ନୂଆଦିଲ୍ଲୀ: ଆଗକୁ ଆପଣ ଯେଉଁ ଆପ୍‌ରୁ ଋଣ ନେଇଛନ୍ତି କିମ୍ବା ବ୍ୟକ୍ତିଗତ ଋଣ ନେବାକୁ ଯୋଜନା କରୁଛନ୍ତି ତାହା ପ୍ଲେ ଷ୍ଟୋରରେ ଦୃଶ୍ୟମାନ ହୋଇ ନ ପାରେ। ଗୁଗୁଲ ଭାରତରେ ଏହାର ଆପ୍ ମାର୍କେଟପ୍ଲେସରେ ପ୍ରାୟ ୨୦୦୦ ବ୍ୟକ୍ତିଗତ ଋଣ ଆପ୍ ବ୍ଲକ୍‌ କରିଛି। ଗୁଗୁଲ କହିବାନୁଯାୟୀ, ଏହି ଆପ୍‌ଗୁଡିକ ଏହାର ନୀତିର ଉଲ୍ଲଂଘନ କରିଛନ୍ତି। ଗୁଗୁଲ ଏସିଆ-ପାସିଫିକ୍‌ର ସିନିୟର ଡାଇରେକ୍ଟର ତଥା ଟ୍ରଷ୍ଟ ଆଣ୍ଡ ସେଫ୍ଟିର ମୁଖ୍ୟ ସାଇକତ ମିତ୍ର କହିଛନ୍ତି ଯେ, ପ୍ଲେ ଷ୍ଟୋରରୁ ଋଣ ଆପ୍ ଅପସାରଣ କରାଯାଇଛି।। ମିତ୍ର କହିଛନ୍ତି ଯେ ଗୁଗୁଲ ଦୀର୍ଘ ଦିନ ଧରି କିଛି ହିତାଧିକାରୀଙ୍କ ସହ କାମ କରିଆସୁଥିଲା। ଏଥିମଧ୍ୟରେ ସରକାରୀ ଏଜେନ୍ସି, ମିଡିଆ ଏବଂ ୟୁଜର୍ ରେଫରାଲ୍ ଅନ୍ତର୍ଭୁକ୍ତ। ଏହାବ୍ୟତୀତ, ପ୍ଲେ ଷ୍ଟୋରରେ ନିୟମ ଉଲ୍ଲଂଘନ କରୁଥିବା ଲୋକଙ୍କ ଉପରେ ନଜର ରଖିବା ପାଇଁ କମ୍ପାନୀ ଆର୍ଟିଫିସିଆଲ ଇଣ୍ଟେଲିଜେନ୍ସି ପ୍ରଣାଳୀ ସଂସ୍ଥାପିତ କରିଛି। ସେଥରୁ ମିଳିଥିବା ରିପୋର୍ଟ ଆଧାରରେ ଏହି ଆପ୍ସକୁ ପ୍ଲେ ଷ୍ଟୋରରୁ ହଟାଇ ଦିଆଯାଇଥିଲା।

ମିତ୍ର କହିଛନ୍ତି ଯେ ,ଭୂଲ ବ୍ୟବସାୟ ଅଭ୍ୟାସ ଅନୁସରଣ କରୁଥିବା ଆପ୍ସକୁ ଅବରୋଧ କରିବା ଭାରତ ଅପେକ୍ଷା ଇଣ୍ଡୋନେସିଆ ଭଳି ଦେଶରେ ସହଜ। ସେଠାରେ କେବଳ ସରକାରୀ ଅନୁମୋଦିତ ଆପ୍ ଦେଇପାରିବେ। ଗୁଗୁଲ ସ୍ପଷ୍ଟ କରିଛି ଯେ ପ୍ଲେ ଷ୍ଟୋରରେ ବ୍ଲକ୍‌ ହୋଇଥିବା ଆପଗୁଡିକ ଅତ୍ୟଧିକ ସୁଧହାର ଓ ଉଚ୍ଚ ପ୍ରକ୍ରିୟାକରଣ ଶୁଳ୍କ ସହ ଋଣ ପ୍ରଦାନ କରିବାକୁ କୁହାଯାଇପାରିବନାହିଁ। ଏଗୁଡିକ ହଟାଇବା ପାଇଁ କମ୍ପାନୀର ନିଜସ୍ୱ ମାନଦଣ୍ଡ ରହିଛି। ଅନଲାଇନ୍ ଋଣ ସମ୍ବନ୍ଧରେ ଅନେକ ଅଭିଯୋଗ ଗ୍ରହଣ କରାଯାଇଥିଲା।

ନୂଆଦିଲ୍ଲୀ: ଗୁଗଲ ଏହାର ପ୍ଲେ ଷ୍ଟୋରର ଆଜିଠୁ ସବୁ କଲ ରେକର୍ଡିଂ ଆପ୍ ଉପରେ ନିଷିଧାଦେଶ ଲଗାଇଛି। ଏ ନେଇ ଗତ ମାସରେ କମ୍ପାନୀ ଘୋଷଣା କରିଥିଲା। ଗୁଗଲ ପ୍ଲେ ଷ୍ଟୋର ନୀତି ଅନୁସାରେ ୧୧ ତାରିଖ ଅର୍ଥାତ ଆଜିଠୁ କଲ୍‌ ରେକର୍ଡିଂ ଆପ ନିଷେଧ ହୋଇଛି। ତେବେ କମ୍ପାନୀ ଫୋନ୍‌ରେ ଥିବା ଇନ୍ ବିଲ୍ଟ କଲ୍ ରେକର୍ଡିଂ ବ୍ୟବସ୍ଥାରେ କୌଣସି ପରିବର୍ତ୍ତନ କରାଯାଇନି। ଗତମାସରେ ଗୁଗଲ୍‌ ପକ୍ଷରୁ ତାର ପ୍ଲେ ଷ୍ଟୋରରେ ଥିବା ସମସ୍ତ କଲ ରେକର୍ଡିଂକୁ ନିଷିଦ୍ଧ କରାଯିବା ସମ୍ପର୍କରେ ଘୋଷଣା କରାଯାଇଥିଲା । ଆମେରିକାର କୁପରଟିନୋସ୍ଥିତ ଏହି ପ୍ରଯୁକ୍ତି କମ୍ପାନୀ ଦୀର୍ଘ ବର୍ଷ ହେଲା କଲ୍‌ ରେକର୍ଡିଂ ଆପ୍ ଓ ସେବା ବନ୍ଦ କରିବା ସପକ୍ଷରେ ଯୁକ୍ତି ବାଢିଆସୁଥିଲା। ଏହି ପ୍ରସଙ୍ଗରେ କମ୍ପାନୀର ଯୁକ୍ତି ହେଉଛି, କଲ୍‌ ରେକର୍ଡିଂ କରାଯିବା ଦ୍ୱାରା ବ୍ୟବହାରୀକାରୀଙ୍କ ବ୍ୟକ୍ତିଗତ ଗୋପନୀୟତାର ଉଲ୍ଲଘଂନ ହେଉଛି। ଏହି କାରଣରୁ ଗୁଗଲ୍‌ର ନିଜସ୍ୱ ଡାଏଲର ଆପ୍‌ରେ ଥିବା କଲ ରେକର୍ଡିଂ ଫିଚର୍‌ରେ ଜଣାଇଦିଆଯାଉଛି ଯେ ଏହି କଲ୍‌କୁ ବର୍ତ୍ତମାନ ରେକର୍ଡ କରାଯାଉଛି। ଦୁଇପକ୍ଷ କଥା ହେବା ସମୟରେ ଯଦି କଲ୍‌କୁ ରେକର୍ଡିଂ କରାଯାଏ ତେବେ ଏହି ସତର୍କ ସୂଚନା ଉଭୟ ପକ୍ଷ ଶୁଣିପାରିବେ। ଗୁଗଲ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି ଯେ ଏହି ପରିବର୍ତ୍ତନ ଦ୍ୱାରା ତୃତୀୟ ପକ୍ଷ ଆପ୍‌ଗୁଡିକ ପ୍ରଭାବିତ ହେବ।