ନୂଆଦିଲ୍ଲୀ: ଦେଶରେ ବଢ଼ିବାରେ ଲାଗିଛି ଇନ୍ଧନ ଦର। ଏହାମଧ୍ୟରେ ବିମାନ ଯାତ୍ରୀଙ୍କ ପାଇଁ ଆସିଛି ଖରାପ କବର। କାରଣ ଖୁବ୍‌ ଶୀଘ୍ର ବଢ଼ିବାକୁ ଯାଉଛି ବିମାନ ଭଡ଼ା। ବିମାନ ଇନ୍ଧନ ବା ଏଭିଏସନ୍ ଟର୍ବାଇନ ଇନ୍ଧନ (ଏଟିଏଫ) ମୂଲ୍ୟ ଅହେତୁକ ବୃଦ୍ଧି ପାଇଛି। ଏଟିଏଫ୍‌ ମୂଲ୍ୟ ବଢ଼ିବା ପରେ ବିମାନ କମ୍ପାନୀଗୁଡିକ ବିମାନ ଭଡ଼ା ବୃଦ୍ଧି ଘଟାଇଛନ୍ତି। ସ୍ପାଇସଜେଟ୍ ଭଳି ବିମାନ କମ୍ପାନୀ ଇତି ମଧ୍ୟରେ ଯାତ୍ରୀ ଭଡ଼ାରେ ୧୫% ବୃଦ୍ଧି ଘଟାଇଛି। ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଯେ, ବିମାନ ଇନ୍ଧନ ମୂଳ୍ୟରେ ଗୋଟିଏ ବର୍ଷରେ ୧୨୦% ବୃଦ୍ଧି ଘଟିବା ଏକ ରେକର୍ଡ।

କେବଳ ବିମାନ ଇନ୍ଧନ ମୂଲ୍ୟରେ ବୃଦ୍ଧି ନୁହେଁ ଆମେରିକୀୟ ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟରେ ହ୍ରାସ ବିମାନ ଯାତ୍ରାକୁ ମହଙ୍ଗା କରିବାର ଅନ୍ୟ ଏକ କାରଣ। ଏଟିଏଫ୍‌ ମୂଲ୍ୟରେ କ୍ରମାଗତ ଭାବେ ବୃଦ୍ଧି ଜାରି ରହିଛି। ଜୁନ୍ ୨୦୨୧ଠାରୁ ଏଟିଏଫ୍‌ ମୂଲ୍ୟରେ ୧୨୦%ରୁ ଅଧିକ ବୃଦ୍ଧି ପାଇଛି। ଇତିମଧ୍ୟରେ ବୃଦ୍ଧି ପରେ ଦିଲ୍ଲୀ, ମୁମ୍ବଇ, ଚେନ୍ନଇ ଏବଂ କୋଲକାତା ଭଳି ମେଟ୍ରୋରେ ଏଟିଏଫ୍ ମୂଲ୍ୟ ସର୍ବକାଳୀନ ରେକର୍ଡ ସ୍ତରଛୁଇଁଛି। ଘରୋଇ ବିମାନ ଚଳାଚଳ ଦିଲ୍ଲୀରେ ୧,୪୧,୨୩୨.୮୭ ଟଙ୍କା, କୋଲକାତାରେ ୧,୪୬,୩୨୨.୨୩ ଟଙ୍କା, ମୁମ୍ବଇରେ ୧,୪୦,୦୯୨.୭୪ ଟଙ୍କା ଏବଂ ଚେନ୍ନଇରେ ୧,୪୬,୨୧୫.୮୫ ଟଙ୍କା ରହିଛି। ଏ ସମ୍ପର୍କରେ ସ୍ପାଇସଜେଟ ସିଏମଡି ଅଜୟ ସିଂ କହିଛନ୍ତି ଯେ, ଜେଟ ଇନ୍ଧନ ମୂଲ୍ୟରେ ତୀବ୍ର ବୃଦ୍ଧି ଏବଂ ଟଙ୍କା ମୂଲ୍ୟର ହ୍ରାସ ଘରୋଇ ବିମାନ ଚଳାଚଳ ଭଡା ବୃଦ୍ଧି ଛଡା ଅନ୍ୟ କୌଣସି ବିକଳ୍ପ ନାହିଁ। ଇଣ୍ଡିଗୋ ସିଇଓ ରୋନୋଜୋଇ ଦତ୍ତା ଏଟିଏଫକୁ ଜିଏସ୍‌ଟି ଅଧୀନରେ ଆଣିବା ପାଇଁ ଯୁକ୍ତି କରିଛନ୍ତି। ସେ କହିଛନ୍ତି, ଏ ନେଇ ଆମେ ସରକାରଙ୍କ ସହ ଆଲୋଚନା କରୁଛୁ କାରଣ ଏହା ଇନ୍‌ପୁଟ ଟିକସ କ୍ରେଡିଟ୍‌ ଲାଭ ପ୍ରଦାନ କରିଥାଏ। ଆମର ବିଶ୍ୱାସ ଯେ ଗ୍ରାହକଙ୍କ ପାଇଁ ଏୟାରଲାଇନ୍ସକୁ ସକ୍ଷମ କରିବା ପାଇଁ ଏଭଳି ପଦକ୍ଷେପ ବର୍ତ୍ତମାନଠାରୁ ଅଧିକ ଆବଶ୍ୟକ।

ନୂଆଦିଲ୍ଲୀ: ଏଣିକି ଆହୁରି ମହଙ୍ଗା ହେବ ବିମାନ ଯାତ୍ରା । କାରଣ ଜେଟ୍ ଇନ୍ଧନ ଦର ପୁଣି ବଢ଼ିଛି । ଜେଟ୍ ବା ବିମାନ ଇନ୍ଧନ ଦର ୫ ପ୍ରତିଶତ ବୃଦ୍ଧି କରାଯାଇଛି । ଚଳିତ ବର୍ଷ ଦଶମ ଥର ପାଇଁ ବିମାନ ଇନ୍ଧନ ଦର ବଢ଼ିଛି ।

ଭାରତୀୟ ତୈଳ ନିଗମ ଅନୁଯାୟୀ ସୋମବାର ଜେଟ୍ ଇନ୍ଧନର ଦର ଲିଟର ପିଛା ୬,୧୮୮ ଟଙ୍କା ବୃଦ୍ଧି କରାଯାଇଛି। ଏହି ବର୍ଦ୍ଧିତ ଦର ୩୧ ମଇ ୨୦୨୨ ରୁ ଲାଗୁ ହେବ । ସୂଚନାଯୋଗ୍ୟ ଯେ ଏହାପୂର୍ବରୁ ମାର୍ଚ୍ଚରେ ଜେଟ୍ ଇନ୍ଧନ ଦର ୧୮.୩ ପ୍ରତିଶତ ଏବଂ ଏପ୍ରିଲରେ ଦୁଇ ପ୍ରତିଶତ ବୃଦ୍ଧି କରାଯାଇଥିଲା।

ସଦ୍ୟତମ ବୃଦ୍ଧି ପରେ ଦିଲ୍ଲୀରେ ବିମାନ ଇନ୍ଧନ ଦର ପ୍ରତି କିଲୋଲିଟର ପିଛା ୧,୧୬,୮୫୨ ରୁ ୧,୨୩,୦୩୯.୭୧ ଟଙ୍କାକୁ ବୃଦ୍ଧି ପାଇଛି। ମୁମ୍ବାଇରେ ୧,୨୧,୮୪୭.୧୧ ଟଙ୍କା, କୋଲକାତାରେ ୧,୨୭,୮୫୪.୬୦ ଟଙ୍କା ଏବଂ ଚେନ୍ନାଇରେ ୧,୨୭,୨୮୬.୧୩ ଟଙ୍କା ହୋଇଛି। ଜାନୁଆରୀରୁ ଏପର୍ଯ୍ୟନ୍ତ ବିମାନ ଇନ୍ଧନ ଦରରେ ୬୧.୭ ପ୍ରତିଶତ ବୃଦ୍ଧି ଘଟିଲାଣି ।