କଲମ୍ବୋ: ଶ୍ରୀଲଙ୍କାରେ ପୁଣି ଆର୍ଥିକ ସଙ୍କଟ ଗମ୍ଭୀର ରୂପ ନେବାରେ ଲାଗିଛି। ଏବେ ଦେଶର ବୈଦେଶିକ ମୁଦ୍ରା ଭଣ୍ଡାରରେ ୫୦୦ ନିୟୁତ ଡଲାର ହ୍ରାସ ଘଟିଛି। ଗତ ଏକ ବର୍ଷ ମଧ୍ୟରେ ଶ୍ରୀଲଙ୍କା ଟଙ୍କା ମୂଲ୍ୟରେ ୪୫%ହ୍ରାସ ପାଇଛି। ଏଠାରେ ୧ ଆମେରିକୀୟ ଡଲାରର ମୂଲ୍ୟ ୩୬୫ ଟଙ୍କା ହୋଇଛି। ଅର୍ଥ ଅଭାବରୁ ଦେଶରେ ୯ ମାର୍ଚ୍ଚରେ ହେବାକୁ ଥିବା ସ୍ଥାନୀୟ ନିର୍ବାଚନକୁ ସ୍ଥଗିତ ରଖାଯାଛି। ମାର୍ଚ୍ଚ ୩ ରେ ନିର୍ବାଚନ ପାଇଁ ନୂତନ ତାରିଖ ଘୋଷଣା କରାଯିବ ବୋଲି ଆଶା କରାଯାଉଛି।

ପ୍ରକାଶଥାଉକି, ରାନିଲ ୱିକ୍ରେମସିଘେଂ ସରକାର ବର୍ତ୍ତମାନ ଦେଶ ନିକଟରେ ମାତ୍ର ୨ ବିଲିୟନ୍‌ ଡଲାରର ବୈଦେଶିକ ମୁଦ୍ରା ଭଣ୍ଡାର ରହିଥିବା ପ୍ରକାଶ କରିଛନ୍ତି। ଏଥିମଧ୍ୟରୁ ପ୍ରାୟ ୧.୫ ବିଲିୟନ ଡଲାର ଚାଇନାର ବାଲାନ୍ସ ପେମେଣ୍ଟ ଭାବରେ ପ୍ରଦାନ କରାଯାଇଛି। ଶ୍ରୀଲଙ୍କା ଏହି ଟଙ୍କାକୁ ଅତି କଷ୍ଟଦାୟକ ପରିସ୍ଥିତିରେ ବ୍ୟବହାର କରିପାରିବ ଯେପରିକି ଯେତେବେଳେ ସେ ଋଣ ପରିଶୋଧ କରିପାରିବନାହିଁ।

ଭାରତ ସମ୍ପୂର୍ଣ୍ଣ ସମର୍ଥନ ନିଶ୍ଚିତ କରିଛି
ଦ୍ବୀପ ଦେଶକୁ ଋଣ ଋଣ ଦେବା ନେଇ ଆମେରିକା ଏବଂ ଜାପାନ ଆଇଏମ୍‌ଏଫ୍‌ ଉପରେ ଚାପ ସୃଷ୍ଟି କରିପାରନ୍ତି, ଯାହା ଉପରେ ଏବେ ଶ୍ରୀଲଙ୍କାର ଆର୍ଥିକ ସ୍ଥିତି ନିର୍ଭର କରୁଛି। ଅନ୍ୟପକ୍ଷରେ, ଆଇଏମଏଫର ଋଣ ଉପରେ ହୋଇଥିବା ବିଶ୍ଳେଷଣକୁ ଦେଖି ଭାରତ ଶ୍ରୀଲଙ୍କାକୁ ସମ୍ପୂର୍ଣ୍ଣ ସମର୍ଥନ କରିବ ବୋଲି କହିଛି। ଶ୍ରୀଲଙ୍କାର ଋଣ ଅବଧିକୁ ୧୦ ବର୍ଷ ବୃଦ୍ଧି କରିବାକୁ ଆଇଏମଏଫ ଚୀନ୍‌କୁ ପ୍ରସ୍ତାବ ଦେଇଛି। ଅନ୍ୟପକ୍ଷରେ, ଚୀନ୍ ଶ୍ରୀଲଙ୍କାକୁ ସାହାଯ୍ୟ କରୁନାହିଁ କାରଣ ଯଦି ଏହା କରେ ତେବେ ‘ବେଲ୍ଟ ରୋଡ୍ ଇନିସିଏଟିଭ୍’ ପରିଯୋଜନା ସହିତ ଜଡିତ ଆଫ୍ରିକୀୟ ଦେଶମାନଙ୍କୁ ମଧ୍ୟ ସାହାଯ୍ୟ କରିବାକୁ ପଡିବ ଯେଉଁମାନେ ଋଣ ପରିଶୋଧ କରିବାରେ ସକ୍ଷମ ନୁହଁନ୍ତି। କୌଣସି ସର୍ତ୍ତ ବିନା ଅର୍ଥନୈତିକ ସଙ୍କଟରୁ ମୁକ୍ତି ପାଇବା ପାଇଁ ଚୀନ୍ ପାକିସ୍ତାନକୁ ମାତ୍ର ୭୦୦ ନିୟୁତ ଡଲାର ଦେଇଛି। ଏହା ପରେ ପାକିସ୍ତାନର ବୈଦେଶିକ ମୁଦ୍ରା ଭଣ୍ଡାର ୩.୨ ବିଲିୟନ ଡ଼ଲାରରେ ପହଞ୍ଚିଛି, ଯାହା ସାହାଯ୍ୟରେ ଏହା ୩ ସପ୍ତାହ ପାଇଁ ଆମଦାନୀ କରିବାକୁ ସକ୍ଷମ ହେବ।

କଲମ୍ବୋ: ଭୟଙ୍କର ଆର୍ଥିକ ସଙ୍କଟରୁ ଶ୍ରୀଲଙ୍କାକୁ ଉଦ୍ଧାର କରିବ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌)। ଶ୍ରୀଲଙ୍କାକୁ ୨.୯ ବିଲିୟନ ଡଲାର ଋଣ ଦେବା ପାଇଁ ଆଇଏମ୍‌ଏଫ୍‌ ରାଜି ହୋଇଛି। ସ୍ୱାଧୀନତା ପରଠାରୁ ଶ୍ରୀଲଙ୍କା ଆଜି ଯାଏଁର ସବୁଠୁ ବଡ଼ ଆର୍ଥିକ ସଙ୍କଟର ସାମନା କରୁଛି। ଦେଶରେ ବୈଦେଶିକ ମୁଦ୍ରାର ଘୋର ଅଭାବ ରହିଛି, ଯେଉଁ କାରଣରୁ ଏହା ଅତ୍ୟାବଶ୍ୟକ ସାମଗ୍ରୀ ଆମଦାନୀ କରିବାରେ ଅସମର୍ଥ ହେଉଛି । ଆଇଏମ୍ଏଫ୍ ଏକ ବିବୃତ୍ତିରେ କହିଛି ଯେ ଆଇଏମ୍ଏଫ୍ ପ୍ରାୟ ୨.୯ ବିଲିୟନ ଡ଼ଲାରର ବିସ୍ତାରିତ ପାଣ୍ଠି ସୁବିଧା ଅଧୀନରେ ୪୮ ମାସର ଋଣ ପାଇଁ ରାଜି ହୋଇଛି। ଆଇଏମ୍ଏଫ୍ ଆହୁରି ମଧ୍ୟ କହିଛି ଯେ ଆଇଏମ୍ଏଫ୍ ଏବଂ ଶ୍ରୀଲଙ୍କାର ଅଧିକାରୀମାନେ ଅବରୋଧିତ ଦେଶର ଅର୍ଥନୈତିକ ନୀତିକୁ ସମର୍ଥନ କରିବାକୁ କର୍ମଚାରୀ ସ୍ତରୀୟ ଚୁକ୍ତିରେ ସହମତ ହୋଇଛନ୍ତି। ଏହି ବ୍ୟବସ୍ଥା ଅନୁଯାୟୀ, ୪୮ ମାସ ମଧ୍ୟରେ ବିସ୍ତାରିତ ପାଣ୍ଠି ସୁବିଧା ରେ ୨.୯ ବିଲିୟନ ଡ଼ଲାର ଋଣ ଯୋଗାଇ ଦିଆଯିବ। ଆର୍ଥିକ ସହାୟତା ଦେବା ପୂର୍ବରୁ ଆଇଏମ୍ଏଫ୍ ଶ୍ରୀଲଙ୍କାକୁ ଅନେକ ସଂସ୍କାର ପଦକ୍ଷେପ ନେବାକୁ କହିଥିଲେ। ସେହିପରି ପାକିସ୍ତାନକୁ ମଧ୍ୟ ସାହାଯ୍ୟ ଯୋଗାଇଦେବା ଲାଗି ଆଇଏମ୍‌ଏଫ୍‌ ହାତ ବଢାଇଛି।

ନୂଆଦିଲ୍ଲୀ: ଶେଷରେ ଶ୍ରୀଲଙ୍କା ରାଷ୍ଟ୍ରପତି ପଦରୁ ଇସ୍ତଫା ଦେଲେ ଗୋଟବାୟା ରାଜପକ୍ଷେ । ଶ୍ରୀଲଙ୍କା ରାଷ୍ଟ୍ରପତି ତାଙ୍କ ଇସ୍ତଫା ପତ୍ର ବାଚସ୍ପତି ମହିନ୍ଦା ୟାପାଙ୍କ ନିକଟକୁ ଇମେଲ ଜରିଆରେ ପଠାଇଛନ୍ତି । ଏ ନେଇ ସ୍ପଷ୍ଟ କରିଛନ୍ତି ଶ୍ରୀଲଙ୍କା ବାଚସ୍ପତି ମହିନ୍ଦା ୟାପା ।

ଅର୍ଥନୈତିକ ସଙ୍କଟକୁ ନେଇ ଶ୍ରୀଲଙ୍କାରେ ଗୃହଯୁଦ୍ଧ ସ୍ଥିତି । କ’ଣ ହେବ ଶ୍ରୀଲଙ୍କାର ଭବିଷ୍ୟତ ? କିଏ ହେବେ ସଙ୍କଟମୋଚକ ? ଦୀର୍ଘଦିନ ଧରି ସରକାରଙ୍କ ବିରୋଧରେ କୁହୁଳୁଥିବା ଅସନ୍ତୋଷର ହିଂସ୍ରକ ପରିଣାମ ଦେଖିବାକୁ ମିଳିଛି । ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି, ସରକାରଙ୍କ ଦୂରଦର୍ଶିତା ଅଭାବରୁ ଧ୍ୱସ୍ତ ହୋଇଛି ଦେଶର ଅର୍ଥନୀତି । ଏଭଳି ପରିସ୍ଥିତିରେ ରାଷ୍ଟ୍ରପତି ଗୋଟବାୟା ରାଜପକ୍ଷେ ଦେଶଛାଡି ପଳାୟନ କରିଥିଲେ । ପ୍ରଥମେ ମାଲଦ୍ୱୀପ ପରେ ରାଜପକ୍ଷେ ସିଙ୍ଗାପୁରରେ ପହଞ୍ଚିଛନ୍ତି ।

ଅନ୍ୟପଟେ ସିଙ୍ଗାପୁରର ବିଦେଶ ମନ୍ତ୍ରଣାଳୟ ଅନୁସାରେ ରାଜପକ୍ଷେ ଶରଣ ମାଗି ନାହାନ୍ତି କି, ତାଙ୍କୁ କୌଣସି ଶରଣ ଦିଆଯାଇ ନାହିଁ । ସେ ବ୍ୟକ୍ତଗତ ଗସ୍ତରେ ସିଙ୍ଗାପୁର ଆସିଛନ୍ତି ବୋଲି ସୂଚନା ଦିଆଯାଇଛି । ଏପଟେ ଦେଶ ଛାଡି ରାଷ୍ଟ୍ରପତି ଗୋଟବାୟା ରାଜପାକ୍ଷେ ଯିବା ପରେ ଶ୍ରୀଲଙ୍କାର ସ୍ଥିତି ଆହୁରି ସଙ୍ଗୀନ ହେବାରେ ଲାଗିଛି । ରାଜଧାନୀ କଲମ୍ବୋଠୁ ଆରମ୍ଭ କରି ବିଭିନ୍ନ ପ୍ରାନ୍ତରେ କେବଳ ଆଉ କେବଳ ହିଂସା, ପ୍ରତିବାଦ, ବିକ୍ଷୋଭ ଓ ପୋଡାଜଳା ଜାରି ରହିଛି । ସୁନାର ଲଙ୍କାରେ ଲାଗିଛି ସଙ୍କଟ ଓ ଆକ୍ରୋଶର ନିଆଁ । ଦେଶର ବିଭିନ୍ନ ସରକାରୀ କାର୍ଯ୍ୟାଳୟ ସହ ପ୍ରଧାନମନ୍ତ୍ରୀ ଆବାସ, ରାଷ୍ଟ୍ରପତି ଭବନ, ସଂସଦ ଭବନକୁ କବଜା କରିଛନ୍ତି ।