ବର୍ତ୍ତମାନ ସମୟରେ ଜାହ୍ନବୀ କପୁର ଏବଂ ରାମ ଚରଣଙ୍କ ଅଭିନୀତ ନୂଆ ଚଳଚ୍ଚିତ୍ର 'ପେଡ୍ଡି' କୁ ନେଇ ବିବାଦ ଦେଖାଦେଇଛି। ଏହି ଫିଲ୍ମରେ ନିର୍ଦ୍ଦେଶକ ବୁଚି ବାବୁ ସାନା ଜାହ୍ନବୀଙ୍କ ଚରିତ୍ର ଅଚିୟମ୍ମାକୁ ଅତିମାତ୍ରାରେ ଯୌନୀକରଣ କରିଥିବା ଅଭିଯୋଗ ହୋଇଛି। ଚଳଚ୍ଚିତ୍ର ନିର୍ମାତାଙ୍କ ଏଭଳି ଦୃଷ୍ଟିକୋଣକୁ ଦର୍ଶକମାନେ କଡ଼ା ସମାଲୋଚନା କରୁଛନ୍ତି। ଏହି ପରିପ୍ରେକ୍ଷୀରେ ନିଜେ ଜାହ୍ନବୀ ପୂର୍ବରୁ ଓଭର-ସେକ୍ସୁଆଲାଇଜେସନକୁ ନେଇ ଦେଇଥିବା ଏକ ପୁରୁଣା ବୟାନ ଏବେ ପୁଣିଥରେ ଚର୍ଚ୍ଚାକୁ ଆସିଛି।

ସମ୍ମତି ଉପରେ ଜାହ୍ନବୀଙ୍କ ଗୁରୁତ୍ୱ

ଗତ ଏପ୍ରିଲ୍ ମାସରେ ରାଜ ଶମାନୀଙ୍କ ଏକ ପୋଡକାଷ୍ଟରେ ଭାଗ ନେଇଥିବା ବେଳେ ଜାହ୍ନବୀ କପୁର ଏହି ପ୍ରସଙ୍ଗରେ ଖୋଲାଖୋଲି ମତ ରଖିଥିଲେ। ଚଳଚ୍ଚିତ୍ରରେ ଅଭିନେତ୍ରୀମାନଙ୍କୁ କିପରି ଉପସ୍ଥାପନ କରାଯିବ, ତାହା ସମ୍ପୂର୍ଣ୍ଣ ଭାବରେ 'ସମ୍ମତି' ଉପରେ ନିର୍ଭର କରେ ବୋଲି ସେ କହିଥିଲେ। ଏକ ଉଦାହରଣ ଦେଇ ସେ କହିଥିଲେ ଯେ, "ମୁଁ ପରମ ସୁନ୍ଦରୀରେ ଏକ ଗୀତ ଭିଗି ଶାଢୀ କରିଥିଲି, ଯେଉଁଥିରେ ମୁଁ ଓଦା ଶାଢ଼ୀ ପିନ୍ଧି ଅତ୍ୟନ୍ତ ଆକର୍ଷଣୀୟ ଢଙ୍ଗରେ ନାଚିଥିଲି। ସେହି ଗୀତର ଉଦ୍ଦେଶ୍ୟ ଥିଲା ଦର୍ଶକଙ୍କୁ ଆକର୍ଷିତ କରିବା ଏବଂ ସେଥିପାଇଁ ମୋର ପୂର୍ଣ୍ଣ ସମ୍ମତି ଥିଲା।"

ଅସୁବିଧାଜନକ ଦୃଶ୍ୟ ପାଇଁ 'ନା' କହିବା ଶିଖୁଛନ୍ତି ଅଭିନେତ୍ରୀ

ଏହା ସହିତ ସେ ସ୍ପଷ୍ଟ କରିଥିଲେ ଯେ ବିନା ସମ୍ମତିରେ କୌଣସି ମହିଳାଙ୍କୁ ଅତ୍ୟଧିକ ଯୌନୀକରଣ କରିବା କିମ୍ବା ବସ୍ତୁ ଭଳି ଉପସ୍ଥାପନ କରିବା ଆଦୌ ଗ୍ରହଣୀୟ ନୁହେଁ। "ବିନା ଅନୁମତିରେ ମୋତେ କେହି ଯୌନୀକରଣ କଲେ, ତାହା ମୋତେ ବିଚଳିତ କରେ। ମୁଁ ଏହାକୁ ଆଦୌ ବରଦାସ୍ତ କରିପାରେ ନାହିଁ।" ବୋଲି ସେ ଦୃଢ଼ୋକ୍ତି ପ୍ରକାଶ କରିଥିଲେ। ବର୍ତ୍ତମାନ ସେ ଚଳଚ୍ଚିତ୍ର ନିର୍ମାତା ଏବଂ କ୍ୟାମେରାମ୍ୟାନମାନଙ୍କୁ ଅସହଜ ଆଙ୍ଗେଲରୁ ସୁଟିଂ କରିବାକୁ ମନା କରିବା ଶିଖୁଛନ୍ତି ବୋଲି ମଧ୍ୟ ପ୍ରକାଶ କରିଛନ୍ତି।

ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିକଟରେ ତାଙ୍କ ମଦ୍ୟପାନ ଅଭ୍ୟାସକୁ ନେଇ ସୋସିଆଲ ମିଡିଆରେ ଭାଇରାଲ ହେଉଥିବା ଗୁଜବ ଉପରେ କଡ଼ା ଜବାବ ଦେଇଛନ୍ତି। ରାଜ ଶାମାନୀଙ୍କ ପଡକାଷ୍ଟରେ ଦେଇଥିବା ଏକ ସାକ୍ଷାତକାରର କିଛି ଅଂଶକୁ ଭୁଲ୍ ଉପାୟରେ ଉପସ୍ଥାପନ କରାଯିବା ପରେ ସେ ଆଲକୋହଲ୍ ବା ମଦ ନିଶାର ଶିକାର ହୋଇଥିବା ନେଇ ଖବର ପ୍ରକାଶ ପାଇଥିଲା। ଏହି ମିଥ୍ୟା ଖବରକୁ ନିନ୍ଦା କରିବା ସହ ଜାହ୍ନବୀ ଏକ ସ୍ପଷ୍ଟୀକରଣ ଦେଇଛନ୍ତି।

ମିଥ୍ୟା ଖବର ଉପରେ କଡ଼ା ପ୍ରତିକ୍ରିୟା

ଏହି ବିବାଦ ବଢ଼ିବା ପରେ ମାନସିକ ସ୍ୱାସ୍ଥ୍ୟ ସଂସ୍ଥା ଅମାହା (Amaha) ଏବଂ ଅଫ୍ ଦ ରକ୍ସ (Off The Rocks) ପକ୍ଷରୁ ଏକ ବିବୃତ୍ତି ଜାରି କରାଯାଇଛି, ଯାହାକୁ ଜାହ୍ନବୀ ନିଜ ଇନଷ୍ଟାଗ୍ରାମ ଷ୍ଟୋରୀରେ ସେୟାର କରିଛନ୍ତି। ଏହି ବିବୃତ୍ତିରେ କୁହାଯାଇଛି ଯେ, "ଆମେ ଦେଖିବାକୁ ପାଇଛୁ ଯେ କିଛି ମିଡିଆ ପେଜ୍ ଜାହ୍ନବୀ କପୁରଙ୍କ ମନ୍ତବ୍ୟକୁ ଭୁଲ୍ ଢଙ୍ଗରେ ଉପସ୍ଥାପନ କରୁଛନ୍ତି, ଯାହାକି ଅତ୍ୟନ୍ତ ଚିନ୍ତାଜନକ। ଆମେ ସ୍ପଷ୍ଟ କରିବାକୁ ଚାହୁଁଛୁ ଯେ, ଜାହ୍ନବୀ ଏହି ଆଲୋଚନାରେ କେବଳ ଜଣେ 'କେୟାରଗିଭର୍' (ଯତ୍ନ ନେଉଥିବା ବ୍ୟକ୍ତି) ଏବଂ ସମର୍ଥକ ଭାବରେ ସାମିଲ ହୋଇଛନ୍ତି। ମଦ୍ୟପାନ କିମ୍ବା ନିଶା ସହ ତାଙ୍କର କୌଣସି ବ୍ୟକ୍ତିଗତ ଅଭିଜ୍ଞତା ନାହିଁ। କ୍ଲିକ୍-ବେଟ୍ ପାଇଁ ଏଭଳି ମିଥ୍ୟା ଖବର ପ୍ରସାରଣ କରିବା ସମ୍ବେଦନଶୀଳ ପ୍ରସଙ୍ଗ ପ୍ରତି ଅସମ୍ମାନ ଅଟେ।"

ପଡକାଷ୍ଟରେ କ'ଣ କହିଥିଲେ ଜାହ୍ନବୀ?

ରାଜ ଶାମାନୀଙ୍କ ସହ ଆଲୋଚନା ବେଳେ ଜାହ୍ନବୀ କହିଥିଲେ ଯେ ସେ ନିୟମିତ ମଦ୍ୟପାନ କରନ୍ତି ନାହିଁ, ବରଂ ମଝିରେ ମଝିରେ ପିଅନ୍ତି। ତେବେ କୋଭିଡ୍ ମହାମାରୀ ସମୟରେ ନିଜ ଜୀବନର ଏକ ଅତି କଷ୍ଟଦାୟକ ଘଟଣା ପରେ ସେ ପ୍ରାୟ ଗୋଟିଏ ବର୍ଷ ଧରି ଅଧିକ ମଦ୍ୟପାନ କରିବା ଆରମ୍ଭ କରିଥିଲେ। ସେ ସ୍ପଷ୍ଟ କରିଥିଲେ, "ମୁଁ ମଦ ନିଶାରେ ଅଭ୍ୟସ୍ତ ନଥିଲି କିମ୍ବା ଏହାର ଅପବ୍ୟବହାର କରୁନଥିଲି, କିନ୍ତୁ ସେହି ସମୟରେ ବାରମ୍ବାର ପିଉଥିଲି"। ପରେ ଏହା ତାଙ୍କ ଶରୀର ଉପରେ ଖରାପ ପ୍ରଭାବ ପକାଉଥିବା ଅନୁଭବ କରି ସେ ଏଥିରୁ ନିବୃତ୍ତ ହୋଇଥିଲେ। ହ୍ୟାଙ୍ଗଓଭର୍ ଏବଂ ମଦର ଗନ୍ଧ ତାଙ୍କୁ ବିରକ୍ତ କରୁଥିଲା ବୋଲି ସେ ସାକ୍ଷାତକାରରେ ପ୍ରକାଶ କରିଥିଲେ।

ସେ ନିଜ ପ୍ରିୟଜନଙ୍କୁ ମଦ୍ୟପାନ ସମସ୍ୟା ସହ ସଂଘର୍ଷ କରୁଥିବା ଦେଖିଛନ୍ତି ବୋଲି କହିଥିଲେ, ଯାହାକୁ ନେଇ କିଛି ଗଣମାଧ୍ୟମ ତାଙ୍କୁ ହିଁ ନିଶାଗ୍ରସ୍ତ ବୋଲି ପ୍ରଚାର କରିଥିଲେ।

ବଲିଉଡ୍‌ ଅଭିନେତ୍ରୀ ଅନନ୍ୟା ପାଣ୍ଡେ ଏବେ ତାଙ୍କର ଫିଲ୍ମ ‘ଡ୍ରିମ୍‌ ଗାର୍ଲ-୨’କୁ ନେଇ ବେଶ୍‌ ଆଶାବାଦୀ। ଏଥିରେ ତାଙ୍କ ବିପକ୍ଷରେ ନାୟକ ଭାବେ ଦେଖାଯିବେ ଆୟୁଷ୍ମାନ୍‌ ଖୁରାନା। ଇତିମଧ୍ୟରେ ଅନନ୍ୟା ଏକ ମଲ୍ଟି ଷ୍ଟାର୍‌ ଫିଲ୍ମରେ କାମ କରିବା ପାଇଁ ଇଚ୍ଛା ରଖିଛନ୍ତି। ଫିଲ୍ମଟି ମହିଳାମାନଙ୍କୁ ନେଇ ହେବା ପାଇଁ ସେ ଚାହାନ୍ତି। ତେବେ ଏଭଳି ଏକ ଫିଲ୍ମରେ ସେ ଜାହ୍ନବୀ କପୁର ଓ ସାରା ଅଲ୍ଲୀ ଖାନ୍‌ଙ୍କ ସହ କାମ କରିବା ପାଇଁ ଚାହିଁବେ ବୋଲି କହିଛନ୍ତି। ଏବେ ବଲିଉଡ୍‌ରେ ମଲ୍ଟି ଷ୍ଟାର୍‌ ଫିଲ୍ମ ଏକ ଟ୍ରେଣ୍ଡ୍‌ ହୋଇଛି। ‘ବୀରେ ଦ ୱେଡିଂ’ ଫିଲ୍ମରେ କରିନା କପୁର, ସୋନମ୍‌ କପୁର, ସ୍ବରା ଭାସ୍କର ଏକାଠି କାମ କରିଥିଲେ। ଫରହାନ୍‌ ଅଖତରଙ୍କ ଫିଲ୍ମ ‘ଜି ଲେ ଜରା’ରେ ପ୍ରିୟଙ୍କା ଚୋପ୍ରା, କ୍ୟାଟ୍ରିନା କୈଫ୍‌ ଏବଂ ଆଲିଆ ଭଟ୍ଟ ଏକାଠି କାମ କରିବେ। ଇତିମଧ୍ୟରେ ‘ବୀରେ ଦ ୱେଡି’ର ପ୍ରଯୋଜିକା ରିଆ କପୁର, କରିନା, ତବୁ ଏବଂ କ୍ରୀତି ସାନନ୍‌କୁ ନେଇ ଏକ ଫିଲ୍ମ କରିବେ ବୋଲି ଘୋଷଣା କରିସାରିଲେଣି। ଏଠାରେ ପ୍ରକାଶ ଥାଉ କି, ଅନନ୍ୟା ଏବେ ‘ଡ୍ରିମ୍‌ ଗାର୍ଲ-୨’ ସହ ‘ଖୋ ଗଏ ହମ୍‌ କହାଁ’ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି।

ମାଲୟାଲମ ଫିଲ୍ମ ‘ହେଲେନ୍’ର ହିନ୍ଦୀ ରିମେକ୍‌ରେ ନଜ ଆସିବେ ଅଭିନେତ୍ରୀ ଜାହ୍ନବୀ କପୁର । ହିନ୍ଦୀରେ ଏହି ଫିଲ୍ମର ନାମ ‘ମିଲି’ ରଖାଯାଇଛି । ଜାହ୍ନବୀ ଇତିମଧ୍ୟରେ ଏହି ଫିଲ୍ମର ସୁଟିଂ ମଧ୍ୟ ଆରମ୍ଭ କରିଦେଇଛନ୍ତି ବୋଲି ଚର୍ଚ୍ଚା ହେଉଛି। ଅଗଷ୍ଟ ୪ରୁ ସେ ‘ମିଲି’ର ସୁଟିଂ ଆରମ୍ଭ କରିଛନ୍ତି। ଏହି ଫିଲ୍ମଟିର ହିନ୍ଦୀ ରିମେକକୁ ନେଇ ଏପର୍ଯ୍ୟନ୍ତ କୌଣସି ବିଧିବଦ୍ଧ ଘୋଷଣା କରାଯାଇନାହିଁ । ହେଲେ ଫିଲ୍ମର ଚରିତ୍ରକୁ ଜୀବନ୍ତ କରିବା ଲାଗି ଜାହ୍ନବୀ କିଛି ଦିନ ପୂର୍ବରୁ ଜୋରସୋର୍‌ରେ ପ୍ରସ୍ତୁତି ଚଳାଇଛନ୍ତି। ସବୁଠୁ ଗୁରୁତ୍ବପୂର୍ଣ୍ଣ କଥା ଯେ, ଜାହ୍ନବୀଙ୍କ ପିତା ବୋନି କପୁର ଏବଂ ଜି-ଷ୍ଟୁଡିଓ ମିଳିତ ସହଯୋଗରେ ଏହି ଫିଲ୍ମଟିକୁ ପ୍ରସ୍ତୁତି କରାଯାଉଛି। ପ୍ରଥମ ଥର ପାଇଁ ଜାହ୍ନବୀ ତାଙ୍କ ପିତାଙ୍କ ସହିତ କାମ କରିବାକୁ ଯାଉଛନ୍ତି । ଜାହ୍ନବୀଙ୍କ ସମେତ ଫିଲ୍ମର ମୁଖ୍ୟ ଭୂମିକାରେ ନଜର ଆସିବେ ମନୋଜ ପାହ ଏବଂ ସନ୍ନି କୌଶଲ । ମନୋଜ ଜାହ୍ନବୀଙ୍କ ପିତା ଭୂମିକାରେ ନଜର ଆସିବେ । ସେହିଭଳି ସନ୍ନିଙ୍କ ନାୟିକା ସାଜିବେ ଜାହ୍ନବୀ । ୧୫ ନଭେମ୍ବର ୨୦୧୯ରେ ରିଲିଜ୍ ହୋଇଥିବା ‘ହେଲେନ୍’ ଏକ ସଫଳ ମାଲୟାଲମ୍ ଫିଲ୍ମ | ଏପରିକି ଏହି ଫିଲ୍ମଟିକୁ ଜାତୀୟ ପୁରସ୍କାର ମଧ୍ୟ ମିଳିଛି। ମହାମାରୀ କରୋନା ପାଇଁ ଏବେ ଫିଲ୍ମଟିର ସୁଟିଂ ମୁମ୍ବାଇରେ କରାଯାଉଛି।

ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ଆଜି ୨୪ ବର୍ଷରେ ପଦାର୍ପଣ କରିଛନ୍ତି। ଜାହ୍ନବୀ ତାଙ୍କ ବିବାହକୁ ନେଇ ଏବେଠାରୁ ଯୋଜନା କରିସାରିଛନ୍ତି। ନିକଟରେ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ଜାହ୍ନବୀଙ୍କୁ ପଚାଯାଇଥିଲା ଯେ, ବିବାହକୁ ନେଇ ତାଙ୍କର କ’ଣ ସବୁ ଯୋଜନା ରହିଛି। ଏହାର ଉତ୍ତରରେ ଜାହ୍ନବୀ କହିଥିଲେ ଯେ, ମୋ ମନରେ ସେହିଦିନକୁ ନେଇ ଅନେକ ସ୍ବପ୍ନ ରହିଛି। । ମୁଁ ତିରୁପତିରେ ବିବାହ କରିବାକୁ ଚାହୁଁଛି। ଏହା ଏକ ଘରୋଇ ଫଙ୍କସନ୍‌ ହେବ। ସେହିଦିନ ମୁଁ ଗୋଲ୍‌ଡ୍‌ କାଞ୍ଜିବରମ୍‌ ଶାଢି ପିନ୍ଧିବି। ମୁଁ କେଶରେ ମଲ୍ଲୀମାଳ ଲଗାଇବି। ମୋର ସ୍ବାମୀ ବାହାଘରରେ ଲୁଙ୍ଗି ପିନ୍ଧିବେ ଓ ଆମେ ଦୁହେଁ କଦଳୀପତ୍ରରେ ଖାଇବୁ।