ନୂଆଦିଲ୍ଲୀ,୧୬ା୫(ଏଜେନ୍ସି): ପହଲଗାମ ଆକ୍ରମଣ ଏବଂ ଏହାର ପରବର୍ତ୍ତୀ ସମୟରେ ଭାରତ ଓ ପାକିସ୍ତାନ ମଧ୍ୟରେ ଦେଖାଦେଇଥିବା ଉତ୍ତେଜନା ମଧ୍ୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପରିବାର ଏବଂ ପାକ୍ ସେନା ମୁଖ୍ୟ ଅସୀମ ମୁନିରଙ୍କ ମଧ୍ୟରେ ଏକ ବଡ଼ ବୁଝାମଣା ହୋଇଥିବା କ୍ରିଖବର ପଦାକୁ ଆସିଛି। ଉଭୟଙ୍କ ମଧ୍ୟରେ ଏକ ହାଇ-ପ୍ରୋଫାଇଲ୍ କ୍ରିପ୍ଟୋ ଚୁକ୍ତି ସ୍ୱାକ୍ଷରିତ ହୋଇଥିବା କୁହାଯାଉଛି। ଏଥିରେ ଟ୍ରମ୍ପଙ୍କ ପରିବାର ଏବଂ ମୁନିରଙ୍କ ସମ୍ପୃକ୍ତି ସାମ୍ନାକୁ ଆସିବା ପରେ ଏହି ଚୁକ୍ତି ଏବେ ଭାରତ ଏବଂ ଆମେରିକାରେ ଏବେ ତଦନ୍ତ ପରିସରକୁ ଆସିଛି।

ରିପୋର୍ଟ ଅନୁଯାୟୀ, ଆମେରିକୀୟ କ୍ରିପ୍ଟୋ ଫାର୍ମ ୱାର୍ଲ୍ଡ ଲିବର୍ଟି ଫାଇନାନ୍ସିଆଲ୍ ଏବଂ ପାକିସ୍ତାନର ନବଗଠିତ ସଂସ୍ଥା ପାକିସ୍ତାନ କ୍ରିପ୍ଟୋ କାଉନସିଲ୍ ମଧ୍ୟରେ ଏହି ଚୁକ୍ତି ହୋଇଥିଲା। ଏହି ଚୁକ୍ତି ସମ୍ପର୍କରେ ସୂଚନା ଆସିବା ପରେ ରାଜନୈତିକ ଏବଂ ସୁରକ୍ଷା ବିଶେଷଜ୍ଞଙ୍କ ମଧ୍ୟରେ ଗଭୀର ପ୍ରକାଶ ପାଇଛି। ଏଠାରେ ସୂଚନାଯୋଗ୍ୟ ଯେ, ୱାର୍ଲ୍ଡ ଲିବର୍ଟି ଫାଇନାନ୍ସିଆଲ୍ ହେଉଛି ଏକ ଆମେରିକୀୟ କ୍ରିପ୍ଟୋ ଏବଂ ଫିନଟେକ୍ କମ୍ପାନୀ ଯେଉଁଥିରେ ଡୋନାଲ୍ଡ ଟ୍ରମ୍ପଙ୍କ ପୁଅ ଏରିକ୍ ଟ୍ରମ୍ପ୍‌ ଏବଂ ତାଙ୍କ ଜ୍ୱାଇଁ ଜାରେଡ୍ କୁଶନର ମିଳିତ ଭାବରେ ୬୦% ଅଂଶଧନ ରହିଛଇ। ଏହି କମ୍ପାନୀ ଚଳିତବର୍ଷ ଏପ୍ରିଲରେ ପାକିସ୍ତାନ ସହିତ ଏକ ବ୍ଲକଚେନ୍-ଆଧାରିତ ସହଭାଗିତା ପାଇଁ ରାଜି ହୋଇଥିଲା। ଏହି ଚୁକ୍ତିନାମା କ୍ରିପ୍ଟୋ କାଉନସିଲ୍ ଅଫ୍ ପାକିସ୍ତାନ ସହିତ କରାଯାଇଥିଲା, ଯାହା ଏକ ନୂତନ ସଂଗଠନ। ଏହି ପରିଷଦ ବିନାନ୍ସ ଏକ୍ସଚେଞ୍ଜର ପ୍ରତିଷ୍ଠାତା ଚାଙ୍ଗପେଙ୍ଗ ଝାଓଙ୍କୁ ପରାମର୍ଶଦାତା ଭାବରେ ନିଯୁକ୍ତ କରିଥିଲା। ଏହି ପରିଷଦର ଲକ୍ଷ୍ୟ ହେଉଛି ପାକିସ୍ତାନକୁ ଦକ୍ଷିଣ ଏସିଆର କ୍ରିପ୍ଟୋ ରାଜଧାନୀ କରିବା।

ଏହି ଚୁକ୍ତିନାମା ସ୍ୱାକ୍ଷର କରିବା ପାଇଁ ଆମେରିକାର ଏକ ପ୍ରତିନିଧିମଣ୍ଡଳୀ ପାକିସ୍ତାନ ପହଞ୍ଚିଥିଲେ, ଯେଉଁଥିରେ କମ୍ପାନୀର ପ୍ରତିଷ୍ଠାତା ଜାଚାରି ୱିଟକଫ ମଧ୍ୟ ସାମିଲ ଥିଲେ। ଜାଚାରି ହେଉଛନ୍ତି ଟ୍ରମ୍ପଙ୍କ ପୂର୍ବତନ ବ୍ୟବସାୟିକ ସହଯୋଗୀ ଷ୍ଟିଭ୍ ୱିଟକଫଙ୍କ ପୁଅ, ଯିଏ କି ବର୍ତ୍ତମାନ ମଧ୍ୟପ୍ରାଚ୍ୟ ପାଇଁ ଆମେରିକାର ସ୍ୱତନ୍ତ୍ର ଦୂତ। ଏଥିରେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯେ ପାକିସ୍ତାନ ସେନା ମୁଖ୍ୟ ଅସୀମ ମୁନିର ନିଜେ ଏହି ଟିମ୍‌କୁ ସ୍ୱାଗତ କରିଥିଲେ। ପରେ ପ୍ରଧାନମନ୍ତ୍ରୀ ଶାହବାଜ ସରିଫଙ୍କ ସହ ଏକ ରୁଦ୍ଧଦ୍ୱାର ବୈଠକ ହୋଇଥିଲା। ପାକିସ୍ତାନର କ୍ରିପ୍ଟୋ କାଉନ୍‌ସିଲ ଏବଂ ୱାର୍ଲ୍ଡ ଲିବର୍ଟି ଫାଇନାନ୍ସିଆଲ୍ ଏହାକୁ ଏକ ବୈଷୟିକ ସହଯୋଗ ବୋଲି ଏକ ବିବୃତ୍ତି ଜାରି କରିଛନ୍ତି। ଏଥିରେ କୁହାଯାଇଛି ଯେ ଏହି ଚୁକ୍ତି ପାକିସ୍ତାନରେ ଆର୍ଥିକ ଅନ୍ତର୍ଭୁକ୍ତୀକରଣ ଏବଂ ଡିଜିଟାଲ୍ ପରିବର୍ତ୍ତନକୁ ପ୍ରୋତ୍ସାହିତ କରିବା ପାଇଁ ଉଦ୍ଦିଷ୍ଟ। ଏଥିର ବ୍ଲକଚେନ୍ ପ୍ରଯୁକ୍ତିବିଦ୍ୟାକୁ ସରକାରୀ ପ୍ରତିଷ୍ଠାନରେ ସମନ୍ୱିତ କରିବା ଏବଂ କ୍ରିପ୍ଟୋ-ଆଧାରିତ ପାଇଲଟ୍ ପ୍ରକଳ୍ପ କାର୍ଯ୍ୟକାରୀ କରିବା ବିଷୟରେ ଆଲୋଚନା ହୋଇଛି। କିନ୍ତୁ ଏହି ଚୁକ୍ତିର ସମୟ ଏବଂ ଏଥିରେ ସାମିଲ ଲୋକଙ୍କ ପୃଷ୍ଠଭୂମି ଏହାକୁ ଏକ ସାଧାରଣ ନିବେଶ ପରିବର୍ତ୍ତେ ଏକ ରଣନୈତିକ ଚୁକ୍ତି ଭାବରେ ଦେଖାଯାଉଛି।

ଭାରତର ଅନେକ ରଣନୈତିକ ବିଶେଷଜ୍ଞ ଏବଂ ସୁରକ୍ଷା ବିଶ୍ଳେଷକ ଏହି ଚୁକ୍ତି ଉପରେ ଚିନ୍ତା ପ୍ରକାଶ କରିଛନ୍ତି। ସେ କହିଛନ୍ତି ଯେ ଏହି ଚୁକ୍ତିନାମା ପାକିସ୍ତାନର ଆତଙ୍କବାଦୀ ପାଣ୍ଠି ଗଠନକୁ ଘୋଡାଇବା ଏବଂ ଆର୍ଥିକ ହେରଫେର ପାଇଁ ବ୍ୟବହାର କରାଯାଇପାରିବ। ଏହି ଚୁକ୍ତିର ସମୟ ଏବଂ ଏଥିରେ ସମ୍ପୃକ୍ତ ଲୋକଙ୍କ ଭୂମିକାକୁ ନେଇ ସନ୍ଦେହ ଜାତ ହୋଇଛି। ତେବେ ଏ ସମ୍ପର୍କରେ ଏ ପର୍ଯ୍ୟନ୍ତ ଟ୍ରମ୍ପ ପରିବାର ଏବଂ ଆମେରିକାର ହ୍ୱାଇଟ୍ ହାଉସ୍ ପକ୍ଷରୁ ଏ ଯାଏ କୌଣସି ବୟାନ ଆସିନାହିଁ। ୱାର୍ଲ୍ଡ ଲିବର୍ଟି ଫାଇନାନ୍ସିଆଲ୍ର କହିବାନୁଯାୟୀ, ଏହି ଚୁକ୍ତି ପଛରେ କୌଣସି ରାଜନୈତିକ ଉଦ୍ଦେଶ୍ୟ ନାହିଁ, କିନ୍ତୁ ରଣନୈତିକ ବିଶ୍ଳେଷକମାନେ ବିଶ୍ୱାସ କରନ୍ତି ଯେ ସ୍ୱଚ୍ଛତା ବିନା ଏପରି ଚୁକ୍ତି ଭବିଷ୍ୟତରେ ଏକ ବଡ଼ ଭୂ-ରାଜନୈତିକ ସଙ୍କଟ ସୃଷ୍ଟି କରିପାରେ।

ନୂଆଦିଲ୍ଲୀ: ଏଣିକି ଭର୍ଚୁଆଲ୍‌ ଡିଜିଟାଲ ସମ୍ପତ୍ତି ବା କ୍ରିପ୍ଟୋକରେନ୍ସି କାରବାର ଉପରେ ନିବେଶକମାନଙ୍କୁ ପ୍ରତ୍ୟେକ କାରବାରରେ ଉତ୍ସରୁ ଟିକସ ବାଦ୍‌ ବା ଟିଡିଏସ୍‌ ଦେବାକୁ ପଡିବ। ଏହି ନୂଆ ନିୟମ ଆସନ୍ତା ଜୁଲାଇଠାରୁ ଲାଗୁ କରାଯିବ। ବର୍ତ୍ତମାନ ଜୁଲାଇ ପହିଲାରୁ ୧ ପ୍ରତିଶତ ଟିଡିଏସ୍‌କୁ କ୍ରିପ୍ଟୋ କାରବାର ଉପରେ ମଧ୍ୟ ଦେବାକୁ ପଡିବ। ଏହାଦ୍ବାରା ସରକାର କ୍ରିପ୍ଟୋକରେନ୍ସିରେ କାରବାର କରୁଥିବା ଲୋକଙ୍କର ପ୍ରକୃତ ସ୍ଥାନ ସନ୍ଧାନ କରିପାରିବେ। ଯେଉଁ ନିବେଶକମାନେ ଲାଭ ପାଇଁ କ୍ରିପ୍ଟୋକରେନ୍ସି ବିକ୍ରି କରନ୍ତି ନାହିଁ ସେମାନଙ୍କୁ ମଧ୍ୟ ଏହି ନିୟମାନୁଯାୟୀ ଟିକସ ଦେବାକୁ ପଡିବ। କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ପକ୍ଷରୁ ଏ ସମ୍ପର୍କରେ ବିଜ୍ଞପ୍ତି ପ୍ରକାଶ ପାଇଛି। ସରକାରଙ୍କ ପକ୍ଷରୁ ଏ ନେଇ ଘୋଷଣା କରାଯିବା ପରଠାରୁ କ୍ରିପ୍ଟୋକ୍ୟୁରେନ୍ସିରେ ବିନିଯୋଗ ପାଇଁ ଉତ୍ସାହ କମିଯାଇଛି। କ୍ରିପ୍ଟୋକରେନ୍ସି ଉପରେ ଏକ ପ୍ରତିଶତ ଟିଡିଏସ୍‌ ଆଦାୟ କରିବାର ବ୍ୟବସ୍ଥା ଜୁଲାଇ ମାସ ପ୍ରାରମ୍ଭରୁ କାର୍ଯ୍ୟକାରୀ ହେବାକୁ ଯାଉଛି।

ନୂଆଦିଲ୍ଲୀ: ଚଳିତ ସପ୍ତାହର ପ୍ରାରମ୍ଭ ଷ୍ଟକ୍‌ ବଜାର ଭଳି ବିଶ୍ବର କ୍ରିପ୍ଟୋ ବଜାର ପାଇଁ ଅଶୁଭ ସାବ୍ୟସ୍ତ ହୋଇଛି। ଫଳ ସ୍ବରୂପ କ୍ରିପ୍ଟୋ ମୂଲ୍ୟରେ ବ୍ୟାପକ ହ୍ରାସ ସହ ଦେଖିବାକୁ ମିଳିଛି ବଡ଼ ଝଡ଼। ପରିସ୍ଥିତି ଏମିତି ହୋଇଛି ଶ୍ରେଷ୍ଠ କ୍ରିପ୍ଟୋ ମୁଦ୍ରା କୁହାଯାଉଥିବା ବିଟ୍‌ କଏନ୍‌ ମୂଲ୍ୟ ଅଧାରୁ କମ୍ ହୋଇଯାଇଛି। ଏପରିକି ବିଶ୍ବର ଟପ୍ ୧୦ କ୍ରିପ୍ଟୋ ମୁଦ୍ରା ମୂଲ୍ୟରେ ବୃହତ୍‌ ହ୍ରାସ ଦେଖିବାକୁ ମିଳିଛି। ବିଟ୍‌ କଏନ୍‌ ମୂଲ୍ୟରେ ହ୍ରାସ ଯୋଗୁ ଏହି ଏହି କ୍ରିପ୍ଟୋ ମୁଦ୍ରା ମୂଲ୍ୟ ୨୬ ଲକ୍ଷ ଟଙ୍କାକୁ ଖସିଆସିଛି।

କ୍ରିପ୍ଟୋ ମୁଦ୍ରା ମୂଲ୍ୟରେ ହ୍ରାସରୁ ବାଦ୍‌ ପଡିନି ଇଥେରିୟମ୍ ସହିତ ଅନ୍ୟ କ୍ରିପ୍ଟୋକରେନ୍ସି। ସୋମବାର ଦିନ ବିଶ୍ବର ଅଧିକାଂଶ ବୃହତ୍‌ କ୍ରିପ୍ଟୋ ମୁଦ୍ରା ମୂଲ୍ୟରେ ହ୍ରାସ ଦେଖିବାକୁ ମିଳିଛି। ସବୁଠାରୁ ଲୋକପ୍ରିୟ କ୍ରିପ୍ଟୋ କରେନ୍ସି ମୂଲ୍ୟ ଏତେ ଦ୍ରୁତ ଭାବରେ ହ୍ରାସ ପାଇଛି ଯେ ଏହାର ମୂଲ୍ୟ ସର୍ବକାଳୀନ ରେକର୍ଡ ଭାବେ ଅଧାରୁ କମ୍ ହୋଇଯାଇଛି। ଏହା ବ୍ୟତୀତ ଇଥେରିୟମ୍, ବିନାନ୍ସ, ଆଭାଲାଞ୍ଚ, ପୋଲକାଡୋଟ ସହିତ ପ୍ରାୟ ସମସ୍ତ କ୍ରିପ୍ଟୋକରେନ୍ସିର ମୂଲ୍ୟ ହ୍ରାସ ପାଇଛି।

ଆଜି ବିଶ୍ବର ସବୁଠାରୁ ଲୋକପ୍ରିୟ କ୍ରିପ୍ଟୋକରେନ୍ସି ବିଟ୍‌ କଏନ୍ ମୂଲ୍ୟ ୫.୩୫ ପ୍ରତିଶତ ହ୍ରାସ ପାଇଛି। ଏହାର ମୂଲ୍ୟ ୧,୫୧,୫୮୯ ଟଙ୍କାରୁ ୨୬,୮୬,୯୫୭ ଟଙ୍କାକୁ ହ୍ରାସ ପାଇଛି। ଗତ ବର୍ଷ ନଭେମ୍ବର ୨୦୨୧ରେ, ବିଟ୍‌ କଏନ୍ ଏହାର ସର୍ବକାଳୀନ ଉଚ୍ଚ ସ୍ତର ୬୮୦୦୦ ଡଲାର ଛୁଇଁଥିଲା, କିନ୍ତୁ ପରେ ଏଥିରେ ହ୍ରାସ ହୋଇଥିଲା। ଏଡାଛଡା ଗତ ୨୪ ଘଣ୍ଟା ମଧ୍ୟରେ ଇଥେରିୟମ୍ ମୂଲ୍ୟରେ ୭.୧୧ ପ୍ରତିଶତ ହ୍ରାସ କିମ୍ବା ୧୪,୯୨୪ ଟଙ୍କା ହ୍ରାସ ପାଇ ୧୯,୫୦୪୬ ଟଙ୍କା ହୋଇଛି। ଶିବା-ପୋଲକାଡୋଟ ସମେତ କାର୍ଡାନୋ, ଜିବିନୁ ଏବଂ ପୋଲକାଡଟ୍ କ୍ରିପ୍ଟୋ ବଜାରରେ ବୃହତ୍‌ ହ୍ରାସର ଶିକାର ହୋଇ ସେମାନଙ୍କ ନିବେଶକଙ୍କ ପାଇଁ ସର୍ବାଧିକ କ୍ଷତି ଘଟାଇଛନ୍ତି। ଶିବା ଇନୁ ମୂଲ୍ୟରେ ୧୨.୭୭ ପ୍ରତିଶତ ହ୍ରାସ ଘଟି ଏହାର ମୂଲ୍ୟ ୦.୦୦୦୧୯୮ରୁ ୦.୦୦୧୩୫୨କୁ ହ୍ରାସ ପାଇଛି। ଏହା ବ୍ୟତୀତ କାର୍ଡାନୋ ୧୧.୨୩ ପ୍ରତିଶତ କିମ୍ବା ୬.୮୮ ଟଙ୍କା ହ୍ରାସ ପାଇଛି ଏବଂ ଏହାର ମୂଲ୍ୟ ୫୪.୨୪ ଟଙ୍କା ରହିଛି। ତେବେ ପୋଲକାଡୋଟ ମୂଲ୍ୟ ୧୧.୬୯ ପ୍ରତିଶତ କିମ୍ବା ୧୩୦ ଟଙ୍କା ହ୍ରାସ ପାଇ ୯୮୧.୩୨ ଟଙ୍କାକୁ ଖସିଆସିଛି। ଅନ୍ୟପକ୍ଷରେ ସୋଲାନା ୯.୪୮ ପ୍ରତିଶତ, ରିପଲ୍ ୭.୧୭ ପ୍ରତିଶତ, ଡୋଜ୍ କଏନ୍ ୭.୪୧ ପ୍ରତିଶତ ଏବଂ ଟେରା ମଊଳ୍ୟରେ ୫.୫୭ ପ୍ରତିଶତ ହୋଇଛି।

ନୂଆଦିଲ୍ଲୀ : ଭାରତରେ କଣ ହେବ କ୍ରିପ୍ଟୋକରେନ୍ସିର ଭାଗ୍ୟ। ଏହାକୁ ନେଇ ବହୁ ଚର୍ଚ୍ଚା ଆଲୋଚନା ଜାରି ରହିଛି। ଚଳିତ ୨୦୨୨ ବଜେଟରେ କେନ୍ଦ୍ର ସରକାର ଭାରତରେ କ୍ରିପ୍ଟୋକରେନ୍ସି ଆୟ ଉପରେ ୩୦ ପ୍ରତିଶତ ଟିକସ ଘୋଷଣା କରିବା ପରେ ସମସ୍ତେ ଭାବି ଥିଲେ ଯେ କେନ୍ଦ୍ର ସରକାର ଦେଶରେ କ୍ରିପ୍ଟୋକରେନ୍ସିକୁ ଆଇନଗତ ଭାବେ ସିକୃତି ଦେବେ । କିନ୍ତୁ ଆଜି ଏହି ଚର୍ଚ୍ଚା ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ। ଶୁକ୍ରବାର କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ରାଜ୍ୟସଭାରେ ୨୦୨୨ ବଜେଟ୍ ଉପରେ ଆଲୋଚନା କରିବାବେଳେ କ୍ରିପ୍ଟୋକରେନ୍ସି ଉପରେ ସରକାରଙ୍କ ଆଭିମୁଖ୍ୟ ସ୍ପଷ୍ଟ କରିଛନ୍ତି। ସେ କହିଛନ୍ତି ଯେ କ୍ରିପ୍ଟୋକ୍ୟୁରେନ୍ସି କାରବାରରୁ ଉତ୍ପନ୍ନ ଲାଭ ଉପରେ ଟିକସ ଆଦାୟ କରିବା ସରକାରଙ୍କ ଅଧିକାର। କିନ୍ତୁ ଏହାକୁ ସମ୍ପୁର୍ଣ୍ଣ ସିକୃତି ଦିଆଯାଇନାର୍ହି। ବର୍ତ୍ତମାନ ସରକାର କ୍ରିପ୍ଟୋକରେନ୍ସିକୁ ନେଇ କଣ କରାଯିବ ତାହା ବିଚାର ବିମର୍ଶ କରୁଛନ୍ତି। ନିଷେଧ କରିବା ନିଷ୍ପତ୍ତି ବିଚାର ବିମର୍ଶ ଆଧାରରେ ନିଆଯିବ ବୋଲି ନିର୍ମଳା ସୀତାରମଣ କହିଛନ୍ତି।

ସୀତାରମଣ ରାଜ୍ୟସଭାରେ ଉତ୍ତର ଦେଇ କହିଛନ୍ତି ଯେ ବର୍ତ୍ତମାନ ଦେଶରେ କ୍ରିପ୍ଟୋକ୍ୟୁରେନ୍ସିକୁ ଆଇନଗତ ସିକୃତି ଦିଆଯାଉଛି ନା ଏହାକୁ ନିଷେଧ କରାଯାଇଛି। ଏହାକୁ ନିଷେଧ କରିବା ପାଇଁ ଅନ୍ତିମ ନିଷ୍ପତ୍ତି ବିଚର ବିମର୍ଶ କରାଯାଇ ଘୋଷଣା କରାଯିବ।କ୍ରିପ୍ଟୋକରେନ୍ସିରୁ ଲାଭ ଉପରେ ଟିକସ ଦେବା ବିଷୟରେ ସେ କହିଛନ୍ତି ଯେ କ୍ରିପ୍ଟୋକ୍ୟୁରେନ୍ସି କାରବାରରୁ ଉତ୍ପନ୍ନ ଲାଭ ଉପରେ ଟିକସ ଆଦାୟ କରିବା ସରକାରଙ୍କ ଅଧିକାର। ଟ୍ୟାକ୍ସ ଲାଗୁ କରିବା ଅର୍ଥ ନୁହେଁ ଯେ ଏହା ଆଇନଗତ ସିକୃତ ହୋଇଛି। ଏହାକୁ ବୈଧ କରିବା କିମ୍ବା ନକରିବା ଏକ ଭିନ୍ନ ପ୍ରଶ୍ନ । କିନ୍ତୁ ଆମେ ଟିକସ ଲାଗୁ କରିଛୁ କାରଣ ଏହା ସରକାରଙ୍କ ଅଧୀନରେ ଅଛି।

ବାସ୍ତବରେ କ୍ରିପ୍ଟୋକରେନ୍ସି ଉପରେ ଟିକସ ଲାଗୁ ପରେ ଏହାକୁ ସରକାର ଆଇନଗତ ସିକୃତି ବିଷୟରେ ବିରୋଧୀଦଳଙ୍କ ପ୍ରଶ୍ନର ଉତ୍ତରରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି ବଡ କଥା କହିଛନ୍ତି। ସୂଚନାଯୋଗ୍ୟ ଯେ ଫେବୃଆରୀ ୧ ରେ ସଂସଦରେ ୨୦୨୨ ବଜେଟ୍ ଉପସ୍ଥାପନ କରିବାବେଳେ ସୀତାରାମଣ କ୍ରିପ୍ଟୋକରେନ୍ସିରୁ ଲାଭ ଉପରେ ୩୦ ପ୍ରତିଶତ ଟିକସ ଲାଗୁ କରିବାକୁ ଘୋଷଣା କରିଥିଲେ। ଏହା ସହିତ ଅର୍ଥମନ୍ତ୍ରୀ କହିଥିଲେ ଯେ କେବଳ ଆରବିଆଇ ଦ୍ୱାରା ପ୍ରକାଶିତ ‘ଡିଜିଟାଲ୍ ଟଙ୍କା’ ଦେଶରେ ଏକ ଡିଜିଟାଲ୍ ମୁଦ୍ରା ଭାବେ ମାନ୍ୟତା ପାଇବ ବୋଲି କହିଥିଲେ।

କ୍ରିପ୍ଟୋକରେନ୍ସି ଭାରତୀୟ ଅର୍ଥନୀତି ପାଇଁ ବିପଦ 

ଗତକାଲି ଆରବିଆଇ ମୁଦ୍ରା ନୀତି ଘୋଷଣା ଅବସରରେ କ୍ରିପ୍ଟୋକରେନ୍ସି ଭାରତୀୟ ଅର୍ଥନୀତି ପାଇଁ ବିପଦ ବୋଲି କହିଛନ୍ତି ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ। କ୍ରିପ୍ଟୋକରେନ୍ସି ଆମର ଅର୍ଥନୀତି ଏବଂ ବ୍ୟାପକ ଆର୍ଥିକ ସ୍ଥିରତା ପାଇଁ ବିପଦ ବୋଲି ଆରବିଆଇ ଗଭର୍ଣ୍ଣର କହିଛନ୍ତି ।ଗଣମାଧ୍ୟମ ସହ କଥା ହୋଇ ଶକ୍ତିକାନ୍ତ ଦାସ କରିଛନ୍ତି, ‘କ୍ରିପ୍ଟୋକରେନ୍ସିକୁ ନେଇ ଆରବିଆଇର ଆଭିମୁଖ୍ୟ ସ୍ପଷ୍ଟ ରହିଛି । ଘରୋଇ କ୍ରିପ୍ଟୋକରେନ୍ସି ଆମ ଅର୍ଥନୀତି ଏବଂ ବ୍ୟାପକ ଆର୍ଥିକ ସ୍ଥିରତା ପାଇଁ ଏକ ବଡ଼ ବିପଦ’। ଏହାସହ ସେ କହିଛନ୍ତି, ‘କ୍ରିପ୍ଟୋକରେନ୍ସିରେ ନିବେଶକାରୀ ଧ୍ୟାନ ରଖିବା ଜରୁରୀ ଯେ, ସେମାନେ ନିଜ ବିପଦରେ ନିଜ ଅର୍ଥ ନିବେଶ କରୁଛନ୍ତି । ନିବେଶକଙ୍କୁ ଏହା ଅବଗତ କରାଇବା ଆମର କର୍ତ୍ତବ୍ୟ । ନିବେଶକ ଧ୍ୟାନ ରଖିବା ଜରୁରୀ ଯେ, ଏପରି ସମ୍ପତ୍ତିର କୌଣସି ଆଧାର ନଥାଏ’।

ଏହାଛଡା କେନ୍ଦ୍ର ଅର୍ଥମନ୍ତ୍ରୀ ଘୋଷଣା କରିଥିବା ଡିଜିଟାଲ ମୁଦ୍ରା ଉପର ମଧ୍ୟ କେନ୍ଦ୍ରୀୟ ବ୍ୟାଙ୍କ ମତ ରଖିଛି । ଆରବିଆଇ ଡେପୁଟୀ ଗଭର୍ଣ୍ଣର ରବି ଶଙ୍କର କହିଛନ୍ତି, ଏହି ଡିଜିଟାଲ ମୁଦ୍ରା ସାମାନ୍ୟ, ଏବଂ ଫିଜିକଲ ଟଙ୍କା ପରି ହେବ।ଏହାସହ ଆରବିଆଇର ଡେପୁଟୀ ଗଭର୍ଣ୍ଣର, ଡିଜିଟାଲ ମୁଦ୍ରା ଏବଂ କ୍ରିପ୍ଟୋକରେନ୍ସିକୁ ନେଇ ଥିବା ଦ୍ୱନ୍ଦ୍ୱ ମଧ୍ୟ ଦୂର କରିଛନ୍ତି । ସେ କହିଛନ୍ତି, ସାଧାରଣ ନୋଟକୁ ଯେପରି ପର୍ସରେ ରଖାଯାଏ, ସେହିପରି ଡିଜିଟାଲ ମୁଦ୍ରାକୁ ମୋବାଇଲ ଫୋନରେ ରଖାଯାଇପାରିବ । ଡିଜିଟାଲ ମୁଦ୍ରା ଏବଂ କ୍ରିପ୍ଟୋକରେନ୍ସି ମଧ୍ୟରେ ଭିନ୍ନତା ଏହା ଯେ ଡିଜିଟାଲ ମୁଦ୍ରା ଆରବିଆଇ ଦ୍ୱାରା ଜାରି କରାଯିବ।