ନୂଆଦିଲ୍ଲୀ: କମେଡିଆନ୍ ରାଜୁ ଶ୍ରୀବାସ୍ତବଙ୍କ ପ୍ରଶଂସକଙ୍କ ପାଇଁ ଖୁସି ଖବର । ରାଜୁ ଶ୍ରୀବାସ୍ତବଙ୍କ ଫେରିଲା ଚେତା । ଦୀର୍ଘ ୧୫ ଦିନ ପରେ ଫେରିଲା ଲୋକପ୍ରିୟ କମେଡିଆନ୍‌ ରାଜୁ ଶ୍ରୀବାସ୍ତବଙ୍କ ଚେତା। ହସ୍ପିଟାଲରେ ଦୀର୍ଘ ଦିନ ହେଲା ମୃତ୍ୟୁ ସହ ସଂଘର୍ଷ କରୁଥିବା ରାଜୁ ଏବେ ହୋସ୍‌କୁ ଆସିଛନ୍ତି। ଏବେ ତାଙ୍କର ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଛି । ତାଙ୍କ ପର୍ସନାଲ ସେକ୍ରେଟାରୀ ଗର୍ବିତ ନାରଙ୍ଗ ଏହି ସୂଚନା ଦେଇଛନ୍ତି। ଗର୍ବିତଙ୍କ କହିବାନୁସାରେ, ରାଜୁ ଶ୍ରୀବାସ୍ତବଙ୍କର ଆଜି ସକାଳ ୮.୧୦ରେ ହୋସ୍‌ ଆସିଛି। ଏହା ପରେ ୯ଟା ବେଳେ ଡାକ୍ତରଙ୍କ ଟିମ୍‌ ରାଜୁଙ୍କ ସ୍ୱାସ୍ଥ୍ୟାବସ୍ଥା ମଧ୍ୟ ଯାଞ୍ଚ କରିଥିଲେ।

ସୂଚନାଯୋଗ୍ୟ, ୧୦ ଅଗଷ୍ଟରେ ଜିମରେ ବ୍ୟାୟମ କରିବା ବେଳେ ହୃଦଘାତର ଶିକାର ହୋଇଥିଲେ ଏବଂ ତାଙ୍କୁ ଦିଲ୍ଲୀ ଏମ୍ସ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ରାଜୁ ପ୍ରାୟ ୧୫ ଦିନ ଚେତାଶୂନ୍ୟ ହୋଇପଡିଥିଲେ ଏବଂ ତାଙ୍କ ଅବସ୍ଥା ଗୁରୁତର ରହିଥିଲା। ଏବେ ରାଜୁଙ୍କ ଚିକିତ୍ସା ପାଇଁ ଡାକ୍ତରମାନେ ନ୍ୟୁରୋଫିଜିଓଥେରାରିର ସହାୟତା ନେଉଛନ୍ତି। ତାଙ୍କ ମନସିକ ସ୍ଥିତିରେ ମଧ୍ୟ ସୁଧାର ଆଣିବା ପାଇଁ ଡାକ୍ତରମାନେ ତାଙ୍କୁ ଅମିତାଭ ବଚ୍ଚନଙ୍କ ଭଏସ୍‌ ଶୁଣାଉଛନ୍ତି। ପ୍ରଥମେ ରାଜୁଙ୍କ ବ୍ରେନ୍‌ ଡେଡ୍‌ ଓ ପରେ ସେ କୋମାରେ ଥିବା ସୂଚନା ମିଳିଥିଲା। ବର୍ତ୍ତମାନ ସଦ୍ୟତମ ରିପୋର୍ଟ ଅନୁଯାୟୀ ତାଙ୍କ ସ୍ୱାସ୍ଥ୍ୟରେ ଉନ୍ନତି ଆସିଛି।

ନୂଆଦିଲ୍ଲୀ : ହାସ୍ୟ ଅଭିନେତା ରାଜୁ ଶ୍ରୀବାସ୍ତବଙ୍କ ସ୍ୱାସ୍ଥ୍ୟାବସ୍ଥା ଅତ୍ୟନ୍ତ ଗମ୍ଭୀର ସ୍ଥିତିରେ ରହିଛି। ତାଙ୍କ ସ୍ୱାସ୍ଥ୍ୟାବସ୍ଥାରେ ସାମାନ୍ୟ ସୁଧାର ଆସିଥିବା ବେଳେ ଆଜି ପୁଣି ଜଟିଳ ଆଡକୁ ଗତିକରିଛି।କୁହାଯାଉଛି କି, ରାଜୁ ଶ୍ରୀବାସ୍ତବଙ୍କ ସ୍ୱାସ୍ଥ୍ୟବାସ୍ଥା ପୂର୍ବଠାରୁ ଅଧିକ ଖରାପ ହେବାରେ ଲାଗିଛି । ତାଙ୍କ ବ୍ରେନ ପାଖା ପାଖି ଡେଡ୍ ସ୍ଥିତିରେ ରହିଛି । ଏନେଇ ରାଜୁଙ୍କ ମୁଖ୍ୟ ପରାମର୍ଶଦାତା ଅଜିତ ସକ୍ସେନା ସୂନନା ଦେଇଛନ୍ତି । ସେ କହିଛନ୍ତି କି ଆମେ ଆମର ସମସ୍ତ ପ୍ରଚେଷ୍ଟା ଜାରି ରଖିଛୁ , ଏବେ କେବଳ ଭଗବାନ ଭରସା।

ଡାକ୍ତରଙ୍କ କହିବା ଅନୁସାରେ ଏବେ ଯାଏଁ କୌଣସି ସୁଧାର ଆସୁନାହିଁ । ୮ ଦିନ ପରେ ବି ବେହୋଶ ଅଛନ୍ତି ବୋଲି ଡାକ୍ତରମାନେ କହିଛନ୍ତି। ଡାକ୍ତରମାନେ ପରିବାରକୁ କହିଛନ୍ତି ତାଙ୍କ ବ୍ରେନ୍‌ ଡେଡ୍‌ ହୋଇଯାଇଥିବା ବେଳେ ହାର୍ଟ ମଧ୍ୟ ଠିକ୍‌ସେ ଭାବରେ କାମ କରୁନାହିଁ। ରାଜୁଙ୍କ ବ୍ୟକ୍ତିଗତ ପରାମର୍ଶଦାତା ଅଜିତଙ୍କ କହିବା ମୁତାବକ ବର୍ତ୍ତମାନ ରାଜୁଙ୍କ ସ୍ଥିତି ଭଲ ନାହିଁ । ଏମସରେ ତାଙ୍କ ଚିକିତ୍ସା ଜାରି ରହିଥିବାବେଳେ ରାଜୁ ଶ୍ରୀବାସ୍ତବଙ୍କୁ ଚିକିତ୍ସା କରୁଥିବା ଡାକ୍ତରମାନେ କହିଛନ୍ତି , ରାଜୁଙ୍କ ବ୍ରେନ ଡେଡ୍ ଅବସ୍ଥାରେ ରହିଛି ।

ସୂଚନା ଅନୁସାରେ ଅଗଷ୍ଟ ୧୦ ତାରିଖରେ ରାଜୁ ଶ୍ରୀବାସ୍ତବ ଦିଲ୍ଲୀର ଏକ ଜିମ ସେଣ୍ଟରରେ ଜିମ୍ କରୁଥିବା ବେଳେ ହଠାତ ଅସୁସ୍ଥ ହୋଇପଡିଥିଲେ । ଏହାପରେ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିଲା । ଜାଣିବାକୁ ମିଳିଥିଲା ଯେ, ରାଜୁଙ୍କ ହାର୍ଟଆଟାକ ହୋଇଛି । ଏହାପରେ ଚିକିତ୍ସା ଜାରି ରହିଛି । ଭେଣ୍ଟିଲେଟରରେ ଚାଲିଛି ତାଙ୍କର ଚିକିତ୍ସା।  ଦୀର୍ଘ ୮ ଦିନ ଧରି ରାଜୁଙ୍କର ଚିକିତ୍ସା ଚାଲିଛି । ଗୁୁରୁବାର ସକାଳେ ରାଜୁ ଶ୍ରୀବାସ୍ତଙ୍କୁ ଭେଟିବା ପରେ ଅଭିନେତା ଶେଖର ସୁମନ ତାଙ୍କ ସ୍ୱାସ୍ଥ୍ୟାବସ୍ଥା ନେଇ ସୂଚନା ଦେଇଥିଲେ । ସେ କହିଥିଲେ କି ରାଜୁଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ।

ନୂଆଦିଲ୍ଲୀ: ହାସ୍ୟ ଅଭିନେତା ରାଜୁ ଶ୍ରୀବାସ୍ତବଙ୍କ ଅବସ୍ଥା ଗୁରୁତର ରହିଛି। ତାଙ୍କୁ ଭେଣ୍ଟିଲେଟରରେ ରଖାଯାଇଛି। ଦିଲ୍ଲୀ ଏମସରେ ରାଜୁ ଶ୍ରୀବାସ୍ତବଙ୍କ ଚିକିତ୍ସା ଚାଲିଛି । ଏହାରି ମଧ୍ଯରେ କମେଡି କିଙ୍ଗ ରାଜୁଙ୍କ ପାଖକୁ ଏକ ଅଡିଓ କ୍ଲିପ ପଠାଇଛନ୍ତି ବିଗ ବି ଅମିତାଭ ବଚ୍ଚନ । କମେଡିଆନ ରାଜୁ ଶ୍ରୀବାସ୍ତବ ବିଗ ବି ଅମିତାଭ ବଚ୍ଚନଙ୍କ ଜଣେ ବଡ ପ୍ରଶଂସକ । ଅମିତାଭଙ୍କ ମିମିକ୍ରି କରି ବହୁ ପ୍ରଂଶସା ସାଉଣ୍ଟିଛନ୍ତି ରାଜୁ ।

ଏହି ଅଡିଓ କ୍ଲିପରେ ବିଗ ବି ରାଜୁଙ୍କ ଆରୋଗ୍ଯ କାମନା କରିଛନ୍ତି। ଉଠ ରାଜୁ, ବହୁତ ହେଲା, ଆହୁରି ବହୁତ କାମ କରିବାର ଅଛି । ଏମିତି ଶୁଣି କାଳେ ରାଜୁ ହସ୍ପିଟାଲ ବେଡ୍‌ରୁ ଉଠିଯିବେ କି ? ପୁଣିଥରେ ଷ୍ଟେଜରେ ଚଢି ଦର୍ଶକଙ୍କୁ ହସାଇ ହସାଇ ଲୋଟ୍‌ପୋଟ୍‌ କରିବେ କି ? କିଛି ଏମିତି ଢଙ୍ଗରେ ଗୁରୁଗମ୍ଭୀର ସ୍ବରରୁ ରାଜୁଙ୍କ ପାଇଁ ଆସିଛି ଏକ ଭାବପ୍ରବଣ ଅଡିଓ କ୍ଲିପ୍‌ । ଯାହାକୁ ନେଇ ଏବେ ଚର୍ଚ୍ଚା ଧରିଛି।

ଖବର ଅନୁଯାୟୀ,  ରାଜୁଙ୍କୁ ଚିକିତ୍ସା କରୁଥିବା ଡାକ୍ତରମାନେ ତାଙ୍କ ପରିବାରକୁ ଛୋଟିଆ ନିବେଦନ କରିଥିଲେ । ରାଜୁ ଚେତାଶୂନ୍ୟ ଅଛନ୍ତି ସତ କିନ୍ତୁ ହୁଏତ ସେ ଆମ ସମସ୍ତଙ୍କୁ ଶୁଣିଥାଇ ପାରୁଥାନ୍ତି । ଯଦି ରାଜୁଙ୍କୁ ତାଙ୍କ ପ୍ରିୟ ମଣିଷର ସ୍ବର ଶୁଣାଯାଇପାରନ୍ତା ହୁଏତ ତାଙ୍କ ବ୍ରେନ ପୁଣି କାର୍ଯ୍ଯକ୍ଷମ ହୋଇପାରେ । ରାଜୁ ଶୀଘ୍ର ସୁସ୍ଥ ହେବା ପାଇଁ ଏହା ହୁଏତ ସହାୟକ ହେବ ବୋଲି ଡାକ୍ତର କହିଥିଲେ।

ଏହାପରେ ଡାକ୍ତରଙ୍କ ପରାମର୍ଶ ଶୁଣି ପରିବାର ଲୋକେ ଅମିତାଭ ବଚ୍ଚନଙ୍କ ସହ ଯୋଗାଯୋଗ କରିବାକୁ ମନସ୍ଥ କରିଥିଲେ। କାରଣ ଅମିତାଭଙ୍କୁ ରାଜୁ ନିଜ ଆଦର୍ଶ ମାନୁଥିଲେ । ରାଜୁଙ୍କ ଘରୁ ଅମିତାଭଙ୍କ ଅଫିସକୁ ଲାଗିଥିଲା ଫୋନ । ତାଙ୍କ ଅସୁସ୍ଥତା ଶୁଣିବା କ୍ଷଣି ହିଁ ଅମିତାଭ ଅନେକ ମେସେଜ କରିଥିବା ରାଜୁଙ୍କ ପରିବାରକୁ ଜଣାଇଥିଲା ବିଗ ବିଙ୍କ ଅଫିସ । ତଥାପି ରାଜୁଙ୍କ ସୁସ୍ଥତା କାମନା କରି ପୁଣିଥରେ ଅମିତାଭଙ୍କ ଅଡିଓ କ୍ଲିପ୍‌ ରାଜୁଙ୍କ ପାଖକୁ ପଠାଯାଇଛି । ଖୁବଶୀଘ୍ର ରାଜୁ ସୁସ୍ଥ ହୋଇ ଷ୍ଟେଜକୁ ଫେରନ୍ତୁ ଏହା ହିଁ ଭଗବାନଙ୍କ ନିକଟରେ କାମନା କରିଛନ୍ତି ଅମିତାଭ ବଚ୍ଚନ।