କେନ୍ଦ୍ରାପଡା: ଡାକ୍ତରୀ ପାଠ ପଢିବାକୁ ୟୁକ୍ରେନ ଯାଇଥିଲେ । ୨୦୧୭ ମସିହାରୁ ସେଠାରେ ରହି ଡାକ୍ତରୀ ପାଠ ପଢୁଛନ୍ତି । ହଠାତ ୟୁକ୍ରେନ ଆଉ ରୁଷ ଯୁଧ୍ୟ ତାଙ୍କ ଜୀବନରେ କଳା ବାଦଲ ଢାଙ୍କି ଦେଲା । ଆଉ ମାତ୍ର ଗୋଟିଏ ବର୍ଷ ପରେ ସେ ଡାକ୍ତରୀ ପାଠ ଶେଷ କରି ଚାକିରୀ କରିଥାନ୍ତେ । ହେଲେ ଏବେ ତାଙ୍କ ଭବିଷ୍ୟତ ଅନ୍ଧାର ହୋଇଯାଇଛି । ଆମେ କହୁଛୁ କେନ୍ଦ୍ରାପଡା ଜିଲ୍ଲା ସାନ୍ତସାହିର ଅର୍ଜିତ ବିଶ୍ୱାଳଙ୍କ କଥା ଲ

ୟୁକ୍ରେନର ଯୁଦ୍ଧ ଭୂମିରୁ ପ୍ରାଣ ବଞ୍ଚାଇ ସୁରକ୍ଷିତଭାବେ କେନ୍ଦ୍ରାପଡା ଫେରିଛନ୍ତି । ଅର୍ଜିତ ୨୦୧୭ ମସିହାରେ ୟୁକ୍ରେନର ‘ଉଭାନୋ ଫ୍ୟାଙ୍କିଭିସ୍କ ନ୍ୟାସନାଲ ମେଡ଼ିକାଲ ୟୁନିଭରସିଟି’ରେ ଏମବିବିଏସ ପଢିବା ପାଇଁ ଯାଇଥିଲେ । ଯୁଦ୍ଧ ଘୋଷଣା ହେବା ପରେ ସେ ଭାରତ ଫେରିବା ପାଇଁ ଚେଷ୍ଟା କରି ବିଫଳ ହୋଇଥିଲେ । ପ୍ରାଣ ବଞ୍ଚାଇବା ପାଇଁ ସେ ଓ ତାଙ୍କର ସହପାଠୀମାନେ ଉଭାନୋର ଏକ ବଙ୍କର ଭିତରେ ଲୁଚି ଯାଇଥିଲେ । ଶେଷରେ ବହୁକଷ୍ଟରେ ଅଖିଆଅପିଆ ରହି ଫେବୃଆରୀ ୨୫ ତାରିଖରେ ରୋମାନିଆ ବର୍ଡରରେ ପହଂଚିଥିଲେ । ସେଠାରୁ ରୋମାନିଆର ରାଜଧାନୀ ବୁକାରେଷ୍ଟ ଆଉ ସେଠୁ ଭାରତ ସରକାରଙ୍କ ବିମାନରେ ୨୮ ତାରିଖରେ ଦିଲ୍ଲୀରେ ପହଁଚିଲେ । ଏହାପରେ ରାଜ୍ୟ ସରକାରଙ୍କ ଯୋଗୁଁ ଦିଲ୍ଲୀରୁ ଘରକୁ ଫେରିଥିଲେ । ଘରକୁ ସୁରକ୍ଷିତଭାବେ ଫେରିବା ପରେ କେନ୍ଦ୍ର ଓ ରାଜ୍ୟ ସରକାରଙ୍କ ଯୋଗୁ ଆଜି ସେ ଜୀବିତ ବୋଲି କହିଛନ୍ତି । ସେଥିପାଇଁ ଉଭୟ ସରକାରଙ୍କୁ ଧନ୍ୟବାଦ ଦେଇଛନ୍ତି ।

ଅନ୍ୟ ପଟରେ ଅର୍ଜିତଙ୍କର ଭବିଷ୍ୟତ ଏବେ ଅନ୍ଧାର ଆଡ଼କୁ ଗତି କରୁଛି । ଏବେ ସେ କ’ଣ କରିବେ ସେ ନେଇ ଚିନ୍ତା ପ୍ରକଟ କରିଛନ୍ତି । ଶହ ଶହ ପିଲାଙ୍କ ଭବିଷ୍ୟତ ନେଇ ସରକାର ଚିନ୍ତା କରିବାର ସମୟ ଆସିଛି । ୟୁକ୍ରେନ ଫେରନ୍ତା ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ ସମସ୍ତେ ଚିନ୍ତିତ ଥିବାବେଳେ ଭାରତ ସରକାର ସେମାନଙ୍କ ଭବିଷ୍ୟତକୁ ନେଇ କିଛି କରିବାକୁ ଅର୍ଜିତ ନିବେଦନ କରିଛନ୍ତି ।

ଅନୁଗୁଳ: ଋଷିଆ ୟୁକ୍ରେନ ମଧ୍ୟରେ ଜାରି ରହିଛି ଯୁଦ୍ଧ । ଧିରେ ଧିରେ ପରିସ୍ଥିତି ସାଙ୍ଘାତିକ ରୂପ ନେଉଛି । ଚାରିଆଡେ ବୋମା ବିସ୍ଫୋରଣ ଏବଂ କ୍ଷେପଣାସ୍ତ୍ର ମାଡ଼ର ଶବ୍ଦ ଶୁଣିବାକୁ ମିଳୁଛି। ରୁଷୀୟ ଯୁଦ୍ଧ ଟ୍ୟାଙ୍କ୍ ମଧ୍ୟ ୟୁକ୍ରେନରେ ପ୍ରବେଶ କରିଛନ୍ତି। ଭୟଙ୍କର ଯୁଦ୍ଧ ସ୍ଥିତିରେ ଅନେକ ଭାରତୀୟ ୟୁକ୍ରେନରେ ଫସି ରହିଛନ୍ତି । ଅନ୍ୟପଟେ ୟୁକ୍ରେନରେ ଫସିରହିଛନ୍ତି ଅନେକ ଓଡ଼ିଆ ଯୁବକ ଯୁବତୀ । ଏଭଳି ପରିସ୍ଥିତିରେ ତାଳଚେର ବଲଣ୍ଡା ଅଞ୍ଚଳର ଯୁବକ ଶ୍ରୀତାଂଶୁ ଦାସ ସେଠାରେ ରହି ଯାଇଥିବାରୁ ପରିବାରରେ ଭାଲେଣି ପଡିଛି । ଶ୍ରୀତାଂଶୁଙ୍କ ପରିବାର ଏବେ ଭୟର ବାତାବରଣ ଭିତରେ ଅଛନ୍ତି । କିଭଳି ତାଙ୍କ ପୁଅ ସୁରକ୍ଷିତ ଫେରି ଆସିବ ଏ ନେଇ ସେ ଚିନ୍ତିତ ଅଛନ୍ତି । ଆଉ ଯଥାସାଧ୍ୟ ଚେଷ୍ଟା କରି ଫେରାଇ ଆଣିବାକୁ ସରକାରଙ୍କୁ ନିବେଦନ କରିଛନ୍ତି ।

ଶ୍ରୀତାଂଶୁ ୟୁକ୍ରେନର ଭିନିପ୍ସାରେ ରହି ଚତୁର୍ଥ ବର୍ଷ ଡାକ୍ତରୀ ପାଠ ପଢୁଥିଲେ । ଋଷିଆ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହୋଇଯାଇଥିବାରୁ ଡାକ୍ତରୀ ପଢିବାକୁ ୟୁକ୍ରେନରେ ଯାଇଥିବାବେଳେ ଫେରିବା ନେଇ ଅନିଶ୍ଚିତତା ଦେଖାଦେଇଛି । ସେହିଭଳି ଅନୁଗୁଳ ବଳରାମ ପ୍ରସାଦର ଆଲୋକ ସାମଲ ୟୁକ୍ରେନ ରେ MBBS ପାଠ୍ୟକ୍ରମ କରୁଥିଲେ । ସେଠି ସେ ଫସି ରହିଛନ୍ତି ବୋଲି ଘର ଲୋକ ଭୟଭୀତ ଅବସ୍ଥା ରେ ଅଛନ୍ତି। ଆଲୋକଙ୍କ ପରିବାର ଲୋକେ ଭାରତ ସରକାରଙ୍କ ନିକଟରେ ନିବେଦନ କରିଛନ୍ତି କେମିତି ସୁରକ୍ଷିତ ଅବସ୍ଥାରେ ଘରକୁ ଫେରିବେ । ସେପଟେ ୟୁକ୍ରେନରେ ଥିବା ଆଲୋକଙ୍କ ସହ କଥା ହୋଇଛନ୍ତି ଆମ ପ୍ରତିନିଧି । ଆଲୋକ କହିଛନ୍ତି କି, ସେ ୟୁକ୍ରେନ ର ଦିନିପ୍ରୋ ସିଟି ରେ ରହୁଛନ୍ତି। ସେ ଦିନିପ୍ରୋ ପେଟ୍ରୋ ଭାସ୍କ ଷ୍ଟେଟ ମେଡିକାଲ ଏକାଡେମୀ ରେ ପାଠ ପଢୁଛନ୍ତି। ସେ ସେହି ଏକାଡେମୀ ର ଶେଷବର୍ଷ ଛାତ୍ର। ଆଉ ତିନି ମାସ ପରେ ତାଙ୍କର ପାଠ ପଢା ସରି ଯାଇଥାନ୍ତା ଏବଂ ସେ ଘରକୁ ଫେରି ଆସିଥାନ୍ତେ। ବର୍ତମାନ ୟୁକ୍ରେନ ର ରାଜଧାନୀ କିଭ ସମେତ ୟୁକ୍ରେନ ର ପୂର୍ବ ଭାଗରେ ଥିବା ସହର ଗୁଡିକ ଉପରେ ରୁଷିଆ ବିସ୍ଫୋରଣ କରୁଛି। ଖାର୍କିଭ କ୍ରାମାଟେରସ୍କ,ବରଡିୟାନସ୍କ,ଏବଂ ନିକୋ ଲାଏଭ ସହରରେ ବିସ୍ଫୋରଣ ହେଉଛି। କିନ୍ତୁ ସେ ଥିବା ସହର ଦିନିପ୍ରୋ ସିଟି ରେ ବର୍ତମାନ ଯାଏ କୌଣସି ବିସ୍ଫୋରଣ ହୋଇନାହିଁ। କିନ୍ତୁ ଏଠାରେ ଏଟିଏମ୍ ରେ ଟଙ୍କା ମିଳୁନାହିଁ, ରାସନ ଦୋକାନ, ପରିବା ଦୋକାନ ଓ ଖାଦ୍ୟ ପଦାର୍ଥ ଦୋକାନରେ ବହୁତ ଭିଡ ହେଉଛି ଏବଂ ଭାରତୀୟ ଆମ୍ବାସି ଆମକୁ ବାହାରକୁ ଯିବାକୁ ମନାକରିଛନ୍ତି। ଆମେ ବହୁତ ଭୟବିତ ଅବସ୍ଥାରେ ଅଛୁ ବୋଲି ପ୍ରକାଶ କରିଥିଲେ।

ସେହିଭଳି ଝାରସୁଗୁଡ଼ା ଜିଲ୍ଲାର ୨୦ ଜଣ ଛାତ୍ରଛାତ୍ରୀ  ୟୁକ୍ରେନ ରେ ଫସି ରହିଥିବା ସୂଚନା ମିଳିଛି ।  ସେମାନଙ୍କ ମଧ୍ୟରୁ ବନ୍ଧବାହାଲ ଅଞ୍ଚଳ ର ୮ଜଣ ଛାତ୍ର ଛାତ୍ରୀ  ରହିଛନ୍ତି । ସମସ୍ତ ଛାତ୍ରଛାତ୍ରୀ ଡାକ୍ତରୀ ପାଠ ପଢ଼ିବାକୁ ଯାଇଛନ୍ତି ।