ପୁନେ: ଚଳିତ ଆଇପିଏଲ୍‌ର ପଞ୍ଚମ ଲିଗ୍‌ ମ୍ୟାଚ୍‌ରେ ସନରାଇଜର୍ସ ହାଇଦ୍ରାବାଦ ଓ ରାଜସ୍ଥାନ ରୟାଲ୍ସ ମୁହାଁମୁହିଁ  ହୋଇଛନ୍ତି। ଟସ୍ ଜିତି ସନରାଇଜର୍ସ ହାଇଦ୍ରାବାଦ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଫଳjs ରାଜସ୍ଥାନ ରୟାଲ୍ସ ପ୍ରଥମେ ବ୍ଯାଟିଂ କରି ୬ ୱିକେଟ ହରାଇ ୨୧୦ ରନ କରିଛି।  ଏହି ମ୍ଯାଚ ଜିତିବାକୁ ହେଲେ ରାଜସ୍ଥାନ ରୟାଲ୍ସକୁ ୨୧୧  ରନର ଆବଶ୍ଯକତା ରହିଛି।

ରାଜସ୍ଥାନ ରୟାଲ୍ସ ପକ୍ଷରୁ ଯଶସ୍ଵୀ ଜୟଶଓ୍ଵାଲ (୨୦) , ଜୋସ୍ ବଟଲର(୩୫)  କରି ଆଉଟ ହୋଇଥିଲେ। ପରେ ପାରିକୁ ସଞ୍ଜୁ ସାମସନ ଓ ଦେବଦତ୍ତ ପାଡିକଲ ସମ୍ଭାଳିଥିଲେ। ଦେବଦତ୍ତ ପାଡିକଲ ୨୯ ବଲରେ ୪୧ ରନ କରି ଆଉଟ ହୋଇଥିଲେ। ସଞ୍ଜୁ ସାମସନ ୨୬ ବଲରେ ୫୫ରନ କରି ଆଉଟ ହୋଇଥିଲେ। ଏହାପରେ ସିମରନ ହେଟମାୟର ଓ ରିୟାନ ପରାଗ ପାରିକୁ ଆଗେଇ ନେଇଥିଲେ। ସିମରନ ହେଟମାୟର ବିସ୍ଫୋରକ ବ୍ଯାଟିଂ କରି ୧୩ ବଲରେ ୩୨ ରନ କରି ଆଉଟ ହୋଇଥିଲେ। ରିୟାନ ପରାଗ ୮ ବଲରେ ୧୨ ରନ କରି ଆଉଟ ହୋଇଥିଲେ।

ସନରାଇଜର୍ସ ପକ୍ଷରୁ ଉମରାନ ମଲିକ ଓ ନଟରାଜନ ୨ଟି ଲେଖାଏଁ ୱିକେଟ ନେଇଥିବା ବେଳେ ଭୁବନେଶ୍ଵର କୁମାର  ଓ  ରୋମାରିଓ ଶେଫାର୍ଡ ଗୋଟିଏ ଲେଖାଏଁ ୱିକେଟ ଆକ୍ତିଆର କରିଥିଲେ।