ଭୁବନେଶ୍ଵର: ଜିଲ୍ଲା କଂଗ୍ରେସ ସଭାପତି ପଦରୁ ଇସ୍ତଫା ପ୍ରସଙ୍ଗରେ ମୁହଁ ଖୋଲିଲେ ଜଟଣୀ ବିଧାୟକ ସୁର ରାଉତରାୟ। ସେ କହିଛନ୍ତି ଯେ, ମୋ ଇସ୍ତଫା ଚର୍ଚ୍ଚା ଭୁଲ। ମୁଁ ଇସ୍ତଫା ଦେଇ ନାହିଁ । ଜିଲ୍ଲା ସଭାପତି ଭାବେ ରହିଛି ଏବଂ ରହିବି। ଇସ୍ତଫା ଦେବା ଖବରକୁ ଖଣ୍ଡନ କରିଛନ୍ତି କଂଗ୍ରେସର ବରିଷ୍ଠ ବିଧାୟକ ସୁର ରାଉତରାୟ । ତାଙ୍କ ଇସ୍ତଫା ଦେବା ନେଇ ଯେଉଁ ଚର୍ଚ୍ଚା ଚାଲିଛି ତାହା ସମ୍ପୂର୍ଣ୍ଣ ଗୁଜବ।

ବିଧାୟକ ସୁର ଆହୁରି ମଧ୍ୟ କହିଛନ୍ତି କି, ନୂଆ ପିସିସି ଗଠନରେ ବାଲିପାଟଣାର ଜଣଙ୍କୁ ସଭ୍ୟ କରିବା ପାଇଁ ମୁଁ ପ୍ରସ୍ତାବ ଦେଇଥିଲି । ମାତ୍ର ତାଙ୍କୁ ସଭ୍ୟ କରାଯାଇ ନାହିଁ । ମୁଁ ନୁହେଁ, ସୋନିଆ ଗାନ୍ଧୀ କି ରାହୁଲ ଗାନ୍ଧୀ ଚାହିଁଲେ ବି ଶହେକୁ ଶହେ ସଭ୍ୟ ହୋଇ ପାରିବେ ନାହିଁ । କଂଗ୍ରେସ ବର୍ତ୍ତମାନ ଭାରତ ଯୋଡ ଜରିଆରେ ଲୋକଙ୍କ ସହ ଯୋଡି ହେଉଛି । ତେବେ ମୁଁ ଜିଲ୍ଲା ସଭାପତି ରହିଛି ଏବଂ ରହିବି ବୋଲି ସୁରେଶ ରାଉତରାୟ କହିଛନ୍ତି ।

ଭୁବନେଶ୍ବର : ଗତକାଲି ବ୍ରଜରାଜନଗର ଉପନିର୍ବାଚନର ଫଳାଫଳ ଘୋଷଣା ହୋଇଥିଲା। ଫଳାଫଳ ମୁତାବକ ପୁଣିଥରେ ବିଜେଡି ଏହି ଆସନରେ ୬୭ ହଜାରରୁ ଅଧିକ ଭୋଟରେ ବିଜୟୀ ହୋଇଛି । ବିଜେଡି ପ୍ରାର୍ଥୀନି ଅଳକା ମହାନ୍ତି ତାଙ୍କ ନିକଟତମ ପ୍ରତିଦ୍ୱନ୍ଦୀ କଂଗ୍ରେସର କିଶୋର ପଟେଲଙ୍କୁ ପରାଜିତ କରିଛନ୍ତି । ଗୋଟିଏ ପଟେ ବିପୁଳ ପରିମାଣର ଭୋଟରେ ବିଜୟୀ ହୋଇ ବିଜେଡି ଉତ୍ସବ ପାଳନ କରୁଥିବା ବେଳେ ଦ୍ୱିତୀୟ ସ୍ଥାନରେ ରହିବାକୁ ନେଇ କଂଗ୍ରେସ ବି ଖୁସି ଅଛି । କାରଣ ବ୍ରଜରାଜନଗର ଆସନରୁ ପୂର୍ବରୁ ବିଧାୟିକା ଥିବା ରାଧାରାଣୀ ପଣ୍ଡା ଚଳିତ ନିର୍ବାଚନରେ ବିଜେପି ଟିକେଟରୁ ପ୍ରାର୍ଥୀ ହୋଇଥିଲେ ବି ସେ ତୃତୀୟ ସ୍ଥାନରେ ରହିଛନ୍ତି ।

ବିଜେଡି ପ୍ରାର୍ଥୀନି ଅଳକା ମହାନ୍ତି ସମୁଦାୟ ୯୩ ହଜାର ୯୫୩ ଖଣ୍ଡ ଭୋଟ ପାଇଛନ୍ତି। ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ କଂଗ୍ରେସ ପ୍ରାର୍ଥୀ କିଶୋର ପଟେଲଙ୍କୁ ୨୭ ହଜାର ୮୩୧ ଖଣ୍ଡ ଭୋଟ୍ ମିଳିଥିବା ବେଳେ ବିଜେପିର ରାଧାରାଣୀ ପଣ୍ଡା ତୃତୀୟ ସ୍ଥାନରେ ରହିଛନ୍ତି। ରାଧାରାଣୀଙ୍କୁ ୨୨ ହଜାର ୬୩୦ଟି ଭୋଟ୍ ମିଳିଛି।

ବ୍ରଜରାଜନଗର ଉପନିର୍ବାଚନରେ ଦ୍ୱିତୀୟ ସ୍ଥାନରେ ରହିବା ପରେ ପ୍ରତିକ୍ରିୟା ରଖିଛନ୍ତି ବରିଷ୍ଠ କଂଗ୍ରେସ ନେତା ତଥା ଜଟଣାୀ ବିଧାୟକ ସୁରେଶ ରାଉତ ରାୟ। କଂଗ୍ରେସ ଧୀରେ ଧୀରେ ଶକ୍ତିଶାଳୀ ହେଉଛି। ଆଗକୁ ଆମେ ଭଲ ରେଜଲ୍ଟ କରିବୁ। ଲୋକମାନେ ପୁଣିଥରେ କଂଗ୍ରେସକୁ ଗ୍ରହଣ କରିବେ। ବିଜେପି ଧୀରେ ଧୀରେ ସଫା ହୋଇଯିବ। ଦେଶରେ ବିଜେପି ସରକାର ସମୟରେ ଦେଶରେ ଯେଉଁଭଳି ଭାବେ ଦରଦାମ ବୃଦ୍ଧି ପାଉଛି ତାହା ଲୋକଙ୍କୁ ଅତିଷ୍ଠ କଲାଣି। ଲୋକ ଏଥର ନିର୍ବାଚନରେ ବିଜେପିକୁ ଟୋଟାଲ ସଫା କରିଦେବେ । କଂଗ୍ରେସ ଲୋକଙ୍କ ସମସ୍ୟା ସହ ଜଡିତ ହୋଇ ପୁଣିଥରେ ଟ୍ରାକକୁ ଫେରୁଛି। ଆଗକୁ ଭଲ ପଦର୍ଶନ କରିବା ସହ କଂଗ୍ରେସ ଲୋକଙ୍କ ଆସ୍ଥାଭାଜନ ହେବ ବୋଲି ସୁରେଶ ରାଉତ ରାୟ କହିଛନ୍ତି।

ଅନ୍ୟପଟେ ବ୍ରଜରାଜନଗର ବିଜୟ ପରେ ବିଜେଡି ବିଧାୟକ ଶଶି ଭୂଷଣ ବେହେରା କହିଛନ୍ତି ଯେ ବ୍ରଜରାଜନଗର ଉପ ନିର୍ବାଚନ ସାରା ଦେଶକୁ  ବଡ଼ ସଂକେତ ଦେଇଛି। ଦେଶରେ ନବୀନ ପଟ୍ଟନାୟକଙ୍କ ବିକଳ୍ପ ନାହିଁ । ଲୋକେ ବିକାଶ ସହ ରହିଛନ୍ତି । ଏବେ ବିରୋଧି ଦଳ ମଧ୍ୟରେ ଦ୍ୱିତୀୟ ପାଇଁ ଲଢେଇ ଚାଲିଛି । ସେହିପରି କଂଗ୍ରେସ ରାଜ୍ୟ ସଭାପତି ଶରତ ପଟ୍ଟନାୟକ ଗଣମାଧ୍ୟମକୁ କହିଛନ୍ତି କି ଏହି ଉପ ନିର୍ବାଚନର ଫଳାଫଳ କଂଗ୍ରେସର ମୋଡ ବଦଳାଇବ । ଶରତ ପଟ୍ଟନାୟକ ଏହି ଫଳାଫଳକୁ କଂଗ୍ରେସର ଟର୍ଣ୍ଣିପଏଣ୍ଟ ବୋଲି କହିବା ସହ ଏବେ ବିଜେଡି ସହ କଂଗ୍ରେସର ଲଢେଇ ହେବ ବୋଲି ସେ ଗଣମାଧ୍ୟମ ଆଗରେ କହିଛନ୍ତି । ଦଳ ଶୃଙ୍ଖଳିତ ଭାବେ ନିର୍ବାଚନ ଲଢିବାରୁ ଦ୍ୱିତୀୟ ସ୍ଥାନରେ ପହଂଚିପାରିଛି ବୋଲି ସେ କହିଛନ୍ତି ।

ସେପଟେ ବିଜେପି କିନ୍ତୁ ତାର ଶୋଚନୀୟ ପରାଜୟକୁ ସହଜରେ ଗ୍ରହଣ କରିପାରୁନି। ବିଜେପି ପ୍ରାର୍ଥୀ ରାଧାରାଣୀ ପଣ୍ଡା ଇଭିଏମ୍ ଟାମ୍ପରିଂ ଅଭିଯୋଗ ଆଣୁଥିବା ବେଳେ ବିଜେପି ବିଧାୟକ ମୋହନ ମାଝୀ କହିଛନ୍ତି ଯେ ଆମର ପରିଚାଳନାଗତ ତ୍ରୁଟି ପାଇଁ ଭୋଟ୍ କମିଲା। ବିଜେଡିର ତୃଣମୂଳ ସ୍ତରରେ ସଙ୍ଗଠନ ବେଶ ସୁଦୃଢ କରିଛି। ଯାହା ଫଳରେ ସେମାନେ ବିଜୟୀ ହେଲେ।