ଥିରୁଅନନ୍ତପୁରମ: ବିବାଦୀୟ ଭାରତୀୟ କ୍ରିକେଟର ଏସ୍‌ ଶ୍ରୀସନ୍ତଙ୍କୁ ତାଙ୍କ ନିଜ ରାଜ୍ୟ କେରଳ କ୍ରିକେଟ ସଂଘ ୩ବର୍ଷ ଲାଗି ବାସନ୍ଦ କରିଛନ୍ତି। ସଞ୍ଜୁ ସାମସନଙ୍କୁ ଚାମ୍ପିଅନ୍ସ ଟ୍ରଫି ଲାଗି ସାମିଲ କରାଯାଇ ନ ଥିବାରୁ ରାଜ୍ୟ ସଂଘ ବିରୋଧରେ ଶ୍ରୀସନ୍ତ ଏକ ଟେଲିଭିଜନ କାର୍ଯ୍ୟକ୍ରମରେ ଅତ୍ୟନ୍ତ ଆପତ୍ତିଜନକ ମନ୍ତବ୍ୟ ଦେଇଥିଲେ। ଏଥିଲାଗି ସେ ଦେଇଥିବା କାରଣ ଦର୍ଶାଅ ନୋଟିସ୍‌ର ଉତ୍ତରରେ ତାଙ୍କ ମନ୍ତବ୍ୟ ଅପମାନଜନକ ଓ ଗ୍ରହଣୀୟ ନୁହେଁ ବୋଲି ରାଜ୍ୟ କ୍ରିକେଟ ସଂଘର ହୃଦ୍‌ବୋଧ ହୋଇଛି। ଏହା ଫଳରେ ରାଜ୍ୟ କ୍ରିକେଟର କୌଣସି କାର୍ଯ୍ୟକ୍ରମରେ ଶ୍ରୀସନ୍ତଙ୍କୁ ଆସନ୍ତା ୩ ବର୍ଷ ଲାଗି ଭାଗନେବାକୁ ଅନୁମତି ଦିଆଯିବ ନାହିଁ। ଭାରତ ଲାଗି ୨୩ ଟେଷ୍ଟ, ୫୩ ଦିନିକିଆ ଓ ୧୦ଟି ଦିନିକିଆ ଖେଳିଛନ୍ତି। ମ୍ୟାଚ୍‌ ଫିକ୍ସିଂ ଅଭିଯୋଗରେ ତାଙ୍କୁ ପୂର୍ବରୁ ବାସନ୍ଦ କରାଯାଇଥିଲା।

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ପେସ ବୋଲର ଏସ.ଶ୍ରୀସନ୍ଥ ଆଜି କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କରିଛନ୍ତି। ଭାରତ ପକ୍ଷରୁ ୨୭ ଟେଷ୍ଟ, ୫୩ ଦିନିକିଆ ଓ ୧୦ ଟି୨୦ ମ୍ୟାଚ ଖେଳିଥିବା ଶ୍ରୀସନ୍ଥଙ୍କ କ୍ୟାରିୟରର ଏଥିସହ ସମାପ୍ତି ଘଟିଛି। ଏହା ମୋ ଜୀବନର ସବୁଠାରୁ କଷ୍ଟଦାୟ ନିଷ୍ପତି ଥିଲା ବୋଲି ଅବସର ନେବା ପରେ କହିଛନ୍ତି । ବିସିସିଆଇ, ଆଇସିସି ମୋତେ ଯେଉଁ ସୁଯୋଗ ଏବଂ ସମ୍ମାନ ପ୍ରଦାନ କରିଛନ୍ତି ତାହା ମୁଁ ଭୁଲିପାରିବି ନାହିଁ । କ୍ରିକେଟର ସମସ୍ତ ମୂହର୍ତକୁ ମୁଁ ମନଭରି ଉପଭୋଗ କରିଛି ବୋଲି ଏସ.ଶ୍ରୀସନ୍ଥ କହିଛନ୍ତି। ସ୍ପଟ ଫିକ୍ସିଂ ବିବାଦ ଯୋଗୁ ତାଙ୍କ କ୍ୟାରିୟର ବାଧାପ୍ରାପ୍ତ ହୋଇଥିଲା ।