ଲଳିତ ମୋଦୀ (Lalit Modi), ଯିଏକି ଇଣ୍ଡିଆନ୍ ପ୍ରିମିୟର୍ ଲିଗ୍ (ଆଇପିଏଲ୍/IPL) ର ପ୍ରତିଷ୍ଠାତା ଏବଂ ପୂର୍ବତନ ଅଧ୍ୟକ୍ଷ, ଏକ ସାକ୍ଷାତକାରରେ ୮ଟି ବଡ଼ ତଥା ଚାଞ୍ଚଲ୍ୟକର ଖୁଲାସା କରିଛନ୍ତି। ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ୍ (Dawood Ibrahim) ଙ୍କ ଠାରୁ ମିଳିଥିବା ହତ୍ୟା ଧମକ, ନିଜ ପୁଅର ଅପହରଣ, ଆଇପିଏଲ୍ ବିବାଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ (Narendra Modi) ଏବଂ କଂଗ୍ରେସ ନେତା ରାହୁଲ ଗାନ୍ଧୀ (Rahul Gandhi) ଙ୍କୁ ନେଇ ସେ ଅନେକ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ଏକ ସମ୍ବାଦ ସରବରାହ ସଂସ୍ଥା (ANI) କୁ ଦେଇଥିବା ସାକ୍ଷାତକାରରେ ସେ କ୍ରିକେଟ୍ ପ୍ରଶାସନରୁ ଦୂରେଇ ଯିବାର ପ୍ରକୃତ କାରଣ ବିଷୟରେ ମଧ୍ୟ ପ୍ରକାଶ କରିଛନ୍ତି।

ଦାଉଦ ଇବ୍ରାହିମଙ୍କ ହତ୍ୟା ଉଦ୍ୟମ ଓ ପୁଅର ଅପହରଣ

ଲଳିତ ମୋଦୀ ଦାବି କରିଛନ୍ତି ଯେ ତାଙ୍କ ଉପରେ ଦାଉଦ ଇବ୍ରାହିମ୍ ଙ୍କ ସିଣ୍ଡିକେଟ୍ ପକ୍ଷରୁ ତିନିଥର ପ୍ରାଣଘାତୀ ଆକ୍ରମଣ କରାଯାଇଥିଲା। ଏହି ଆକ୍ରମଣ ମୁମ୍ବାଇ, ଦକ୍ଷିଣ ଆଫ୍ରିକା ଏବଂ ମଣ୍ଟେନେଗ୍ରୋରେ ହୋଇଥିଲା। ଏପରିକି ଲଣ୍ଡନରେ ତାଙ୍କ ପୁଅକୁ 'ବାବା ଆଭିନ୍' ନାମକ ଜଣେ ବ୍ୟକ୍ତି ଅପହରଣ ମଧ୍ୟ କରିଥିଲେ। ଏହି ଲଗାତାର ଧମକ ଏବଂ ପରିବାର ଉପରେ ଆସୁଥିବା ବିପଦ କାରଣରୁ ସେ ଶେଷରେ କ୍ରିକେଟ୍ ଜଗତରୁ ଦୂରେଇ ଯିବାକୁ ବାଧ୍ୟ ହୋଇଥିଲେ ବୋଲି ସେ ପ୍ରକାଶ କରିଛନ୍ତି। ଏକଦା ଏକ ମଧ୍ୟସ୍ଥଙ୍କ ସାହାଯ୍ୟରେ ଦାଉଦଙ୍କ ସହ ସାଟେଲାଇଟ୍ ଫୋନରେ କଥା ହେବା ବେଳେ ସେ ଭୟଭୀତ ହୋଇପଡ଼ିଥିଲେ ବୋଲି ମଧ୍ୟ ସ୍ୱୀକାର କରିଛନ୍ତି।

ବେଆଇନ ସଟ୍ଟାବଜାର ଏବଂ ଆଇପିଏଲ୍

ମୋଦୀଙ୍କ ଅନୁଯାୟୀ, ଆଇପିଏଲର ପ୍ରାରମ୍ଭିକ ବର୍ଷଗୁଡ଼ିକରେ ସେ ମ୍ୟାଚ୍ ଫିକ୍ସିଂ ଏବଂ ବେଆଇନ ସଟ୍ଟାବାଜି ବିରୋଧରେ କଠୋର ପଦକ୍ଷେପ ନେଇଥିଲେ। ବିଶେଷକରି ଆଇପିଏଲର ଦ୍ୱିତୀୟ ସଂସ୍କରଣକୁ ସେ ଯେତେବେଳେ ଦକ୍ଷିଣ ଆଫ୍ରିକାକୁ ସ୍ଥାନାନ୍ତର କଲେ, ସେତେବେଳେ ସଟ୍ଟାବଜାର ସିଣ୍ଡିକେଟ୍ ବ୍ୟାପକ କ୍ଷତି ସହିଥିଲା, ଯାହା ତାଙ୍କୁ ମାଫିଆମାନଙ୍କର ମୁଖ୍ୟ ଟାର୍ଗେଟ୍ କରିଦେଇଥିଲା। ସେ କହିଛନ୍ତି ଯେ ବର୍ତ୍ତମାନ ପୂରା ମ୍ୟାଚ୍ ଫିକ୍ସିଂ ହେଉନାହିଁ, ବରଂ ଓଭର ଏବଂ ବଲ୍ ଫିକ୍ସିଂ ଭଳି ଅତ୍ୟାଧୁନିକ ଉପାୟ ଅବଲମ୍ବନ କରାଯାଉଛି।

ରାଜନୈତିକ ବୟାନ ଏବଂ 'ପଳାତକ' ପ୍ରସଙ୍ଗ

ଏହି ସାକ୍ଷାତକାରରେ ଲଳିତ ମୋଦୀ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା କରିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଛନ୍ତି। ଆଇପିଏଲକୁ ନଷ୍ଟ କରିବା ପାଇଁ କଂଗ୍ରେସ ନେତାମାନେ ଚେଷ୍ଟା କରୁଥିଲେ ବୋଲି ସେ ଅଭିଯୋଗ ଆଣିଛନ୍ତି। ଏହା ସହିତ ନିଜକୁ ଜଣେ 'ପଳାତକ' ଭାବରେ ଆଖ୍ୟା ଦିଆଯିବାକୁ ସେ ଦୃଢ଼ ବିରୋଧ କରିଛନ୍ତି ଏବଂ ତାଙ୍କୁ ଫସାଇ ଦିଆଯାଇଥିବା କହିଛନ୍ତି।

ମୁମ୍ବାଇ : ଅଣ୍ଡରୱାର୍ଲ୍ଡ ଡନ୍ ଦାଉଦ୍‌ ଇବ୍ରାହିମ୍‌ ଉପରେ ଏନଆଇଏର ବଡ ଆକ୍ସନ। ଆଜି ମୁମ୍ବାଇର ପ୍ରାୟ ୨୦ଟି ସ୍ଥାନରେ ‘ନ୍ୟାସ୍‌ନାଲ୍‌ ଇନ୍‌ଭେଷ୍ଟିଗେସନ୍‌ ଏଜେନ୍‌ସି’ (ଏନ୍‌ଆଇଏ) ପଳାତକ ଗ୍ୟାଙ୍ଗ୍‌ଷ୍ଟର୍‌ ଦାଉଦ୍‌ ଇବ୍ରାହିମ୍‌ର ସହଯୋଗୀମାନଙ୍କୁ ଉପରେ ଚଢ଼ାଉ କରିଛି। ଏହି ୨୦ ଠିକଣା ଦାଉଦର ସାର୍ପସୁଟର ଓ ଘନିଷ୍ଠ ସହଯୋଗୀଙ୍କର ବୋଲି ଜଣାପଡିଛି ।

ମୁମ୍ବାଇର ବାନ୍ଦ୍ରା, ନାଗପଡ଼ା, ବୋରିୱାଲି, ଜର୍ଜଗାଓଁ, ପାର୍ଲେ, ସାନ୍ତାକ୍ରୁଜ୍‌ ଆଦି ଅଞ୍ଚଳରେ ଦାଉଦ୍‌ ଇବ୍ରାହିମ୍‌ଙ୍କର ସାର୍ପସୁଟର୍‌, ଡ୍ରଗ୍‌ ଟ୍ରାଫିକର୍, ହାୱାଲା ଅପରେଟର୍ସ, ରିୟଲ ଇଷ୍ଟେଟ୍‌ ମ୍ୟାନେଜର୍‌ ଏବଂ ଅନ୍ୟାନ୍ୟ ପ୍ରମୁଖ ଅପରାଧୀମାନଙ୍କ ଉପରେ ଚଢ଼ାଉ ଚାଲିଛି। ଗୃହମନ୍ତ୍ରଣାଳୟର ଆଦେଶରେ ଏପରି ଚଢଉ ହୋଇଛି ।ଆତଙ୍କବାଦୀ କାର୍ଯ୍ୟକଳାପ, ସଂଗଠିତ ଅପରାଧ ଏବଂ ଭାରତରେ ଅସ୍ଥିରତା ସୃଷ୍ଟି ନିମିତ୍ତ କାର୍ଯ୍ୟରେ ଶୀର୍ଷସ୍ତରୀୟ ନେତୃତ୍ବ ଏବଂ ଅଧିକାଂଶ ବିଦେଶରେ ବସବାସ କରୁଥିବା ଡି-କମ୍ପାନିର କାର୍ଯ୍ୟକର୍ତ୍ତାଙ୍କ ସମ୍ପୃକ୍ତି ଥିବା ଦର୍ଶାଇ ଚଳିତ ବର୍ଷ ‌ଫେବ୍ରୁଆରି ମାସରେ ‘ଏନ୍‌ଆଇଏ’ ମାମଲା ରୁଜୁ କରିଥିଲା।

ଅନୁସନ୍ଧାନକାରୀ ସଂସ୍ଥା କହିଛି ଯେ ଦାଉଦଙ୍କ ସହ ଅନେକ ହାୱାଲା ଅପରେଟର ଏବଂ ଡ୍ରଗ୍ ବେପାରୀ ସଂଯୁକ୍ତ ।ଏ ସମ୍ପର୍କରେ ଚଳିତ ବର୍ଷ ଫେବୃଆରୀରେ ଏକ ମାମଲା ରୁଜୁ ହୋଇଥିଲା।ଗୃହ ମନ୍ତ୍ରଣାଳୟର ନିର୍ଦ୍ଦେଶ କ୍ରମେ ଏନଆଇଏ ପକ୍ଷରୁ ଏହି ମାମଲା ପଞ୍ଜିକୃତ ହୋଇଥିଲା। ସୂଚନାନୁସାରେ, ଗୃହ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ଜାତୀୟ ଅନୁସନ୍ଧାନ ଏଜେନ୍ସି (ଏନ୍ଆଇଏ) ଚଳିତ ବର୍ଷ ଫେବୃଆରୀରେ ଦାଉଦ୍‌ ଇବ୍ରାହିମ୍ ଏବଂ ଡି କମ୍ପାନୀ ବିରୋଧରେ ମାମଲା ରୁଜୁ କରିଥିଲା। ଏହି ମାମଲାରେ ଏନଆଇଏ ଆଜି ଚଢଉ କରୁଛି।

ଚଳିତ ବର୍ଷ ଫେବୃଆରୀରେ ଆତଙ୍କବାଦୀ କାର୍ଯ୍ୟକଳାପ, ସଂଗଠିତ ଅପରାଧ ତଥା ଭାରତରେ ଅଶାନ୍ତି ସୃଷ୍ଟି କରିବା ଉଦ୍ଦେଶ୍ୟରେ ଡି-କମ୍ପାନୀର ଶୀର୍ଷ ନେତୃତ୍ୱ ତଥା ଅପରେଟରଙ୍କ ସମ୍ପୃକ୍ତି ସମ୍ପର୍କରେ ଏନଆଇଏ ଏକ ମାମଲା ରୁଜୁ କରିଥିଲା।‘ଅନ୍‌ଲଫୁଲ୍‌ ଆକ୍ଟିଭିଟିଜ୍‌ ପ୍ରିଭେନ୍‌ସନ୍‌ ଆକ୍ଟ’ (ୟୁଏପିଏ) ଉପଯୋଗ କରାଯାଇ ଏହି ମାମଲାରେ ‘ଏଫ୍‌ଆଇଆର୍‌’ ପଞ୍ଜିକରଣ କରାଯାଇଥିଲା। ନିରାପଦ ଆଶ୍ରୟସ୍ଥଳ ପାକିସ୍ତାନର କରାଚିରେ ଥାଇ ଡନ୍‌ ଦାଉଦ୍‌ ଇବ୍ରାହିମ୍‌ ଚଳାଇଥିବା ‘ଅଣ୍ଡର୍‌ୱାର୍ଲଡ୍‌ ନେଟ୍‌ୱାର୍କ’ର ସଦସ୍ୟମାନେ କରିଥିବା ଆତଙ୍କବାଦୀ, ଅପରାଧିକ କାର୍ୟ୍ୟକଳାପ ସବୁକୁ ‘ଏନ୍‌ଆଇଏ’ ପର୍ଯ୍ୟାଲୋଚନା କରିବା ସହ ତଦନ୍ତ କରୁଛି।

ଏହାପୂର୍ବରୁ, ଅଣ୍ଡରୱାର୍ଲ୍ଡ କାର୍ଯ୍ୟକଳାପ, ବେଆଇନ ସମ୍ପତ୍ତି କ୍ରୟ ଏବଂ ହାୱାଲା ମାଧ୍ୟମରେ କାରବାର ସହ ଜଡିତ ମନି ଲଣ୍ଡରିଂ ମାମଲାର ଯାଞ୍ଚର ଏକ ଅଂଶ ଭାବରେ ଏନ୍ଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଚଳିତ ବର୍ଷ ଫେବୃଆରୀରେ ମୁମ୍ବାଇର ଅନେକ ସ୍ଥାନରେ ଚଢାଉ କରିଥିଲା। ଏହି ସମୟ ମଧ୍ୟରେ ଇଡି ମଧ୍ୟ ଦାଉଦ ଇବ୍ରାହିମଙ୍କ ଭଉଣୀ ହସେନା ପାର୍କରଙ୍କ ଘର ଉପରେ ଚଢାଉ କରିଥିଲା, ଯେଉଁଠାରୁ କିଛି ଅପରାଧୀ ଦଲିଲ ଜବଦ କରାଯାଇଥିଲା ।