହେବାରେ ଲାଗିଛି । ପୂର୍ବରୁ ଶିଳ୍ପା ସେଟ୍ଟୀଙ୍କ ଫଟୋ ମଧ୍ୟ ଭାଇରାଲ ହୋଇଥିଲା । ଏପରିକି କିଛି ରାଜନେତାଙ୍କ ଫଟୋ ବେଢ଼ା ଭିତରେ ଭାଇରାଲ ହେବା ପରେ ମନ୍ଦିର ସୁରକ୍ଷା ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଥିଲା ।

ହାଇଦ୍ରାବାଦ: ସୃଜନଶୀଳତାର କୌଣସି ସୀମା ନାହିଁ । ଏହାକୁ ପ୍ରମାଣ କରିଛନ୍ତି ତାମିଲନାଡୁର ଜଣେ ବ୍ୟକ୍ତି । ବ୍ୟକ୍ତି ଜଣକ ନିଜ ବିବାହକୁ ସ୍ମରଣୀୟ କରିବା ପାଇଁ ‘ଔଷଧ ଖୋଳ’ ଭଳି ଡିଜାଇନ୍‌ କରିଛନ୍ତି ନିଜ ବିବାହ କାର୍ଡ । ଯାହାକୁ ନେଇ ସେ ଏବେ ଖୁବ ଚର୍ଚ୍ଚାରେ । ନିଜ ବିବାହ କାର୍ଡରେ ସେ ଅଜବ ସୃଜନଶୀଳତା ପ୍ରଦର୍ଶନ କରିଛନ୍ତି । ସୋସିଆଲ ମିଡିଆରେ ତାଙ୍କ ବିବାହର ଏହି ନିଆରା ନିମନ୍ତ୍ରଣ କାର୍ଡ ଚର୍ଚ୍ଚାର ବିଷୟ ହୋଇଛି । ବ୍ୟକ୍ତିଜଣକ ନିଜ ବିବାହ କାର୍ଡକୁ ‘ଔଷଧ ଖୋଳ’ ଭଳି ଡିଜାଇନ୍‌ କରାଇଛନ୍ତି, ଯାହାକୁ ଦେଖି ଲୋକେ ଆଚମ୍ବିତ ହେଉଛନ୍ତି ।

ଯିଏବି ଏହାକୁ ପ୍ରଥମେ ଦେଖିବ ଏହା ଏକ ନିମନ୍ତ୍ରଣ କାର୍ଡ ନୁହେଁ, ବରଂ ଏକ ଔଷଧ ଖୋଳ ଭଳି ମନେହେବ । କିନ୍ତୁ ଧ୍ୟାନର ସହ ଏହା ଉପରେ ଲେଖାଯାଇଥିବା ଅକ୍ଷରକୁ ପଢ଼ିଲେ, ଜାଣିପାରିବେ ଯେ ଏହା ଏକ ବିବାହ କାର୍ଡ । କାର୍ଡରେ ବ୍ୟକ୍ତି ନିଜର ଓ ନିଜ ଭାବୀ ପତ୍ନୀଙ୍କ ନାମ, ବିବାହ ତାରିଖ, ଭୋଜି ସମୟ ସହିତ ଅନେକ କାର୍ଯ୍ୟକ୍ରମ ବିଷୟରେ ଉଲ୍ଲେଖ କରିଛନ୍ତି ।

ଔଷଧ ଫତା ରୂପକ ଏହି ନିମନ୍ତ୍ରଣ କାର୍ଡ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏଥିରେ ଉଲ୍ଲେଖ ହୋଇଛି- ଏଜିଲାରାସନ୍‌ ୱେଡ୍‌ସ ବସନ୍ତକୁମାରୀ । ବିବାହ ତାରିଖ ସେପ୍ଟେମ୍ବର ୫ ତାରିଖ । ସମସ୍ତ ବନ୍ଧୁ ଓ ପରିଜନ ବିବାହରେ ଆସିବାକୁ ଭୁଲିବେ ନାହିଁ ବୋଲି ମଧ୍ୟ ଉଲ୍ଲେଖ ହୋଇଛି । ମାମଲାଟି ତାମିଲନାଡୁର । ବ୍ୟକ୍ତିଜଣକ ଫାର୍ମାସି ସହ ସଂଶ୍ଳିଷ୍ଟ ବୋଲି ଚର୍ଚ୍ଚା ହେଉଛି । କାର୍ଡକୁ ଦେଖି ଯେ କେହି ଧୋକା ଖାଇଯିବ ବୋଲି ୟୁଜର୍‌ ପ୍ରତିକ୍ରିୟା ଦେଇଛନ୍ତି ।