ରାଜସ୍ଥାନର ଅଲୱର ଜିଲ୍ଲାରେ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ମଙ୍ଗଳବାର ଦିନ ଏଠାରେ ମାଟି ତଳୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ଏହି ଘଟଣା ପ୍ରଚାରିତ ହେବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ପ୍ରାଥମିକ ତଦନ୍ତରୁ ଏହା ଏକ ହତ୍ୟାକାଣ୍ଡ ବୋଲି ପୋଲିସ ସନ୍ଦେହ କରୁଛି।

ଘଟଣାସ୍ଥଳରେ ପୋଲିସର ତଦନ୍ତ

ସୂଚନା ମୁତାବକ, ଅଲୱରର ଏକ ନିର୍ଜନ ସ୍ଥାନରେ କିଛି ଲୋକ ମାଟି ତଳେ ଏକ ମୃତଦେହ ପୋତା ଯାଇଥିବା ସନ୍ଦେହ କରିଥିଲେ। ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମାଟି ଖୋଳିବା ପରେ ଯୁବକଙ୍କ ମୃତଦେହ ଜବତ କରିଥିଲା। ମୃତଦେହଟିକୁ ବ୍ୟବଚ୍ଛେଦ ପାଇଁ ପଠାଯାଇଛି ଏବଂ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ।

ହତ୍ୟା ନା ଅନ୍ୟ କିଛି?

ପୋଲିସର କହିବା ଅନୁଯାୟୀ, ମୃତକଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରି ନାହିଁ। ଦୁର୍ବୃତ୍ତମାନେ ଯୁବକଙ୍କୁ ହତ୍ୟା କରିବା ପରେ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ମୃତଦେହକୁ ମାଟି ତଳେ ପୋତି ଦେଇଥିବା ଅନୁମାନ କରାଯାଉଛି। ଏଫଏସଏଲ (FSL) ଟିମ୍ ମଧ୍ୟ ଘଟଣାସ୍ଥଳରେ ପହଞ୍ଚି ନମୁନା ସଂଗ୍ରହ କରିଛି। ପୋଲିସ ଏକ ମାମଲା ରୁଜୁ କରି ତଦନ୍ତ ପ୍ରକ୍ରିୟାକୁ ଜୋରଦାର କରିଛି।

ରାଜସ୍ଥାନ: ରାଜସ୍ଥାନର ଅଲୱରରୁ ଆସିଲା ଏକ ଛାତି ଥରା ଘଟଣା । ଜଣେ ଭିନ୍ନକ୍ଷମ ନାବାଳିକାକୁ ଗଣ ଦୁଷ୍କର୍ମ କରିବା ପରେ ଓଭରବ୍ରିଜ ନିକଟରେ ଫିଙ୍ଗିଦେଲେ ଅଭିଯୁକ୍ତ। ଖାଲି ଏତିକି ନୁହେଁ ଅଭିଯୁକ୍ତମାନେ ତାଙ୍କ ଗୁପ୍ତାଙ୍ଗରେ ତୀକ୍ଷ୍ଣ ଜିନିଷରେ ଆଘାତ କରିଥିବା ଜଣାପଡ଼ିଛି। ରାଜସ୍ଥାନରେ ଦିଲ୍ଲୀର ନିର୍ଭୟାକାଣ୍ଡର ପୁନରାବୃତ୍ତି ଘଟିଥିବା ହେତୁ ରାଜନୀତିରେ ଉତ୍ତେଜନା ଦେଖାଦେଇଛି।  ଏହି ଘଟଣା ପରେ ପୁଲିସ ବିଭାଗରେ ଆଲୋଡ଼ନ ସୃଷ୍ଟି ହୋଇଛି। ଅଭିଯୁକ୍ତକୁ ଗିରଫ କରିବା ପାଇଁ ଏସଆଇଟି ଟିମ୍ ଗଠନ କରାଯାଇଛି। କିନ୍ତୁ ଅଦ୍ୟାବଧି ଅଭିଯୁକ୍ତମାନେ ପୁଲିସ ଦ୍ୱାରା ଧରାପଡି ନାହାଁନ୍ତି।

ସୂଚନା ଅନୁଯାୟୀ,  ମଙ୍ଗଳବାର ଦିନ ପୀଡିତାଙ୍କୁ ଅଲୱରର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠାରେ ଡାକ୍ତରମାନେ ଉକ୍ତ ନାବାଳିକାର ରକ୍ତସ୍ରାବ ବନ୍ଦ କରିବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ। ବୁଧବାର ତାଙ୍କୁ ଚିକିତ୍ସା ପାଇଁ ଜୟପୁରର ଜେ.କେ ଲନ ଡାକ୍ତରଖାନାକୁ ନିଆଯାଇଥିଲା। ପ୍ରାୟ ଅଢେଇ ଘଣ୍ଟା ଅପରେସନ୍ କରିବା ପରେ ଡାକ୍ତରମାନେ କହିଛନ୍ତି ଯେ ପୀଡିତା ବର୍ତ୍ତମାନ ବିପଦରୁ ବାହାରିଛନ୍ତି। ରାଜସ୍ଥାନ ମନ୍ତ୍ରୀ ପାର୍ସାଡି ଲାଲ ମୀନା କହିଛନ୍ତି ଯେ ଡାକ୍ତରମାନେ ସଫଳତାର ସହ ଅପରେସନ୍ କରିଛନ୍ତି ଏବଂ ସେ ବର୍ତ୍ତମାନ ବିପଦ ମୁକ୍ତ ଅଛନ୍ତି।

ଖବର ଅନୁଯାୟୀ, ଉକ୍ତ ନାବାଳିକାର ଆଭ୍ୟନ୍ତରୀଣ ଶରୀରର ଅଙ୍ଗ ନଷ୍ଟ ହୋଇଯାଇଥିଲା ଏବଂ ସେ ବର୍ତ୍ତମାନ ଜେ.କେ ଲନ୍ ହସ୍ପିଟାଲର ଇଣ୍ଟେନ୍ସିଭ୍ କେୟାର ୟୁନିଟରେ ଅଛନ୍ତି। ଆଭ୍ୟନ୍ତରୀଣ ଅଙ୍ଗଗୁଡ଼ିକରେ ଅନେକ ଗଭୀର ଆଘାତ ଲାଗିଛି। ସେପଟେ ପୁଲିସ ଅଭିଯୁକ୍ତକୁ ଧରିବାକୁ ଚେଷ୍ଟା କରୁଥିବା କହିଛି। ୨୫ କିଲୋମିଟର ପରିସର ମଧ୍ୟରେ ସ୍ଥାପିତ ୩୦୦ ରୁ ଅଧିକ ସିସିଟିଭି କ୍ୟାମେରାରୁ ଫୁଟେଜ ଯାଞ୍ଚ କରିଥିବା ପୁଲିସ କହିଛି।  ତଥାପି ଏ ପର୍ଯ୍ଯନ୍ତ କୌଣସି ପ୍ରମାଣ ମିଳିନାହିଁ।

ପାର୍ସାଦୀ ଲାଲ ମୀନା କହିଛନ୍ତି ଯେ, ଏହି ଘଟଣାର ତଦନ୍ତ ପାଇଁ ଏକ ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଗଠନ କରାଯାଇଛି ଏବଂ ଅଭିଯୁକ୍ତକୁ ଶୀଘ୍ର ଗିରଫ କରାଯାଇ କୋର୍ଟ ଚାଲାଣ କରାଯିବ। ଖୁବ ଶୀଘ୍ର ଦୋଷୀମାନକୁ ଗିରଫ କରାଯିବ ବୋଲି ରାଜସ୍ଥାନର ମହିଳା ଓ ଶିଶୁ ବିକାଶ ମନ୍ତ୍ରୀ ମମତା ଭୁପେଶ ଆଶ୍ୱାସନା ଦେଇଛନ୍ତି।

ମମତା ଭୁପେଶ ମଧ୍ୟ ଉକ୍ତ ନାବାଳିକା ପରିବାରକୁ ୬ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି। ୬ ଲକ୍ଷ ଟଙ୍କା ମଧ୍ୟରୁ ୫ ଲକ୍ଷ ଟଙ୍କା ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଏବଂ ୧ ଲକ୍ଷ ଟଙ୍କା ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପ୍ରଦାନ କରିଛନ୍ତି। ସେହିପରି ସାମାଜିକ ନ୍ୟାୟ ମନ୍ତ୍ରୀ ଟିକରାମ ଜୁଲି ମଧ୍ୟ ଅଲୱାରରେ ପୀଡିତାଙ୍କ ପରିବାର ସଦସ୍ୟଙ୍କୁ ୩.୫ ଲକ୍ଷ ଟଙ୍କା ଆର୍ଥିକ ସହାୟତା ଘୋଷଣା କରିଛନ୍ତି।