ନୂଆଦିଲ୍ଲୀ: ବର୍ତ୍ତମାନ ଇଣ୍ଟରନେଟରେ ‘ପିନୟ ଗୋଲ୍ଡ ମେଡାଲିଷ୍ଟ’ (Pinay Gold Medalist) ନାମରେ ଏକ ଲିଙ୍କ୍ ଖୁବ୍ ଜୋରରେ ଭାଇରାଲ ହେବାରେ ଲାଗିଛି। ଏହି ଲିଙ୍କରେ ଦାବି କରାଯାଉଛି ଯେ, ଜଣେ ଫିଲିପାଇନ୍ସ ସ୍ୱର୍ଣ୍ଣ ପଦକ ବିଜେତାଙ୍କ ବ୍ୟକ୍ତିଗତ ଭିଡିଓ ଲିକ୍ ହୋଇଛି। କିନ୍ତୁ ପ୍ରକୃତ ସତ୍ୟ ହେଉଛି, ଏହା କୌଣସି ଅଲିମ୍ପିକ କେଳେଙ୍କାରୀ ନୁହେଁ, ବରଂ ଏକ ବଡ଼ ଅନଲାଇନ୍ ଠକେଇ। ଲୋକଙ୍କ ଉତ୍ସୁକତାର ଫାଇଦା ଉଠାଇ ସେମାନଙ୍କ ଡାଟା ଚୋରି କରିବା ପାଇଁ ଏହି ଷଡ଼ଯନ୍ତ୍ର କରାଯାଇଛି। ଏହି ମାମଲାରେ ଜିୟାନ୍ କାବ୍ରେରା ନାମକ ଜଣେ ବ୍ୟକ୍ତିଙ୍କ ନାମ ଯୋଡା ଯାଇଛି, ଯିଏକି ପ୍ରକୃତରେ କୌଣସି ଆନ୍ତର୍ଜାତୀୟ ଖେଳାଳି ନୁହନ୍ତି।

କାହିଁକି ଭାଇରାଲ ହେଉଛି ଏହି ଲିଙ୍କ୍?

ରିପୋର୍ଟ ଅନୁଯାୟୀ, ଏହି ପୂରା ଘଟଣାକୁ ଏକ ସୁଚିନ୍ତିତ ଯୋଜନା ମୁତାବକ ପ୍ରସ୍ତୁତ କରାଯାଇଛି। ଲୋକଙ୍କୁ ଆକର୍ଷିତ କରିବା ପାଇଁ ଅଲିମ୍ପିକ ରିଙ୍ଗ୍ ଏବଂ ରୋଚକ କ୍ୟାପସନ୍ ବ୍ୟବହାର କରାଯାଇଛି। ୨୦୨୬ ଶୀତକାଳୀନ ଅଲିମ୍ପିକ ପ୍ରତି ଲୋକଙ୍କ ଆଗ୍ରହ ବଢୁଥିବା ସମୟରେ ଏହି ଲିଙ୍କଗୁଡିକ ପ୍ରଚାର କରାଯାଉଛି। ସର୍ଚ୍ଚ ଇଞ୍ଜିନକୁ ବିଭ୍ରାନ୍ତ କରିବା ଏବଂ ଅଧିକ ଟ୍ରାଫିକ୍ ଆଣିବା ପାଇଁ ଏକ କାଳ୍ପନିକ ଅଲିମ୍ପିକ କାହାଣୀ ସୃଷ୍ଟି କରାଯାଇଛି।

ଲିଙ୍କ୍ ଖୋଲିଲେ କ’ଣ ହେବ ବିପଦ?

ଯଦି କୌଣସି ବ୍ୟକ୍ତି ଏହି ଭାଇରାଲ ଲିଙ୍କ୍ ଉପରେ କ୍ଲିକ୍ କରନ୍ତି, ତେବେ କୌଣସି ଭିଡିଓ ପ୍ଲେ ହୁଏ ନାହିଁ। ଏହା ବଦଳରେ ୟୁଜରଙ୍କୁ ଏକ ନକଲି ପେଜକୁ ନିଆଯାଏ, ଯେଉଁଠାରେ ଲଗ୍-ଇନ୍ କରିବା, ବୟସ ଯାଞ୍ଚ କରିବା କିମ୍ବା କୌଣସି ଆପ୍ ଡାଉନଲୋଡ୍ କରିବାକୁ କୁହାଯାଏ। ଏହି ୱେବସାଇଟଗୁଡିକ ଅବିକଳ ସୋସିଆଲ ମିଡିଆ ପ୍ଲାଟଫର୍ମ ଭଳି ଦେଖାଯାଏ। ଏହା ମାଧ୍ୟମରେ ହ୍ୟାକରମାନେ ମୋବାଇଲ୍ କିମ୍ବା କମ୍ପ୍ୟୁଟରରେ ମାଲୱେର୍ ଇନଷ୍ଟଲ୍ କରି ବ୍ୟକ୍ତିଗତ ତଥ୍ୟ ଚୋରି କରିଥାନ୍ତି।

ଜେଲ୍ ଦଣ୍ଡ ଭୋଗିବାକୁ ପଡ଼ିପାରେ

କେବଳ ଏହି ଲିଙ୍କ୍ ଖୋଲିବା ବିପଜ୍ଜନକ ନୁହେଁ, ବରଂ ଅଶ୍ଳୀଳ କିମ୍ବା ବ୍ୟକ୍ତିଗତ ଭିଡିଓ ସେୟାର କରିବା ମଧ୍ୟ ଆଇନଗତ ଅପରାଧ। ପୂର୍ବରୁ '୧୯ ମିନିଟ୍ ଭିଡିଓ' ଭଳି ଘଟଣାରେ ମଧ୍ୟ ସମାନ ପରିସ୍ଥିତି ଦେଖାଯାଇଥିଲା। ଭାରତୀୟ ଦଣ୍ଡବିଧି ଆଇନ (IPC)ର ଧାରା ୨୯୨, ୨୯୩ ଏବଂ ୩୫୪(ସି) ଅନୁଯାୟୀ ଏଭଳି ବିଷୟବସ୍ତୁ ପ୍ରସାର କଲେ ଜେଲ୍ ଦଣ୍ଡ ମିଳିପାରେ। ବିଶେଷଜ୍ଞମାନେ ପରାମର୍ଶ ଦେଇଛନ୍ତି ଯେ, ଏଭଳି ସନ୍ଦିଗ୍ଧ ଲିଙ୍କରୁ ଦୂରେଇ ରୁହନ୍ତୁ ଏବଂ କୌଣସି ଅଜ୍ଞାତ ଆପ୍ ଡାଉନଲୋଡ୍ କରନ୍ତୁ ନାହିଁ।

ୱାଶିଂଟନ୍‌(ଏଜେନ୍ସି): ଆଣ୍ଡ୍ରଏଡ୍ ବ୍ୟବହାରକାରୀମାନେ ଗୁଗୁଲ୍ ପ୍ଲେ ଷ୍ଟୋରରୁ ବିଭିନ୍ନ ପ୍ରକାରର ଆପ୍ ଡାଉନଲୋଡ୍ କରିଥାନ୍ତି, କିନ୍ତୁ ବେଳେବେଳେ ଏହି ଆପଗୁଡ଼ିକରେ କିଛି ମାଲୱେର୍ ମଧ୍ୟ ଲୁଚି ରହିଥାଏ। ପ୍ଲେ ଷ୍ଟୋର ମଧ୍ୟ ଏହି ମାଲୱେୟାରଗୁଡିକୁ ଏଡାଇବା ପାଇଁ ଅପଡେଟ୍ ଆଣିବାଜରୁରୀ ହୋଇଥାଏ। ଗୁଗୁଲ୍ ପ୍ଲେ ଷ୍ଟୋରରେ ଏହିପରି ଏକ ନୂତନ ମାଲୱେରର ସନ୍ଧାନ ମିଳିଛି। ଏହାର ନାମ ‘ଅଟୋଲାଇକସ୍’ କୁହାଯାଉଛି। ଗୁଗୁଲ୍ ପ୍ଲେ ଷ୍ଟୋରର ୮ଟି ଆପ୍‌ରେ ଏହି ମାଲୱେରର ଉପସ୍ଥିତ ରହିଛି। ଏହା ଜଣାପଡିବା ପରେ ଗୁଗୁଲ୍ ୬ ଟି ଆପ୍ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି, କିନ୍ତୁ ୨ଟି ମାଲୱେର୍ ଆପ୍ ଏପର୍ଯ୍ୟନ୍ତ ସକ୍ରିୟ ରହିଛି। ଏକ ଅନୁସନ୍ଧାନରେ ଏ ସମ୍ପର୍କରେ ଦାବି କରାଯାଇଛି ଯେ, ଏହି ୮ ଟି ଆପ୍ ୩ ନିୟୁତରୁ ଅଧିକ ଥର ଡାଉନଲୋଡ୍ ହୋଇଛି। ଏହାର ଅର୍ଥ ହେଉଛି ୩୦ ଲକ୍ଷରୁ ଅଧିକ ସ୍ମାର୍ଟଫୋନ୍‌ରେ ଅଟୋଲାଇକସ୍‌ ମାଲୱେରର ଉପସ୍ଥିତ ରହିଛି।

ମାଲୱେର୍ କ’ଣ ?

ବେଆଇନ ଭାବେ କୌଣସି ଏକ ସିଷ୍ଟମକୁ କ୍ଷତି ପହଞ୍ଚାଇବା କିମ୍ବା ତାହାକୁ ବେଆଇନ ଭାବେ ବ୍ୟବହାର କରିବା ପାଇଁ ମାଲୱେର୍ ପ୍ରସ୍ତୁତ କରାଯାଇଥାଏ। ସାଧାରଣ ୟୁଜରମାନେ ମାଲୱେର୍ ସିଷ୍ଟମ ଫ୍ରେଣ୍ଡଲି ମନେ କରିଥାନ୍ତି। ତେଣୁ, ପ୍ଲେ ଷ୍ଟୋର ସମୟ ସମୟରେ ଏହିପରି ଆପ୍ସ ବିଷୟରେ ସୂଚନା ଦେବାରେ ଲାଗିଥାଏ। ‘ଅଟୋଲାଇକୋସ୍ ଠିକ୍‌ ଏହି ଭଳି ସମାନ ଢଙ୍ଗରେ କାମ କରିଥାଏ। ଅନୁସନ୍ଧାନରେ ଦାବି କରାଯାଇଛି ଯେ ଅଟୋଲାଇକୋସ୍ ଯୋଗୁ ବ୍ୟାଙ୍କ ଆକାଉଣ୍ଟରୁ ଟଙ୍କା ଚୋରି ହେବା ଭଳି ବଡ ଘଟଣା ଘଟିପାରେ, ଯେଉଁଥିପାଇଁ ଲୋକଙ୍କୁ ବହୁତ କଷ୍ଟ ଭୋଗିବାକୁ ପଡିଥାଏ।

ଅଟୋଲାଇକସ୍‌ କିପରି କାମ କରେ ?

ଗବେଷଣାରେ ଅଟୋଲାଇକୋସ୍ କିଭଳି କାମ କରିଥାଏ ସେ ସମ୍ପର୍କରେ କୁହାଯାଇଛି। ଅଟୋଲାଇକୋସ୍ ଏକ ସୁରକ୍ଷିତ ଲିଙ୍କ୍ (ୟୁଆର୍‌ଏଲ୍‌)ରୁ କାମ କରିଥାଏ। ଏହି କାରଣରୁ ଏହାର କାର୍ଯ୍ୟକଳାପକୁ କେହି ଦେଖିପାରିବେ ନାହିଁ। ବେଳେବେଳେ, ଆପ୍ ଧାରଣ କରିଥିବା ଏହି ମାଲୱେର୍ ଏସ୍‌ଏମ୍‌ଏସ୍‌ ମାଧ୍ୟମରେ ସିଷ୍ଟମରେ ପ୍ରବେଶ କରିବାକୁ ଚେଷ୍ଟା କରିଥାଏ। ଏହି ମାଲୱେର୍ ୟୁଜରମାନଙ୍କୁ ବିନା କୌଣସି ସୂଚନା ଦେଇ ସେମାନଙ୍କୁ ପ୍ରିମିୟମ୍ ସେବା ପ୍ରଦାନ କରିଥାଏ। ଏଥିପାଇଁ ୟୁଜରଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ଆପେ କଟିଯାଇଥାଏ। କିଛି ଉପଭୋକ୍ତା ସେମାନଙ୍କର ବ୍ୟାଙ୍କ ଷ୍ଟେଟମେଣ୍ଟ ଦେଖିବା ପରେ ଏଭଳି ତ୍ରୁଟି ବିଷୟରେ ଜାଣିବାକୁ ପାଇଛନ୍ତି। ସେତେବେଳକୁ ସେମାନଙ୍କ ଆକାଉଣ୍ଟରୁ ସବସ୍କ୍ରିପସନ୍ ବାବଦ ଚାର୍ଜ କଟିଯାଇଥିଲା।

ଏହି ଆପ୍‌ଗୁଡ଼ିକ ନକଲି ବିଜ୍ଞାପନ ଅଭିଯାନ ଚଳାନ୍ତି। ଏହା ଅନେକ ଥର ଦେଖାଯାଇଛି, ଏହି ଆପ୍ସ ୟୁଜର ସଂଖଖ୍ୟା ବଢ଼ାଇବା ପାଇଁ ସୋସିଆଲ ମିଡିଆରେ ନକଲି ବିଜ୍ଞାପନ ଅଭିଯାନ ମଧ୍ୟ ଚଳାଇଥାନ୍ତି। ଅନୁସନ୍ଧାନ ଦାବି କରାଯାଇଛି ଯେ, ରଜର କି ବୋର୍ଡ୍ ଏବଂ ଥିମ୍ସ ଏବଂ ଇନଗ୍ରାଓ ପାଇଁ ଫେସବୁକରେ ୭୪ ବିଜ୍ଞାପନ ଅଭିଯାନ ଚାଲିଛି। ମାଲୱେର୍ ସହିତ ଏହି ନକଲି ଆପ୍ସର ସମୀକ୍ଷାରେ ଏକ ଅଦ୍ଭୁତ ଜିନିଷ ଦେଖାଯାଇଛି। ଏହି ଆପଗୁଡ଼ିକର କମ୍ ଡାଉନଲୋଡ୍ ସତ୍ତ୍ବେ ସେଗୁଡିକର ରେଟିଂ ଭଲ ଥିଲା। ଏହାର କାରଣ ହେଉଛି ସେହି ରେଟିଂଗୁଡିକ ନକଲି।

୩୦ ଲକ୍ଷରୁ ଅଧିକ ସ୍ମାର୍ଟଫୋନ୍‌ରେ ଅଟୋଲାଇକସ୍‌ ମାଲୱେର

ଯେଉଁମାନଙ୍କର ସ୍ମାର୍ଟଫୋନରେ ଏ ପର୍ଯ୍ୟନ୍ତ ଏହି ଆପ୍ ରହିଛି, ସେମାନଙ୍କ ବ୍ୟାଙ୍କ ଆକାଉଣ୍ଟକୁ ଅର୍ଥ ବାହାର କରିବାର ବିପଦ ରହିଛି। ୟୁଜର ତୁରନ୍ତ ନିଜର ସ୍ମାର୍ଟଫୋନରୁ ଏହି ଆପଗୁଡ଼ିକୁ ଅପସାରଣ କରିବା ଉଚିତ୍। ଆପଣଙ୍କର ଇଣ୍ଟରନେଟ୍ ବ୍ୟବହାରର ବ୍ୟାକ୍‌ ଗ୍ରାଉଣ୍ଡ୍‌ ଯାଞ୍ଚ କରନ୍ତୁ। କେଉଁ ଆପ୍ କେତେ ବ୍ୟାଟେରୀ ଚାର୍ଜ ନେଉଛି ତାହା ମଧ୍ୟ ମନେରଖନ୍ତୁ। ଗୁଗୁଲ୍ ପ୍ଲେ ଷ୍ଟୋରରେ ପ୍ଲେ ପ୍ରୋଟେକ୍ଟ ମୋଡ୍ ସକ୍ରିୟ ରଖନ୍ତୁ। ଯଥାସମ୍ଭବ ଆପ୍ ଡାଉନଲୋଡ୍ କରନ୍ତୁ।

ନୂଆଦିଲ୍ଲୀ: ପୁଣି ବିପଦରେ ଆଣ୍ଡ୍ରଏଡ୍ ବ୍ୟବହାରକାରୀ। ବୁଲୁଛି ଏମିତି ଏକ ଭାଇରସ ଯାହା ଆଣଙ୍କ ମୋବାଇଲରେ ପ୍ରବେଶ କରିବା ମାତ୍ରେ ହିଁ ବ୍ଯାଙ୍କ ଆକାଉଣ୍ଟ ଖାଲି ହୋଇଯିବ। ଏକ ନୂତନ ଟ୍ରୋଜାନ୍ ମାଲୱେର୍ ଆସିଛି । BleepingComputer ର ଏକ ରିପୋର୍ଟ ଅନୁଯାୟୀ, ଏସ୍କୋବର ( Escobar ) ନାମକ ଏହି ମାଲୱେର୍ ଆପଣଙ୍କ ଫୋନ୍ ମାଧ୍ୟମରେ ଆପଣଙ୍କ ବ୍ୟାଙ୍କ ସୂଚନା ଚୋରି କରିପାରିବ ଏବଂ ଆପଣଙ୍କ ବ୍ୟାଙ୍କ ଆକାଉଣ୍ଟକୁ ମଧ୍ୟ ଖାଲି କରିପାରିବ। ଏସ୍କୋବର ମାଲୱେୟାର ପ୍ରେବଶ କରିବା ମାତ୍ରେ ହିଁ ବ୍ୟବହାରକାରୀଙ୍କ ଫୋନକୁ ସମ୍ପୂର୍ଣ୍ଣ ନିୟନ୍ତ୍ରଣ ନେଇପାରେ।  ଯଦି କୌଣସି କାରଣରୁ ଏହି ମାଲୱେର୍ ଆପଣଙ୍କ ଫୋନକୁ ଯାଏ, ତେବେ ଏହା ଆପଣଙ୍କ ଫୋନକୁ ରେକର୍ଡିଂ ମଧ୍ଯ କରିପାରିବ।

ଆପଙ୍କ ବିନା ଅନୁମତିରେ ମଧ୍ଯ ଆପଣଙ୍କ ଫଟୋ  ନେଇପାରେ। ଉପଭୋକ୍ତାମାନଙ୍କ ଫୋନରେ ପଡ଼ିଥିବା ସେହି ସମସ୍ତ ଆପକୁ ଏସ୍କୋବର ଟାର୍ଗେଟ କରେ ଯେଉଁଥିରେ ବ୍ୟାଙ୍କ ସମ୍ବନ୍ଧୀୟ ସୂଚନା ରହିଥାଏ।  ରିପୋର୍ଟ ଅନୁଯାୟୀ ଋଷର ଏକ ହ୍ୟାକିଂ ଫୋରମରେ ଏସ୍କୋବର ଦେଖିବାକୁ ମିଳିଛି । ଯେଉଁଠାରେ Aberebo ଡେଭଲପର୍ ଏହି ବ୍ୟାଙ୍କିଂ ଟ୍ରୋଜାନ୍କୁ ପ୍ରୋତ୍ସାହିତ କରିଥାଏ। ଏହି ମାଲୱେୟାରକୁ MalwareHunter, McAfee ଏବଂ ସାଇବଲ୍ ପରି ସୁରକ୍ଷା କମ୍ପାନୀଗୁଡିକ ମଧ୍ୟ ଚିହ୍ନଟ କରିସାରିଛନ୍ତି।

ଆବେରବଟ୍ (Aberebot)  / ଏସ୍କୋବର (Escobar) ମାଲୱେର୍ କିପରି କାମ କରେ?

ଅନ୍ୟ ବ୍ୟାଙ୍କିଙ୍ଗ୍ ଟ୍ରୋଜାନ୍ ପରି ଏସ୍କୋବର କାମ କରେ । ଏହା ଏକ ଥାର୍ଡ ପାର୍ଟି ଉତ୍ସ ମାଧ୍ୟମରେ ଆପଣଙ୍କ ଫୋନରେ ପହଞ୍ଚେ ଏବଂ ତା’ପରେ କ୍ରମାଗତ ଭାବରେ ଆପଣଙ୍କର ବାର୍ତ୍ତା, ଆପଣ ପରିଦର୍ଶନ କରୁଥିବା ସାଇଟ୍ ଏବଂ ବ୍ୟାଙ୍କିଙ୍ଗ୍ ଆପ୍ ଉପରେ ନଜର ରଖେ। ଏହି ସମୟରେ ଏହା OTP, PIN ଇତ୍ୟାଦି ରେକର୍ଡ କରେ। ଏହି ଭାଇରସ କୌଣସି ପ୍ରକାର କାର୍ଯ୍ୟ କରିବା ପୂର୍ବରୁ ଆପଣଙ୍କ ମୋବାଇଲାରୁ ସମ୍ପୂର୍ଣ୍ଣ  ସୂଚନା ସଂଗ୍ରହ କରିଥାଏ। ଏସ୍କୋବର ବର୍ତ୍ତମାନ  ୧୮ ଟି ଦେଶରେ ପହଞ୍ଚିଛି।

ଏହି ମାଲୱେର୍ ଉପଭୋକ୍ତାମାନଙ୍କ ଠାରୁ ୨୫  ପ୍ରକାରର ଅନୁମତି ନେଇଥାଏ, ଯେଉଁଥିରେ ଅଡିଓ ରେକର୍ଡିଂ, ମେସେଜ୍, ଷ୍ଟୋରେଜ୍,  କଲିଂ ଏବଂ ଅବସ୍ଥାନ ଭଳି ସୂଚନା ଅନ୍ତର୍ଭୁକ୍ତ। ସୂଚନା ନେବା ପରେ ଏହି ମାଲୱେର୍ ଏହାକୁ ହ୍ୟାକର୍ସର ସର୍ଭରରେ ଷ୍ଟୋର୍ କରେ। ଏହା ପରେ ହ୍ୟାକର୍ସ ଆପଣଙ୍କ ଆକାଉଣ୍ଟକୁ ହ୍ଯା କରିବା ସହ ଆପଣଙ୍କ ସମସ୍ତ ଗୋପନୀୟ ତଥ୍ଯ ଚୋରି କିରବାରେ ସକ୍ଷମ ହୋଇଥାଏ। ଏହି ମାଲୱେର୍ ସିମ୍ ସ୍ବାପିଂ ମଧ୍ୟ କରିପାରିବ |