ବଲିଉଡର ସୁପରଷ୍ଟାର ସଲମାନ ଖାନ ଗତ କିଛି ମାସ ଧରି ସୋସିଆଲ ମିଡିଆରେ ବେଶ୍ ସକ୍ରିୟ ରହୁଛନ୍ତି ଏବଂ ବିଭିନ୍ନ ସାମାଜିକ ପ୍ରସଙ୍ଗରେ ନିଜର ମତ ରଖୁଛନ୍ତି। ନିକଟରେ ନିଟ୍ (NEET) ପେପର ଲିକ୍ ମାମଲାରେ ସେ ଏକ ପୋଷ୍ଟ ସେୟାର କରିଥିଲେ, ଯାହାକୁ ନେଇ କିଛି ଲୋକ ତାଙ୍କୁ ଟ୍ରୋଲ କରିଥିଲେ। ତେବେ ଏହି ଟ୍ରୋଲରଙ୍କୁ କଡ଼ା ଜବାବ ଦେବା ପାଇଁ ଅଧାରାତିରେ ସଲମାନ ଏପରି ଏକ ପୋଷ୍ଟ ସେୟାର କରିଛନ୍ତି, ଯାହା ତାଙ୍କ ଫ୍ୟାନ୍ସଙ୍କ ଦୃଷ୍ଟି ଆକର୍ଷଣ କରିବା ସହ ଇଣ୍ଟରନେଟ୍‌ରେ ଭାଇରାଲ ହେବାରେ ଲାଗିଛି।

କ'ଣ ରହିଛି ସଲମାନଙ୍କ ପୋଷ୍ଟରେ?

ମଧ୍ୟରାତ୍ରିରେ ସଲମାନ ଖାନ ସୋସିଆଲ ମିଡିଆରେ ନିଜର ଦୁଇଟି ଫଟୋ ସେୟାର କରିଛନ୍ତି, ଯେଉଁଥିରେ ସେ ଜିମ୍‌ରେ ଝାଳ ବୁହାଉଥିବା ନଜର ଆସୁଛନ୍ତି। ସାର୍ଟଲେସ୍ ସଲମାନଙ୍କ ମୁଣ୍ଡରେ ଏକ ଧଳା ରଙ୍ଗର ଟାୱେଲ୍ ରହିଛି ଏବଂ ସେ ରାଗରେ ଦର୍ପଣ ଆଡ଼କୁ ଚାହିଁ ରହିଛନ୍ତି। ଏହି ଫଟୋ ସହିତ ତାଙ୍କର କ୍ୟାପସନ୍ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି। ଫଟୋ ସେୟାର କରି ସେ ଲେଖିଛନ୍ତି, "ସଲମାନ ଖାନ ଡର୍ ଗୟା... ହମ୍ମ୍ମ୍ମ୍ମ ଯୋ ଡର ଗୟା ବୋ ମର ଗୟା" (ସଲମାନ ଖାନ ଡରିଗଲା... ଯିଏ ଡରିଗଲା ସିଏ ମରିଗଲା)।

ଭାଇଜାନଙ୍କ ଏହି ପୋଷ୍ଟ ଉପରେ ଫ୍ୟାନ୍ସମାନେ ଜୋରଦାର ପ୍ରତିକ୍ରିୟା ଦେଉଛନ୍ତି। ଜଣେ ଫ୍ୟାନ୍ ଲେଖିଛନ୍ତି ଯେ, "ସଲମାନ ଭାଇ, ଆପଣ କାହାକୁ ଡରନ୍ତି ନାହିଁ, ଏହା ସମସ୍ତେ ଜାଣନ୍ତି।" ଅନ୍ୟ ଜଣେ ଲେଖିଛନ୍ତି, "ଭାଇ ଆପଣ ତହଲକା ମଚାଇଦେଲେ।" ଅନେକ ଲୋକ ତାଙ୍କ ଫଟୋରେ ଫାୟାର ଏବଂ ହାର୍ଟ ଇମୋଜି ମଧ୍ୟ ଦେଉଛନ୍ତି।

କାହିଁକି ଟ୍ରୋଲ ହୋଇଥିଲେ ଭାଇଜାନ?

ଗୁରୁବାର ଦିନ ସଲମାନ ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଥିଲେ, ଯେଉଁଥିରେ ସେ NEET ପେପର ଲିକ୍ ପ୍ରସଙ୍ଗରେ ଆନ୍ଦୋଳନ କରୁଥିବା ଛାତ୍ରଛାତ୍ରୀମାନଙ୍କୁ ନିଜର ବାର୍ତ୍ତା ଦେଇଥିଲେ। ସେ ଲେଖିଥିଲେ, "ଶିକ୍ଷା ହେଉ କିମ୍ବା ସୁରକ୍ଷା, ଛାତ୍ରଛାତ୍ରୀମାନେ ହେଉଛନ୍ତି ଆମର ପ୍ରାଥମିକତା। ପ୍ରଧାନମନ୍ତ୍ରୀ ଟ୍ୱିଟ୍ କରିଛନ୍ତି ଏବଂ ମୋର ଦୃଢ଼ ବିଶ୍ୱାସ ଯେ, ପେପର ଲିକ୍ ପାଇଁ ଦାୟୀ ଥିବା ବ୍ୟକ୍ତିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।" ଏହା ସହ ଆନ୍ଦୋଳନକାରୀ ଛାତ୍ରମାନଙ୍କୁ ଘରକୁ ଫେରିଯିବାକୁ ସେ ନିବେଦନ କରିଥିଲେ ଏବଂ ସାମାଜିକ କର୍ମୀ ସୋନମ ୱାଙ୍ଗଚୁକଙ୍କୁ ନିଜର ଅନଶନ ଭାଙ୍ଗିବାକୁ ଅନୁରୋଧ କରିଥିଲେ।

ଏହି ପୋଷ୍ଟ ପରେ କିଛି ଲୋକ ସଲମାନଙ୍କୁ ଟ୍ରୋଲ କରିବା ଆରମ୍ଭ କରିଥିଲେ ଓ ସେ ସରକାରଙ୍କୁ ଭୟ କରି ସମର୍ଥନ କରୁଛନ୍ତି ବୋଲି କହିଥିଲେ। ଏହାର କଡ଼ା ଜବାବରେ ସଲମାନ ନିଜର ଦମଦାର ଫିଜିକ୍ ଏବଂ ନିଜର ଆଇକନିକ୍ ଡାଇଲଗ୍ ସହ ଏହି ଜିମ୍ ଫଟୋ ପୋଷ୍ଟ କରି ଟ୍ରୋଲରଙ୍କ ମୁହଁ ବନ୍ଦ କରିଛନ୍ତି।

Salman Khan darrrrr Gaya…. Hmmmm Joe darr gaya vo mar gaya.. pic.twitter.com/CPTQpxWRsP

— Salman Khan (@BeingSalmanKhan) July 24, 2026

ସଲମାନ ଖାନଙ୍କ ପରେ ଏବେ ବଲିଉଡର ମିଷ୍ଟର ପରଫେକ୍ସନିଷ୍ଟ ଆମୀର ଖାନ (Aamir Khan) ଲରେନ୍ସ ବିଷ୍ଣୋଇ ଗ୍ୟାଙ୍ଗର ଟାର୍ଗେଟରେ ଅଛନ୍ତି। ଜେଲରେ ଥିବା ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ସହଯୋଗୀଙ୍କ ପକ୍ଷରୁ ଆମୀର ଖାନଙ୍କୁ ହତ୍ୟା ଧମକ ଦିଆଯାଇଥିବା ନେଇ ଖବର ସାମ୍ନାକୁ ଆସିଛି। ଏହି ଧମକ ଏକ ସୋସିଆଲ ମିଡିଆ ପୋଷ୍ଟ ଏବଂ ଭଏସ୍ ନୋଟ୍ ମାଧ୍ୟମରେ ଦିଆଯାଇଛି। ଘଟଣାକୁ ଗମ୍ଭୀରତାର ସହ ନେଇ ମୁମ୍ବାଇ ପୋଲିସ ଏହାର ତଦନ୍ତ ଏବଂ ଯାଞ୍ଚ ପ୍ରକ୍ରିୟା ଆରମ୍ଭ କରିଦେଇଛି।

ସୋସିଆଲ ମିଡିଆରେ ମିଳିଲା ଧମକ

ରିପୋର୍ଟ ଅନୁଯାୟୀ, ଆର୍ଜୁ ବିଷ୍ଣୋଇ ଏବଂ ଟାଇସନ୍ ବିଷ୍ଣୋଇ ନାମକ ଦୁଇ ବ୍ୟକ୍ତି ସୋସିଆଲ ମିଡିଆରେ ଏହି ପୋଷ୍ଟ କରିଛନ୍ତି, ଯେଉଁମାନେ ନିଜକୁ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ବୋଲି ଦାବି କରିଛନ୍ତି। ଏହି ପୋଷ୍ଟରେ ଅଭିନେତାଙ୍କୁ ସିଧାସଳଖ ଚେତାବନୀ ଦିଆଯାଇଛି। ତେବେ ବର୍ତ୍ତମାନ ସୁଦ୍ଧା ଆମୀର ଖାନ କିମ୍ବା ତାଙ୍କ ଟିମ୍ ପକ୍ଷରୁ ପୋଲିସରେ କୌଣସି ଆନୁଷ୍ଠାନିକ ଅଭିଯୋଗ କରାଯାଇ ନାହିଁ।

ଧମକ ପଛର କାରଣ

ଗ୍ୟାଙ୍ଗର ସଦସ୍ୟମାନେ ପୋଷ୍ଟରେ ଅଭିଯୋଗ କରିଛନ୍ତି ଯେ ଆମୀର ଖାନ ତାଙ୍କର ତୃତୀୟ ବିବାହ ମାଧ୍ୟମରେ 'ଲଭ୍ ଜିହାଦ'କୁ ପ୍ରୋତ୍ସାହିତ କରୁଛନ୍ତି ଏବଂ ସନାତନ ଧର୍ମକୁ ଅପମାନିତ କରୁଛନ୍ତି। ଧମକପୂର୍ଣ୍ଣ ବାର୍ତ୍ତାରେ ଲେଖାଯାଇଛି ଯେ, ଯେଉଁମାନେ ଷ୍ଟାରଡମ୍ ନାମରେ ଏଭଳି ଘୃଣ୍ୟ କାର୍ଯ୍ୟକୁ ପ୍ରୋତ୍ସାହିତ କରିବେ, ସେମାନଙ୍କୁ ଉଚିତ ଶାସ୍ତି ଦିଆଯିବ। ଏହା ସହିତ ରାଜସ୍ଥାନର ଶ୍ରୀଗଙ୍ଗାନଗରରେ ଗତ ମାସରେ ଘଟିଥିବା ଏକ ୧୩ ବର୍ଷୀୟା ନାବାଳିକାର ଯୌନ ନିର୍ଯାତନା ଘଟଣାକୁ ମଧ୍ୟ ଉଲ୍ଲେଖ କରାଯାଇଛି। ଏହି ଅଭିଯୁକ୍ତମାନଙ୍କୁ ସୁରକ୍ଷା ଦେଉଥିବା ରାଜନେତାମାନଙ୍କୁ ମଧ୍ୟ ପରିଣାମ ଭୋଗିବାକୁ ପଡ଼ିବ ବୋଲି ଗ୍ୟାଙ୍ଗ ଚେତାବନୀ ଦେଇଛି। ଏଥିସହ ପୋଲିସ ଏନକାଉଣ୍ଟରରେ ନିହତ ହୋଇଥିବା ପରବେଶ ଓ ହିମାଂଶୁ ନାମକ ଦୁଇ ସଦସ୍ୟଙ୍କୁ ମଧ୍ୟ ପୋଷ୍ଟ ଜରିଆରେ ଶ୍ରଦ୍ଧାଞ୍ଜଳି ଦିଆଯାଇଛି।

ପୋଲିସର ତଦନ୍ତ ଜାରି

ବର୍ତ୍ତମାନ ମୁମ୍ବାଇ ପୋଲିସ ସାଇବର ସେଲ୍ ସହାୟତାରେ ଭାଇରାଲ ହେଉଥିବା ଏହି ସୋସିଆଲ ମିଡିଆ ପୋଷ୍ଟ ଏବଂ ଭଏସ୍ ନୋଟର ସତ୍ୟତା ଯାଞ୍ଚ କରୁଛି। ସଲମାନ ଖାନଙ୍କୁ ମିଳିଥିବା କ୍ରମାଗତ ଧମକ ପରେ ଏବେ ଆମୀର ଖାନଙ୍କୁ ଏଭଳି ଧମକ ବଲିଉଡରେ ଆତଙ୍କ ଖେଳାଇ ଦେଇଛି। ସୁରକ୍ଷା ଦୃଷ୍ଟିକୋଣରୁ ପୋଲିସ ପ୍ରତିଟି ଦିଗକୁ ଟିକନିଖି ଭାବେ ତଦନ୍ତ କରୁଛି।

ବଲିଉଡ୍ ଅଭିନେତା ତଥା ପ୍ରଯୋଜକ ସୋହେଲ୍ ଖାନ୍ ଖୁବ୍ ଶୀଘ୍ର ଲୋକପ୍ରିୟ ରିଆଲିଟି ସୋ 'ଦି ଆଲାଏନ୍ସ' (The Alliance) ରେ ନଜର ଆସିବାକୁ ଯାଉଛନ୍ତି। ସୂଚନା ଅନୁଯାୟୀ, ସେ ଏହି ସୋ'ରେ ପ୍ରଥମ ୱାଇଲ୍ଡ କାର୍ଡ ପ୍ରତିଯୋଗୀ ଭାବେ ଏଣ୍ଟ୍ରି କରିବେ। ସୋ' ଭିତରକୁ ଯିବା ପୂର୍ବରୁ ସୋହେଲ ଗଣମାଧ୍ୟମ ସହ କଥାବାର୍ତ୍ତା ବେଳେ ନିଜର ନୂଆ ଯାତ୍ରା ଏବଂ ନିଜର କମ୍ଫର୍ଟ ଜୋନ୍‌ରୁ ବାହାରିବା ବିଷୟରେ ଖୋଲାଖୋଲି ଭାବେ ଆଲୋଚନା କରିଥିଲେ।

ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବାର ଆଶା

ଗଣମାଧ୍ୟମକୁ ପ୍ରତିକ୍ରିୟା ଦେଇ ସୋହେଲ୍ କହିଛନ୍ତି ଯେ, ସେ ଏହି ସୋ' ମାଧ୍ୟମରେ ନିଜର ଏକ ଭିନ୍ନ ପରିଚୟ ସୃଷ୍ଟି କରିବାକୁ ଚାହୁଁଛନ୍ତି। ବଲିଉଡରେ କିଛି ଫ୍ଲପ୍ ଫିଲ୍ମ ଦେବା ପରେ ଏବଂ ସବୁବେଳେ କେବଳ ସଲମାନ ଖାନଙ୍କ ଭାଇ ଭାବରେ ପରିଚିତ ହେବା ପରେ, ସେ ଏବେ ଦର୍ଶକଙ୍କୁ ନିଜର ପ୍ରକୃତ ବ୍ୟକ୍ତିତ୍ୱ ଦେଖାଇବାକୁ ପ୍ରସ୍ତୁତ ଅଛନ୍ତି। ପ୍ରାଇମ୍ ଭିଡିଓରେ ପ୍ରସାରିତ ହେଉଥିବା ଏହି ଗ୍ଲୋବାଲ୍ ରିଆଲିଟି ସୋ' ତାଙ୍କ ପାଇଁ ନିଜର ପୁରୁଣା ଇମେଜ୍ ବଦଳାଇବାର ଏକ ବଡ଼ ସୁଯୋଗ ବୋଲି ସେ ଆଶାବ୍ୟକ୍ତ କରିଛନ୍ତି।

ସୁପରଷ୍ଟାର ଭାଇ ସଲମାନ ଖାନଙ୍କ ପ୍ରତିକ୍ରିୟା

ଯେତେବେଳେ ସୋହେଲଙ୍କୁ ତାଙ୍କର ଏହି ନିଷ୍ପତ୍ତି ଉପରେ ପରିବାର ଏବଂ ବିଶେଷ କରି ସୁପରଷ୍ଟାର ଭାଇ ସଲମାନ ଖାନ୍‌ଙ୍କ ପ୍ରତିକ୍ରିୟା ବିଷୟରେ ପଚରାଯାଇଥିଲା, ସେ ନିଜର ପ୍ରତିକ୍ରିୟା ପ୍ରକାଶ କରିଥିଲେ। ସୋହେଲ୍ ପୂର୍ବରୁ ଟିଭି ରିଆଲିଟି ସୋ'ରେ ବିଚାରପତି ଭାବେ ନଜର ଆସିଛନ୍ତି, କିନ୍ତୁ ଜଣେ ପ୍ରତିଯୋଗୀ ଭାବରେ ଏହା ତାଙ୍କର ପ୍ରଥମ ଅଭିଜ୍ଞତା ହେବ। ଏକ ଅଜଣା ପରିବେଶକୁ ଯିବାକୁ ନେଇ ତାଙ୍କ ମନରେ ସାମାନ୍ୟ ସନ୍ଦେହ ଥିଲେ ମଧ୍ୟ ସେ ଏହି ନୂଆ ଯାତ୍ରା ପାଇଁ ବେଶ୍ ଉତ୍ସାହିତ ଥିବା ପ୍ରକାଶ କରିଛନ୍ତି।

ପୂର୍ବତନ ପତ୍ନୀ ସୀମା ସଜଦେହ ମଧ୍ୟ କରିପାରନ୍ତି ଏଣ୍ଟ୍ରି

ଅନ୍ୟପକ୍ଷରେ କୁଣାଲ ଖେମୁଙ୍କ ଦ୍ୱାରା ହୋଷ୍ଟ କରାଯାଉଥିବା ଏହି ସୋ'କୁ ନେଇ ଆଉ ଏକ ବଡ଼ ଗୁଜବ ଶୁଣିବାକୁ ମିଳୁଛି। ରିପୋର୍ଟ ଅନୁଯାୟୀ, ସୋହେଲଙ୍କ ପୂର୍ବତନ ପତ୍ନୀ ସୀମା ସଜଦେହ ମଧ୍ୟ ଏହି ସୋ'ରେ ଏକ ୱାଇଲ୍ଡ କାର୍ଡ ପ୍ରତିଯୋଗୀ ଭାବେ ସାମିଲ ହୋଇପାରନ୍ତି। ଯଦି ଏହି ରିପୋର୍ଟ ସତ ପ୍ରମାଣିତ ହୁଏ, ତେବେ ଉଭୟଙ୍କୁ ଗୋଟିଏ ଛାତ ତଳେ ଦେଖିବା ଦର୍ଶକଙ୍କ ପାଇଁ ବେଶ୍ ରୋମାଞ୍ଚକର ହେବ ଏବଂ ସୋ'ରେ ନୂଆ ଡ୍ରାମା ଦେଖିବାକୁ ମିଳିବ।

ବଲିଉଡର ସୁପରଷ୍ଟାର ସଲମାନ ଖାନଙ୍କୁ ନେଇ ଆଧାରିତ ବୋଲି କୁହାଯାଉଥିବା ଫିଲ୍ମ 'କାଲା ହିରଣ: ଦ ବ୍ୟାଟେଲ ଫର୍ ଲିଗାସି' ବିବାଦକୁ ନେଇ ବୁଧବାର ଦିନ ଦିଲ୍ଲୀ ହାଇକୋର୍ଟରେ ଏକ ଗୁରୁତ୍ୱପୂର୍ଣ୍ଣ ଶୁଣାଣି ହୋଇଛି। ଏହି ଫିଲ୍ମ ଉପରେ ରୋକ ଲଗାଇବା ପାଇଁ ସଲମାନ ଖାନ ଅଦାଲତରେ ଆବେଦନ କରିଥିଲେ। ତେବେ ଫିଲ୍ମ ନିର୍ମାତାଙ୍କ ପକ୍ଷରୁ କୋର୍ଟଙ୍କୁ ପ୍ରତିଶ୍ରୁତି ଦିଆଯାଇଛି ଯେ ବର୍ତ୍ତମାନ ସୁଦ୍ଧା ଫିଲ୍ମଟିକୁ ସେନ୍ସର ବୋର୍ଡ ବା ସିବିଏଫସି (CBFC) ନିକଟକୁ ପ୍ରମାଣପତ୍ର ପାଇଁ ପଠାଯାଇନାହିଁ।

ସେନ୍ସର ବୋର୍ଡକୁ ଯାଇନାହିଁ ଫିଲ୍ମ

ବୁଧବାର ଦିନ ଜଷ୍ଟିସ୍ ଜ୍ୟୋତି ସିଂହଙ୍କ ଖଣ୍ଡପୀଠରେ ଏହି ମାମଲାର ଶୁଣାଣି ହୋଇଥିଲା। ଶୁଣାଣି ସମୟରେ ଫିଲ୍ମ ନିର୍ମାତାଙ୍କ ଓକିଲ ଅଦାଲତଙ୍କୁ କହିଥିଲେ ଯେ ବଜାରରେ କେବଳ ଫିଲ୍ମର ଟିଜର୍ ରିଲିଜ୍ ହୋଇଛି ଏବଂ ଏହାର ରିଲିଜ୍ ହେବାରେ ଏବେ ବି ଅନେକ ସମୟ ବାକି ଅଛି। ଏହା ସହିତ ନିର୍ମାତାମାନେ ଲିଖିତ ଭାବେ କୋର୍ଟଙ୍କୁ ଆଶ୍ୱାସନା ଦେଇଛନ୍ତି ଯେ ଆସନ୍ତା ସୋମବାର ପର୍ଯ୍ୟନ୍ତ ଏହି ଫିଲ୍ମକୁ ପ୍ରମାଣପତ୍ର ପାଇଁ କେନ୍ଦ୍ରୀୟ ଫିଲ୍ମ ପ୍ରମାଣନ ବୋର୍ଡ (CBFC) ନିକଟକୁ ପଠାଯିବ ନାହିଁ କିମ୍ବା ଏହାର କୌଣସି ନୂଆ ଟ୍ରେଲର ମଧ୍ୟ ରିଲିଜ୍ କରାଯିବ ନାହିଁ।

ସଲମାନଙ୍କ ଆବେଦନ ଓ ବ୍ୟକ୍ତିଗତ ଅଧିକାର

ସଲମାନ ଖାନ ନିଜ ଆବେଦନରେ ଅଭିଯୋଗ କରିଛନ୍ତି ଯେ ଏହି ଫିଲ୍ମଟି ତାଙ୍କର 'ପର୍ସନାଲିଟି ରାଇଟ୍ସ' (ବ୍ୟକ୍ତିଗତ ଅଧିକାର) ର ଉଲ୍ଲଂଘନ କରୁଛି। ତାଙ୍କ ବିନା ଅନୁମତିରେ ଏହି ଫିଲ୍ମ ନିର୍ମାଣ କରାଯାଇଛି, ଯାହାକି ୧୯୯୮ ମସିହାର ବିବାଦୀୟ କୃଷ୍ଣସାର ମୃଗ ଶିକାର ମାମଲା (Blackbuck Poaching Case) ଉପରେ ଆଧାରିତ। ସଲମାନ ଫିଲ୍ମର ପ୍ରମୋସନ, ପ୍ରଡକ୍ସନ ଏବଂ ରିଲିଜ୍ ଉପରେ ତୁରନ୍ତ ସ୍ଥଗିତାଦେଶ ଲଗାଇବାକୁ ଦାବି କରିଛନ୍ତି। ଅନ୍ୟପଟେ ନିର୍ମାତାଙ୍କ ଓକିଲ ଯୁକ୍ତି ବାଢ଼ିଥିଲେ ଯେ ସଲମାନଙ୍କ ତରଫରୁ କରାଯାଇଥିବା ଆବେଦନ କେବଳ ଗୋଟିଏ ପୋଷ୍ଟର ଆଧାରରେ କରାଯାଇଛି।

ନିର୍ମାତା ଅମିତ ଜାନିଙ୍କ ବଡ଼ ଅଭିଯୋଗ

ଅନ୍ୟପଟେ ଫିଲ୍ମର ପ୍ରଯୋଜକ ଅମିତ ଜାନି ସଲମାନଙ୍କ ଆବେଦନକୁ ବିରୋଧ କରିଛନ୍ତି। ସେ ଦାବି କରିଛନ୍ତି ଯେ କୋର୍ଟରେ କୌଣସି ବ୍ୟକ୍ତିଙ୍କ ଲୋକପ୍ରିୟତା କାମ ଆସିବ ନାହିଁ ଏବଂ ନ୍ୟାୟାଳୟ କେବଳ ତଥ୍ୟ ଓ ଆଇନ ଆଧାରରେ ରାୟ ଶୁଣାଇବେ। ଏହାଛଡ଼ା ଅମିତ ଜାନି ଗୁରୁତର ଅଭିଯୋଗ ଆଣି କହିଛନ୍ତି ଯେ ତାଙ୍କୁ ପାକିସ୍ତାନରୁ ଧମକପୂର୍ଣ୍ଣ କଲ୍ ଆସୁଛି ଏବଂ ଏହି ମାମଲାକୁ ରଫାଦଫା କରିବା ପାଇଁ ସଲମାନ ଖାନଙ୍କ ସହ ସାକ୍ଷାତ କରିବାକୁ ଚାପ ପକାଯାଉଛି।

ଦିଲ୍ଲୀ ହାଇକୋର୍ଟ ଉଭୟ ପକ୍ଷଙ୍କ ଯୁକ୍ତି ଶୁଣିବା ପରେ ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ସୋମବାର, ଅର୍ଥାତ ୬ ଜୁଲାଇକୁ ଧାର୍ଯ୍ୟ କରିଛନ୍ତି। ସେପର୍ଯ୍ୟନ୍ତ ଏହି ଫିଲ୍ମକୁ କୌଣସି ପ୍ରମାଣପତ୍ର ମିଳିବାର ସମ୍ଭାବନା ନାହିଁ |

ପୁଲକିତ ସମ୍ରାଟ (Pulkit Samrat) ବଲିଉଡରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ୨୦୧୨ ମସିହାରେ ଫିଲ୍ମ 'ବିଟ୍ଟୁ ବସ୍' (Bittoo Boss) ଜରିଆରେ ସେ ବଲିଉଡରେ ପାଦ ଥାପିଥିଲେ। ନିକଟରେ ଏକ ସାକ୍ଷାତକାରରେ ସେ ନିଜର ଡେବ୍ୟୁ ସମୟର ଏକ କାହାଣୀ ବଖାଣିଛନ୍ତି। ବଲିଉଡର ସୁଲତାନ ସଲମାନ ଖାନ (Salman Khan) ତାଙ୍କୁ ଫିଲ୍ମ ରିଲିଜ୍ ପୂର୍ବରୁ ଏମିତି କିଛି ପରାମର୍ଶ ଦେଇଥିଲେ, ଯାହା ତାଙ୍କର ଚିନ୍ତାଧାରାକୁ ସମ୍ପୂର୍ଣ୍ଣ ବଦଳାଇ ଦେଇଥିଲା।

ଡେବ୍ୟୁ ପୂର୍ବରୁ ସଲମାନ ଦେଇଥିଲେ ଖାସ୍ ପରାମର୍ଶ

ଫିଲ୍ମ ଇଣ୍ଡଷ୍ଟ୍ରିରେ କୌଣସି ଗଡଫାଦର କିମ୍ବା ମେଣ୍ଟର ନଥିବାରୁ ପୁଲକିତ ନିଜର ପ୍ରଥମ ଫିଲ୍ମକୁ ନେଇ ବେଶ୍ ଚିନ୍ତିତ ଥିଲେ। ଦର୍ଶକ ତାଙ୍କ ଅଭିନୟକୁ କିପରି ଗ୍ରହଣ କରିବେ, ସେନେଇ ସେ ଖୁବ୍ ଭୟଭୀତ ଥିଲେ। ଏହି ସମୟରେ ସଲମାନ ଖାନ ତାଙ୍କୁ ସିଧାସଳଖ ବୁଝାଇ କହିଥିଲେ, "ପୁଲକିତ, ମୁଁ ହେଉଛି ସଲମାନ ଖାନ। ଏଠି ମୋର ପରବର୍ତ୍ତୀ ଶୁକ୍ରବାରର ମଧ୍ୟ କୌଣସି ଗ୍ୟାରେଣ୍ଟି ନାହିଁ। ତେଣୁ ତୁମେ ନିଜକୁ କ'ଣ ଭାବୁଛ? ଏତେ ଟେନସନ୍ ନେଇ ତୁମେ କ'ଣ ହାସଲ କରିବ?" ଏହି କଥା ପୁଲକିତଙ୍କୁ ଏହା ଅନୁଭବ କରାଇଥିଲା ଯେ, ଯେତେବେଳେ ସଲମାନଙ୍କ ଭଳି ମେଗାଷ୍ଟାରଙ୍କର ବକ୍ସ ଅଫିସରେ ସଫଳତାର କୌଣସି ଗ୍ୟାରେଣ୍ଟି ନାହିଁ, ସେତେବେଳେ ତାଙ୍କର ବ୍ୟସ୍ତ ହେବାର କୌଣସି ଆବଶ୍ୟକତା ନାହିଁ।

ସଲମାନଙ୍କ କଠିନ ପରିଶ୍ରମରୁ ପ୍ରେରଣା

ସଲମାନଙ୍କ କାମ ପ୍ରତି ଥିବା ନିଷ୍ଠା ଓ ଭଲପାଇବାକୁ ପୁଲକିତ ଖୁବ୍ ପ୍ରଶଂସା କରିଛନ୍ତି। ସେ କହିଛନ୍ତି ଯେ, "ସଲମାନ ଭାଇ ଦିନର ୨୪ ଘଣ୍ଟା କେବଳ ଫିଲ୍ମ ବିଷୟରେ ହିଁ ଚିନ୍ତା କରନ୍ତି। ଯଦି ସେ କେବେ ଦିନକୁ ମାତ୍ର ୩ ଘଣ୍ଟା ଶୋଇବାକୁ ସମୟ ପାଆନ୍ତି, ତେବେ ସେହି ସମୟରେ ମଧ୍ୟ ସେ ନିଜ ପ୍ରୋଜେକ୍ଟ, ଚରିତ୍ର ଏବଂ ଆକ୍ସନ ସିକ୍ୱେନ୍ସ ବିଷୟରେ ଚିନ୍ତା କରୁଥାନ୍ତି।" ସଲମାନଙ୍କର ଏହି ଉତ୍ସର୍ଗୀକୃତ ମନୋଭାବ ଦେଖିବା ପରେ ପୁଲକିତ ଅନୁଭବ କରିଥିଲେ ଯେ ଯଦି ସେ ସଲମାନଙ୍କ ସଫଳତାର ୫୦ ପ୍ରତିଶତ ବି ହାସଲ କରିବାକୁ ଚାହାଁନ୍ତି, ତେବେ ତାଙ୍କୁ ୫୦୦ ପ୍ରତିଶତ ଅଧିକ ପରିଶ୍ରମ କରିବାକୁ ପଡ଼ିବ।

ପୁଲକିତଙ୍କ ବ୍ୟକ୍ତିଗତ ଜୀବନ ଓ କ୍ୟାରିୟର୍

ସୂଚନାଯୋଗ୍ୟ ଯେ, ପୁଲକିତ ପୂର୍ବରୁ ସଲମାନ ଖାନଙ୍କ ରାକ୍ଷୀ ଭଉଣୀ ଶ୍ୱେତା ରୋହିରା (Shweta Rohira)ଙ୍କୁ ବିବାହ କରିଥିଲେ। ତେବେ ବିବାହର ମାତ୍ର ଗୋଟିଏ ବର୍ଷ ପରେ ଉଭୟ ଅଲଗା ହୋଇଯାଇଥିଲେ। ବର୍ତ୍ତମାନ ପୁଲକିତ ଅଭିନେତ୍ରୀ କୃତି ଖରବନ୍ଦା (Kriti Kharbanda)ଙ୍କୁ ବିବାହ କରିଛନ୍ତି। ଦୀର୍ଘ ୫ ବର୍ଷର ଡେଟିଂ ପରେ ୨୦୨୪ ମସିହାରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ। ୱାର୍କ ଫ୍ରଣ୍ଟ କଥା କହିବାକୁ ଗଲେ ପୁଲକିତଙ୍କୁ ନିକଟରେ ନେଟଫ୍ଲିକ୍ସ ସିରିଜ୍ 'ଗ୍ଲୋରୀ' (Glory)ରେ ଦେଖିବାକୁ ମିଳିଥିଲା।

ବଲିଉଡର ସୁପରଷ୍ଟାର ସଲମାନ ଖାନ ଏବଂ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ମଧ୍ୟରେ ଥିବା ବିବାଦ ଉପରେ ଆଧାରିତ ବହୁଚର୍ଚ୍ଚିତ ଫିଲ୍ମ 'କାଲା ହିରଣ-ଦ ବ୍ୟାଟେଲ ଫର୍ ଲେଗେସି'ର ଫାଷ୍ଟ ଲୁକ୍ ବା ଟିଜର ଆଜି ରିଲିଜ୍ ହୋଇଯାଇଛି। ଏହି ଫିଲ୍ମଟି ମୁଖ୍ୟତଃ ୧୯୯୮ ମସିହାର କଳା ହରିଣ ଶିକାର ମାମଲା ଏବଂ ଏହାକୁ ନେଇ ସୃଷ୍ଟି ହୋଇଥିବା ବିବାଦ ଉପରେ ପର୍ଯ୍ୟବେସିତ। ଟିଜର ରିଲିଜ୍ ହେବା ମାତ୍ରେ ହିଁ ସୋସିଆଲ ମିଡିଆରେ ଏହାକୁ ନେଇ ଜୋରଦାର ଚର୍ଚ୍ଚା ଆରମ୍ଭ ହୋଇଯାଇଛି ।

ସଲମାନଙ୍କ ଭୂମିକାରେ କାଶିଫ୍ ଇକବାଲ ଖାନ୍

ଫିଲ୍ମର ୨ ମିନିଟ୍ ୩୨ ସେକେଣ୍ଡର ଟିଜର ବା ଫାଷ୍ଟ ଲୁକ୍ କୋର୍ଟ ରୁମ୍ ସିନ୍ ରୁ ଆରମ୍ଭ ହୋଇଛି। ଏହି ଫିଲ୍ମରେ ସଲମାନ ଖାନଙ୍କ ଚରିତ୍ରର ନାମ ଆୟାନ ଖାନ ରଖାଯାଇଥିବା ବେଳେ ଏହି ଭୂମିକାରେ ଅଭିନୟ କରିଛନ୍ତି କାଶିଫ୍ ଇକବାଲ ଖାନ୍। ଟିଜରରେ ଆୟାନଙ୍କ ଷ୍ଟାଇଲ୍, ଚାଲି ଏବଂ ହାତର ବ୍ରେସଲେଟ୍ ହୁବହୁ ସଲମାନ ଖାନଙ୍କ ସହ ମେଳ ଖାଉଛି। କୋର୍ଟରେ ଓକିଲ ଅକ୍ଟୋବର ୨, ୧୯୯୮ ମସିହାରେ ହୋଇଥିବା ଦୁଇଟି କଳା ହରିଣ ଶିକାର ମାମଲାର ଯୁକ୍ତି ଉପସ୍ଥାପନ କରୁଥିବା ଦେଖିବାକୁ ମିଳିଛି।

ଦାଉଦଠାରୁ ବି ବଡ଼ ଡନ୍ ଭାବେ ଉପସ୍ଥାପିତ 'ଲାୟନ୍ ବିଷ୍ଣୋଇ'

ଏହି ଫିଲ୍ମରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ଚରିତ୍ରକୁ ଲାୟନ୍ ବିଷ୍ଣୋଇ ନାମରେ ଦେଖାଯାଇଛି। ଟିଜରର ଏକ ସଂଳାପରେ କୁହାଯାଇଛି ଯେ, ୯୦ ଦଶକରେ ଅଣ୍ଡରୱାର୍ଲ୍ଡର ବାପା ଥିଲା ଦାଉଦ, କିନ୍ତୁ ଆଜି ଦାଉଦର ବି ବାପା ହେଉଛି ଲାୟନ୍ ବିଷ୍ଣୋଇ। ପୋଲିସର ଏକ ସିନ୍ ରେ କୁହାଯାଇଛି ଯେ, "ବିଷ୍ଣୋଇକୁ ଆୟାନର ପଇସା ନୁହେଁ, ବରଂ ତା'ର ବଳି ଦରକାର।" ଜେଲରେ ଥାଇ ମଧ୍ୟ ଲାୟନ୍ କିପରି ଆତଙ୍କ ଖେଳାଉଛି ଏବଂ କଳା ହରିଣ ଶିକାର ପାଇଁ ଆୟାନଙ୍କ ଜୀବନ ନେବାକୁ ଚାହୁଁଛି, ତାହା ଏଥିରେ ଦର୍ଶାଯାଇଛି।

ନୋଟିସ ସତ୍ତ୍ୱେ ଡରିଲେନି ପ୍ରଯୋଜକ ଅମିତ ଜାନୀ

ଏହି ବିବାଦୀୟ ଫିଲ୍ମକୁ ଅଟକାଇବା ପାଇଁ ନିକଟରେ ସଲମାନ ଖାନଙ୍କ ଲିଗାଲ୍ ଟିମ୍ ପକ୍ଷରୁ ମେକର୍ସଙ୍କୁ ଏକ ଲିଗାଲ୍ ନୋଟିସ ପଠାଯାଇଥିଲା। କିନ୍ତୁ ଫିଲ୍ମର ପ୍ରଯୋଜକ ଅମିତ ଜାନୀ ଏହି ନୋଟିସକୁ କ୍ୟାମେରା ସାମ୍ନାରେ ଚିରି ଦେଇଥିଲେ ଏବଂ ନିଜ ନିଷ୍ପତ୍ତିରୁ ଓହରିବେ ନାହିଁ ବୋଲି ସ୍ପଷ୍ଟ କରିଥିଲେ। ଅମିତ ଜାନୀଙ୍କ କହିବା ଅନୁଯାୟୀ ତାଙ୍କୁ ଡି-କମ୍ପାନୀ ଏବଂ ସଲମାନଙ୍କ ଫ୍ୟାନ୍ସଙ୍କ ଠାରୁ ହତ୍ୟା ଧମକ ମିଳୁଛି। ଭରତ ଏସ୍ ଶ୍ରୀନେତଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମଟି ଗୁରୁ ଜମ୍ଭେଶ୍ୱର ଏବଂ ବିଷ୍ଣୋଇ ସମାଜକୁ ଉତ୍ସର୍ଗ କରାଯାଇଛି। ଏହି ଫାଷ୍ଟ ଲୁକ୍ ଭିଡିଓ ଜୁନ୍ ୧୨, ୨୦୨୬ ରେ ପ୍ରଯୋଜକଙ୍କ ୟୁଟ୍ୟୁବ୍ ଚ୍ୟାନେଲରେ ରିଲିଜ୍ କରାଯାଇଛି।

ଦିଲ୍ଲୀର ପଶ୍ଚିମ ବିହାର ଅଞ୍ଚଳରେ ଥିବା ଲୋକପ୍ରିୟ ପଞ୍ଜାବୀ ଗାୟକ ଗୁରୁ ରନ୍ଧାୱାଙ୍କ ଏକ ଜିମ୍ ବାହାରେ ଗୁଳିମାଡ଼ ହୋଇଛି। ଗୁରୁବାର ଭୋର ସମୟରେ ଦୁଇ ଜଣ ଅଜ୍ଞାତ ବନ୍ଧୁକଧାରୀ ଏହି ଆକ୍ରମଣ କରିଥିଲେ। ତେବେ ଏହି ଘଟଣାରେ କେହି ଆହତ ହୋଇନଥିବା ପୋଲିସ ସୂତ୍ରରୁ ଜଣାପଡ଼ିଛି।

ସୂଚନା ଅନୁଯାୟୀ, ପଶ୍ଚିମ ବିହାରର ପୁଷ୍କର ଏନକ୍ଲେଭରେ ଥିବା "24 ଆୱାର୍ସ ଫିଟନେସ୍" (24 Hs Fitness) ଜିମ୍ ବାହାରେ ଏହି ଘଟଣା ଘଟିଛି। ଭୋର ପ୍ରାୟ ୪ଟା ସମୟରେ ବାଇକରେ ଆସିଥିବା ଦୁଇ ଜଣ ମୁଖାପିନ୍ଧା ଦୁର୍ବୃତ୍ତ ଜିମର କାଚ ଉପରକୁ ପ୍ରାୟ ୭ ରାଉଣ୍ଡ ଗୁଳି ଚଳାଇ ଫେରାର ହୋଇଯାଇଥିଲେ।

ଲରେନ୍ସ ବିଷ୍ଣୋଇ ଗ୍ୟାଙ୍ଗର ଦାବି

ଏହି ଘଟଣା ପରେ ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହେବାରେ ଲାଗିଛି, ଯେଉଁଥିରେ କୁଖ୍ୟାତ ଲରେନ୍ସ ବିଷ୍ଣୋଇ ଗ୍ୟାଙ୍ଗ ଏହି ଆକ୍ରମଣ କରାଇଥିବା ଦାବି କରିଛି। ଆମେରିକାରେ ଥିବା ଗ୍ୟାଙ୍ଗର ସଦସ୍ୟ ଅନିଲ ପଣ୍ଡିତ ନାମକ ଏକ ଫେସବୁକ୍ ଆକାଉଣ୍ଟରୁ ଏହି ପୋଷ୍ଟ କରାଯାଇଛି। ବଲିଉଡ୍ ଅଭିନେତା ସଲମାନ ଖାନଙ୍କ ସହ ଗୁରୁ ରନ୍ଧାୱାଙ୍କ ଘନିଷ୍ଠ ସମ୍ପର୍କ ଥିବାରୁ ଏହି ଆକ୍ରମଣ କରାଯାଇଥିବା ସେଥିରେ ଉଲ୍ଲେଖ କରାଯାଇଛି। ପୂର୍ବରୁ ସତର୍କ କରାଯାଇଥିଲେ ମଧ୍ୟ ସେ ସଲମାନଙ୍କ ସହ ସମ୍ପର୍କ ନ ତୁଟାଇବାରୁ ଏହା ଏକ 'ଟ୍ରେଲର' ବୋଲି ଧମକ ଦିଆଯାଇଛି।

ପୋଲିସର ତଦନ୍ତ

ଗୁରୁବାର ସକାଳ ପ୍ରାୟ ୫.୧୫ ମିନିଟ୍ରେ ପୋଲିସକୁ ପିସିଆର (PCR) କଲ୍ ମାଧ୍ୟମରେ ଘଟଣା ସମ୍ପର୍କରେ ସୂଚନା ମିଳିଥିଲା। ଏହାପରେ ଦିଲ୍ଲୀ ପୋଲିସର ସ୍ୱତନ୍ତ୍ର ଟିମ୍ ଏବଂ ଫରେନସିକ୍ ବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଅପରାଧୀଙ୍କୁ ଚିହ୍ନଟ କରିବା ପାଇଁ ଆଖପାଖରେ ଥିବା ସିସିଟିଭି (CCTV) ଫୁଟେଜ୍ ଯାଞ୍ଚ କରାଯାଉଛି। ଏହା ସହିତ ଭାଇରାଲ ହେଉଥିବା ସୋସିଆଲ ମିଡିଆ ପୋଷ୍ଟର ସତ୍ୟତା ମଧ୍ୟ ପୋଲିସର ସାଇବର ସେଲ୍ ତଦନ୍ତ କରୁଛି।

ବଲିଉଡର ସୁପରଷ୍ଟାର ସଲମାନ ଖାନଙ୍କ ଆଇନଗତ ଟିମ୍ ନିକଟରେ ଆଗାମୀ ଫିଲ୍ମ 'କାଲା ହିରଣ: ଦି ବ୍ୟାଟେଲ ଫର୍ ଲେଗାସି'ର ନିର୍ମାତାଙ୍କୁ ଏକ ଲିଗାଲ ନୋଟିସ (Legal Notice) ପଠାଇଛନ୍ତି। ଏହି ନୋଟିସରେ ଫିଲ୍ମର ରିଲିଜ୍ ଏବଂ ପ୍ରମୋସନ ଉପରେ ତୁରନ୍ତ ରୋକ ଲଗାଇବାକୁ ଦାବି କରାଯାଇଛି। ଫିଲ୍ମର ପ୍ରଯୋଜକ ଅମିତ ଜାନୀ ଏହାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି।

ନୋଟିସରେ କ'ଣ ରହିଛି ଅଭିଯୋଗ?

ରିପୋର୍ଟ ଅନୁଯାୟୀ, ସଲମାନ ଖାନଙ୍କ ଓକିଲମାନେ ଅଭିଯୋଗ କରିଛନ୍ତି ଯେ ଏହି ଫିଲ୍ମଟି ୧୯୯୮ ମସିହା କଳା ହରିଣ ଶିକାର ମାମଲା ଉପରେ ଆଧାରିତ। ଏହି ମାମଲା ବର୍ତ୍ତମାନ ମଧ୍ୟ ରାଜସ୍ଥାନ ହାଇକୋର୍ଟରେ ବିଚାରାଧୀନ ରହିଛି। ତେଣୁ ଏହି ବିଷୟରେ କୌଣସି ଫିଲ୍ମ ନିର୍ମାଣ କରିବା ନ୍ୟାୟିକ ପ୍ରକ୍ରିୟାରେ ହସ୍ତକ୍ଷେପ ସହ ସମାନ ହୋଇପାରେ। ବିନା ଅନୁମତିରେ ଅଭିନେତାଙ୍କ ନାମ ଏବଂ ତାଙ୍କ ଜୀବନ ସହ ଜଡିତ ଘଟଣାଗୁଡ଼ିକୁ ବ୍ୟବହାର କରିବା ତାଙ୍କର ବ୍ୟକ୍ତିଗତ ଅଧିକାର (Personality Rights) ଏବଂ ଗୋପନୀୟତାର ଉଲ୍ଲଂଘନ ଅଟେ ବୋଲି ନୋଟିସରେ ଦର୍ଶାଯାଇଛି।

ପ୍ରଯୋଜକ ଅମିତ ଜାନୀଙ୍କ ପ୍ରତିକ୍ରିୟା

ଏହି ଲିଗାଲ ନୋଟିସ ପାଇବା ପରେ ଫିଲ୍ମର ପ୍ରଯୋଜକ ଅମିତ ଜାନୀ କହିଛନ୍ତି ଯେ ଏହା ତାଙ୍କ ଟିମ୍‌କୁ ଭୟଭୀତ କରିବାର ଏକ ପ୍ରୟାସ। ଷ୍ଟାର ପାୱାର୍ ବ୍ୟବହାର କରି ଲୋକଙ୍କୁ ଚାପରେ ପକାଇବା ପାଇଁ ଏହି ନୋଟିସ ପଠାଯାଇଛି ବୋଲି ସେ ଦାବି କରିଛନ୍ତି। ତେବେ ଏହି ଆଇନଗତ ଚାପ ସତ୍ତ୍ୱେ ଫିଲ୍ମର ରିଲିଜ୍ କିମ୍ବା ପ୍ରମୋସନକୁ ବର୍ତ୍ତମାନ ସୁଦ୍ଧା ସ୍ଥଗିତ କରାଯାଇ ନାହିଁ।

नोटिस भेजकर काला हिरण मूवी से जुड़े लोगो को धमकाने लगे है फ़िल्म अभिनेता सलमान खान pic.twitter.com/jdzlwZqqd2

— Amit Jani (@AmitJaniIND) June 2, 2026

କେବେ ଆସିବ ଟିଜର?

ଭରତ ଏସ. ଶ୍ରୀନେତଙ୍କ ନିର୍ଦ୍ଦେଶନାରେ ତିଆରି ହୋଇଥିବା ଏହି ଫିଲ୍ମର ପ୍ରଥମ ଲୁକ୍ ପୋଷ୍ଟର ନିକଟରେ ସୋସିଆଲ ମିଡିଆରେ ରିଲିଜ୍ ହୋଇଥିଲା। ଏହି ପୋଷ୍ଟରରେ ଏକ ରହସ୍ୟମୟ ଚରିତ୍ର ନଜର ଆସିଛନ୍ତି। ଫିଲ୍ମର ଅଫିସିଆଲ୍ ଟିଜର ୨୦ ଜୁନ୍ ୨୦୨୬ରେ ରିଲିଜ୍ ହେବାର କାର୍ଯ୍ୟକ୍ରମ ରହିଛି। ବର୍ତ୍ତମାନ ସମସ୍ତଙ୍କ ନଜର ଏହି ଫିଲ୍ମର ଆଗାମୀ ଭବିଷ୍ୟତ ଉପରେ ରହିଛି।

ପ୍ରଥମ ଥର ପାଇଁ ଏକାଠି ନଜର ଆସିବେ ସଲମାନ-ନୟନତାରା ବଲିଉଡର ଭାଇଜାନ୍ ସଲମାନ ଖାନ (Salman Khan) ଏବଂ ସାଉଥ୍ ସିନେମାର ଲେଡି ସୁପରଷ୍ଟାର ନୟନତାରା (Nayanthara) ଖୁବ୍ ଶୀଘ୍ର ଗୋଟିଏ ଫିଲ୍ମରେ ଏକାଠି ନଜର ଆସିବାକୁ ଯାଉଛନ୍ତି। ଜାତୀୟ ପୁରସ୍କାର ବିଜେତା ନିର୍ଦ୍ଦେଶକ ଭମଶୀ ପାଇଡିପଲ୍ଲୀ (Vamshi Paidipally)ଙ୍କ ଆଗାମୀ ପ୍ରୋଜେକ୍ଟରେ ଏହି ଦୁଇ ବଡ଼ ଷ୍ଟାର୍ ସ୍କ୍ରିନ୍ ସେୟାର୍ କରିବେ। ଟଲିଉଡର ଜଣାଶୁଣା ପ୍ରଯୋଜକ ଦିଲ ରାଜୁ (Dil Raju)ଙ୍କ ଦ୍ୱାରା ନିର୍ମିତ ଏହି ଫିଲ୍ମର କାମଚଳା ଟାଇଟଲ୍'ଦ ମେସେଞ୍ଜର୍ସ' (The Messengers) କିମ୍ବା SVC63 ରଖାଯାଇଛି। ବର୍ତ୍ତମାନ ଏହି ଫିଲ୍ମକୁ ନେଇ ଏକ ବଡ଼ ଖବର ସାମ୍ନାକୁ ଆସିଛି।

ନୟନତାରାଙ୍କ ଖତରନାକ୍ ଆକ୍ସନ୍ ସିନ୍

ମିଳିଥିବା ସୂଚନା ଅନୁଯାୟୀ, କେବଳ ସଲମାନ ନୁହଁନ୍ତି, ବରଂ ନୟନତାରା ମଧ୍ୟ ଏହି ଫିଲ୍ମରେ ଏକ ଖତରନାକ୍ ଆକ୍ସନ୍ ଅବତାରରେ ନଜର ଆସିବେ। ରିପୋର୍ଟ ଅନୁସାରେ, ଫିଲ୍ମରେ ନୟନତାରାଙ୍କର ୪-୫ଟି ବଡ଼ ଷ୍ଟଣ୍ଟ ସିକ୍ୱେନ୍ସ ରହିଛି। ବିଶେଷଜ୍ଞମାନଙ୍କ ତତ୍ତ୍ୱାବଧାନରେ ସେ ନିଜେ ଏହି ସମସ୍ତ ଷ୍ଟଣ୍ଟ କରୁଛନ୍ତି। ଏପରିକି ଫିଲ୍ମରେ ସଲମାନ ଖାନଙ୍କ ସହ ତାଙ୍କର ଏକ ବଡ଼ ଫେସ୍-ଅଫ୍ (ମୁହାଁମୁହିଁ ଦୃଶ୍ୟ) ମଧ୍ୟ ରହିଛି। ଏହି ଭୂମିକା ଏକ ସାଧାରଣ ବାଣିଜ୍ୟିକ ହିରୋଇନ୍ ଭୂମିକା ଠାରୁ ସମ୍ପୂର୍ଣ୍ଣ ଅଲଗା ବୋଲି କୁହାଯାଉଛି।

ସୁଟିଂ ସେଟରେ ଜୋରଦାର ପ୍ରସ୍ତୁତି

ସଲମାନ ଏବଂ ନୟନତାରା ଉଭୟ ଏହି ଆକ୍ସନ୍-ପ୍ୟାକ୍ଡ୍ ଫିଲ୍ମ ପାଇଁ କଠିନ ପରିଶ୍ରମ କରୁଛନ୍ତି। ସଲମାନ ଖାନ ନିଜ ଫିଟନେସ୍ ଉପରେ ଅଧିକ ଧ୍ୟାନ ଦେଉଥିବା ବେଳେ, ନୟନତାରା ମଧ୍ୟ ନିଜ ଆକ୍ସନ୍ ଅବତାର ପାଇଁ ସ୍ୱତନ୍ତ୍ର ଟ୍ରେନିଂ ନେଉଛନ୍ତି। ଏହି ଫିଲ୍ମରେ ଉଭୟଙ୍କୁ ସମାନ ଶକ୍ତିଶାଳୀ ଭୂମିକାରେ ଦେଖିବାକୁ ମିଳିବ। ବର୍ତ୍ତମାନ ହିମାଚଳ ପ୍ରଦେଶର ମନାଲି (Manali) ଠାରେ ଫିଲ୍ମର ସୁଟିଂ ଜୋରସୋରରେ ଚାଲିଛି ଏବଂ ଆଗକୁ ହାଇଦ୍ରାବାଦରେ ମଧ୍ୟ ସୁଟିଂ ହେବାର ଯୋଜନା ରହିଛି।

ଇଦ୍ ୨୦୨୭ ରେ ହେବ ରିଲିଜ୍

ସେଟ୍‌ରୁ ଆସିଥିବା ଖବର ଅନୁଯାୟୀ, ସଲମାନ ଏବଂ ନୟନତାରାଙ୍କ ମଧ୍ୟରେ ଥିବା ବଣ୍ଡିଂ ଏବଂ ଅନ୍-ସ୍କ୍ରିନ୍ କେମେଷ୍ଟ୍ରି ଦର୍ଶକଙ୍କୁ ଆଶ୍ଚର୍ଯ୍ୟ କରିବ। ନିର୍ମାତାମାନେ ଏହି ମେଗା-ବଜେଟ୍ ଫିଲ୍ମକୁ **ଇଦ୍ ୨୦୨୭ (Eid 2027)** ଅବସରରେ ସିନେମାଘରକୁ ଆଣିବାକୁ ପ୍ରସ୍ତୁତି କରୁଛନ୍ତି। ଖୁବ୍ ଶୀଘ୍ର ଫିଲ୍ମର ଅଫିସିଆଲ୍ ଟାଇଟଲ୍ ଘୋଷଣା କରାଯିବ। ପ୍ରଶଂସକମାନେ ଏହି ନୂଆ ଯୋଡ଼ି ଏବଂ ଫିଲ୍ମର ଧମାକାଦାର୍ ଆକ୍ସନ୍ ଦେଖିବା ପାଇଁ ବେଶ୍ ଉତ୍ସାହିତ ଅଛନ୍ତି।

ବଲିଉଡର ଭାଇଜାନ ସଲମାନ ଖାନ (Salman Khan) ଙ୍କ ଇନଷ୍ଟାଗ୍ରାମ (Instagram) ଆକାଉଣ୍ଟ ହଠାତ୍ ଉଭାନ ହୋଇଯିବା ତାଙ୍କ ପ୍ରଶଂସକଙ୍କ ମଧ୍ୟରେ ଉଦ୍‌ବେଗ ସୃଷ୍ଟି କରିଛି। ତାଙ୍କ ପ୍ରୋଫାଇଲ୍ ଖୋଲିବା ମାତ୍ରେ ୟୁଜର୍ ନଟ୍ ଫାଉଣ୍ଡ (User Not Found) ଲେଖା ଆସୁଥିଲା, ଯାହା ପରେ ଫ୍ୟାନ୍ସମାନେ ଆକାଉଣ୍ଟଟି ଡିଆକ୍ଟିଭେଟ୍ କିମ୍ବା ହ୍ୟାକ୍ ହୋଇଛି କି ନାହିଁ ବୋଲି ଚିନ୍ତା କରିଥିଲେ। ତେବେ ତାଙ୍କର ଏକ୍ସ (X) ପେଜ୍ ପୂର୍ବପରି ସକ୍ରିୟ ରହିଥିଲା।

ସୋସିଆଲ ମିଡିଆରେ ଭାଇରାଲ ହେଲା ସ୍କ୍ରିନସଟ୍

ସଲମାନଙ୍କ ଇନଷ୍ଟାଗ୍ରାମ ପେଜ୍ ଗାୟବ ହେବା ପରେ କିଛି ସମୟ ପାଇଁ ଫଲୋଅର୍ସ ବା ପୋଷ୍ଟଗୁଡିକ ମଧ୍ୟ ଦେଖାଯାଇନଥିଲା। ଏହି ଘଟଣାର ସ୍କ୍ରିନସଟ୍ ଗୁଡିକ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ (X) ରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଥିଲା। ତେବେ ଏହା ଏକ ବୈଷୟିକ ତ୍ରୁଟି (Technical glitch) ବୋଲି ଅନୁମାନ କରାଯାଉଛି, କାରଣ କିଛି ସମୟ ପରେ ସଲମାନଙ୍କ ଆକାଉଣ୍ଟ ପୁଣିଥରେ ସ୍ୱାଭାବିକ ଅବସ୍ଥାକୁ ଫେରିଆସିଥିଲା। ଏହି ଘଟଣାକୁ ନେଇ ସଲମାନ କିମ୍ବା ତାଙ୍କ ଟିମ୍ ପକ୍ଷରୁ କୌଣସି ବିଧିବଦ୍ଧ ସୂଚନା ଦିଆଯାଇନାହିଁ।

ପାପାରାଜି ବିବାଦ ଓ ଇମୋସନାଲ ପୋଷ୍ଟ

ସୂଚନାଯୋଗ୍ୟ ଯେ, ନିକଟରେ ଏକ ଡାକ୍ତରଖାନା ବାହାରେ ପାପାରାଜି (Paparazzi) ଙ୍କ ସହ ସଲମାନଙ୍କର ବିବାଦ ଦେଖିବାକୁ ମିଳିଥିଲା। ଏହାର କିଛି ଦିନ ପରେ ଏଭଳି ଘଟଣା ଘଟିଥିବାରୁ ଅନେକ ଲୋକ ଆଶ୍ଚର୍ଯ୍ୟ ପ୍ରକାଶ କରିଛନ୍ତି। ଏହା ପୂର୍ବରୁ ସଲମାନ ନିଜ ଇନଷ୍ଟାଗ୍ରାମରେ କିଛି ଇମୋସନାଲ ଏବଂ କ୍ରିପ୍ଟିକ୍ (Cryptic) ପୋଷ୍ଟ ମଧ୍ୟ ସେୟାର କରିଥିଲେ। ବର୍ତ୍ତମାନ ତାଙ୍କର ଇନଷ୍ଟାଗ୍ରାମରେ ପ୍ରାୟ ୭୨ ମିଲିୟନରୁ (72 Million) ଅଧିକ ଫଲୋଅର୍ସ ଅଛନ୍ତି ଏବଂ ତାଙ୍କର ପ୍ରତ୍ୟେକ ପୋଷ୍ଟ ଇଣ୍ଟରନେଟରେ ଚର୍ଚ୍ଚାର ବିଷୟ ପାଲଟିଥାଏ।

Arre yaar Mai apne bare mai nahi baat kar raha tha. How can i be alone when i have such a large amazing family n friends n how can I be lonely when I have u guys,your wishes n Duas, I would be the biggest na shukra ever.
Kabhi Kabhi logon ke saath reh kar pak jaata hun, isliye…

— Salman Khan (@BeingSalmanKhan) May 18, 2026

ମେଗା ପାୱାର୍ ଷ୍ଟାର୍ ରାମ୍ ଚରଣ ତାଙ୍କ ଆଗାମୀ ସ୍ପୋର୍ଟସ୍ ଡ୍ରାମା ଫିଲ୍ମ 'ପେଦ୍ଦି'କୁ ନେଇ ବର୍ତ୍ତମାନ ଚର୍ଚ୍ଚାରେ ଅଛନ୍ତି। ନିକଟରେ ମୁମ୍ବାଇଠାରେ ଏହି ଫିଲ୍ମର ହିନ୍ଦୀ ଟ୍ରେଲର୍ ଲଞ୍ଚ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ରାମ୍ ଚରଣ ବଲିଉଡ୍ ସୁପରଷ୍ଟାର୍ ସଲମାନ୍ ଖାନ୍ ଏବଂ ଆମୀର୍ ଖାନ୍ଙ୍କୁ ପ୍ରଶଂସା କରିବା ସହ ସେମାନଙ୍କୁ ଧନ୍ୟବାଦ ଜଣାଇଛନ୍ତି।

'ସୁଲତାନ୍' ଏବଂ 'ଦଙ୍ଗଲ୍' ଦେଖାଇଲା ବାଟ

ଷ୍ଟାର୍ ଅଭିନେତା ଜଣାଇଛନ୍ତି ଯେ, ସଲମାନ୍ ଖାନ୍ଙ୍କ 'ସୁଲତାନ୍' ଏବଂ ଆମୀର୍ ଖାନ୍ଙ୍କ 'ଦଙ୍ଗଲ୍' ପରି ବ୍ଲକବଷ୍ଟର୍ ଫିଲ୍ମଗୁଡ଼ିକ 'ପେଦ୍ଦି' ନିର୍ମାଣ ପାଇଁ ସେମାନଙ୍କୁ ଆତ୍ମବିଶ୍ୱାସ ଦେଇଥିଲା। ସେ କହିଛନ୍ତି ଯେ, "ଏଭଳି ଫିଲ୍ମ ପାଇଁ ବାଟ କଢ଼ାଇଥିବାରୁ ସଲମାନ୍ ସାର୍ ଏବଂ ଆମୀର୍ ସାର୍ଙ୍କୁ ଅନେକ ଧନ୍ୟବାଦ। ଏହା ଆମକୁ ବହୁତ ଆତ୍ମବିଶ୍ୱାସ ଦେଇଛି। ଆମେ ବିଶ୍ୱାସ କରିଥିଲୁ ଯେ ଅତୀତରେ ଏଭଳି ଫିଲ୍ମ ସଫଳ ହୋଇଛି, ତେଣୁ ଆମେ ମଧ୍ୟ ସେହି ସମାନ ରାସ୍ତା ଅନୁସରଣ କରିଛୁ।

ଆଘାତ ସତ୍ତ୍ୱେ ଶୁଟିଂ ଜାରି ରଖିଥିଲେ ରାମ୍ ଚରଣ

ଏହି ଫିଲ୍ମରେ ରାମ୍ ଚରଣ କୁସ୍ତି, କ୍ରିକେଟ୍ ଏବଂ ଦୌଡ଼ ଭଳି ତିନୋଟି ଭିନ୍ନ ଭିନ୍ନ ଖେଳରେ ଭାଗ ନେଉଥିବାର ନଜର ଆସିବେ। ଏକ କୁସ୍ତି ଦୃଶ୍ୟର ଶୁଟିଂ ବେଳେ ପ୍ରକୃତ ପଲ୍‌ୱାନ୍‌ମାନଙ୍କ ସହ ଲଢ଼ିବା ସମୟରେ ତାଙ୍କର କାର୍ଟିଲେଜ୍ ଚିରିଯାଇଥିଲା ଏବଂ ସେ ଆହତ ହୋଇଥିଲେ। ତଥାପି ସେ ଶୁଟିଂ ଜାରି ରଖିଥିଲେ ଏବଂ ଏହି ଯନ୍ତ୍ରଣାକୁ 'ପେଦ୍ଦି'ର ଏକ ସୁନ୍ଦର ସ୍ମୃତି ବୋଲି ଅଭିହିତ କରିଛନ୍ତି।

ଫିଲ୍ମ ବିଷୟରେ କିଛି ଖାସ୍ କଥା

ବୁଚି ବାବୁ ସାନାଙ୍କ ନିର୍ଦ୍ଦେଶନାରେ ନିର୍ମିତ ଏହି ତେଲୁଗୁ ଫିଲ୍ମରେ ଜାହ୍ନବୀ କପୁର, ବୋମନ୍ ଇରାନୀ ଏବଂ ଦିବ୍ୟେନ୍ଦୁ ପ୍ରମୁଖ ଭୂମିକାରେ ନଜର ଆସିବେ। ଏହି ଫିଲ୍ମଟି ଜଣେ ବ୍ୟକ୍ତିର ନିଜ ପରିଚୟ ଖୋଜିବାର କାହାଣୀ ଉପରେ ଆଧାରିତ। ଏହି ବହୁ ପ୍ରତୀକ୍ଷିତ ଫିଲ୍ମଟି ଆସନ୍ତା ଜୁନ୍ ୪ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି।

ଭାରତୀୟ ସିନେମା ଇତିହାସରେ ସବୁଠାରୁ ବଡ଼ ସୁପରଷ୍ଟାରଙ୍କ କଥା ଉଠିଲେ ସଲମାନ ଖାନଙ୍କ ନାମ ସର୍ବାଗ୍ରେ ଆସିଥାଏ। ଗତ କିଛି ଦଶନ୍ଧି ଧରି ବକ୍ସ ଅଫିସରେ ଭାଇଜାନ ଯେଉଁଭଳି ଭାବରେ ରାଜ୍ କରିଛନ୍ତି, ତାହା ଖୁବ୍ ବିରଳ। ଗୋଟିଏ ପରେ ଗୋଟିଏ ବ୍ଲକବଷ୍ଟର ଫିଲ୍ମ ଦେଇ ସେ ବଲିଉଡର ବ୍ୟବସାୟକୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଛନ୍ତି। ନିକଟରେ 'Variety India' କୁ ଦେଇଥିବା ଏକ ସାକ୍ଷାତକାରରେ ସଲମାନ ଖାନ ନିଜର ଏହି ଅପାର ସଫଳତାକୁ ନେଇ ପ୍ରତିକ୍ରିୟା ରଖିଛନ୍ତି।

ସଫଳତାର କୌଣସି ନିର୍ଦ୍ଦିଷ୍ଟ ଫର୍ମୁଲା ନାହିଁ

ଏହି ସାକ୍ଷାତକାରରେ ସଲମାନଙ୍କୁ ତାଙ୍କର କ୍ରମାଗତ ସଫଳତାର ରହସ୍ୟ ପଚରାଯିବାରୁ ସେ ଖୁବ୍ ସରଳତାର ସହ ଏହାର ଉତ୍ତର ଦେଇଥିଲେ। ସେ ସ୍ୱୀକାର କରିଛନ୍ତି ଯେ, କାମ୍ୟାବୀର କୌଣସି ଧରାବନ୍ଧା ଫର୍ମୁଲା ନାହିଁ। ସେ କହିଛନ୍ତି, "ସତ କହିବାକୁ ଗଲେ, ମୋର ଏହି ସଫଳତା ବିଷୟରେ ମୋତେ କିଛି ବି ଧାରଣା ନଥିଲା। ପ୍ରକୃତରେ କାହାକୁ ବି ଏହାର ଆଭାସ ନଥାଏ। ଲୋକମାନେ ପ୍ରାୟତଃ ଜ୍ଞାନ ଦେଇ କହିଥାନ୍ତି ଯେ କଠିନ ପରିଶ୍ରମ କର, ଭଲ ସ୍କ୍ରିପ୍ଟ ବାଛ ଏବଂ ଅନୁଶାସନରେ ରୁହ। କିନ୍ତୁ ସତ କଥା ହେଉଛି, ଆପଣଙ୍କ ପ୍ରଶଂସକଙ୍କୁ କ'ଣ ପସନ୍ଦ ଆସିବ ଏବଂ କ'ଣ ନାହିଁ, ତାହା ଆପଣ ଆଗରୁ ଜାଣିପାରିବେ ନାହିଁ"। ଏହା ବ୍ୟତୀତ ସେ ଏକ ଆଶ୍ଚର୍ଯ୍ୟଜନକ ଖୁଲାସା କରି କହିଛନ୍ତି ଯେ, ସେ ଆଜି ପର୍ଯ୍ୟନ୍ତ ନିଜ କ୍ୟାରିୟରରେ କେବେହେଲେ କୌଣସି ସ୍କ୍ରିପ୍ଟ ପଢ଼ି ନାହାଁନ୍ତି।

ସର୍ବଦା ନିଜ ହୃଦୟର କଥା ଶୁଣନ୍ତୁ

କାମ କରିବା ସମୟରେ ସେ କେଉଁ କଥାକୁ ଅଧିକ ଗୁରୁତ୍ୱ ଦିଅନ୍ତି, ସେ ବିଷୟରେ ମଧ୍ୟ ସଲମାନ ଖୋଲାଖୋଲି ଭାବେ ଆଲୋଚନା କରିଛନ୍ତି। ତାଙ୍କ ମତରେ, ମଣିଷ ନିଜ ମସ୍ତିଷ୍କ ଅପେକ୍ଷା ନିଜ ହୃଦୟର କଥା ଉପରେ ଅଧିକ ବିଶ୍ୱାସ କରିବା ଉଚିତ୍। ସେ କହିଛନ୍ତି, "ମୋର ସ୍ପଷ୍ଟ ମତ ଯେ, ଯଦି ଆପଣଙ୍କୁ କୌଣସି ଜିନିଷ ପ୍ରକୃତରେ ହୃଦୟରୁ ପସନ୍ଦ ଆସୁଛି, ତେବେ ଅଧିକ ନ ଭାବି ଆଗକୁ ବଢ଼ି ତାହା କରିନେବା ଉଚିତ୍"।

'ପଲିଟିକାଲି କରେକ୍ଟ' ହେବା ନିହାତି ଜରୁରୀ

ନିଜ କଥାକୁ ଆଗକୁ ବଢ଼ାଇ ସଲମାନ ଏକ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି। ସେ କହିଛନ୍ତି ଯେ, "କାମ କରିବା ସମୟରେ ସବୁଠାରୁ ଜରୁରୀ କଥା ହେଉଛି ଆପଣଙ୍କ ନୈତିକ ମୂଲ୍ୟବୋଧ ଅର୍ଥାତ୍ ଆପଣଙ୍କ ମୋରାଲ୍ସ (Morals) ସର୍ବଦା ସଠିକ୍ ହେବା ଦରକାର। ଆପଣଙ୍କୁ ପ୍ରତ୍ୟେକ ପରିସ୍ଥିତିରେ ନୈତିକ, ସୈଦ୍ଧାନ୍ତିକ, ଭାବନାତ୍ମକ ଏବଂ ଆଜିର ସମୟ ଅନୁଯାୟୀ ରାଜନୈତିକ ଦୃଷ୍ଟିକୋଣରୁ ମଧ୍ୟ ସଠିକ୍ (Politically Correct) ହେବା ଅତ୍ୟନ୍ତ ଆବଶ୍ୟକ"।