ନୂଆଦିଲ୍ଲୀ: ଦେଶର ଆଣ୍ଡ୍ରଏଡ୍ ୟୁଜର୍ସ ବା ବ୍ୟବହାରକାରୀଙ୍କ ପାଇଁ ଇଣ୍ଡିଆନ୍ କମ୍ପ୍ୟୁଟର ଜରୁରୀକାଳୀନ ପ୍ରତିକ୍ରିୟା ଦଳ (ସିଇଆର୍‌ଟି-ଇନ୍‌) ନିକଟରେ ଏକ ଚେତାବନୀ ଜାରି କରିଛି। ଏହି ଅନୁଯାୟୀ, ଖୁବ୍‌ ଶୀଘ୍ର ଆଣ୍ଡ୍ରଏଡ୍‌ ବ୍ୟବହାରକାରୀମାନଙ୍କର ଫୋନ୍ ହ୍ୟାକ୍‌ ହୋଇପାରେ। ସିଇଆର୍‌ଟି-ଇନ୍‌ ଅନୁଯାୟୀ, ଆଣ୍ଡ୍ରଏଡ୍ ଓଏସ୍‌ରେ ଅନେକ ତ୍ରୁଟି ଦେଖିବାକୁ ମିଳିଛି। ଏହାର ଫାଇଦା ନେବାକୁ ଯାଇ ହ୍ୟାକରମାନେ ଆପଣଙ୍କ ଫୋନରୁ ଆପଣଙ୍କର ଗୁରୁତ୍ୱପୂର୍ଣ୍ଣ ସୂଚନା ଏବଂ ତଥ୍ୟ ହ୍ୟାକ୍‌ କରି ନେଇଯିବାର ସମ୍ଭାବନା ରହିଛି। କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଅଧୀନସ୍ଥ ସିଇଆରଟି-ଇନ୍‌ ଏ ନେଇ ଆଣ୍ଡ୍ରଏଡ୍ ୟୁଜରମାନଙ୍କୁ ଚେତାବନୀ ଦେଇଛି।

ଏଭଳି ପରିସ୍ଥିତିରେ କେଉଁ ଆଣ୍ଡ୍ରଏଡ୍ ସଂସ୍କରଣ ବିପଦରେ ଅଛି ତାହା ଜାଣିବା ଜରୁରୀ। ଏଥିରେ ଆଣ୍ଡ୍ରଏଡ୍ ୧୨, ଆଣ୍ଡ୍ରଏଡ୍ ୧୨ ଏଲ୍, ଆଣ୍ଡ୍ରଏଡ୍ ୧୩ ଏବଂ ଆଣ୍ଡ୍ରଏଡ୍ ୧୪ ମଧ୍ୟ ଅନ୍ତର୍ଭୁକ୍ତ। ସିଇଆର୍‌ଟି-ଇନ୍‌ ଅନୁଯାୟୀ, ଏହି ତ୍ରୁଟି ଯୋଗୁଁ ଯଦି କୌଣସି ହ୍ୟାକର ଆପଣଙ୍କ ଫୋନ୍‌କୁ ହ୍ୟାକ୍ କରିବାକୁ ଚାହାଁନ୍ତି। ତେବେ ଏହା ତାଙ୍କ ପାଇଁ ବହୁତ ସହଜ ହେବ। ଆପଣଙ୍କ ଫୋନ୍ ହ୍ୟାକ୍ କରିବା ପରେ, ହ୍ୟାକର ଆପଣଙ୍କ ଫୋନରୁ ତଥ୍ୟ ଚୋରି କରି ସେହି ତଥ୍ୟକୁ ଡାର୍କ ୱେବ୍‌ରେ ବିକ୍ରି କରିପାରନ୍ତି। ଏହାସହିତ, ହ୍ୟାକର ଆପଣଙ୍କ ଫୋନରେ ସର୍ଭିସ୍ ଡେନିଅଲ୍ ସ୍ଥିତିକୁ ମଧ୍ୟ ସକ୍ରିୟ କରିପାରିବେ। ତେଣୁ ସିଇଆର୍‌ଟି-ଇନ୍‌ ବ୍ୟବହାରକାରୀଙ୍କୁ ଯଥାଶୀଘ୍ର ସୁରକ୍ଷା ପ୍ୟାଚ୍ ଅପଡେଟ୍ କରିବାକୁ କହିଛି।

ନୂଆଦିଲ୍ଲୀ: ଗୁଗୁଲର ୩୨୦ ନିୟୁତ କ୍ରୋମ ବ୍ରାଉଜର ଏବେ ବିପଦରେ। କାରଣ କ୍ରୋମ ବ୍ରାଉଜରଙ୍କ ବ୍ୟକ୍ତିଗତ ତଥ୍ୟର ସୁରକ୍ଷା ପ୍ରତି ଏହି ବିପଦ ସୃଷ୍ଟି ହୋଇଛି। ଗୁଗୁଲ୍ ଗତ ତିନି ସପ୍ତାହ ମଧ୍ୟରେ ତିନୋଟି ସିକ୍ୟୁରିଟି ଅପ୍‌ଟେଡ୍ ଜାରି କରିଛି। ଏହି ଅପ୍‌ଗୁଡିକ ଗୁଗୁଲ୍ କ୍ରୋମ୍ ବ୍ରାଉଜର୍ ପାଇଁ ଉଦ୍ଧିଷ୍ଟ । ରିପୋର୍ଟ ଅନୁଯାୟୀ, ଗୁଗୁଲ କ୍ରୋମ୍‌ରେ ତ୍ରୁଟି ଥିବାରୁ ୩୨୦ କୋଟି ବ୍ୟବହାରକାରୀଙ୍କ ସୁରକ୍ଷା ପ୍ରତି ବିପଦ ରହିଛି । ଗୁଗୁଲ୍ କ୍ରୋମରେ ଏକ ନୂତନ ଜିରୋ ଡେ’ ଥେଟ୍ ଦେଖିବାକୁ ମିଳିଥିଲା, ଏହାର ଫାଇଦା ଉଠାଇ ହ୍ୟାକରମାନେ କ୍ରୋମ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟ ସବୁ ଚୋରି କରିପାରନ୍ତି। ତେଣୁ ଗୁଗୁଲ୍ ଏହାର ୩୨୦ ନିୟୁତ କ୍ରୋମ ବ୍ରାଉଜର ପାଇଁ ଏକ ଜରୁରୀକାଳୀନ ଚେତାବନୀ ଜାରି କରିଛି ସେଥିରେ ଉପଭୋକ୍ତାମାନଙ୍କୁ ତୁରନ୍ତ ସେମାନଙ୍କ ବ୍ରାଉଜରକୁ ଅପଡେଟ୍ କରିବାକୁ କହିଛି।

ଗୁଗୁଲ୍ ନୂଆ ଅପଡେଟ୍ ସହିତ ବଗ୍‌କୁ ଫିକ୍ସ କରିଦେଇଛି। ଗୁଗୁଲ୍ କ୍ରୋମ୍‌ରେ ଥିବା ଏହି ବଗ୍‌କୁ ସିଭିଇ ୨୦୨୨-୧୩୬୪ ଭାବରେ ଚିହ୍ନଟ କରାଯାଇଛି। ଏହି ତ୍ରୁଟି ସୁଧାରିବା ପରେ, ଗୁଗୁଲ କ୍ରୋମ୍ ୧୦୦ .୦.୪୮୯୬ .୧୨୭ ସଂସ୍କରଣ ପ୍ରକାଶ କରିଛି ଯାହା ସମସ୍ତ ତିନୋଟି ପ୍ଲାଟଫର୍ମ ୱିଣ୍ଡୋଜ୍, ମ୍ୟାକ୍ ଏବଂ ଲିନକ୍ସ ପାଇଁ ଜରୁରୀ। ଯଦି ଆପଣ ମାଇକ୍ରୋସଫ୍ଟ ଏଜ୍, ବ୍ରେଭ୍, ଭିଭାଲ୍ଡି କିମ୍ବା ଅପେରା ମଧ୍ୟ ବ୍ୟବହାର କରୁଛନ୍ତି, ତେବେ ଆପଣଙ୍କୁ ଏକ ଅପଡେଟ୍ ଦରକାର |

ଗୁଗୁଲ୍ ଏକ ନୂତନ ଅପଡେଟ୍ ରିଲିଜ୍ କରିଛି କିନ୍ତୁ ଏହା ମଧ୍ୟ କହିଛି ଯେ କ୍ରୋମ୍ ସ୍ଵୟଂଚାଳିତ ଭାବରେ ଅପଡେଟ୍ ହେବ। ଏହାର ଅର୍ଥ ହେଉଛି ୟୁଜରମାନଙ୍କୁ ସେମାନଙ୍କର କ୍ରୋମ୍ ୱେବ୍‌ ବ୍ରାଉଜରକୁ ମାନୁଆଲ୍ ଭାବେ ଅପଡେଟ୍ କରିବାକୁ ପଡିବ । ତେଣୁ ଆପଣଙ୍କର କ୍ରୋମ୍ ବ୍ରାଉଜରରେ ଏବାଉଟ୍‌କୁ ଯାଇ ଅପଡେଟ୍ ପାଇଁ ମଧ୍ୟ ଯାଞ୍ଚ କରିପାରିବେ। ଯଦି ଅପଡେଟ୍ ଉପଲବ୍ଧ ଅଛି, ଦୟାକରି ତୁରନ୍ତ ଅପଡେଟ୍ କରନ୍ତୁ ଏବଂ ଯଦି ଅପଡେଟ୍ ଉପଲବ୍ଧ ନାହିଁ, ଦୟାକରି କିଛି ଦିନ ପାଇଁ ସୋସିଆଲ୍ ମିଡିଆ ଆକାଉଣ୍ଟ୍ ଏବଂ ବ୍ୟାଙ୍କିଙ୍ଗ୍ କାରବାର ପାଇଁ ବ୍ରାଉଜରରେ ଲଗ୍ ଇନ୍ କରନ୍ତୁ ବୋଲି ଗୁଗୁଲ ପକ୍ଷରୁ ପରାମର୍ଶ ଦିଆଯାଇଛି।