ନୂଆଦିଲ୍ଲୀ: ୨୦୧୬ ମସିହାରେ କେନ୍ଦ୍ର ସରକାର ଦେଶରେ ବିମୁଦ୍ରୀକରଣ ବା ନୋଟବନ୍ଦୀ ଲାଗୁ କରିଥିଲେ। ଏହି ସମୟରେ ପୁରୁଣା ୫୦୦ ଓ ୧୦୦୦ ଟଙ୍କିଆ ନୋଟ୍ ରାତାରାତି ଅଚଳ ହୋଇଯାଇଥିଲା। ତେବେ ନୋଟବନ୍ଦୀର ପ୍ରାୟ ୯ ବର୍ଷ ପରେ ଜଣେ ମହିଳାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ମହିଳା ଜଣକ ନିଜ ସ୍ୱାମୀଙ୍କ ଅଜାଣତରେ କିଛି ଟଙ୍କା ସଞ୍ଚୟ କରି ଘରେ ଲୁଚାଇ ରଖିଥିଲେ, କିନ୍ତୁ ଯେତେବେଳେ ସେ ଏହାକୁ ଖୋଜି ପାଇଲେ ସେତେବେଳକୁ ସେଗୁଡିକ ଅଚଳ ଘୋଷିତ ହୋଇସାରିଥିଲା।

କାନ୍ଦି ପକାଇଲେ ମହିଳା

ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ମହିଳା ଜଣକ ପୁରୁଣା ୫୦୦ ଓ ୧୦୦୦ ଟଙ୍କିଆ ନୋଟ୍ ବିଡା ଧରି କାନ୍ଦୁଛନ୍ତି। ତାଙ୍କ ଝିଅ ଏହି ଦୃଶ୍ୟକୁ ରେକର୍ଡ କରିବା ସହ ପଛରୁ ହସୁଥିବା ଶୁଣାଯାଉଛି। ଝିଅଟି ଭିଡିଓରେ କହୁଛନ୍ତି ଯେ, "ମୋ ମା’ କାନ୍ଦୁଛନ୍ତି। ସେ ବାପାଙ୍କଠାରୁ ଲୁଚାଇ ଏହି ପୁରୁଣା ନୋଟଗୁଡିକୁ ରଖିଥିଲେ। ଏବେ ସେ ଚିନ୍ତାରେ ଅଛନ୍ତି ଯେ ବ୍ୟାଙ୍କ ଏହାକୁ ଫେରାଇ ନେବ କି ନାହିଁ।" ମହିଳା ଜଣକ ହୁଏତ କୌଣସି ଜରୁରୀକାଳୀନ ପରିସ୍ଥିତି ପାଇଁ ଏହି ଟଙ୍କା ସଞ୍ଚୟ କରିଥିଲେ, କିନ୍ତୁ ଦୀର୍ଘ ଦିନ ଧରି ସେ ଏହା ବିଷୟରେ ଭୁଲି ଯାଇଥିଲେ।

 

 

 

 

 

View this post on Instagram

 

 

 

 

 

 

 

 

 

 

 

A post shared by AD🧿 (@ayushidixit___)

ଭିଡିଓ ଦେଖି ଲୋକେ ଦେଲେ ମଜାଦାର ପ୍ରତିକ୍ରିୟା

ଏହି ଭିଡିଓଟି ଇନଷ୍ଟାଗ୍ରାମରେ @ayushidixit___ ନାମକ ଆକାଉଣ୍ଟରୁ ସେୟାର କରାଯାଇଛି। ଭିଡିଓ ଦେଖିବା ପରେ ୟୁଜର୍ସମାନେ ଭିନ୍ନ ଭିନ୍ନ ମଜାଦାର ପ୍ରତିକ୍ରିୟା ଦେଉଛନ୍ତି। ଜଣେ ୟୁଜର ମଜାରେ ଲେଖିଛନ୍ତି, "ଆରବିଆଇ ଯାଇ କଥା ହୁଅନ୍ତୁ, ବୋଧହୁଏ ବଦଳି ଯାଇପାରେ।" ଅନ୍ୟ ଜଣେ ଲେଖିଛନ୍ତି, "୯ ବର୍ଷ ପରେ ଆଣ୍ଟି ଆପଣଙ୍କର ଏକଥା ମନେ ପଡିଲା।" ଅନେକ ଲୋକ ମହିଳାଙ୍କ ସ୍ୱାମୀ ଏହି ବିଷୟ ଜାଣିବା ପରେ କଣ ପ୍ରତିକ୍ରିୟା ଦେଲେ, ତାହା ଦେଖିବାକୁ ମଧ୍ୟ ଇଚ୍ଛା ପ୍ରକାଶ କରିଛନ୍ତି। ସୂଚନାଯୋଗ୍ୟ ଯେ, କଳାଧନ ରୋକିବା ପାଇଁ ସରକାର ୨୦୧୬ରେ ଏହି ପୁରୁଣା ନୋଟକୁ ବନ୍ଦ କରି ଦିଆଯାଇଥିଲେ, କିନ୍ତୁ ଆଜି ମଧ୍ୟ ଅନେକ ଲୋକଙ୍କ ଘରୁ ଏଭଳି ପୁରୁଣା ନୋଟ୍ ବାହାରୁଥିବା ଘଟଣା ସାମ୍ନାକୁ ଆସୁଛି।

ନୂଆଦିଲ୍ଲୀ(ଏଜେନ୍ସି): ଭାରତୀୟ ନାଗରିକ ତଥା କମ୍ପାନୀଗୁଡିକ ଦ୍ୱାରା ସ୍ୱିସ୍ ବ୍ୟାଙ୍କରେ କେତେ ଟଙ୍କା ଜମା କରାଯାଇଛି ସେ ସମ୍ପର୍କରେ ସରକାରଙ୍କ ନିକଟରେ କୌଣସି ସୂଚନା ନାହିଁ। ଏହି ଜମା ଅର୍ଥର ପ୍ରକୃତ ପରିମାଣ ନେଇ କୌଣସି ସରକାରୀ ଆକଳନ କରାଯାଇ ନ ଥିବା କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର ଲୋକସଭାରେ ଏକ ପ୍ରଶ୍ନର ଲିଖିତ ଉତ୍ତରରେ କହିଛନ୍ତି।

ସ୍ୱିସ୍ ବ୍ୟାଙ୍କରେ ଜମା ହୋଇଥିବା ଟଙ୍କା ଉପରେ ଏକ ପ୍ରଶ୍ନର ଉତ୍ତରରେ ସୀତାରମଣ କହିଛନ୍ତି ଯେ, ୨୦୨୦ ତୁଳନାରେ ୨୦୨୧ ମସିହାରେ ସ୍ୱିସ୍ ବ୍ୟାଙ୍କରେ ଭାରତୀୟଙ୍କର ଜମା ପରିମାଣ ବୃଦ୍ଧି ପାଇଛି। ଏହି ଜମା ଅର୍ଥଗୁଡିକ ସ୍ୱିଜରଲ୍ୟାଣ୍ଡରେ ଭାରତୀୟଙ୍କ ଦ୍ୱାରା ଧାର୍ଯ୍ୟ ହୋଇଥିବା କଳା ଟଙ୍କା ପରିମାଣକୁ ସୂଚିତ କରେ ନାହିଁ। ସେ କହିଛନ୍ତି ଯେ, ସ୍ୱିଜରଲ୍ୟାଣ୍ଡ କର୍ତ୍ତୃପକ୍ଷଙ୍କ ସୂଚନାନୁଯାୟୀ, ଭାରତୀୟଙ୍କ ଦ୍ୱାରା ସ୍ୱିଜରଲ୍ୟାଣ୍ଡରେ ଜମା ହୋଇଥିବା ଅର୍ଥର ବିଶ୍ଳେଷଣ ପାଇଁ ଏସ୍‌ଏନ୍‌ବି ବାର୍ଷିକ ବ୍ୟାଙ୍କିଙ୍ଗ ପରିସଂଖ୍ୟାନ ବ୍ୟବହାର କରାଯିବା ଉଚିତ ନୁହେଁ। ଏହା ପରିବର୍ତ୍ତେ, ଲୋକାଲ୍ ବ୍ୟାଙ୍କିଙ୍ଗ୍ ପରିସଂଖ୍ୟାନ ଯାହା ବ୍ୟାଙ୍କ ଫର୍ ଇଣ୍ଟରନ୍ୟାସନାଲ ସେଟଲମେଣ୍ଟସ୍ (ବିଏସ୍) ର ସହଯୋଗରେ ଏସ୍‌ଏନ୍‌ବି ସଂଗ୍ରହ କରିଥାଏ ତାହା ବ୍ୟବହାର କରାଯିବା ଉଚିତ୍‌। ସୀତାରମଣ କହିଛନ୍ତି, ବିଏସ୍‌ର ଲୋକାଲ ବ୍ୟାଙ୍କିଙ୍ଗ୍ ପରିସଂଖ୍ୟାନ ୨୦୨୧ ମସିହା ରିପୋର୍ଟ ଅନୁଯାୟୀ ସ୍ୱିସ୍ ବ୍ୟାଙ୍କରେ ଭାରତୀୟ ବ୍ୟକ୍ତି ବିଶେଷଙ୍କ ଜମା ରାଶିରେ ୮.୩ ପ୍ରତିଶତ ହ୍ରାସ ପାଇଛି।

ସେ କହିଛନ୍ତି ଯେ ନିକଟ ଅତୀତରେ ଅଘୋଷିତ ବିଦେଶୀ ସମ୍ପତ୍ତି ଏବଂ ଆୟକୁ ଟିକସ ପରିସର କରିବା ପାଇଁ ସରକାର ଅନେକ ଠୋସ୍ ଏବଂ ସକ୍ରିୟ ପଦକ୍ଷେପ ଗ୍ରହଣ କରିଛନ୍ତି। ସରକାର କଳା ଟଙ୍କା ଏବଂ ଟିକସ ଆଇନ ୨୦୧୫ ଆଣିଛନ୍ତି ଯେଉଁଥିରେ କଠୋର ଦଣ୍ଡବିଧାନ ବ୍ୟବସ୍ଥା ରହିଛି। ଏହି ଆଇନର ପ୍ରଭାବଶାଳୀ କାର୍ଯ୍ୟକାରିତା ପାଇଁ ସମଗ୍ର ଦେଶରେ ଆୟକର (ଅନୁସନ୍ଧାନ) ନିର୍ଦ୍ଦେଶକ ଜେନେରାଲଙ୍କ ଅଧୀନରେ ୨୯ ଟି ବିଦେଶୀ ସମ୍ପତ୍ତି ଅନୁସନ୍ଧାନ ୟୁନିଟ୍ ଗଠନ କରାଯାଇଛି ବୋଲି ମନ୍ତ୍ରୀ ଗୃହକୁ ସୂଚନା ଦେଇଛନ୍ତି। ବିଭିନ୍ନ ବର୍ଗର ବିଦେଶୀ ସମ୍ପତ୍ତି ମାମଲାର ତ୍ୱରିତ ତଥା ସମନ୍ୱିତ ଅନୁସନ୍ଧାନ(ପାନାମା ପେପର ଲିକ୍, ପାରାଡାଇଜ୍ ପେପର ଲିକ୍ ଏବଂ ସମ୍ପ୍ରତି) ପାଇଁ ଭିନ୍ନ କାର୍ଯ୍ୟନିର୍ବାହୀ ଏଜେନ୍ସି ଏବଂ ସଂଗଠନର ପ୍ରତିନିଧିଙ୍କୁ ନେଇ ସରକାର ଏକ ମଲ୍ଟି ଏଜେନ୍ସି ଗ୍ରୁପ୍ ଗଠନ କରିଛନ୍ତି। ମନ୍ତ୍ରୀ ସୂଚନା ଦେଇଛନ୍ତି ଯେ ଦୁଇ ଦେଶ ମଧ୍ୟରେ ଦ୍ବୈତ ଟିକସ ଏଡାଣ ଚୁକ୍ତିନାମା ଅନୁଯାୟୀ ସମ୍ପୃକ୍ତ ମାମଲାଗୁଡ଼ିକରେ ସୂଚନା ପାଇବା ପାଇଁ ଭାରତ ସ୍ୱିଜରଲ୍ୟାଣ୍ଡ ସହିତ ସକ୍ରିୟ ଭାବେ ଜଡ଼ିତ। ସୂଚନାର ଆଦାନପ୍ରଦାନ ଲାଗି ଭାରତ ସରକାର ବିଭିନ୍ନ ରାଷ୍ଟ୍ର ସହ ଦ୍ବୈତ ଟିକସ ଏଡାଣ ଚୁକ୍ତି/ଟିକସ ସୂଚନା ଏକ୍ସଚେଞ୍ଜ ଚୁକ୍ତି/ସାର୍କ ମଲ୍ଟି ଲାଟେରାଲ ଚୁକ୍ତି ସ୍ଵାକ୍ଷର କରିଛି।