ନୂଆଦିଲ୍ଲୀ: ସୂର୍ଯ୍ୟ ଏବେ ତାହାର ସବୁଠାରୁ ସକ୍ରିୟ ପର୍ଯ୍ୟାୟ ଦେଇ ଗତି କରୁଛି। ନିକଟରେ ସୂର୍ଯ୍ୟ ପୃଷ୍ଠରେ ଅନେକ ବଡ଼ ବିସ୍ଫୋରଣ ଘଟିଛି। ଫଳରେ ମାତ୍ର ଗୋଟିଏ ଦିନରେ ୨୭ଟି ସୌର ଝଡ଼ ହୋଇଛି। ଏହି ଝଡ଼ଗୁଡିକ ମଧ୍ୟରୁ କେତେକ ଅତ୍ୟନ୍ତ ଶକ୍ତିଶାଳୀ ଏକ୍ସ କ୍ଲାସ (ସବୁଠାରୁ ଭୟଙ୍କର ଶ୍ରେଣୀ)ର ଅଟନ୍ତି । ଏହି ଝଡ଼କୁ ନେଇ ରେଡ଼ିଓ ବ୍ଳାକ ଆଉଟ ହେବା ନେଇ ଇସ୍ରୋ ଚେତାବନୀ ଦେଇଛି। ଏହାଫଳରେ ପୃଥିବୀ ବାୟୁମଣ୍ଡଳରେ ଚୁମ୍ବକୀୟ ବିକିରଣ ବୃଦ୍ଧି ପାଇବ ଓ ଏହାଦ୍ୱାରା ବହୁ ସମସ୍ୟା ସୃଷ୍ଟି ହେବ । ଜିପିଏସ୍‌ ଓ ନେଭିଗେସନ୍‌ ସିଗନାଲରେ ବାଧା ସୃଷ୍ଟି ହୋଇପାରେ । ଫଳରେ ଗୁଗଲ ମ୍ୟାପ୍‌ ଓ ଅନ୍ୟାନ୍ୟ ନେଭିଗେସନ ସେବା ଭୁଲ ତଥ୍ୟ ଦେବାର ଆଶଙ୍କା ସୃଷ୍ଟି ହୋଇଛି । ମହାକାଶରେ ଥିବା ଉପଗ୍ରହଗୁଡ଼ିକର ସେନ୍ସର ଖରାପ ହୋଇପାରେ। ଯାହା ଫଳରେ ଟେଲିଭିଜନ ଓ ଇଣ୍ଟରନେଟ ଯୋଗାଯୋଗରେ ସମସ୍ୟା ସୃଷ୍ଟି ହୋଇପାରେ। ବିମାନ ଚଳାଚଳରେ ମଧ୍ୟ ସମସ୍ୟା ଦେଖାଦେବ। ସୌର ଝଡ଼ ସମୟରେ ବିମାନଗୁଡିକର ରେଡ଼ିଓ ଯୋଗଯୋଗ ବିଚ୍ଛିନ୍ନ ହୋଇପାରେ। ବିଶେଷ କରି ମେରୁ ଅଞ୍ଚଳ ଦେଇ ଯାଉଥିବା ବିମାନଗୁଡ଼ିକ ଉପରେ ଏହାର ବଡ଼ ପ୍ରଭାବ ପଡ଼ିବ। ଅତ୍ୟଧିକ ଶକ୍ତିଶାଳୀ ଝଡ଼ କାରଣରୁ ବିଦ୍ୟୁତ ଟ୍ରାନ୍ସଫରମରଗୁଡ଼ିକ ଜଳିଯିବାର ସମ୍ଭାବନା ମଧ୍ୟ ରହିଛି । ଫଳରେ ବଡ଼ ଧରଣର ବ୍ଲାକଆଉଟ ହେବ ବୋଲି ସତର୍କ କରାଯାଇଛି।

ସୂଚନାଯୋଗ୍ୟ ଯେ, ପୃଥିବୀ ନିଜସ୍ୱ ଚୁମ୍ବକୀୟ କ୍ଷେତ୍ର ଥାଏ ଓ ଏହା ଆମକୁ ସୌର ବିକିରଣରୁ ରକ୍ଷା କରେ। କିନ୍ତୁ ଯେତେବେଳେ ସୌର ଝଡ଼ର ମାତ୍ରା ଅଧିକ ହୁଏ, ସେତେବେଳେ ଏହା ବାୟୁମଣ୍ଡଳର ଉପରି ଭାଗରେ ଥିବା ଆୟୋନୋସ୍ପିୟରକୁ ପ୍ରଭାବିତ କରିଥାଏ। ବୈଜ୍ଞାନିକମାନଙ୍କ ଅନୁଯାୟୀ, ଏହି ଝଡ଼ର ପ୍ରଭାବରେ ଆକାଶରେ ଚମତ୍କାର ରଙ୍ଗୀନ ଆଲୋକ ବା ଏରୋରା ମଧ୍ୟ ଦେଖିବାକୁ ମିଳିବ। ସୌର ଝଡ଼ ଯେତେବେଳେ ପୃଥିବୀ ଆଡ଼କୁ ଆସିଥାଏ, ସେତେବେଳ ଉପଗ୍ରହ, ଟେଲିଭିଜନ ସିଗନାଲଗୁଡ଼ିକ ବିପର୍ଯ୍ୟସ୍ତ କରେ ଓ ରାଡ଼ାର, ପାୱାରଗ୍ରୀଡ଼କୁ ପ୍ରଭାବିତ କରିଥାଏ। 

ନୂଆଦିଲ୍ଲୀ : ଗତ କିଛି ମାସ ମଧ୍ୟରେ ସୂର୍ଯ୍ୟରେ ଛୋଟ ବଡ ବିକିରଣ ଜନିତ ବିସ୍ଫୋରଣ ବୃଦ୍ଧି ପାଇବାରେ ଲାଗିଛି। ସୋମବାର ସୂର୍ଯ୍ୟରେ ଏକ ବଡ଼ ବିସ୍ଫୋରଣ ହୋଇଥିଲା, ଯାହାକି ଲଗାତାର ୮ ଘଣ୍ଟା ଧରି ଚାଲିଥିଲା ​​। ଏହା ନାସାର ସୋଲାର ଡାଇନାମିକ୍ସ ଅବଜରଭେଟୋରୀ ଏବଂ SOHO ଅବଜରଭେଟୋରୀ ଦ୍ୱାରା ରେକର୍ଡ କରାଯାଇଥିଲା । ବିସ୍ଫୋରଣର ପ୍ରଭାବ ପୃଥିବୀର  ଦକ୍ଷିଣ ପୂର୍ବ ଏସିଆରେ ଦେଖିବାକୁ ମିଳିଛି । ଜାପାନ ଏବଂ ଏହାର ଆଖପାଖ କେତେକ ଅଂଚଳରେ ରେଡିଓ ବ୍ଲାକଆଉଟ ଦେଖିବାକୁ ମିଳିଥିଲା। ୧୫ ଜୁନ ଅର୍ଥାତ ଆସନ୍ତାକାଲି ଏହି ବିସ୍ଫୋରଣ ପୃଥିବୀର ନିକଟତର ହେବ ବୋଲି ଆଶଙ୍କା କରାଯାଉଛି । ଏହା ଦ୍ୱାରା ପୃଥିବୀର ମ୍ୟାଗ୍ନେଟିକ ହିଲରେ ଅସ୍ଥିରତା ସୃଷ୍ଟି ହୋଇପାରେ ।

ଭାରତର ସେଂଟର ଅଫ ଏକ୍ସିଲେନ୍ସ ଇନ ସ୍ପେସ ସାଇନ୍ସ ଅନୁସାରେ ୬୪୫ରୁ ୯୨୨ କିଲୋମିଟର ପ୍ରତି ସେକେଣ୍ଡରେ ପୃଥିବୀରେ ଏହା ମାଡ ହେବ । ଏହାର ପ୍ରଭାବ ବେଶ କିଛି ଦିନ ରହିବ ବୋଲି ସେମାନେ କହିଛନ୍ତି । ଏହି ସୋଲାର ଷ୍ଟ୍ରମ କେତେ ମାତ୍ରାରେ ଭୟଙ୍କର ତାହା ସ୍ପଷ୍ଟ ହୋଇପାରି ନାହିଁ ।

ସୌର ଝଡ କଣ ? 

ଏହା ସୂର୍ଯ୍ୟଙ୍କଠାରୁ ବାହାରୁଥିବା ବିକିରଣ ଯାହାକି ସମଗ୍ର ସୌର ପ୍ରଣାଳୀକୁ ପ୍ରଭାବିତ କରିବାର କ୍ଷମତା ରଖିଥାଏ । ଏହା ପୃଥିବୀର ଚୁମ୍ବକୀୟ କ୍ଷେତ୍ରକୁ ପ୍ରଭାବିତ କରୁଥିବା ଏକ ବିପର୍ଯ୍ୟୟ । ଏହା ପୃଥିବୀର ବାୟୁମଣ୍ଡଳର ଶକ୍ତି ଉପରେ ମଧ୍ୟ ପ୍ରଭାବ ପକାଇଥାଏ । ସୌର ଝଡ଼ ଅନେକ ବର୍ଗର ହୋଇପାରେ।

ଅନେକ ଦେଶରେ ରେଡିଓ ବ୍ଲାକଆଉଟ୍ ହୋଇଥିଲା 

ବୈଜ୍ଞାନିକମାନେ କହିଛନ୍ତି ଯେ ଗତକାଲିର ସୌର ବିସ୍ଫୋରଣରେ ଜାପାନ ଏବଂ ଦକ୍ଷିଣ ପୂର୍ବ ଏସିଆର ଅନେକ ଦେଶରେ ସର୍ଟୱେଭ୍ ରେଡିଓ ବ୍ଲାକଆଉଟ୍ ହୋଇଥିଲା। ବାସ୍ତବରେ, ବିସ୍ଫୋରଣରେ ସୃଷ୍ଟି ହେଉଥିବା ସୌର ଅଗ୍ନି ଗ୍ରହମାନଙ୍କୁ ମଧ୍ୟ ପ୍ରଭାବିତ କରିଥାଏ । ସ୍ପେସ୍ ପାଣିପାଗ ୱେବସାଇଟ୍ ଅନୁଯାୟୀ, ପ୍ଲାଜମା ଏବଂ ଚୁମ୍ବକୀୟ କ୍ଷେତ୍ର ମଧ୍ୟ ସୌର ପ୍ରଜ୍ୱଳନରୁ ମହାକାଶକୁ ନିର୍ଗତ ହୋଇଥିଲା । ପ୍ଲାଜାର ଗତି ଘଣ୍ଟା ପ୍ରତି ଲକ୍ଷ ଲକ୍ଷ କିଲୋମିଟର ହୋଇଥାଏ।

ଆସନ୍ତାକାଲି ଜିଓମ୍ୟାଗ୍ନେଟିକ୍ ଝଡ ଧକ୍କା ହୋଇପାରେ 

ଆମେରିକାର ଜାତୀୟ ମହାସାଗରୀୟ ବାୟୁମଣ୍ଡଳ ପ୍ରଶାସନ (NOAA) ଏକ ଚେତାବନୀ ଦେଇଛି ଯେ ଆସନ୍ତା ଏକ ସପ୍ତାହ ମଧ୍ୟରେ ପୃଥିବୀର ଚୁମ୍ବକୀୟ କ୍ଷେତ୍ର କମ୍ପିତ ହୋଇପାରେ। ଏଠାରେ G-1 ଏବଂ G-2 ଶ୍ରେଣୀର ଜିଓମ୍ୟାଗ୍ନେଟିକ୍ ଝଡ ଆସିପାରେ, ଯାହାକୁ ମଧ୍ୟମରୁ -ଦୁର୍ବଳ ଝଡ କୁହାଯାଏ | ଏଥି ସହିତ, ସ୍ପେସ୍ ସାଇନ୍ସରେ ଇଣ୍ଡିଆର ସେଣ୍ଟର ଅଫ୍ ଏକ୍ସଲେନ୍ସ ଅନୁଯାୟୀ ଜୁନ୍ ୧୫ ରେ ସେକେଣ୍ଡରେ ୬୪୫ ରୁ ୯୨୨ କିଲୋମିଟର ବେଗରେ ପୃଥିବୀ ଉପରେ ଏହି ସୈରଝଡ ମାଡ ହେବାର ସମ୍ଭାବନା ରହିଛି।

ରାତିରେ ଦେଖାଯିବ ଉଜ୍ଜ୍ଵଳ ଆଲୋକ

ପାଣିପାଗ ଆଧାରିକ ଏକ ଓ୍ଵେବସାଇଟ୍ ଅନୁଯାୟୀ, ସୂର୍ଯ୍ୟର ବାୟୁମଣ୍ଡଳରୁ ଉତ୍ପନ ଏହି ସୌରଝଡ କାରଣରୁ ପୃଥିବୀର ଚୁମ୍ବକୀୟ କ୍ଷେତ୍ରର ପ୍ରଭୁତ୍ଵ ଥିବା ମହାକାଶର ଏକ ଅଞ୍ଚଳରେ ବହୁତ ପ୍ରଭାବ ଦେଖିବାକୁ ମିଳିପାରେ। ଉତ୍ତର କିମ୍ବା ଦକ୍ଷିଣ ଅକ୍ଷାଂଶରେ ରହୁଥିବା ଲୋକେ ରାତିରେ ସୁନ୍ଦର ଏବଂ ଉଜ୍ଜ୍ଵଳ ଆଲୋକ ଦେଖି ପାରନ୍ତି।

ଝଡର ପୃଥିବୀ ଉପରେ କଣ ରହିଛି ପ୍ରଭାବ ?

ସୌର ଝଡ କାରଣରୁ ପୃଥିବୀର ବାୟୁମଣ୍ଡଳ ଗରମ ହୋଇଥାଏ, ଯାହାର ସିଧା ପ୍ରଭାବ ଉପଗ୍ରହ ଉପରେ ପଡିଥାଏ। ଏଥିରେ ଜିପିଏସ ନେଭିଗେସନ, ମୋବାଇଲ ଫୋନ୍ ସିଗ୍ନାଲ ଓ ସାଟେଲାଇଟ୍ ଟିଭିରେ ବାଧା ଉତ୍ପନ ହୋଇଥାଏ। ପାଓ୍ଵାର ଲାଇନ୍ସରେ ବିଦ୍ୟୁତ୍ କ୍ଷୀପ୍ର ବେଗରେ ଆସିପାରେ, ଯେଉଁଥିରେ ଟ୍ରାନ୍ସଫର୍ମର ଉଡିପାରେ। କିନ୍ତୁ ଏହା ସାଧାରଣତଃ ବହୁତ କମ ଘଟିଥାଏ। କାରଣ ପୃଥିବୀ ପୃଷ୍ଠର ଚୁମ୍ବକୀୟ କ୍ଷେତ୍ର ଝଡ ବିରୋଧରେ ସୁରକ୍ଷା କବଚର କାମ କରିଥାଏ। ଏଥିସହ ଆଜିକାଲି କମ୍ପ୍ୟୁଟର ଅଟୋମେସନ ଉପରେ ନିର୍ଭର। ତେଣୁ ବିଗତ ସୌର ଝଡ ତୂଳନାରେ ଏଥର ସୌରଝଡର ପରିଣାମ କମ ଭୟାବହ ହୋଇପାରେ। ୧୯୮୯ରେ ଆସିଥିବା ସୌର ଝଡ କାରଣରୁ ବିଜୁଳି ଚାଲି ଯିବାରୁ କାନାଡାର କ୍ୟୁବାକ ସହର ୧୨ ଘଣ୍ଟା ଧରି ଅନ୍ଧାରରେ ରହିଥିଲା। ଏଥିରେ ଲକ୍ଷାଧିକ ଲୋକଙ୍କ ସମସ୍ୟାର ସାମ୍ନା କରିବାକୁ ପଡିଥିଲା।