ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ (Donald Trump) ଙ୍କ ଆକ୍ରମଣାତ୍ମକ ବାଣିଜ୍ୟ ନୀତି ଓ ଟାରିଫ୍ ବୃଦ୍ଧିକୁ ସାମ୍ନା କରିବା ପାଇଁ ଭାରତର ମୋଦୀ ସରକାର (Modi Government) ଏକ ବଡ଼ ରଣନୀତି ପ୍ରସ୍ତୁତ କରିଛନ୍ତି। ଆମେରିକାର ଚାପରେ ନଇଁବା ପରିବର୍ତ୍ତେ ଭାରତ ଗତ ୬ ବର୍ଷ ମଧ୍ୟରେ ୯ଟି ସ୍ୱତନ୍ତ୍ର ବାଣିଜ୍ୟ ଚୁକ୍ତି ବା ଏଫ୍‌ଟିଏ (FTA) ସ୍ୱାକ୍ଷର କରି ବିଶ୍ୱ ଅର୍ଥନୀତିରେ ନିଜର ଦବଦବା ଜାହିର କରିଛି।

ଟ୍ରମ୍ପଙ୍କ ନୀତି ଓ ଭାରତର ରଣନୀତି

ଟ୍ରମ୍ପ ପ୍ରଶାସନ ପକ୍ଷରୁ ଭାରତୀୟ ସାମଗ୍ରୀ ଉପରେ ୫୦% ପର୍ଯ୍ୟନ୍ତ ଟାରିଫ୍ ଲଗାଯିବା ପରେ ଏହାର ସିଧାସଳଖ ପ୍ରଭାବ ଭାରତୀୟ ଅର୍ଥନୀତି ଉପରେ ପଡ଼ିବ ବୋଲି ଆଶଙ୍କା କରାଯାଉଥିଲା। ତେବେ ଏହାକୁ ବିଫଳ କରିବା ପାଇଁ କେନ୍ଦ୍ର ସରକାର ନିଜର ରପ୍ତାନି ବଜାରକୁ ବିବିଧକରଣ (Diversify) କରିଛନ୍ତି। ଆମେରିକା ଉପରେ ନିର୍ଭରଶୀଳତା କମାଇ ଭାରତ ଅନ୍ୟ ଦେଶଗୁଡ଼ିକ ସହ ଦ୍ୱିପାକ୍ଷିକ ବାଣିଜ୍ୟ ସମ୍ପର୍କକୁ ମଜବୁତ କରିବା ଉପରେ ଗୁରୁତ୍ୱାରୋପ କରିଛି।

୬ ବର୍ଷରେ ୯ଟି ବଡ଼ ଚୁକ୍ତି

ଗତ କିଛି ବର୍ଷ ମଧ୍ୟରେ ଭାରତ ବିଭିନ୍ନ ଦେଶ ତଥା ସଙ୍ଗଠନ ସହିତ ଐତିହାସିକ ଚୁକ୍ତିମାନ କରିଛି। ଏଥିମଧ୍ୟରେ ୟୁରୋପୀୟ ସଂଘ (EU), ବ୍ରିଟେନ (UK), ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ, ଓମାନ ଏବଂ ଇଏଫ୍‌ଟିଏ (EFTA) ଭଳି ଦେଶ ଓ ସଙ୍ଗଠନ ସାମିଲ ଅଛନ୍ତି। ଏହି ମୁକ୍ତ ବାଣିଜ୍ୟ ଚୁକ୍ତିଗୁଡ଼ିକ ଜରିଆରେ ଭାରତୀୟ ବ୍ୟବସାୟୀମାନଙ୍କୁ ବିନା କୌଣସି ବଡ଼ ଶୁଳ୍କ (Zero Tariff) ରେ ବିଶ୍ୱର ୭୦% ଜିଡିପି ଅକ୍ତିଆର କରୁଥିବା ବଜାରରେ ପ୍ରବେଶ କରିବାକୁ ସୁଯୋଗ ମିଳିଛି।

ଭାରତୀୟ ଅର୍ଥନୀତି ଉପରେ ସକାରାତ୍ମକ ପ୍ରଭାବ

ମୋଦୀ ସରକାରଙ୍କ ଏହି ଦୂରଦୃଷ୍ଟିସମ୍ପନ୍ନ ପଦକ୍ଷେପ ଯୋଗୁଁ ଆମେରିକାର ଟାରିଫ୍ ନୀତି ଭାରତର ରପ୍ତାନି ଉପରେ କୌଣସି ନକାରାତ୍ମକ ପ୍ରଭାବ ପକାଇପାରି ନାହିଁ। ବରଂ ନୂତନ ବଜାର ସନ୍ଧାନ ମିଳିବା ଫଳରେ ଭାରତର ମୋଟ ରପ୍ତାନି ରେକର୍ଡ ସ୍ତରରେ ପହଞ୍ଚିଛି। ବିଶେଷ କରି ଇଲେକ୍ଟ୍ରୋନିକ୍ସ, ବସ୍ତ୍ର ଏବଂ କୃଷିଜାତ ସାମଗ୍ରୀ କ୍ଷେତ୍ରରେ ବିଦେଶୀ ବଜାରରେ ଭାରତୀୟ ସାମଗ୍ରୀର ଚାହିଦା ବହୁଗୁଣିତ ହୋଇଛି, ଯାହା ଭାରତୀୟ ଅର୍ଥନୀତିକୁ ଅଧିକ ସୁଦୃଢ଼ କରିବାରେ ପ୍ରମୁଖ ଭୂମିକା ଗ୍ରହଣ କରିଛି।

ମହିଳା ସଂରକ୍ଷଣ ବିଧେୟକକୁ ନେଇ ସଂସଦର ସ୍ୱତନ୍ତ୍ର ଅଧିବେଶନ ପୂର୍ବରୁ କେନ୍ଦ୍ର ସରକାରଙ୍କ ଉଦ୍ଦେଶ୍ୟ ଉପରେ ପ୍ରଶ୍ନ ଉଠାଇଛନ୍ତି କଂଗ୍ରେସ ସଂସଦୀୟ ଦଳର ଅଧ୍ୟକ୍ଷା ସୋନିଆ ଗାନ୍ଧୀ । ସେ ଅଭିଯୋଗ କରିଛନ୍ତି ଯେ, ସରକାର ଏହି ପ୍ରସଙ୍ଗରେ 'ଅସାଧାରଣ ତତ୍ପରତା' ଦେଖାଉଛନ୍ତି, ଯାହାର ମୂଳ ଉଦ୍ଦେଶ୍ୟ ଆଗାମୀ ବିଧାନସଭା ନିର୍ବାଚନରେ ରାଜନୈତିକ ଫାଇଦା ଉଠାଇବା ହୋଇପାରେ ।

ସମ୍ବିଧାନ ଉପରେ ଆକ୍ରମଣ

'ଦ ହିନ୍ଦୁ' ଖବରକାଗଜରେ ପ୍ରକାଶିତ ଏକ ଆର୍ଟିକିଲ୍‌ରେ ସୋନିଆ ଗାନ୍ଧୀ ଲେଖିଛନ୍ତି ଯେ, ଆଗାମୀ ଏପ୍ରିଲ ୧୬ରୁ ୧୮ ତାରିଖ ଯାଏଁ ଆହୂତ ସଂସଦର ସ୍ୱତନ୍ତ୍ର ଅଧିବେଶନର ମୁଖ୍ୟ ପ୍ରସଙ୍ଗ ମହିଳା ସଂରକ୍ଷଣ ନୁହେଁ, ବରଂ 'ପରିସୀମନ' ଅଟେ । ସେ କହିଛନ୍ତି ଯେ, ସରକାରଙ୍କ ଏହି ପରିସୀମନ ପ୍ରସ୍ତାବ ଅତ୍ୟନ୍ତ ବିପଜ୍ଜନକ ଏବଂ ଏହା ସିଧାସଳଖ ଭାବରେ ସମ୍ବିଧାନ ଉପରେ ଆକ୍ରମଣ ।

ଜାତିଗତ ଜନଗଣନାକୁ ଏଡ଼ାଇବା ପାଇଁ ପ୍ରୟାସ

ସୋନିଆ ଗାନ୍ଧୀ ଅଭିଯୋଗ କରିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରକୃତ ଉଦ୍ଦେଶ୍ୟ ହେଉଛି ଜାତିଗତ ଜନଗଣନା ପ୍ରସଙ୍ଗକୁ ଏଡ଼ାଇବା ଏବଂ ବିଳମ୍ବ କରିବା । ସେ ମହିଳା ସଂରକ୍ଷଣରେ ଓବିସି (OBC) ବର୍ଗର ମହିଳାମାନଙ୍କ ପାଇଁ ସ୍ୱତନ୍ତ୍ର କୋଟା ଦାବିକୁ ମଧ୍ୟ ଦୋହରାଇଛନ୍ତି । ଏହି ପ୍ରସଙ୍ଗକୁ ନେଇ ବର୍ତ୍ତମାନ ରାଜନୀତି ଜୋର ଧରିଥିବା ବେଳେ ଆଗାମୀ ଦିନରେ ସଂସଦରେ ଏହାକୁ ନେଇ ତୀବ୍ର ବିତର୍କ ହେବାର ସମ୍ଭାବନା ରହିଛି ।

ସର୍ବଦଳୀୟ ବୈଠକ ପାଇଁ ଦାବି

ତାମିଲନାଡୁ ଏବଂ ପଶ୍ଚିମବଙ୍ଗରେ ନିର୍ବାଚନ ପ୍ରଚାର ଜୋରସୋରରେ ଚାଲିଥିବା ବେଳେ ସରକାର ଏହି ଆଇନକୁ ତରବରିଆ ଭାବେ ପାରିତ କରିବାକୁ ଚାହୁଁଥିବା ସେ ଅଭିଯୋଗ କରିଛନ୍ତି । ସେ ଦାବି କରିଛନ୍ତି ଯେ, ନିର୍ବାଚନ ଶେଷ ହେବା ପରେ ଏକ ସର୍ବଦଳୀୟ ବୈଠକ ଡକାଯାଉ ଏବଂ ସବୁ ଦଳର ମତାମତ ନିଆଯିବା ପରେ ହିଁ ମୌସୁମୀ ଅଧିବେଶନରେ ଏହି ବିଧେୟକକୁ ଆଲୋଚନା ପାଇଁ ଅଣାଯାଉ । ପରିସୀମନ ପୂର୍ବରୁ ଦେଶରେ ଜନଗଣନା କରାଯିବା ନିହାତି ଆବଶ୍ୟକ ଏବଂ ଏହା ରାଜନୈତିକ ସ୍ତରରେ ସନ୍ତୁଳିତ ହେବା ଉଚିତ ବୋଲି ସୋନିଆ ଗାନ୍ଧୀ ମତ ରଖିଛନ୍ତି ।

ନୂଆଦିଲ୍ଲୀ  : ପୁଣିଥରେ କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧି ମୋଦି ସରକାରଙ୍କୁ ଟାର୍ଗେଟ୍‌ କରିଛନ୍ତି। ଏଥର ବେରୋଜଗାରୀକୁ ପ୍ରମୁଖ ମୁଦ୍ଦାକରି ପୁଣି ମୋଦି ସରକାରକୁ କାଠଗଡାକୁ ଟାଣିଛନ୍ତି ରାହୁଲ ଗାନ୍ଧି । କେବଳ ସେତିକି ନୁହେଁ ମୁଦ୍ରାସ୍ଫୀତି ଏବଂ ଦେଶରେ ଚାଲିଥିବା ମହଙ୍ଗା ମାଡକୁ ନେଇ ବି କେନ୍ଦ୍ରକୁ ଟାର୍ଗେଟ୍‌ କରିଛନ୍ତି ରାହୁଲ। କେନ୍ଦ୍ର ବିରୋଧରେ ଗୁରୁତର ଅଭିଯୋଗ ଆଣି ସେ କହିଛନ୍ତି ଯେ ମୋଦୀ ସରକାର ଦେଶରେ ଏକଛତ୍ରବାଦୀ ଶାସକ ଚଳାଇଛନ୍ତି। ଯୁବକମାନଙ୍କୁ ବେକାର କରି ସରକାର କୋଟି କୋଟି ପରିବାରର ଆଶା ଭାଙ୍ଗୁଛନ୍ତି ବୋଲି କହିଛନ୍ତି। ଆଉ ନିଜର ହକ୍‌ ଦାବି କରି ବେରୋଜଗାର ଯୁବବଯୁବତୀମାନେ ଯେବେ ପ୍ରଶ୍ନ ପଚାରୁଛନ୍ତି, ବିରୋଧ ପଦର୍ଶନ କରୁଛନ୍ତି ସେବେ ତାଙ୍କୁ ଗିରଫ କରାଯାଉଛି।

सवाल मत पूछो
आवाज़ मत उठाओ
शांतिपूर्ण प्रदर्शन मत करो
नए भारत में हक मांगने पर होगी गिरफ़्तारी

युवाओं को बेरोज़गार बना कर, करोड़ों परिवारों की आस तोड़ कर, देश का भविष्य उजाड़ रही है ये तानाशाह सरकार। pic.twitter.com/7QKk8XnlMi

— Rahul Gandhi (@RahulGandhi) July 17, 2022

ଏହାପୂର୍ବରୁ ରାହୁଲ ଗାନ୍ଧୀ ଗତ ପାଞ୍ଚ ବର୍ଷ ମଧ୍ୟରେ ୨୦ ରୁ ୨୪ ବର୍ଷ ବୟସର ଯୁବକଯୁବତୀମାନଙ୍କ ମଧ୍ୟରେ ବେକାରୀ ହାରକୁ ଦ୍ୱିଗୁଣିତ କରିଥିବା ଅଭିଯୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବର୍ଷିଥିଲେ। ରାହୁଲ ଗାନ୍ଧି କହିଛନ୍ତି, ‘ଦେଶର କୋଟି କୋଟି ଯୁବକଙ୍କୁ ବେରୋଜଗାର କରାଇଛନ୍ତି କେନ୍ଦ୍ର ସରକାର । ସରକାରଙ୍କ ପ୍ରତିଶ୍ରୁତି କେବଳ ପାଣିର ଗାରରେ ପରିଣତ ହୋଇଛି । ନୂଆ ଭାରତରେ ଯଦି କେହି ହକ୍‌ ମାଗୁଛନ୍ତି ତେବେ ସେମାନଙ୍କୁ ଗିରଫ କରାଯାଉଛି। କେନ୍ଦ୍ରର ତାନାଶାହ ଶାସନ ଯୁବପିଢିଙ୍କ ଭବିଷ୍ୟତ ଉଜାଡି ଦେଉଛି ବୋଲି ରାହୁଲ କହିଛନ୍ତି।

ରାହୁଲ ଗାନ୍ଧୀ ଆଜି ଟ୍ବିଟ କରି କହିଛନ୍ତି ପ୍ରଶ୍ନ ପଚାର ନାହିଁ, ସ୍ୱର ଉତ୍ତୋଳନ କର ନାହିଁ, ଶାନ୍ତିପୂର୍ଣ୍ଣ ଭାବରେ ବିରୋଧ କର ନାହିଁ, ଏହା ନୂଆ ଭାରତ, ଯେଉଁଠି ନିଜର ଅଧିକାର ଦାବିକଲେ  ଗିରଫ କରାଯିବ। ଏଥି ସହିତ ଟ୍ବିଟରେ ଜଣେ ଛାତ୍ରୀଙ୍କ ଭିଡିଓ ସେୟାର କରିଛନ୍ତି ରାହୁଲ। ନୂଆ ଭାରତରେ ଯଦି ନିଜର ହକ୍‌ ମାଗିବେ ତେବେ ଗିରଫଦାରୀ ହେବା ସୁନିଶ୍ଚିତ। ଯୁବ ବର୍ଗଙ୍କୁ ବେକାରୀ କରି କୋଟି କୋଟି ପରିବାରର ଆଶାକୁ ଧୂଳିସାତ୍‌ କରୁଛି ତାନାଶାହ ସରକାର’।

“देश निराशा की गर्त में डूबा है”

ये आपके ही शब्द हैं ना, प्रधानमंत्री जी?

उस वक़्त आप जितना शोर मचाते थे, आज रूपए की कीमत तेज़ी से गिरती देखकर उतने ही 'मौन' हैं। #अबकी_बार_80_पार pic.twitter.com/i9RHSVbglf

— Rahul Gandhi (@RahulGandhi) July 15, 2022

ପୂର୍ବରୁ ଡଲାର ତୁଳନାରେ ଟଙ୍କାର ମୂଲ୍ୟ ବୃଦ୍ଧିକୁ ନେଇ ମଧ୍ୟ କେନ୍ଦ୍ର ସରକାରଙ୍କୁ କଟାକ୍ଷ କରିଥିଲେ ରାହୁଲ ଗାନ୍ଧି । କହିଥିଲେ, ଦେଶ ଏବେ ନିରାଶର ଗର୍ତ୍ତରେ ଡୁବି ଯାଇଛି । ଟ୍ବିଟ କରି ରାହୁଲ ଲେଖିଥିଲେ, ‘ଅବ୍‌ କି ବାର୍‌ ୮୦ ପାର୍‌’। ଏହା ସହିତ ବେରୋଜଗାରୀ ଓ ମହ‌ଙ୍ଗା ମାଡକୁ ନେଇ ମଧ୍ୟ କେନ୍ଦ୍ରର ମୋଦି ସରକାରଙ୍କୁ ସମାଲୋଚନା କରିଥିଲେ ରାହୁଲ ଗାନ୍ଧି ।