ନୂଆଦିଲ୍ଲୀ: ଗୁଗୁଲ୍‌ କ୍ରୋମ ହେଉଛି ବର୍ତ୍ତମାନ ସମୟରେ ଦୁନିଆର ସବୁଠାରୁ ଲୋକପ୍ରିୟ ଓ୍ବେବ-ବ୍ରାଉଜର। ମୋବାଇଲ୍‌, ଲାପଟପ କିମ୍ବା କମ୍ପ୍ୟୁଟରରେ ବ୍ରାଉଜିଂ ପାଇଁ ପ୍ରାୟ ଅଧିକାଂଶ ୟୁଜର୍ସ ଗୁଗ୍‌ଲ କ୍ରୋମ ବ୍ୟବହାର କରିଥାନ୍ତି। ଅପରପକ୍ଷେ ଗୁଗୁଲ୍‌ କ୍ରୋମ୍‌ରେ ତ୍ରୁଟି ପାଇଁ ଗୁଗ୍‌ଲ କ୍ରୋମ୍‌ର ୟୁଜର୍ସଙ୍କୁ କେନ୍ଦ୍ର ସରକାର ଚେତାବନୀ ଦେଇଛନ୍ତି। ଆଇଟି ମନ୍ତ୍ରାଳୟର ଇଣ୍ଡିଆନ୍‌ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍‌(ସିଇଆର୍‌ଟି-ଇନ୍‌)ପକ୍ଷରୁ ଏହି ଚେତାବନୀ ଦିଆଯାଇଛି। ସିଇଆର୍‌ଟି-ଇନ୍‌ ଅନୁଯାୟୀ, ଗୁଗ୍‌ଲ କ୍ରୋମରେ କିଛି ତ୍ରୁଟି ଦେଖିବାକୁ ମିଳିଛି, ଯେଉଁ କାରଣରୁ ହ୍ୟାକମାନେ ଏହାର ଫାଇଦା ଉଠାଇ ସହଜରେ କମ୍ପ୍ୟୁଟରଗୁଡିକୁ ହ୍ୟାକ୍‌ କରିପାରିବେ। ଏହି ଚେତାବନୀ କେବଳ ଡେକ୍ସଟପ୍‌ ୟୁଜର୍ସଙ୍କ ପାଇଁ ଜାରି କରାଯାଇଛି। ସିଇଆର୍‌ଟି-ଇନ୍‌ ପୂର୍ବରୁ ଆପଲ ଆଇଓଏସ, ଆପଲ ଆଇପ୍ୟାଡ ଏବଂ ମାକୋସରେ ତ୍ରୁଟି ବିଷୟରେ ଚେତାବନୀ ଦେଇଥିଲା। ହ୍ୟାକିଂକୁ ଏଡାଇବା ପାଇଁ ୟୁଜର୍ସମାନେ ପ୍ରଥମେ ସେମାନଙ୍କର ଗୁଗ୍‌ଲ କ୍ରୋମ୍‌ର ଲାଟେଷ୍ଟ ଭର୍ସନ ଅପଡେଟ୍‌ କରିବା ଆବଶ୍ୟକ। ଆହୁରି ମଧ୍ୟ ୟୁଜରମାନେ କୌଣସି ଅଜ୍ଞାତ ଲିଙ୍କ୍‌ରେ କ୍ଲିକ୍‌ କରିବା ଏବଂ ଅଜ୍ଞାତ ଭିଜିଟ କରିବାଠାରୁ ଦୂରେଇ ରହିବା ଉଚିତ।

ନୂଆଦିଲ୍ଲୀ: ଯଦି ଆପଣ ଗୁଗୁଲ୍ କ୍ରୋମ୍ ବ୍ୟବହାର କରୁଛନ୍ତି ତେବେ ଆପଣଙ୍କ ପାଇଁ ଏକ ବଡ଼ ଖବର ରହିଛି। ସରକାରଙ୍କ ସାଇବର ସୁରକ୍ଷା ଏଜେନ୍ସି ଇଣ୍ଡିଆନ୍ କମ୍ପ୍ୟୁଟର ଇମଜେନ୍ସି ରେସପନ୍ସ  ଟିମ୍ (CERT-In) ଗୁଗୁଲ୍ କ୍ରୋମ୍ ସମ୍ବନ୍ଧରେ ଏକ ଚେତାବନୀ ଜାରି କରିଛି। ଉପଭୋକ୍ତାମାନଙ୍କୁ ତୁରନ୍ତ ସେମାନଙ୍କର କ୍ରୋମ୍ ବ୍ରାଉଜର୍ ଅପଡେଟ୍ କରିବାକୁ କହିଛି।

ପ୍ରକୃତରେ ଗୁଗୁଲ୍ କ୍ରୋମରେ ଏକ ବଗ ଅର୍ଥାତ ସଫଟୱାରରେ କିଛି ତ୍ରୁଟି ଅଛି। ଏହାର ଫାଇଦା ଉଠାଇ ହ୍ୟାକରମାନେ ଲୋକଙ୍କୁ ଚୂନ ଲଗାଇପାରନ୍ତି। ଚେତାବନୀରେ ଦର୍ଶାଯାଇଛି ଯେ ଏହି ତ୍ରୁଟି ହେତୁ ହ୍ୟାକରମାନେ ବ୍ୟବହାରକାରୀଙ୍କ ବ୍ୟକ୍ତିଗତ ସୂଚନା ଚୋରି କରିପାରନ୍ତି। CERT-In ଅନୁଯାୟୀ, ଗୁଗୁଲ୍ କ୍ରୋମର ସଂସ୍କରଣ ୧୦୦ ରେ ଏକ ବିପଜ୍ଜନକ ବଗ୍ ରହିଛି। ଏଥିପାଇଁ ଗୁଗୁଲ୍ ନୂତନ ସଂସ୍କରଣ ୧୦୧ ଜାରି କରିଛି। ଏହାକୁ ତୁରନ୍ତ ଅପଡେଟ୍ କରିଦେବାକୁ ନିର୍ଦ୍ଧଶ ଦିଆଯାଇଛି।

ଆଲର୍ଟ ଅନୁଯାୟୀ, ୱିଣ୍ଡୋଜ୍ ବ୍ୟତୀତ Linux ଏବଂ MacOS ବ୍ୟବହାରକାରୀମାନେ ଗୁଗୁଲ୍ କ୍ରୋମର ଏହି ବଗ୍ ଦ୍ୱାରା ଅଧିକ ପ୍ରଭାବିତ ହୋଇଥିଲେ। ଏହି ବଗ୍ ଯୋଗୁଁ କିଛ ସେକେଣ୍ଡ ମଧ୍ଯରେ ଆପଣଙ୍କ ସିଷ୍ଟମର ସୁରକ୍ଷା ବ୍ଯବସ୍ଥାର ହ୍ଯାକ ହୋଇଯିବାର ସମ୍ଭାବନା ରହିଛି।

ନୂଆଦିଲ୍ଲୀ: ଗୁଗୁଲର ୩୨୦ ନିୟୁତ କ୍ରୋମ ବ୍ରାଉଜର ଏବେ ବିପଦରେ। କାରଣ କ୍ରୋମ ବ୍ରାଉଜରଙ୍କ ବ୍ୟକ୍ତିଗତ ତଥ୍ୟର ସୁରକ୍ଷା ପ୍ରତି ଏହି ବିପଦ ସୃଷ୍ଟି ହୋଇଛି। ଗୁଗୁଲ୍ ଗତ ତିନି ସପ୍ତାହ ମଧ୍ୟରେ ତିନୋଟି ସିକ୍ୟୁରିଟି ଅପ୍‌ଟେଡ୍ ଜାରି କରିଛି। ଏହି ଅପ୍‌ଗୁଡିକ ଗୁଗୁଲ୍ କ୍ରୋମ୍ ବ୍ରାଉଜର୍ ପାଇଁ ଉଦ୍ଧିଷ୍ଟ । ରିପୋର୍ଟ ଅନୁଯାୟୀ, ଗୁଗୁଲ କ୍ରୋମ୍‌ରେ ତ୍ରୁଟି ଥିବାରୁ ୩୨୦ କୋଟି ବ୍ୟବହାରକାରୀଙ୍କ ସୁରକ୍ଷା ପ୍ରତି ବିପଦ ରହିଛି । ଗୁଗୁଲ୍ କ୍ରୋମରେ ଏକ ନୂତନ ଜିରୋ ଡେ’ ଥେଟ୍ ଦେଖିବାକୁ ମିଳିଥିଲା, ଏହାର ଫାଇଦା ଉଠାଇ ହ୍ୟାକରମାନେ କ୍ରୋମ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟ ସବୁ ଚୋରି କରିପାରନ୍ତି। ତେଣୁ ଗୁଗୁଲ୍ ଏହାର ୩୨୦ ନିୟୁତ କ୍ରୋମ ବ୍ରାଉଜର ପାଇଁ ଏକ ଜରୁରୀକାଳୀନ ଚେତାବନୀ ଜାରି କରିଛି ସେଥିରେ ଉପଭୋକ୍ତାମାନଙ୍କୁ ତୁରନ୍ତ ସେମାନଙ୍କ ବ୍ରାଉଜରକୁ ଅପଡେଟ୍ କରିବାକୁ କହିଛି।

ଗୁଗୁଲ୍ ନୂଆ ଅପଡେଟ୍ ସହିତ ବଗ୍‌କୁ ଫିକ୍ସ କରିଦେଇଛି। ଗୁଗୁଲ୍ କ୍ରୋମ୍‌ରେ ଥିବା ଏହି ବଗ୍‌କୁ ସିଭିଇ ୨୦୨୨-୧୩୬୪ ଭାବରେ ଚିହ୍ନଟ କରାଯାଇଛି। ଏହି ତ୍ରୁଟି ସୁଧାରିବା ପରେ, ଗୁଗୁଲ କ୍ରୋମ୍ ୧୦୦ .୦.୪୮୯୬ .୧୨୭ ସଂସ୍କରଣ ପ୍ରକାଶ କରିଛି ଯାହା ସମସ୍ତ ତିନୋଟି ପ୍ଲାଟଫର୍ମ ୱିଣ୍ଡୋଜ୍, ମ୍ୟାକ୍ ଏବଂ ଲିନକ୍ସ ପାଇଁ ଜରୁରୀ। ଯଦି ଆପଣ ମାଇକ୍ରୋସଫ୍ଟ ଏଜ୍, ବ୍ରେଭ୍, ଭିଭାଲ୍ଡି କିମ୍ବା ଅପେରା ମଧ୍ୟ ବ୍ୟବହାର କରୁଛନ୍ତି, ତେବେ ଆପଣଙ୍କୁ ଏକ ଅପଡେଟ୍ ଦରକାର |

ଗୁଗୁଲ୍ ଏକ ନୂତନ ଅପଡେଟ୍ ରିଲିଜ୍ କରିଛି କିନ୍ତୁ ଏହା ମଧ୍ୟ କହିଛି ଯେ କ୍ରୋମ୍ ସ୍ଵୟଂଚାଳିତ ଭାବରେ ଅପଡେଟ୍ ହେବ। ଏହାର ଅର୍ଥ ହେଉଛି ୟୁଜରମାନଙ୍କୁ ସେମାନଙ୍କର କ୍ରୋମ୍ ୱେବ୍‌ ବ୍ରାଉଜରକୁ ମାନୁଆଲ୍ ଭାବେ ଅପଡେଟ୍ କରିବାକୁ ପଡିବ । ତେଣୁ ଆପଣଙ୍କର କ୍ରୋମ୍ ବ୍ରାଉଜରରେ ଏବାଉଟ୍‌କୁ ଯାଇ ଅପଡେଟ୍ ପାଇଁ ମଧ୍ୟ ଯାଞ୍ଚ କରିପାରିବେ। ଯଦି ଅପଡେଟ୍ ଉପଲବ୍ଧ ଅଛି, ଦୟାକରି ତୁରନ୍ତ ଅପଡେଟ୍ କରନ୍ତୁ ଏବଂ ଯଦି ଅପଡେଟ୍ ଉପଲବ୍ଧ ନାହିଁ, ଦୟାକରି କିଛି ଦିନ ପାଇଁ ସୋସିଆଲ୍ ମିଡିଆ ଆକାଉଣ୍ଟ୍ ଏବଂ ବ୍ୟାଙ୍କିଙ୍ଗ୍ କାରବାର ପାଇଁ ବ୍ରାଉଜରରେ ଲଗ୍ ଇନ୍ କରନ୍ତୁ ବୋଲି ଗୁଗୁଲ ପକ୍ଷରୁ ପରାମର୍ଶ ଦିଆଯାଇଛି।