ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ବିରୋଧକୁ ନେଇ ବିରୋଧୀଙ୍କ ଉପରେ ବର୍ଷିଲେ ପୁରୀ ସାଂସଦ ପିନାକୀ ମିଶ୍ର । ପ୍ରକଳ୍ପ କାମକୁ ରାଜ୍ୟର କୌଣସି ସ୍ୱାର୍ଥପର ଏଜେନ୍ସି ଅଟକାଇ ପାରିବେ ନାହିଁ ବୋଲି କହିଛନ୍ତି । ପରିକ୍ରମା ପ୍ରକଳ୍ପ ନେଇ ସ୍ୱାର୍ଥ ରାଜନୀତି ଚାଲିଥିବା ସେ କହିଛନ୍ତି। ଯାହାକୁ ପୁରୀବାସୀ ଠିକ ବୁଝି ସାରିଛନ୍ତି । ଆଗାମୀ ଦିନରେ ପୁରୀବାସୀ ଏହାର ଜବାବ ଦେବେ ବୋଲି ସେ କହିଛନ୍ତି।

ସେ କହିଛନ୍ତି, ‘ମହାପ୍ରଭୁଙ୍କ ଇଚ୍ଛା ତାଙ୍କ ମନ୍ଦିର ଚାରିପାଖ ସୌନ୍ଦର୍ଯ୍ୟକରଣ ହେଉ । ସେ କାମ ପୂରଣ ହେବ । ଦୁନିଆର କୌଣସି ସ୍ୱାର୍ଥପର ଏଜେନ୍ସ ଏଥିରେ ବାଧା ସୃଷ୍ଟି କରିପାରିବେ ନାହିଁ । ବିରୋଧୀଙ୍କ କାମ ବିରୋଧ କରିବା । ବିଜେପିର ବରିଷ୍ଠ ନେତା ବିଜୟ ମହାପାତ୍ରଙ୍କ ଯାତ୍ରାପାର୍ଟି ରାଜନୀତି ମନ୍ତବ୍ୟର ଜବାବ ଦେବାକୁ ଚାହୁଁନି । ମହାପ୍ରଭୁଙ୍କ ନାଁରେ ସ୍ୱାର୍ଥ ପାଇଁ କିଛି ଲୋକ ରାଜନୀତି କରୁଛନ୍ତି, ଏହାର ଜବାବ ଲୋକେ ଦେବ ।’

ସେ ଆଗକୁ କହିଛନ୍ତି, ‘ମାମଲା ସୁପ୍ରିମକୋର୍ଟ ଓ ହାଇକୋର୍ଟରେ ଅଛି । ଆଇନ ଅନୁସାରେ କାମ ହେଉଛି କି ନାହିଁ କୋର୍ଟ ନିଷ୍ପତ୍ତି ନେବେ । ଏଥିରେ ଯିଏ ଯାହା କହିଲେ ବି କିଛି ଯାଏ ଆସେ ନାହିଁ । ଯାହା ନିଷ୍ପତ୍ତି ଆସିବା ସମସ୍ତେ ମାନିବା ଉଚିତ । କାମ ଦିନରାତି ଚାଲିଛି । କାମ ଉପରେ ରୋକଠୋକ ନାହିଁ । ମହାପ୍ରଭୁ ଓ ପୁରୀବାସୀଙ୍କ ଇଚ୍ଛା କାମ ଶ୍ରୀଘ୍ର ସରୁ । ସେହି ଅନୁସାରେ କାମ କରାଯାଉଛି ।’

ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ବିଜେପିର କିଛି ନେତା ରିତିମତ ଡ୍ରାମାବାଜି କରୁଛନ୍ତି । ହେଲେ ପୁରୀର ବିଜେପି ବିଧାୟକ ଜୟନ୍ତ ଷଡ଼ଙ୍ଗୀ ପ୍ରକଳ୍ପ ସପକ୍ଷରେ ଦୃଢ ଯୁକ୍ତି ବାଢିଛନ୍ତି । ଆଜି ଏକ ସାମ୍ବାଦିକ ସମ୍ମିଳନୀରେ ସେ ସ୍ପଷ୍ଟ ଭାବେ ପ୍ରକଳ୍ପ କାମ ଶୀଘ୍ର ଶେଷ କରିବାକୁ ଦାବି କରିଛନ୍ତି । ଗତ କିଛି ବର୍ଷ ମଧ୍ୟରେ ରାଜ୍ୟ ସରକାର ପୁରୀର ସାମଗ୍ରୀକ ବିକାଶ ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଛନ୍ତି । ଏହା ଏକ ସ୍ୱାଗତଯୋଗ୍ୟ ପଦକ୍ଷେପ । ଶ୍ରୀମନ୍ଦିର ପରିକ୍ରମା ପ୍ରକଶ୍ପ ସହ ସ୍ୱର୍ଗଦ୍ୱାର ନବୀକରଣ ପ୍ରକଳ୍ପ, ଇଣ୍ଡୋର ଷ୍ଟାଡିୟମ, ଶ୍ରୀଜଗନ୍ନାଥ ମେଡିକାଲ କଲେଜ, ଶ୍ରୀସେତୁ କୋଷ୍ଟାଲ ହାଇୱେ ଭଳି ପ୍ରକଳ୍ପ ଗୁଡିକ ମଧ୍ୟ କାର୍ଯ୍ୟକ୍ଷମ ହୋଇଥିବା କହିଛନ୍ତି ପୁରୀ ବିଧାୟକ ଡୟନ୍ତ ଷଡ଼ଙ୍ଗୀ ।

ତେଣୁ ପୁରୀର ବିକାଶ ପାଇଁ ହେଉଥିବା ପ୍ରକଳ୍ପକୁ ବିରୋଧ କରିବାର ପ୍ରଶ୍ନ ଉଠୁନାହିଁ । ପରିକ୍ରମା ପ୍ରକଳ୍ପ ପାଇଁ ପୁରୀବାସୀ ଅନେକ ତ୍ୟାଗ କରିଛନ୍ତି । ଆଗକୁ ବର୍ଷାଦିନ ଆସୁଥିବାରୁ ପରିକ୍ରମା ପ୍ରକଳ୍ପ କାମ ଶୀଘ୍ର ଶେଷ କରିବାକୁ ସେ ଦାବି କରିଛନ୍ତି । କାମ ଶୀଘ୍ର ଶେଷ ନହେଲେ ଶ୍ରୀମନ୍ଦିର ଚାରିପଟେ ରହୁଥିବା ସେବାୟତ ପରିବାର ବହୁ ଅସୁବିଧାର ସମ୍ମୁଖୀନ ହେବେ । ସେହେଭଳି ଏଏସ୍ଆଇର ପଦକ୍ଷେପ ଉପରେ ସନ୍ଦେହ ପ୍ରକାଶ କରିଛନ୍ତି ପୁରୀ ବିଧାୟକ । ତେବେ ପୁରୀ ବିଧାୟକ ପୁରୀରେ ହେଉଥିବା ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକୁ ପ୍ରଶଂସା କରିଛନ୍ତି ।