ନୂଆଦିଲ୍ଲୀ: ହ୍ବାଟ୍ସଆପ୍‌ ବିଭିନ୍ନ ସମୟରେ ତା’ର ବ୍ୟବହାରକାରୀଙ୍କୁ ନୂଆ ସୁବିଧା ପ୍ରଦାନ କରିବା ଲାଗି ଭିନ୍ନ ଭିନ୍ନ ଫିଚର୍‌କୁ ପରିଚିତ କରାଏ। ଏହି କ୍ରମରେ ଏବେ ଭଏସ୍ ମେସେଜ୍‌କୁ ଟେକ୍ସଟ୍‌ରେ ରୂପାନ୍ତରିତ କରିବା ଲାଗି ନୂଆ ଫିଚର୍‌ ଆସିଛି। ଏହାର ନାଁ ‘ମେସେଜ ଟ୍ରାନ୍ସକ୍ରିପ୍ଟ ଫିଚର୍’। ତେବେ ସବୁ ସମୟରେ ଜଣେ ଭଏସ୍‌ ମେସେଜ ଶୁଣିବାକୁ ସକ୍ଷମ ନ ଥାନ୍ତି। ବେଳେ ବେଳେ ପରିବେଶ ମଧ୍ୟ ଭଏସ୍‌ ମେସେଜ ଲାଗି ଉପଯୁକ୍ତ ହୋଇ ନ ଥାଏ। ଏହାକୁ ଦୃଷ୍ଟିରେ ରଖି ହ୍ବାଟ୍ସଆପ୍‌ ଏବେ ମେସେଜ ଶୁଣିବା ପରିବର୍ତ୍ତେ ଏହାକୁ ପଢ଼ିବାର ସୁବିଧା ପ୍ରଦାନ କରିବ। ଯେଉଁଥିରେ ହ୍ବାଟ୍ସଆପ୍‌ର ମେସେଜ ଟ୍ରାନ୍ସକ୍ରିପ୍ଟ ଫିଚର୍ ଅଡିଓ ମେସେଜକୁ ଟେକ୍ସଟ୍‌ରେ ରୂପାନ୍ତରିତ କରିଥାଏ। ଟ୍ରାନ୍ସକ୍ରିପ୍ଟ ସିଧା ଫୋନ୍‌ରେ ହିଁ ତିଆରି ହୁଏ। ଏହାର ଅର୍ଥ ହେଉଛି, ହ୍ବାଟ୍ସଆପ୍‌ ମଧ୍ୟ ଭଏସ୍ ମେସେଜକୁ ଶୁଣି କିମ୍ବା ପଢ଼ି ପାରିବ ନାହିଁ। ଏହି ଫିଚର୍‌କୁ ଉପଯୋଗ କରିବା ପାଇଁ ଏହାର ସେଟିଂକୁ ଯାଇ ଚାଟ୍‌କୁ ଯିବାକୁ ପଡ଼ିବ। ଏହାପରେ ଭଏସ୍ ମେସେଜ ଟ୍ରାନ୍ସକ୍ରିପ୍ଟକୁ ଅନ୍ କରିବାକୁ ପଡ଼ିବ। ଏଠାରେ ନିଜ ପସନ୍ଦର ଭାଷା ଚୟନର ସୁବିଧା ମିଳେ। ଭଏସ୍ ମେସେଜକୁ ଟେକ୍ସଟ୍‌ରେ ଦେଖିବା ଲାଗି ଭଏସ୍ ମେସେଜ ଉପରେ ଦୀର୍ଘ ସମୟ ପ୍ରେସ୍‌ କରି ରଖିବାକୁ ହେବ ଏବଂ ଏହାପରେ ଟ୍ରାନ୍ସକ୍ରିବ୍‌ ଉପରେ ଟ୍ୟାପ୍ କରିବାକୁ ହୁଏ।

ନୂଆଦିଲ୍ଲୀ: ୟୁଜରମାନଙ୍କ ଚାହିଦାକୁ ଦୃଷ୍ଟିରେ ରଖି ଲଗାତାର ନୂଆ ଅପଡେଟ୍‌ ଆଣୁଛି ସୋସିଆଲ ମିଡିଆ ପ୍ଲାଟଫର୍ମ ହ୍ୱାଟ୍ସଆପ୍। ଏବେ ଅଜଣା ନମ୍ବରରେ କଥା ହେବା ସମୟରେ ୟୁଜରଙ୍କ ମୋବାଇଲ ନମ୍ବର ଚୋରି ହୋଇପାରିବନାହିଁ। ଅନେକ ସମୟରେ ହ୍ୱାଟ୍ସଆପରେ କୌଣସି ଅଜଣା ବ୍ୟକ୍ତିଙ୍କୁ କିଛି ମେସେଜ୍‌ କରିବାକୁ ହେଲେ ତାଙ୍କ ନମ୍ବର ସେଭ୍ କରିବାକୁ ବାଧ୍ୟ ହୋଇଥାନ୍ତି ୟୁଜର, କିନ୍ତୁ ସେହି ବ୍ୟକ୍ତିଙ୍କ ନମ୍ବର ସେଭ କରିବାକୁ ଇଚ୍ଛା ନ ଥିଲେ ମଧ୍ୟ ଏମିତି କରିବାକୁ ଜଣେ ୟୁଜର ବାଧ୍ୟ ହୋଇଥାନ୍ତି। ତେବେ ଏହି ସମସ୍ୟାର ସମାଧାନ ପାଇଁ ହ୍ୱାଟ୍ସଆପ୍ ଆଣୁଛି ନୂଆ ଫିଚର। ହ୍ୱାଟ୍ସଆପରେ ବର୍ତ୍ତମାନ ଏକ ନୂଆ ଦମଦାର ଫିଚର ଆସିବାକୁ ଯାଉଛି। ଅଜଣା ବ୍ୟକ୍ତିଙ୍କ ନମ୍ବର ସେଭ ନ କରି ତାଙ୍କୁ ମେସେଜ କରିବା ଏବେ ସମ୍ଭବ ହୋଇପାରିବ। ଏଥିପାଇଁ ହ୍ୱାଟ୍ସଆପର ଏହି ଫିଚର ଖୁବ ସହାୟକ ହେବ ବୋଲି ଆଶା କରାଯାଉଛି।

ତେବେ ବର୍ତ୍ତମାନ ‘ହ୍ୱାଟ୍ସଆପ୍ ସର୍ଚ୍ଚ ୟୁଜରନେମ୍ ଫିଚର’ ମଧ୍ୟ ୱେବ କ୍ଲାଏଣ୍ଟସଙ୍କ ପାଇଁ ଉପଲବ୍ଧ ହୋଇପାରିବ। ବର୍ତ୍ତମାନ ହ୍ୱାଟ୍ସଆପର ଏହି ନୂଆ ଫିଚର ବିକାଶ ପର୍ଯ୍ୟାୟରେ ରହିଛି। ତେବେ ବର୍ତ୍ତମାନ ଏହି ଫିଚର ଆଣ୍ଡ୍ରଏଡ ପାଇଁ ହ୍ୱାଟ୍ସଆପ ବିଟାରେ ଦେଖିବାକୁ ମିଳିଛି। ୟୁଜରମାନଙ୍କ ଗୋପନୀୟତା ଏବଂ ସୁରକ୍ଷାକୁ ବଢାଇବା ପାଇଁ ଏହି ଫିଚରକୁ ବିକାଶ କରାଯାଉଛି। ଏହି ନୂଆ ଫିଚର ହ୍ୱାଟ୍ସଆପ୍ କମ୍ୟୁନିଟି ବ୍ୟବହାର କରୁଥିବା ୟୁଜରମାନଙ୍କ ପାଇଁ ପ୍ରଥମରୁ ଉପଲବ୍ଧ ରହିଛି। ଏହା ୟୁଜରମାନଙ୍କୁ ନିଜ ୟୁଜରନେମ୍ ସାହାଯ୍ୟରେ କଣ୍ଟାକ୍ଟସକୁ ଦେଖିବା ପାଇଁ ଅନୁମତି ଦେଇଥାଏ। ୱେବ୍ କ୍ଲାଏଣ୍ଟ ପାଇଁ ହ୍ୱାଟ୍ସଆପ୍ ୟୁଜର୍ ନେମ୍ ଫିଚର ଲୋକପ୍ରିୟ ହ୍ୱାଟ୍ସଆପ୍ ବିଟା ଅପଡେଟ୍ ଟ୍ରାକିଂ ପ୍ଲାଟଫର୍ମରେ ଦେଖିବାକୁ ମିଳିଛି। ହ୍ୱାଟ୍ସଆପ୍ ୱେବ୍ କ୍ଲାଏଣ୍ଟ ୟୁଜରମାନଙ୍କୁ ପ୍ଲାଟଫର୍ମରେ ସେମାନଙ୍କର ୟୁନିକ୍‌ ୟୁଜର ନେମ୍ ବ୍ୟବହାର କରି ସେମାନଙ୍କ ବନ୍ଧୁମାନଙ୍କ ସହିତ ସଂଯୋଗ କରିଥାଏ।

ହ୍ବାଟ୍ସଆପ୍‌ ଏକ ନୂଆ ‘ଚ୍ୟାନେଲ ଫିଚର୍’ ଲଞ୍ଚ୍ କରିଛି। ଏହି ଫିଚର୍‌ ହେଉଛି ଏକ ପର୍ସନାଲ ବା ବ୍ୟକ୍ତିଗତ ବ୍ରଡ୍‌କାଷ୍ଟିଂ ସେବା। ଏହା ଦ୍ବାରା ଥରକରେ ଅନେକଜଣକୁ ଅପଡେଟ୍ ଦିଆଯାଇପାରିବ। ଏହି ଫିଚର୍‌କୁ ଉପଯୋଗ କରି କମ୍ପାନି, ସ୍କୁଲ ତଥା ଅନ୍ୟ ସମୂହ ପାଇଁ ଚ୍ୟାନେଲ ତିଆରି କରିପାରିବେ ଏବଂ ନିଜ ସଦସ୍ୟଙ୍କୁ ନୂଆ ଅପଡେଟ୍ ଦେବା ସମ୍ଭବ ହେବ।

ଏହା କ’ଣ: ଏହି ଫିଚର୍‌ ହେଉଛି ଏକ ବ୍ୟକ୍ତିଗତ ସେବା। ଏଥିରେ ନିଜ ପସନ୍ଦର ସେଲିବ୍ରିଟିଙ୍କ ସହ ଯୋଡ଼ି ହୋଇପାରିବେ। ଚ୍ୟାନେଲ୍‌ ଫିଚର୍‌ ଆଡିମନ୍ ପାଇଁ ଟେକ୍ସଟ୍‌, ଫଟୋ, ଭିଡିଓ, ଷ୍ଟିକର୍‌ ପଠାଇବାର ୱାନ୍-ୱେ ବ୍ରଡକାଷ୍ଟ ଟୁଲ୍। ଏହା ଆପ୍‌ର ଏକ ନୂଆ ଟ୍ୟାବ୍‌ରେ ଦେଖିବାକୁ ମିଳିବ। ଭାରତରେ ଏହି ଫିଚର୍‌ ପରିଚିତ ହେବା ମାତ୍ରେ ବିସିସିଆଇ ହ୍ବାଟ୍ସଆପ୍‌ ଚ୍ୟାନେଲରେ ନିଜର ପ୍ରଥମ ଚ୍ୟାନେଲ ‘ଇଣ୍ଡିଆନ୍ କ୍ରିକେଟ୍ ଟିମ୍‌’ ନାଁରେ ଲଞ୍ଚ୍‌ କରିଛି। ଏହା ଦ୍ବାରା ଭାରତୀୟ କ୍ରିକେଟ୍ ଟିମ୍‌ର ସମସ୍ତ ଅପଡେଟ୍ ମିଳିପାରିବ।

କେମିତି କରିବେ ଫଲୋ
-ହ୍ବାଟ୍ସଆପ୍‌ର ନୂଆ ଭର୍ସନ ଅପଡେଟ୍ କରନ୍ତୁ।

-ଚାଟ୍‌ବଟ୍‌ରେ ନୂଆ ଅପ୍‌ଡେଟ୍‌ରେ ଚ୍ୟାନେଲ୍‌ ଦେଖିବାକୁ ମିଳିବ।

-ଚ୍ୟାନେଲ୍‌ ଉପରେ କ୍ଲିକ୍‌ କରି ସାଙ୍ଗମାନଙ୍କ ଷ୍ଟାଟସ୍‌ ଅପ୍‌ଡେଟ୍ ତଳେ ଚ୍ୟାନେଲର ବିକଳ୍ପ ଦେଖାଇବ।

-ଏହାପରେ ଫାଇଣ୍ଡ ଚ୍ୟାନେଲ ବିକଳ୍ପ ଉପରେ କ୍ଲିକ୍‌ କରନ୍ତୁ। ଏଠାରେ ନିଜ ପସନ୍ଦର ସେଲିବ୍ରିଟ୍ରିଙ୍କୁ ଖୋଜିବାକୁ ହେବ।

-ଏହାପରେ ଫଲୋ ବଟନ୍‌କୁ ବାଛିବେ। ଏହାସହ ନୂଆ ଅପ୍‌ଡେଟ୍ ମିଳିବା ଆରମ୍ଭ ହେବ।

ନୂଆଦିଲ୍ଲୀ: ମେସେଜିଂ ଆପ୍ ହ୍ୱାଟ୍ସଆପ୍ ଏହାର ସୋସିଆଲ୍ ମିଡିଆ ପ୍ଲାଟଫର୍ମରେ କ୍ରମାଗତ ଭାବରେ ନୂତନ ପରିବର୍ତ୍ତନ କରୁଛି। ଗତ କିଛି ଦିନ ହେବ ହ୍ୱାଟ୍ସଆପ୍‌ରୁ ବିଭିନ୍ନ ବୈଶିଷ୍ଟ୍ୟ ଶୁଭାରମ୍ଭ କରିବାର ଆଲୋଚନା ହୋଇଥିଲା ଯାହା ବର୍ତ୍ତମାନ ଆଉ ଏକ ଅପଗ୍ରେଡ୍ ହେବାକୁ ଯାଉଛି। ଖୁବ୍ ଶୀଘ୍ର ହ୍ୱାଟ୍ସଆପ୍ ଏହାର ପ୍ଲାଟଫର୍ମରେ ଏପରି ଏକ ବୈଶିଷ୍ଟ୍ୟ ଯୋଗ କରିବାକୁ ଯାଉଛି ଯାହା ଯେ କୌଣସି ପ୍ରତିଛବିରୁ ଲେଖା (ଟେକ୍ସଟ)କୁ ସହଜରେ ଅଲଗା କରିପାରିବ। ଅବଶ୍ୟ, ହ୍ୱାଟ୍ସଆପ୍ ବର୍ତ୍ତମାନ ଆଇଓଏସ୍‌ ବ୍ୟବହାରକାରୀଙ୍କ ପାଇଁ ଏହି ବୈଶିଷ୍ଟ୍ୟ ପ୍ରକାଶ କରୁଛି। ଏହି ବୈଶିଷ୍ଟ୍ୟ ପରେ ଯଦି ଆପଣ ଏକ ଫଟୋରୁ ଟେକ୍ସଟ୍ ଅପସାରଣ କରିବାକୁ ଚାହୁଁଛନ୍ତି, ତେବେ ଏହା ହୋଇପାରିବ।

ରିପୋର୍ଟ ଅନୁଯାୟୀ, ଆଇଓଏସ୍‌ ୨୩.୫.୭୭ ପାଇଁ ସର୍ବଶେଷ ହ୍ୱାଟ୍ସଆପ୍ ଅପଡେଟ୍ ସଂସ୍ଥାପନ କରିବା ପରେ କମ୍ପାନୀ ସମସ୍ତଙ୍କୁ ଏହି ବୈଶିଷ୍ଟ୍ୟ ପ୍ରଦାନ କରୁଛି।

ମୁମ୍ବଇ: ଯଦି ଆପଣ କାହାର ହ୍ବାଟ୍ସଆପ୍ ଷ୍ଟାଟସ୍ ଦେଖିବାକୁ ଚାହାୁଛନ୍ତି, କିନ୍ତୁ ଆପଣ ତାହାକୁ ଦେଖିଛନ୍ତି ବୋଲି ସେହି ବ୍ୟକ୍ତି ଜରକ ନ ଜାଣନ୍ତୁ ବୋଲି ଚାହୁଁଛନ୍ତି। ତେବେ ବ୍ୟସ୍ତ ହେବାର ନାହିଁ ହ୍ବାଟ୍ସଆପ୍‌ ଏବେ ଏହାର ୟୁଜରଙ୍କ ପାଇଁ ନୂଆ ବ୍ୟବସ୍ଥା ଆଣିଛି। ଏହି ଅନୁଯାୟୀ, ଆପଣ ଜଣଙ୍କର ହ୍ବାଟ୍ସଆପ୍ ଷ୍ଟାଟସ୍ ଦେଖିବେ କିନ୍ତୁ ସେହି ବ୍ୟକ୍ତି ଜାଣିପାରିବେନାହିଁ। ଆପଣ ହ୍ବାଟ୍ସଆପ୍ ଷ୍ଟାଟସ୍ ଦେଖିଥିବା କଥା ଗୋପନ ରହିବ।

କେବଳ ଏତିକି ନୁହେଁ, ଏପରି ବି ଏକ ଆପ୍ ରହିଛି ଯାହାଦ୍ବାରା ଆପଣ ମଧ୍ୟ କାହାର ହ୍ବାଟ୍ସଆପ୍ ଷ୍ଟାଟସ୍ ଡାଉନଲୋଡ୍ କରିପାରିବେ। ତେବେ ଏହି ଆପ ସେତେଟା ସୁରକ୍ଷିତ ନୁହେଁ। ଏଗୁଡ଼ିକ ହେଉଛି ଥାର୍ଡପାର୍ଟି ଆପ୍, ଏହା ଫୋନର ବ୍ୟାକଗ୍ରାଉଣ୍ଡରେ ଚାଲିଥାଏ ଏବଂ ଆପଣଙ୍କର ସମସ୍ତ ବିବରଣୀ ସଂଗ୍ରହ କରି ହ୍ୟାକର୍ କିମ୍ବା ସାଇବର ଠକଙ୍କୁ ବିକ୍ରି କରିଥାଏ।

ସିନ୍ ନ କରି ହ୍ବାଟ୍ସଆପ୍ ଷ୍ଟାଟସ୍ ଦେଖିବାର ଉପାୟ

ସର୍ବପ୍ରଥମେ ଆପଣଙ୍କୁ ଆପଣଙ୍କର ହ୍ବାଟ୍ସଆପ୍ ଖୋଲିବାକୁ ପଡିବ। ଖୋଲିବା ପରେ ଉପରେ ଦିଆଯାଇଥିବା ତିନୋଟି ବିନ୍ଦୁ ଉପରେ କ୍ଲିକ୍ କରନ୍ତୁ। ତିନୋଟି ବିନ୍ଦୁ ଉପରେ କ୍ଲିକ୍ କରିବା ମାତ୍ରେ ସେଟିଂର ବିକଳ୍ପ ସାମ୍ନାରେ ଦେଖାଯିବ, ଏବେ ଏଥିରେ କ୍ଲିକ୍ କରନ୍ତୁ। ସେଟିଂରେ ଅନେକ ଅପ୍‌ସନ୍‌ ଆପଣଙ୍କ ସାମ୍ନାରେ ଖୋଲିବ। ଏଥିମଧ୍ୟରୁ ଆପଣଙ୍କୁ ଆକାଉଣ୍ଟ ଅପ୍‌ସନ୍ ଉପରେ କ୍ଲିକ୍ କରିବାକୁ ପଡିବ। ଆକାଉଣ୍ଟ୍ ଅପ୍ସନ୍ ଉପରେ କ୍ଲିକ୍ କରିବା ଦ୍ୱାରା ଆପଣଙ୍କୁ ଗୋପନୀୟତା ବିକଳ୍ପ ଦେଖାଯିବ, ଏବେ ଏଥିରେ କ୍ଲିକ୍ କରନ୍ତୁ। କ୍ଲିକ୍ କରିବା ମାତ୍ରେ, ଅନେକ ବିକଳ୍ପ ଆପଣଙ୍କ ସାମ୍ନାରେ ଦେଖାଯିବ, ଯେଉଁଥିରେ ଆପଣ ରିଡ୍ ରିସିପଟ୍ସ ନାମକ ବିକଳ୍ପ ଦେଖିବେ। ଏହି ଅପ୍‌ସନ୍ ଉପରେ କ୍ଲିକ୍ କରି ଆପଣଙ୍କୁ ଏହି ଅପ୍‌ସନ୍‌କୁ ଡିସାବଲ୍ କରିବାକୁ ପଡିବ।

ଯଦି ଆପଣ ରିଡ୍ ରିସିପଟ୍ସ ବିକଳ୍ପକୁ ଡିସାବଲ୍ କରନ୍ତି, ତେବେ ଯଦି ଆପଣ କୌଣସି ବ୍ୟକ୍ତିର ହ୍ବାଟ୍ସଆପ୍ ଷ୍ଟାଟସ୍ ଦେଖନ୍ତି, ତେବେ ସେ ତାହା ଜାଣିପାରିବେ ନାହିଁ। ସିନ୍ସ ତାଲିକାରେ ନାମ ଦେଖାଯିବନାହିଁ। ଏହାସହିତ ଆପଣ ମଧ୍ୟ ଜାଣିପାରିବେନାହିଁ ଯେ ଆପଣଙ୍କର ହ୍ବାଟ୍ସଆପ୍ ଷ୍ଟାଟସ୍ କେତେ ଲୋକ ଦେଖିଛନ୍ତି। ଅପରପକ୍ଷେ କେବେ ବି ଆପଣ ଏହି ବିକଳ୍ପକୁ ଏବଲ ଏବଂ ଡିସାବଲ୍ କରିପାରିବେ।

ସାଧାରଣତଃ ହ୍ବାଟ୍ସଆପ୍‌ର ବ୍ୟବହାର ଚାଟିଂ, ପେମେଣ୍ଟ୍‌, କଲ୍‌ ତଥା ଭିଡିଓ କଲିଂ ପାଇଁ କରାଯାଇଥାଏ। ଏଣିକି ଏହି ଇନ୍‌ଷ୍ଟାଣ୍ଟ୍ ମେସେଜିଂ ଆପ୍ ମାଧ୍ୟମରେ କ୍ୟାବ୍‌ ବୁକିଂ କରି ହେବ। ଅବଶ୍ୟ କେବଳ ଉବର୍ କ୍ୟାବ୍‌ ବୁକିଂ କରିବା ଏଥିରେ ସମ୍ଭବ।
ଉବର୍‌ର ଏହି ସୁବିଧା ଦେଶର ବଛା ବଛା ସହର ଲାଗି ଉପଲବ୍ଧ ଅଛି। ବ୍ୟବହାରକାରୀ ଦିଲ୍ଲୀ-ଏନ୍‌ସିଆର୍‌ ଓ ଲକ୍ଷ୍ନୌରେ ଏହି ସୁବିଧାର ଲାଭ ଉଠାଇପାରିବେ। ରାଇଡ୍ ବୁକ୍ କରିବା ପାଇଁ ହିନ୍ଦୀ ଓ ଇଂରାଜୀର ବିକଳ୍ପ ମିଳିବ।

କେମିତି କରିବେ
-ବ୍ୟବହାରକାରୀଙ୍କୁ ଉବର୍‌ର ଅଫିସିଆଲ୍ ନମ୍ବରକୁ ସେଭ୍‌ କରିବାକୁ ହେବ।

-ଏହା ପରେ ହ୍ବାଟ୍ସଆପ୍‌ ଓପନ୍‌ କରି ‘ହାଏ’ ଲେଖି ମେସେଜ୍ କରିବେ।

ପରେ ପିକ୍‌ଅପ୍ ଡେଷ୍ଟିନେସନର ଠିକଣା ପଠାଇବେ। ଏଥିପାଇଁ ଲାଇଭ୍ ଲୋକେସନ ମଧ୍ୟ ସେୟାର୍ କରିପାରିବେ।

-ଏହା ପରେ ଟ୍ରିପ୍ ଦେୟର ସୂଚନା ଆସିବ। ତା’ପରେ ଏହାକୁ କନ୍‌ଫର୍ମ କରିବାକୁ ହେବ।

-ଚାଳକଙ୍କ ପକ୍ଷରୁ ରାଇଡ୍ କନ୍‌ଫର୍ମ ହେବା ପରେ ହ୍ବାଟ୍ସଆପ୍‌କୁ ନୋଟିଫିକେସନ୍‌ ଆସିଥାଏ।

ନୂଆଦିଲ୍ଲୀ : ହ୍ବାଟ୍ସଆପ୍ ଏହାର ୟୁଜର୍ସଙ୍କ ପାଇଁ ସବ ସମୟରେ ନୂଆ ନୂଆ ଫିଚର ଆଣିଥାଏ। ଏହି କ୍ରଅନୁମରେ କମ୍ପାନୀ ଏବେ ଆଉ ଏକ ନୂଆ ଫିଚର ଶୁଭାରମ୍ଭ କରିଛି। ବାସ୍ତବରେ ହ୍ବାଟ୍ସଆପ୍‌ ୟୁଜର୍ସ ଅନଲାଇନ୍‌ରେ ରହିଥିଲେ ତାହା ଅନ୍ୟମାନଙ୍କୁ ଜଣାପଡ଼ିଯାଉଥିଲ, କିନ୍ତୁ ଏବେ ଆଉ ସେଭଳି ହେବନାହିଁ। ଏଣିକି ଆପଣ ନିଜର ଅନଲାଇନ୍‌ ଷ୍ଟାଟସ୍‌କୁ ଲୁଚାଇପାରିବେ। ଏହାଦ୍ବାରା ଆପଣ ଅନଲାଇନରେ ଥିଲେ ବି କେହି ଜାଣିପାରିବ ନାହି। ପୂର୍ବରୁ ୟୁଜର କେବଳ ଲାଷ୍ଟ ସିନ୍ ଲୁଚାଇପାରୁଥିଲେ। ଲାଷ୍ଟ ସିନ୍ ଲୁଚାଇବା ଦ୍ବାରା ୟୁଜର କେତେବେଳେ ହ୍ବାଟ୍ସଆପ୍ ଶେଷ ଥର ବ୍ୟବହାର କରିଥିଲେ ତାହା ଅନ୍ୟ କେହି ଜାଣିପାରି ନ ଥାନ୍ତି।

କିନ୍ତୁ ଏବେ ଅନଲାଇନ୍‌ ଷ୍ଟାଟସ୍‌କୁ ମଧ୍ୟ ଲୁଚାଇପାରିବେ। ତେବେ ଏହି ଫିଚର ମଧ୍ୟ ଆପଣଙ୍କୁ ହ୍ବାଟ୍ସଆପ୍‌ର ସେଟିଂଙ୍ଗସ ମେନ୍ୟୁରେ ମିଳିଯିବ। ଏଠାକୁ ଯାଇ ଆପଣ ଅନଲାଇନ୍‌ ଷ୍ଟାଟସକୁ ସେଟିଂ କରିପାରିବେ। ଆଉ ଏହି ଫିଚରକୁ ଆକ୍ଟିଭ କରିବା ପରେ, ଯଦି ଆପଣ ହ୍ବାଟ୍ସଆପ୍‌ରେ ଅନ୍‌ଲାଇନରେ ରହୁଛନ୍ତି ତେବେ କେହି ବି ତାହା ଜାଣିପାରିବେନାହିଁ। ଏହା ପର୍ବରୁ ଗତକାଲି ମେଟା, ହ୍ବାଟ୍ସଆପ୍‌ କମ୍ୟୁନିଟିଜ୍ ଫିଚର ମଧ୍ୟ ରୋଲ୍‌ଆଉଟ୍ କରିଥିଲା। ଏହି ଫିଚର ଦ୍ବାରା ଆପଣ ଗ୍ରୁପ୍‌କୁ ନେଇ ଗ୍ରୁପ୍‌ ବନାଇପାରିବେ। ଏହା ସହ ଭିଡିଓ କଲ୍‌ରେ ୩୨ ଜଣକୁ ଯୋଡ଼ିପାରିବା ନେଇ ମଧ୍ୟ ଘୋଷଣା କରିଥିଲା।

ନୂଆଦିଲ୍ଲୀ: ହ୍ବାଟ୍ସଆପ୍ ବ୍ୟବହାରକରୀଙ୍କ ପାଇଁ ଖୁବ୍‌ଶୀଘ୍ର ‘ଭିୟୁ ୱାନ୍ସ’ ମେସେଜ୍‌ ଲାଗି ‘ସ୍କ୍ରିନ୍ ସଟ୍ ବ୍ଲକିଂ’ ଫିଚର୍‌ ଉପଲବ୍ଧ ହେବ। ଏବେ ଏହି ଫିଚର୍ ଆଣ୍ଡ୍ରଏଡ୍‌ର ବିଟା ବ୍ୟବହାରକାରୀଙ୍କ ପାଇଁ ଉପଲବ୍ଧ ଅଛି। ଆଗକୁ ଏହା ଆଇଓଏସ୍ ବିଟା ପାଇଁ ଉପଲବ୍ଧ କରାଯିବ। ତେେବ ଏହି ଫିଚର୍ ଦ୍ବାରା ଭିୟୁ ୱାନ୍ସ ମାଧ୍ୟମରେ ପଠାଯାଉଥିବା ପ୍ରତ୍ୟେକ ଭିଡିଓ ଓ ଫଟୋର ସ୍କ୍ରିନ୍ ସଟ୍ ବ୍ୟବହାରକାରୀ ନେଇପାରିବେ ନାହିଁ। ଏହାର ଉଦ୍ଦେଶ୍ୟ ସ୍କ୍ରିନ୍‌ ସଟ୍‌ ଓ ସ୍କ୍ରିନ୍ ରେକର୍ଡିଂକୁ ରୋକି ୟୁଜର୍‌ଙ୍କ ପ୍ରାଇଭେସିକୁ ସୁରକ୍ଷିତ ଓ ଉନ୍ନତ କରାଇବା। ଅନ୍ୟପଟେ ଏବେ ହ୍ବାଟ୍ସଆପ୍‌ ଏହି ଫିଚର୍‌ର ପରୀକ୍ଷା ଜାରି ରଖିଛି।

ନୂଆଦିଲ୍ଲୀ : ବର୍ତ୍ତମାନ ଅନେକ ଆପ୍ ନୂଆ ନୂଆ ଫିଚର୍ ସବୁ ଛାଡୁଛନ୍ତି। ବିଶ୍ୱର ସବୁଠାରୁ ଅଧିକ ବ୍ୟବହୃତ ହେଉଥିବା ଆପ୍ ହେଉଛି ହ୍ଵାଟ୍ସଆପ ତା’ର ୟୁଜରଙ୍କ ପାଇଁ ଏହି ଫିଚର ଆଣିଛି। କ୍ୟାବ୍‌ ବୁକ୍ ନେଇ ତାହାର ପ୍ରଥମ ପରୀକ୍ଷଣ ଲକ୍ଷ୍ନୌ ସହରରେ ଗତ ବର୍ଷ ଡିସେମ୍ବରରେ କରାଯାଇଥିଲା। ଯଦି ଏହି ପରୀକ୍ଷଣ ସଫଳ ହୁଏ, ତେବେ ୟୁଜରଙ୍କୁ ଆଉ ଅଲଗା ଭାବରେ ଉବର ଆପ୍ ଡାଉନଲୋଡ୍ କରିବାକୁ ପଡିବ ନାହିଁ। ଆପଣ ବର୍ତ୍ତମାନ ହ୍ଵାଟ୍ସଆପରେ ଉବର ରାଇଡ୍ ବୁକ୍ କରିପାରିବେ। କ୍ୟାବ କମ୍ପାନୀ ଉବର ଖୁବ୍ ଶୀଘ୍ର ହ୍ଵାଟ୍ସଆପ ଆପ୍ ପାଇଁ ଏହି ନୂତନ ବିକଳ୍ପ ଲଞ୍ଚ କରିବାକୁ ଯାଉଛି।

କେବଳ ଅଗଷ୍ଟ ପ୍ରଥମ ସପ୍ତାହରେ ଦିଲ୍ଲୀ-ଏନ୍‌ସିଆର ପାଇଁ ଉବର ଏହି ନୂତନ କ୍ୟାବ ବୁକିଂ ସେବା ଆରମ୍ଭ କରିବାକୁ ଯାଉଛି। ଅପରପକ୍ଷେ ହ୍ବାଟ୍ସଆପର ନୂଆ ଫିଚର ଅନୁସାରେ, ଗ୍ରୁପ ଉପରେ ପୂର୍ବାପେକ୍ଷା ଅଧିକ ନିୟନ୍ତ୍ରଣ କ୍ଷମତା ପାଇବେ ଆଡମିନ। ସମ୍ପୃକ୍ତ ଆଡମିନ ଗ୍ରୁପର ଯେକୌଣି ମେସେଜକୁ ସମସ୍ତଙ୍କ ପାଇଁ ଡିଲିଟ କରିପାରିବେ। ଗୁଗୁଲ ପ୍ଲେ ବେଟା ପ୍ରୋଗ୍ରାମକୁ ଅପଡେଟ କରି ସଂସ୍ଥା ନୂଆ ଫିଚରକୁ କାର୍ଯ୍ୟକ୍ଷମ କରିବାକୁ ଯାଉଛି। ବର୍ତ୍ତମାନ ହ୍ବାଟ୍ସଆପ୍‌ ଗ୍ରୁପ କ୍ରିଏଟ କରି ବିଭିନ୍ନ କାର୍ଯ୍ୟ ପାଇଁ ଏହାକୁ ପ୍ରଭାବୀ ଭାବେ ମଧ୍ୟ ବ୍ୟବହାର କରାଯାଉଛି। ତେବେ ଏହା ପୂର୍ବରୁ ଗ୍ରୁପର ଆଡମିନଙ୍କ ନିକଟରେ ସୀମିତ କ୍ଷମତା ରହୁଥିଲା।

ସଦସ୍ୟଙ୍କୁ ଗ୍ରୁପରୁ ବାହାର କରିବା କିମ୍ବା ନୂତନ ସଦସ୍ୟଙ୍କୁ ଗ୍ରୁପରେ ସାମିଲ କରିବା ଓ ଗ୍ରୁପରେ କିଏ ମେସେଜ୍‌ ପୋଷ୍ଟ କରିପାରିବ ସେ ନେଇ ଆଡମିନ ନିଷ୍ପତ୍ତି ନେଇପାରୁଥିଲେ । ଏପରି ସ୍ଥିତିରେ ଆଡମିନଙ୍କ ଅପେକ୍ଷାକୃତ କମ ନିୟନ୍ତ୍ରଣ କ୍ଷମତା କେତେକାଂଶରେ ସମସ୍ୟା ସୃଷ୍ଟି କରୁଥିଲା । କେତେକ ମିଥ୍ୟା, ଭିତ୍ତିହୀନ ଓ ସ୍ପାମ ମେସେଜ ମଧ୍ୟ ଅତି ସହଜରେ ପୋଷ୍ଟ ହେବା ସହ ଗ୍ରୁପରୁ ଗ୍ରୁପକୁ ଭାଇରାଲ ମଧ୍ୟ ହେବା ସମ୍ଭବ ହେଉଥÒଲା। ଏପରି ନୂଆ ଫିଚର ଫଳରେ ଗ୍ରୁପ ଉପରେ ଅଧିକ ନିୟନ୍ତ୍ରଣ ହାସଲ କରିବା ସହ ଯେକୌଣସି ମେସେଜ୍‌କୁ ଗ୍ରୁପରୁ ସମ୍ପୂର୍ଣ୍ଣ ଡିଲିଟ୍‌ କରିପାରିବାର କ୍ଷମତା ପାଇବେ ଆଡମିନ। ତେବେ ଏହି ଫିଚର ଖୁବ୍‌ଶୀଘ୍ର ହ୍ବାଟ୍ସଆପରେ ଉପଲବ୍ଧ ହେବାକୁ ଯାଉଛି।