ନୂଆଦିଲ୍ଲୀ: କେନ୍ଦ୍ର ସରକାରଙ୍କ ଦ୍ବାରା ଦ୍ରବ୍ୟ ଏବଂ ସେବା ଟିକସ (ଜିଏସ୍‌ଟି) ହାରରେ ବଡ଼ ସଂସ୍କାର ଘୋଷଣା ପରେ ବଜାରରେ ନିତ୍ୟ ବ୍ୟବହାର୍ଯ୍ୟ ସମାଗ୍ରୀଗୁଡିକର ଦର ମହୁ ମାତ୍ରାରେ ହ୍ରାସ ଘଟିବ ବୋଲି କୁହାଯାଉଛି। ହେଲେ ପେଟ୍ରୋଲ ଏବଂ ଡିଜେଲର ଉଚ୍ଚ ଦର ସହ ଯୁଝୁଥିବା ସାଧାରଣ ଖାଉଟିଙ୍କୁ ଏଥିରୁ କୌଣସି ପ୍ରକାର ଅାଶ୍ବସ୍ତି ମିଳିପାରିନାହିଁ। କାରଣ ପେଟ୍ରୋଲ ଏବଂ ଡିଜେଲ ଏ ପର୍ଯ୍ୟନ୍ତ ଜିଏସ୍‌ଟି ପରିସରଭୁକ୍ତ ହୋଇପାରିନାହିଁ। ପେଟ୍ରୋଲ ଏବଂ ଡିଜେଲକୁ ଜିଏସ୍‌ଟି ପରିସରଭୁକ୍ତ କରିବା ପାଇଁ ରାଜ୍ୟଗୁଡ଼ିକ ମଧ୍ୟରେ ଏ ପର୍ଯ୍ୟନ୍ତ ସହମତି ହୋଇପାରିନାହିଁ। ଯଦି ପେଟ୍ରୋଲ ଏବଂ ଡିଜେଲ ଜିଏସ୍‌ଟି ପରିସରକୁ ଆସିଯାଏ ତେବେ ଲିଟର ପିଛା ୧୦୦ ଟଙ୍କା ମୂଲ୍ୟରେ ପେଟ୍ରୋଲ ଏବଂ ଡିଜେଲ କିଣୁଥିବା ଗ୍ରାହକ ତାହାକୁ ଲିଟର ୬୮ ଟଙ୍କାରେ ପାଇବେ।

ପେଟ୍ରୋଲ ଏବଂ ଡିଜେଲକୁ ଜିଏସ୍‌ଟି ପରିସରଭୁକ୍ତ କାହିଁକି କରାଯାଉନାହିଁ ସେ ସମ୍ପର୍କରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ, ସରକାର ଆଜି ମଧ୍ୟ ଏହାକୁ ଜିଏସ୍‌ଟି ପରିସରରେ ରଖିପାରିବେ, କିନ୍ତୁ ଏହା ଜିଏସ୍‌ଟି ପ୍ରସ୍ତାବରେ ନ ଥିଲା। ସେ କହିଛନ୍ତି ଯେ ଜିଏସ୍‌ଟି ଆଣିବା ସମୟରେ ମଧ୍ୟ ଆମେ ପେଟ୍ରୋଲ ଏବଂ ଡିଜେଲକୁ ଏହି ବର୍ଗରେ ରଖିବାକୁ ଚେଷ୍ଟା କରିଥିଲୁ, କିନ୍ତୁ ରାଜ୍ୟଗୁଡ଼ିକ ଏଥିପାଇଁ ପ୍ରସ୍ତୁତ ନ ଥିଲେ। ପେଟ୍ରୋଲିୟମ ଉତ୍ପାଦଗୁଡ଼ିକୁ ବର୍ତ୍ତମାନ ଜିଏସ୍‌ଟି ପରିସରଭୁକ୍ତ କରାଯିବନାହିଁ। ପେଟ୍ରୋଲ ଏବଂ ଡିଜେଲକୁ ଜିଏସ୍‌ଟି ପରିସରଭୁକ୍ତ କରିବା ପାଇଁ ଦାବି ବହୁତ ଦିନ ଧରି ଚାଲିଛି।

ବର୍ତ୍ତମାନ, ପେଟ୍ରୋଲ ଏବଂ ଡିଜେଲ ଉପରେ ଉତ୍ପାଦ ଶୁଳ୍କ (କେନ୍ଦ୍ର ସରକାର) ଏବଂ ଭାଟ୍ (ରାଜ୍ୟ ସରକାର) ଲାଗୁ କରାଯାଏ। ବିଭିନ୍ନ ରାଜ୍ୟରେ ଟିକସ ହାର ଭିନ୍ନ, ଯାହା କାରଣରୁ ମୂଲ୍ୟ ମଧ୍ୟ ଭିନ୍ନ ରହିଛି। ଯଦି ଏହାକୁ ଜିଏସ୍‌ଟି ରେ ସାମିଲ କରାଯାଏ ତେବେ ସାରା ଦେଶରେ ଜିଏସ୍‌ଟି ହାର ସମାନ ହେବ। ବର୍ତ୍ତମାନ, ପେଟ୍ରୋଲ ଏବଂ ଡିଜେଲ ଉପରେ ମୋଟ ଟିକସ ୫୦ ପ୍ରତିଶତରେ ପହଞ୍ଚିଛି, କିନ୍ତୁ ଜିଏସ୍‌ଟିର ସର୍ବୋଚ୍ଚ ହାର ୧୮ ପ୍ରତିଶତ (ସେପ୍ଟେମ୍ବର ୨୨ ରୁ)। ଏପରି ପରିସ୍ଥିତିରେ, ପେଟ୍ରୋଲ ଏବଂ ଡିଜେଲକୁ ଜିଏସ୍‌ଟି ପରିସରଭୁକ୍ତ କରି ଗ୍ରାହକମାନେ ଅତି କମରେ ୩୨ ପ୍ରତିଶତ ଅର୍ଥ ସଞ୍ଚୟ କରିପାରିବେ। ସରଳ ଭାଷାରେ, ଯଦି ପେଟ୍ରୋଲ ଏବଂ ଡିଜେଲ ଉପରେ ୧୮ ପ୍ରତିଶତ ହାରରେ ଜିଏସ୍‌ଟି ଲଗାଯାଏ, ତେବେ ଗ୍ରାହକ ୧୦୦ ଟଙ୍କା ମୂଲ୍ୟର ପେଟ୍ରୋଲ ଏବଂ ଡିଜେଲକୁ ଲିଟର ପିଛା ୬୮ ଟଙ୍କାରେ ପାଇପାରିବେ। ଯାହା ଫଳରେ ତେଲ ଲିଟର ପିଛା ପ୍ରାୟ ୩୫ ଟଙ୍କା କମିପାରିଥାଆନ୍ତା।

ଅପରପକ୍ଷେ ପେଟ୍ରୋଲ ଏବଂ ଡିଜେଲକୁ ଜିଏସ୍‌ଟି ଅଧୀନରେ ଆଣିବା ପାଇଁ କେନ୍ଦ୍ର ଏବଂ ରାଜ୍ୟଗୁଡ଼ିକର ସମ୍ମତି ଆବଶ୍ୟକ। ପେଟ୍ରୋଲ ଏବଂ ଡିଜେଲ ଉପରେ ଆଦାୟ କରାଯାଉଥିବା ଭାଟ୍‌ ରାଜ୍ୟଗୁଡ଼ିକ ପାଇଁ ରାଜସ୍ୱର ଏକ ଗୁରୁତ୍ୱପୂର୍ଣ୍ଣ ଉତ୍ସ। ଜିଏସ୍‌ଟି ଲାଗୁ ହେଲେ ଭାଯ୍‌ ହଟାଇ ଦିଆଯିବ, ଯାହା ରାଜ୍ୟଗୁଡ଼ିକୁ ରାଜସ୍ୱ କ୍ଷତି ପହଞ୍ଚାଇବ। ସେଥିପାଇଁ ଅନେକ ରାଜ୍ୟ ଏଥିପାଇଁ ପ୍ରସ୍ତୁତ ନାହାଁନ୍ତି।

ଯେତେବେଳେ ରାଜ୍ୟଗୁଡ଼ି ଟିକସ ହାର ସହିତ ପ୍ରସ୍ତୁତ ହେବେ , ସେତେବେଳେ ପେଟ୍ରୋଲ ଏବଂ ଡିଜେଲକୁ ଜିଏସ୍‌ଟି ପରିସର ମଧ୍ୟକୁ ଅଣାଯାଇପାରିବ। ତଥାପି, ଏହାକୁ ଜିଏସ୍‌ଟି ପରିସରଭୁକ୍ତ କରିବା ପାଇଁ ଏହାବାଦ୍‌ ଜିଏସ୍‌ଟି ସଂସ୍କାର ଘୋଷଣା ପରେ ମଧ୍ୟ ଷ୍ଟକ୍ ବଜାର କାହିଁକି ଉପରମୁହଁା ହେଉନାହିଁ ସମ୍ପର୍କିତ ପ୍ରଶ୍ନର ଉତ୍ତରରେ ଅର୍ଥମନ୍ତ୍ରୀ କହିଛନ୍ତି ଯେ ବଜାର କେବେବି ଗୋଟିଏ କାରଣ ଉପରେ କାମ କରେ ନାହିଁ। ଏହା କାମ ନ କରିବାର ବିଭିନ୍ନ କାରଣ ହୋଇପାରେ। ଜିଏସ୍‌ଟି ହାରରେ ହ୍ରାସ ସାଧାରଣ କମ୍ପାନୀଗୁଡ଼ିକ ପାଇଁ ନୁହେଁ, ଜନସାଧାରଣଙ୍କ ପାଇଁ ଟିକସ ହ୍ରାସ କରାଯାଇଛି।

ନୂଆଦିଲ୍ଲୀ: ଆଗାମୀ ଦିନରେ ଦେଶରେ କମିପାରେ ପେଟ୍ରୋଲ ଏବଂ ଡିଜେଲ ଦର। ଗୁରୁବାର ନୂଆଦିଲ୍ଲୀରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଏହି ସୂଚନା ଦେଇଛନ୍ତି କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରୀ ହରଦୀପ ସିଂହ ପୁରୀ। ହେଲେ ଏଥିରେ ଏକ କେଁ ରହିଛି। ପେଟ୍ରୋଲିୟମ ମନ୍ତ୍ରୀ କହିଛନ୍ତି, ଯଦି ଅଶୋଧିତ ତୈଳ ଦର ଦୀର୍ଘ ସମୟ ପର୍ଯ୍ୟନ୍ତ ବ୍ୟାରେଲ୍‌ ପିଛା ୬୫ ଡଲାର ରୁହେ,  ତେବେ ଆଶା କରାଯାଇପାରେ ଯେ, ଆଗାମୀ ୨- ୩ ମାସରେ ପେଟ୍ରୋଲ ଏବଂ ଡିଜେଲ ଦାମ୍ କମ୍ ହୋଇପାରେ। ଅବଶ୍ୟ ସେ ଏହା ମଧ୍ୟ କହିଛନ୍ତି, ଦର କ୍ରୁଡ୍‌ର ସ୍ଥିର ସ୍ଥିତି ଉପରେ ନିର୍ଭର କରିଥାଏ। କାରଣ ଯଦି ଇରାନ- ଇସ୍ରାଏଲ ଯୁଦ୍ଧ ଭଳି କୌଣସି ବଡ଼ ଭୂ-ରାଜନୈତିକ ଘଟଣା ଘଟେ ତେବେ ସ୍ଥିତି ପୁଣି ବଦଳିଯାଇପାରେ।

ସୂଚନାଥାଉ କି, ନିକଟରେ ବିଶ୍ବ ବଜାରରେ ତେଲ ଦର ବ୍ୟାରେଲ ପିଛା ୬୫ ଡଲାରକୁ ଖସିଆସିଛି। ଏଥିଯୋଗୁ ତୈଳ କମ୍ପାନୀଙ୍କ ଲାଭ ବଢ଼ୁଛି। ଏମିତିରେ ସରକାର ପେଟ୍ରୋଲ ଏବଂ ଡିଜେଲର ଦାମ୍ କମାଇ ଲୋକଙ୍କୁ ଆଶ୍ବସ୍ତି ଦେଇପାରନ୍ତି। ରେଟିଂ ଏଜେନ୍ସି ଅନୁସାରେ ବର୍ତ୍ତମାନ ତେଲ କମ୍ପାନୀଗୁଡିକ ପେଟ୍ରୋଲ ଲିଟର ପିଛା ୧୨- ୧୫ ଟଙ୍କା ଏବଂ ଡିଜେଲ ଲିଟର ଉପରେ ୬ ଟଙ୍କା ୧୨ ପଇସା ଲାଭ କରୁଛନ୍ତି। ହେଲେ ଏହା ସତ୍ତ୍ବେ ବି କମ୍ପାନୀ ବିଗତ ଏକ ବର୍ଷରୁ ଅଧିକ ସମୟ ହେବ ପେଟ୍ରୋଲ ଏବଂ ଡିଜେଲର ମୂଲ୍ୟରେ ଖାଉଟିଙ୍କୁ କୌଣସି ରିଆତି ଦେଇନାହାଁନ୍ତି। ପୂର୍ବରୁ ସରକାର ଏପ୍ରିଲରେ ଲିଟର ପିଛା ୨ ଟଙ୍କା ଉତ୍ପାଦ ଶୁଳ୍କ ବଢ଼ାଇଥିଲେ। ଏହାର ଆଢ଼ୁଆଳରେ କମ୍ପାନୀ ଦାମ କମାଇବାରୁ ବର୍ତ୍ତିଯାଇଥିଲେ। ଖାଲି ସେତିକି ନୁହେଁ କମ୍ପାନୀଗୁଡିକ ଦୀର୍ଘ ସମୟରୁ କ୍ଷତିର ଦ୍ବାହି ଦେଇ ଦାମ୍ କମାଉନାହାଁନ୍ତି।

ନୂଆଦିଲ୍ଲୀ: ବଢ଼ିବ ପେଟ୍ରୋଲ ଓ ଡିଜେଲ ଦର। ପେଟ୍ରୋଲ ଓ ଡିଜେଲ ଉପରେ ଉତ୍ପାଦ ଶୁଳ୍କ ( ଏକ୍ସାଇଜ୍ ଡ୍ୟୁଟି )  ବୃଦ୍ଧି କରିଛନ୍ତି କେନ୍ଦ୍ର ସରକାର। ୨ ଟଙ୍କା ଉତ୍ପାଦ ଶୁଳ୍କ ବୃଦ୍ଧି ନେଇ ସୂଚନା । ନୂତନ ଦାମ ଆଜି ରାତି ୧୨ଟାରୁ ଲାଗୁ ହେବ। ଏପର୍ଯ୍ୟନ୍ତ ସରକାର ପେଟ୍ରୋଲ୍ ଉପରେ ୧୯ ଟଙ୍କା ୯୦ ପଇସା ପ୍ରତି ଲିଟର୍ ଓ ଡିଜେଲ୍ ଉପରେ ୧୫ ଟଙ୍କା ୮୦ ପଇସା ପ୍ରତି ଲିଟର୍ ଏକ୍ସାଇଜ୍ ଡ୍ୟୁଟି ଆଦାୟ କରୁଥିଲେ। ଏହି ବୃଦ୍ଧି ପରେ ପେଟ୍ରୋଲ୍ ଉପରେ ୨୧ ଟଙ୍କା ୯୦ ପଇସା ଏବଂ ଡିଜେଲ୍ ଉପରେ ୧୭ ଟଙ୍କା ୮୦ ପଇସା  ଏକ୍ସାଇଜ୍ ଡ୍ୟୁଟି ହେବ।

ଭାରତରେ କିପରି ନିର୍ଦ୍ଧାରିତ ହୁଏ ପେଟ୍ରୋଲ୍-ଡିଜେଲ୍ ଦାମ ?

ଜୁନ୍ ୨୦୧୦ ପର୍ଯ୍ୟନ୍ତ ସରକାର ପେଟ୍ରୋଲ୍ ଦାମ ନିର୍ଦ୍ଧାରଣ କରୁଥିଲେ ଏବଂ ପ୍ରତି ୧୫ ଦିନରେ ଏହାକୁ ପରିବର୍ତ୍ତନ କରାଯାଉଥିଲା। ୨୬ ଜୁନ୍ ୨୦୧୦ ପରେ ସରକାର ପେଟ୍ରୋଲ୍ ଦାମ ନିର୍ଦ୍ଧାରଣର ଦାୟିତ୍ୱ ତୈଳ କମ୍ପାନୀମାନଙ୍କୁ ଛାଡ଼ିଦେଲେ। ଏହିପରି ଅକ୍ଟୋବର ୨୦୧୪ ପର୍ଯ୍ୟନ୍ତ ଡିଜେଲ୍ ଦାମ ସରକାର ନିର୍ଦ୍ଧାରଣ କରୁଥିଲେ। ୧୯ ଅକ୍ଟୋବର ୨୦୧୪ ରୁ ଏହି କାମ ମଧ୍ୟ ତୈଳ କମ୍ପାନୀମାନଙ୍କୁ ଦିଆଯାଇଛି। ବର୍ତ୍ତମାନ ତୈଳ କମ୍ପାନୀମାନେ ଆନ୍ତର୍ଜାତୀୟ ବଜାରରେ କ୍ରୁଡ ଅଏଲ, ଏକ୍ସଚେଞ୍ଜ୍ ରେଟ୍,  ଟ୍ୟାକ୍ସ , ପେଟ୍ରୋଲ୍-ଡିଜେଲ୍ ପରିବହନ ଖର୍ଚ୍ଚ ଓ ଅନ୍ୟାନ୍ୟ କିଛି ଦିଗକୁ ଧ୍ୟାନ ଦେଇ ପ୍ରତିଦିନ ପେଟ୍ରୋଲ୍-ଡିଜେଲ୍ ଦାମ ନିର୍ଦ୍ଧାରଣ କରନ୍ତି।

ନୂଆଦିଲ୍ଲୀ : ଦୀର୍ଘ ଦିନ ହେବ ଖୁବ୍‌ ଉପରେ ରହିଥିବା ପେଟ୍ରୋଲ ଏବଂ ଡିଜେଲ ଦର ବୃଦ୍ଧିରେ ଖାଉଟି ବେହାଲ। ତେଲ ଦର ବୃଦ୍ଧି ଯୋଗୁ ବଜାରରେ ଅତ୍ୟାବଶ୍ୟକ ସାମଗ୍ରୀ ଦର ଖୁବ୍‌ ଉପରେ। ଏହି ଦର ବୃଦ୍ଧିରୁ ଖାଉଟିଙ୍କୁ ନିସ୍ତାର ଦେବାକୁ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ମୂଲ୍ୟ କମ୍‌ କରିବାକୁ ବିଚାର କରୁଥିବା ଜଣାଯାଇଛି। ଏଥିପାଇଁ ପେଟ୍ରୋଲ ଏବଂ ଡିଜେଲ ଉପରେ ଜିଏସ୍‌ଟି ଲଗାଯିବ। ଉଭୟ ତୈଳକୁ ଜିଏସ୍‌ଟି ପରିସରଭୁକ୍ତ କରିବା ନେଇ ଯୋଜନା ହୋଇଛି। ହେଲେ ଏ ନେଇ ରାଜ୍ୟଗୁଡିକ କୋର୍ଟକୁ ବଲ୍‌ ଛାଡିଦେଇଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ। ନିର୍ମଳା କହିଛନ୍ତି ପେଟ୍ରୋଲ ଏବଂ ଡିଜେଲ ଭଳି ପେଟ୍ରୋଲିୟମ ଉତ୍ପାଦକୁ ଜିଏସ୍‌ଟି ପରିସରଭୁକ୍ତ କରିବାକୁ ହେଲେ ରାଜ୍ୟଗୁଡିକର ସହମତି ଆବଶ୍ୟକ। ଯଦି ରାଜ୍ୟମାନେ ସହମତ ହୁଅନ୍ତି ତେବେ ସରକାର ପେଟ୍ରୋଲିୟମ ଉତ୍ପାଦକୁ ଜିଏସ୍‌ଟି ଅଧୀନକୁ ଆଣିବେ।

ଶନିବାର ଅନୁଷ୍ଠିତ ହେବାକୁ ଥିବା ଜିଏସ୍‌ଟି ପରିଷଦ ବୈଠକ ପୂର୍ବରୁ ଅର୍ଥମନ୍ତ୍ରୀଙ୍କ ଏହି ବିବୃତ୍ତି ଆସିଛି। ବୁଧବାର ଶିଳ୍ପ ସଂଗଠନ ପିଏଚ୍‌ଡି ଚାମ୍ବର ଅଫ୍ କମର୍ସ ଆଣ୍ଡ ଇଣ୍ଡଷ୍ଟ୍ରି (ପିଏଚ୍‌ଡିସିସିଆଇ) ପକ୍ଷରୁ ଆୟୋଜିତ ଏକ ବଜେଟ୍ ପରବର୍ତ୍ତୀ ବୈଠକକୁ ସମ୍ବୋଧିତ କରି ସୀତାରମଣ କହିଛନ୍ତି ଯେ ଗତ କିଛି ବର୍ଷ ଧରି ଅର୍ଥନୈତିକ ଅଭିବୃଦ୍ଧିକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଜନସାଧାରଣଙ୍କ ଖର୍ଚ୍ଚ ବଢ଼ାଇବାକୁ ସରକାରଙ୍କ ଉଦ୍ୟମ କରୁଛନ୍ତି। ଗତ ୩-୪ ବର୍ଷ ଧରି ସର୍ବସାଧାରଣ ପୁଞ୍ଜି ବ୍ୟୟ ଉପରେ ଗୁରୁତ୍ୱ ଦିଆଯାଇ ଆସୁଛି। ଆମେ ଏହାକୁ ଏହି ବଜେଟରେ ମଧ୍ୟ ଜାରି ରଖିଛୁ। ଏହା ସ୍ପଷ୍ଟ ଭାବେ କୁହାଯାଇପାରେ ଯେ ଏହି ବଜେଟରେ ପୁଞ୍ଜି ବ୍ୟୟ ଉପରେ ଗୁରୁତ୍ୱ ଦିଆଯାଇଛି।

ସରକାର ୨୦୨୩-୨୪ ଆର୍ଥିକବର୍ଷର ବଜେଟରେ ପୁଞ୍ଜି ବ୍ୟୟରେ ୩୩% ବୃଦ୍ଧି କରି ୧୦ ଲକ୍ଷ କୋଟି ଟଙ୍କାକୁ ବୃଦ୍ଧି କରିଛନ୍ତି। ଦ୍ରବ୍ୟ ଏବଂ ସେବା କର ଅଧୀନକୁ ପେଟ୍ରୋଲିୟମ ଉତ୍ପାଦ ଆଣିବା ସମ୍ପର୍କିତ ସାମ୍ବାଦିକମାନେ ପଚାରିଥିବା ପ୍ରଶ୍ନର ଉତ୍ତରରେ ଅର୍ଥମନ୍ତ୍ରୀ କହିଛନ୍ତି ଯେ ଯଦି ରାଜ୍ୟମାନଙ୍କ ମଧ୍ୟରେ ଏ ନେଇ ସହମତି ହୁଏ ତେବେ ଏଥିପାଇଁ ପଦକ୍ଷେପ ନିଆଯାଇପାରେ। ଦେଶରେ ସମ୍ପ୍ରତି ଖୁଚୁରା ମୁଦ୍ରାସ୍ଫୀତିରେ ପୁନର୍ବାର ବୃଦ୍ଧି ଘଟିଛି। ଜାନୁୟାରୀରେ ଏହା ୬.୫୨ ପ୍ରତିଶତ ହାରରେ ରହିଛି, ଯାହା ଭାରତୀୟ ରିଜର୍ଭ ବ୍ୟାଙ୍କର ସର୍ବାଧିକ ସୀମା ୬ ପ୍ରତିଶତଠାରୁ ଅଧିକ । ଏଭଳି ପରିସ୍ଥିତିରେ କେନ୍ଦ୍ର ସରକାର ଖୁବ ଶୀଘ୍ର ପେଟ୍ରୋଲ ଏବଂ ଡିଜେଲ ଉପରେ ଟିକସ ହାର ହ୍ରାସ କରିପାରନ୍ତି, ଯାହାଫଳରେ ମୁଦ୍ରାସ୍ଫୀତି ନିୟନ୍ତ୍ରଣ ହୋଇପାରିବ।

ନୂଆଦିଲ୍ଲୀ : ବିଶ୍ବ ବଜାରରେ ଦିନକୁ ଦିନ ଶସ୍ତା ହେବାରେ ଲାଗିଛି ଅଶୋଧିତ ତେଲ। ଏକଦା ଜୁନ୍‌ ୮ରେ ବ୍ୟାରେଲ ପିଛା ୧୨୩.୫୮ ଡଲାର ରହିଥିବା ଅଶୋଧିତ ତୈଳ ଏବେ ବ୍ୟାରେଲ ପିଛା ୮୦ ଡଲାର ତଳକୁ ଖସିଆସିଥିଲେ ସୁଦ୍ଧା ଖୁଚୁରା ବଜାରରେ କମୁନି ପେଟ୍ରୋଲ ଏବଂ ଡିଜେଲ ଦର। ବିଶ୍ୱ ବଜାରରେ ଅଶୋଧିତ ତୈଳ ମୂଲ୍ୟରେ ହ୍ରାସ ଫଳରେ ସରକାରଙ୍କ ରାଜସ୍ବ ଆୟ ଢ଼େର ବଢ଼ିଯାଇଛି। ଏହା ସତ୍ତ୍ବେ ଦେଶରେ ପେଟ୍ରୋଲ ଏବଂ ଡିଜେଲ ଉପରୁ ଉତ୍ପାଦ ଶୁଳ୍କ ହ୍ରାସ ହେଉନାହିଁ। ସାରା ବିଶ୍ବରେ ମାନ୍ଦାବସ୍ଥା ଯୋଗୁ ଚାହିଦାରେ ହ୍ରାସ ଫଳରେ ବଜାରରେ ଅଶୋଧିତ ତେଲ ଦରରେ କ୍ରମଶଃ ହ୍ରାସ ଧାରା ଜାରି ରହିଛି।

ଏକ ରିପୋର୍ଟ ଅନୁଯାୟୀ, ୨୦୧୪-୧୫ ରୁ ୨୦୨୧-୨୨ ମଧ୍ୟରେ ପେଟ୍ରୋଲ ଉପରେ ଉତ୍ପାଦ ଶୁଳ୍କ ୧୯୪ ରୁ ୫୧୨ ପ୍ରତିଶତକୁ ବୃଦ୍ଧି ପାଇଛି। ଏହି ପରିସ୍ଥିତି ହେଉଛି ସେତେବେଳେ ଦେଖିବାକୁ ମିଳିଛି ଯେତେବେଳେ ୨୦୧୫-୧୬ରୁ ୨୦୨୧-୨୨ ମଧ୍ୟରେ ଅଶୋଧିତ ତେଲ ବ୍ୟାରେଲ ପିଛା ୮୦ ଡଲାରରୁ ହ୍ରାସ ପାଇଛି। ତେଲ ଉପରେ ଉତ୍ପାଦ ଶୁଳ୍କ ବୃଦ୍ଧି ହେତୁ ସାଧାରଣ ଖାଉଟି ଦରଦାମ୍‌ ବୃଦ୍ଧି ଜନିତ ସମସ୍ୟାର ସମ୍ମୁଖୀନ ହେଉଛନ୍ତି। ୨୦୧୪-୧୫ ରୁ ୨୦୨୧-୨୨ ମଧ୍ୟରେ ସରକାରଙ୍କ ଉତ୍ପାଦ ଶୁଳ୍କରୁ କେନ୍ଦ୍ର ସରକାରଙ୍କ ରାଜସ୍ବ ଆୟ ୧୨୬% ବୃଦ୍ଧି ଘଟିଛି।

କେନ୍ଦ୍ର ପେଟ୍ରୋଲିୟମ ମନ୍ତ୍ରାଳୟର ପେଟ୍ରୋଲିୟମ ଏବଂ ପ୍ଲାନିଂ ଆନାଲିସିସ୍ ସେଲ୍ (ପିପିଏସି) ରିପୋର୍ଟ ଅନୁଯାୟୀ ୨୦୧୪-୧୫ରେ ପେଟ୍ରୋଲ ଉପରେ ଉତ୍ପାଦ ଶୁଳ୍କ ଲିଟର ପିଛା ୯.୪୮ ଟଙ୍କା ଏବଂ ଡିଜେଲରେ ୩.୫୬ ଟଙ୍କା ଧାର୍ଯ୍ୟ କରାଯାଇଥିଲା। ଅନ୍ୟପକ୍ଷରେ, ୨୦୨୧-୨୨ରେ ପେଟ୍ରୋଲ ଉପରେ ଏହି ଶୁଳ୍କ ୧୯୪ ପ୍ରତିଶତ ବୃଦ୍ଧି ପାଇ ୨୭.୯୦ ଟଙ୍କା ଏବଂ ଡିଜେଲ ଉପରେ ୫୧୨ ପ୍ରତିଶତ ବୃଦ୍ଧି ହୋଇ ଲିଟର ପିଛା ୨୧.୮୦ ଟଙ୍କା ହୋଇଛି। କୌତୂହଳର ବିଷୟ ହେଉଛି , ୨୦୧୫-୧୬ ରୁ ୨୦୨୧-୨୨ ମଧ୍ୟରେ ପେଟ୍ରୋଲ ଏବଂ ଡିଜେଲ ଉପରେ ସରକାର ଉତ୍ପାଦ ଶୁଳ୍କ କ୍ରମାଗତ ଭାବରେ ବୃଦ୍ଧି ଘଟାଇଥିବାବେଳେ ଏହି ସମୟରେ ଅଶୋଧିତ ତୈଳ ମୂଲ୍ୟ ବ୍ୟାରେଲ ପିଛା ୮୦ ଡଲାର ତଳକୁ ଖସିଆସିଥିଲା। ଏପରିକି ତିନି ଥର ଅଶୋଧିତ ତୈଳ ବ୍ୟାରେଲ ପିଛା ୫୦ ଡଲାରରୁ ଖସି ଆସିଥିଲା। ୨୦୧୪-୧୫ରେ ଅଶୋଧିତ ତୈଳ ବ୍ୟାରେଲ ପିଛା ୮୪.୧୬ ଡଲାର ରହିଥିବାବେଳେ ୨୦୧୫-୧୬ ଏବଂ ୨୦୧୬-୧୭ରେ ଏହା ଯଥାକ୍ରମେ ବ୍ୟାରେଲ ପିଛା ୪୬ ଡଲାର ଏବଂ ବ୍ୟାରେଲ ପିଛା ୪୭ ଡଲାର ଥିଲା।

ଏହି ତଥ୍ୟ ଦର୍ଶାଉଛି ଯେ ୨୦୧୫-୧୬ରୁ ୨୦୧୬-୧୭ ମଧ୍ୟରେ ଯେତେବେଳେ ଅଶୋଧିତ ତୈଳ ମୂଲ୍ୟ ୨୦୧୪-୧୫ ସ୍ତରର ପ୍ରାୟ ଅଧା ଥିଲା ସେତେବେଳେ ସରକାର ପେଟ୍ରୋଲ ଉପରେ ଉତ୍ପାଦ ଶୁଳ୍କ ଲିଟର ପିଛା ୧୭.୪୮ ଟଙ୍କାରୁ ୨୧.୪୮ ଟଙ୍କାକୁ ବୃଦ୍ଧି କରିଥିଲେ। ସେହି ସମୟ ମଧ୍ୟରେ ଡିଜେଲ ଉପରେ ଉତ୍ପାଦ ଶୁଳ୍କ ୧୦.୨୬ ରୁ ୧୭.୩୩ ଟଙ୍କାକୁ ବୃଦ୍ଧି କରାଯାଇଥିଲା।

ଅପରପକ୍ଷେ ୨୦୨୦-୨୧ରେ ଅଶୋଧିତ ତୈଳ ବ୍ୟାରେଲ ପିଛା ୬୦.୪୭ ଡଲାରରୁ ୪୪.୮୨ ଡଲାରକୁ ଖସିଆସିଛି। ୨୦୧୯-୨୦ ରେ କରୋନା ମହାମାରୀ ଆରମ୍ଭ ହୋଇଥିଲା ଏବଂ ପେଟ୍ରୋଲ ଏବଂ ଡିଜେଲ ଉପରେ ସରକାର ଉତ୍ପାଦ ଶୁଳ୍କ ବୃଦ୍ଧି କରିଥିଲେ। ପେଟ୍ରୋଲ ଉପରେ ଏହି ଶୁଳ୍କ ୨୦୨୦ ମାର୍ଚ୍ଚ ୧୩ରେ ୧୯.୯୮ ଟଙ୍କାରୁ ଚଳିତବର୍ଷ ଫେବୃଆରୀ ୨ ରେ ୩୨.୯୦ ଟଙ୍କାକୁ ବୃଦ୍ଧି ପାଇଛି। ଗୋଟିଏ ବର୍ଷରେ ଉତ୍ପାଦ ଶୁଳ୍କରେ ସରକାର ଲିଟର ପିଛା ପ୍ରାୟ ୧୩ ଟଙ୍କା ବୃଦ୍ଧି କରିଛନ୍ତି। ସେହିଭଳି ୨୦୨୦ ମାର୍ଚ୍ଚ ୧୩ରେ ଡିଜେଲରେ ଉତ୍ପାଦ ଶୁଳ୍କ ଲିଟର ପିଛା ୧୫.୮୩ ଟଙ୍କା ରହିଥିଲା। ତେବେ, ୨୦୨୧ ଫେବୃଆରୀ ୨ରେ ଏଥିରେ ୧୬ ଟଙ୍କା ବୃଦ୍ଧି କରାଯାଇ ଲିଟର ପିଛା ୩୧ ଟଙ୍କା ୮୦ ଟଙ୍କା ହୋଇଯାଇଛି।

ନୂଆଦିଲ୍ଲୀ : ଦେଶରେ ତେଲ ଦର ଏବେ ବି ଉଚ୍ଚ ସ୍ତରରେ ରହିଛି। ଦେଶର ସବୁ ରାଜ୍ୟରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଟପିଥିବାବେଳେ ଡିଜେଲ ମୂଲ୍ୟ ୯୦ ଟଙ୍କା ଉପରେ ରହିଛି। ଘରୋଇ ବଜାରରେ ତେଲ ଦରକୁ ନେଇ ଖାଉଟିଙ୍କ ଅସନ୍ତୁଷ୍ଟ ଚରମସୀମାରେ ପହଞ୍ଚିଛି। ଅପରପକ୍ଷେ ଦେଶରେ ତେଲ ଦର ବୃଦ୍ଧି ଯୋଗୁ ପେଟ୍ରୋଲ ଏବଂ ଡିଜେଲ ଉପରେ ବହୁ ମାତ୍ରାରେ ନିର୍ଭରଶୀଳ ଦେଶର ପରିବହନ କ୍ଷେତ୍ର ପ୍ରଭାବିତ ହେଉଛି। ଏଥିଯୋଗୁଁ ବଜାରରେ ଅତ୍ୟାବଶ୍ୟକ ସାମଗ୍ରୀ ମହଙ୍ଗା ହୋଇଛି। ଏହି ମହଙ୍ଗା ମାଡ଼ରେ ବିଚରା ଖାଉଟି ଅଣନିଶ୍ବାସୀ ହୋଇପଡ଼ିଛି।
ବିଶ୍ବ ବଜାରର ଅଶୋଧିତ ତେଲର ଦର ଆଧାରରେ ଘରୋଇ ବଜାରରେ ପେଟ୍ରୋଲ ଏବଂ ଡିଜେଲ ଦର ନିର୍ଦ୍ଧାରଣ କରାଯାଉଛି।

ଏମିତିକି ଦୈନିକ ବଦଳୁଛି ତେଲ ଦର। ବିଶ୍ବ ବଜାରରେ ଅଶୋଧିତ ତେଲ ଦର ଉଚ୍ଚା ରହୁଥିବାରୁ ଘରୋଇ ବଜାରରେ ପେଟ୍ରୋଲ ଏବଂ ଡିଜେଲ ଦର ଅଧିକ ରହୁଛି ବୋଲି ସର୍ବଦା କେନ୍ଦ୍ର ସରକାର କହିଆସୁଛନ୍ତି। ଅସଲ କଥା କିନ୍ତୁ ଅଲଗା। ବିଶ୍ବ ବଜାରରେ ଅଶୋଧିତ ତେଲ ଦର କମୁଥିଲେ ସୁଦ୍ଧା ଦେଶରେ ପେଟ୍ରୋଲ ଏବଂ ଡିଜେଲ ଦର ବଢ଼ିଚାଲିଛି। ବର୍ତ୍ତମାନ ବିଶ୍ବ ବଜାରରେ ଅଶୋଧିତ ତେଲ ଦରରେ ୩୦% ହ୍ରାସ ଘଟି ଏହା ବିଗତ ୮ ମାସର ସର୍ବନିମ୍ନ ସ୍ତରକୁ ଖସିଆସିଲାଣି। ୨୦୦୮ରେ ଅଶୋଧିତ ତେଲ ଦର ବ୍ୟାରେଲ ପିଛା ରେକର୍ଡ ୧୨୩.୫୮ ଡଲାର ରହିଥିଲା। ବର୍ତ୍ତମାନ ଦର ସେହି ରେକର୍ଡ ସ୍ତରଠାରୁ ୩୦ ପ୍ରତିଶତ ଖସିଯାଇଥିଲେ ସୁଦ୍ଧା ସରକାର ଘରୋଇ ବଜାରରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ହ୍ରାସ ଘଟାଇ ଖାଉଟିଙ୍କୁ କୌଣସି ରିଆତି ଦେବାକୁ ନାରାଜ।

ଅପରପକ୍ଷେ ବର୍ତ୍ତମାନ ବିଶ୍ବ ବଜାରରେ ଅଶୋଧିତ ତେଲ ଦର ହ୍ରାସ ପାଇଁ ମୁଖ୍ୟତଃ ଭାବେ ଦୁଇଟି କାରଣକୁ ଦାୟୀ କରାଯାଉଛି। ପ୍ରଥମଟି ହେଉଛି ଚାଇନାରେ ତୈଳ ଚାହିଦା କମିବା ଏବଂ ଦ୍ବିତୀୟଟି ହେଉଛି ୟୁରୋପରେ ମାନ୍ଦାବସ୍ଥା ଭୟରେ ଯୋଗାଣରେ ହ୍ରାସ ଯୋଗୁଁ ଦର କମିବାରେ ଲାଗିଛି। ଶେଷ ଥର ପାଇଁ ୨୦୦୮ଜୁଲାଇ ୧୧ରେ ବିଶ୍ବ ବଜାରରେ ଅଶୋଧିତ ତେଲ ଦର ବ୍ୟାରେଲ ପିଛା ସର୍ବାଧିକ ୧୪୭.୦୨ ଡଲାର ରହିଥିଲା। ସେତେବେଳେ ପେଟ୍ରୋଲ ଲିଟର ପିଛା ୪୫ ଟଙ୍କା ୫୬ ପଇସା ଏବଂ ଡିଜେଲ ୩୪ ଟଙ୍କା ୮୬ ପଇସା ରହିଥିଲା। ବର୍ତ୍ତମାନ ଲଣ୍ଡନ୍‌ ଏକ୍ସଚେଞ୍ଜଠାରେ ବ୍ରେଣ୍ଟ କ୍ରୁଡ ଦର ବ୍ୟାରେଲ ପିଛା ୮୮.୦୯ ଡଲାର ରହିଥିବାବେଳେ ଆମେରିକୀୟ ମର୍ଚ୍ଚାଣ୍ଟାଇଲ ଏକ୍ସଚେଞ୍ଜରେ ୱେଷ୍ଟ ଟେକ୍ସାସ୍‌ ଡବ୍ଲ୍ୟୁଟିଆଇ ଦର ବ୍ୟାରେଲ ପିଛା ୮୩ ଡଲାରକୁ ହ୍ରାସ ଘଟିଛି।

ଏହି ସମୟରେ ପେଟ୍ରୋଲ ଲିଟର ପିଛା ୧୦୩ ଟଙ୍କା ୩୭ ପଇସା ଏବଂ ଡିଜେଲ ୯୪ ଟଙ୍କା ୮୬ ପଇସା ରହିଛି। ତେବେ କୌତୂହଳର ବିଷୟ ହେଉଛି ଚଳିତବର୍ଷ ଜୁନ୍‌୮ରେ ଅଶୋଧିତ ତୈଳ ରେକର୍ଡ ୧୨୩.୫୮ ଡଲାର ରହିଥିଲା। ସେତେବେଳେ ମଧ୍ୟ ପେଟ୍ରୋଲ ଲିଟର ପିଛା ୧୦୩ ଟଙ୍କା ୩୭ ପଇସା ଏବଂ ଡିଜେଲ ୯୪ ଟଙ୍କା ୮୬ ପଇସା ରହିଥିଲା। ଏହାର ଅର୍ଥ ହେଉଛି ଚଳିତବର୍ଷ ଜୁନ୍‌ ମାସରେ ଅଶୋଧିତ ତୈଳ ଦର ରେକର୍ଡ ସ୍ତରରେ ଥିବାବେଳେ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ଲିଟର ପିଛା ଯାହା ରଖୀଥିଲେ ଏବେ ଦର ୩୦ ପ୍ରତିଶତ କମିବା ସତ୍ତ୍ବେ ଖାଉଟିଙ୍କଠୁ ସେହି ହାରରେ ଅର୍ଥ ଅସୁଲ କରୁଛନ୍ତି। ଏହାର ସବୁଠାରୁ ବଡ଼ କାରଣ ହେଉଛି ସରକାରଙ୍କ ପାଇଁ ଏଠି ଖାଉଟିଙ୍କ ଅପେକ୍ଷା ତେଲ କମ୍ପାନୀଙ୍କ ସ୍ବାର୍ଥ ବଡ଼ ହୋଇଯାଇଛି।

ସେହିପରି ୨୦୧୪ରେ ଯେତେବେଳେ ମୋଦୀ ସରକାର କ୍ଷମତାକୁ ଆସିଲେ ସେତେବେଳେ ଅଶୋଧିତ ତେଲ ବ୍ୟାରେଲ ପିଛା ୧୦୭ ଡଲାର ରହିଥିଲା। ସେତେବେଳେ ପେଟ୍ରୋଲ ଲିଟର ପିଛା ୭୧ ଟଙ୍କା ୪୧ ପଇସା ରହିଥିଲା। ଏ ସମ୍ପର୍କରେ ସର୍ବଭାରତୀୟ ପେଟ୍ରୋଲିୟମ୍‌ ଡିଲର୍ସ ଆସୋସିଏସନ୍‌ର ମହାସଚିବ ସଞ୍ଜୟ ଲାଠ୍‌ କୁହନ୍ତି,ବିଶ୍ବ ବଜାରରେ ଦର କମୁଥିଲେ ସୁଦ୍ଧା ଅଶୋଧିତ ତୈଳ ଦର ଏ ଯାଏ ସ୍ଥିର ହୋଇନାହିଁ। ଯଦି ୟୁରୋପୀୟ ରାଷ୍ଟ୍ର ରୁଷିଆରୁ ତୈଳ ଆମଦାନୀ ଉପରେ ରୋକ୍‌ ଲଗାନ୍ତି ତେବେ ଆଗକୁ ନିଶ୍ଚିତ ଭାବେ ଏହାର ବ୍ୟାରେଲ ପିଛା ପୁଣି ଥରେ ୧୨୦ ଡଲାର ଛୁଇଁବ। ଏହାବାଦ୍‌ ଓପେକ୍‌ ପ୍ଲସ୍‌ ରାଷ୍ଟ୍ର ସମୂହ ଦୈନିକ ଉତ୍ପାଦନରେ ୧ ଲକ୍ଷ ବ୍ୟାରେଲ ହ୍ରାସ ଘୋଷଣା କରିବା ଏବେ ଦର ହ୍ରାସ କରିଛି।

ଘରୋଇ ଦୃଷ୍ଟିରୁ ଦେଖୀଲେ ବିଗତ କିଛି ମାସ ହେବ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ଦର ସ୍ଥିର ରଖୀଛନ୍ତି। ଯଦିବା ଏଲ୍‌ପିଜି ଏବଂ ପେଟ୍ରୋଲ ବିକ୍ର କ୍ଷେତ୍ରରେ କମ୍ପାନୀଙ୍କ କ୍ଷତି ଆଡଜଷ୍ଟ ହୋଇଗଲାଣି ତଥାପି ଡିଜେଲରେ ଏହି କ୍ଷତି ଭରଣା ହୋଇନାହିଁ। ଏଥିରୁ ସ୍ପଷ୍ଟ ହେଉଛି ଯେ ସରକାରୀ ତେଲ କମ୍ପାନୀଙ୍କ କ୍ଷତି ଭରଣା ଲାଗି ବିଶ୍ବ ବଜାରରେ ଅଶୋଧିତ ତେଲ ଦର କମୁଥିଲେ ସୁଦ୍ଧା ସରକାର ଘରୋଇ କ୍ଷେତ୍ରରେ ଆଗକୁ ପେଟ୍ରୋଲ ଏବଂ ଡଜ୍ଲେ ମୂଲ୍ୟରେ କୌଣସି ହ୍ରାସ କରିବା ସମ୍ଭାବନା କ୍ଷୀଣ।

ନୂଆଦିଲ୍ଲୀ : ପେଟ୍ରୋଲ ଓ ଡିଜେଲ ଦର ବୃଦ୍ଧିରୁ ସାଧାରଣ ଖାଉଟିଙ୍କୁ ଆଶ୍ବସ୍ତି ମିଳିବା ସମ୍ଭାବନା ଦେଖାଦେଇଛି। ଏହାର ମୁଖ୍ୟ କାରଣ ହେଉଛି ବିଶ୍ବ ବଜାରରେ ଅଶୋଧିତ ତୈଳ ମୂଲ୍ୟରେ ବୃହତ୍‌ ହ୍ରାସ। ବିଶ୍ବ ତୈଳ ବଜାରକୁ ଏବେ ମାନ୍ଦାବସ୍ଥା ଭୟ ଘାରିଛି। ଏହାର ପ୍ରଭାବରେ ନିକଟରେ ବ୍ୟାରେଲ ପିଛା ୧୨୩ ଡଲାର ଛୁଇଁଥିବା ଆମେରିକାର ୱେଷ୍ଟ ଟେକ୍ସାସ୍‌ ଇଣ୍ଟର ମିଡିଏଟ୍‌(ଡବ୍ଲ୍ୟୁଟିଆଇ)ର ମୂଲ୍ୟ ବ୍ୟାରେଲ ପିଛା ୧୧୦ ଡଲାରକୁ ଖସିଆସିଛି। ଚାହିଦାରେ ହ୍ରାସ ଯୋଗୁ ବଜାରରେ ମୂଲ୍ୟ ତୈଳ ଖସିବାରେ ଲାଗିଛି।

ଅପରପକ୍ଷେ ତୈଳ ଉତ୍ପାଦନକାରୀ ରାଷ୍ଟ୍ର ସମୂହ (ଓପେକ୍‌) ଜୁଲାଇ ଏବଂ ଅଗଷ୍ଟରେ ଉତ୍ପାଦନରେ ବୃଦ୍ଧି ଘଟାଇବାକୁ ନିଷ୍ପତ୍ତି ନେଇଛନ୍ତି। ଓପେକ୍‌ ଦୈନିକ ତୈଳ ଉତ୍ପାଦନ ୬,୪୮,୦୦୦ ବ୍ୟାରେଲକୁ ବୃଦ୍ଧି କରିବାକୁ ଯୋଜନା କରିଛି। ଏହାହେଲେ ବଜାରରେ ଆଉ ଚାହିଦା ଯୋଗାଣ ଜନିତ ସ୍ଥିତି ଦେଖିବାକୁ ମିଳିବନାହିଁ। ଫଳରେ ବଜାରରେ ଅଶୋଧିତ ତୈଳ ଅଧିକ ଖସିବ। ବିଶ୍ବ ବଜାରରେ ମୂଲ୍ୟ ଖସୁଥିବାରୁ ଏଭଳି ସ୍ଥିତିରେ ଘରୋଇ ବଜାରରେ ଖୁବ୍‌ ଉଚ୍ଚରେ ରହିଥିବା ପେଟ୍ରୋଲ ଏବଂ ଡିଜେଲ ଦର ହ୍ରାସ ଘଟିବାର ଯଥେଷ୍ଟ ସମ୍ଭାବନା ଦେଖାଦେଇଛି।

ନୂଆଦିଲ୍ଲୀ : ଘୋର ଆର୍ଥ଄କ ସଙ୍କଟ ଦେଇ ଗତି କରୁଥÒବା ଶ୍ରୀଲଙ୍କାରେ ପେଟ୍ରୋଲ ଡିଜେଲ ସଙ୍କଟ ଦିନକୁ ଦିନ ସାଂଘାତିକ ରୂପ ବନବାରେ ଳାଗିଛି। ୨୨ ନିୟୁତ ଲୋକଙ୍କ ନେଇ ଗଠିତ ଏହି ଦେଶ ବିଗତ ସାତ ଦଶନ୍ଧି ମଧ୍ୟରେ ସବୁଠାରୁ ଖରାପ ଆର୍ଥିକ ସଙ୍କଟର ମୁକାବିଲା କରୁଛି। ଶ୍ରୀଲଙ୍କା ନିକଟରେ ଆଉ ମାତ୍ର ୫ ଦିନ ପାଇଁ ଇନ୍ଧନ ବାକି ରହିଛି। ଭାରତରୁ ନୂଆ କ୍ରେଡିଟ୍‌ ଲାଇନ୍‌ ମିଳିବା ଉପରେ ଏବେ ଅଟକିଛି ଦେଶର ଶେଷ ଭରଷା। ଏ ସମ୍ପର୍କରେ ଶୁକ୍ରବାର ଶ୍ରୀଲଙ୍କାର ଶକ୍ତି ମନ୍ତ୍ରୀ କାଞ୍ଚନା ବିଜୟଶେଖରା କହିଛନ୍ତି ଯେ, ଦେଶକୁ ଭାରତଠାରୁ ୫୦୦ ନିୟୁତ ଡଲାରର କ୍ରେଡିଟ୍ ମିଳିବ ନାହିଁ ତେବେ ସଙ୍କଟ ଆହୁରି ଗମ୍ଭୀର ହେବ। ଏହାର ବୈଦେଶିକ ମୁଦ୍ରା ଭଣ୍ଡାରରେ ହ୍ରାସ ଘଟିଛି ଏବଂ ଖାଦ୍ୟ, ଔ ଷଧ ଏବଂ ଇନ୍ଧନ ସହ ଅତ୍ୟାବଶ୍ୟକ ସାମଗ୍ରୀ ଆମଦାନୀ ପାଇଁ ଶ୍ରୀଲଙ୍କା ସରକାରଙ୍କ ପାଖରେ ଡଲାର ନାହିଁ।

ଦେଶର ଅନେକ ପେଟ୍ରୋଲ ପମ୍ପରେ ଲୋକଙ୍କ ଲମ୍ବା ଲାଇନ ଲାଗିଛି। ପେଟ୍ରୋଲ ଏବଂ ଡିଜେଲ ପାଇଁ ଲୋକଙ୍କୁ ରାତିସାରା ଲାଇନରେ ଛିଡା ହେବାକୁ ପଡୁଛି। ଏକ୍ସିମ ବ୍ୟାଙ୍କ ଜରିଆରେ ଭାରତ ସରକାରଙ୍କକ ୫୦୦ ନିୟୁତ ଆମେରିକୀୟ ଡଲାରର କ୍ରେଡିଟ୍‌ ଉପରେ ଶ୍ରୀଲଙ୍କା ସରକାର ଭରଷା କରିଛନ୍ତି। ଆସନ୍ତା କିଛି ସପ୍ତାହ ମଧ୍ୟରେ ଏହି ଅର୍ଥକୁ ଇନ୍ଧନ ପରିବହନରେ ବ୍ୟବହାର କରାଯିବ ବୋଲି ବିଜୟଶେଖରା କହିଛନ୍ତି। ଏହାପୂର୍ବରୁ ଭାରତ ପ୍ରାୟ ୩ ବିଲିୟନ ଡଲାରର ସହାୟତା ଦେଇଛି। ୱିଜେସେକରା କହିଛନ୍ତି ଯେ ଇନ୍ଧନ ଆମଦାନୀ ପାଇଁ ରୁଷ ସମେତ ଅନେକ ଦେଶ ସହ ଶ୍ରୀଲଙ୍କା ଆଲୋଚନା କରିଛି।

ନୂଆଦିଲ୍ଲୀ: ଖାଉଟିଙ୍କ ପାଇଁ ଖରାପ ଖବର। ସମ୍ପ୍ରତି ଉଚ୍ଚ ବଜାର ଦରକୁ ନେଇ ହନ୍ତସନ୍ତ ହେଉଥିବା ଖାଉଟିଙ୍କୁ ଆଗକୁ ନିସ୍ତାର ମିଳିବାର ସମ୍ଭାବନା କମ୍ | କାରଣ ଆଗାମୀ ଦିନଗୁଡିକରେ ବିଭିନ୍ନ କ୍ଷେତ୍ରରେ ମହଙ୍ଗା ମାଡ଼ ଆହୁରି ଜୋରଦାର ହେବ। ଆଉ ମାତ୍ର ଏକ ସପ୍ତାହକୁ ଅପେକ୍ଷା। ଏହି ଗୋଟିଏ ସପ୍ତାହ ପରେ ଘରୋଇ ବଜାରରେ ବଢ଼ିବ ପେଟ୍ରୋଲ ଏବଂ ଡିଜେଲ ଦରରେ ଲାଗିବ ନିଆଁ। ଉଭୟ ପେଟ୍ରୋଲ ଓ ଡିଜେଲ ମୂଲ୍ୟରେ ଲିଟର ପିଛା ଏହାର ମୁଖ୍ୟ କାରଣ ହେଉଛି ଇତି ମଧ୍ୟରେ ଅଶୋଧିତ ତେଲ ଦର ବ୍ୟାରେଲ ପିଛା ୧୧୦ ଡଲାର ଟପିଯାଇଛି।

ରୁଷ ଏବଂ ଯୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ପ୍ରଭାବରେ ବିଶ୍ବ ବଜାରରେ ଅଶୋଧୂତ ତୈଳ ଦର ଉପରମୁହାଁ ହେବାରେ ଲାଗିଛି। ଏଥିଯୋଗୁ ବ୍ରେଣ୍ଟ କ୍ରୁଡ୍ ଦର ବ୍ୟାରେଲ ପିଛା ୧୧୦ ଡଲାରକୁ ବୃଦ୍ଧି ପାଇଛି। ଏହି ସମୟରେ, ଆନ୍ତର୍ଜାତୀୟ ଶକ୍ତି ଏଜେନ୍ସି (ଆଇଇଏ) ବିଶ୍ବରେ ବୃଦ୍ଧି ପାଉଥିବା ଶକ୍ତି ସଙ୍କଟ ବିଷୟରେ ଚେତାବନୀ ଦେଇଛି।

ରୁଷ-ୟୁକ୍ରେନ ଯୁଦ୍ଧ ଯୋଗୁଁ ରୁଷରୁ ଅଶୋଧ ତୈଳ ଯୋଗାଣ ପ୍ରଭାବିତ ହୋଇଥିଲା। ଏହାର ପ୍ରଭାବରେ ୨୦୧୪ଠାରୁ ଅଶୋଧୃତ ତୈଳ ମୂଲ୍ୟ ସର୍ବାଧିକ ବିଗତ ୮ ବର୍ଷରେ ସର୍ବାଧିକ ହୋଇଛି। ଏହି କାରଣରୁ ଆଗାମୀ ଦିନରେ ପେଟ୍ରୋଲ ଏବଂ ଡିଜେଲର ମୂଲ୍ୟ ଲିଟର ପିଛା ୨୫ ଟଙ୍କା ପର୍ଯ୍ୟନ୍ତ ବୃଦ୍ଧି ହୋଇପାରେ। ଜାପାନ, ଆମେରିକା ସମେତ ଆଇଇଏର ସଦସ୍ୟମାନେ ସେମାନଙ୍କ ଭଣ୍ଡାରରୁ ୬୦ ନିୟୁତ ବ୍ୟାରେଲ ତୈଳ ଛାଡିବାକୁ ପ୍ରସ୍ତୁତ ହୋଇଛନ୍ତି, କିନ୍ତୁ ଏହା ଗୋଟିଏ ଦିନର ତେଲ ବ୍ୟବହାରଠାରୁ କମ୍। ଏଭଳି ପରିସ୍ଥିତିରେ ଅଶୋଧୃତ ବିଶେଷଜ୍ଞମାନେ କହିଛନ୍ତି ଯେ ଉତ୍ତରପ୍ରଦେଶ ଏବଂ ପଞ୍ଜାବ ସମେତ ୫ଟି ରାଜ୍ୟରେ ଚାଲିଥିବା ବିଧାନସଭା ସ।ଧରଣ ନିର୍ବାଚନ ପରେ ଲୋକ ମୁଦ୍ରାସ୍ଫୀତିକୁ ନେଇ ଏକ ବଡ଼ ଝଟ୍‌କା ପାଇପାରନ୍ତି । ମାର୍ଚ୍ଚ ୧୦ରେ ବିଧାନସଭା ନିର୍ବାଚନର ଫଳାଫଳ ଆସିବ, ଯାହା ପରେ ପେଟ୍ରୋଲ ଏବଂ ଡିଜେଲ ମହଙ୍ଗା ହୋଇପାରେ। କାରଣ ସାଧାରଣତଃ ଦେଖାଯାଏ ଯେ ନିର୍ବାଚନ ସମୟରେ ତୈଳ କମ୍ପାନୀଗୁଡ଼ିକ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି କରନ୍ତି ନାହିଁ ।

ଏଭଳି ପରିସ୍ଥିତିରେ ମୁଦ୍ରାସ୍ଫୀତିକୁ ନିୟନ୍ତ୍ରଣ କରିବା ପାଇଁ ସରକାର ପେଟ୍ରୋଲ ଏବଂ ଡିଜେଲ ଉପରୁ ଟିକସ କାଟ୍ କରିପାରନ୍ତି ବୋଲି ବିଶେଷଜ୍ଞମାନେ ଆକଳନ କରିଛନ୍ତି। କରୋନାର ପ୍ରଥମ ଲହରରେ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ଉପରୁ ଉତ୍ପାଦ ଶୁଳ୍କ ଦୁଇଥର ଲିଟର ପିଛା ୧୫ ଟଙ୍କା ବୃଦ୍ଧି କରିଛନ୍ତି । ତେବେ ଏହା ପରେ ନଭେମ୍ବର ୩ରେ ପେଟ୍ରୋଲ ଉପରେ ଲିଟର ପିଛା ୫ ଟଙ୍କା ଏବଂ ଡିଜେଲ ଉପରେ ଲିଟର ପିଛା ୧୦ ଟଙ୍କା କଟାଯାଇଥିଲା |