ଭୁବନେଶ୍ୱର: ଖରାଛୁଟିରେ ଛାତ୍ରଛାତ୍ରୀଙ୍କୁ ମିଳିବ ଆଇରନ ଓ ଫଲିକଏସିଡ ଟ୍ୟାବଲେଟ। ୧୯ଏପ୍ରିଲରୁ ୧୬ଜୁନ ଯାଏ ଘରକୁ ଯାଇ ଟ୍ୟାବଲେଟ ବଣ୍ଟାଯିବ। ଶିକ୍ଷକମାନଙ୍କୁ ଟ୍ୟାବଲେଟ ବାଣ୍ଟିବାକୁ ଚିଠି ଜରିଆରେ ନିର୍ଦ୍ଦେଶ ଦେଲେ। ବିଦ୍ୟାଳୟ ଓ ଗଣଶିକ୍ଷା ବିଭାଗ ଅମ୍ଳାନ କାର୍ଯ୍ୟକ୍ରମ ଜରିଆରେ ଆନେମିଆ ଦୂରୀକରଣ ଲକ୍ଷ୍ୟ ରଖାଯାଇଛି। ଛାତ୍ରଛାତ୍ରୀ ପିଛା ୮ଟି IFA ଟ୍ୟାବଲେଟ ଦିଆଯିବ। ପିଙ୍କ ଟ୍ୟାବଲେଟ ପ୍ରଥମରୁ ପଞ୍ଚମ ଓ ବ୍ଲୁ ଟ୍ୟାବଲେଟ ଷଷ୍ଠରୁ ଦ୍ଲୱାଦଶ ଛାତ୍ରଛାତ୍ରୀଙ୍କୁ ଦିଆଯିବ। ଏକ୍ସପାରି ଡେଟ ଯାଞ୍ଚ ପରେ ଅଭିଭାବକଙ୍କୁ ହସ୍ତାନ୍ତର ହେବ ଟ୍ୟାବଲେଟ। ଏକ୍ସପାରି ଟ୍ୟାବଲେଟକୁ ନବାଣ୍ଟି। ସ୍ୱାସ୍ଥ୍ୟ ବିଭାଗକୁ ଫେରସ୍ତ କରାଯିବ।

ଅଭିଭାବକଙ୍କୁ ଟ୍ୟାବଲେଟ ହସ୍ତାନ୍ତର ପୂର୍ବରୁ ଏହାର ମୋଡାଲିଟି ସଂପର୍କରେ ଅବଗତ କରାଯିବ। ପ୍ରତି ଛାତ୍ରଛାତ୍ରୀ ସୋମବାର ଗୋଟିଏ IFA ଟ୍ୟାବଲେଟ ଲଞ୍ଚ ବା ଡିନର ଖାଇବା ପରେ ଖାଇବେ। ତାପରେ ଗୋଟିଏ ଗ୍ଲାସ ପାଣି ପିଇବେ। ଏସବୁ ଅଭିଭାବକଙ୍କ ଉପସ୍ଥିତିରେ କରାଯିବ। ଆବଶ୍ୟକସ୍ଥଳେ ସ୍କୁଲ SMC ଏହାର ତଦାରଖ କରିବ। ଟାଣ ଖରା ଯୋଗୁଁ SRC ଙ୍କ ଗାଇଡଲାଇନ ମାନି ସକାଳେକି ସାନ୍ଧ୍ୟ ସମୟରେ ଏହି ଟ୍ୟାଵଲେଟ ଘରକୁ ଯାଇ ବାଣ୍ଟିବେ ଶିକ୍ଷକ। ରଘୁରାମ ଆର. ଆୟର, ରାଜ୍ୟ ନୋଡାଲ ଅଫିସର।

ଗର୍ଭସ୍ଥ ଶିଶୁର ଶରୀର ଗଠନରେ ଫୋଲିକ୍‌ ଏସିଡ୍‌ର ଆବଶ୍ୟକତା ପଡ଼ିଥାଏ। ଏହାର ଅଭାବରେ ଗର୍ଭସ୍ଥ ଶିଶୁ ବିକଳାଙ୍ଗ ମଧ୍ୟ ହୋଇପାରେ। ସେଥିପାଇଁ ପ୍ରତ୍ୟେକ ମହିଳା ପ୍ରଜନନ ବୟସରେ ଗର୍ଭଧାରଣର ତିନିମାସ ପୂର୍ବରୁ ଓ ଗର୍ଭଧାରଣର ତିନିମାସ ପର୍ଯ୍ୟନ୍ତ ଦୈନିକ ୪୦୦ ମାଇକ୍ରୋଗ୍ରାମ୍‌ ଫଲିକ୍‌ ଏସିଡ୍‌ ସେବନ କରିବା ଆବଶ୍ୟକ। ତେଣୁ ଏ ସମ୍ପର୍କିତ ଜନ ସଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ଜାନୁଆରୀ ମାସ ୩ତାରିଖରୁ ୯ ତାରିଖ ପର୍ଯ୍ୟନ୍ତ ନ୍ୟାସନାଲ୍‌ ଫୋଲିକ୍‌ ଏସିଡ୍‌ ସପ୍ତାହ ପାଳନ କରାଯାଉଛି।

ଫଲିକ୍‌ ଏସିଡ୍‌ ଭିଟାମିନ୍ ଜୀବସାର ଖ(ଭିଟାମିନ୍ ବି) ଦଳର ସଦସ୍ୟ। ଏହାକୁ ମଧ୍ୟ ଭିଟାମିନ୍ ୯ ବା ଫୋଲିକ୍‌ କୁହାଯାଏ। ହେମାଟୋଲୋଜିଷ୍ଟ ଲୁସି ଭବାଲିସ୍‌ ଦ୍ବାରା ଆବିଷ୍କୃତ ଏହି ଭିଟାମିନ୍‌ର ନାମକରଣ ୧୯୪୧ ମସିହାରେ କରାଯାଇଥିଲା। ଫଲିକ୍‌ ଏକ ଅତ୍ୟାବଶ୍ୟକୀୟ ପୋଷକତତ୍ତ୍ବ, ଯାହା ଡିଏନ୍‌ଏ ଓ ଆର୍‌ଏନ୍‌ଏ ଗଠନରେ ସାହାଯ୍ୟ କରିଥାଏ। ଜୀବକୋଷଗୁଡ଼ିକର ବୃଦ୍ଧି ତଥା ବିଭାଜନ ପ୍ରକ୍ରିୟାରେ ବ୍ୟବହୃତ ହେଉଥÒବା ଆମିନୋ ଏସିଡ୍‌ ଗୁଡ଼ିକର ମେଟାବୋଲିଜମ୍‌ ଏହି ଭିଟାମିନ୍‌ ଦ୍ବାରା ହୋଇଥାଏ। ଏହାର ଅଭାବରେ ରକ୍ତହୀନତା, ବନ୍ଧ୍ୟା ଦୋଷ, କ୍ୟାନସର୍‌ ଓ ହୃଦରୋଗ ଆଦି ସୃଷ୍ଟି ହୋଇଥାଏ।

ଗର୍ଭଧାରଣ ପାଇଁ ଶୁକ୍ରାଣୁ ଓ ଡିମ୍ବାଣୁର ବୃଦ୍ଧି ତଥା ଗର୍ଭସ୍ଥ ଶିଶୁର ଶରୀର ଗଠନରେ ଫଲିକ୍‌ ଏସିଡ୍‌ର ଆବଶ୍ୟକତା ପଡ଼ିଥାଏ। ଏହାର ଅଭାବରେ ଗର୍ଭସ୍ଥ ଶିଶୁ ବିକଳାଙ୍ଗ ମଧ୍ୟ ହୋଇପାରେ। ଶିଶୁର ମସ୍ତିଷ୍କ ତଥା ସୁଷୁମ୍ନା କାଣ୍ଡର ବୃଦ୍ଧି ଜନିତ ରୋଗକୁ ନିଉରାଲ୍‌ ଟ୍ୟୁବ୍‌ ଡିଫେକ୍ଟ କୁହାଯାଏ। ସେଥିପାଇଁ ପ୍ରତ୍ୟେକ ମହିଳା ପ୍ରଜନନ ବୟସରେ ଗର୍ଭଧାରଣର ତିନିମାସ ପୂର୍ବରୁ ଓ ଗର୍ଭଧାରଣର ତିନିମାସ ପର୍ଯ୍ୟନ୍ତ ଦୈନିକ ଫଲିକ୍‌ ଏସିଡ୍‌ ୪୦୦ ମାଇକ୍ରୋଗ୍ରାମ୍‌ ସେବନ କରିବା ନିତାନ୍ତ ଆବଶ୍ୟକ। ଯେଉଁ ଦେଶଗୁଡ଼ିକରେ ଏହି ରୋଗର ମାତ୍ରା ଅଧିକ, ସେଠାରେ ଖାଦ୍ୟ ସହିତ ଫଲିକ୍ ମିଶାଇ (ଫଟିଫିକେସନ୍‌ ସେବନ ପାଇଁ ପରାମର୍ଶ ଦିଆଯାଇଥାଏ।

ଫଲିକ୍‌ ଅଭାବରେ ଲୋହିତ ରକ୍ତ କଣିକା ଗୁଡ଼ିକର ବୃଦ୍ଧି ତଥା ବିଭାଜନ ପ୍ରକ୍ରିୟାରେ ତ୍ରୁଟି ପରିଲକ୍ଷିତ ହୋଇଥାଏ। ଏହାଦ୍ବାରା ମେଗାଲୋବ୍ଲାଷ୍ଟିକ୍‌ ଏନିମିଆ ରୋଗ ହୋଇଥାଏ। ଶାରୀରିକ ଦୁର୍ବଳତା ସହିତ ପାଟି ଓ ଜିଭରେ ଘାଆ ତଥା ଚର୍ମ ଓ ଲୋମର ରଙ୍ଗ ବଦଳି ଯାଇଥାଏ। ଏହାର ଅଭାବରେ ଅନ୍ତନଳୀ, ସ୍ତନ, ଅଗ୍ନାଶୟ, ଡିମ୍ବାଶୟ, ଓ ପ୍ରୋଷ୍ଟେଟ୍‌ କ୍ୟାନସର୍‌ ହୋଇଥାଏ। ଦୃଦ୍‌ରୋଗ (ଷ୍ଟ୍ରୋକ୍‌), ମାନସିକ ବିଷାଦ, ବିସ୍ମରଣ ଓ ଆଲ୍‌ଜିମର୍‌ ଆଦି ରୋଗ ଏହାର ଅଭାବ ଦ୍ବାରା ହୋଇଥାଏ। ଫଲେଟ୍‌ ମନୁଷ୍ୟ ଶରୀରରେ ତିଆରି ହୋଇନଥାଏ। ଏହା ଖାଦ୍ୟରୁ ମିଳିଥାଏ। ସବୁଜ ପନିପରିବା, ଗଜାମୁଗ, ଶାଗ, ଫଳ, କୋବି, ବିନ୍‌, ବାଦାମ, ଡାଲି, ମାଛ, ଚିଙ୍ଗୁଡ଼ି, କଙ୍କଡ଼ା, ମାଂସ (କଲିଜା) ଓ କ୍ଷୀର ଜାତୀୟ ଖାଦ୍ୟରେ ଏହି ଭିଟାମିନ୍‌ ପ୍ରଚୁର ପରିମାଣରେ ଥାଏ। ଫଲିକ୍‌ ସହିତ ଭିଟାମିନ୍‌ ୧୨ ଓ ଆଇରନ୍‌ ମିଶାଇ ସେବନ କଲେ ଲୋହିତ ରକ୍ତ କଣିକାଗୁଡ଼ିକର ସର୍ବାଙ୍ଗିନ ବୃଦ୍ଧି ହୋଇଥାଏ। ଏହି ବଟିକା ବଜାରରେ ଉପଲବ୍ଧ ହୋଇଥାଏ। ହୃଦ୍‌ରୋଗରେ ପୀଡ଼ିତ ଲୋକମାନଙ୍କୁ ଏହି ଭିଟାମିନ୍‌ ପ୍ରତିଷେଧକ ଭାବରେ ଦିଆଯାଇଯାଏ।

(ଡାକ୍ତର ଗୋପାଳଚନ୍ଦ୍ର ଦାଶ ,ଅବସରପ୍ରାପ୍ତ ମୁଖ୍ୟ ଚିକିତ୍ସା ନିର୍ଦ୍ଦେଶକ, ଭାରତୀୟ ରେଲୱେ)