ମୁମ୍ବାଇ: ଲୋକପ୍ରିୟ ୟୁଟ୍ୟୁବର ଅଜୟ ନାଗର ଓରଫ କ୍ୟାରିମିନାଟିଙ୍କୁ ବଲିଉଡ ନିର୍ମାତା କରଣ ଜୋହରଙ୍କ ମଜାକ ଉଡ଼ାଇବା ମହଙ୍ଗା ପଡ଼ିଛି। କରଣ ଜୋହରଙ୍କ ଦ୍ୱାରା ଦାୟର କରାଯାଇଥିବା ଏକ ମାମଲାର ଶୁଣାଣି କରି ମୁମ୍ବାଇର ଏକ କୋର୍ଟ କ୍ୟାରିମିନାଟିଙ୍କୁ କଡ଼ା ଭର୍ତ୍ସନା କରିଛନ୍ତି। କିଛି ଦିନ ତଳେ କ୍ୟାରିମିନାଟି କରଣ ଜୋହରଙ୍କ ଚାଟ୍ ଶୋ’ 'କଫି ୱିଥ୍ କରଣ'ର ଏକ ସ୍ପୁଫ୍ ଭିଡିଓ ପ୍ରସ୍ତୁତ କରିଥିଲେ, ଯାହାକୁ ନେଇ ବିବାଦ ସୃଷ୍ଟି ହୋଇଥିଲା।

କୋର୍ଟଙ୍କ କଡ଼ା ନିର୍ଦ୍ଦେଶ

ଏହି ମାମଲାର ଶୁଣାଣି ଫେବୃଆରୀ ୧୦ ତାରିଖରେ ହୋଇଥିଲା। କୋର୍ଟ କ୍ୟାରିମିନାଟିଙ୍କୁ କରଣ ଜୋହରଙ୍କ ବିରୋଧରେ କୌଣସି ମାନହାନିକାରକ କିମ୍ବା ଅପମାନଜନକ କଣ୍ଟେଣ୍ଟ ନ ବନାଇବାକୁ ନିର୍ଦ୍ଦେଶ ଦେଇଛନ୍ତି। ଏହା ସହିତ କୋର୍ଟ ସୋସିଆଲ ମିଡିଆ ପ୍ଲାଟଫର୍ମଗୁଡ଼ିକୁ ଉକ୍ତ ଭିଡିଓ ହଟାଇବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି। ଯେଉଁଠାରେ ବି କରଣ ଜୋହରଙ୍କୁ ଟାର୍ଗେଟ କରାଯାଇଥିବା ଏହି ଭିଡିଓ ଉପଲବ୍ଧ ଅଛି, ସେଠାରୁ ତୁରନ୍ତ ଏହାକୁ ହଟାଇବାକୁ କୁହାଯାଇଛି।

କଣ ଥିଲା ପୂରା ଘଟଣା?

କିଛି ଦିନ ପୂର୍ବରୁ କ୍ୟାରିମିନାଟି 'କଫି ୱିଥ୍ କରଣ' ଶୋ’ର ଏକ ପ୍ୟାରୋଡି ଭିଡିଓ ବନାଇଥିଲେ, ଯାହାର ନାମ ସେ 'କଫି ୱିଥ୍ ଜଲନ୍' ରଖିଥିଲେ। ଏଥିରେ ସେ କରଣ ଜୋହରଙ୍କ ନକଲ କରି ମଜାକ ଉଡ଼ାଇଥିଲେ। ଏହି ଭିଡିଓକୁ ମାନହାନିକାରକ ଦର୍ଶାଇ କରଣ ଜୋହର କୋର୍ଟର ଦ୍ୱାରସ୍ଥ ହୋଇଥିଲେ। ମାମଲାରେ କ୍ୟାରିମିନାଟିଙ୍କ ସହ ତାଙ୍କ ମ୍ୟାନେଜର ଦୀପକ ଚାର, ଗୁଗୁଲ ଏବଂ ମେଟାକୁ ମଧ୍ୟ ପକ୍ଷଭୁକ୍ତ କରାଯାଇଛି।

ବିଚାରପତିଙ୍କ ଗୁରୁତ୍ୱପୂର୍ଣ୍ଣ ମନ୍ତବ୍ୟ

ଉଭୟ ପକ୍ଷଙ୍କ ଯୁକ୍ତି ଶୁଣିବା ପରେ ବିଚାରପତି ପି.ଜି ଭୋସଲେ କହିଛନ୍ତି ଯେ, ପ୍ରାଥମିକ ଦୃଷ୍ଟିରୁ ଏହା ଜଣାପଡୁଛି ଯେ ଅଜୟ ନାଗର ଏବଂ ଦୀପକ ଚାର କରଣ ଜୋହରଙ୍କ ବିରୋଧରେ ଅଶାଳୀନ ଭାଷା ବ୍ୟବହାର କରିଛନ୍ତି। ଯଦିଓ କ୍ୟାରିମିନାଟିଙ୍କ ଓକିଲ କହିଛନ୍ତି ଯେ ସେମାନେ ନିଜେ ଭିଡିଓଟିକୁ ହଟାଇ ସାରିଛନ୍ତି, ତଥାପି ଅନ୍ୟ ସୋସିଆଲ ମିଡିଆ ଆକାଉଣ୍ଟରୁ ଏହାକୁ ସମ୍ପୂର୍ଣ୍ଣ ରୂପେ ହଟାଇବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।

ନୂଆଦିଲ୍ଲୀ :  ଡିଜିଟାଲ ଯୁଗରେ ୟୁଟ୍ୟୁବରଙ୍କ ସଂଖ୍ୟା ଦ୍ରୁତ ଗତିରେ ବଢିବାରେ ଲାଗିଛି। ଯଦି ଆପଣ କୌଣସି ବିଷୟରେ ଜାଣିବାକୁ ଚାହାଁନ୍ତି, ତେବେ ସବୁକିଛି ୟୁଟ୍ୟୁବରେ ଉପଲବ୍ଧ । ଏହି କାରଣରୁ ୟୁଟ୍ୟୁବରେ ଚ୍ୟାନେଲ ଏବଂ ଭିଡିଓ ବିଷୟବସ୍ତୁ ଦିନକୁ ଦିନ ବଢିବାରେ ଲାଗିଛି । ଅନେକ ଲୋକ ୟୁଟ୍ୟୁବରେ ପୂର୍ଣ୍ଣ ସମୟ କାମ କରିବା ଆରମ୍ଭ କରିଛନ୍ତି । ଏହା ସେମାନଙ୍କ ଆୟର ଏକ ଉତ୍ତମ ଉତ୍ସ ହୋଇପାରିଛି । ଏହି କାରଣରୁ, ସେମାନେ କୋଟି କୋଟି ଟଙ୍କା ଟଙ୍କା ରୋଜଗାର କରୁଛନ୍ତି । ସେମାନଙ୍କ ମଧ୍ୟରୁ କେତେକ ୟୁଟ୍ୟୁବର କେବଳ ଦେଶରେ ନୁହେଁ ବିଦେଶରେ ମଧ୍ୟ ନିଜର ଭିଡିଓ ଆଧାରରେ ପରିଚୟ ପାଇପାରିଛନ୍ତି। କେବଳ ଏତିକି ନୁହେଁ, ଏହି ଆଧାରରେ ତାଙ୍କ ପାଖରେ କୋଟି କୋଟି ମୂଲ୍ୟର ସମ୍ପତ୍ତି ମଧ୍ୟ ଅଛି । ଆଜି ଆମେ ଆପଣଙ୍କୁ ଦେଶର ଶ୍ରେଷ୍ଠ ୫ ୟୁଟ୍ୟୁବର୍ ବିଷୟରେ କହିବୁ। ଯେଉଁମାନେ ନିଜର ଭିଡିଓ ପାଇଁ କୋଟି କୋଟି ଟଙ୍କା ରୋଜଗାର କରୁଛନ୍ତି।

ଗୌରଭ ଚୌଧୁରୀ

ୟୁଟ୍ୟୁବରେ ‘ଟେକ୍ନିକାଲ୍ ଗୁରୁଜୀ’ ନାମକ ପ୍ରସିଦ୍ଧ ୟୁଟ୍ୟୁବ୍ ଚ୍ୟାନେଲ୍ ଗୌରଭ ଚୌଧୁରୀଙ୍କର ଅଛି।  ଏହି ଚ୍ୟାନେଲ ମାଧ୍ୟମରେ ସେ ଲୋକଙ୍କୁ ମୋବାଇଲ୍ ରିଭ୍ୟୁ ସହିତ ଟେକ୍ନୋଲୋଜି ସହିତ ଜଡିତ ସମସ୍ତ ଗୁରୁତ୍ୱପୂର୍ଣ୍ଣ ସୂଚନା ଦିଅନ୍ତି । ବର୍ତ୍ତମାନ, ତାଙ୍କ ଚ୍ୟାନେଲରେ ୨୨ ମିଲିୟନ୍ (୨.୨ କୋଟି) ସବସ୍କ୍ରାଇବର ଅଛନ୍ତି । ତାଙ୍କର ଗୌରଭ ଚୌଧୁରୀ ନାମରେ ଅନ୍ୟ ଏକ ୟୁଟ୍ୟୁବ୍ ଚ୍ୟାନେଲ୍ ଅଛି, ଯାହାର ୫୦ ଲକ୍ଷ ସବସ୍କ୍ରାଇବର ଅଛନ୍ତି । ୟୁଟ୍ୟୁବ୍ ଚ୍ୟାନେଲ୍ ମାଧ୍ୟମରେ ତାଙ୍କର ମାସିକ ରୋଜଗାର ୧.୫ ରୁ ୨ କୋଟି ଟଙ୍କା ଅଟେ । ଗୌରଭ ଚୌଧୁରୀଙ୍କ ନିଟ୍ ମୂଲ୍ୟ ପ୍ରାୟ ୩୨୬ କୋଟି ଟଙ୍କା । ୩୧ ବର୍ଷିୟ ଗୌରଭ ଚୌଧୁରୀ ପାଠପଢା ସମାପ୍ତ କରିବା ପରେ ଅକ୍ଟୋବର ୨୦୧୫ ରେ ତାଙ୍କର ୟୁଟ୍ୟୁବ୍ ଚ୍ୟାନେଲ୍ ଆରମ୍ଭ କରିଥିଲେ ।

ଅମିତ ବଢାନା

୨୭ ବର୍ଷୀୟ ଅମିତ ବଢାନା ୟୁଟ୍ୟୁବରେ ଏକ ଲୋକପ୍ରିୟ ନାମ । ଅମିତ ବଢାନା ନାମରେ ତାଙ୍କ ୟୁଟ୍ୟୁବ୍ ଚ୍ୟାନେଲରେ ପ୍ରାୟ ୨.୪ କୋଟି ସବସ୍କ୍ରାଇବର ଅଛନ୍ତି। ୨୦୨୧ର ଆକଳନ ଅନୁଯାୟୀ, ତାଙ୍କର ନିଟ୍ ମୂଲ୍ୟ ପ୍ରାୟ ୪୭ କୋଟି ଟଙ୍କା । ଦିଲ୍ଲୀର ମୂଳ ବାସିନ୍ଦା  ଆଇନ(ଲ) ପଢିଛନ୍ତି। ପ୍ରାରମ୍ଭରେ, ସେ ତାଙ୍କର ଜଣେ ବନ୍ଧୁଙ୍କ ସହ ଏକ ଭିଡିଓ ପ୍ରସ୍ତୁତ କରି Dubmashରେ  ଅପଲୋଡ୍ କରିଥିଲେ । ଭିଡିଓ ଭାଇରାଲ ହେବାପରେ ସେ ଏହି  କ୍ଷେତ୍ରରେ ଆଗେଇବା ଆରମ୍ଭ କରିଥିଲେ। ଏହା ପରେ ସେ ତାଙ୍କର ୟୁଟ୍ୟୁବ୍ ଚ୍ୟାନେଲ୍ ଆରମ୍ଭ କରିଥିଲେ । ବର୍ତ୍ତମାନ ତାଙ୍କର ମାସକୁ ପ୍ରାୟ ୫୦ ଲକ୍ଷ ରୁ ଉର୍ଦ୍ଧ୍ବ ରୋଜଗାର ହେଉଛି।

ନିଶା ମଧୁଲିକା

ଉତ୍ତରପ୍ରଦେଶର ମୂଳ ବାସିନ୍ଦା ନିଶା ମଧୁଲିକା ଜଣେ ଭାରତୀୟ ରୋଷେୟା, ରେଷ୍ଟୁରାଣ୍ଟ ପରାମର୍ଶଦାତା ଏବଂ ୟୁଟ୍ୟୁବର୍। ୬୨ ବର୍ଷିୟା ନିଶା ମଧୁଲିକାଙ୍କ ୟୁଟ୍ୟୁବ୍ ଚ୍ୟାନେଲରେ ୧.୨୫ କୋଟି ସବସ୍କ୍ରାଇବର ଅଛନ୍ତି। ତାଙ୍କର ୩୩ କୋଟି ଟଙ୍କାର ସମ୍ପତ୍ତି ରହିଛି। ନିଶା ମଧୁଲିକା ୨୦୦୯ ରେ ୟୁଟ୍ୟୁବ୍ ଚ୍ୟାନେଲ୍ ଆରମ୍ଭ କରିଥିଲେ। ୨୦୧୪ରେ ନିଶା ମଧୁଲିକା ଟପ୍ ୟୁଟ୍ୟୁବ୍ ରୋଷେୟା ପୁରସ୍କାର ଲାଭ କରିଥିଲେ।

ଅଜୟ ନାଗର 

ଫରିଦାବାଦର ବାସିନ୍ଦା ଅଜୟ ନାଗରଙ୍କର କୈରୀ ମିନାତି  ନାମକ ଏକ ୟୁଟ୍ୟୁବ୍ ଚ୍ୟାନେଲ୍ ଅଛି । ତାଙ୍କ ଚ୍ୟାନେଲରେ ୩.୫ କୋଟି ସବସ୍କ୍ରାଇବର ଅଛନ୍ତି । ମାତ୍ର ୨୨ ବର୍ଷ ବୟସରେ ଅଜୟଙ୍କର ପ୍ରାୟ ୩୦ କୋଟି ସମ୍ପତ୍ତି ରହିଛି। ହାସ୍ୟ ଅଭିନେତା, ରାପର୍ ଏବଂ ଗେମର ଅଜୟ ନାଗର  ୟୁଟ୍ୟୁବରେ ବ୍ୟଙ୍ଗାତ୍ମକ ପାରୋଡି ଏବଂ ଭିଡିଓ ରଖିଛନ୍ତି । କୈରୀ ମିନାତିଙ୍କର ଦ୍ୱିତୀୟ ଚ୍ୟାନେଲ୍ ହେଉଛି CarryisLive, ଯେଉଁଥିରେ ସେ କେବଳ ଗେମିଂ ଏବଂ ଲାଇଭ୍ ଷ୍ଟ୍ରିମିଂ କରନ୍ତି । ସେ ମାସକୁ ୫୦ ଲକ୍ଷରୁ ଟଙ୍କାରୁ ଅଧିକ ଅର୍ଥ ୟୁଟ୍ୟୁବରୁ ଆୟ କରିଥାଆନ୍ତି।

ଆଶିଷ ଚଞ୍ଚଲାନି

୨୮ ବର୍ଷିୟ ଆଶିଷ ଚଞ୍ଚଲାନିଙ୍କ ନିଟ୍ ମୂଲ୍ୟ ମଧ୍ୟ ପ୍ରାୟ ୩୦ କୋଟି ଟଙ୍କା । ଲୋକମାନେ ତାଙ୍କ ୟୁଟ୍ୟୁବ୍ ଚ୍ୟାନେଲ୍ ଆଶିଷ ଚଞ୍ଚଲାନି ଭାଇନ୍ସକୁ(Ashish Chanchlani vines) ବହୁତ ପସନ୍ଦ କରନ୍ତି । ଏହାପୂର୍ବରୁ ସେ ଚଳଚ୍ଚିତ୍ରର ସମୀକ୍ଷା କରୁଥିଲେ । ଜୁଲାଇ ୭, ୨୦୦୯ ରେ ନିଜର ୟୁଟ୍ୟୁବ୍ ଚ୍ୟାନେଲ୍ ଆରମ୍ଭ କରିଥିବା ଆଶିଷ ୨୦୧୪ ରେ ତାଙ୍କର ପ୍ରଥମ ଭିଡିଓ କରିଥିଲେ। ତାଙ୍କ ଚ୍ୟାନେଲରେ ପ୍ରାୟ ୨.୮କୋଟି ସବସ୍କ୍ରାଇବର ଅଛନ୍ତି । ସେ ମାସକୁ ୫୦ ରୁ ୭୦ ଲକ୍ଷ ଟଙ୍କା ଯୁଟ୍ୟୁବରୁ କମେଇ ଥାଆନ୍ତି ।