ଟଲିଉଡର ଲୋକପ୍ରିୟ ଅଭିନେତ୍ରୀ ଶ୍ରୀଲୀଲା ଏବଂ ଯୁବ ଭାରତୀୟ କ୍ରିକେଟର ତିଲକ ବର୍ମାଙ୍କୁ ନେଇ ଗତ କିଛି ଦିନ ହେବ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ଲାଗିରହିଥିଲା। ଉଭୟ ପରସ୍ପରକୁ ଡେଟ୍ କରୁଥିବା ନେଇ ଅନେକ ଗୁଜବ ସୃଷ୍ଟି ହୋଇଥିଲା। ତେବେ ବର୍ତ୍ତମାନ ଏହି ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇଛନ୍ତି ଶ୍ରୀଲୀଲାଙ୍କ ମା' ଡାକ୍ତର ସ୍ୱର୍ଣ୍ଣଲତା।

ମା'ଙ୍କ ପ୍ରତିକ୍ରିୟା

ଗଣମାଧ୍ୟମ ସହ କଥାବାର୍ତ୍ତା ବେଳେ ଡାକ୍ତର ସ୍ୱର୍ଣ୍ଣଲତା ଏହି ସମ୍ପର୍କକୁ ନେଇ ଉଠିଥିବା ସମସ୍ତ ଖବରକୁ ସମ୍ପୂର୍ଣ୍ଣ ରୂପେ ଖଣ୍ଡନ କରିଛନ୍ତି। ସେ ସ୍ପଷ୍ଟ କରିଛନ୍ତି ଯେ, ଏହି ଖବରରେ ତିଳେମାତ୍ର ସତ୍ୟତା ନାହିଁ। କେବଳ ସେତିକି ନୁହେଁ, ଶ୍ରୀଲୀଲା ଓ ତିଲକ ବର୍ମା ଆଜି ପର୍ଯ୍ୟନ୍ତ ପରସ୍ପରକୁ ଭେଟି ନାହାନ୍ତି କିମ୍ବା ସେମାନଙ୍କ ମଧ୍ୟରେ କୌଣସି କଥାବାର୍ତ୍ତା ମଧ୍ୟ ହୋଇନାହିଁ ବୋଲି ସେ ପ୍ରକାଶ କରିଛନ୍ତି। ବିନା ତଥ୍ୟରେ ଏଭଳି ମିଥ୍ୟା ଖବର ପ୍ରସାରଣ ନକରିବାକୁ ସେ ଅନୁରୋଧ କରିଛନ୍ତି।

କେମିତି ଆରମ୍ଭ ହୋଇଥିଲା ଗୁଜବ?

ଗତବର୍ଷ ଡିସେମ୍ବର ମାସରେ ବୈକୁଣ୍ଠ ଏକାଦଶୀ ଅବସରରେ ତିରୁମଳା ମନ୍ଦିରରେ ଉଭୟଙ୍କୁ ପୃଥକ ପୃଥକ ଭାବେ ନିଜ ପରିବାର ସହ ଦେଖିବାକୁ ମିଳିଥିଲା। ଏହା ପରେ ଆଇପିଏଲ୍ (IPL) ମ୍ୟାଚ୍ ବେଳେ ଶ୍ରୀଲୀଲାଙ୍କ ମା' ଭିଆଇପି (VIP) ଷ୍ଟାଣ୍ଡରେ ନଜର ଆସିଥିଲେ। ନିକଟରେ ମୁମ୍ବାଇ ଇଣ୍ଡିଆନ୍ସ ଖେଳାଳି ସୂର୍ଯ୍ୟକୁମାର ଯାଦବ ଏକ ଭିଡିଓରେ ତିଲକ ବର୍ମାଙ୍କୁ ଥଟ୍ଟା କରି କହୁଥିଲେ ଯେ ସେ ପ୍ରେମରେ ପଡ଼ିଛନ୍ତି। ଏହି ଭିଡିଓଟି ଭାଇରାଲ ହେବା ପରେ ଲୋକେ ଏହାକୁ ଶ୍ରୀଲୀଲାଙ୍କ ସହ ଯୋଡ଼ି ଦେଇଥିଲେ, ଯାହା ଫଳରେ ଡେଟିଂ ଗୁଜବ ଆହୁରି ତୀବ୍ର ହୋଇଥିଲା।

ନିଟ୍ (NEET) ପ୍ରସ୍ତୁତିରେ ବ୍ୟସ୍ତ ଶ୍ରୀଲୀଲା

ଗୁଜବକୁ ଖଣ୍ଡନ କରିବା ସହ ଡାକ୍ତର ସ୍ୱର୍ଣ୍ଣଲତା ଜଣାଇଛନ୍ତି ଯେ, ଶ୍ରୀଲୀଲା ବର୍ତ୍ତମାନ ତାଙ୍କର ଫିଲ୍ମ କ୍ୟାରିୟର ଏବଂ ଡାକ୍ତରୀ ପାଠପଢ଼ା ଉପରେ ସମ୍ପୂର୍ଣ୍ଣ ଧ୍ୟାନ ଦେଉଛନ୍ତି। ନିଜର ବ୍ୟସ୍ତବହୁଳ ସୁଟିଂ ସିଡ୍ୟୁଲ୍ ମଧ୍ୟରେ ସମୟ ବାହାର କରି ସେ ଆଗାମୀ ନିଟ୍-ପିଜି (NEET-PG) ପରୀକ୍ଷା ପାଇଁ କଠିନ ପରିଶ୍ରମ କରୁଛନ୍ତି। ତେଣୁ ଏଭଳି ସମୟରେ ପ୍ରେମ ବା ଡେଟିଂ କଥା ସମ୍ପୂର୍ଣ୍ଣ ଭିତ୍ତିହୀନ ବୋଲି ସେ ସ୍ପଷ୍ଟ କରିଛନ୍ତି ଅତୀତରେ ମଧ୍ୟ ବଲିଉଡ୍ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ସହ ଶ୍ରୀଲୀଲାଙ୍କ ନାମକୁ ଯୋଡ଼ା ଯାଇଥିଲା, ଯାହା ପରବର୍ତ୍ତୀ ସମୟରେ ମିଥ୍ୟା ପ୍ରମାଣିତ ହୋଇଥିଲା।

ନୂଆଦିଲ୍ଲୀ: ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ଯେ ସ୍ନାତକ ଚିକିତ୍ସା ପାଠ୍ୟକ୍ରମରେ ନାମଲେଖା ପାଇଁ ଜାତୀୟ ସ୍ତରର ପ୍ରବେଶିକା ପରୀକ୍ଷା ନ୍ୟାସନାଲ ଏଲିଜିବିଲିଟି କମ ଏନଟ୍ରାନ୍ସ ଟେଷ୍ଟ (NEET) ଦୁଇଟି ସିଫ୍ଟ ବଦଳରେ ଗୋଟିଏ ସିଫ୍ଟରେ ଆୟୋଜିତ ହେବା ଉଚିତ। NEET-PG 2025 ପରୀକ୍ଷାକୁ ଦୁଇଟି ସିଫ୍ଟରେ ଆୟୋଜନ କରିବା ସମ୍ପର୍କିତ ଏକ ବିଜ୍ଞପ୍ତିକୁ ଚ୍ୟାଲେଞ୍ଜ କରି ଦାୟର ହୋଇଥିବା ଏକ ଆବେଦନ ଉପରେ ଶୁଣାଣି କରି ସର୍ବୋଚ୍ଚ ଅଦାଲତ ଏହି ନିର୍ଦ୍ଦେଶ ଦେଇଛନ୍ତି।

କୋର୍ଟ କହିଛନ୍ତି ଯେ, ଦୁଇଟି ସିଫ୍ଟରେ ପରୀକ୍ଷା ଆୟୋଜନ “ଅନିୟମିତତା” ସୃଷ୍ଟି କରୁଛି ଏବଂ ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ)କୁ ଗୋଟିଏ ସିଫ୍ଟରେ ପରୀକ୍ଷା ଆୟୋଜନ ପାଇଁ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି। NEET-PG ପରୀକ୍ଷା ୧୫ ଜୁନରେ ଆୟୋଜିତ ହେବାକୁ ନିର୍ଦ୍ଧାରିତ ହୋଇଛି।

“ଦୁଇଟି ପ୍ରଶ୍ନପତ୍ର କେବେ ବି ଅଭିନ୍ନ ଅସୁବିଧା କିମ୍ବା ସହଜତା ସ୍ତରରେ ଥାଏ ବୋଲି କୁହାଯାଇପାରିବ ନାହିଁ,” ମୁଖ୍ୟ ବିଚାରପତି ବି ଆର ଗଭାଇ ଏବଂ ବିଚାରପତି ଅଗଷ୍ଟିନ ଜର୍ଜ ମସିହଙ୍କୁ ନେଇ ଗଠିତ ଖଣ୍ଡପୀଠ ରାୟ ଦେଇ କହିଛନ୍ତି। ଏନଟିଏକୁ ପରୀକ୍ଷା ଆୟୋଜନରେ ସମ୍ପୂର୍ଣ୍ଣ ସ୍ୱଚ୍ଛତା ସୁନିଶ୍ଚିତ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।

ବାରିପଦା: ମୟୂରଭଞ୍ଜ ଜିଲ୍ଲା ବଡସାହି ବ୍ଲକ ମାଧପୁର ଗ୍ରାମର ଝିଅ ପ୍ରୀତିପଦ୍ମା ଶତପଥୀ ନିଟ ପିଜି ପ୍ରବେଶିକା ପରୀକ୍ଷା ଓଡିଶା ରାଙ୍କର ଟପ୍ପର ହୋଇଛନ୍ତି । ସେ ସର୍ବଭାରତୀୟ ରାଙ୍କରେ ୧୭୮ସ୍ଥାନ ପାଇଥିଲେ । ତେବେ ଆଜି ଓଡ଼ିଶା ରାଙ୍କ ପ୍ରକାଶ ପରେ ସେ ଟପ୍ପର ଥିବା ଜଣାପଡିଛି । ପ୍ରୀତିପଦ୍ମା ବର୍ତ୍ତମାନ ବଡସାହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟ କରୁଛନ୍ତି । ତାଙ୍କ ବାପା ଚିତ୍ତରଞ୍ଜନ ଶତପଥୀ ଜଣେ ଘରୋଇ ଟିଉସନ ଶିକ୍ଷକ ଓ ମା ରଞ୍ଜିତା ଗୃହିଣୀ । ପ୍ରୀତିପଦ୍ମା ବେତନଟୀ ନିକଟ ଶାଳବଣୀ ଜବାହର ନବଦୋୟ ବିଦ୍ୟାଳୟରୁ ୨୦୧୫ରେ ୯୫.୨ପ୍ରତିଶତ ନମ୍ବର ରଖି ଟପ୍ପର ହୋଇଥିଲେ । ପ୍ରଥମ ଉଦ୍ୟମରେ ୨୦୧୬ରେ ନିଟ ପରୀକ୍ଷାରେ କୃତକାର୍ଯ୍ୟ ହେବା ପରେ କଟକ ଏସସିବିରେ ଡାକ୍ତରୀ(ଏମବିବିଏସ) ପଢି ୨୦୨୨ମେ ମାସରେ ଚାକିରୀରେ ଯୋଗ ଦେଇଥିଲେ କରିଥିଲେ । ୨୦୨୩ରେ ଡାକ୍ତରୀ ଓପିଏସସି ମଧ୍ୟ କୃତକାର୍ଯ୍ୟ ହୋଇଛନ୍ତି । ନିଟ ପିଜି ପ୍ରବେଶିକା ପରୀକ୍ଷାରେ ତାଙ୍କର ସଫଳତା ଜିଲ୍ଲା ପାଇଁ ଗୌରବ।

ନୂଆଦିଲ୍ଲୀ: ମେ ୨୦୨୧ ର ନିଟ୍ – ପିଜିରେ ୧୪୫୬ଟି ସିଟ୍ ଖାଲି ରହିଛି। ଯାହା ଏପର୍ଯ୍ୟନ୍ତ ପୂରଣ ହୋଇନାହିଁ । ସିଟ୍ ଖାଲିପଡ଼ିବକୁ ନେଇ ୭ଜଣ ଡାକ୍ତର ସୁପ୍ରିମକୋର୍ଟରେ ଏକ ପିଟିସନ ଦାଖଲ କରିଥିଲେ। ଯାହାର ଶୁଣାଣି ବୁଧବାର ସୁପ୍ରିମକୋର୍ଟ କରିଛନ୍ତି। ଶୁଣାଣି ସମୟରେ ସୁପ୍ରିମକୋର୍ଟ କେନ୍ଦ୍ର ଓ ମେଡିକାଲ କାଉନସେଲିଂ କମିଟି (MCC)କୁ କଡ଼ା ଭର୍ତ୍ସନା କରିଛନ୍ତି। ସୁପ୍ରିମକୋର୍ଟ କହିଛନ୍ତି ଯେ ଆପଣ ଡାକ୍ତରଙ୍କ ଭବିଷ୍ୟତ ସହିତ ଖେଳୁଛନ୍ତି।

ଜଷ୍ଟିସ ଏମଆର ଶାହା ଏବଂ ଜଷ୍ଟିସ ଅନିରୁଦ୍ଧ ବୋଷଙ୍କ ଖଣ୍ଡପୀଠ ଏହି ମାମଲାର ଶୁଣାଣି କରିଛନ୍ତି। ସେ ମେଡିକାଲ କାଉନସେଲିଂ କମିଟି ଏବଂ କେନ୍ଦ୍ର ସରକାରଙ୍କୁ ନିନ୍ଦା କରି କହିଛନ୍ତି ଯେ, ମେ ୨୦୨୧ ରୁ ୧୪୫୬ଟି ସିଟ୍ ଖାଲି ଅଛି। କାହିଁକି ଏପର୍ଯ୍ୟନ୍ତ କାଉନସେଲିଂ ରାଉଣ୍ଡ କରାଯାଇନାହିଁ। ଖାଲି ସିଟ୍ ରଖିବା ଦ୍ବାରା  ତୁମେ କ’ଣ ପାଉଛ ? ଏଭଳି ପ୍ରଶ୍ନବାଣର ଛନ୍ଦି ହେଇଥିଲେ ମେଡିକାଲ କାଉନସେଲିଂ କମିଟି ଓ କେନ୍ଦ୍ର ସରକାର। ଡାକ୍ତରଙ୍କ କେତେ ଜରୁରୀ ରହିଛି ଜାଣି ସୁଦ୍ଧା ଖାଲିଥିବା ସିଟରେ ଅନୁମତି କାହିଁକି ଦିଆଯାଇ ନାହିଁ। ଏଥିସହ ସୁପ୍ରିମକୋର୍ଟ କହିଛନ୍ତି ଯେ, ସ୍ୱାସ୍ଥ୍ୟ ସେବା ମହାନିର୍ଦ୍ଦେଶକଙ୍କୁ କୋର୍ଟକୁ ଡକାଯିବ ଏବଂ ଏହି ନିର୍ଦ୍ଦେଶ ପାସ କରାଯିବ।  ଯଦି ଗୋଟିଏ ପାଠ୍ୟକ୍ରମ ସିଟ୍ ମଧ୍ୟ ଖାଲି ରହିଥାଏ, ତେବେ ଏହା ଖାଲି ରହିବ ନାହିଁ । ଏହା ତୁମର କର୍ତ୍ତବ୍ୟ ଯେ ସିଟ୍ ଯେପରି ଫାଙ୍କା ନପଡ଼େ। ଆପଣ ଛାତ୍ରମାନଙ୍କ ଭବିଷ୍ୟତ ସହିତ ଖେଳୁଛନ୍ତି ବୋଲି କହି କଡ଼ା ନିନ୍ଦା କରିଛନ୍ତି ସୁପ୍ରିମକୋର୍ଟ।

ନୂଆଦିଲ୍ଲା: ପୂର୍ବ ନିର୍ଦ୍ଧାରିତ ସମୟରେ ହେବ ନିଟ୍ ପିଜି ପରୀକ୍ଷା । ଘୁଞ୍ଚିବନି NEET PG 2022 ପ୍ରବେଶିକା ପରୀକ୍ଷା । ପୂର୍ବ ନିର୍ଦ୍ଧାରିତ ସମୟ ମେ ୨୧ ତାରିଖରେ ହେବ ପରୀକ୍ଷା । ପରୀକ୍ଷା ଘୁଞ୍ଚାଇବା ପାଇଁ ଗତକାଲି ହୋଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଛନ୍ତି।