ସ୍ପେନ: ସ୍ପେନର ତାରକା ଟେନିସ୍ ଖେଳାଳି ରାଫେଲ ନାଡାଲ ଗୁରୁବାର ଅବସର ଘୋଷଣା କରିଛନ୍ତି। ପୁରୁଷ ଏକକ ବର୍ଗରେ ନାଡାଲଙ୍କର ୨୨ ଟି ଗ୍ରାଣ୍ଡସ୍ଲାମ ଟାଇଟଲ୍ ଜିତିଛନ୍ତି। କେବଳ ସର୍ବିଆର ନୋଭାକ ଜୋକୋଭିକ୍ ତାଙ୍କ ଅପେକ୍ଷା ଅଧିକ ଗ୍ରାଣ୍ଡସ୍ଲାମ ଜିତିଛନ୍ତି। ନାଡାଲ ଟେନିସର ମହାନ ଖେଳାଳିଙ୍କ ମଧ୍ୟରେ ଅନ୍ଯତମ। ଫ୍ରେଞ୍ଚ ଓପନରେ ନାଡାଲ ତାଙ୍କ କ୍ୟାରିୟରରେ ଅଧିକାଂଶ ଗ୍ରାଣ୍ଡସ୍ଲାମ ଜିତିଛନ୍ତି। ଡେଭିସ୍ କପ୍ ଫାଇନାଲ୍ ନାଡାଲଙ୍କ ପେସାଦାର ଟେନିସ୍ କ୍ୟାରିୟରର ଶେଷ ମ୍ୟାଚ୍ ହେବ।ଆସନ୍ତା ନଭେମ୍ବରରେ ଡେଭିସ କପ୍‌ ଟୁର୍ନାମେଣ୍ଟ ଅନୁଷ୍ଠିତ ହେବ।

Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi

— Rafa Nadal (@RafaelNadal) October 10, 2024

ସୋସିଆଲ ମିଡିଆରେ ଏକ ଭାବପ୍ରବଣ ଭିଡିଓ ପୋଷ୍ଟ କରି ନାଡାଲ ଅବସର ଘୋଷଣା କରିଛନ୍ତି। ନାଡାଲଙ୍କ ନାମରେ ୯୨ ଟି ଏଟିପି ସିଙ୍ଗଲ୍ ଟାଇଟଲ୍ ଅଛି, ସେଥିମଧ୍ୟରେ ୩୬ ଟି ମାଷ୍ଟର୍ ଟାଇଟଲ୍ ଏବଂ ଏକ ଅଲିମ୍ପିକ୍ ସ୍ୱର୍ଣ୍ଣ ପଦକ। ନାଡାଲଙ୍କ ନାମରେ ମଧ୍ୟ ଏକ ବିଶେଷ ସଫଳତା ରହିଛି। ପୁରୁଷ ଟେନିସ୍ ଇତିହାସରେ ସେ କେବଳ ତିନି ଜଣ ଖେଳାଳିଙ୍କ ମଧ୍ୟରୁ ଜଣେ ଯିଏକି ତାଙ୍କ କ୍ୟାରିୟରରେ ଗୋଲ୍ଡେନ ସ୍ଲାମ୍ ପୂରଣ କରିଛନ୍ତି।

ମେଲବର୍ଣ୍ଣ: ଇତିହାସ ରଚିଲେ ରାଫେଲ୍ ନାଦାଲ୍। ସ୍ପେନର ଟେନିସ୍ ଖେଳାଳି ରାଫେଲ୍ ନାଦାଲ୍ ବିଶ୍ଵର ପ୍ରଥମ ପୁରୁଷ ଟେନିସ୍ ଖେଳାଳି ଭାବେ ୨୧ଟି ଗ୍ରାଣ୍ଡ ସ୍ଲାମ୍ ଟ୍ରଫି ଜିତି ଇତିହାସ ସୃଷ୍ଟି କରିଛନ୍ତି। ସେ ଅଷ୍ଟ୍ରେଲିଆନ୍ ଓପନର ଫାଇନାଲ ମ୍ୟାଚରେ ରୁଷୀୟ ଟେନିସ ଖେଳାଳି ଡାନିଏଲ୍ ମେଦଭେଦବଙ୍କୁ ଏକ ସଂଘର୍ଷମୟ ମୁକାବିଲାରେ ପରାନ୍ତ କରିଛନ୍ତି। ଏହା ନାଦାଲଙ୍କ କ୍ୟାରିଅରର ଦ୍ଵିତୀୟ ଅଷ୍ଟ୍ରେଲିଆନ୍ ଓପନ୍ ଟାଇଟେଲ।

ଏହି ଟାଇଟେଲ ସହ ନାଦାଲ୍ ଅନ୍ୟ ଦୁଇ ମହାନ ଖେଳାଳି ସ୍ଵିଜରଲ୍ୟାଣ୍ଡର ରୋଜର ଫେଡେରର ଓ ସର୍ବିଆର ନୋଭାକ୍ ଜୋକୋଭିଚଙ୍କୁ ପଛରେ ପକାଇ ଦେଇଛନ୍ତି । ଫେଡେରର୍ ଓ ଜୋକୋଭିଚ୍ ୨୦ଟି ଲେଖାଏଁ ଗ୍ରାଣ୍ଡ୍ ସ୍ଲାମ୍ ଟ୍ରଫି ଜିତିଛନ୍ତି।

ସୂଚନା ଅନୁଯାୟୀ, ୨୦୦୯ରେ ନାଦାଲ୍ ପ୍ରଥମ ଥର ପାଇଁ ଅଷ୍ଟ୍ରେଲିଆନ୍ ଓପନ୍ ଟ୍ରଫି ଜିତିଥିଲେ। ଏହାପରେ ସେ ୪ ଥର ଅଷ୍ଟ୍ରେଲିଆନ୍ ଓପନର ଫାଇନାଲରେ ହାରି ଯାଇଥିଲେ।