ଭୁବନେଶ୍ୱର: ଚଳିତଥର ଅନ୍‌‌ଲାଇନ୍‌‌ରେ ହେବ +୩ ସ୍ପଟ୍‌‌ ନାମଲେଖା। ସମସ୍ତ ପ୍ରକ୍ରିୟା ଅନ୍‌‌ଲାଇନ୍‌‌ରେ ହିଁ କରାଯିବ। ଛାତ୍ରଛାତ୍ରୀଙ୍କୁ କଲେଜକୁ ଯିବାକୁ ପଡ଼ିବ ନାହିଁ। ନିଜର ଷ୍ଟୁଡେଣ୍ଡ ଲଗ୍‌‌-ଇନ୍‌‌ ଆଇଡି ବ୍ୟବହାର କରି ଆବେଦନ ଓ ନାମ ଲେଖାଇ ପାରିବେ। ତିନୋଟି ପର୍ଯ୍ୟାୟରେ ନାମଲେଖା ସରିବା ପରେ ସ୍ପଟ୍‌‌ ନାମଲେଖା ହେବ। ଏଥିପାଇଁ ଆସନ୍ତା ୨୫ରୁ ୨୮ତାରିଖ ମଧ୍ୟରେ ଆବେଦନ ହେବ। ୩୧ ତାରିଖରେ ମେଧା ତାଲିକା ପ୍ରକାଶ ପାଇବ। ଅଗଷ୍ଟ ୧ରେ ଉଚ୍ଚ ଶିକ୍ଷାନୁଷ୍ଠାନଗୁଡ଼ିକ ନୋଟିସ୍‌‌ ବୋର୍ଡରେ ମେଧା ତାଲିକା ପ୍ରକାଶ କରିବା ସହ ଫୋନ୍‌‌, ଏସ୍‌‌ଏମ୍‌‌ଏସ୍‌‌, ମେଲ୍‌‌ ଓ ହ୍ୱାଟସ୍‌‌ଆପ୍‌‌ ଜରିଆରେ ଚୟନ ହୋଇଥିବା ଛାତ୍ରଛାତ୍ରୀଙ୍କୁ ଅବଗତ କରିବେ। ଏନେଇ ଉଚ୍ଚ ଶିକ୍ଷା ବିଭାଗ ପକ୍ଷରୁ ଏକ ପରିବର୍ତ୍ତିତ ଗାଇଡ୍‌‌ଲାଇନ୍‌‌ ପ୍ରକାଶ ପାଇଛି। ଶିକ୍ଷାନୁଷ୍ଠାନରେ ଭିଡ଼ କମାଇବା ପାଇଁ ଓ ଛାତ୍ରଛାତ୍ରୀ ଯେପରି ହଇରାଣ ନ ହେବେ, ତାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି।
ସୂଚନା ଅନୁଯାୟୀ, ସ୍ପଟ୍‌‌ ନାମଲେଖା ପାଇଁ ସମସ୍ତ ଛାତ୍ରଛାତ୍ରୀ ଆବେଦନ କରିପାରିବେ। ପ୍ରଥମ ତିନୋଟି ପର୍ଯ୍ୟାୟରେ ନାମ ଲେଖାଇଥିବା ଛାତ୍ରଛାତ୍ରୀ ସ୍ପଟ୍‌‌ ନାମଲେଖା ପାଇଁ ଚୟନ ହେଲେ, ପୂର୍ବରୁ ନାମ ଲେଖାଇଥିବା କଲେଜରୁ ସି.ଏଲ୍‌‌.ସି ଆଣି ଚୟନ ହୋଇଥିବା ଶିକ୍ଷାନୁଷ୍ଠାନରେ ତୁରନ୍ତ ଦାଖଲ କରିବେ। ସେମାନେ ସମ୍ପୂର୍ଣ୍ଣ ନାମଲେଖା ଫି’ ଦାଖଲ ନ କରି କେବଳ ଫରକ ଥିବା ଫି’ ହିଁ ପୈଠ କରିବେ। ସେହିପରି ଆଦୌ ନାମ ଲେଖାଇନଥିବା ଛାତ୍ରଛାତ୍ରୀମାନେ ମଧ୍ୟ ଏଥିପାଇଁ ଆବେଦନ କରିପାରିବେ। ଚୟନ ହେବା ପରେ ଅନ୍‌‌ଲାଇନ୍‌‌ରେ ହିଁ ଆବଶ୍ୟକ ଫି’ ଦାଖଲ କରି ନାମ ଲେଖାଇ ପାରିବେ। ଏହି ନାମଲେଖା ପର୍ଯ୍ୟାୟରେ କୌଣସି ସଂରକ୍ଷଣ ବ୍ୟବସ୍ଥା ରହିବ ନାହିଁ।

ଭୁବନେଶ୍ବର: ରାଜ୍ୟରେ ଥିବା ମହାବିଦ୍ୟାଳୟରେ ଯୁକ୍ତ ୩ ଶ୍ରେଣୀରେ ନାମଲେଖା ପାଇଁ ଆସନ୍ତା ଜୁନ ୩ରୁ ଆବେଦନ ପ୍ରକ୍ରିୟା ଆରମ୍ଭ ହେବ। ଆଶାୟୀ ଛାତ୍ରଛାତ୍ରୀମାନେ ସାମସ ପୋର୍ଟାଲରେ ଅନଲାଇନ ଜରିଆରେ ଜୁନ ୧୭ ତାରିଖ ମଧ୍ୟରେ ଆବେଦନ କରିପାରିବେ। ଏ ନେଇ ରାଜ୍ୟ ଉଚ୍ଚଶିକ୍ଷା ବିଭାଗ ପକ୍ଷରୁ ସୂଚନା ମିଳିଛି। ଚଳିତ ବର୍ଷ ଏହି ପ୍ରକ୍ରିୟାରେ ରେଭେନ୍ସା ବିଶ୍ୱବିଦ୍ୟାଳୟର ବିଏସସି ଆଇଟିଏମ, ସରକାରୀ ଓ ଅନୁଦାନପ୍ରାପ୍ତ ଶିକ୍ଷାନୁଷ୍ଠାନର ୩ ବର୍ଷିଆ ବିବିଏ ଓ ବିସିଏ, ଉତ୍କଳ ବିଶ୍ୱବିଦ୍ୟାଳୟର ୫ ବର୍ଷିଆ ଇଣ୍ଟିଗ୍ରେଟେଡ଼ ଏମବିଏ ଓ ଏମସିଏ, ମଧୁସୂଦନ ଆଇନ ବିଶ୍ୱବିଦ୍ୟାଳୟର ୫ ବର୍ଷିଆ ବିଏ ଏଲଏଲବି ଓ ୩ ବର୍ଷିଆ ଏଲଏଲବି ପାଠ୍ୟକ୍ରମକୁ ସାମିଲ କରାଯାଇଛି। ଏହିସବୁ ପାଠ୍ୟକ୍ରମ ପାଇଁ ୪ଟି ପର୍ଯ୍ୟାୟରେ ଆଡ଼ମିସନ ହେବ।

Important notice for the applicants seeking admission into U.G.
Courses under SAMS for Academic Session-2024-2025

Timeline for e-Admission into U.G. Courses under SAMS in the Higher Education Institutions for the Academic Session 2024-25.#highereducation #highereducationodisha pic.twitter.com/Rx4AWlZ8Cl

— Higher Education Department, Govt. of Odisha 🇮🇳 (@DHE_Odisha) May 29, 2024

ପ୍ରଥମ ପର୍ଯ୍ୟାୟ ନାମଲେଖା ତାଲିକା ଜୁନ ୨୫ରେ ପ୍ରକାଶ ପାଇବ। ସେହିଭଳି ଦ୍ଵିତୀୟ ପର୍ଯ୍ୟାୟ ନାମଲେଖା ତାଲିକା ଜୁଲାଇ ୫, ତୃତୀୟ ପର୍ୟ୍ୟାୟ ଜୁଲାଇ ୧୫ ଓ ଶେଷ ପର୍ଯ୍ୟାୟ ଜୁଲାଇ ୩୦ରେ ପ୍ରକାଶ ପାଇବ। ଅଗଷ୍ଟ ୧ରୁ ପାଠପଢା ଆରମ୍ଭ ହେବ ବୋଲି ଜଣାପଡିଛି।